အခန်း ၁၃။ ညီအစ်ကိုတွေကို နောက်မှာမထားခဲ့ဘူး

လူတွေဆိုတာ ထူးဆန်းပြီး ဆန့်ကျင်ဘက်စိတ်တွေရှိတဲ့ သတ္တဝါတွေဖြစ်သည်

လီဗိုင်းကိုသာ ကြည့်လေသည်။ ယခုအချိန်တွင် သူ့ခေါင်းထဲ၌ ကိုယ်တိုင်၏ ပုံစံငယ်နှစ်ခု ရန်ဖြစ်နေသလို ခံစားနေရသည်

တစ်ခုကတော့ ဝတ်စုံပြည့်ဝတ်ဆင်ထားပြီး လျှပ်တစ်ပြက်တွက်ချက်နိုင်သော ပုံစံဖြစ်သည် ထိုသူက သူ့နားနားကိုကပ်ပြီး တိုးတိုးလေးပြောသည်

"ဟေ့ လီဗိုင်း နိုးထစမ်း ဒီကမ္ဘာကို ဘာလို့ရောက်လာတာလဲ အသက်ရှင်ဖို့ပဲလေ ပိုသန်မာလာဖို့ပဲလေ အခွင့်အရေးက မင်းရှေ့တည့်တည့်မှာပဲ ဒီဝန်ထုပ်ဝန်ပိုးကို ပစ်ထားခဲ့ပြီး တစ်ယောက်တည်းသွားရင် ကပ္ပတိန်အမေရိကနဲ့ နီးကပ်အောင်သွားပြီး ဆူပါစစ်သားဆေးရည်ကို ကူးယူဖို့ အခွင့်အရေးရှိတယ် အဲ့ဒါရသွားရင် ဘာမဆိုဖြစ်နိုင်သွားပြီ နောက်တော့ ဘာကိုကြောက်မှာလဲ စိတ်ခံစားချက်တွေက မင်းကို သေစေဖို့ပဲရှိတာ"

နောက်တစ်ခုကတော့ ဒုတိယကမ္ဘာစစ်ဝတ်စုံကို ဝတ်ဆင်ထားပြီး ယမ်းငွေ့နံ့တွေထွက်နေသော သူဖြစ်သည် သူက ဝတ်စုံပြည့်ဝတ်ထားသူကို ကန်ထုတ်လိုက်ပြီး လီဗိုင်း၏ နှာခေါင်းကို လက်ညှိုးထိုးကာ ကျိန်ဆဲသည်

"မင်းက ယောက်ျားတစ်ယောက် ဟုတ်သေးရဲ့လား ဂေ့ဘ်က ဘာလို့ ဒီမှာ လဲနေတာလဲ မင်းကိုကယ်ဖို့လား မဟုတ်ဘူး တစ်ဖွဲ့လုံးအတွက် မစ်ရှင်အတွက်ပဲ အခု သူဒဏ်ရာရသွားတော့ မင်းက သူ့ကို ပစ်ထားချင်နေတာလား ဒါဆိုရင် မင်းက လူတွေကို နောက်ကနေ ဓားနဲ့ထိုးတတ်တဲ့ ဟိုက်ဒရာကောင်တွေနဲ့ ဘာကွာတော့မှာလဲ လိုဂန်က မင်းဘေးမှာ ဘယ်လိုတိုက်ခဲ့လဲဆိုတာ မေ့သွားပြီလား ဒူဂန်က မင်းပခုံးကို ပုတ်ပြီး 'ကြိုဆိုပါတယ်' လို့ပြောတာကို မေ့သွားပြီလား ‌ေဟာင်လင်းကွန်မန်ဒိုတွေက ကိုယ့်လူတွေကို မစွန့်ပစ်ဘူး မင်းကိုယ်တိုင်ပြောခဲ့တာပဲ အဲ့ဒါကို လေတိုက်သလိုပဲ သဘောထားတော့မှာလား"

