အပိုင်း ( ၂၇ ) – အိုဘီတို : ကာကာရှိက အူချီဟာ ဖြစ်နေတာလား

"သွားကြစို့..."

ကာကာရှီ၏ နှုတ်ခမ်းထက်မှ အပြုံးသည် လျှပ်ခနဲ ပေါ်ပြီး ချက်ချင်း ပြန်လည်ပျောက်ကွယ်သွားသည်။ သူသည် ရန်သူ့နောက်တန်းစစ်မြေပြင်သို့ ရောက်ရှိနေသည်ကို သတိပြုမိသဖြင့် ကျန်ရှိသည့် နှစ်ယောက်ကို ဤနေရာမှ အမြန်ဆုံးထွက်ခွာရန် တိုက်တွန်းလိုက်တော့သည်။

"ကိုနိုဟာက ကြောင်သူတော်လေးတွေ... ငါတို့ရဲ့ ကျောက်တုံးရွာနင်ဂျာကို သတ်ပြီး ဒီအတိုင်း လွတ်လွတ်လပ်လပ် ထွက်ပြေးနိုင်မယ်လို့ ထင်နေတာလား။"

"ငါတို့ရဲ့ စစ်ကြောင်းနောက်ထိ သတ္တိရှိရှိ ထိုးဖောက်ဝင်ရောက်ရဲတဲ့ ကောင်စုတ်လေးပဲ... ရိုးရိုးလေးတော့ မဟုတ်ပုံရဘူး။ သူက ဒါရှီနဲ့ ဟူအိုဂွမ်ကို တကယ်ပဲ သတ်ပစ်ခဲ့တာလား။ အဲဒီကောင်တွေကပဲ အမှိုက်ဖြစ်နေလို့လား၊ ဒါမှမဟုတ် မင်းကပဲ အစွမ်းထက်လွန်းနေလို့လား..."

ရုတ်တရက်ဆိုသလို ရောက်ရှိလာသည့် ထောင်လွှားစော်ကားပြီး နားမခံသာသော အသံနှစ်သံသည် ကာကာရှီနှင့် အခြားသူများ၏ နားစည်သို့ ရိုက်ခတ်လာခဲ့သည်။ ကာကာရှီ၏ မျက်နှာ ချက်ချင်း ပြောင်းလဲသွားပြီး အသံလာရာဆီသို့ လှည့်ကြည့်လိုက်မိသည်။

လူသတ်ငွေ့များ ထွက်ပေါ်နေသည့် ကျောက်တုံးရွာနင်ဂျာ တစ်ဒါဇင်ကျော်သည် သူတို့ကို သွေးဆာနေသည့် အေးစက်စက် မျက်ဝန်းများဖြင့် စိုက်ကြည့်နေကြသည်။ စကားပြောခဲ့သည့် ကျေက်တုံးရွာနင်ဂျာနှစ်ဦး၏ မျက်ဝန်းထဲရှိ မထောက်မညှာ လှောင်ပြောင်သရော်မှုနှင့် မထီမဲ့မြင်ပြုမှုများမှာ အထင်အရှားပင်။

‘ဒါ ဘယ်လိုလုပ် ဖြစ်နိုင်မှာလဲ။ သူတို့ ဘာလို့ ဒီလောက် မြန်မြန် ရောက်လာကြတာလဲ။ ငါ တိုက်ပွဲရဲ့ သဲလွန်စတွေကို သေချာ ထိန်းချုပ်ခဲ့တာပဲ။ ကျောက်ဂူ ပြိုကျတဲ့ အသံမျိုးလည်း မထွက်အောင် လုပ်ခဲ့ပါလျက်နဲ့...’

ကာကာရှီသည် ထိကျောက်တုံးရွာနင်ဂျာများကို စိုက်ကြည့်ရင်း စိုးရိမ်စိတ်နှင့်အတူ အံ့ဩတုန်လှုပ်သွားရသည်။ ဤနယ်မြေအတွင်း ကျောက်တုံးရွာနင်ဂျာ အမြောက်အမြား ရှိနေသည်ကို သူ သိသည်။ ပြီးခဲ့သည့်အကြိမ်က ထိုနင်ဂျာများသည် ဂူပြိုကျသည့် အသံကြောင့် ရောက်ရှိလာခြင်းဖြစ်ပြီး၊ ယခုအကြိမ်တွင်မူ ကာကာရှီသည် ထိုသို့မဖြစ်စေရန် ရိုင်ခီရီ ကို အထူးတလည် အသုံးပြုခဲ့ခြင်း ဖြစ်သည်။ သို့သော်လည်း... ဤလူများက ဘာကြောင့် ရောက်ရှိလာကြသေးသနည်း။

"အိုဘီတို... ရင်း ကို ခေါ်ပြီး ချက်ချင်း ဆုတ်ခွာတော့။ ငါ သူတို့ကို တားထားမယ်..."

