အခန်း (၁၀) - အကန့်အသတ်မဲ့ ဆွဲဆောင်မှု

ရွှီရို သည် တံခါးကို ဖွင့်လိုက်ပြီး အိမ်ထဲသို့ ခြေဖွဖွနင်းကာ ဝင်ရောက်လာခဲ့သည်။

သူမ ဧည့်ခန်းထဲသို့ ရောက်ရှိလာသောအခါ ဆိုဖာပေါ်တွင် တစ်ဦးနှင့်တစ်ဦး ပူးကပ်စွာ ဖက်အိပ်နေကြသော ပုံရိပ်နှစ်ခုကို မြင်တွေ့လိုက်ရသည်… ပို၍ တိတိကျကျ ပြောရလျှင် ပုံရိပ်တစ်ခုက အခြားပုံရိပ်တစ်ခုကို ရေဘဝဲတစ်ကောင်ကဲ့သို့ တွယ်ကပ်ပွေ့ဖက်ထားခြင်း ဖြစ်သည်။

ဤသည်ကို မြင်သောအခါ ရွှီရို ခေတ္တမျှ ကြောင်အမ်းသွားပြီးနောက် မိခင်တစ်ယောက်၏ နွေးထွေးသော အပြုံးမျိုး ပြုံးလိုက်မိတော့သည်။ 

ညတုန်းက ဘာတွေဖြစ်ပျက်ခဲ့သည်ကို သူမ အသေးစိတ် မသိသော်လည်း မျက်စိရှေ့မှ မြင်ကွင်းအရ သူတို့နှစ်ဦး၏ ဆက်ဆံရေးမှာ အများကြီး ပိုမိုနီးစပ်သွားခဲ့ပြီဖြစ်ကြောင်း ထင်ရှားလှပေသည်။ 

သူတို့နှစ်ဦးကို မနှောင့်ယှက်လိုသဖြင့် ရွှီရိုတစ်ယောက် ဆက်လက် အိပ်စက်ခွင့်ပြုရန် ဆုံးဖြတ်လိုက်သည်။

သို့သော်လည်း ရွှီပင်းနင်း မှာမူ တဖြည်းဖြည်း ချင်း နိုးလာခဲ့ပြီ ဖြစ်သည်။

သူမသည် အိပ်ချင်မူးတူး ဖြစ်နေဆဲဖြစ်ကာ မိမိကိုယ်ကိုယ် မည်သည့်နေရာတွင် ရောက်နေမှန်းပင် ဝေခွဲမရသေးချေ။ 

သူမ ခံစားနေရသည်မှာ တစ်ခုတည်း…မိမိကိုယ်ပေါ်တွင် အရာတစ်ခုခုက ဖိကပ်ထားသဖြင့် နေရခက်နေခြင်း ဖြစ်သည်။ ထို့ကြောင့် သူမသည် မသိစိတ်ဖြင့် ၎င်းအရာကို တွန်းဖုတ်ပစ်ရန် လက်ကို ဆန့်ထုတ်လိုက်မိသည်။

အမှန်ဆိုလျှင် နောက်ထပ် ခဏမျှ ဆက်လက်အိပ်စက်နိုင်သေးသော မူဟန်  မှာမူ ဤအပြုအမူကြောင့် လန့်နိုးသွားခဲ့ရတော့သည်။

"မင်း... ဘာလုပ်နေတာလဲ..." မူဟန် အသက်ကို အသာအယာ ရှူလိုက်ရင်း မေးလိုက်သည်။

"မင်းရဲ့ဖုန်းက ငါ့ကို လာထိုးနေလို့..."

ရွှီပင်းနင်းက ပွစိပွစိ ရေရွတ်လိုက်သည်။ သို့သော် သူမ စကားပြောပြီးပြီးချင်းမှာပင် ဆိုဖာဘေးရှိ စားပွဲခုံပေါ်တွင် တင်ထားသော ဖုန်းတစ်လုံးကို လှမ်းမြင်လိုက်ရသည်။ 

၎င်းက မူဟန့်၏ ဖုန်းဖြစ်သည်။ ထို့ကြောင့် သူမကို လာရောက်ထိုးမိနေသော အရာမှာ ဖုန်း လုံးဝမဟုတ်ကြောင်း ထင်ရှားလှပေသည်။

