အခန်း (၇၆) - စည်းမျဉ်းအဆင့် ပါရမီဉာဏ်နှင့် ပါရမီပေါင်းစပ်ကတ်ကို အသုံးပြုခြင်း

သို့သော်လည်း လက်တွေ့ကမူ အခြားပြိုင်ဘက်က သေချာပေါက် ရှာဖွေတွေ့ရှိနိုင်ကြောင်း ပြသနေခဲ့သည်၊ ဘာပဲဖြစ်ဖြစ် ကမ္ဘာကူးရွှေ့ပြောင်းရေးတံခါးကြီးက သင်တို့၏ ဂြိုဟ်ပေါ်သို့ တိုက်ရိုက်ပင် ကျရောက်လာခဲ့ပြီ မဟုတ်ပါလော။ ထွက်ပြေးတိမ်းရှောင်ရန်နှင့် ပတ်သက်၍မူ သင်တို့ ဘယ်ကို ပြေးမလဲ။ ၎င်းတို့အနေဖြင့် သင့်ကို ယခုအချိန်၌ ရှာဖွေတွေ့ရှိနိုင်ကတည်းက နောင်တွင်လည်း သေချာပေါက် ရှာဖွေတွေ့ရှိနိုင်မည်သာ ဖြစ်သည်။ ထိုအချိန်ကျမှသာ သင်တို့သည် ၎င်းတို့၏ လက်ချက်ဖြင့် ရက်ရက်စက်စက် ချေမှုန်းဖျက်ဆီးခြင်းကို ခံကြရတော့မည် ဖြစ်သည်။

"ဟူး... ငါတို့ ဂလက်ဆီထဲကနေ စကြာဝဠာအရှင်သခင်တစ်ယောက် မွေးဖွားတော့မယ့်ပုံပဲ..." အဆင့် ၂ ရှိသော ယဉ်ကျေးမှုအဖွဲ့အချို့၏ ကြယ်တာရာအရှင်သခင်များ သက်ပြင်းချလိုက်ကြသည်။ ဤနှစ်များအတွင်း ၎င်းတို့သည် ဤဂလက်ဆီထဲ၌ တန်ခိုးရှင်ကြီး နှစ်ပါး တိုက်ခိုက်နေကြသည်ကို သဘာဝကျကျပင် သိရှိထားကြချေပြီ။ ရှင်သန်ကျန်ရစ်သူသည်သာ ကြယ်စုတန်းနယ်မြေတစ်ခုလုံး၏ အရှင်သခင် အုပ်စိုးသူ ဖြစ်လာမည်ဖြစ်ရာ ၎င်းတို့အနေဖြင့် နာခံရုံမှတစ်ပါး အခြားမရှိတော့ပေ။

သုံးရက် ကုန်လွန်သွားခဲ့သည်။

ဂလက်ဆီအတွင်းရှိ ကြယ်တာရာအရှင်သခင် အားလုံးသည် ကမ္ဘာကူးရွှေ့ပြောင်းရေးတံခါးမှတစ်ဆင့် ကမ္ဘာမြေဂြိုဟ်ဆီသို့ ရောက်ရှိလာခဲ့ကြတော့သည်။

"ဒါ... ဒါက... ဘာလို့ ဒီလောက်အထိ ကြီးမားနေရတာလဲ" ကမ္ဘာမြေဂြိုဟ်ပေါ်သို့ ရောက်ရှိလာကြသော ကြယ်တာရာအရှင်သခင်များအားလုံး ဆွံ့အအေးခဲကုန်ကြချေပြီ။ ဒါက ဘယ်လိုမျိုး ဂြိုဟ်ကြီးလဲ။ မည်သို့ကြောင့် မိမိတို့၏ ကိုယ်ပိုင်ကြယ်ကြီးထက် မည်မျှအထိ ဆထက်ထည်း ပိုမိုကြီးမားနေရသနည်းဆိုသည်ကိုပင် တွက်ချက်၍ မရနိုင်တော့ချေ!

