အခန်း ၃၄ - သယံဇာတ စုဆောင်းခြင်းအတွက် ဆုလာဘ်!

ခန္ဓာကိုယ်အနှံ့ အမွေးများပေါက်လာကာ မိစ္ဆာအဖြစ် ပြောင်းလဲသွားခြင်း!

[ဖူး!]

စုလီ ထိန်းချုပ်ထားသော တောင်မြတ်ဝိညာဉ်ဓားပျံသည် ခေါင်းသုံးလုံး မျောက်မိစ္ဆာ၏ ရင်ဘတ်ကို ဖောက်ထွင်းသွားကာ ဦးခေါင်းအရွယ်အစားခန့်ရှိသော အပေါက်ကြီးတစ်ခု ဖြစ်သွားသည်။ မျက်စိတစ်မှိတ်အတွင်းမှာပင် မျောက်မိစ္ဆာ၏ ခေါင်းတစ်လုံး ပေါက်ကွဲထွက်သွားသည်။

သို့သော် ကျန်ရှိနေသော သွေးတန်းလေး (HP) မှာ ချက်ချင်း ပြန်ပြည့်သွားပြီး ဒဏ်ရာများကလည်း အလိုအလျောက် သက်သာသွားသည်။ ဓားပျံသည် မျောက်မိစ္ဆာ၏ ခန္ဓာကိုယ်ထဲတွင် ရှိနေဆဲဖြစ်သည်။ မိစ္ဆာက စုလီထံသို့ ခုန်အုပ်လာရင်း သွားစွယ်များကို ဖြဲကာ ခြေသည်းများကို ဝှေ့ယမ်းပြလိုက်သည်။ "ဟားဟား! လက်နက်မရှိဘဲ မင်း ဘာလုပ်နိုင်ဦးမလဲ" ဟု လှောင်ပြောင်နေသည့်အလားပင်။

ယင်းကိုမြင်သော်လည်း စုလီမှာ ထိတ်လန့်မသွားဘဲ ရယ်မောလိုက်သည်။ သူသည် ဝိညာဉ်အာရုံဖြင့် ဓားပျံကို ချိတ်ဆက်ကာ ဝိညာဉ်စွမ်းအား ၁၀၀ မှတ်ကို အသုံးပြု၍ ဓားပျံ၏ 'လေဓားသွား' (Wind Blade) စွမ်းရည်ကို အသက်သွင်းလိုက်သည်။

[ရွှမ်း!]

ခဏအတွင်းမှာပင် လေဓားသွားများ ဖြာထွက်လာပြီး မိစ္ဆာ၏ ခန္ဓာကိုယ်ကို စုတ်ပြဲသွားစေကာ ပတ်ဝန်းကျင်သို့ လွင့်စင်သွားသည်ကို သူ မြင်လိုက်ရသည်။ လေဓားသွားများသည် ပတ်ဝန်းကျင်ရှိ သစ်ကိုင်းများကိုပါ ပြတ်တောက်သွားစေသည်။ ထိတ်လန့်သွားသော အခြား ခေါင်းသုံးလုံး မျောက်မိစ္ဆာများမှာ အရပ်မျက်နှာအနှံ့ ထွက်ပြေးကုန်ကြသည်။

ခေါင်းနှစ်လုံးသာ ကျန်တော့သည့် မိစ္ဆာကြီးမှာ ပြင်းထန်စွာ တုန်လှုပ်သွားပြီး နောက်တစ်စက္ကန့်အကြာတွင် ၎င်း၏ ခန္ဓာကိုယ်မှာ ပေါက်ကွဲထွက်သွားတော့သည်။

မြေပြင်ပေါ်သို့ မကျမီမှာပင် အနီးရှိ သစ်ပင်အကိုင်းအခက်များမှ ပေါက်ထွက်လာသော နွယ်ပင်များက မိစ္ဆာ၏ အသားများကို ထိုးဖောက် မျိုချသွားသည်။ မျက်စိတစ်မှိတ်အတွင်းမှာပင် မြေပြင်ပေါ်၌ Level 1 မိစ္ဆာကျောက်တုံး တစ်တုံးသာ ကျန်ရစ်ခဲ့ပြီး သစ်ပင်ကြီးမှာလည်း ပုံမှန်အတိုင်း ပြန်ဖြစ်သွားသည်။