ကာကာရှီသည် အကြောင်းရင်းကို တွေးတောရန် အချိန်မရတော့ဘဲ ဆရာကြီးမီနာတို၏ ကူနိုင်းကို ထုတ်ယူကာ ရင်း ၏ လက်ထဲသို့ ထည့်ပေးရင်း အိုဘီတိုကို လှမ်းအော်လိုက်သည်။ အကြောင်းပြချက် ဘာပဲဖြစ်ဖြစ်၊ဆရာကြီးမီနာတိုသည် ဆယ်မိနစ်အတွင်း ရောက်ရှိလာမည်ဖြစ်သည်။ ထို့ကြောင့် ကာကာရှီအနေဖြင့် ဤကျောက်တုံးရွာနင်ဂျာများကို တစ်ယောက်တည်း တားဆီးနိုင်မည်ဟု ယုံကြည်ချက် ရှိနေသည်။

"ဒါပေမဲ့... ကာကာရှီ..."

"ဒါပေမဲ့တွေ လုပ်မနေနဲ့တော့။ အိုဘီတို... မင်း ရင်း ကို အမြဲတမ်း သဘောကျခဲ့တာကို ငါ သိတယ်။ တကယ်လို့ မင်း သူမကို ဒဏ်ရာမရစေချင်ဘူးဆိုရင် ချက်ချင်း ခေါ်သွားလိုက်တော့။ အချိန်မဖြုန်းနဲ့... သွားကြတော့။"

ကာကာရှီသည် လက်ဟန်မန္တန်များကို အလျင်အမြန် စီရင်ရင်း သွက်သွက်လက်လက် ပြောလိုက်သည်။ ပြီးခဲ့သည့်ဘဝတုန်းက သူ ရင်း ကို ဤစကားမျိုး ပြောခဲ့ရသည်မှာ အိုဘီတို သေဆုံးပြီးနောက်မှ ဖြစ်သည်။ သို့သော် ယခုအကြိမ်တွင်မူ သူငယ်ချင်းဖြစ်သူ အိုဘီတိုအတွက် ဤအချစ်ရေးကို ဖွင့်ဟနိုင်ရန် တစ်ရက်တာ အချိန်ရလိုက်ခြင်း ဖြစ်သည်။ သူကိုယ်တိုင်အတွက်... မိမိ၏ သူငယ်ချင်းကို တစ်ကြိမ်တစ်ခါမျှ ဖြစ်စေ ကယ်တင်နိုင်ခဲ့ခြင်းက ကာကာရှီအတွက် အတိုင်းထက်အလွန် ကျေနပ်စရာ ကောင်းလှပြီဖြစ်သည်။ ရင်း ကို အိုဘီတိုထံ စိတ်ချလက်ချ အပ်နှံခဲ့နိုင်သည်။

"ကာကာရှီ... လျှောက်မပြောနဲ့..."

"ကာကာရှီ... တကယ်တော့ ငါက..."

အိုဘီတိုနှင့် ရင်း တို့သည် တစ်ပြိုင်နက်တည်း မျက်နှာများ ရဲတက်သွားကြပြီး အလိုအလျောက် ငြင်းဆန်လိုက်ကြသည်။ သို့သော် ကာကာရှီအနေဖြင့် သူတို့နှင့် စကားဖက်ပြိုင်နေရန် အချိန်မရှိတော့ပါ။ အဘယ်ကြောင့်ဆိုသော် တစ်ဖက်မှ ကျောက်တုံးရွာနင်ဂျာများသည်လည်း နင်ဂျူဆု များကို စတင်အသုံးပြုနေပြီ ဖြစ်သောကြောင့်တည်း။

"မြေပုံစံ - မြေပြင်ပပ်ကြားအက် လက်ဝါးချက်

"မြေပုံစံ - မြေစီးကြောင်း ဖြတ်တောက်ခြင်း..."