"လူကြီးမင်းတို့အားလုံး... ကျေးဇူးပြုပြီး ကျွန်တော့်နောက်ကို လိုက်ခဲ့ကြပါ... ကျွန်တော်တို့အရှင်က စောင့်ဆိုင်းနေခဲ့တာ ကြာပါပြီ... အရှင်မြတ်ကို အချိန်အကြာကြီး စောင့်ဆိုင်းစေပြီး စိတ်ရှည်သည်းခံမှု ကင်းမဲ့သွားအောင် မလုပ်မိကြပါစေနဲ့..." ကြယ်တာရာအရှင်သခင် အမြောက်အမြား၏ ရှေ့မှောက်သို့ ကျောက်ယွမ်မင်၏ ပုံရိပ် ပေါ်ထွက်လာခဲ့သည်။

ယခုကဲ့သို့သော ကမ္ဘာဦးဖန်ဆင်းရှင် နတ်ဘုရားများကို ရင်ဆိုင်ရသည့်တိုင် ကျောက်ယွမ်မင်သည် အနည်းငယ်မျှပင် ကြောက်ရွံ့တုန်လှုပ်ခြင်း မရှိခဲ့ချေ။ ၎င်းတို့သည် နတ်ဘုရားအတုအယောင် အုပ်စုတစ်စုမျှသာ ဖြစ်တည်နေခဲ့ရာ၊ ကြောက်လန့်နေစရာ ဘာရှိဦးမည်နည်း။

ကျောက်ယွမ်မင်၏ ရိုသေမှုကင်းမဲ့လှသော လေသံကို ကြားလိုက်ရသဖြင့် ကြယ်တာရာအရှင်သခင်အချို့ မျက်မှောင်ကြုတ်လိုက်မိကြသည်။ နတ်ဘုရားတစ်ပါးဖြစ်သော ကျန်းဖန်ကိုယ်တိုင် ယခုကဲ့သို့ ပြောဆိုခဲ့စဉ်တုန်းက ၎င်းတို့အနေဖြင့် မည်သည့်အမြင်မျှ မရှိရဲခဲ့ကြသော်လည်း၊ သာမန် ကမ္ဘာဦးဇာတိလူသားတစ်ဦးမျှက ဘာဖြစ်လို့ ယခုမျှအထိ မာနထောင်လွှားနေရဲသနည်း။

၎င်းတို့၏ အတွင်းစိတ်အတွေးများကို ခန့်မှန်းမိပုံရသဖြင့် ကျောက်ယွမ်မင် တဟဲဟဲ ရယ်မောလိုက်မိသည် - "ဟမ့်"

အဆင့် ၉ ရှိသော မျိုးရိုးဗီဇပညာရှင် တန်ခိုးရှင်တစ်ဦး၏ အရှိန်အဝါများ ပေါက်ကွဲထွက်လာခဲ့ရာ၊ ဤကြယ်တာရာအရှင်သခင်အုပ်စုကို ချက်ချင်းပင် ဝေခွဲမရ ဖြစ်သွားစေခဲ့တော့သည်။ အကြောင်းမှာ ကျောက်ယွမ်မင်၏ အရှိန်အဝါသည် အဆင့် ၇ ရှိသော ကြယ်တာရာအရှင်သခင်တစ်ဦးထက် လုံးဝ နိမ့်ပါးမနေခဲ့ဘဲ၊ ၎င်းတို့ထဲတွင် အမြင့်ဆုံးနယ်မြေရှိသူများမှာပင်လျှင် အဆင့် ၈ ကြယ်တာရာအရှင်သခင်အဆင့်အတွင်းသို့ ခြေချခါစဖြစ်သော လူနည်းစုမျှသာ ဖြစ်ကြသောကြောင့် ဖြစ်သည်။

ချက်ချင်းဆိုသလိုပင် ကြယ်တာရာအရှင်သခင်အမြောက်အမြား စကားအရာတွင် လုံးဝ ဆွံ့အသွားခဲ့ကြရတော့သည်။ တန်ခိုးရှင်ကြီးတစ်ပါး၏ ယဉ်ကျေးမှုအဖွဲ့ဟူသည် အမှန်တကယ်ပင် ထူးခြားလှပေသည်။ သာမန် ကမ္ဘာဦးဇာတိလူသားတစ်ဦးကပင် အချို့သော ကြယ်တာရာအရှင်သခင်များထက် ပိုမို၍ သန်မာနေခဲ့ချေပြီ။ ဟူး... ဒါက လူတွေကို ဆက်ပြီး အသက်ရှင်ခွင့် ပေးနေသေးတာ ဟုတ်ရဲ့လား။