"သစ်ပင်တွေ၊ မြက်တွေ အားလုံးက မိစ္ဆာတွေကို စားကြတာလား" စုလီ တိုးတိုးလေး ရေရွတ်လိုက်သည်။

သူ လက်ယမ်းပြလိုက်ရာ နံပါတ် ၂ မှ နံပါတ် ၈ အထိ အရိုးစုငယ်လေးများသည် မြေပြင်ပေါ်ရှိ မိစ္ဆာကျောက်တုံးများကို ပြေးကောက်ကြသည်။

ဤအချိန်တိုလေးအတွင်းမှာပင် စုလီသည် မြူခိုးမိစ္ဆာ ၃၇ ကောင်ကို သတ်ဖြတ်နိုင်ခဲ့သည်။ ၎င်းတို့အနက် ၂၁ ကောင်မှာ Level 5 အောက်ဖြစ်ပြီး၊ ၁၅ ကောင်မှာ Level 6 နှင့် ၁ ကောင်မှာ Level 10 ဖြစ်သည်။ ဤမိစ္ဆာများထံမှ EXP ၃၂ မှတ် ရရှိခဲ့ပြီး သူ၏ စုစုပေါင်း EXP မှာ ၁၀၁ မှတ် ဖြစ်လာသည်။ နောက်တစ်ဆင့်တက်ရန် EXP ၃၉၉ မှတ် လိုအပ်သေးသည်။

ထို့အပြင် မိစ္ဆာကျောက်တုံး ၃၇ တုံးကိုလည်း ရရှိခဲ့သည်။ သူသည် ခိုလှုံရာအိမ်ကို အဆင့်မြှင့်ရန် လိုအပ်သော မိစ္ဆာကျောက်တုံး အရေအတွက် ၁၀၀ ပြည့်ရန် နောက်ထပ် ၅၆ တုံးသာ လိုအပ်တော့သည်။

"မိစ္ဆာကျောက်တုံးတွေကို ကုန်သွယ်ရေးကနေပဲ ရှာရတော့မယ် ထင်တယ်!" ဟု စုလီ ရေရွတ်လိုက်သည်။

သူသည် အရိုးစုငယ်လေးများကို ခေါ်ဆောင်ကာ အနီးနားရှိ တောအုပ်ဆီသို့ လှည့်ထွက်လာခဲ့သည်။ "မြူခိုးကမ္ဘာ စည်းမျဉ်းထဲမှာ သယံဇာတ စုဆောင်းခြင်းကနေ မြူခိုးအမှတ် ရနိုင်တယ်လို့ ပြောထားတယ်။ ဆုလာဘ်ရဖို့ သယံဇာတ ဘယ်လောက်များ စုဆောင်းရမလဲ"

စုလီ စမ်းသပ်ကြည့်ရန် ဆုံးဖြတ်လိုက်သည်။ စည်းမျဉ်းများတွင် အမှတ်ရနိုင်သော အခြားနည်းလမ်းများ ရှိသော်လည်း Mission များမှာ ကံတရားအပေါ် မူတည်ပြီး First-time reward များမှာလည်း အတိအကျ မသိရပေ။ Survival Battle များမှာလည်း မစတင်သေးချေ။

ထို့ကြောင့် စုလီသည် အလွယ်ကူဆုံးနည်းလမ်းဖြင့် စတင်ရန် ဆုံးဖြတ်လိုက်သည်။ ပတ်ဝန်းကျင် အနေအထားက စတင် ပြောင်းလဲနေပြီဖြစ်ရာ ဤတောအုပ်ကြီးသည် မည်သည့်အချိန်တွင် မြက်ခင်းပြင် သို့မဟုတ် ကျောက်တုံးပုံကြီး အဖြစ် ပြောင်းလဲသွားမည်ကို မသိနိုင်ပေ။ ထို့ကြောင့် ရနိုင်သမျှ အများဆုံး ခုတ်ယူစုဆောင်းရန် ဆုံးဖြတ်လိုက်သည်။

အရိုးစု နံပါတ် ၂ မှ ၇ ကို ဓားမများဖြင့် သစ်ပင်ခုတ်စေပြီး၊ နံပါတ် ၈ ကိုမူ အသစ်ပေါ်လာသော ဧရိယာသို့ စူးစမ်းလေ့လာရန် စေလွှတ်လိုက်သည်။

[ခွပ်! ခွပ်!]