ကျောက်တုံးရွာနင်ဂျာများ အသုံးပြုလိုက်သည့် နင်ဂျူဆုများကို အတွေ့အကြုံအရ ချက်ချင်း ခန့်မှန်းမိလိုက်သော ကာကာရှီသည် တန်ပြန်နင်ဂျူဆုကို ချက်ချင်း ထုတ်ဖော်လိုက်သည်။ ကြီးမားလှသော မြေအက်ကြောင်းကြီး အနည်းငယ်သည် ကာကာရှီတို့ရှိရာသို့ အရှိန်အဟုန်ဖြင့် ဦးတည်လာခဲ့သည်။ ထိုအချိန်မှာပဲ အိုဘီတိုနှင့် ရင်း တို့ ရှောင်ရန် ပြင်လိုက်စဉ်မှာပဲ၊ သူတို့ရှေ့မှ မြေပြင်သည် ဓားဖြင့် အပိုင်းပိုင်း ဖြတ်တောက်ခံလိုက်ရသကဲ့သို့ စက္ကန့်ပိုင်းအတွင်း မီတာအနည်းငယ်မျှ ကွာဟလျက် အက်ကွဲ သွားတော့သည်။ ကျောက်တုံးရွာနင်ဂျာများ၏ မြေသားတိုက်ခိုက်မှုသည် ထိုချောက်ကမ်းပါးကြီး၏ တစ်ဖက်ကမ်းတွင်တင် ရပ်တန့်သွားရသည်။

"သိပ်ပြီး လည်တာပဲ။ အထင်ကြီးစရာပဲ..."

ကျောက်တုံးရွာနင်ဂျာသည် ဒေါသတကြီးမျက်လုံးဖြင့် ကာကာရှီကို စိုက်ကြည့်ကာ နှာခေါင်းတစ်ချက် ရှုံ့လိုက်ပြီး၊ လက်ထဲမှ ကူနိုင်းကို ကိုင်လျက် ရှေ့သို့ ဝုန်းခနဲ ပြေးဝင်လာသည်။

"အိုဘီတို... ရင်း... မြန်မြန်သွားကြတော့။ မန္တန်တံခါးကို ဖွင့်စမ်း..."

ကာကာရှီသည်လည်း အလျှော့မပေးဘဲ သူ၏ ဝှိုက်ဖန်းဓား အတို ကို ဆွဲထုတ်လိုက်သည်။ သူ၏ ဘယ်ဘက်မျက်လုံးရှိ နီရဲသော အရောင်အဝါသည် လျှပ်ခနဲ ဝင်းလက်သွားပြီး၊ အသံခပ်အုပ်အုပ်ဖြင့် အော်ဟစ်ကာ ရှေ့သို့ တိုးဝင်လိုက်တော့သည်။

ရှာရင်းဂန် နှင့် ရှစ်ခုမြောက်ဂိတ် တို့၏ အစွမ်းများကို ပေါင်းစပ်လျက် ကာကာရှီသည် ဝှိုက်ဖန်းဓား အတိုအတွင်းသို့ မိမိ၏ လျှပ်စီးချာကရာများကို ထည့်သွင်းလိုက်ရာ ပိုမိုကြောက်မက်ဖွယ်ကောင်းသော အသွင်သို့ ပြောင်းလဲသွားသည်။ သူ၏ ခန္ဓာကိုယ်သည် ဖြူဖွေးသော လျှပ်စီးတန်းတစ်ခုအလား ကျောက်တုံးရွာနင်ဂျာများ၏ ရှေ့မှောက်တွင် ဟိုမှဒီသို့ လျှပ်ခနဲ ကူးပြောင်းလှုပ်ရှားနေတော့သည်။ အံ့ဩစရာကောင်းလှသည်မှာ... သူသည် မိမိ၏ ကိုယ်ပိုင်စွမ်းအားသက်သက်ဖြင့်သာ ကျောက်တုံးရွာနင်ဂျာအားလုံးကို တစ်လက်မမျှ ရှေ့တိုးမလာနိုင်အောင် တားဆီးထားနိုင်ခြင်း ဖြစ်သည်။ ရင်ဆိုင်မိသည့် ခဏအတွင်းမှာပဲ သူသည် လျှပ်စီးကဲ့သို့ မြန်ဆန်လှသော အရှိန်ဖြင့် ရန်သူနှစ်ဦးကို ချက်ချင်း သတ်ပစ်လိုက်လေသည်။

ဤမျှ ပြင်းထန်လှသော စွမ်းဆောင်ရည်ကြောင့် ကျောက်တုံးရွာနင်ဂျာများသာမက အိုဘီတိုနှင့် ရင်း တို့ပါ အံ့အားသင့်လျက် ဆွံ့အသွားကြရသည်။

"ကာကာရှီ... မင်းက တကယ်ကို အစွမ်းထက်တာပဲ။ ဒါပေမဲ့ ငါကတော့ ငါ့ရဲ့သူငယ်ချင်းကို ပစ်မထားနိုင်ဘူး။ ငါက အူချီဟာ အိုဘီတို ကွ။ ရင်း... မင်း အရင် သွားနှင့်လိုက်..."