မကြာမီ ကြယ်တာရာအရှင်သခင်များသည် ကျောက်ယွမ်မင်၏နောက်သို့ လိုက်ပါကာ ကြီးမားလှသော ရင်ပြင်ကြီးတစ်ခုဆီသို့ ရောက်ရှိလာခဲ့ကြသည်။ အထက်အမြင့်ဆုံးသော နေရာတွင် ထိုင်နေခဲ့သော ကျန်းဖန်သည် ဖြည်းညှင်းစွာ ပျံသန်းမြင့်တက်လာခဲ့ပြီး ၎င်းတို့အား အပေါ်စီးမှနေ၍ ငုံ့ကြည့်လိုက်တော့သည်။

"မင်းတို့တွေ တရားမျှတပြီး အမြော်အမြင်ရှိတဲ့ ဆုံးဖြတ်ချက်တစ်ခုကို ချမှတ်ခဲ့ကြလို့ ဝမ်းမြောက်သင့်ပါတယ်။ လာရောက်ခြင်းမရှိသေးတဲ့ ယဉ်ကျေးမှုအဖွဲ့တွေရဲ့ နတ်ဘုရားတွေ ရှိမလားဆိုတာကို အသေအချာ ရေတွက်စစ်ဆေးလိုက်စမ်း။" ကျန်းဖန် တည်ငြိမ်စွာဖြင့် ပြောဆိုလိုက်သည်။

ကျောက်ယွမ်မင်သည်လည်း အတည်ပြုရန်အတွက် အချက်အလက်ကြီး များကို လျင်မြန်စွာ စတင်ထုတ်ယူစစ်ဆေးတော့သည်။

"ကျွန်တော်မျိုး အရှင်မြတ်အား တင်ပြလျှောက်ထားပါတယ်ခင်ဗျာ၊ လက်ရှိ တည်ရှိနေဆဲဖြစ်တဲ့ ယဉ်ကျေးမှုအဖွဲ့ စုစုပေါင်း ၅၄၃,၂၂၁ ခု ရှိပြီး၊ ယခုရင်ပြင်မှာ ရောက်ရှိနေတဲ့ ယဉ်ကျေးမှုအဖွဲ့ပေါင်းမှာလည်း ၅၄၃,၂၂၁ ခု တိတိ ရှိနေခဲ့ပြီဖြစ်ရာ၊ ယဉ်ကျေးမှုအားလုံးရဲ့ နတ်ဘုရားတွေ လုံးဝဥဿုံ စုံစုံလင်လင် ရောက်ရှိလာခဲ့ကြပါပြီ!"

"ကောင်းလှပြီ။" ကျန်းဖန် ကျေနပ်စွာဖြင့် ခေါင်းငြိမ့်လိုက်သည်။ "လာကြစမ်း၊ တစ်ယောက်ပြီးတစ်ယောက် ရှေ့ကို တက်လှမ်းပြီး အညံခံဂတိကဝတ်စာချုပ် ပေါ်မှာ လက်မှတ်ရေးထိုးကြစို့။"

ဤစာချုပ်ကို စည်းမျဉ်းများဖြင့် စနစ်တကျ ရေးဆွဲထားခြင်း ဖြစ်သည်။ စာချုပ်ပေါ်တွင် လက်မှတ်ရေးထိုးပြီးသည်နှင့်တစ်ပြိုင်နက်၊ ဤကြယ်တာရာအရှင်သခင်များသည် ကျန်းဖန်အပေါ် မည်သည့်သစ္စာဖောက်မှုမျှ ပြုလုပ်၍မရနိုင်တော့ဘဲ၊ သစ္စာဖောက်ခဲ့ပါက ၎င်းတို့ ချက်ချင်း သေဆုံးသွားရမည်ဖြစ်ပြီး ၎င်းတို့၏ မဟာလမ်းစဉ်သည်လည်း လုံးဝဥဿုံ ကွယ်ပျောက်သွားရလိမ့်မည် ဖြစ်သည်။

ကြယ်တာရာအရှင်သခင်များသည် တစ်ယောက်ကိုတစ်ယောက် ကြည့်လိုက်ကြသည်။ အတော်ကြာပြီးနောက်တွင်မူ၊ ဦးဆောင်သူ ကြယ်တာရာအရှင်သခင်တစ်ဦးက ရှေ့သို့ လျှောက်လှမ်းကာ စာချုပ်ပေါ်တွင် လက်မှတ်ရေးထိုးလိုက်သည်။ ဤအရာကို မြင်တွေ့ရသောအခါ အခြားသော ကြယ်တာရာအရှင်သခင်များသည်လည်း လိမ္မာယဉ်ကျေးစွာဖြင့် တစ်ဦးပြီးတစ်ဦး စီရရီ တန်းစီလိုက်ကြရုံမှတစ်ပါး အခြားမရှိတော့ပေ။