မကြာမီမှာပင် ခိုလှုံရာအိမ် ပတ်ဝန်းကျင်၌ သစ်ပင်လဲကျသံများ ဆူညံသွားသည်။

အရိုးစုလေးများ ခုတ်ယူလိုက်သော သစ်သားပမာဏမှာ ၂၂၅ ယူနစ်သို့ ရောက်လာပြီး စုစုပေါင်း သစ်သား ၁,၀၀၀ ယူနစ်ကို စုဆောင်းမိသွားသည်။

[ဝုန်း!]

[ဂုဏ်ယူပါသည်။ သစ်သား ၁,၀၀၀ ယူနစ်ကို အောင်မြင်စွာ စုဆောင်းနိုင်သည့်အတွက် Free Attribute Point ၁၀ မှတ် ရရှိပါသည်။]

"ဟင်? Attribute Point တွေပဲ ပေးတုန်းလား?" စုလီ မျက်မှောင်ကြုတ်သွားသည်။ "သစ်ခုတ်တာ နည်းနေသေးလို့လား?"

ထို့ကြောင့် သူကိုယ်တိုင်ပါ သစ်ခုတ်သည့်အထဲ ဝင်ပါတော့သည်။ သူသည် 'မိစ္ဆာနှင် ကျောက်ဆိန်' ကို အသုံးပြုရာ တစ်ချက်ခုတ်လျှင် သစ်သား ၅ ယူနစ် ရရှိသည်။ ဓားမထက် ၃ ယူနစ် ပိုများသည်။ သို့သော် ဓားမမှာ 'တစ်ချက်တည်းနှင့် နှစ်ပိုင်းပြတ်ခြင်း' အာနိသင်ရှိရာ အားအများကြီး မသုံးဘဲ သစ်ပင်ကို နှစ်ပိုင်းဖြတ်ကာ သစ်သား ၂ ယူနစ်ကို လွယ်ကူစွာ ရနိုင်သည်။

ထိုသို့ဖြင့် စုလီနှင့် အရိုးစုလေးများသည် ၄ နာရီကြာမျှ ရူးသွပ်စွာ သစ်ခုတ်ကြလေသည်။

[ဝုန်း!] နောက်ထပ် အသိပေးချက်တစ်ခု ပေါ်လာသည်။

[ဂုဏ်ယူပါသည်။ သစ်သား ၁၀,၀၀၀ ယူနစ်ကို အောင်မြင်စွာ စုဆောင်းနိုင်သည့်အတွက် Free Attribute Point ၁၀ဝ မှတ် နှင့် မြူခိုးအမှတ် ၁၀၀ ရရှိပါသည်။]

[သစ်သား ၁၀,၀၀၀ ယူနစ် စုဆောင်းခြင်းတာဝန်ကို ပထမဆုံးအကြိမ် ပြီးမြောက်သည့်အတွက် အပိုဆုလာဘ်အဖြစ် မြူခိုးအမှတ် ၁၀၀ ကို အထူး ချီးမြှင့်ပါသည်။]

"ကောင်းတယ်! ကောင်းတယ်! ကောင်းတယ်! သောင်းဂဏန်း ကျော်မှပဲ ဆုလာဘ်ရတာကိုး! ဒါဆို နောက်ထပ် ဆုလာဘ်က ၂ သောင်း၊ ၅ သောင်း၊ ဒါမှမဟုတ် ၁ သိန်း ယူနစ်များ ဖြစ်မလား?" စုလီ ဝမ်းသာအားရ ရယ်မောလိုက်သည်။

သူ နောက်ပြန်လှည့်ကြည့်လိုက်ရာ အနည်းဆုံး ၃ ကီလိုမီတာ ပတ်လည်ရှိ သစ်ပင်များကို ရှင်းလင်းခုတ်လှဲပြီးဖြစ်သည်ကို တွေ့ရသည်။ သစ်သားများကို သယ်ဆောင်နေသော အရိုးစုလေးများသည် ခိုလှုံရာအိမ် အပေါက်ဝဘေးရှိ မြေကွက်လပ်တွင် ပုံထားရသည်။ ရှင်းလင်းစွာပင် အိမ်ထဲတွင် သိုလှောင်ရန် နေရာမဆန့်တော့ပေ။

