အပိုင်း (၁၀) - အရှက်မရှိသော လင်းမိသားစု
ရွှန်လုံ ခန်းမဆောင်အတွင်းသို လှမ်းဝင်လိုက်သည်နှင့် ၉ ပေအမြင့်ရှိသော တံခါးကြီးများ ပွင့်သွားပြီး အတွင်းရှိ လူအားလုံး၏ အကြည့်များက သူ့ထံသို စုပြုံရောက်ရှိလာတော့သည်။
မိဘနှစ်ပါးအပြင် ခန်းမထဲတွင် အနက်ရောင်ဝတ်စုံပေါ်၌ အပြာရောင်အစင်းကြောင်းများ ပါရှိသော ဝတ်စုံဝတ် ဆင်ထားသည့် လင်း မိသားစုမှ အကြီးအကဲ ၃ ဦး၊ အလယ်အလတ်အရွယ် အမျိုးသားတစ်ဦးနှင့် အသက်အရွယ်တူ မိန်းကလေးတစ်ဦးတိုကို တွေ့လိုက်ရသည်။ ထိုမိန်းကလေးမှာ ခါးကို မတ်မတ်ထား၍ ထိုင်နေသော်လည်း ထိုသို ထိုင်နေခြင်းကြောင့်ပင် သူမ၏ ရင်ဘတ်မှာ ပြားချပ်နေသည်ကို လူတိုင်း သတိထားမိစေသည်။
အပေါ်ယံကြည့်လျှင် အရာအားလုံး ပုံမှန်ဟု ထင်ရသော်လည်း ရွှန်လုံ၏ ဘဝဟောင်း အတွေ့အကြုံအရ ၎င်းတို၏ ထိုင်ပုံထိုင်နည်းနှင့် မိဘများထံမှ ခပ်လှမ်းလှမ်းတွင် ခပ်စိမ်းစိမ်း ထိုင်နေပုံကို ကြည့်ကာ ဤကိစ္စမှာ တစ်ခုခု ထူးခြားနေပြီဖြစ်ကြောင်း သူ ချက်ချင်း ရိပ်မိလိုက်သည်။
ရွှန်ဖန်းနှင့် ရွှန်အန်းတိုက သားဖြစ်သူကို ကြင်နာစွာ ကြည့်နေကြသော်လည်း ရွှန်ဖန်း၏ မျက်ဝန်းထဲတွင်မူ ထိတ်လန့်ရိပ်အချို ကိန်းအောင်းနေသည်။
'ဒါဆို လုံအာက ကျင့်စဉ်မှာ ပြဿနာတက်လို အခန်းထဲက မထွက်တာလား?' ဟု ရွှန်ဖန်း မိမိကိုယ်ကို မေးနေမိသည်။ အကယ်၍ ရွှန်လုံသာ ကျင့်စဉ်အဆင့် ၁ ကို ရောက်ရှိခဲ့လျှင် အရှိန်အဝါ တစ်ခုခု ထွက်ပေါ်နေရမည် ဖြစ်သည်။ ယခုမူ ရွှန်လုံ၏ ခန္ဓာကိုယ်တွင် ကျင့်ကြံသူတစ်ဦး၏ အငွေ့အသက်မျှပင် မရှိသည့်အတွက် သူ၏သားမှာ ကျင့်စဉ်မစတင်နိုင်သေးဟု ရွှန်ဖန်းက ယူဆလိုက်သည်။ ရွှန်လုံက သူ၏ အရှိန်အဝါကို ဖုံးကွယ်ထားနိုင်လိမ့်မည်ဟု မြေကမ္ဘာအဆင့် ၉ ရှိသော ရွှန်ဖန်းပင် ထင်မထားမိပေ။
ရွှန်လုံသည် ဖခင်၏ မျက်ဝန်းထဲမှ တုန်လှုပ်မှုကို သတိထားမိသော်လည်း ဘာမှမဖြစ်သကဲ့သို ပြုံးလျက် မေးလိုက်သည်။
"အဖေ... သားကို ခေါ်ခိုင်းတယ်ဆိုလို?"
"တူလေးရွှန်က နောက်ဆုံးတွေ့တုန်းကထက် ပိုချောလာတာပဲ ဂုဏ်ယူပါတယ် ဟားဟား။ နောင်ကျရင် တူလေးနောက်ကို လိုက်မယ့် အလှလေးတွေ အများကြီး ရှိလာမှာပါ"
လင်းမိသားစုမှ အလယ်အလတ်အရွယ် အမျိုးသား လင်းရှန်း ၏ စကားအဆုံးတွင် ခန်းမတစ်ခုလုံး အပ်ကျသံပင် ကြားရလောက်အောင် တိတ်ဆိတ်သွားသည်။
ရွှန်ဖန်း၏ မျက်မှောင်များ ကြုတ်သွားပြီး အကြည့်များက အေးစက်သွားကာ ဒေါသသံဖြင့် ပြန်မေးလိုက်သည်။
"လင်းရှန်း... မင်း အဲဒီစကားနဲ့ ဘာကို ဆိုလိုတာလဲ?"