လီဗိုင်းသည် စိတ်တိုတိုဖြင့် ဆံပင်ကို လက်နှင့်သပ်လိုက်သည်

ရိုးရိုးသားသားပြောရလျှင် ဝတ်စုံဝတ်ထားသူ ပြောတာက အဓိပ္ပာယ်ရှိသည် သူ့အရင်ဘဝက ကော်ပိုရေးရှင်းအလုပ်သမားဘဝ၏ အသက်ရှင်သန်ရေး ယုတ္တိနှင့် အကိုက်ညီဆုံးဖြစ်သည် အန္တရာယ်ကို ရှောင်ပြီး ကိုယ်ကျိုးကို အများဆုံးရအောင်လုပ်ရန် ဂေ့ဘ်ကို ခေါ်သွားခြင်းက အန္တရာယ်ကို ၁၀ ဆ တိုးစေပြီး အောင်မြင်နိုင်ခြေက ၁၀ ရာခိုင်နှုန်းထက် နည်းသွားသည်

ဘယ်လိုတွက်တွက် အကျိုးမရှိတဲ့ အလုပ်တစ်ခုသာ ဖြစ်သည်

ဒါပေမဲ့လည်း သူသည် ထိုစိတ်ပိုင်းဆိုင်ရာ အတားအဆီးကို ကျော်မရဖြစ်နေသည်

သူ မျက်လုံးမှိတ်လိုက်တိုင်း ဂေ့ဘ်၏ အမူအရာကို မြင်ယောင်နေသည် တစ်ယောက်တည်းသွားဖို့ လီဗိုင်းကို ပြောလိုက်သည့် ထိုတည်မြဲသော အကြည့်ဖြစ်သည် အဲ့ဒါက အများအတွက် ကိုယ်ကျိုးစွန့်ဖို့ အသင့်ရှိနေတဲ့ စစ်သားအစစ်တစ်ယောက်၏ အကြည့်ဖြစ်သည်

လီဗိုင်းကရော ဘာလဲ စနစ်ကို အလိမ်အညာစွမ်းရည်နဲ့ ကစားနေတဲ့ ကူးပြောင်းလာသူလား

သူသာ ဒီနေ့ ဂေ့ဘ်ကို တကယ်စွန့်ပစ်ခဲ့ရင် နောက်ပိုင်းမှာ စွမ်းအားအမျိုး ၁၀၀ ကို ကူးယူပြီး နတ်ဘုရားတစ်ပါးလို ဖြစ်လာခဲ့ရင်တောင် သူ ညဘက်မှာ အိပ်ပျော်ပါ့မလား ကပ္ပတိန်အမေရိက၏ ဒိုင်းကို ပြန်ကြည့်တဲ့အခါ သူ ရှက်စိတ်မဝင်တော့ဘူးလား

ခွေးကောင်တွေပဲ

သူသည် ဒီမငြိမ်သက်တဲ့ကမ္ဘာမှာ နောက်ဆုံးတော့ ယုံကြည်ရမယ့် ရဲဘော်တွေကို ရှာတွေ့သွားပြီ သူကိုယ်တိုင်လည်း သူရဲကောင်းတစ်ယောက်လို ခံစားလာရသည် အရာရာခက်ခဲသွားရုံနဲ့ ဘာလို့ ဒီလိုတစ်ကိုယ်ကောင်းဆန်တဲ့ လူမိုက်တစ်ယောက်အဖြစ် ပြန်ဖြစ်သွားရမှာလဲ

"လီဗိုင်း..."

လီဗိုင်း သူ့ကိုယ်သူ ရုန်းကန်နေတုန်း ဂေ့ဘ်က ပြန်ပြောသည် သူ့အသံက အားနည်းနေသော်လည်း ထူးခြားစွာ ရှင်းလင်းနေသည်

"တွန့်ဆုတ်မနေနဲ့ သွားတော့ မင်းဘာတွေးနေလဲ ငါသိတယ် မင်းက ငါ့ထက်သန်မာတယ် ငါ့ထက်တော်တယ် ကပ္ပတိန်ကိုရှာပြီး မစ်ရှင်ကို အောင်မြင်အောင်လုပ်ဖို့ အခွင့်အရေးရှိတဲ့သူက မင်းပဲ ငါမင်းနဲ့အတူရှိနေရင် မင်းကို နှောင့်နှေးစေရုံပဲရှိမယ် ငါ့စကားနားထောင် ဒါက မှန်ကန်တဲ့ ရွေးချယ်မှုပဲ"

