အခန်း ၃၆ - သံသယများနှင့် ဆုလာဘ်

ရှီယန်၏ ထိုင်နေသော ပုံစံမှာ ပြောင်းလဲခြင်း မရှိသော်လည်း အိပ်မက်ဆိုး နယ်ပယ်သို့ ပြန်လည်ရောက်ရှိသွားသည်နှင့် တစ်ပြိုင်နက် သည်းခံနိုင်စွမ်းမရှိလောက်သော ရောင်ခြည်လှိုင်းတစ်ခုက သူ၏ မျက်လုံးများအတွင်းသို့ ဖြတ်ခနဲ ဝင်ရောက်လာခဲ့ပြီး သူ့ကို လုံးဝ မျက်စိကွယ်သွားစေခဲ့သည်။ ထိုအခိုက်အတန့်တွင် သူသည် ဘာဂရိတ် ဘာဖြစ်ပျက်နေသည်ကို မသိရှိတော့ချေ။ သို့သော်လည်း သူ၏ ခန္ဓာကိုယ်အတွင်း၌ ထူးဆန်းပြီး လေးလံလှသော ခံစားမှုတစ်ခု ပြည့်လျှံနေခဲ့ကာ သူ၏ နားထဲတွင် ကြားရသော အသံများပင်လျှင် အက်ကွဲအောမှိုင်းသွားခဲ့သည်။

သူ၏ အမြင်အာရုံထဲတွင် အလင်းစက်အချို့ စတင် ထွက်ပေါ်လာပြီးနောက် ရှီယန်သည် သူ၏ အမြင်အာရုံကို တဖြည်းဖြည်း ပြန်လည်ရရှိလာခဲ့သည်။ သူ နိုးလာသည့်အခါ ထိုအလင်းစက်များသည် တလက်လက် တောက်ပနေသော ကြယ်ပွင့်များနှင့် တူနေကြောင်း သဘောပေါက်လိုက်မိသည်။ပတ်ဝန်းကျင်ကို ကြည့်ရှုလိုက်ရာ သူသည် အဆုံးအစမဲ့လှသော စကြဝဠာ ဟာလာပြင်ကြီးအတွင်းသို့ ရောက်ရှိနေသကဲ့သို့ ဖြစ်နေပြီး မှောင်မိုက်၍ နက်ရှိုင်းအောမှိုင်းသော အရောင်အသွေးများဖြင့် ဝန်းရံခြင်း ခံထားရသည်။

မကြာမီအချိန်အတွင်း ရှီယန်၏ ရှေ့မှောက်၌ သုံးဖက်မြင် ပရိုဂျက်တာပြကွက်များ ထွက်ပေါ်လာခဲ့ပြီး လူသတ်သမား ဂျက်ခ်၊ မစ္စတာကတ်ဇီဒါနှင့် လော့စ်အိန်ဂျလိစ် ရဲတပ်ဖွဲ့ဝင်များ၏ တိုက်ပွဲဝင်နေကြသည့် မြင်ကွင်းများ ဖြတ်ခနဲ ထွက်ပေါ်လာခဲ့ကာ ထို့နောက်တွင်မူ T-750 တာမီနေတာ နှစ်ခု၏ သတ်ဖြတ်ခြင်းခံရသည့် မြင်ကွင်းများ ထွက်ပေါ်လာခဲ့သည်။ နောက်ဆုံးတွင်မူ သူသည် သူ၏ ကိုယ်ပိုင်လက်ဖြင့် FBI အေးဂျင့်၏ လည်ပင်းကို ဆုပ်ကိုင်ထားပြီး သံချောင်းအတွင်းသို့ ရက်စက်စွာ ရိုက်နှက်လိုက်ရာ ထိုပြသထားသော လူမှာ နောက်ဆုံးတွင် သေဆုံးသွားခဲ့ရသည့် မြင်ကွင်းကို မြင်တွေ့လိုက်ရသည်။

ထို့နောက် အာကာသ ဟာလာပြင်ကြီးက အောက်ပါ အချက်အလက်များကို ဆက်လက် ပြသလိုက်တော့သည် ။

မြင်ကွင်း: တာမီနေတာ

ခက်ခဲမှုအဆင့်: အလွန်တရာ လွယ်ကူခြင်း (အီး အဆင့်)