ရွှန်ဖန်းသည် လင်းရှန်း၏ စကားနောက်ကွယ်က အဓိပ္ပာယ်ကို ချက်ချင်းနားလည်သည်။ ရွှန်လုံနောက်ကို အလှလေးတွေ လိုက်မည်ဖြစ်သော်လည်း ထိုထဲတွင် လင်းမိသားစုဝင် ပါဝင်မည်မဟုတ်ဟု သွယ်ဝိုက်ပြောဆိုခြင်း ဖြစ်သည်။
ဤအရူးတွေက စေ့စပ်မှုကို ဖျက်သိမ်းဖို လာကြတာလား?
လင်းရှန်း၏ ဘေးတွင် ထိုင်နေသော မိန်းကလေးမှာ ရွှန်လုံ၏ နာမည်ခံ ဇနီးလောင်း လင်းဝူ ဖြစ်သည်။ သူမသည် အသက် ၁၅ နှစ်သာ ရှိသေးသော်လည်း လင်းမိသားစု ခေါင်းဆောင်၏ သမီးဖြစ်သည့်အလျောက် ချီစုစည်းမှု အဆင့် ၅ သို ရောက်ရှိနေသူဖြစ်သည်။
လင်းရှန်းသည် အနည်းငယ် ရှက်ကိုးရှက်ကန်း ဖြစ်သွားသော်လည်း သူ၏ အဖိုးတန်သမီးလေးကို ကျင့်စဉ်မလေ့ကျင့်နိုင်သည့် "လူဖျင်း" တစ်ယောက်နှင့် လက်မထပ်နိုင်ဟု ဆုံးဖြတ်ကာ မတ်တပ်ရပ်၍ ပြောလိုက်သည်။
"ညီအစ်ကိုရွှန်... နားထောင်ပေးပါဦး။ ဝူအာနဲ့ ရွှန်လုံတို စေ့စပ်ထားတာ ကြာပြီဆိုတာ ကျွန်တော် သိပါတယ်။ ဒါပေမဲ့ အခြေအနေအချိုကြောင့် ကျွန်တော် အရှက်မရှိဘဲ ဒီစေ့စပ်မှုကို ဖျက်သိမ်းဖို လာတောင်းဆိုတာပါ။ ဝူအာက နောက်တစ်လနေရင် တော်ဝင်မြိုတော်မှာ ကျင်းပမယ့် 'လွင့်မျောတိမ်တိုက်ဂိုဏ်း' ရဲ့ ဝင်ခွင့်စာမေးပွဲကို ဖြေဆိုဖို ဆုံးဖြတ်ထားပါတယ်။ အဲဒီဂိုဏ်းက အကြီးအကဲတွေက တပည့်သစ်တွေကို ကိုယ်တိုင်လာရွေးမှာပါ။ ညီအစ်ကိုသားက... အဟမ်း... ကျင့်စဉ်မလေ့ကျင့်နိုင်တာ လူတိုင်းအသိပဲဆိုတော့ သူတိုနှစ်ယောက်စလုံးရဲ့ အနာဂတ်အတွက် ဒီစေ့စပ်ပွဲကို ဖျက်တာ အကောင်းဆုံးပဲ မဟုတ်လား? ဝူအာက အဲဒီဂိုဏ်းထဲ ရောက်သွားရင် သူတိုနှစ်ယောက်က ကမ္ဘာခြားသွားသလို ဖြစ်တော့မှာလေ"
"အဝေးကို လစ်လိုက်စမ်း! ငါ့ကို ညီအစ်ကိုလို မခေါ်နဲ့!" ရွှန်ဖန်းသည် ဒေါသအလိပ်လိပ်ဖြင့် အော်ဟစ်လိုက်ရာ သူ၏ နားထင်မှ သွေးကြောများပင် ထောင်တက်လာသည်။ သူ၏ မြေကမ္ဘာအဆင့် ၉ အရှိန်အဝါများကို ထုတ်လွှတ်လိုက်ရာ ခန်းမအတွင်းရှိ လူအားလုံး အသက်ရှူရ ခက်ခဲသွားကြသည်။
"ဟားဟားဟား! မင်းက ငါ့ဆီလာပြီး စေ့စပ်ပွဲဖျက်ဖို လာတောင်းပန်တယ်ပေါ့? ဟုတ်တယ်... မင်းက တကယ့်ကို အရှက်မရှိတဲ့လူပဲ။ မင်းရဲ့ မျက်နှာက ထူလွန်းလို ငါရိုက်လိုက်ရင်တောင် ငါ့လက်ပဲ နာသွားဦးမယ်။ ငါ့အိမ်က မင်းတို လင်းမိသားစု စိတ်ကြိုက် လာကစားရမယ့်နေရာလို ထင်နေလား?
လွန်ခဲ့တဲ့ နှစ်တွေတုန်းက မင်းတိုနယ်မြေကို အခြားသူတွေ မသိမ်းပိုက်နိုင်အောင် အစီရင်တွေ လုပ်ပေးဖို ငါ့ဆီမှာ ဘယ်နှစ်ကြိမ် လာပြီး 'အရှက်မရှိ တောင်းပန်' ခဲ့သလဲ?