ကျန်းဖန်သည်လည်း ယခုကဲ့သို့သော အခွင့်ကောင်းအချိန်လေးအတွင်း၌ ၎င်းတို့၏ ပါရမီဉာဏ်များကို တစ်ဦးပြီးတစ်ဦး လျင်မြန်စွာ ကူးယူ လိုက်တော့သည်။ လုယက်ရန်မှာမူ မလိုအပ်တော့ပေ၊ ဘာပဲဖြစ်ဖြစ် ၎င်းတို့အားလုံးသည် နောင်တွင် သူ၏ လက်အောက်ခံငယ်သားများ ဖြစ်လာကြတော့မည် မဟုတ်ပါလော။ ဤသို့ဖြင့် သူသည် ပါရမီဉာဏ် ပေါင်းငါးသိန်းကျော်ကို အလွယ်တကား ရရှိသွားခဲ့ချေပြီ!

သုံးရက်အချိန်သည် မျက်စိတစ်မှိတ်အတွင်း ကုန်လွန်သွားခဲ့ပြီး၊ ကြယ်တာရာအရှင်သခင်အားလုံး အညံခံဂတိကဝတ်စာချုပ်ပေါ်တွင် လက်မှတ်ရေးထိုးပြီးစီးသွားခဲ့ကြကာ မိမိတို့၏ ကိုယ်ပိုင်ဂြိုဟ်များဆီသို့ ပြန်လည်ရောက်ရှိသွားခဲ့ကြသည်။

ဤအခိုက်အတန့်တွင်ပင် စည်းမျဉ်းများ၏ အသိပေးချက် ရောက်ရှိလာခဲ့ချေပြီ။

"ဂုဏ်ယူပါသည် ကြယ်တာရာအရှင်သခင်၊ သင်သည် ကြယ်စုတန်းနယ်မြေ၏ စည်းမျဉ်းများကို လုံးဝဥဿုံ ထိန်းချုပ်နိုင်ခဲ့ပြီဖြစ်၍ စကြာဝဠာအရှင်သခင်အဖြစ်သို့ အောင်မြင်စွာ အဆင့်တက်လှမ်းနိုင်ခဲ့ပါပြီ ယခုအခါ သင့်တွင် လက်ရှိတည်ရှိနေဆဲဖြစ်တဲ့ ယဉ်ကျေးမှုအဖွဲ့များကလွဲ၍ ဂလက်ဆီအတွင်းရှိ ဒြပ်ဝတ္ထုအားလုံးကို မူလအတိုင်း ပြန်လည်ပြုပြင်ပေးနိုင်မည့် အခွင့်အရေး တစ်ကြိမ် ရရှိပါမည်"

"ဒီအရာကို ငါ့ကို ထုတ်သုံးခွင့်ပြုလို့ ရမလား" ကျန်းဖန်၏ မျက်ဝန်းများ လက်ခနဲ ဖြစ်သွားခဲ့သည်။ သူ ယနေ့တွင်တော့ သူ၏ စွမ်းပကားကို အစွမ်းကုန် ပြသရတော့မည် ဖြစ်သည်!

"......ခွင့်ပြုပါသည်" စည်းမျဉ်းတရားက ကျန်းဖန်အား လုပ်ပိုင်ခွင့် ပေးအပ်လိုက်သည်။

မျက်စိတစ်မှိတ်အတွင်းမှာပင် ကျန်းဖန်သည် သူ၏ ခန္ဓာကိုယ်အတွင်း၌ စွမ်းအားများ အပြည့်အဝ ဖြစ်တည်လာသည်ဟု ခံစားလိုက်ရပြီး၊ မိမိကိုယ်ကိုယ် အနှိုင်းမဲ့တန်ခိုးရှင်တစ်ပါး ဖြစ်နေခဲ့ပြီဟူသော ခံစားချက်မျိုး ဖြစ်ပေါ်လာခဲ့ရသည်။

"ငါ့အတွက် ဂလက်ဆီကြီးကို အစကနေ ပြန်လည်စတင်စေ!"

