အခန်း ၃ - ခွင့်လွှတ်ပါ၊ ကျွန်တော် ကိုယ့်ကိုယ်ကိုယ် မိတ်ဆက်ဖို့ မေ့သွားတယ်။ ကျွန်တော်က ထျန်းယန်နယ်မြေရဲ့ သူတော်စင် ယဲ့ချန်ပါ...

​လီမို၏ တိုက်ခိုက်မှုကို မြင်တွေ့လိုက်ရသောအခါ လီရှီးသည် ရှေ့သို့ တိုးလာခဲ့သည်။ သို့သော် သူမနောက်မှ အရိပ်တစ်ခုက လီရှီးအား ပိတ်ပင်တားဆီးလိုက်သည်။

​"လီရှီ …မင်း ကျွန်တော့်ကို ကာကွယ်ပေးစရာ မလိုပါဘူး... ဒီအချိန်ကစပြီး ကျွန်တော်ပဲ မင်းကို ကာကွယ်ပေးသွားမယ်... မင်းကို ထိခိုက်‌ စေချင်တဲ့သူမှန်သမျှ ကျွန်တော့်အလောင်းကို နင်းကျော်ပြီးမှပဲ လုပ်နိုင်လိမ့်မယ်..."

သူသည် လီမိုကို အေးဆေးစွာ ကြည့်လိုက်ပြီး သူ၏ မျက်ဝန်းများထဲတွင် အထင်အမြင်သေးသည့် အရိပ်အယောင်များပင် ပါဝင်နေ၏။

ဤလူငယ်သခင်လေးများသည် အရင်းအမြစ်များ အလျှံပယ်ရရှိထားကြပါလျက်နှင့် အဆင့် ၅ ကျင့်ကြံသူ  အဆင့်ထိသာ ရောက်ရှိကြသေးသည်။

ဝက်တွေလိုပဲ တုံးအလွန်းလှသည်။ ယဲ့ချန်သည် တီကျွယ်တျန်းကို တစ်ချက် စောင်းငဲ့ကြည့်လိုက်သည်။

မည်သည့်ချီဓာတ်မျှ ထွက်ပေါ်မနေသည့် ဤလူငယ်ကို သူ အကဲခတ်၍ မရနိုင်ပေ။

သို့သော် ယဲ့ချန် ဂရုမစိုက်ပါ... သူ့တွင် အစွမ်းထက်သော ဝှက်ဖဲများ ရှိထားပြီးသား ဖြစ်သည်။

​လီမိူ၏ တိုက်ခိုက်မှုကို ကြည့်ရင်း ယဲ့ချန်မှာ ချီဓာတ်များ ထုတ်လွှတ်ခြင်း မရှိဘဲ လီမိုဆီသို့ လက်သီးတစ်ချက် ပစ်သွင်းလိုက်သည်။

ဤမြင်ကွင်းကို မြင်သောအခါ လီမိုမှာ စိတ်ထဲမှ ကျိန်ဆဲလိုက်မိသည်... သူ့ညီမလေးက ဒီလို အသုံးမကျတဲ့ကောင်ကို ကြိုက်နေလိမ့်မယ်လို့ သူ မထင်ထားခဲ့ပေ။

လီမိသားစုမှ အစွမ်းထက်သူများသာ အမူအရာ ပြောင်းလဲသွားကြသည်။

​"မဖြစ်ဘူး... မူအာ... မြန်မြန် နောက်ဆုတ်လိုက်..."

​လီမိူသည် သူ၏ ဖခင်ဖြစ်သူ၏ စိုးရိမ်တကြီး အော်ဟစ်သံကို ရုတ်တရက် ကြားလိုက်ရသည်။ ထို့နောက်တွင်တော့ ယဲ့ချန်၏ ကစားနေသည့်အလား ပေါ့ပေါ့ပါးပါး မျက်နှာအမူအရာကို မြင်လိုက်ရပြီး သူ၏ မျက်နှာမှာ ပြောင်းလဲသွားရသည်။ မည်သည့်အရှိန်အဝါမျှ မရှိဟု ထင်ရသော လက်သီးချက်မှာ အမှန်တကယ်တွင် လေထုကိုပင် ပေါက်ကွဲစေသည်အထိ အားပြင်းလှသည်။

​"ဖုန်း..."