သက်ရောက်နိုင်သော နာကျင်မှု ကန့်သတ်ချက်: ၇၀

တစ်ဦးချင်းစီ၏ ထပ်ဆောင်း အင်အား: ၅၀

လက်ရှိ မြင်ကွင်း ရှာဖွေတွေ့ရှိမှု အတိုင်းအတာ: ၁၂.၃၁

မှတ်တိုင် ပြီးမြောက်မှုနှုန်း: သစ္စာဖောက် မဟာမိတ် ၁၀/၅၀၊ စက်ရုပ် အမဲလိုက်သမား ၂/၃

ထပ်ဆောင်း အချက်အလက်: မြင်ကွင်း သတ်မှတ်ချက်မှာ ငြိမ်းချမ်းသော အခြေအနေ ဖြစ်သည်၊ ပြိုင်ပွဲဝင်သည် သေဆုံးပါက ပစ္စည်းများ ကျန်ရစ်ခဲ့လိမ့်မည် မဟုတ်ချေ၊ ဒစ်ဂျစ်တယ်စနစ်သုံး ဇာတ်ကောင် အချက်အလက်များ ပြုပြင်ပြောင်းလဲမှုကို စတင်နေပြီ ဖြစ်သည်၊ ပြိုင်ပွဲဝင်သည် မိမိ၏ ကိုယ်ပိုင် အရည်အသွေးများကို အိပ်မက်ဆိုး တံဆိပ်ခတ်နှိပ်မှုမှတစ်ဆင့် စစ်ဆေးနိုင်ပါသည်။

မစ်ရှင် ပြီးမြောက်မှုနှုန်း: ၅၃

မစ်ရှင် ပြီးမြောက်မှု အမှတ်: စီ၊ မှတ်ချက် - အနိမ့်ဆုံး: အီး၊ အမြင့်ဆုံးအမှတ်မှာ အပြစ်ဆိုဖွယ်မရှိသော အက်စ်အက်စ်အက်စ် ဖြစ်သည်။

မြင်ကွင်း ပြီးမြောက်မှု ဆုလာဘ်: စိတ်ကြိုက်အသုံးပြုနိုင်သော အရည်အသွေးမှတ် - ၁ မှတ်၊ အသုံးချမှတ် - ၁၀၀ မှတ်၊ အလားအလာမှတ် - ၂ မှတ်

ဇာတ်ကောင်၏ လက်ရှိ စိတ်ကြိုက်အသုံးပြုနိုင်သော အရည်အသွေးမှတ်: ၁ မှတ်

မင်းဟာ မည်သည့်အချိန်တွင်မဆို မင်းရဲ့ စိတ်ကြိုက်အသုံးပြုနိုင်သော အရည်အသွေးမှတ်ကို အသုံးပြုပြီး မင်းရဲ့ ကိုယ်ပိုင် အရည်အသွေး ခွန်အား၊ လျှင်မြန်မှု စသည် တစ်ခုခုကို မြှင့်တင်နိုင်ကာ မိမိကိုယ်ကိုယ် အဆင့်မြှင့်တင်နိုင်ပါတယ်။

မင်းဟာ မင်းရဲ့ ပထမဆုံး အဓိက မစ်ရှင်ကို ပြီးမြောက်ခဲ့ပြီ ဖြစ်ပါတယ်: အိပ်မက်ဆိုး တံဆိပ်ခတ်နှိပ်မှုရဲ့ သေးငယ်တဲ့ အာကာသစွမ်းရည်ကို စတင် အသက်သွင်းလိုက်ပြီ ဖြစ်ပြီး မင်းရဲ့ လက်ရှိ အာကာသ သိုလှောင်မှု အကျယ်အဝန်းကတော့ ၀.၅ ကုဗမီတာ ဖြစ်ပါတယ်။ အလေးချိန် ကန့်သတ်ချက်အနေနဲ့ ၁၀ ကီလိုဂရမ်ထက် မကျော်လွန်ရပါဘူး။

ညွှန်ပြချက် - တာမီနေတာ ကမ္ဘာမှနေ၍ ယူဆောင်သွားရန် မစွမ်းသာသော ပစ္စည်းများ/ လက်နက်ကိရိယာများနှင့် ပတ်သက်၍ မင်းမှာ အောက်ပါ ရွေးချယ်စရာများ ရှိပါသည်။