ရွှီပင်းနင်း ၎င်းအရာက ဘာဖြစ်နိုင်သည်ကို ရုတ်တရက် ရိပ်မိသွားပြီးနောက် သူမ၏ မျက်နှာလေးမှာ ချက်ချင်းပင် ရဲရဲနီသွားကာ အိပ်ချင်စိတ်များလည်း အကုန်အစင် လွင့်ပြယ်သွားခဲ့တော့သည်။ 

မလှမ်းမကမ်းတွင်မူ မိခင်ဖြစ်သူ ရွှီရိုက ပါးစပ်ကို လက်ဖြင့်အုပ်ကာ သူတို့နှစ်ဦးကို ကြည့်ပြီး တခစ်ခစ် ရယ်မောနေခဲ့သည်။ ရွှီပင်းနင်း ဆိုဖာပေါ်မှ ဖျတ်ခနဲ ထရပ်လိုက်တော့သည်။

"မုန်းစရာလေးတွေ... ညတုန်းကတော့ အတော်လေး ကောင်းကောင်းမွန်မွန် အိပ်ပျော်ခဲ့ကြပုံပဲနော်" ရွှီရိုက ပြုံးစစဖြင့် စနောက်လိုက်သည်။

"မေမေ" ရွှီပင်းနင်း မျက်နှာတစ်ခုလုံး ပူထူသွားရပြီး မြေကြီးထဲသာ ငုံ့လျှိုးဝင်သွားချင်စိတ် ပေါက်သွားရသည်။

"အန်တီရွှီ... ရေချိုးခန်းက ဘယ်ဘက်မှာလဲခင်ဗျာ။ ကျွန်တော် ရေတစ်ခေါက်လောက် ချိုးချင်လို့" မူဟန် ညတုန်းက ထွက်ခဲ့သော ချွေးများကြောင့် တစ်ကိုယ်လုံး စေးကပ်ကာ နေရခက်နေခဲ့သည်။

"ရတာပေါ့ကွယ်" ရွှီရိုက ပြုံးလျက် ပြောဆိုရင်း မူဟန့်ကို လမ်းညွှန်ပေးလိုက်ပြီးနောက် လသာဆောင်ဘက်သို့ လျှောက်လှမ်းသွားကာ ခြောက်သွေ့နေသော ရေချိုးသဘက် တစ်ထည်ကို လှမ်းယူလိုက်သည်။

"မေမေ... အဲဒါ သမီးဟာလေ" ရွှီပင်းနင်း မိခင်ဖြစ်သူ၏ အပြုအမူကို မြင်သောအခါ မျက်နှာလေး နီမြန်းလျက် တားဆီးရန် ကြိုးစားလိုက်သည်။

"အိမ်မှာ ရေချိုးသဘတ် အသစ် မရှိတော့လို့ပါသမီးရယ် ဒါလေးပဲ မူဟန့်ကို ခဏ ငှားပေးလိုက်ရအောင်နော်" ဟု ရွှီရိုက ပြောသည်။

"မရပါဘူး" ရွှီပင်းနင်း ရှက်ရွံ့စွာဖြင့် ထိုသဘတ် ကို အတင်း လှမ်းလုယူလိုက်သည်။

ရွှီရို သက်ပြင်းချလိုက်မိသည်။ မိမိသမီးနှင့် အတင်းအကျပ် အငြင်းပွားမနေလိုသဖြင့် သူမ လသာဆောင်သို့ ပြန်သွားကာ အခြားခြောက်သွေ့သော ရေချိုးသဘတ် တစ်ထည်ကို ထပ်မံလှမ်းယူပြီး ရေချိုးခန်းဆီသို့ လျှောက်လှမ်းသွားခဲ့သည်။

ရွှီပင်းနင်း၏ လှပသော မျက်ဝန်းအစုံမှာ အံ့သြတုန်လှုပ်မှုကြောင့် ဝိုင်းစက်သွားရသည်။ 

ထိုသဘက် က... မိခင်ဖြစ်သူ ရွှီရို ကိုယ်တိုင် သုံးနေကျ သဘတ် ဖြစ်သည်။ သူမ၏ ရင်ထဲတွင် အချဉ်ပေါက်သလို ထူးဆန်းသော ခံစားချက်တစ်မျိုး ဝင်ရောက်လာခဲ့သည်။ 

၎င်းက ရွှီပင်းနင်းတစ်ယောက် ယခင်က တစ်ခါမျှ မခံစားဖူးသေးသော ခံစားချက်အသစ်ဖြစ်သဖြင့် သူမကိုယ်တိုင်လည်း သေချာ ဝေခွဲမရချေ။ မိခင်ဖြစ်သူ၏ လက်ထဲမှ မိမိသဘက် ကို အတင်းလုယူခဲ့မိခြင်းအပေါ် အနည်းငယ် နောင်တရမိရုံသာ ရှိတော့သည်။