​လက်ဝါးရိုက်ချက်နှင့် လက်သီးအလင်းတန်းတို့ ထိခိုက်မိကြသည်။ ထိတွေ့မိသည့် အခိုက်အတန့်မှာပင် လီမိူ၏ ခန္ဓာကိုယ်မှာ နောက်သို့ လွင့်ထွက်သွားသည်။ သူ ယဲ့ချန်ကို တိုက်ခိုက်ခဲ့စဉ်ကထက်ပင် ပိုမိုမြန်ဆန်စွာ လွင့်စင်သွားခြင်း ဖြစ်သည်။ သွေးများ အန်ထွက်လာပြီး သူ၏ လက်မောင်းမှာ လိမ်ဖတ်ကာ အရိုးကျိုးသွားခဲ့သည်။

ကံကောင်းစွာဖြင့် ထိုအချိန်တွင် လီမို၏ ဖခင်က လီမိုကို ဖမ်းဆွဲလိုက်နိုင်ခဲ့သည်... မဟုတ်ပါက နံရံနှင့် တိုက်မိပြီး ပွဲချင်းပြီး သေဆုံးသွားနိုင်သည်မှာ သေချာသည်။

လီမိုသည် ယဲ့ချန်၏ တိုက်ခိုက်မှုကြောင့် ပြင်းထန်စွာ ဒဏ်ရာရသွားခဲ့သည်။ နံရံနှင့် ထပ်တိုက်မိပါက အသက်ပျောက်နိုင်သည်မှာ ဧကန်ပင်။

​ယဲ့ချန်က လက်သီးကို ပြန်ရုတ်သိမ်းလိုက်ပြီး လက်နှစ်ဖက်ကို နောက်ပစ်ကာ ရပ်နေလိုက်သည်။

ဖြစ်ပျက်သွားသည်ကို အရေးမပါသကဲ့သို့ပင်။ ယဲ့ချန်အတွက်မူ ဒါက သာမန်မျှသာ ဖြစ်သည်။

ယဲ့ချန်က လီရှီးကို ကြည့်လိုက်ရာ သူမ၏ မျက်ဝန်းများတွင် ကျေးဇူးတင်ခြင်းများ ပြည့်နှက်နေသည်ကို တွေ့ရသည်။

ယဲ့ချန်က သူမအတွက် တရားမျှတမှုကို ရှာပေးနေသည်ကို သူမ သိသည်။ သို့သော် မကြာမီပင် စိုးရိမ်စိတ်တို့ ဝင်ရောက်လာပြန်သည်။

​ပလ္လင်ထက်တွင် ထိုင်နေသော တီကျွယ်တျန်းက အားလုံးကို အကဲခတ်နေသည်။

သူ အနည်းငယ် စကားမပြောနိုင် ဖြစ်သွားရသည်... အရင် တီကျွယ်ထျန်းက လီရှီး၏ စွမ်းအားတိုးတက်စေရန် ကောင်းသောအရင်းအမြစ် များစွာကို ပေးအပ်ခဲ့ဖူးသော်လည်း ဒီလိုအကြည့်မျိုးကို တစ်ခါမှ မမြင်ဖူးခဲ့ပေ။

တစ်စုံတစ်ယောက်နဲ့  လက်ရည်ပြလိုက်ရုံနှင့်ပင်… အဲ့ဒီလူက ကိုယ့်အစ်ကိုအရင်းဖြစ်နေပါလျက်နှင့် ဒီလောက်ထိတောင် သူမက ခံစားသွားရတာလား... ကံကြမ္မာ၏ သားတော်ဆိုတာ တကယ်ကိုပဲ ယုတ္တိမရှိဘူး... သူငယ်ချင်း…ရန်သူ မခွဲခြားဘဲ အကုန် ဇာတ်လိုက် ရောင်ဝါ လွှမ်းမိုးထားတာပဲ...

​တီကျွယ်တျန်းက ယဲ့ချန်၏ အချက်အလက်များကို ကြည့်လိုက်သည်...

​အမည် - ယဲ့ချန်

ကိုယ်ပိုင်လက္ခဏာ - ကံကြမ္မာ၏ သားတော်၊ ထျန်းယန်နယ်မြေရှိ သူတော်စင်၊ ချင်းမူနယ်မြေမှ ယဲ့မိသားစု၏ လူငယ်သခင်

ကံကြမ္မာတန်ဖိုး - နှစ်ထောင်

စွမ်းအား - အဆင့် ၅ ကျင့်ကြံသူ

ကိုယ်ခန္ဓာ - ယန်ကိုးပါး သန့်စင်သောကိုယ်ခန္ဓာ (အသစ်နိုးထလာခြင်း)

ကျင့်စဉ် - ယန်းကိုးပါး ကျမ်း၊ တိမ်ယန်းခြေလှမ်း၊ ယန်းကိုးပါး လက်ချောင်း...