အေ - အားလုံးကို ပြန်လည်ရောင်းချပြီး အသုံးချမှတ်များနှင့် လဲလှယ်ခြင်း။

ဘီ - ပိုင်ဆိုင်မှုကို ဆက်လက် ထိန်းသိမ်းထားခြင်း၊ နောက်တစ်ကြိမ် မင်း တာမီနေတာ ကမ္ဘာထဲကို ဝင်ရောက်တဲ့အခါ ယင်းတို့ကို ပြန်လည် ရယူနိုင်ပါတယ်။ လုံခြုံစွာ ထိန်းသိမ်းခအဖြစ် အချို့သော အသုံးချမှတ် ပမာဏကို အသုံးပြုရမှာ ဖြစ်ပြီး သို့မဟုတ်ပါက မင်းရဲ့ ပစ္စည်းတွေကို စွန့်ပစ်လိုက်မှာ ဖြစ်ပါတယ်။

ရှီယန်သည် သူ၏ ပစ္စည်းအားလုံးနှင့် အမေရိကန် ဒေါ်လာ အားလုံးကို ရောင်းချရန် ရွေးချယ်လိုက်ရာ စုစုပေါင်း အသုံးချမှတ် ၂၈၃ မှတ်ကို ရရှိခဲ့သည်။ သူသည် အသုံးချမှတ်များ၏ လုပ်ဆောင်ချက် အပြည့်အစုံကို မသိရှိသေးသော်လည်း ဤအမှတ်များသည် သူ၏ ငွေကြေးကဲ့သို့ ဖြစ်ပြီး အလွန်တရာ အသုံးဝင်လိမ့်မည် ဖြစ်ကြောင်းကိုမူ နားလည်ထားသည်။ ထို M500 ပစ္စတိုသေနတ်နှင့် စက်သေနတ်ငယ်တို့မှာ အတော်ပင် ရှားပါးလှသော်လည်း ရှီယန်သည် သေနတ်များနှင့် အလွန်အမင်း ကိုက်ညီမှု မရှိသဖြင့် ယင်းတို့ကို သိမ်းဆည်းထားရန် မည်သည့် တန်ဖိုးမျှ မရှိချေ။ ထို့ကြောင့် ရှီယန်သည် ယင်းတို့ကို ရောင်းချလိုက်ရာ သူ၏ စုစုပေါင်း အသုံးချမှတ် ပမာဏမှာ ၃၄၀ မှတ်အထိ မြင့်တက်သွားခဲ့သည်။

ထို့နောက် ရှီယန်သည် အလားအလာမှတ်များ၏ ဖော်ပြချက်ကို သေသေချာချာ စစ်ဆေးကြည့်ရှုလိုက်ပြီး ထိုအမှတ်ကို အသုံးပြုရန်အတွက် မလော‌စေချင်။ သူ၏ စိတ်အတွင်း၌မူ မစ်ရှင် ပြီးမြောက်မှုနှုန်း ၅၃ ဖြစ်နေခြင်းကို အတော်ပင် စိတ်အနှောင့်အယှက် ဖြစ်နေဆဲပင် ဖြစ်သည်။ ယခင်က သူသည် ကြောက်မက်ဖွယ်ရာ ကောင်းလှသော T-750 တာမီနေတာ နှစ်ခုကို ဖယ်ရှားနိုင်ခဲ့သဖြင့် အကယ်၍ အခြားသူတစ်ဦးသာ ဖြစ်ပါက ယခုထက် ပိုမိုကောင်းမွန်အောင် ပြုလုပ်နိုင်လိမ့်မည် မဟုတ်ဟု သူ ယုံကြည်ထားခဲ့သည်။ ဤကဲ့သို့သော စွမ်းဆောင်ရည်မျိုးက သူ့ကို ပြီးမြောက်မှုနှုန်း ၅၃ သာ ရရှိစေခဲ့သည်။ အကယ်၍ စုစုပေါင်း အမှတ် ၁၀၀ ပေါ်တွင် အခြေခံပါက ယင်းက အောင်မှတ်ရုံမျှသာ ရှိသေးသည်။ သို့ဆိုလျှင် မည်ကဲ့သို့သော စွမ်းဆောင်ရည်မျိုးကသာ အပြစ်ဆိုဖွယ်မရှိသော အမှတ် ၁၀၀ ကို ရရှိစေနိုင်မည်နည်း။ ရှီယန်သည် စဉ်းစားဆင်ခြင်လိုက်သော်လည်း ယင်းကို နားမလည်နိုင်သေးချေ။