လီဗိုင်း မျက်လုံးကို ချက်ချင်းဖွင့်လိုက်ပြီး ဂေ့ဘ်ကို တည့်တည့်စိုက်ကြည့်သည်

"အဲ့ဒါကို ပြန်ပြောစမ်း" သူ့အသံက မကျယ်သော်လည်း မကျေနပ်ချက်များ ပါဝင်နေသည်

ဂေ့ဘ်က ခဏလောက် အေးခဲသွားပြီးမှ အတင်းပြောသည် "ငါပြောတာက မင်းတစ်ယောက်တည်းသွားသင့်တယ်လို့—"

"ပါးစပ်ပိတ်ထား!" လီဗိုင်းက ကြမ်းတမ်းစွာ ဖြတ်ပြောလိုက်သည် "ငါ နားမကြားတာ မဟုတ်ဘူး! ငါမေးပါရစေ 'မှန်ကန်တဲ့ ရွေးချယ်မှု' ဆိုတာ ဘာအဓိပ္ပာယ်လဲ ဒီမှာ ဒဏ်ရာရထားတဲ့လူကို အေးခဲသေဆုံးအောင် ပစ်ထားခဲ့တာက 'မှန်ကန်' တာလား ဒါဆိုရင် ငါတို့က ဘာလဲ ‌ေဟာင်လင်းကွန်မန်ဒိုတွေက ဘာလဲ မစ်ရှင်အတွက် ရဲဘော်တွေကို ပစ်ချသွားတဲ့ သွေးအေးတဲ့ စက်ရုပ်တွေလား"

သူ့ခံစားချက်တွေက ပြင်းထန်လာပြီး အသံကလည်း ထိန်းမရအောင် တိုးလာသည်

ဂေ့ဘ်က တိတ်ဆိတ်သွားသည် သူသည် လီဗိုင်းကိုကြည့်ပြီး ရှုပ်ထွေးနေသော အမူအရာဖြင့် ကြည့်နေသည် ပုံမှန်ဆိုရင် ပေါ့ပေါ့ပါးပါးနေတတ်တဲ့ ဒီအရှေ့တိုင်းသားက အတွင်းစိတ်ထဲမှာ ဒီလောက်တောင် ခေါင်းမာပြီး မိုက်မဲတဲ့အပိုင်းတွေ ရှိလိမ့်မယ်လို့ မထင်ထားခဲ့ပေ

"ဒါပေမဲ့... မစ်ရှင်က—"

"မစ်ရှင်က ဟိုက်ဒရာကို ဖြိုချဖို့ဆိုတာ ဟုတ်တယ်!" လီဗိုင်းက အသက်ပြင်းပြင်းရှူပြီး စိတ်ကို ငြိမ်အောင်လုပ်လိုက်သည် "ဒါပေမဲ့ မစ်ရှင်တိုင်းရဲ့ အခြေခံက ငါတို့က တိရစ္ဆာန်တွေမဟုတ်ဘဲ လူသားတွေလို တိုက်ရိုက်ဖို့ပဲ! ငါပြောမယ် ဂေ့ဘ် ဒီနေ့ ငါတို့ ဒီတောအုပ်ထဲကနေ အတူတူထွက်သွားမယ် ဒါမှမဟုတ် အတူတူသေမယ် တတိယရွေးချယ်စရာ မရှိဘူး"

ထိုသို့ပြောပြီးနောက် သူသည် ဂေ့ဘ်ကို ဆက်မကြည့်တော့ဘဲ သူ့အိတ်ထဲကနေ သံမဏိသေတ္တာအမည်းရောင်လေးကို ထုတ်လိုက်သည်—အဲ့ဒါက ဟိုက်ဒရာ တပ်ဖွဲ့ခေါင်းဆောင်ဆီကနေ သူယူလာခဲ့တဲ့ ရေဒီယိုဖြစ်သည်