​တီကျွယ်တျန်း မသိမသာ ပြုံးလိုက်သည်။ သို့သော် တစ်ခဏသာ ဖြစ်သည်။

နောက်တစ်ဆင့်တွင် လီမိသားစုက တစ်ခုခု ပြန်လုပ်ရပေမည်။

သို့သော် ယဲ့ချန်မှာ ယခုအခါ ထျန်းယန်နယ်မြေ၏ သူတော်စင် ဖြစ်နေပြီး အဆင့်အတန်း မြင့်မားနေသည်။

ထျန်းယန်နယ်မြေမှာ ထျန်းယန်နယ်မြေ၏ အကြီးအကဲ ဖြစ်သည်။

လီမိသားစုမှာ ထျန်းယန်နယ်မြေနှင့် ယှဉ်လျှင် အလှမ်းဝေးလွန်းသည်။

လီမိသားစုက မတိုက်ခိုက်ရဲပါက သူကပဲ ဖိအားပေး တိုက်ခိုက် ခိုင်းလိုက်မည်…

အရင်က (သူ) ဆိုလျင် ရှုံးနိမ့်သွားနိုင်သည်... ကံကြမ္မာ၏ သားတော်ဆိုတာ ယုတ္တိမရှိလွန်းရာ အဆင့်ကျော်ပြီး တိုက်ခိုက်ခြင်းမှာသာမန် ဖြစ်နေတတ်သည်။

သူ၏ ခန္ဓာဟောင်းမှာ ရက်စက်သူတစ်ဦးဖြစ်၍ နတ်ဆိုးကိုယ်ခန္ဓာကို ထုတ်ဖော်ကာ လူအားလုံးကို သတ်ပစ်လိုက်လိမ့်မည်။ ကံကြမ္မာ၏ သားတော်ကလွဲရင်ပေါ့... ပြီးရင်တော့ သူ သေရတော့မည့်နေ့ပါပဲ။

ဗီလိန်ဆိုတာ အန္တရာယ်များတဲ့ အသက်မွေးဝမ်းကျောင်း ဖြစ်တဲ့အတွက် ကိုယ့်အသက်ကို ကိုယ် ပိုဂရုစိုက်ရမယ်... ကံကောင်းတာက သူက အဆင့် ၆ ကျင့်ကြံသူ အဆင့်တက်ထားပြီးသားပဲ။

​လီမို ပြင်းထန်စွာ ဒဏ်ရာရသွားသည်ကို မြင်သောအခါ လီရှီးမှာ ဝမ်းနည်းခြင်း မရှိသည့်အပြင် မဲ့ပြုံးပင် ပြုံးလိုက်သည်။

​"မင်းက ငါ့သားကို ဒဏ်ရာရအောင် လုပ်ပြီး သေလမ်းကို ရှာနေတာပဲ"

​လီမိူ၏ ဖခင်နှင့် လီမိသားစု၏ ခေါင်းဆောင် လီခိုင်မှာ ဒေါသထွက်နေသော မျက်ဝန်းများဖြင့် ကြည့်လိုက်သည်။

လီခိုင်သည် သမီးကောင်းတစ်ဦးကို ပိုင်ဆိုင်ထားသောကြောင့်သာ လီမိသားစု၏ ခေါင်းဆောင် ဖြစ်လာခဲ့ခြင်းဖြစ်သည်။

ယခုအခါတွင် သူ၏ သမီးက အပြင်လူဘက်က ရပ်တည်နေသည်ကို မြင်လိုက်ရသောအခါ ကြောက်ရွံ့ခြင်း မဖြစ်ဘဲ မနေနိုင်တော့ပေ။

တီကျွယ်တျန်း၏ မျက်လုံးထဲတွင် သူ့သမီးကလွဲ၍ သူတို့လီမိသားစုမှာ စွန့်ပစ်နိုင်သော အရာများသာ ဖြစ်သည်။

လီခိုင် တိုက်ခိုက်ရန် ပြင်ဆင်နေစဉ်မှာပင် အရိပ်တစ်ခုက လေဟာနယ်ထဲမှ ရုတ်တရက် ထွက်ပေါ်လာသည်။