ကျယ်ပြန့်လှသော တလက်လက် တောက်ပနေသည့် စကြဝဠာကြီးမှာ စတင်၍ ဝေဝါးသွားခဲ့ပြီး နောက်ဆုံးတွင် မှောင်မိုက်ခြင်းအဖြစ်သို့ ပြောင်းလဲသွားခဲ့သည်။ ရှီယန် သူ၏ အမြင်အာရုံကို ပြန်လည်ရရှိလာသည့်အခါ သူသည် လက်ရှိတွင် သေးငယ်သော အခန်းတစ်ခန်းအတွင်းသို့ ရောက်ရှိနေခဲ့ပြီ ဖြစ်သည်။ ဤအခန်းမှာ ရိုးရှင်းပြီး သာမန်မျှသာ ဖြစ်ကာ ပတ်ဝန်းကျင်တစ်ခုလုံးကို သံမဏိများဖြင့် ပြုလုပ်ထားပြီး ခေတ်သစ် စစ်သင်္ဘောတစ်စင်း၏ ပုံစံကဲ့သို့ ကျစ်လစ်လှပ၍ သပ်ရပ်လှကာ အတွေ့အကြုံ ရင့်ကျက်မှုရှိလှသည်။ အခန်းအတွင်း၌ နံရံတစ်ခုနှင့် ကြမ်းပြင်ပေါ်တွင် သေးငယ်သော သံမဏိ ထိုင်ခုံလေးတစ်ခုသာ ရှိပေသည်။ အလွန်လျင်မြန်စွာပင် အိပ်မက်ဆိုး တံဆိပ်ခတ်နှိပ်မှုက အကြောင်းကြားစာ ပေးပို့လိုက်တော့သည် ။

ဒါကတော့ အိပ်မက်ဆိုး နယ်ပယ်အတွင်းက မင်းရဲ့ ကိုယ်ပိုင်အခန်း ဖြစ်ပါတယ်၊ ပြင်ပက လူပုဂ္ဂိုလ်တွေ အနေနဲ့ ဝင်ရောက်နိုင်မှာ မဟုတ်ပါဘူး၊ လက်ရှိ ကမ္ဘာဆီသို့ ယူဆောင်သွားလို့ မရတဲ့ ပစ္စည်းတွေကို ဒီအခန်းထဲမှာ သိုလှောင်ထားနိုင်ပါတယ်။ အကယ်၍ မင်း ဒဏ်ရာရရှိခဲ့မယ်ဆိုရင် အချို့သော ဝန်ဆောင်ခကို အသုံးပြုပြီး ဒီနေရာမှာ အလျင်အမြန် ပြန်လည် ကုသနိုင်ပါတယ်။ ဝင်ရောက်ဖို့အတွက် သော့ကတော့ မင်းရဲ့ အိပ်မက်ဆိုး တံဆိပ်ခတ်နှိပ်မှု ဖြစ်ပါတယ်။ အိပ်မက်ဆိုး နယ်ပယ်အတွင်းမှာ မင်းရဲ့ ပြင်ပရုပ်သွင်က ဝေဝါးနေမှာ ဖြစ်တဲ့အတွက် အခြားသူတွေနဲ့ ဆက်ဆံတဲ့အခါ မင်းရဲ့ မူလ မည်သူမည်ဝါဖြစ်ကြောင်းကို ထုတ်ဖော်မပြပါနဲ့၊ ယင်းက အနာဂတ်မှာ ဆိုးရွားတဲ့ အကျိုးဆက်တွေကို ဖြစ်ပေါ်စေနိုင်ပါတယ်။ မည်သည့် တောင်းဆိုချက် ဒါမှမဟုတ် စုံစမ်းမေးမြန်းမှုကိုမဆို အိပ်မက်ဆိုး တံဆိပ်ခတ်နှိပ်မှုကတစ်ဆင့် ပြုလုပ်နိုင်ပြီး အသုံးချမှတ် အချို့ ကုန်ကျမှာ ဖြစ်ပါတယ်။

ရှီယန်သည် ဤစကားလုံးများကို နားလည်လိုက်ပြီးနောက် လျင်မြန်စွာပင် ပြောကြားလိုက်သည် ။

အလားအလာမှတ်တွေရဲ့ လုပ်ဆောင်ချက်ကို ရှင်းပြပေးပါ။

ချက်ချင်းပင် သူ ပြန်လည်ဖြေကြားမှုကို ရရှိခဲ့သည် ။

အလားအလာမှတ်တွေကို အခြေခံ စွမ်းရည်များ၊ကျွမ်းကျင်မှုများနှင့် တိုက်ခိုက်ရေး စွမ်းရည်များ၊ကျွမ်းကျင်မှုများကို အဆင့်မြှင့်တင်ဖို့အတွက် အသုံးပြုပါတယ်။

