အခန်း (၂၀) - သတ်ပစ်လိုက်စမ်း!

မင်းလည်း သတိထားမိမှာပါ၊ ငါက ရန်သူ့အရှေ့တည့်တည့်ကို တိုးတိုက်တဲ့အမျိုးအစားဆိုတော့ အဝေးကနေ ပံ့ပိုးပေးမယ့် သေနတ်သမား အားကိုးစရာ မရှိဘူး။ မင်းက အဝေးပစ် တိုက်ခိုက်ရေးသမားဆိုတော့ ငါတို့ အရင်ကမ္ဘာမှာဆိုရင် အဆင်ပြေပေမဲ့ အခုက တာမီနေတာ ကမ္ဘာလေ မင်းရဲ့ ကျည်ဆန်အနည်းငယ်နဲ့ ငါ့ကိုတောင် မတားနိုင်တာ၊ နောင်မှာ ပိုသန်မာတဲ့ သတ္တဝါတွေနဲ့တွေ့ရင် ဘယ်လိုရင်ဆိုင်မလဲ။ ငါတို့နှစ်ယောက် ပူးပေါင်းမယ်ဆိုရင် နှစ်ဦးနှစ်ဖက်လုံးအတွက် အကောင်းဆုံးဖြစ်မှာပါ။

ရှီယန်က အလွန်ရိုးသားပြီး ကျိုးကြောင်းဆီလျော်စွာ ပြောဆိုလိုက်ရာ မစ္စတာကာဇီဒါ ခဏတာ စဉ်းစားသွားသည်။ သူသည် အနီးရှိ လမ်းမီးတိုင်ကို စိုက်ကြည့်ရင်း တိုးညှင်းစွာ ပြန်ပြောသည် ။ငါ အပြင်းအထန် ဒဏ်ရာအနာတရအဖြစ်ခံပြီး အဖမ်းခံခဲ့တာက အရင်တုန်းက တခြားတစ်ယောက်ဆီကနေ ရခဲ့တဲ့ 'အမွှေးနံ့သာခဲ'တစ်ခုကြောင့်ပဲ။ အဲဒီဆေးက လူတစ်ယောက်ကို အကောင်းပကတိ အခြေအနေရောက်အောင် ကုသပေးနိုင်တယ်။ ဒါပေမဲ့ အဲဒီဆေးကို သုံးဖို့လိုအပ်ချက်တွေကို ငါမပြည့်မီသေးဘူး၊ မင်းကလည်း မြန်မြန်ဆန်ဆန် ရောက်လာတော့ ငါ ဒီလိုအခြေအနေဆိုးနဲ့ ကြုံရတာပဲ။

ရှီယန်က မေးလိုက်သည် တခြားတစ်ယောက်ဆီက ရတာလား၊ ဘယ်လိုရခဲ့တာလဲ။

မစ္စတာကာဇီဒါက မျက်လုံးကို အသာမှိတ်ကာ ပြန်ဖြေသည် - ဒါက မင်းအတွက် ပထမဆုံးအကြိမ် ဖြစ်လိမ့်မယ်၊ ဒါပေမဲ့ ငါကတော့ ယှဉ်ပြိုင်သူတစ်ယောက်အနေနဲ့ တခြားရုပ်ရှင်ကမ္ဘာတစ်ခုကို ကြုံဖူးပြီးသား။ ငါ ပထမဆုံးဝင်ခဲ့တဲ့ ရုပ်ရှင်ကမ္ဘာက အလွန်ရုန်းရင်းဆန်ခတ်ဖြစ်ပြီး အကြမ်းဖက်မှုတွေနဲ့ ပြည့်နေတဲ့ ကမ္ဘာပဲ။ အဲဒီတိုက်ပွဲတွေကြားမှာ ဒီဆေးကို အမှတ်မထင် ရခဲ့တာ။

ရှီယန်သည် မစ္စတာကာဇီဒါ၏ ဗီဇကို သိထားသည်။ သူပြောသော အမှတ်မထင်ဆိုသည်မှာ အမှန်စင်စစ် သွေးချောင်းစီး အကြမ်းဖက်ကာ အတင်းအဓမ္မ လုယူခဲ့ခြင်းသာ ဖြစ်ပေလိမ့်မည်။ မစ္စတာကာဇီဒါမှာ လူလည်တစ်ယောက်ဖြစ်ရာ သူပြောပြီးလျှင် ရှီယန်က ထိုပစ္စည်းကို ကြည့်ချင်လိမ့်မည်မှန်း သိသဖြင့် ဆေးကို ချက်ချင်းထုတ်ပြလိုက်သည်။