တစ်ချိန်တည်းမှာပင် စွမ်းအားကြီးမားသော အရှိန်အဝါတစ်ခု ဖိချလာသည်။

လီခိုင်၏ အမူအရာမှာ ပြောင်းလဲသွားရသည်။

ယဲ့ချန်မှာ အစောင့်အရှောက် ရှိနေလိမ့်မည်ဟု သူ မထင်ထားခဲ့ပေ။

ထိုဖိအားသည် တီကျွယ်တျန်းနှင့် နီးကပ်လာသည့်အခါတွင်တော့ ထိုစွမ်းအားကြီးမားသော အရှိန်အဝါမှာ ခြေရာလက်ရာ မကျန် ပျောက်ကွယ်သွားသည်။

ယဲ့ချန်၏ စောင့်ရှောက်သူ ရှိမန်ချင်၏ အမူအရာ ပြောင်းလဲသွားပြီး သူ၏ အရှိန်အဝါကို ပြန်ရုတ်သိမ်းလိုက်သည်။ တီကျွယ်တျန်းကတော့ မလှုပ်မယှက်ပင်။ သူက လက်ဖက်ရည်ကို တစ်ငုံ သောက်လိုက်သည်။

​"မဆိုးဘူး..."

​တီကျွယ်တျန်း ဘာကို ဆိုလိုသလဲဆိုတာ ဘယ်သူမှ မသိကြပေ။ ပင်မခန်းမအတွင်းရှိ ဖိအား အရှိန်အဝါမှာ ရုတ်တရက် ပျောက်ကွယ်သွားပြီး ပုံမှန်အတိုင်း ပြန်ဖြစ်သွားသည်။

ယဲ့ချန်၏ စောင့်ရှောက်သူ ရှိမန်ချင်က တီကျွယ်တျန်းကို ကြည့်လိုက်ရာ သူ၏ မျက်လုံးများတွင် ကြောက်ရွံ့မှုများ ပြည့်နှက်နေသည်။

ထို့နောက် သူ အသက်ပြင်းပြင်း ရှူလိုက်ပြီး လီမိသားစုဝင်များကို ကြည့်လိုက်သည်။

​"မင်းတို့ လီမိသားစုက တကယ်ကို ရဲတင်းလွန်းတာပဲ... ငါတို့ ထျန်းယန်နယ်မြေရဲ့ သူတော်စင်အသစ်ကိုတောင် အနိုင်ကျင့်ရဲတယ်ပေါ့..."

​ရှိမန်ချင်က လူသတ်လိုသော စိတ်ဖြင့် ဆိုလိုက်သည်။ မည်သို့ပင်ဆိုစေ သူသည် ယဲ့ချန်၏ တာအိုစောင့်ရှောက်သူ ဖြစ်သည်။ ယဲ့ချန်ကို တစ်ခုခု ဖြစ်သွားပါက သူလည်း တာဝန်ရှိပြီး အတူတူ မြေမြှုပ်ခံရပေလိမ့်မည်။ လီမိသားစုဝင်များ၏ အမူအရာများ ပြောင်းလဲသွားသည်။ ဤအချိန်တွင် လီမိုလည်း သတိပြန်ဝင်လာပြီး ယဲ့ချန်ကို မနာလိုမှု၊ အငြိုးအတေးတို့ဖြင့် ကြည့်နေသည်။

​"ကျွန်တော် ကိုယ့်ကိုယ်ကိုယ် မိတ်ဆက်ဖို့ မေ့သွားတယ်... ကျွန်တော်က ထျန်းယန်နယ်မြေရဲ့ သူတော်စင် ယဲ့ချန်ပါ..."

​ယဲ့ချန် စကားပြောပြီးနောက် ခေါင်းကို အနည်းငယ် မော့ကာ ၄၅ ဒီဂရီထောင့်ဖြင့် ကောင်းကင်ကို ငေးကြည့်လိုက်သည်။

​"ဟမ်..."

​လီမိသားစုဝင်များ၏ အမူအရာများ ပြောင်းလဲသွားသည်။

​"သူက ထျန်းယန်နယ်မြေရဲ့ သူတော်စင်အသစ်တဲ့..."

"မှားစရာ မရှိဘူး..."

"အရင်က ကြားဖူးတယ်... ဒီသူတော်စင်က ဝေးလံတဲ့ မြို့ငယ်လေးကနေ တိုက်ပွဲတွေနဲ့ ရုန်းကန်လာခဲ့တာတဲ့..."

"အဆင့်၁မှာ  သုံးနှစ်ကြာပြီး အဆင့် ၃ ရောက်တော့ ကိုယ့်စွမ်းအားကို ဖျက်ဆီးလိုက်တာ..."

"အဲ့တုန်းက လူတိုင်းက ဒီကောင်ကို အသုံးမကျတဲ့သူလို့ ပြောခဲ့ကြတာ..."

