အခန်း (၂၀) ငါဘယ်သွားသွား မင်းနဲ့ဘာဆိုင်လဲ

တစ်ချိန်တည်းမှာပင် မြစ်စတီကန်တောင်ထိပ်၏ (၁၃) ခုမြောက် တောင်ကုန်း၌

"ဘယ်လို... ဒါမျိုး ဘယ်လိုဖြစ်ရတာလဲ"

ဒေါသအရှိန်ကြောင့် အက်ရှရှအော်ဟစ်သံတစ်ခု ထွက်ပေါ်လာသည်။

ယဲ့ချင်းယွမ်၏ မျက်လုံးများမှာ သွေးတက်နေပြီး အလွန်အမင်း ဒေါသထွက်နေသည်။ သူသည် ကျင့်စဉ်အဆင့်တက်ရန် အာရုံစိုက်နေစဉ်မှာပင် သူ၏ယဲ့မိသားစုတစ်စုလုံး အသတ်ခံလိုက်ရပြီး ပျောက်ကွယ်သွားပြီဟူသော သတင်းဆိုးကို ကြားလိုက်ရခြင်း ဖြစ်သည်။

သူ့ကို ပြုစုပျိုးထောင်ပေးခဲ့သော ဘကြီး၊ ဦးလေးများမှာ ရက်ရက်စက်စက် သတ်ဖြတ်ခံခဲ့ရပြီး သူ၏ ညီမငယ်နှင့် ဝမ်းကွဲညီမသာလျှင် ထွက်ပြေးလွတ်မြောက်သွားခဲ့သည်။

ပို၍ဆိုးသည်မှာ ထိုလူသတ်သမားများသည် အညှိုးအတေးကြီးစွာဖြင့် ကြက်ဥကအစ အကုန်ချေမွကာ တီကောင်ကိုတောင် ဒေါင်လိုက်ပိုင်းဖြတ်သည့်အထိ ရက်စက်ခဲ့ကြခြင်းပင်။

"ဘိုးဘိုးပိုင် ကျွန်တော့်မိသားစုကို တိုက်ခိုက်တဲ့သူတွေက ဘယ်သူတွေလဲဆိုတာ ခင်ဗျားရဲ့ ပုံရိပ်ယောင်နဲ့ မသိလိုက်ဘူးလား"

ယဲ့ချင်းယွမ်၏ စကားအဆုံးတွင် ဟင်းလင်းပြင် တုန်ခါသွားပြီး ဝိညာဉ်အခြေအနေဖြင့်ရှိသော ဘိုးဘိုးပိုင်ပေါ်လာသည်။

သူသည် ယဲ့ချင်းယွမ် ငယ်စဉ်က တွေ့ရှိခဲ့သော လျှို့ဝှက်ဆန်းပြားသည့် ပညာရှင်ကြီးတစ်ဦး ဖြစ်သည်။

အဲဒီလူတွေက အစွမ်းထက်ရုံတင်မကဘူး သူတို့ရဲ့ အငွေ့အသက်ကို ဖုံးကွယ်ထားတဲ့ ရတနာတွေလည်း ပါလာကြတယ်။

အခြေအနေက အရမ်းစိုးရိမ်ရတာကြောင့် မင်းရဲ့ညီမတွေကိုပဲ အတင်းကယ်ထုတ်ခဲ့ရပြီး သူတို့ရဲ့ အထောက်အထားကို မစုံစမ်းနိုင်ခဲ့ဘူးဟု ဘိုးဘိုးပိုင်က သက်ပြင်းချရင်း ပြောလိုက်သည်။

ယဲ့ချင်းယွမ်သည် တောင်အောက်သို့ဆင်းကာ လက်စားချေရန် ပြင်သော်လည်း ဘိုးဘိုးပိုင်က တားဆီးခဲ့သည်။

 "အခုသွားရင် သူတို့ထောင်ထားတဲ့ ထောင်ချောက်ထဲ တည့်တည့်တိုးလိမ့်မယ်။ မင်းရဲ့ ပါရမီနဲ့ဆိုရင် နောင်တစ်ချိန်မှာ ဒီထက်မက အစွမ်းထက်လာမှာပါ။ အဲဒီအချိန်ကျမှ လက်စားချေတာ မနောက်ကျပါဘူး။"