လွန်ခဲ့တဲ့ ၆ နှစ်က သူ့သမီးကို ငါ့သားနဲ့ ပေးစားဖို ငါ့ခြေရင်းမှာ ဒူးထောက်တောင်းပန်ခဲ့တာ ဘယ်သူလဲ?
အခုတော့ မင်းသမီးရဲ့ နာမည်ပျက်မှာစိုးလို ငါ့ဘက်က ဖျက်ပေးဖို လာပြောနေတာလား? ဟားဟားဟား!"
ရွှန်ဖန်း၏ လှောင်ပြောင်သံကြောင့် လင်းမိသားစု ခေါင်းဆောင်နှင့် အကြီးအကဲ ၃ ဦးမှာ မျက်နှာများ နီမြန်းကာ စားပွဲအောက်၌ လက်သီးများကို တင်းတင်းဆုပ်ထားကြသည်။
ရွှန်လုံသည် လင်းမိသားစုထံသို ခြေတစ်လှမ်း တိုးလိုက်သောအခါ ရွှန်ဖန်းက သူ၏ အရှိန်အဝါများကို ချက်ချင်း ပြန်သိမ်းလိုက်သဖြင့် သူတို အသက်ဝဝ ရှူခွင့်ရသွားသည်။ ရွှန်လုံက ထိုမိန်းကလေးကို ကြည့်ကာ မေးလိုက်သည်။
"မင်းကော ဘယ်လိုသဘောရလဲ?"
လင်းမိသားစုမှ မုတ်ဆိတ်ရှည်နှင့် အကြီးအကဲ တစ်ဦးက ဒေါသတကြီး မတ်တပ်ရပ်ကာ -
"ရိုင်းလှချေလား! ဒါက ကလေးတွေ စကားပြောရမယ့် နေရာမဟုတ်..."
သူ့စကားမဆုံးမီမှာပင် ရွှန်ဖန်း၏ အရှိန်အဝါက တစ်ဖန် ပေါက်ကွဲထွက်လာပြီး ထိုမြေကမ္ဘာအဆင့် အလယ်အလတ်သာရှိသော အကြီးအကဲမှာ လွင့်စင်သွားကာ သွေးများ အန်ထုတ်လိုက်ရသည်။ သူသည် နံရံနှင့် စောင့်မိပြီး ကြမ်းပြင်ပေါ်သို အရိုးကျိုးသံများနှင့်အတူ ပြုတ်ကျသွားတော့သည်။
"ဒါက မင်း စကားပြောရမယ့် နေရာမဟုတ်ဘူး၊ ပါးစပ်ပိတ်ထားစမ်း" ရွှန်ဖန်းက မောက်မာစွာ ပြောဆိုလိုက်သည်။
ရွှန်လုံက သူ၏ 'ဇနီးလောင်း' ကို ပြန်ကြည့်သည်။ ထိုရင်ဘတ်ပြားသည့် မိန်းကလေးမှာ ရွှန်ဖန်းကို မကြည့်ရဲသော်လည်း ရွှန်လုံကိုမူ မောက်မာသော အကြည့်များဖြင့် ပြန်ကြည့်ရဲသည်။ သူမ၏ အကြည့်ထဲတွင် "ငါက မင်းထက် သာလွန်တယ်၊ ဒါကြောင့် မင်းကို အထင်သေးတယ်" ဟူသော အဓိပ္ပာယ်များ ပေါ်လွင်နေသည်။
လင်းရှန်းသည် အသက်လုရှူရင်း ပါးစပ်မှ သွေးများ ထွက်နေသည့်ကြားမှ - "ရွှန်လုံ... မင်း စဉ်းစား..."
ဖွတ်!
လင်းရှန်း စကားမဆုံးမီမှာပင် သွေးတစ်လုတ် ထပ်မံအန်လိုက်ရာ ၎င်းမှာ သူ၏ သမီးဖြစ်သူ လင်းဝူ၏ မျက်နှာတစ်ခြမ်းသို စင်သွားတော့သည်။
ရွှန်လုံသည် လင်းဝူ၏ အထင်သေးသော အကြည့်ကို မြင်လိုက်ရကတည်းက သူမကိုရော သူမဖခင်ကိုပါ စိတ်မဝင်စားတော့ပေ။ သူသည် လှည့်ထွက်လာပြီး ခန်းမတံခါးဝသို လျှောက်သွားကာ သူ၏ ဝတ်စုံကို ခါယမ်းရင်း သက်ပြင်းချကာ ပြောလိုက်သည်။
"တော်သေးတာပေါ့... အမှိက်တွေနဲ့ ပတ်သက်မိတော့မလို။ အဖေ... ဒီစေ့စပ်ပွဲကို ဖျက်ဆီးလိုက်ပါ... 'အမြစ်ပြတ်' ဖျက်ဆီးပစ်လိုက်ပါတော့။"