ကျန်းဖန်သည် စကြာဝဠာဟင်းလင်းပြင်ကြီးအတွင်းသို့ ပျံသန်းဝင်ရောက်ခဲ့ပြီး သူ၏ နတ်ဘုရားခန္ဓာကိုယ်မှာလည်း တရိပ်ရိပ်နှင့် အဆုံးမဲ့ ကြီးမားကျယ်ပြန့်လာခဲ့တော့သည်။ ခန့်ညားထည်ဝါလှသော ပုံရိပ်ကြီးတစ်ခုက ကောင်းကင်နှင့် နေမင်းကြီးကို လုံးဝ ဖုံးလွှမ်းသွားခဲ့ပြီး၊ အလင်းနှစ် ၁ ဘီလီယံအထိ ကျယ်ပြန့်လှသော ဂလက်ဆီကြီးကို အပေါ်စီးမှနေ၍ ငုံ့ကြည့်လိုက်တော့သည်။

"ငါ့ရဲ့ နတ်ဘုရားစွမ်းပကားကို မမှိတ်မသုန် ကြည့်ရှုကြလော့! မူလအတိုင်း ပြန်လည်ဖြစ်တည်စေ!"

သူ၏ မျက်ဝန်းအစုံသည် ကျယ်ပြောလှသော နေမင်းကြီးများကဲ့သို့ ရွှေရောင်အလင်းတန်းများ ပေါက်ကွဲထွက်လာခဲ့ပြီး၊ သူ၏ လက်နှစ်ဖက်မှလည်း အဆုံးမဲ့လှသော စည်းမျဉ်းများ၏ စွမ်းပကားများ ထွက်ပေါ်လာခဲ့ကာ ဂလက်ဆီတစ်ခုလုံးကို လွှမ်းခြုံသွားခဲ့တော့သည်။ အတွင်း၌ရှိသော သက်ရှိပုံစံအားလုံးမှာ နေရာမှာတင် မတ်တတ်ရပ်လျက်၊ ခန့်ညားထည်ဝါလှသော ထိုပုံရိပ်ကြီးကို ဝေခွဲမရဖြစ်စွာဖြင့် မှင်တက်၍သာ ငေးကြည့်နေမိကြတော့သည်။

ကျောက်ယွမ်မင်၏ မျက်ဝန်းများတွင်မူ အစွန်းရောက်ကိုးကွယ်မှုများဖြင့် ပြည့်နှက်နေခဲ့ရသည်။ ဒါက စစ်မှန်တဲ့ နတ်ဘုရားတစ်ပါးပဲ! ဒါက စစ်မှန်တဲ့ ကမ္ဘာဦးဖန်ဆင်းရှင် နတ်ဘုရားပဲ!

"ကျွန်တော်မျိုးတို့အရှင်၏ နတ်ဘုရားအရှိန်အဝါဟူသည် အနှိုင်းမဲ့လှပါပေတယ်!" သူသည် ရိုသေလေးမြတ်စွာဖြင့် ဒူးထောက်လျက် ဦးချလိုက်တော့သည်။ အခြားသော လူသားမျိုးနွယ်ဝင်များအားလုံးလည်း အစွန်းရောက်ကိုးကွယ်မှုများဖြင့် ဒူးထောက်ဦးချလိုက်ကြသည် - "ကျွန်တော်မျိုးတို့အရှင်၏ နတ်ဘုရားအရှိန်အဝါဟူသည် အနှိုင်းမဲ့လှပါပေတယ်!"

ကြီးမားလှသော စည်းမျဉ်းများ၏ စွမ်းပကားသည် ဂလက်ဆီတစ်ခုလုံးအပေါ်သို့ သက်ရောက်သွားခဲ့ချေပြီ။ လူသားမျိုးနွယ်တို့ ယခင်က ရှုထောင့်လျှော့ချပစ်ခဲ့ကြသော သုံးဘက်မြင်ဟင်းလင်းပြင်သည် မူလပုံမှန်အခြေအနေသို့ ပြန်လည်ရောက်ရှိသွားခဲ့ရပြီး၊ အခြားသော ပျက်စီးသွားခဲ့ရသည့် ကောင်းကင်အရာဝတ္ထုအားလုံးသည်လည်း တစ်ခုပြီးတစ်ခု မူလအတိုင်း အံ့ဩဖွယ်ရာ ပြန်လည်ဖြစ်တည်လာခဲ့တော့သည်။ ဤမြင်ကွင်းကြီး၏ ခန့်ညားထည်ဝါမှုက တကယ့်ကို ရင်သပ်ရှုမောဖွယ် ကောင်းလှပေသည်။