မသန့်စင်ရသေးသော သွေးနက် ဂလူးကို့စ်

အဆင့် - သာမန်

မူရင်း - အမေဇုံ၊ ဘော်နီယိုကျွန်း

ရှားပါးမှု - အပြာရောင်

အကျိုးအာနိသင် - ၁၀ စက္ကန့်အတွင်း ကျန်းမာရေး အပြည့်အဝ ပြန်ကောင်းလာမည်ဖြစ်ပြီး စိတ်ပိုင်းဆိုင်ရာမှာလည်း အကောင်းဆုံးအခြေအနေသို့ ရောက်ရှိမည်။

ရှင်းလင်းချက် - ဒေသခံများက သွေးသစ်ခွပန်း7ရာပေါင်းများစွာဖြင့် ဖော်စပ်ထားသော ဆေးဖြစ်သည်။

ဘေးထွက်ဆိုးကျိုး - သောက်သုံးပြီး ၁၀ မိနစ်အကြာတွင် စွမ်းဆောင်ရည် ၃၃% ကျဆင်းသွားမည်။ ဘေးထွက်ဆိုးကျိုးမှာ ၁ နာရီကြာမြင့်မည်။

သတိပေးချက် - ဆေးသောက်ချိန်မှစ၍ အာနိသင်မပြမချင်း ငြိမ်သက်စွာ နေရမည်။ လမ်းလျှောက်ခြင်း၊ ပြေးခြင်း၊ တိုက်ခိုက်ခြင်း သို့မဟုတ် တိုက်ခိုက်ခံရခြင်းတို့ ရှိပါက ဆေးအာနိသင် ပျက်ပြယ်သွားမည်။

အသုံးပြုရန် လိုအပ်ချက် - စုစုပေါင်း စိတ်စွမ်းအား ၆၀ မှတ် ရှိရမည်။

အကဲဖြတ်ချက် - မင်းသာ ဆေးသောက်ဖို့ သင့်တော်တဲ့နေရာ ရှာတွေ့မယ်ဆိုရင် ဒါဟာ မင်းရဲ့ ဒုတိယအသက်ပဲ။

လက်ရှိတွင် မစ္စတာကာဇီဒါမှာ စိတ်ထဲတွင် အလွန်ခံပြင်းနေမိသည်။ သူ၏ ဉာဏ်ရည်မှာ မမြင့်မားလှဘဲ ၈ မှတ်သာရှိသဖြင့် စုစုပေါင်း စိတ်စွမ်းအား ၈၀ မှတ်သာ ရှိသည်။ ထို့ပြင် သူ၏ မွေးရာပါအစွမ်းဖြစ်သော 'အလင်းယိုင်ခြင်း'ကို သုံးတိုင်း ၅ မှတ်စီ ကုန်ဆုံးသည်။ ရဲများ၏ ဖမ်းဆီးခြင်းကို ခံရချိန်တွင် သူ၏ MP မှာ ၁၅ မှတ်သာ ကျန်တော့သည်။ ဆေးရုံကုတင်ပေါ်တွင် နားနေစဉ်၌လည်း သူ၏ခန္ဓာကိုယ်မှာ သေလုနီးပါး ဒဏ်ရာရထားသဖြင့် ပြန်လည်နာလန်ထူနိုင်စွမ်းမှာ အလွန်အားနည်းနေခဲ့သည်။ ရှီယန် ဆေးရုံခန်းထဲသို့ ဝင်လာချိန်တွင် သူ၏ MP မှာ ၄၃ မှတ်အထိသာ ပြန်တက်လာသေးသည်။ ထို့ကြောင့် ဤကောင်းမွန်လှသော ပစ္စည်းကို လက်ထဲရှိနေပါလျက်နှင့် သူ မသုံးနိုင်ခဲ့ခြင်းပင်!