စုလီသည် Chat Channel ကို ဖွင့်ကြည့်လိုက်ရာ သူ၏ ဆုလာဘ်ရရှိမှုမှာ Public Announcement အနေဖြင့် ကြေညာမထားသည်ကို သတိထားမိလိုက်သည်။ "First-time reward တွေတိုင်းက ကြေညာချက်ထဲမှာ ပေါ်လာတာ မဟုတ်ဘူးပဲ... ဒါက စည်းမျဉ်းတွေကို ကိုယ်တိုင် ရှာဖွေတွေ့ရှိမှုနဲ့ ဆိုင်လိမ့်မယ်"

ထို့နောက် အရိုးစုလေးများကို အခြားတစ်ဖက်သို့ ပြောင်းကာ သစ်ဆက်ခုတ်စေသည်။ သယ်ယူရသည့် အကွာအဝေး တိုသွားသဖြင့် စုလီ၏ သစ်ခုတ်နှုန်းမှာလည်း ပိုမြန်လာသည်။

ညဘက်သို့ ရောက်သောအခါ နောက်ထပ် ဆုလာဘ် ပေါ်လာပြန်သည်။

[ဝုန်း!]

[ဂုဏ်ယူပါသည်။ သစ်သား ၁၀,၀၀၀ ယူနစ်ကို အောင်မြင်စွာ စုဆောင်းနိုင်သည့်အတွက် Free Attribute Point ၁၀ဝ မှတ် နှင့် မြူခိုးအမှတ် ၁၀၀ ရရှိပါသည်။]

"သေချာသွားပြီ! ဘယ်သယံဇာတမဆို ၁ သောင်း ယူနစ် ပြည့်တိုင်း မြူခိုးအမှတ် ရတာပဲ!" စုလီ၏ မျက်လုံးများ အရောင်လက်သွားသည်။

မှောင်ရီပျိုးလာချိန်တွင် 'သန့်စင်သောအလင်း' (Holy Light) စွမ်းရည်ရှိသော အရိုးစုလေးများထံမှ အလင်းရောင်များမှာ လမ်းလျှောက်နေသော မီးအိမ်လေးများကဲ့သို့ တောက်ပနေသည်။ ပါးလွှာသော မြူခိုးများကြားတွင် မထင်မရှား အရိပ်မည်းများ ပေါ်လာသည်။

ရုတ်တရက် စုလီသည် စိတ်အနှောင့်အယှက်ဖြစ်စရာ ခံစားချက်တစ်ခုကို ခံစားလိုက်ရပြီး တစ်ကိုယ်လုံး တုန်ရီသွားစေလောက်သည့် ကြောက်မက်ဖွယ် စွမ်းအားတစ်ခုကိုပါ ခံစားလိုက်ရသည်။ ယင်းကို သတိထားမိသည်နှင့် စုလီသည် သစ်ဆက်ခုတ်မည့် အကြံကို ချက်ချင်းစွန့်လွှတ်ကာ ခိုလှုံရာအိမ်ဆီသို့ ပြန်ပြေးတော့သည်။

ခိုလှုံရာအိမ်၏ စက်ကွင်းထဲသို့ ရောက်သွားမှသာ ထိုအန္တရာယ်ရှိသည့် ခံစားချက်ကြီး ပျောက်ကွယ်သွားတော့သည်။

[ဂလွတ်! ဂလွတ်!] အဝေးမှနေ၍ နံပါတ် ၈ အရိုးစုလေးသည် ၎င်း၏ ဓားမကြီးကို ဆွဲကာ ခြေဆွဲပြီး ပြန်လာနေသည်။ ၎င်း၏ ခန္ဓာကိုယ် အရိုးများတွင် အက်ကွဲရာများ အပြည့်ဖြစ်နေသည်။ စုလီ မျက်မှောင်ကြုတ်သွားပြီး ပတ်ဝန်းကျင်ကို အကဲခတ်လိုက်သည်။ မည်သည့်မိစ္ဆာမှ နောက်ယောင်ခံ လိုက်မလာကြောင်း သေချာမှသာ သက်ပြင်းချနိုင်တော့သည်။