အိပ်မက်ဆိုး နယ်ပယ်အတွင်းမှာ ပြိုင်ပွဲဝင်တစ်ဦးဟာ အမျိုးမျိုးနဲ့ မတူကွဲပြားတဲ့ ထူးခြားလှတဲ့ စွမ်းရည်တွေ၊ကျွမ်းကျင်မှုတွေကို လေ့လာသင်ယူနိုင်ပါတယ်။ ဒါပေမဲ့ ကြီးမားလှတဲ့ သစ်ပင်ကြီးတွေဟာ သေးငယ်တဲ့ အစေ့အဆန်လေးတွေကနေ ကြီးထွားလာရတာ ဖြစ်ပါတယ် (တရုတ်စကားပုံ)၊ ထူးခြားတဲ့ စွမ်းရည်တွေ ပိုမို အစွမ်းထက်လေလေ၊ တစ်ခုနဲ့တစ်ခု ဖြည့်ဆည်းပေးဖို့နဲ့ နောက်ဆုံးမှာ ပိုမို အစွမ်းထက်တဲ့ စွမ်းရည်ကို မွေးဖွားပေးနိုင်ဖို့အတွက် အခြေခံ ကျွမ်းကျင်မှုတွေနဲ့ လေ့ကျင့်မှုတွေရဲ့ လိုအပ်ချက်က ပိုမို ကြီးမားလေလေ ဖြစ်ပါတယ်။

အခြေခံ စွမ်းရည်တွင် စုစုပေါင်း အမျိုးအစား ၇ ခု ရှိသည်။ တိုက်ခိုက်ရေးတစ်ခုလုံးကို လွှမ်းခြုံနိုင်ရန်အတွက် များပြားလှသော အစိတ်အပိုင်းများ လိုအပ်ပေသည်။ ယင်းက မင်း၏ ခန္ဓာကိုယ် အရည်အသွေးများဖြစ်သည့် ခွန်အား၊ လျှင်မြန်မှု၊ ကိုယ်ခန္ဓာ တည်ဆောက်ပုံ၊ အလိုလိုအသိစိတ်၊ ဆွဲဆောင်မှု၊ စိတ်ဓာတ်၊ ဉာဏ်ပညာ ဟူသော ဤအမျိုးအစား ၇ ခုနှင့် ဆက်စပ်နေခြင်း ဖြစ်သည်။ အခြေခံ စွမ်းရည်များ၏ သက်ရောက်မှုများသည် သဘာဝအလျောက် ဖြစ်ပေါ်ပြီး အောက်ပါအတိုင်း တိကျလှပေသည်။

အခြေခံ အနီးကပ်တိုက်ခိုက်မှု: အနီးကပ်တိုက်ခိုက်မှုရဲ့ အမျိုးမျိုးသော စွမ်းဆောင်ရည်တွေကို လေ့ကျင့်ခြင်းက မင်းရဲ့ အနီးကပ်တိုက်ခိုက်မှု တိုက်ခိုက်ရေး စွမ်းရည်နဲ့ သတ်ဖြတ်နိုင်စွမ်းကို မြှင့်တင်ပေးမှာ ဖြစ်ပါတယ်။ အဓိက ဆက်စပ်နေတဲ့ ခန္ဓာကိုယ် အရည်အသွေး: ခွန်အား။

အခြေခံ ခြေလှမ်း: ရန်သူတွေကို ရှောင်တိမ်းနိုင်မယ့် မင်းရဲ့ စွမ်းရည်ကို လေ့ကျင့်ခြင်းဖြစ်ပြီး မင်းရဲ့ လှုပ်ရှားမှု အရှိန်အဟုန်ကို အနည်းငယ် မြှင့်တင်ပေးနိုင်ပါတယ်။ အဓိက ခန္ဓာကိုယ် အရည်အသွေး: လျှင်မြန်မှု။

အခြေခံ အဝေးပစ်တိုက်ခိုက်မှု: အဝေးပစ် လက်နက်တွေကို အသုံးပြုနိုင်မယ့် မင်းရဲ့ စွမ်းဆောင်ရည်တွေကို လေ့ကျင့်ခြင်းဖြစ်ပြီး အဝေးကနေ ပေးစွမ်းနိုင်တဲ့ ထိခိုက်မှုကို မြှင့်တင်ပေးပါတယ်။ အဓိက ခန္ဓာကိုယ် အရည်အသွေး: အလိုလိုအသိစိတ်။