ထိုဆေးကို ကြည့်ရင်း ရှီယန်၏ မျက်လုံးများ လက်ခနဲ ဖြစ်သွားကာ ပြောလိုက်သည်။ ဒါကို ငါ့ကိုပေးလိုက်၊ ဒါဆိုရင် ငါတို့ကြားက ကိစ္စတွေ အကုန်ပြေလည်သွားပြီလို့ သတ်မှတ်လိုက်မယ်။ မင်းရဲ့ ဒဏ်ရာတွေအတွက် မစိုးရိမ်နဲ့၊ ယှဉ်ပြိုင်သူတစ်ယောက်ရဲ့ ပြန်လည်ကုသနိုင်စွမ်းက သာမန်ထက် ထူးကဲပြီးသားပဲ။ မင်း မှောင်ခိုဆေးခန်းတစ်ခုခုနဲ့ ဒဏ်ရာကုသပေးနိုင်မယ့်သူကို ရှာတွေ့လို့ တစ်ရက်လောက် နားလိုက်ရင် တိုက်ခိုက်နိုင်စွမ်း ပြန်ရလာမှာပါ။ အဲဒီအခါကျမှ ငါတို့ ပခုံးချင်းယှဉ်ပြီး တိုက်ပွဲဝင်ကြတာပေါ့။

မစ္စတာကာဇီဒါ၏ မျက်နှာကြွက်သားများမှာ မထိန်းနိုင်အောင် တုန်ရီနေသည်။ ဤလူကို သူ လုံးဝ ခန့်မှန်း၍မရသကဲ့သို့ ခံစားနေရသည်။ ကျိုးကြောင်းဆီလျော်စွာ စကားပြောနေသော ဤလူ၏အရှေ့တွင် မစ္စတာကာဇီဒါမှာ အရိုးထဲအထိ စိမ့်တက်သွားသော သေမင်း၏ အအေးဓာတ်ကို ခံစားနေရသည်။ ၎င်းမှာ ချမ်းအေးလှသော ညဉ့်နက်သန်းခေါင်ရှိ သင်္ချိုင်းကုန်းတစ်ခုကဲ့သို့ ကြောက်မက်ဖွယ်ကောင်းလှသည်။ သူသည် ဆုံးဖြတ်ရခက်နေသည်။

သဘောတူသလား၊ မတူဘူးလား ။ ရှီယန်က လီဗာကို နင်းလိုက်ရာ ကားအင်ဂျင်သံ ဟိန်းထွက်သွားပြီး ကားမှာ အဝေးပြေးတံတားပေါ်သို့ တက်လာသည်။ မစ္စတာကာဇီဒါ ဘာစဉ်းစားနေသည်ကို သိသည့်အလား ရှီယန်က ကားကိုမရပ်ဘဲ အေးဆေးစွာ ဆက်ပြောသည် ။မင်းသာ ငါ့နေရာမှာဆိုရင် ဒီဆေးကို တခြားလူလက်ထဲမှာ ထားပါ့မလား? မင်းကော ငါ့လို စိတ်ရှည်နိုင်ပါ့မလား ။

ရှီယန်၏ စကားထဲတွင် ခြိမ်းခြောက်မှုအရိပ်အယောင်များ ပါဝင်နေသည်။ မစ္စတာကာဇီဒါမှာ စိတ်ထဲတွင် ထိတ်လန့်သွားပြီး ရွေးချယ်စရာမရှိတော့သဖြင့် ရှီယန်နှင့်အတူ ကားပေါ်မှ ဆင်းလိုက်ကာ နောက်ဆုံးတွင် ဆုံးဖြတ်လိုက်သည် ။ ကောင်းပြီ၊ ဒါကို မင်းကို ပေးမယ်။

နိုက်မဲအမှတ်အသားမှတစ်ဆင့် မသန့်စင်ရသေးသော သွေးနက် ဂလူးကို့စ်ကို လက်ခံရရှိပါသည် ဟူသော သတင်းစကား ပေါ်လာသည်။ ရှီယန်က အသာအယာ ပြုံးလိုက်ပြီး မစ္စတာကာဇီဒါ၏ ပခုံးကို အသာပုတ်လိုက်ကာ ရုတ်တရက် သူ့ကို မချီပြီး တံတားပေါ်မှ အောက်သို့ ပစ်ချလိုက်တော့သည်!