ဂေ့ဘ်က အံ့သြစွာကြည့်သည် "မင်း ဘာလုပ်ဖို့ စီစဉ်နေတာလဲ"

"သေဖို့ စောင့်နေရမှာလား" လီဗိုင်းက သူ၏ ထုံးစံအတိုင်း လူမိုက်ဆန်ဆန် ပြုံးလိုက်သည် "ဒါပေမဲ့ မဟုတ်ဘူး သူတို့က ငါတို့အတွက် ထောင်ချောက်ဆင်ထားရင် သူတို့ကို ပြန်ပြီးလက်ဆောင်ပေးဖို့က တရားမျှတတာပဲ"

သူသည် ရေဒီယိုကို ဂေ့ဘ်ဆီ ပေးလိုက်သည် "ဒီအရာကို ဘယ်လိုသုံးရမလဲ သိတယ်မလား သူတို့အော်နေတာတွေကို နားလည်နိုင်မလား"

ဂေ့ဘ်က ယူလိုက်ပြီး ခေါင်းညိတ်သည် "အင်း သိတယ် ငါသုံးတတ်တယ် ဂျာမန်စကားနည်းနည်း နားလည်တယ် စစ်တပ်သုံး စကားလုံးလောက်တော့ ပြဿနာမရှိဘူး"

"ကောင်းပြီ" လီဗိုင်း၏ မျက်လုံးများက သဲလွန်စရှာနေသော အငတ်ဘေးကြုံနေသည့် ဝံပုလွေတစ်ကောင်လို တောက်ပလာသည် "အခုအချိန်မှာ ငါတို့က မျက်စိကန်းပြီး နားကန်းနေတယ် စက်ရုံမှာ ဘာတွေဖြစ်နေလဲဆိုတာ ဘာမှမသိဘူး အဲ့ဒီအတု မြေပုံက ငါတို့ကို ဒုက္ခပေးပေမဲ့ အခွင့်အရေးတစ်ခုလည်း ပေးလိုက်တာပဲ"

"ဘာအခွင့်အရေးလဲ"

"သူတို့ပြောတာကို နားထောင်ဖို့ပေါ့" လီဗိုင်းက အသံကို လျှော့လိုက်ပြီး သူ့မျက်လုံးထဲမှာ စိတ်လှုပ်ရှားမှုတွေ တောက်ပြောင်လာသည် "သူတို့က ငါတို့က သူတို့ရဲ့ ထောင်ချောက်ထဲ ရောက်နေပြီ ဒါမှမဟုတ် ရောက်ခါနီးပြီလို့ ထင်နေကြတာ သူတို့ရဲ့ အားနည်းဆုံး ကာကွယ်ရေးဇုန်ထဲမှာ ငါတို့ ပုန်းနေပြီး သူတို့ရဲ့ ရေဒီယိုကိုသုံးကာ သူတို့ရဲ့ အချက်အလက်တွေကို ခိုးယူနေတယ်ဆိုတာ သူတို့ တစ်ခါမှ စိတ်ကူးမိမှာမဟုတ်ဘူး"

ဂေ့ဘ်၏ အသက်ရှူသံက ချက်ချင်း မြန်လာသည်

သူ သဘောပေါက်သွားသည် အပြည့်အဝ နားလည်သွားသည်

ဒါက ရဲတင်းလွန်းသည့် စိတ်ကူးယဉ်ဆန်သည့် အစီအစဉ်တစ်ခု ဖြစ်သည် သို့သော်လည်း ဒါက သူတို့အတွက် ထွက်ပေါက်တစ်ခုတည်း ဖြစ်သည်

"မြန်မြန် ဖွင့်လိုက်" ဂေ့ဘ်က သူ့ဒဏ်ရာရထားတဲ့ ခြေထောက်ကို မေ့သွားပြီး တိုက်တွန်းသည်

