အခန်း (၉၉) နတ်ဘုရားဘုံ၏ တံခါးကို ရိုက်ချိုးခြင်း

ဒိုလိုတိုက်ကြီးတစ်ခုလုံးသည် ယနေ့တွင် ထူးခြားသော ဖြစ်ရပ်တစ်ခုကို မြင်တွေ့နေရသည်။ ကောင်းကင်ယံအထက်တွင် ဧရာမ ရွှေရောင်တံခါးကြီးတစ်ခု ပေါ်ထွက်လာပြီး ထိုတံခါးကြီးမှတစ်ဆင့် နတ်ဘုရားတို့၏ မြင့်မြတ်သော ဂီတသံများနှင့် ဖိအားများ စီးဆင်းနေသည်။ သို့သော် ထိုတံခါးသည် နတ်ဘုရားအဖြစ် ဖိတ်ခေါ်ရန်မဟုတ်ဘဲ ယဲ့ဖုန်းအား တားဆီးရန်အတွက် နတ်ဘုရားဘုံမှ ချိတ်ပိတ်ထားခြင်း ဖြစ်သည်။

"သူတို့က ငါတို့ကို တားထားနိုင်မယ် ထင်နေတာလား" ယဲ့ဖုန်းက ခပ်ပြုံးပြုံးဖြင့် ပြောလိုက်သည်။ သူ၏ ဘေးတွင် ထန်ဆန်း ရှောင်ဝူနှင့် ကျန်ရှိသော ရှရိုက်ခ်အဖွဲ့သားများမှာ နတ်ဘုရားအဆင့် စွမ်းအားများကိုယ်စီဖြင့် အသင့်ဖြစ်နေကြသည်။

"တင်း"

"နတ်ဘုရားဘုံ၏ အုပ်ချုပ်သူများသည် ပိုင်ရှင်အား ဝင်ရောက်ခွင့်မပြုရန် နတ်ဘုရားတံခါးကို ထာဝရ ချိတ်ပိတ်လိုက်ပါသည်။ စနစ်မှ အလွန်အမင်း ဒေါသထွက်သဖြင့် ပိုင်ရှင်အား နတ်ဘုရားဘုံကို ဖောက်ထွင်းနိုင်သော လက်သီးကို ပေးအပ်လိုက်ပါပြီ။"

ယဲ့ဖုန်းသည် လေပေါ်သို့ ဖြည်းညှင်းစွာ တက်လှမ်းသွားသည်။ သူ၏ ခြေလှမ်းတိုင်းတွင် အာကာသဟင်းလင်းပြင်မှာ မှန်သားပြင်ကဲ့သို့ အက်ကွဲသွားသည်။

သူသည် ဧရာမ နတ်ဘုရားတံခါးကြီး၏ ရှေ့တွင် ရပ်တန့်လိုက်ပြီး ညာဘက်လက်သီးကို နောက်သို့ ဆွဲလိုက်သည်။

"တင်း"

"တာဝန်ပေးအပ်လိုက်ပါပြီ နတ်ဘုရားတံခါးကို လက်သီးတစ်ချက်တည်းဖြင့်အမှုန့်ခြေပစ်ပါ။ ဆုလာဘ်  စနစ်အမှတ် ၃၀၀,၀၀၀ နှင့် နတ်ဘုရားဘုံ၏ စည်းမျဉ်းများကို ပြန်လည်ပြင်ဆင်နိုင်ခွင့်"

ဝုန်း

ယဲ့ဖုန်း၏ လက်သီးချက်သည် နတ်ဘုရားတံခါးကြီးနှင့် ထိတွေ့ချိန်တွင် တစ်ကမ္ဘာလုံး အလင်းဟပ်သွားပြီး ကြောက်မက်ဖွယ်ကောင်းသော ပေါက်ကွဲမှုကြီး ဖြစ်ပေါ်ခဲ့သည်။

နတ်ဘုရားများ နှစ်ပေါင်းသန်းချီ၍ စောင့်ရှောက်လာခဲ့သော မည်သူမျှ မဖျက်ဆီးနိုင်ဟု ယုံကြည်ထားသော နတ်ဘုရားတံခါးကြီးမှာ ယဲ့ဖုန်း၏ လက်သီးအောက်တွင် ဖန်စများအလား အစိတ်စိတ်အမွှာမွှာ ကြွေကျပျက်စီးသွားတော့သည်။

"ဒါ... ဒါ မဖြစ်နိုင်ဘူး" နတ်ဘုရားဘုံအတွင်းမှ စောင့်ကြည့်နေကြသော နတ်ဘုရားများမှာ ထိတ်လန့်တုန်လှုပ်စွာဖြင့် အော်ဟစ်လိုက်ကြသည်။

"တင်း"

"ဂုဏ်ယူပါသည် ပိုင်ရှင်သည် နတ်ဘုရားဘုံ၏ တံခါးကို အောင်မြင်စွာ ရိုက်ချိုးနိုင်ခဲ့ပါသည်။ ဆုလာဘ်များကို ရရှိလိုက်ပါပြီ"

ယဲ့ဖုန်းသည် ပျက်စီးသွားသော တံခါးဝမှတစ်ဆင့် နတ်ဘုရားဘုံအတွင်းသို့ ပထမဆုံးအကြိမ် ခြေချလိုက်သည်။ သူ၏ ခြေထောက်အောက်တွင် နတ်ဘုရားဘုံ၏ မြေပြင်မှာပင် တုန်ခါသွားသည်။

သူ၏ ကိုယ်ပေါ်မှ ထွက်ပေါ်နေသော ကမ္ဘာဦး အရှင်သခင် အရှိန်အဝါကြောင့် အနီးအနားရှိ အဆင့်နိမ့်နတ်ဘုရားများမှာ ကြောက်လန့်တကြားဖြင့် လဲကျကုန်ကြသည်။

"နတ်ဘုရားဘုံက အရှင်သခင်ငါးဦး ငါရောက်ပြီ ငါ့ရဲ့ စည်းမျဉ်းတွေကို ခင်ဗျားတို့ လက်ခံဖို့ ပြင်ဆင်ထားကြ"

ယဲ့ဖုန်း၏ အသံမှာ နတ်ဘုရားဘုံ၏ ထောင့်တိုင်းသို့ ပဲ့တင်ထပ်သွားပြီး နတ်ဘုရားအရှင်သခင်များ၏ ပလ္လင်များမှာပင် စတင်အက်ကွဲလာတော့သည်။