မစ္စတာကာဇီဒါ၏ နာကျင်စူးရှစွာ အော်ဟစ်သံမှာ ချမ်းအေးလှသော လေထုထဲတွင် ပဲ့တင်ထပ်သွားပြီး အောက်မှ အရှိန်ဖြင့် မောင်းလာသော ကားတစ်စီးပေါ်သို့ ကျသွားချိန်တွင် ပျောက်ကွယ်သွားတော့သည်။ ပြင်းထန်လှသော ထိခိုက်မှုကြောင့် သူ၏ ဦးခေါင်းမှာ ကွဲအက်သွားပြီး အရိုးများ ကြေမွကုန်ကာ မျက်စိ၊ နှာခေါင်းနှင့် နားများမှ သွေးများ ပန်းထွက်လာသည်။ သူ၏ ခန္ဓာကိုယ်မှာ ၇ မီတာ၊ ၈ မီတာခန့် လွင့်ထွက်သွားပြီး အနီးရှိ လမ်းမီးတိုင်ကို သွားမှန်သည်။ ထိုကားဆရာမှာလည်း ဥပဒေလိုက်နာသူ မဟုတ်သဖြင့် ကားကို ရပ်မကြည့်ဘဲ သူ၏ ကံဆိုးမှုကို ကျိန်ဆဲကာ လီဗာကို ပိုနင်း၍ မီးခိုးအမည်းများ ထားရစ်ခဲ့ကာ မောင်းပြေးသွားတော့သည်။

နောက်ထပ် ယာဉ်တိုက်မှုတစ်ခုပေါ့ ။ ရှီယန်က မပြုံးဘဲ မနေနိုင်ပေ။ လူသတ်ရသည်ကို ထုံထိုင်းနေသည့်အလား သူသည် အေးဆေးစွာ ကားမောင်းထွက်ခဲ့ပြီး ပျောက်ကွယ်သွားတော့သည်။

အတိအကျပြောရလျှင် ရှီယန်သည် မစ္စတာကာဇီဒါနှင့် လက်တွဲရန် အလေးအနက် စဉ်းစားခဲ့ဖူးသည်။ ထိုလူ၏ လက်ဖြောင့်လှသော သေနတ်ပစ်စွမ်းရည်က သူ့ကို အမှတ်ရစေခဲ့သည်။ သူတို့နှစ်ယောက်သာ ပူးပေါင်းဖြစ်လျှင် မည်သူမျှ ယှဉ်နိုင်မည် မဟုတ်ပေ! သို့သော်လည်း ရှီယန်သည် သူ့ကို လုံးဝ မယုံကြည်ပေ။ မစ္စတာကာဇီဒါ၏ လွတ်မြောက်မှုနှင့် အကျိုးအမြတ်အတွက် မိမိအသက်ကို ပေးခဲ့ရသော ကံဆိုးသူ ယှဉ်ပြိုင်သူ အမှတ် ၁၈၈၄ ကဲ့သို့ မိမိလည်း ဖြစ်သွားမည်ကို စိုးရိမ်ခြင်းပင်။

ပြတင်းပေါက်အပြင်ဘက်တွင် မိုးဖွဲဖွဲလေး ရွာနေပြီး ရှီယန်မှာ သားနားလှသော စားသောက်ဆိုင်တစ်ခုအတွင်း ထိုင်နေသည်။ သူသည် လက်ကိုင်ပုဝါအဖြူဖြင့် ပါးစပ်ကို သုတ်ကာ ခက်ရင်းကို အသုံးပြု၍ အစားအသောက်များကို စားသုံးနေသည်။ ဤကမ္ဘာသို့ ရောက်ကတည်းက သူ စားခဲ့ရသည်မှာ ဘီစကစ်နှစ်ခုသာ ရှိသေးသည်။ သူသည် အမြဲတမ်း ဆာလောင်နေခဲ့ပြီး မစ္စတာကာဇီဒါကို ရှင်းလင်းပြီးနောက် ဆာဆာဖြင့် ဤစားသောက်ဆိုင်ထဲသို့ ရောက်လာခြင်း ဖြစ်သည်။ ခရီးသွားလာမှု များပြားလှသော တံငါသည်တစ်ယောက်ဖြစ်သဖြင့် ရှီယန်သည် ဤနေရာမှ အစားအသောက်များနှင့် ရင်းနှီးပြီးသား ဖြစ်သည်။ စားသောက်ဆိုင်မှာ သာမန်ဟု ထင်ရသော်လည်း အစားအသောက်များမှာ အလွန်ကောင်းမွန်လှသည်။