"ကျေးဇူးတင်ပါတယ် အန်တီရွှီ" ရေမချိုးမီ မူဟန်သည် ရေချိုးခန်းတံခါးဝတွင် ရပ်ကာ ရွှီရို၏ လက်ထဲမှ သဘက် ကို လှမ်းယူလိုက်သည်။ သူ ရွှီရိုကို စက္ကန့်အနည်းငယ်မျှ စိုက်ကြည့်လိုက်ပြီးနောက် အံ့သြစွာ ဆိုလိုက်သည် "အန်တီရွှီ... အန်တီက ဘာလို့ ပိုပြီးတော့တောင် လှလာရတာလဲ။ ကြည့်ရတာ အသက် ၂၀ ကျော် အရွယ် မိန်းကလေး ပျိုပျိုလေးအတိုင်းပဲ"

"မဟုတ်တာကွယ်..." ရွှီရို မျက်လုံးလေးများ မှေးစက်သွားသည်အထိ ပြုံးပျော်သွားရပြီး လက်ကို ခါယမ်းကာ ငြင်းဆိုလိုက်သည်။

မလှမ်းမကမ်းတွင် ရပ်နေသော ရွှီပင်းနင်းသည် သူတို့ ဘာတွေ ပြောနေကြသည်ကို မကြားရသော်လည်း တဟားဟား ရယ်မောကာ စကားပြောနေကြသည်ကို မြင်ရသဖြင့် စိုစွတ်နေသော နှုတ်ခမ်းလေးကို မသိမသာ စူလိုက်မိတော့သည်။

မကြာမီ ရေချိုးခန်းတံခါး ပိတ်သွားခဲ့သည်။ မူဟန် ချက်ချင်း ရေမချိုးသေးဘဲ မနေ့ညက ရရှိခဲ့သော ရလဒ်များကို စနစ်  ထဲတွင် စစ်ဆေးလိုက်သည်။

ရွှီရိုသည် တာဝန်ကို ပြီးမြောက်အောင်မြင်ခဲ့သဖြင့် သူ၏ ဆွဲဆောင်မှု ကို ၃ မှတ် တိုးမြင့်ပေးခဲ့သည်။ 

သူသည် တုံ့ပြန်မှုဆုလာဘ်ကို ရရှိခဲ့ပြီး ၃ ဆ  ပေါက်သွားခဲ့သဖြင့် စုစုပေါင်း ဆွဲဆောင်မှုအမှတ် ၉ မှတ် တိတိ ရရှိခဲ့ခြင်း ဖြစ်သည်။

မူဟန် မှန်ရှေ့သို့ လျှောက်လှမ်းသွားခဲ့သည်။ ဤ ၉ မှတ် ထပ်မံတိုးမြင့်လာမှုကြောင့် သူ့ထံတွင် အသိသာဆုံး ပြောင်းလဲသွားသည့်အရာမှာ သူ၏ ခန္ဓာကိုယ်အချိုးအစား  ဖြစ်သည်။ ယခင်က သေချာ ပုံမပေါ်ခဲ့သော ဝမ်းဗိုက်ကြွက်သားများမှာ ယခုအခါ အဖုအထစ် (၈ တုံး) အထိ စနစ်တကျ အကွက်ကျကျ ပြောင်းလဲသွားခဲ့သည်။ 

ကြွက်သားထုမှာ ပိုမို ထွားကျိုင်းလာပြီး အလှအပဆိုင်ရာ ရှုထောင့်မှကြည့်လျှင် အလွန်ပင် ဆွဲဆောင်မှုရှိသော အချိုးအစား ဖြစ်သွားခဲ့သည်။

ယခုအခါ မူဟန့်၏ စုစုပေါင်း ဆွဲဆောင်မှု  မှာ ၁၀၅ မှတ်သို့ ရောက်ရှိသွားခဲ့ပြီ ဖြစ်သည်။ 

အမှတ် ၁၀၀ သို့ ရောက်ရှိခြင်းမှာ ရုပ်ပိုင်းဆိုင်ရာ အသွင်အပြင်အရ ပြီးပြည့်စုံသော အဆင့်သို့ ရောက်ရှိသွားခြင်းကို ဆိုလိုသည်။