အခြေခံ ခံနိုင်ရည်: ကြံ့ကြံ့ခံနိုင်မယ့် မင်းရဲ့ စွမ်းရည်ကို လေ့ကျင့်ခြင်းဖြစ်ပြီး မင်းကို ပိုမို ကြာရှည်စွာ အသက်ရှင်သန်နိုင်စေပါတယ်။ အဓိက ခန္ဓာကိုယ် အရည်အသွေး: ကိုယ်ခန္ဓာ တည်ဆောက်ပုံ။

အခြေခံ စကား‌ပြောစွမ်းရည်: မင်းရဲ့ စည်းရုံးနိုင်စွမ်းကို လေ့ကျင့်ခြင်းဖြစ်ပြီး စိမ်းသက်သူတွေနဲ့ လျင်မြန်စွာ ရွေးချယ်ပေါင်းသင်းနိုင်စေတာ ဒါမှမဟုတ် သံယောဇဉ်မှတ်တွေကို ရရှိစေနိုင်ပါတယ်။ အဓိက ခန္ဓာကိုယ် အရည်အသွေး: ဆွဲဆောင်မှု။

အခြေခံ တရားထိုင်ခြင်း: မင်းရဲ့ စိတ်ဓာတ်ကြံ့ခိုင်မှုကို လေ့ကျင့်ခြင်းဖြစ်ပြီး မင်းရဲ့ စိတ်ပိုင်းဆိုင်ရာ စွမ်းအားတွေကို ပိုမို ခိုင်မာတောင့်တင်းစေပါတယ်။ အခြေခံ ခန္ဓာကိုယ် အရည်အသွေး: စိတ်ဓာတ်။”

အခြေခံ ဆုတောင်းခြင်း: မင်းရဲ့ စိတ်အစဉ်ကို လေ့ကျင့်ပေးပြီး မင်းရဲ့ စိတ်ပိုင်းဆိုင်ရာ စွမ်းပကားကို ကျယ်ပြန့်စေကာ အဆင့်မြှင့်တင်ပေးပါတယ်။ အခြေခံ ခန္ဓာကိုယ် အရည်အသွေး: ဉာဏ်ပညာ။

အချို့သော အဆင့်မြင့် လက်နက်ကိရိယာတွေ၊ကျွမ်းကျင်မှုတွေဟာ အသုံးမပြုခင် ဒါမှမဟုတ် မလေ့လာခင်မှာ အချို့သော တိုက်ခိုက်ရေး ကျွမ်းကျင်မှုတွေ၊အခြေခံ ကျွမ်းကျင်မှုတွေကို လိုအပ်မှာ ဖြစ်ပါတယ်။ စွမ်းရည် ပိုမို မြင့်မားလေလေ၊ တိုးတက်ဖို့အတွက် အလားအလာမှတ်တွေ ပိုမို လိုအပ်လေလေ ဖြစ်ပါတယ်။ စွမ်းရည်တွေ၊ကျွမ်းကျင်မှုတွေကို ပြင်းထန်ပြီး ခက်ခဲလှတဲ့ တစ်ဦးချင်းစီရဲ့ လေ့ကျင့်မှုတွေကတစ်ဆင့်လည်း အဆင့်မြှင့်တင်နိုင်ပေမယ့် မင်း အကန့်အသတ်တစ်ခုကို ရောက်ရှိသွားတဲ့အခါ မင်းရဲ့ အလားအလာမှတ်တွေကို အသုံးပြုနိုင်ပါတယ်။ ဥပမာအားဖြင့် ကိုယ်ခံပညာပေါင်းစုံ ချန်ပီယံတစ်ဦးဟာ ဒီနယ်ပယ်ထဲကို ဝင်ရောက်တဲ့အခါ အဆင့်မြင့် အနီးကပ်တိုက်ခိုက်မှု နည်းစနစ်တွေနဲ့ ကျွမ်းကျင်မှု အမြောက်အမြားကို ပိုင်ဆိုင်ထားပြီး ဖြစ်ပါလိမ့်မယ်။