ကြယ်တာရာအရှင်သခင် အားလုံး နေရာမှာတင် ဆွံ့အအေးခဲကုန်ကြရပြီး၊ ၎င်းတို့သည် ဤတန်ခိုးရှင်ကြီးကို လာရောက်မတော်လှန်ခဲ့မိကြသည်မှာ တကယ့်ကို ကံကောင်းလှပေသည်ဟု နှလုံးသားထဲမှနေ၍ ဝမ်းမြောက်နေကြတော့သည်၊ သို့မဟုတ်ပါက အခြားပြိုင်ဘက်က လက်ညှိုးတစ်ချောင်းတည်းဖြင့်ပင် ၎င်းတို့အား ချက်ချင်း ပြာကျသွားစေနိုင်သောကြောင့် ဖြစ်သည်။

မကြာမီမှာပင် လက်ရှိတည်ရှိနေဆဲဖြစ်သော ယဉ်ကျေးမှုအဖွဲ့များမှလွဲ၍၊ ဤဂလက်ဆီအတွင်းရှိ ဒြပ်ဝတ္ထုအားလုံး မူလပုံမှန်အခြေအနေသို့ အပြည့်အဝ ပြန်လည်ရောက်ရှိသွားခဲ့ရတော့သည်။ ကျန်းဖန် ကျေနပ်စွာဖြင့် ခေါင်းငြိမ့်လိုက်ပြီး သူ၏ ပုံရိပ်သည် ကမ္ဘာမြေဂြိုဟ်ဆီသို့ ပြန်လည်ရောက်ရှိလာခဲ့ကာ၊ သူ၏ ခန္ဓာကိုယ်ပေါ်ရှိ အနှိုင်းမဲ့စွမ်းအားကြီးမှာလည်း တဖြည်းဖြည်းနှင့် ပြန်လည်ဆုတ်ခွာသွားခဲ့သဖြင့် သူ၏ စိတ်ထဲ၌ နှမြောစရာကောင်းလှပေသည်ဟု တိတ်တဆိတ် တွေးတောလိုက်မိသည်။

【ဒင်။ စနစ်မစ်ရှင်ကို အောင်မြင်စွာ ပြီးမြောက်ခဲ့သည့်အတွက် အိမ်ရှင်အား ဂုဏ်ယူပါသည်】

【ဆုလာဘ် - နတ်ဘုရားအဆင့် ကံစမ်းမဲနှိုက်ခွင့် တစ်ကြိမ်နှင့် စနစ်အမှတ် သန်းတစ်ရာ】

စကြာဝဠာအရှင်သခင်အဖြစ်သို့ အဆင့်တက်လှမ်းနိုင်ခဲ့ပြီးနောက်တွင်မူ၊ ကျန်းဖန်သည် လွန်ခဲ့သော နှစ်ပေါင်းများစွာကတည်းက ရှိနေခဲ့သော စနစ်မစ်ရှင်ကိုလည်း အောင်မြင်စွာ ပြီးမြောက်နိုင်ခဲ့ချေပြီ။ သူ သူ၏ စနစ်မျက်နှာပြင်ကို တစ်ချက် ကြည့်လိုက်သည်။

【အိမ်ရှင် - ကျန်းဖန်】

【အဆင့် - အဆင့် ၁ စကြာဝဠာအရှင်သခင်】

【ချိတ်ဆက်ထားသောဂြိုဟ် - ကမ္ဘာမြေဂြိုဟ် (နတ်ဘုရားအဆင့် ဂြိုဟ်)】

【ပါရမီဉာဏ်များ - ကြွယ်ဝသော ကြယ်တာရာ (A အဆင့်)၊ ယဉ်ကျေးမှု ဆင့်ကဲပြောင်းလဲခြင်း (A အဆင့်)၊ လောဘ (S အဆင့်)၊ နတ်ဘုရားဆင်းသက်ခြင်း (S အဆင့်)၊ ရာသီဥတုကောင်းမွန်ခြင်း (A အဆင့်)၊ မှော်လမ်းစဉ် (SS အဆင့်၊ အဆင့်မြှင့်တင်နိုင်သည်)၊ နည်းပညာမဟာလမ်းစဉ် (နတ်ဘုရားအဆင့်)၊ နည်းပညာပေါက်ကွဲမှု (SS အဆင့်)၊ အလုံးစုံသိမြင်ခြင်းနှင့် အလုံးစုံစွမ်းဆောင်နိုင်ခြင်း (SS အဆင့်)၊ အရာခပ်သိမ်းအား သက်ရှိအသွင်ပြောင်းခြင်း (SSS အဆင့်)...】