အမှတ် ၁၀၀ အကန့်အသတ်ကို ကျော်လွန်သွားပြီးနောက်တွင်မူ အရိုးရှင်းဆုံး ပြောရလျှင် သူ၏ ဆွဲဆောင်မှုမှာ "အကန့်အသတ်မဲ့” ဖြစ်သွားခဲ့ပြီ ဖြစ်သည်။

ဤအကန့်အသတ်မဲ့ ဆွဲဆောင်မှုမှာ အဓိကအားဖြင့် သူ၏ မျက်ဝန်းများနှင့် စရိုက်အရှိန်အဝါ တို့တွင် ထင်ဟပ်နေသည်။ 

အထူးသဖြင့် သူ၏ မျက်ဝန်းများသည် ဆန့်ကျင်ဘက်လိင်ကို ကြည့်လိုက်သည့်အခါ အလွယ်တကူပင် နှစ်သက်သဘောကျမှုကို ရရှိစေနိုင်သည်။ 

စိတ်ဓာတ်ကြံ့ခိုင်မှု အားနည်းသော အမျိုးသမီးများဆိုလျှင် သူ၏ အကြည့်တစ်ချက်တည်းနှင့်တင် ရူးသွပ်စွာ စွဲလမ်းမိသွားစေရန် လုံလောက်လှပေသည်။

သူ၏ စရိုက်အရှိန်အဝါပိုင်းတွင်မူ သူ၏ လှုပ်ရှားမှုတိုင်း၊ အမူအရာတိုင်းတွင် ထင်ဟပ်နေပြီး ရိုးရှင်းသော အပြုအမူတစ်ခုကပင် ထူးခြားသော ဆွဲဆောင်မှု အရှိန်အဝါကို ထွက်ပေါ်စေသည်။ 

ယခုအချိန်တွင် မူဟန်ကိုယ်တိုင်ပင် မှန်ထဲရှိ မိမိ၏ ပုံရိပ်ကို ပြန်ကြည့်ရင်း မိမိကိုယ်ကိုယ် ပြန်လည် စွဲလမ်းမိမတတ် ခံစားနေရသည်။

၎င်းက အကန့်အသတ်ထက် ၅ မှတ်မျှသာ ကျော်လွန်သေးသည့် အကျိုးသက်ရောက်မှု ဖြစ်သည်။ အကယ်၍ သူ၏ ဆွဲဆောင်မှုက ဆက်လက် မြင့်တက်နေဦးမည်ဆိုပါက ထိုအကျိုးသက်ရောက်မှုများမှာ ပိုမို ပြင်းထန်ပြီး သိသာထင်ရှားလာပေလိမ့်မည်။

ဆွဲဆောင်မှု မြင့်တက်လာခြင်းအပြင် မူဟန်အတွက် အခြားသော ရလဒ်တစ်ခုလည်း ရှိနေသေးသည်။ ရွှီပင်းနင်း၏ သူ့အပေါ် ထားရှိသော နှစ်သက်မှု မှာ ၂၅ မှတ် ထပ်မံတိုးမြင့်လာပြီး စုစုပေါင်း ၆၀ အမှတ် (ရင်ခုန်တုန်လှုပ်ခြင်း) အဆင့်သို့ ရောက်ရှိသွားခဲ့သည်။

စွမ်းအားရှင် မြို့ပြဝတ္ထု များတွင် မင်းသမီး များ၌ သာမန်လူများနှင့် မတူညီသော ထူးခြားချက်များ သို့မဟုတ် ထူးဆန်းသော "အားနည်းချက် စရိုက်များ" ရှိတတ်ကြသည်။ 

ဥပမာအားဖြင့် အချို့သော မင်းသမီးများသည် မွေးရာပါ အေးစက်တတ်ကြပြီး၊ အချို့မှာမူ အရာတစ်ခုခုကို အလွန်အမင်း ကြောက်လန့်တတ်ကြသည်။ 

ဤထူးခြားသော ဇာတ်ကောင်စရိုက်များမှာ အမှန်တကယ်တော့ စာရေးဆရာက ရည်ရွယ်ချက်ရှိရှိ ပုံဖော်ထားခြင်း ဖြစ်သည်။ 

၎င်းတို့၏ ရည်ရွယ်ချက်မှာ ဇာတ်လိုက် အနေဖြင့် မင်းသမီးကို အနိုင်ယူပြီး သူမ၏ နှလုံးသားကို သိမ်းပိုက်နိုင်ရန် ပိုမိုလွယ်ကူစေရန် ဖြစ်သည်။