အခြေခံ ကျွမ်းကျင်မှုတွေနဲ့ အချို့သော တိုက်ခိုက်ရေး ကျွမ်းကျင်မှုတွေကို အိပ်မက်ဆိုး နယ်ပယ်အတွင်းမှာ ဝယ်ယူနိုင်ပြီး အဆင့်မြှင့်တင်ဖို့အတွက် အလားအလာမှတ်တွေကို အသုံးပြုနိုင်ပါတယ်။ အဆင့်မြင့် ကျွမ်းကျင်မှုတွေကိုတော့ တစ်ဦးချင်းစီရဲ့ ကိုယ်ပိုင်ဉာဏ်အလင်းပွင့်မှုကတစ်ဆင့် ဒါမှမဟုတ် အိပ်မက်ဆိုး ကမ္ဘာအတွင်းက အချို့သော ဇာတ်ကောင်တွေနဲ့ ဆက်စပ်မှုကတစ်ဆင့်သာ ရရှိနိုင်မှာ ဖြစ်ပါတယ်။

ယခုအချိန်အထိ ရှီယန်သည် သူ ထိုအဝေးပစ်တိုက်ခိုက်မှု ကျွမ်းကျင်သော T-750 တာမီနေတာကို ဖယ်ရှားခဲ့စဉ်က ရရှိခဲ့သော လိပ်စာစာလိပ်တစ်ခုကို စဉ်းစားလိုက်မိသည်။ ပေါ့ပါးသော မီးခတ်သေနတ် ကျွမ်းကျင်မှု။ ယင်းက အခြေခံ အဝေးပစ်တိုက်ခိုက်မှု စွမ်းရည်၏ အဆင့်မြင့် ကျွမ်းကျင်မှု ဖြစ်နိုင်ပေသည်။ ဤကဲ့သို့သော ဘေးကင်းပြီး လုံခြုံလှသော ပတ်ဝန်းကျင်အောက်တွင် သူသည် နောက်ဆုံး၌ FBI အေးဂျင့် ကို သတ်ဖြတ်ခြင်းမှ ရရှိခဲ့သော အဖြူရောင်သော့ကို ထုတ်ယူလိုက်တော့သည်။ သေတ္တာတစ်လုံး ထွက်ပေါ်လာခဲ့ပြီးနောက် သူသည် အသုံးချမှတ် ၈၀ မှတ်နှင့် အဖြူရောင် လက်နက်ကိရိယာတစ်ခု ဖြစ်သည့် FBI အထူးလေကာအင်္ကျီ ကို ရရှိခဲ့သည်။ ထို့နောက် သူသည် သူ အောင်မြင်စွာ ပြန်လည်ပြုပြင်ထားသော ကိုဘော့သံမဏိ အပြင်ဘက် အရိုးစုလက် သံချပ်ကာကို ထုတ်ယူ၍ စစ်ဆေးကြည့်ရှုလိုက်ရာ အောက်ပါ အရည်အသွေးများကို သေသေချာချာ သတိပြုမိလိုက်သည်။

FBI အထူးလေကာအင်္ကျီ အခြေအနေ: အလွန်တရာ ကောင်းမွန်သည်

မူရင်းဒေသ: လော့စ်အိန်ဂျလိစ်။ ခေတ်သစ် အဝတ်အထည် စက်ရုံ

လက်နက်ကိရိယာ ရှားပါးမှု: အဖြူရောင်။

လက်နက်ကိရိယာ ဝတ်ဆင်မည့်နေရာ: ခန္ဓာကိုယ် အပေါ်ပိုင်း။

လက်နက်ကိရိယာ လိုအပ်ချက်များ: မရှိပါ။

လေကာအင်္ကျီ၏ ထပ်ဆောင်း သက်ရောက်မှု: ဆွဲဆောင်မှု ၁ မှတ် တိုးပွားခြင်း ၊ပိုမို ခန့်ညားလှပစေသဖြင့် ဆွဲဆောင်မှု တိုးပွားစေသည်။

လေကာအင်္ကျီ၏ ထပ်ဆောင်း သက်ရောက်မှု: ရန်သူ၏ ထိမှန်ခြင်းကို ခံရမည့် အလားအလာကို ၁ မှတ် လျှော့ချပေးခြင်း အကြောင်းရင်းမှာ လေကာအင်္ကျီမှာ အလွန်တရာ ပွပွယောင်းယောင်း ဖြစ်နေသဖြင့် ရန်သူအနေဖြင့် မင်း၏ ခန္ဓာကိုယ် မြင်ကွင်းအပြည့်ကို မမြင်ရအောင် ကာကွယ်ပေးနိုင်ခြင်းကြောင့် ဖြစ်သည်