ရှီယန်သည် ဆာလမွန်ငါးအဆီအသား တစ်ကောင်လုံး၊ ထောပတ်ကြက်သား၊ ဩစတြေးလျအမဲသားနှင့် အခြား အမြည်းဟင်းလျာများကို မှာယူလိုက်သည်။ သူသည် အီတလီ ရှာဒွန်နေး ဝိုင်နီကို သောက်ရင်း အစားအသောက်များကို အားပါးတရ စားသုံးလိုက်သည်။ အရသာရှိသော အစားအစာနှင့် ဝိုင်တို့ ဗိုက်ထဲရောက်သွားသောအခါ ပင်ပန်းနွမ်းနယ်မှုနှင့် ဆာလောင်မှုများမှာ တဖြည်းဖြည်း ပျောက်ကွယ်သွားတော့သည်။ ထောင့်တစ်နေရာရှိ ရုပ်မြင်သံကြားတွင် သတင်းများ ထုတ်လွှင့်နေသော်လည်း အရာအားလုံးမှာ ပုံမှန်အတိုင်းပင်။

ရှီယန်သည် စားပွဲထိုးမိန်ကလေးထံမှ စုံစမ်းကြည့်ရာ စူပါမားကတ် ဖြစ်စဉ်မှလွဲ၍ အခြား ရာဇဝတ်မှု သတင်းသစ်များ မရှိသေးကြောင်း သိရသည်။ သူသည် အရန် ဆာရာ ကွန်နာ နှစ်ဦးထံသို့ ဖုန်းဆက်ကြည့်သော်လည်း တာမီနေတာ၏ နောက်ထပ် တည်နေရာ သို့မဟုတ် လှုပ်ရှားမှုကို မသိရှိနိုင်ပေ။ ဤသည်မှာ ကောင်းသောလက္ခဏာဖြစ်သည်၊ အကယ်၍ လက်တွေ့အခြေအနေက ရုပ်ရှင်ဇာတ်ကွက်မှ သွေဖယ်သွားလျှင် သို့မဟုတ် နောက်ကျသွားလျှင် ကျန်ရှိသော ဇာတ်လမ်းလည်း နောက်ကျသွားမည် ဖြစ်သည်။ ယခုအခါ စစ်မှန်သော ဆာရာ ကွန်နာ မှာ သူငယ်ချင်းဖြစ်သူနှင့်အတူ ခိုလှုံနေသည်။ ရှီယန် အစောပိုင်းက သူမထံ ဖုန်းဆက်စဉ်တွင် လက်တွေ့ကမ္ဘာမှ တော်လှန်ရေးခေါင်းဆောင်၏ မိခင်မှာ အားလပ်ရက် ခရီးထွက်နေကြောင်း သိခဲ့ရသည်။ သူမ မည်သည့်နေရာတွင် ရှိနေသည်ကို မည်သူမျှ မသိပေ။ တနည်းအားဖြင့်ဆိုသော် ဇာတ်လမ်းအရ တာမီနေတာ ပေါ်လာသည့်အထိ စစ်မှန်သော ဆာရာ ကွန်နာမှာ ပေါ်လာဦးမည် မဟုတ်ပေ။ တာမီနေတာ ပေါ်လာသည့်တိုင်အောင် သူမ၏ ဘေးနားတွင် အနာဂတ်မှ ရောက်လာသော အထူးတိုက်ခိုက်ရေးသမားတစ်ဦး ရှိနေပေဦးမည်။

ဒါဆိုရင် ရှီယန်သည် သူ၏ ဖန်ခွက်ထဲရှိ ဝိုင်များကို ဝေ့ယမ်းလိုက်ရင်း ၁၉၈၄ ခုနှစ်၊ ကာလီဖိုးနီးယားပြည်နယ်၊ လော့စ်အိန်ဂျလိစ်မြို့၏ လှပလှသော ရှေးဟောင်းလမ်းမများပေါ်သို့ အကြည့်ပို့လိုက်သည်။ အချိန်တန်ပြီ။