လီဗိုင်းက ခလုတ်ကို သေချာချိန်ညှိပြီး ရေဒီယိုကို ဖွင့်လိုက်သည်

ကျဉ်းမြောင်းတဲ့ဂူထဲမှာ ရေဒီယို၏ တရွတ်ရွတ်မြည်သံ ထွက်လာသည် လီဗိုင်းက အသံကို အလွန်တိုးလိုက်သည်—နားနားကပ်မှသာ ကြားနိုင်မည့် ပမာဏဖြစ်သည်

သူတို့နှစ်ယောက်လုံး အသက်ရှူရပ်ထားလိုက်ကြသည်

ဂျာမန်စကားအပိုင်းအစလေးတွေ ထွက်လာသည် ဂေ့ဘ်က ခေါင်းကိုစောင်းကာ မျက်မှောင်ကြုတ်ပြီး အာရုံစိုက်နားထောင်နေသည်

"…စခန်း ၃၊ အားလုံး ဘေးကင်းတယ်"

"…ကင်းလှည့်အဖွဲ့ B ပြန်ရောက်လာပြီ ထိတွေ့မှုမရှိဘူး"

"…ကုန်တင်ကားက မိနစ် ၃၀ အတွင်း တောင်ဘက်တံခါးကို ရောက်လိမ့်မယ်"

အများအားဖြင့် ပုံမှန် စကားပြောသံများသာ ဖြစ်သည် လီဗိုင်းက နားမလည်သော်လည်း ဂေ့ဘ်၏ အမူအရာက အရေးကြီးတာ ဘာမှမရှိသေးကြောင်း ပြနေသည်

လီဗိုင်းက မလောပါဘူး ဒီလောက်တင်းကျပ်တဲ့ ရှာဖွေမှုမျိုးမှာ အသုံးဝင်တဲ့ အချက်အလက် မပေါ်လာဘဲ မနေနိုင်ပေ

အမှန်ပင် ၁၀ မိနစ်ခန့်အကြာတွင် ရေဒီယိုအချက်အလက်များက ပို၍ရှင်းလင်းပြီး ခဏခဏ ဖြစ်လာသည်

တပ်မှူးတစ်ယောက်လို အသံက တင်းမာတဲ့လေသံနဲ့ အမိန့်ပေးနေသည်

ဂေ့ဘ်၏ မျက်နှာက ချက်ချင်း ပြောင်းလဲသွားသည်

"သူ ဘာပြောတာလဲ" လီဗိုင်းက ချက်ချင်းမေးသည်

ဂေ့ဘ်က တိတ်ဆိတ်ဖို့ လက်ကိုမြှောက်လိုက်ပြီး အာရုံစိုက်နားထောင်သည် အသံလွှင့်ချက်ဆုံးသွားတဲ့အခါ သူက လှည့်ကြည့်လာပြီး မျက်နှာက တည်တင်းနေသည်

"သတင်းဆိုးပဲ သူတို့က လေယာဉ်ပျက်ကျရာကနေ အနည်းဆုံး လူနှစ်ယောက် အောင်အောင်မြင်မြင် ခုန်ချနိုင်ခဲ့တယ်ဆိုတာ အတည်ပြုလိုက်ပြီ သူတို့က လေထီးနှစ်ခုကို နေရာနှစ်နေရာမှာ တွေ့ခဲ့တာ"

လီဗိုင်း၏ နှလုံးသားက ပျက်ကျသွားသလိုပဲ သူစိုးရိမ်တဲ့အတိုင်းပဲ သူတို့ ပေါ်သွားပြီ

"ပြီးတော့ရော"

"သူတို့က ပုံမှန်ရှာဖွေရေးအဖွဲ့တွေက နှေးလွန်းတယ်တဲ့ ရှမစ်ဒ်ကိုယ်တိုင်—‌ေခါင်းခွံနီ—က အရမ်းစိတ်ပျက်နေတယ်" ဂေ့ဘ်က တံတွေးမြိုချလိုက်သည် "ဒါကြောင့် သူတို့က"အမဲလိုက်ခွေးထိန်းသမား"  တွေကို လွှတ်လိုက်ပြီ"