အကဲဖြတ်ချက်: ဤလက်နက်ကိရိယာသည် ကာကွယ်မှုပေးနိုင်ခြင်းထက် ဖက်ရှင်ဆန်မှု စွမ်းဆောင်ရည် ပိုမို ရှိပေသည်။ ယင်းက ၁၉၈၂ ခုနှစ်၏ ခေတ်စားခဲ့သော ဗာဆာချီ လေကာအင်္ကျီများနှင့် တူလှပေသည်။

လက်နက်ကိရိယာ၏ တိုက်ခိုက်ရေးမှတ်: ၆

ကိုဘော့သံမဏိ အပြင်ဘက် အရိုးစုလက် သံချပ်ကာ (ဘယ်လက်) အခြေအနေ: အလွန်တရာ ကောင်းမွန်သည်

မူရင်းဒေသ: မီချီဂန် အမေရိကန်၊ စကိုင်းနက် နံပါတ် ၇၁ အလုပ်ရုံ၊ ကိုးခုမြောက် ထုတ်လုပ်ရေးလိုင်း။

လက်နက်ကိရိယာ ရှားပါးမှု: အပြာနုရောင်

လက်နက်ကိရိယာ သက်ရောက်မှု: မင်း၏ လက်တိုက်ခိုက်မှု ထိခိုက်မှုကို ၁၈-၁၉ မှတ်အထိ တိုးပွားစေသည်။

လက်နက်ကိရိယာ သက်ရောက်မှု: မင်း၏ အခြေခံ အရည်အသွေးများ အားလုံးကို ၁ မှတ်စီ တိုးပွားစေသည်။ (ရှားပါးလှသော အထူးသက်ရောက်မှု)

လက်နက်ကိရိယာ လိုအပ်ချက်များ: ခွန်အား ၉ မှတ်၊ ကိုယ်ခန္ဓာ တည်ဆောက်ပုံ ၁၁ မှတ်။

လက်နက်ကိရိယာ တက်ဆင်မည့်နေရာ: လက်မောင်း

ကုန်ကြမ်း: ကိုဘော့နှင့် သံမဏိ အရောအနှော။

အသားစ ပလတ်စတစ်အလွှာ (လုပ်ဆောင်ချက် ရပ်ဆိုင်းသွားခဲ့ပြီ)။

သံလိုက်လက်နက် စုပ်ယူမှု စစ်ဆေးခြင်း စနစ် (ထည့်သွင်း၍ မရနိုင်ပါ) (မင်းရဲ့ အတင်းအကျပ် ပြန်လည်ပြုပြင်မှုကြောင့် ဆက်သွယ်မှု ဆိပ်ကမ်း ပျက်စီးသွားခဲ့ပြီ ဖြစ်သည်)

အလေးချိန်: ၇.၈ ကီလိုဂရမ်။

အလျား: ၃၅၂ မီလီမီတာ

လက်နက်အမျိုးအစား အထူးသက်ရောက်မှု (ဖယ်ရှားပြီး ဖြစ်သည်): တိုက်ခိုက်နေစဉ်အတွင်း ရန်သူ၏ ကာကွယ်ရေးကို လျစ်လျူရှုနိုင်မည့် သေးငယ်သော အလားအလာ ရှိသည်။ မင်းဟာ ဤလက်နက်အတွင်းသို့ မသန့်စင်သော ကုန်ကြမ်းတစ်ခုကို ထည့်သွင်းခဲ့သဖြင့် အထူးသက်ရောက်မှုကို အသက်သွင်းနိုင်ခြင်း မရှိတော့ပါ။

လက်နက်အမျိုးအစား အကျိုးသက်ရောက်မှုအသစ်: တိုက်ခိုက်နေစဉ်အတွင်း မင်းမှာ ထပ်ဆောင်း ထိခိုက်မှုကို ဖြစ်ပေါ်စေနိုင်မည့် ၅၀% အခွင့်အရေး ရှိပြီး ထိခိုက်မှု ပမာဏမှာ အသုံးပြုသူ၏ ခွန်အားအပေါ်တွင် မူတည်ပေသည်။

အကဲဖြတ်ချက်: အမြော်အမြင်မရှိတဲ့ လူမိုက်ကြီး။ မင်းဟာ ဒီလို ဂရုမစိုက်ဘဲ ပြန်လည်ပြုပြင်မှုအတွက် နောင်တရပါလိမ့်မယ်။

လက်နက်ကိရိယာ၏ တိုက်ခိုက်ရေးမှတ်: ၁၄