ရွှီပင်းနင်း၏ မိုးကြိုးပစ်သည်ကို အလွန်အမင်း ကြောက်လန့်တတ်သော စရိုက်မှာလည်း သေချာပေါက် ထိုကဲ့သို့သော ထူးခြားချက်တစ်ခု ဖြစ်သည်။

မူဟန်သည် ရွှီရိုအား တာဝန်တစ်ခု ပေးအပ်လိုက်ခြင်းဖြင့် မသိစိတ်ထဲကနေ ရွှီပင်းနင်း၏ နှလုံးသားထဲရှိ အနုညင်းဆုံးသော အစိတ်အပိုင်းကို ထိတွေ့မိသွားခဲ့ပြီး သူမ၏ ခံစားချက်များကို သဘာဝအတိုင်း နှိုးဆွပေးနိုင်ခဲ့ခြင်း ဖြစ်သည်။

【 မင်းသမီး ရွှီပင်းနင်း၏ ပိုင်ရှင် အပေါ် ထားရှိသော နှစ်သက်မှုမှာ ၆၀ အမှတ် သို့ မြင့်တက်သွားခဲ့ပါပြီ။ ဇာတ်လိုက် ချင်ဖုန်း ၏ ဇာတ်လိုက် ရောင်ဝါ အမှတ် -၂၀။ အိမ်ရှင်၏ ဗီလိန်ရောင်ဝါ အမှတ် +၂၀ 】

မူဟန် မနေ့ညက သူရရှိခဲ့သော စနစ်အကြောင်းကြားစာကို ပြန်လည်စစ်ဆေးလိုက်ရာ ဤသည်က သူ့ကို အတော်လေး ပျော်ရွှင်စေသည်။ 

မင်းသမီးကို ရင်ခုန်အောင် လုပ်ရုံမျှနှင့်တင် သူသည် ဗီလိန်ရောင်ဝါ အမှတ် ၂၀ ရရှိခဲ့ပြီ ဖြစ်ရာ အကယ်၍ သူမကို လုံးဝ ဥဿုံ သိမ်းပိုက်နိုင်ခဲ့လျှင် သူ မည်မျှအထိ ရရှိနိုင်မည်နည်း။

မူဟန်တစ်ယောက် စိတ်အားထက်သန်မှုများဖြင့် ပြည့်နှက်သွားခဲ့သည်။ 

စနစ်မှတစ်ဆင့် တာဝန်များ ပေးအပ်ရန်အတွက် တင်းကျပ်သော လိုအပ်ချက်မှာ သူ၏ ကိုယ်ပိုင် ရောင်ဝါ အမှတ်သည် ပစ်မှတ်၏ အမှတ်ကို ဖိနှိပ်ထားနိုင်ရမည် ဖြစ်သည်။ 

ထို့ကြောင့် သူ၏ ရောင်ဝါ အမှတ်အဆင့်မှာ သူ့အတွက် အထူးပင် အရေးကြီးလှသည်။ 

ယခင်က သူ၏  အမှတ်မှာ ၃၇ သာ ရှိခဲ့သော်လည်း ယခုအခါ ၅၇ အမှတ်အထိ မြင့်တက်လာခဲ့ပြီ ဖြစ်ရာ ဤသည်က အလွန် ကောင်းမွန်သော အစပျိုးခြင်းပင်။

မူဟန် မှန်ထဲရှိ မိမိကိုယ်ကိုယ် နောက်ထပ် ခဏမျှ ဆက်လက်အကဲခတ်နေပြီးနောက်မှသာ အကြည့်ကို နှမြောတသစွာ ရုပ်သိမ်းလိုက်သည်။ 

သူ ရေပန်းဆီသို့ လျှောက်သွားကာ ရေအပူချိန်ကို အနေတော် ချိန်ညှိပြီးနောက် စတင် သန့်စင်ဆေးကြောလိုက်တော့သည်။ 

ဆွဲဆောင်မှုအမှတ် မြင့်တက်လာခြင်းကြောင့် သူ၏ ခန္ဓာကိုယ်ထဲမှ အညစ်အကြေးအချို့ စွန့်ထုတ်ခြင်း ခံခဲ့ရသဖြင့် ချွေးများစွာ ထွက်ပေါ်ခဲ့ခြင်း ဖြစ်သည်။ ၎င်းက မူဟန်တစ်ယောက် နေရခက်ကာ ရေချိုးချင်စိတ် ပေါက်ခဲ့ရသည့် အဓိက အကြောင်းရင်း ဖြစ်ပေသည်။

ဧည့်ခန်းထဲတွင်မူ ရွှီရိုသည် သူမ၏ တင်ပါးကို ယိမ်းနွဲ့လှုပ်ရှားရင်း သမီးဖြစ်သူ ရွှီပင်းနင်း၏ အနားသို့ ချဉ်းကပ်လာခဲ့သည် "ဘာလို့ နှုတ်ခမ်းကြီး စူနေတာလဲသမီးရဲ့ ဘာဖြစ်လို့လဲ..."