ယခုအချိန်တွင် ရှီယန်သည် ဤကမ္ဘာ၏ ပဟေဠိအားလုံးကို နားလည်သလောက် ရှိနေပြီ ဖြစ်သည်။ ဇာတ်ဆောင်ဖြစ်သူ ဆာရာ ကွန်နာကို ဆက်သွယ်၍ မရသေးခြင်း သို့မဟုတ် သူမ ဇာတ်ကွက်ထဲ မဝင်လာသေးခြင်းမှာ T-800 မှာလည်း ခဏတာ ပေါ်လာဦးမည် မဟုတ်ဟု ဆိုလိုခြင်းပင်။ ထို့ကြောင့် နောက်တစ်ဆင့်မှာ သူ၏ အဓိက မစ်ရှင်ဖြစ်သော အချိန်နှင့် အာကာသ ဆုံမှတ်ကို ဖျက်ဆီးရန်ပင် ဖြစ်သည်။ ဤမစ်ရှင်မှာ သဲလွန်စမရှိဟု ထင်ရသော်လည်း ရုပ်ရှင်ဇာတ်ကွက်ထဲတွင် ဖုံးကွယ်နေသည်။ T-800 တာမီနေတာနှင့် ကိုင်လ်ရိစ်တို့သည် စကိုင်းနက်၏ အချိန်စက်ကို အသုံးပြု၍ ဤနေရာသို့ လာခဲ့ကြစဉ်တွင် သူတို့မှာ ယခင်နေရာနှင့် အလွန်နီးကပ်သော နေရာတွင် ပေါ်လာခဲ့ကြသည်။ ထိုနေရာသည် အချိန်နှင့် အာကာသ ဆုံချက်ကြီး ဖြစ်နေသည်မှာ သေချာသည်။

စားပွဲထိုးမိန်ကလေးကို ဒေါ်လာ ၂၀ မုန့်ဖိုးပေးလိုက်ပြီးနောက် သူသည် လော့စ်အိန်ဂျလိစ်မြို့ မြေပုံတစ်ခုကို ရှာဖွေလိုက်သည်။ သူ၏ မှတ်ဉာဏ်နှင့် စူးစမ်းနိုင်စွမ်းကို အသုံးပြု၍ T-800 စက်ရုပ်နှင့် ကိုင်လ်ရိစ်တို့ ပေါ်လာနိုင်သည့် နေရာ ၇ ခုကို မှတ်သားလိုက်သည်။ ထို့နောက် တက္ကစီတစ်စီးကို တားကာ ထိုနေရာ ၇ ခုဆီသို့ ဦးတည်ထွက်ခွာခဲ့သည်။ ဖြစ်နိုင်ခြေနည်းသော နေရာ ၃ ခုကို ဖယ်ထုတ်ပြီးနောက် စတုတ္ထမြောက်နေရာမှာ မနီးလှဘဲ လော့စ်အိန်ဂျလိစ်မြို့ တစ်ဝက်ခန့်ကို ဖြတ်မောင်းရမည် ဖြစ်သည်။ ရှီယန်သည် ဤအချိန်အတောအတွင်း အနားယူရန် ဆုံးဖြတ်လိုက်ပြီး နောက်ခန်းတွင် မှီကာ မျက်လုံးမှိတ်၍ ဗိုက်ကလေးကို ပွတ်ရင်း နေလိုက်တော့သည်။ သူ၏ စိတ်ထဲတွင် လုံးဝ မစိုးရိမ်ဘဲ စိတ်လှုပ်ရှားမှုများကိုသာ ခံစားနေရသည် ။ ဤကဲ့သို့ ရင်ခုန်စရာကောင်းပြီး အသက်အန္တရာယ်ကြားတွင် ရှင်သန်ရသော ဘဝမျိုးမှာ ယခင်က သူ၏ သာမန်ဘဝနှင့် ဘယ်မှာ ယှဉ်နိုင်ပါမည်နည်း။

ယခင်ကမ္ဘာတွင် ဒုက္ခမျိုးစုံ ကြုံတွေ့နေရချိန်မှစ၍ သူ၏ ကံကြမ္မာမှာ ၃၆၀ ဒီဂရီ ပြောင်းလဲသွားပြီး ဤထူးဆန်းသော လူနေမှုဘဝနှင့် တွေ့ဆုံခဲ့ရသည်။ ဤခံစားချက်မှာ ဖော်ပြရန် အလွန်ခက်ခဲလှသည်။