အိုဘီတိုသည် မိမိ၏ နီရဲသော ရှာရင်းဂန်မျက်လုံးများကို ဖွင့်လိုက်ပြီး ပါးပြင်များ ရဲတောက်လျက် အော်ဟစ်ကာ လက်ဟန်မန္တန်များကို စီရင်ရင်း တိုက်ပွဲအလယ်သို့ ပြေးဝင်သွားတော့သည်။ ကာကာရှီ၏ အရှိန်က မြန်ဆန်လွန်းလှသည့်အပြင် ရည်ရွယ်ချက်ရှိရှိဖြင့် သူတို့ကို ကျောခိုင်းထားသောကြောင့် အိုဘီတိုအနေဖြင့် ကာကာရှီ၏ ဘယ်ဘက်မျက်လုံးရှိ နီရဲသော ရှာရင်းဂန်ကို သတိမပြုမိခဲ့ပေ။

"မီးပုံစံ - မီးလုံးကြီး အတတ်……”

အိုဘီတိုသည် လမ်းဖွင့်ရန်အတွက် မီးလုံးကြီးကို မှုတ်ထုတ်လိုက်သည်နှင့်တစ်ပြိုင်နက်၊ မိမိ၏ ရှာရင်းဂန်မျက်လုံးကို အသုံးပြုကာ လမ်းညွှန်မှုကို ရယူပြီး ကူနိုင်းကို လမ်းကြောင်းတစ်ခုသို့ ချက်ချင်း ပစ်လွှတ်လိုက်သည်။ နောက်တစ်စက္ကန့်တွင် ကာကာရှီ၏ ဝှိုက်ဖန်း ဓားချက်ကို ရှောင်နေသည့် ကျောက်တုံးရွာနင်ဂျာတစ်ဦးသည် အိုဘီတို ပစ်လွှတ်လိုက်သော ကူနိုင်းဖြင့် ထိမှန်သွားပြီး လည်ပင်းကို ခြစ်မိသွားတော့သည်။ တကယ်လို့သာ ထိုကျောက်တုံးရွာနင်ဂျာသည် လျင်မြန်သော တုံ့ပြန်မှုဖြင့် ခေါင်းကို အနည်းငယ် မတိမ်းစောင်းလိုက်ပါက ချက်ချင်း သေဆုံးသွားနိုင်လောက်သည်။ သို့သော်လည်း ကူနိုင်းသည် သူ၏လည်ပင်းကို နက်ရှိုင်းစွာ ထိရှသွားသဖြင့် သွေးများ အဆက်မပြတ် စီးကျလာခဲ့သည်။

အိုဘီတို တိုက်ပွဲထဲသို့ ပြေးဝင်လာသည်ကို မြင်လိုက်ရသောအခါ ကာကာရှီသည် မျက်မှောင်ကြုတ်လိုက်မိသော်လည်း ချက်ချင်းပဲ ပြန်လည်ဖြေလျှော့လိုက်သည်။ အိုဘီတိုအနေဖြင့် မိမိကို ပစ်ထားခဲ့ပြီး ထွက်ပြေးရန်မှာ ဘယ်လိုမှ မဖြစ်နိုင်မှန်း သူ သိသည်။ ဤအခြေအနေမျိုးတွင် သူတို့နှစ်ဦးလုံး၏ ဘေးကင်းမှုကို သေချာစေရန်အတွက် သူ အစွမ်းကုန် ထုတ်သုံးရတော့မည်။

ကာကာရှီသည် ရန်သူကို ကန်ထုတ်လိုက်ပြီး ဓားကို အိတ်ထဲသို့ ချက်ချင်း ပြန်ထည့်ကာ လက်နှစ်ဖက်ဖြင့် မန္တန်များကို တရစပ် စီရင်လိုက်တော့သည်။

"လျှပ်စီးပုံစံ - လျှပ်စီးပုံတူကိုယ်ပွားခြင်း..."