"အရင် အထဲဝင်ကြရအောင်!" စုလီက နံပါတ် ၈ ကို ခေါင်းညိတ်ပြလိုက်ပြီး ပတ်ဝန်းကျင်ကို သတိကြီးစွာဖြင့် စောင့်ကြည့်နေလိုက်သည်။

ထိုစဉ် မြူခိုးများထဲမှ အမည်းရောင် အရိပ်ကြီးတစ်ခု ဖြည်းညင်းစွာ မတ်တတ်ထရပ်လာသည်ကို သူ မြင်လိုက်ရသည်။

"ပြေး!" စုလီ ရင်ထိတ်သွားပြီး ခိုလှုံရာအိမ်ထဲသို့ အမြန်ဝင်လိုက်သည်။

[ဒိုင်း!] တံခါးကို ပိတ်လိုက်ပြီးနောက်တွင်ပင် ကြက်သီးမွေးညင်း ထစေလောက်သည့် အကြောက်တရားက ကျန်ရစ်နေဆဲဖြစ်သည်။ သို့သော် ထိုအချိန်တွင် သူ၏ ခန္ဓာကိုယ် တစ်ခုလုံး၌ အမွေးများ ပေါက်လာနေပြီ ဖြစ်သည်။

"ကျစ်! ငါ ထိသွားပြန်ပြီ!" စုလီသည် အခြားမည်သည့်အရာကိုမျှ ဂရုမစိုက်နိုင်တော့ဘဲ ရေချိုးခန်းထဲသို့ အပြေးအလွှား သွားကာ ရေချိုးကန်ထဲသို့ ဝင်စိမ်လိုက်သည်။

နှစ်နာရီ အပြည့် ရေစိမ်ပြီးမှသာ သူ၏ ခန္ဓာကိုယ်မှာ ပုံမှန်အခြေအနေသို့ ပြန်ရောက်သွားတော့သည်။

"ဧရာမ မိစ္ဆာကြီး ရောက်လာတာပဲ! ခိုလှုံရာအိမ်ကတောင် သူ့ရဲ့ အရှိန်အဝါကို မတားဆီးနိုင်ဘူး!" စုလီ တိုးတိုးလေး ရေရွတ်လိုက်သည်။

သူ အခုထိ စိုးရိမ်နေဆဲဖြစ်သည်။ God-level 'လျင်မြန်စွာ တုံ့ပြန်ခြင်း' စွမ်းရည်ကို ရရှိထား၍သာ တော်တော့သည်။ သို့မဟုတ်ပါက သူသည် ပိုမိုနက်ရှိုင်းစွာ ညစ်ညမ်းသွားပြီး မည်သည့် မိစ္ဆာအမျိုးအစားအဖြစ် ပြောင်းလဲသွားမည်ကိုပင် သိနိုင်မည်မဟုတ်ပေ။

"သခင်!" ထိုစဉ် စုလီယာ ဝင်လာပြီး လေးနက်သော လေသံဖြင့် "နံပါတ် ၈ နဲ့ ကျွန်မ ဆက်သွယ်ပြီးပါပြီ။ သူက အသစ်ပေါ်လာတဲ့ နေရာမှာ သတ္တုတွင်းဟောင်းတစ်ခုကို တွေ့ခဲ့တယ်။ အပေါ်ယံက ကျောက်တုံးတွေဖြစ်ပြီး အောက်ခြေမှာတော့ ကျောက်စိမ်းတွေ ရှိတယ်။ ဒါပေမဲ့ အဲဒီနေရာကို ကြောက်စရာကောင်းတဲ့ မြူခိုးမိစ္ဆာတွေ စောင့်ကြပ်နေတယ်တဲ့..."

ယင်းကို ကြားသောအခါ စုလီ၏ မျက်လုံးများ အရောင်လက်သွားသည်။ မော့ကြည့်လိုက်သောအခါ စုလီယာက သူ့ကို စိုက်ကြည့်နေသည်ကို တွေ့လိုက်ရသည်။ စုလီ နှုတ်ခမ်းကို အနည်းငယ် ကွေးညွတ်လိုက်ပြီး စုလီယာကို ရေချိုးကန်ထဲသို့ ဆွဲသွင်းလိုက်ကာ...

"ဖြည်းဖြည်းချင်း ပြောကြတာပေါ့…