"တစ်နှစ်ကြာပြီးနောက်မှာ အဆင့်၅ ကျွမ်းကျင်သူ ဖြစ်လာလိမ့်မယ်လို့ ဘယ်သူက တွေးမိမှာလဲ..."

​လွန်ခဲ့သော ခြောက်လက ထျန်းယန်နယ်မြေတွင် လျှို့ဝှက်ဆန်းကြယ်သော ထူးချွန်သူတစ်ဦး ပေါ်ပေါက်လာခဲ့ပြီး အစွမ်းထက်သော ကိုယ်ခန္ဓာကို ပိုင်ဆိုင်ထားသည်။

သူ ပေါ်လာချိန်မှာပင် အဆင့်၅ ရောက်နေခဲ့ပြီ။

ထို့နောက် သူက ထျန်းယန်နယ်မြေ၏ သူတော်စင်ကို စိန်ခေါ်ခဲ့သည်။

ဇာတ်လိုက် တို့ ထုံးစံအတိုင်း အဆင့်ကျော် တိုက်ခိုက်ကာ ထျန်းယန်နယ်မြေ၏ သူတော်စင်အဟောင်းဖြစ်သူ ကို ဒဏ်ရာအပြင်းအထန် ရစေခဲ့သည်။

သူကိုယ်တိုင်လည်း ပြင်းထန်စွာ ဒဏ်ရာရခဲ့သည်။

ရလဒ်အနေဖြင့် တစ်လခွဲအကြာတွင် သူ ပြန်ပေါ်လာခဲ့သည်။

သူတော်စင်အဟောင်းမှာလည်း ဒီလူကို စော်ကားမိ၍ ထျန်းယန်နယ်မြေမှ ထုတ်ပယ်ခံလိုက်ရပြီး ယခုအခါတွင်တော့ တစ်နေရာရာ၌ သိက္ခာမဲ့စွာ အသက်ရှင်နေရသည်။

​လီမိသားစုဝင်များ၏ အော်ဟစ်သံများ ထွက်ပေါ်လာသည်။ ရန်သူများပင်လျှင် သူ့ကို ချီးကျူးမိကြသည်။ တီကျွယ်တျန်း တစ်ဦးသာလျှင် ဂရုမစိုက်ဘဲ နားထောင်နေသည်။ ကံကြမ္မာ၏ သားတော်တွင် ဤစွမ်းရည်များ မရှိပါက အတုအယောင် ဖြစ်နေလိမ့်မည်။

လီရှီး၏ အမူအရာပင် ပြောင်းလဲသွားသည်။ ယဲ့ချန်မှာ ထျန်းယန်နယ်မြေ၏ သူတော်စင်အသစ် ဖြစ်လာလိမ့်မည်ဟု သူမ မထင်ထားခဲ့ပေ။

ယဲ့ချန်ကို ကြည့်ရင်း သူမမှာ စွဲလမ်းမသွားဘဲ မနေနိုင်ပေ။ သူမ၏ မျက်နှာမှာ ရဲတွတ်နေသည်။ ယဲ့ချန်မှာ ဤစကားများကို ဂရုမစိုက်ဟန် ရှိသော်လည်း ကံကြမ္မာ၏ သားတော်ဖြစ်သည့်တိုင် ငယ်ရွယ်သူ ဖြစ်နေဆဲပင်။

တည်ငြိမ်နေသယောင် ရှိသော်လည်း ရင့်ကျက်မှု မရှိသေးသည့် အရိပ်အယောင်များကို တွေ့နေရသည်။ သူ၏ ပါးစပ်မှာ နားရွချိက်မတတ် ပြုံးနေသည်ကို မမြင်မိကြဘူးလား...

​"နတ်ဘုရားသားတော် တီကျွယ်တျန်း... ဘာများ ပြောစရာ ရှိသေးလဲ..."

"ရှီးအာကို အရင်က ဂရုစိုက်ပေးခဲ့တာ ကျွန်တော် သိပါတယ်... ဖြစ်နိုင်ရင် အဲ့ဒီအရင်းအမြစ်တွေကို ကျွန်တော် ပြန်ပေးနိုင်ပါတယ်..."

"ရှီးအာနဲ့ ကျွန်တော်က တစ်ဦးနဲ့တစ်ဦး တကယ် ချစ်ကြိုက်နေကြတာကို မင်း မြင်တွေ့နေရမှာပါ... မင်းက ဒီလောက်ထိ စိတ်သဘောထား သေးသိမ်တဲ့သူ မဟုတ်ပါဘူးနော်..."