အခန်း (၄၂) လေထဲမှ လွင့်စင်သွားခဲ့တဲ့ ကတိတစ်ခု

ယဲ့ချင်းယွမ်သည် အဘိုးအိုပိုင်၏ အဆက်အသွယ်များအကြောင်း ကြားရသောအခါ ဝမ်းသာသွားသည်။ 

သူသည် မိသားစုကို ဖျက်ဆီးခဲ့သူကို လက်စားချေရန် ကြုံးဝါးနေသော်လည်း အဘိုးအိုပိုင်ကမူ ယဲ့ချင်းယွမ်၏ ကြောက်မက်ဖွယ်ကောင်းသော ကံတရားကြောင့် သူသည် မည်သည့်အခက်အခဲကြုံပါစေ ပို၍သာ အင်အားကြီးလာလိမ့်မည်ဟု ယုံကြည်နေသည်။

တစ်ဖက်တွင်လည်း ယဲ့ချင်းယွမ်၏ငယ်သူငယ်ချင်း မူလီအာက သူမနှင့်အတူ ဈေးဝယ်ထွက်ရန် ပူဆာနေပြီး ယဲ့ချင်းယွမ်ကို သူမ၏အနာဂတ်လက်တွဲဖော်အဖြစ် စိတ်ကူးယဉ်နေသည်။

ဖုန်းဟွားမျှော်စင်၏ VIP အခန်းအတွင်း၌ ရှောင်လင်းမှာ ခမ်းနားထည်ဝါမှုများကြောင့် အံ့အားသင့်နေစဉ် ကူဟန်ကတော့ တည်ငြိမ်စွာပင် မျှော်စင်ရှင်ကို အဘယ်ကြောင့် သူ့ကို ဖိတ်ကြားရသနည်းဟု မေးမြန်းလိုက်သည်။

မျှော်စင်ရှင်က ရိုသေစွာဖြင့် "သခင်မလေးက အမိန့်ပေးထားလို့ပါ သခင်လေးကူဟန် ဘာလိုအပ်သလဲ ကျွန်မတို့ အစွမ်းကုန် ကူညီပေးပါ့မယ်" ဟု ပြန်ပြောသည်။

ကူဟန်သည် ထို "သခင်မလေး" ဆိုသူမှာ ရှားပင်းလီဖြစ်ကြောင်း ချက်ချင်း ရိပ်မိသွားပြီး ဤမျှော်စင်သည်လည်း သူမ၏ မိသားစုပိုင်ဆိုင်မှု ဖြစ်နေသည်ကို အံ့သြသွားသည်။

မြို့ထဲတွင်မူ ချူးယိုဝေ လျိုယုရန် နှင့် လော့ပိုင်ကျိ တို့သည် မီးထွန်းပွဲတော်အတွင်း လျှောက်လည်နေကြသည်။ လှပသော သူတို့သုံးဦးကို လာရောက်ပိုးပန်းကြသူများပြားသဖြင့် စိတ်အနှောင့်အယှက် ဖြစ်နေကြသည်။

သူတို့သည် "အစ်ကိုကြီးသာရှိရင် သိပ်ကောင်းမှာပဲ" ဟု တမ်းတမိကြသည်။ အရင်ကဆိုလျှင် ကူဟန်သည် သူတို့ စိတ်အနှောင့်အယှက် မဖြစ်စေရန် အရာရာကို သေချာ စီစဉ်ပေးတတ်သောကြောင့် ဖြစ်သည်။

သူတို့သည် တခြားတိုက်ကြီးများမှ ထူးခြားသော ပစ္စည်းများ ရောင်းချသည့် လမ်းထဲသို့ ရောက်ရှိလာသည်။ အရင်က ကူဟန် ပြောပြဖူးသော တခြားကမ္ဘာများအကြောင်းမှာ အမှန်တကယ် ဖြစ်နေသည်ကို တွေ့ရသဖြင့် သူတို့အံ့သြဝမ်းသာ ဖြစ်သွားကြသည်။

လျိုယုရန် သည် အရင်က ကူဟန်ပေးခဲ့သော "တစ်နေ့မှာ တခြားတိုက်ကြီးတွေကို အတူတူ လည်ပတ်ကြမယ်" ဆိုသည့် ကတိများကို သတိရပြီး စိတ်လှုပ်ရှားစွာဖြင့် ဘေးနားရှိ ကူဟန်၏ လက်မောင်းကို လှမ်းဖမ်းဆွဲရန် ကြိုးစားလိုက်သည်။ သို့သော် သူမ၏ လက်ထဲတွင် ဆုပ်ကိုင်မိသည်မှာ လေဟာနယ်သာ ဖြစ်နေသည်။

သူမ ရုတ်တရက် သတိဝင်လာသည်။ အစ်ကိုကြီးသည် အရင်ကလို သူမအနားမှာ မရှိတော့သလို အရင်လို နူးညံ့သောသူလည်း မဟုတ်တော့ပေ။

သူတို့၏ လှပသော အတိတ်က ကတိစကားများသည် ယခုအခါ လေထဲတွင် လွင့်စင်ပျောက်ကွယ်သွားခဲ့ပြီ ဖြစ်သည်။