【လက်အောက်ခံ ယဉ်ကျေးမှု - လူသားမျိုးနွယ် (နည်းပညာပေါက်ကွဲမှု ဖြစ်ပေါ်နေဆဲ)】

【ယဉ်ကျေးမှုအဆင့် - ၄.၂】

【စနစ်လုပ်ဆောင်ချက်များ - လုယက်ခြင်း၊ အရာခပ်သိမ်း တိုးပွားစေခြင်း (အဆတစ်ရာ)၊ ကမ္ဘာတစ်ခုနှင့်တစ်ခု ကူးသန်းဆင့်ခေါ်ခြင်း၊ ကူးယူခြင်း】

【စနစ်အမှတ် - ၁၀၀,၅၃၄,၀၀၀】

【စနစ်၏ သုံးသပ်ချက် - သင်သည် စနစ်၏ ကူညီပံ့ပိုးမှုဖြင့် ကြီးပြင်းလာခဲ့ပြီးဖြစ်ရာ အရည်အချင်းပြည့်မီသော စနစ်အိမ်ရှင်တစ်ဦး ဖြစ်ပေသည်။ သင့်ရှေ့မှောက်တွင် တည်ရှိနေသော ကြယ်တာရာပင်လယ်ကြီးအား သင်ကိုယ်တိုင် သွားရောက်ကာမျက်ဝါးထင်ထင် ကြည့်ရှုရန်သာ လိုအပ်တော့သည်】

"စနစ်အမှတ် သန်းတစ်ရာကို သုံးပြီး နတ်ဘုရားအဆင့် ကံစမ်းမဲနှိုက်ခွင့် တစ်ကြိမ် ထပ်မံလဲလှယ်မယ်၊ ပြီးရင် ကံစမ်းမဲနှိုက်ခွင့် နှစ်ကြိမ်လုံးကို တစ်ပြိုင်နက်တည်း အတူတကွ မဲနှိုက်မယ်!"

【ဒင်။ စနစ်အမှတ် သန်းတစ်ရာကို အသုံးပြုလိုက်ပါပြီ၊ လဲလှယ်မှု အောင်မြင်ပါသည်】

【ဆုလာဘ်များ ကံစမ်းမဲ စတင်နှိုက်ပေးနေပါသည်...】

【ဒင်။ အိမ်ရှင်သည် နတ်ဘုရားအဆင့်ရှိသော ပါရမီဉာဏ် 'အရာခပ်သိမ်း တစ်ခုတည်းအဖြစ် စုစည်းခြင်း' ကို ရရှိသွားသည့်အတွက် ဂုဏ်ယူပါသည်】

【ဒင်။ အိမ်ရှင်သည် နတ်ဘုရားအဆင့်ရှိသော ပစ္စည်း 'ပါရမီအဆင့်မြှင့်ကတ်' ကို ရရှိသွားသည့်အတွက် ဂုဏ်ယူပါသည်ု】

【နတ်ဘုရားအဆင့်ရှိသော ပါရမီဉာဏ် 'အရာခပ်သိမ်း တစ်ခုတည်းအဖြစ် စုစည်းခြင်း' သည် အဆတစ်ရာ တိုးပွားခြင်းကို ခံရသဖြင့် နတ်ဘုရားအဆင့်ရှိသော ပါရမီဉာဏ် 'အရာခပ်သိမ်းအား ထိန်းချုပ်စိုးမိုးခြင်း' အဖြစ်သို့ ဆင့်ကဲပြောင်းလဲသွားပါပြီု】

【နတ်ဘုရားအဆင့်ရှိသော ပစ္စည်း 'ပါရမီအဆင့်မြှင့်ကတ်' သည် အဆတစ်ရာ တိုးပွားခြင်းကို ခံရသဖြင့် စည်းမျဉ်းအဆင့်ရှိသော ပစ္စည်း 'ပါရမီအဆင့်မြှင့်ကတ်' အဖြစ်သို့ ဆင့်ကဲပြောင်းလဲသွားပါပြီု】

ကျန်းဖန်သည် ပါရမီဉာဏ်အသစ်ကို တစ်ချက်ကြည့်လိုက်ပြီး သာမန်မျှသာရှိသည်ဟု ခံစားရသဖြင့် ထပ်မံ၍ ဂရုမစိုက်တော့ဘဲ၊ ပထမဆုံးအကြိမ်အဖြစ် ပေါ်ထွက်လာသော စည်းမျဉ်းအဆင့်ရှိသည့် ပစ္စည်းကိုသာ မမှိတ်မသုန် စိုက်ကြည့်နေမိတော့သည်။