ကာကာရှီသည် အသံခပ်အုပ်အုပ်ဖြင့် အော်ဟစ်လိုက်ရာ သူ၏ ဘေးနားတွင် လျှပ်စီးပုံတူကိုယ်ပွားတစ်ခု ထွက်ပေါ်လာသည်။ လျှပ်စီးပုံတူကိုယ်ပွားသည် ပေါ်လာသည်နှင့်တစ်ပြိုင်နက် ကာကာရှီနှင့်အတူ ချီဒိုရီ ကို တစ်ပြိုင်တည်း လှုံ့ဆော်လိုက်ကြသည်။ စက္ကန့်ပိုင်းမျှသော အချိန်တိုအတွင်းမှာပင် ငှက်ပေါင်းသောင်းခြောက်ထောင် တေးဆိုသကဲ့သို့ အသံများဖြင့် တစ်ကိုယ်လုံး စစ်မြေပြင်တစ်ခုလုံး ဆူညံသွားတော့သည်။

"ဒါ... ဒါက ဘာနင်ဂျူဆုလဲ။ လက်ထဲမှာ ဒီလောက်ပြင်းထန်တဲ့ လျှပ်စီးချာကရာကို ဒီအတိုင်း ပုံဖော်နိုင်တာလား..."

"မကောင်းဘူး။ ကာကွယ်ဖို့အတွက် နင်ဂျူဆုကို သုံးကြစမ်း။"

ကျောက်တုံးရွာနင်ဂျာများသည် ရုတ်တရက် ကျရောက်လာသည့် ပြင်းထန်လှသော လျှပ်စီးကြောင်းကြောင့် ချက်ချင်းပင် ထိတ်လန့်ချောက်ချားသွားကြရသည်။ သူတို့သည် ချီဒိုရီကြောင့်သာမက ကာကာရှီ၏ တစ်ကိုယ်လုံးရှိ စွမ်းအားများကြောင့်ပါ တုန်လှုပ်သွားကြခြင်း ဖြစ်သည်။ ချီဒိုရီသည် ရန်သူများကို အလဲထိုးမည့် နောက်ဆုံးလက်နက် ဖြစ်ပေတော့သည်။

"လျှပ်စီးပုံစံ..."

ကာကာရှီသည် တိုးတိုးလေး ရေရွတ်ရင်း ချီဒိုရီနှင့်အတူ ပေါင်းစပ်ကာ သူ၏လက်ထဲတွင် အပြာရောင် လျှပ်စီးကြိုးကွင်းတစ်ခုကို ဖန်တီးလိုက်သည်။ ပုံရိပ်နှစ်ခုသည် ဘယ်နှင့်ညာ ချက်ချင်း ပြေးဝင်လှုပ်ရှားသွားပြီး ကျောက်တုံးရွာနင်ဂျာများကို ဝိုင်းရံပိတ်ဆို့ကာ အိုဘီတိုကို သီးသန့်ခွဲထုတ်လိုက်ပြီးနောက် လျှပ်စီးကြိုးကွင်းကို အသုံးပြု၍ ကျောက်တုံးရွာနင်ဂျာများကို တရစပ် တိုက်ခိုက်တော့သည်။

"အဲဒါ... ရှာရင်းဂန်မျက်လုံးလား??? ငါ မျက်စိမှားတာလား။ ကာကာရှီမှာ ဘာလို့ ရှာရင်းဂန် ရှိနေရတာလဲ။"

အိုဘီတိုသည် ထိုနေရာတွင်တင် ဆွံ့အလျက် ရပ်တန့်နေမိပြီး၊ သူ၏ စိတ်ထဲတွင် နီရဲသော အလင်းတန်းများ အဆက်မပြတ် ဖြတ်သန်းပေါ်ပေါက်နေသည်ကို တိုးတိုးလေး ရေရွတ်နေမိသည်။

"မိမိသဘောအတိုင်း အပိတ်အဖွင့် လုပ်လို့ရတဲ့ ရှာရင်းဂန်…. ဒါဆို ကာကာရှီကလည်း အူချီဟာ မျိုးနွယ်စုဝင် တစ်ယောက်ပဲလား။"

အိုဘီတိုသည် ရုတ်တရက် သဘောပေါက်သွားပြီး အူချီဟာဆိုသည်မှာ မျက်လုံးတစ်ဖက်တည်းသာ ရှိသည့် မျိုးနွယ်စုမဟုတ်မှန်း တွေးတောမိရင်း ရေရွတ်လိုက်လေသည်။