ဘိုးဘိုးပိုင်၏ ဖျောင်းဖျမှုကြောင့် ယဲ့ချင်းယွမ် စိတ်ကို ပြန်ထိန်းလိုက်သည်။ "ဘယ်သူပဲဖြစ်ဖြစ် ငါသိတဲ့နေ့ကျရင် မင်းတို့ကို အဆပေါင်း တစ်ရာပြန်ပေးဆပ်စေရမယ်"

[ဒေါင် ပိုင်ရှင်၏ သွယ်ဝိုက်သော နည်းလမ်းများကြောင့် ဇာတ်လိုက် ယဲ့ချင်းယွမ်၏ ကျင့်ကြံခြင်းတာအိုနှလုံးအနည်းငယ် ထိခိုက်သွားပါသည်။ ဗီလိန်မှတ် ၁၅၀၀ ရရှိပါသည်။]

ဓားပျံစီးရင်း ခရီးထွက်လာသော ကူဟန်သည် စနစ်၏ အသိပေးချက်ကြောင့် ပြုံးလိုက်သည်။ ယဲ့ချင်းယွမ်အနေဖြင့် သူ့မိသားစု ပျက်စီးသွားသည်ကို ဤမျှမြန်မြန် သိလိမ့်မည်ဟု သူ မထင်ထားခဲ့ပေ။

ဇာတ်လိုက်၏ ညီမနှစ်ယောက်မှာ မြောက်ဘက်တောင်တန်းဆီသို့ ထွက်ပြေးသွားကြောင်း သူသိထားသည်။ သူသည် ထိုနှစ်ယောက်ကို ငါးစာအဖြစ်သုံး၍ ယဲ့ချင်းယွမ်ကို ဆွဲထုတ်ရန် အစီအစဉ်ရှိသည်။

ကူဟန် ဂိုဏ်းပြင်ပသို့ ထွက်ခွာလာချိန်တွင် ဂိုဏ်းအကြီးအကဲအချို့က သူ့ကို စောင့်ကြည့်နေကြသည်။ သူ ဂိုဏ်းကနေ ထွက်ပြေးသွားမည်ကို စိုးရိမ်နေကြခြင်း ဖြစ်သည်။

"စီနီယာအစ်ကိုကြီး အစ်ကိုကြီး ဘယ်သွားမလို့လဲ ကျွန်မလည်း လိုက်ခဲ့လို့ရမလား"

နောက်ဘက်မှ ချိုသာသော အသံလေး ထွက်ပေါ်လာသည်။ သူမကား လော့ပိုင်ကျိဖြစ်သည်။ သူမသည် ထူးခြားသော "ဓားနှလုံး"ကို ပိုင်ဆိုင်ထားသူဖြစ်ပြီး နောင်တစ်ချိန်တွင် နာမည်ကျော် ဓားနတ်သမီး ဖြစ်လာမည့်သူဖြစ်သည်။

အတိတ်ဘဝက ကူဟန်သည် သူမအတွက် အကောင်းဆုံးဓားတစ်လက် ရရှိရန် လပေါင်းများစွာ မအိပ်မနေ ကြိုးစားပေးခဲ့ဖူးသလို သူမ ခရီးထွက်တိုင်းလည်း အန္တရာယ်ကင်းစေရန် တိတ်တဆိတ် စောင့်ရှောက်ပေးခဲ့ဖူးသည်။

သို့သော် လော့ပိုင်ကျိသည် အမှန်တရားကို မသိဘဲ ယဲ့ချင်းယွမ်ဘက်က ရပ်တည်ခဲ့ကာ ကူဟန်ကို လူပြက်တစ်ယောက်လို ဖြစ်အောင် လုပ်ခဲ့သည်။

ကူဟန်သည် နောက်သို့ လှည့်မကြည့်ဘဲ အေးစက်စွာ ပြောလိုက်သည်။

"ငါဘယ်သွားသွား မင်းနဲ့ဘာဆိုင်လဲ ငါ့နောက်မလိုက်ခဲ့နဲ့။"