သူမသည် မူလက သမီးဖြစ်သူနှင့် မူဟန်တို့၏ ဆက်ဆံရေး တိုးတက်မှုကို မေးမြန်းရန် ရည်ရွယ်ထားသော်လည်း မမေးမီမှာပင် ရွှီပင်းနင်းတစ်ယောက် စိတ်မပျော်သလို ဖြစ်နေသည်ကို သတိပြုမိသွားသဖြင့် ထိုအကြောင်းကိုပဲ အရင် မေးမြန်းလိုက်ခြင်း ဖြစ်သည်။

"ဘာမှမဖြစ်ပါဘူး" ရွှီပင်းနင်း ခေါင်းခါပြလိုက်သည်။ သူမ မသိစိတ်ဖြင့် ရွှီရိုကို လှမ်းကြည့်လိုက်မိရာ မိခင်ဖြစ်သူ၏ ပြောင်းလဲမှုကို သတိပြုမိသွားပြီး အံ့သြစွာ ဆိုလိုက်သည်— "မေမေ... မေမေက ကြည့်ရတာ အများကြီး ပိုပြီး နုပျိုသွားသလိုပဲနော်"

"အမေလည်း စဉ်းစားလို့မရဘူးကွယ် အမေ့ရဲ့ ဒုတိယအကြိမ်မြောက် ပျိုတိုင်းကြိုက်တဲ့ အရွယ်ကို ပြန်ရောက်သွားသလိုပဲ။ ဘာကြောင့်လဲဆိုတာ အမေလည်း မသိလို့ အချိန်ရရင် ဆေးရုံသွားပြီး စစ်ဆေးမှု ခံယူကြည့်မလို့ စဉ်းစားထားတယ်" ရွှီရိုကိုယ်တိုင်လည်း ရှင်းမပြနိုင်သဖြင့် လူအအိန္ဒြေဖြင့်သာ ဟန်ဆောင် ပြောလိုက်ရတော့သည်။

"မေမေ... ခန္ဓာကိုယ်ထဲမှာ နေလို့မကောင်းတာမျိုး ရှိလို့လားဟင်" ရွှီပင်းနင်း စိုးရိမ်တကြီး မေးလိုက်သည်။

"လုံးဝမရှိပါဘူး" ရွှီရို ခေါင်းခါပြလိုက်သည်။ သမီးဖြစ်သူအား ဤကိစ္စပေါ်တွင် အာရုံမရောက်စေရန်အတွက် စကားလမ်းကြောင်းကို ချက်ချင်း ပြောင်းလဲလိုက်သည် "ဒါနဲ့... သမီးနဲ့ မူဟန်တို့ကြားထဲက အခြေအနေကော ဘယ်လိုရှိလဲ"

"ဘာမှ မရှိပါဘူး..." ရွှီပင်းနင်း မျက်လုံးလေးများ ဝေ့လည်ကာ ပွစိပွစိ ပြောလိုက်သည်။

"သမီးတို့နှစ်ယောက်လုံး တစ်ညလုံး တစ်ယောက်ကိုတစ်ယောက် ဖက်အိပ်ခဲ့ကြတာတောင် ဘာမှမဖြစ်ဘူး ဟုတ်လား" ရွှီရိုက စနောက်လိုက်သည်။

"ကျွန်မတို့က... ဖက်ရုံပဲ ဖက်ထားတာပါ၊ တခြား ဘာမှမလုပ်ပါဘူး" ရွှီပင်းနင်း အသံတိုးတက်စွာဖြင့် ပြန်လည်ချေပလိုက်သော်လည်း သူမ၏ နောက်ဆုံးတွင်မှ နွေးအေးသွားခဲ့သော မျက်နှာလေးမှာ ချက်ချင်းပင် တစ်ကျော့ပြန် ရဲရဲနီသွားခဲ့ရပြန်လေတော့သည်။

—--

(တစ်နေ့ဆယ်ပိုင်း တင်ပါမည် )

ကြိက်ရင် ၅star review လေးတွေပေးခဲ့ပါ ။