ပါရမီအဆင့်မြှင့်ကတ် (စည်းမျဉ်းအဆင့်) - သင် သတ်မှတ်ထားသော ပါရမီဉာဏ်တစ်ခုကို ရွေးချယ်နိုင်ပြီး ယင်းကို အဆင့်တစ်ဆင့် တိုက်ရိုက် မြှင့်တင်ပေးနိုင်သည်။ ပါရမီဉာဏ်အသစ်၏ အမြင့်ဆုံးအဆင့်အတန်းသည် စည်းမျဉ်းအဆင့်ထက် လုံးဝ ကျော်လွန်၍ မရနိုင်ချေ!

ကျန်းဖန်၏ မျက်ဝန်းများ တောက်ပသွားခဲ့ပြီး သူ၏ မေးစေ့ကို လက်ဖြင့် သာယာစွာ ပွတ်သပ်လိုက်မိသည်။ ကြည့်ရသည်မှာ နတ်ဘုရားအဆင့်၏ အထက်တွင် စည်းမျဉ်းအဆင့် ရှိနေသေးပုံရသည်။ ဒါဆိုရင် သူ ပိုင်ဆိုင်ထားတဲ့ ပါရမီပေါင်းစပ်ကတ်ကကော...

"စနစ်... ပါရမီပေါင်းစပ်ကတ်ကို အသုံးပြုမယ်။ နည်းပညာမဟာလမ်းစဉ်နဲ့ နည်းပညာပေါက်ကွဲမှု ပါရမီဉာဏ် နှစ်ခုကလွဲလို့၊ ကျန်တဲ့ ပါရမီဉာဏ်အားလုံးကို ငါ့အတွက် အကုန်ပေါင်းစပ်ပစ်လိုက်စမ်း!"

【ဒင်။ ပါရမီဉာဏ်များကို စတင်ပေါင်းစပ်နေပါသည်...】

ကျန်းဖန် စိတ်ရှည်လက်ရှည်ဖြင့် စောင့်ဆိုင်းနေခဲ့သည်။ ဤအရာသည် ပါရမီဉာဏ် ပေါင်းသန်းဂဏန်းကျော် ရှိနေခြင်း မဟုတ်ပါလော! ပေါင်းစပ်ပြီးနောက် ဖြစ်ပေါ်လာမည့် ပါရမီဉာဏ်သည် စည်းမျဉ်းအဆင့်ထက်ပင် ကျော်လွန်သွားနိုင်ပါ့မလား။

【ဒင်။ ပါရမီဉာဏ်များ ပေါင်းစပ်မှု အောင်မြင်ပါသည်... အိမ်ရှင်သည် အချုပ်အခြာလွတ်မြောက်ခြင်းအဆင့်တစ်ဝက် ရှိသော ပါရမီဉာဏ် 'အချုပ်အခြာလွတ်မြောက်ခြင်း' ကို ရရှိသွားပါပြီ】

【ဒင်။ အချုပ်အခြာလွတ်မြောက်ခြင်းအဆင့်တစ်ဝက်ရှိသော ပါရမီဉာဏ်သည် အဆတစ်ရာ တိုးပွားခြင်းကို ခံရသဖြင့် အချုပ်အခြာလွတ်မြောက်ခြင်းအဆင့် ရှိသော ပါရမီဉာဏ် 'အချုပ်အခြာလွတ်မြောက်ခြင်း' အဖြစ်သို့ ဆင့်ကဲပြောင်းလဲသွားပါပြီ】

အချုပ်အခြာလွတ်မြောက်ခြင်း (အချုပ်အခြာလွတ်မြောက်ခြင်းအဆင့်) - သင်သည် စည်းမျဉ်းများ၏ ပိတ်လှောင်ကန့်သတ်ချက်များမှ လုံးဝဥဿုံ ရုန်းထွက်လွတ်မြောက်သွားခဲ့ချေပြီ။ ဤနယ်ပယ်အတွင်း၌ စည်းမျဉ်းတရားများသည် သင့်အပေါ် မည်သည့်ကန့်သတ်ချက်မျှ ထပ်မံမပြုလုပ်နိုင်တော့ဘဲ၊ သင်သည် စည်းမျဉ်းများ၏ စွမ်းပကား အစိတ်အပို

င်းအချို့ကိုပါ လွတ်လပ်စွာ အသုံးချနိုင်ခွင့် ရှိလာမည် ဖြစ်သည်!