ယာဉ်ကြောပိတ်ဆို့မှုများကြားတွင် အချိန်များ ကုန်ဆုံးသွားသည်။ ယခုအချိန်တွင် ဂျီပီအက်စ် (GPS) စနစ် မရှိသေးသော်လည်း ရှီယန်မှာ မိမိ ရောက်ရှိမည့်နေရာကို ခန့်မှန်းနိုင်သည်။ သူသည် ပတ်ဝန်းကျင်နှင့် မောင်းနှင်နေသော ကားများကို သတိထား စောင့်ကြည့်နေလိုက်သည်။ ထိုခဏမှာပင် သူ၏ ရင်ဘတ်ထဲမှ ပူရှိန်းရှိန်း ခံစားလိုက်ရပြီး သူ၏ စိတ်ထဲတွင် အေးစက်စူးရှသော အသံတစ်သံ ပေါ်လာတော့သည် ။

သတိပေးချက်- သင်သည် သက်ဆိုင်ရာ အရေးကြီးသော နယ်မြေအတွင်းသို့ ရောက်ရှိနေပြီဖြစ်ကာ ဘေးထွက်ဇာတ်လမ်း အသက်ဝင်သွားပါပြီ။

သတိပေးချက်- သင်သည် သက်ဆိုင်ရာ အရေးကြီးသော နယ်မြေအတွင်းသို့ ရောက်ရှိနေပြီဖြစ်ကာ ဘေးထွက်ဇာတ်လမ်း အသက်ဝင်သွားပါပြီ။"

သတိပေးချက်- သင်သည် သက်ဆိုင်ရာ အရေးကြီးသော နယ်မြေအတွင်းသို့ ရောက်ရှိနေပြီဖြစ်ကာ ဘေးထွက်ဇာတ်လမ်း အသက်ဝင်သွားပါပြီ။

သတိပေးချက်- အနာဂတ်မှ စကိုင်းနက်သည် သင့်အား အချိန်နှင့် အာကာသ ဆုံမှတ်အတွက် ခြိမ်းခြောက်မှုတစ်ခုအဖြစ် သတ်မှတ်လိုက်ပြီဖြစ်ကာ သင့်အား ရှင်းလင်းရန်အတွက် မပြည့်စုံသေးသော၊ စမ်းသပ်ဆဲဖြစ်သော တာမီနေတာတစ်ကောင်ကို စေလွှတ်လိုက်ပြီ ဖြစ်သည်။

သတိပေးချက်- T-750 တာမီနေတာသည် ၁၅ စက္ကန့်အတွင်း အချိန်နှင့် အာကာသ ဆုံမှတ်မှတစ်ဆင့် ရောက်ရှိလာပါမည်။ သင့်၏ သွေးအမျိုးအစား၊ အနံ့နှင့် ရုပ်သွင်ကို မှတ်သားထားပြီး ဖြစ်သည်။ သင်သည် ၁၀ မိနစ် ကြာပြီးမှသာ ဤနယ်မြေမှ ထွက်ခွာနိုင်မည်ဖြစ်ပြီး စောစီးစွာ ထွက်ခွာရန် ကြိုးပမ်းပါက စကိုင်းနက်သည် သင့်၏ တည်နေရာကို အတိအကျ သိရှိသွားမည် ဖြစ်သည် (အလွန် အန္တရာယ်များပါသည်)။

သတိပေးချက်- သင်သည် ဤဘေးထွက်ဇာတ်လမ်းကို အသက်သွင်းသော ဒုတိယမြောက် ယှဉ်ပြိုင်သူ ဖြစ်သည်။ အချိန်နှင့် အာကာသ ဆုံမှတ်၏ ကာကွယ်ရေးစနစ်မှာ တဖြည်းဖြည်း မြင့်မားလာသည်။ သင့်အား လိုက်လံသတ်ဖြတ်မည့် T-750 တာမီနေတာ၏ စွမ်းအားမှာ ၇၀% မှ ၈၀% အထိ မြင့်တက်သွားပြီ ဖြစ်သည်။

အသိပေးချက်- ယှဉ်ပြိုင်သူသည် အိမ်မက်ဆိုးနယ်မြေသို့ ပထမဆုံးအကြိမ် ဝင်ရောက်ခြင်းဖြစ်သောကြောင့် ၁၀ မိနစ်အကြာတွင် ဒယ်လ်တာ အကြမ်းဖက်နှိမ်နင်းရေး အထူးတပ်ဖွဲ့၏ အကူအညီကို ရရှိမည် ဖြစ်သည်။

အသိပေးချက်- T-750 တာမီနေတာ သေဆုံးပြီး ၁၀ မိနစ်အကြာတွင် အချိန်နှင့် အာကာသ ဆုံမှတ် ပေါ်လာမည် ဖြစ်သည်။