"'"အမဲလိုက်ခွေးထိန်းသမား"လား" လီဗိုင်းက မျက်မှောင်ကြုတ်သည် "တိုက်ခိုက်တဲ့ ခွေးတွေလား ငါတို့က မြစ်ထဲခုန်ချခဲ့တာ—အဲ့ဒါက ငါတို့အနံ့ကို ပျောက်သွားစေမှာ"

"မဟုတ်ဘူး" ဂေ့ဘ်က ခေါင်းခါလိုက်ပြီး ပိုဆိုးတဲ့အမူအရာဖြစ်လာသည် "'"အမဲလိုက်ခွေးထိန်းသမား"' ဆိုတာ စကားလုံးအတိုင်း မဟုတ်ဘူး အဲ့ဒါက ဟိုက်ဒရာရဲ့ ထိပ်တန်းခြေရာခံယူနစ်ရဲ့ ကုဒ်နာမည်ပဲ သူတို့ရဲ့ ခေါင်းဆောင်က အမဲလိုက်ရာမှာ ကျွမ်းကျင်သူအစစ်ပဲ အသေးငယ်ဆုံးခြေရာလေးကို ချန်ထားခဲ့ရင်တောင် မင်း လွတ်မြောက်မှာ မဟုတ်ဘူး"

လီဗိုင်း၏ နှလုံးသားက ရပ်သွားသည်

ခွေးကောင်ပဲ ထောင်ချောက်တစ်ခုကနေ လွတ်လာတာကို ကျွမ်းကျင်သူတွေကို ထပ်ခေါ်လာမိတယ်

ဟိုက်ဒရာအခြေစိုက်စခန်းက တကယ့်ကို မွန်းစတားတွေနဲ့ ပြည့်နေတာပဲ

သို့သော် သူ အဲ့ဒါကို မစဉ်းစားရသေးခင်မှာပဲ ရေဒီယိုက နောက်ထပ်သတင်းတစ်ခု ထပ်လာသည်—သူတို့နှစ်ယောက်လုံး မမျှော်လင့်ထားတဲ့ သတင်းတစ်ခု ဖြစ်သည်

ကင်းလှည့်သမားတစ်ယောက်က စိတ်လှုပ်ရှားစွာဖြင့် အစီရင်ခံသည်

"အစီရင်ခံပါတယ်! အနောက်ဘက် တောင်ကုန်းမှာ ပစ်မှတ်ကို တွေ့ရှိပြီ! အပြာနဲ့ အဖြူရောင် ဝတ်စုံနဲ့ ဝိုင်းနေတဲ့ ဒိုင်းတစ်ခုကို ကိုင်ထားတယ်! ဓာတ်ပုံထဲကအတိုင်းပဲ! ငါတို့ ဝိုင်းပတ်ဖို့ သွားနေပြီ!"

ဘုန်း

လီဗိုင်း၏ စိတ်ထဲမှာ ပေါက်ကွဲသွားသည်

ကပ္ပတိန်အမေရိက

ကပ္ပတိန်အမေရိကကို တွေ့ရှိသွားပြီ

ဘာဖြစ်တာလဲ ဒါက ဖြစ်သင့်တဲ့ ပုံစံမဟုတ်ဘူး ရုပ်ရှင်ထဲမှာ ကပ္ပတိန်အမေရိကက တိတ်တိတ်ဆိတ်ဆိတ် ဝင်သွားပြီး အားလုံးကို ကယ်တင်ကာ ဂုဏ်ကျက်သရေရှိစွာ ခေါ်ထုတ်လာရမှာလေ

ဒါဆို သူက ဘာလို့ ဝိုင်းရံခံထားရတာလဲ

လီဗိုင်း၏ ပထမဆုံးတွေးမိတာက လိပ်ပြာအကျိုးသက်ရောက်မှုပဲ—သူရှိနေတာက အချိန်ကာလကို ပြောင်းလဲသွားစေတာလား

"ပစ်ခတ်ခြင်း မပြုနဲ့! ရှမစ်ဒ်က သူ့ကို အရှင်လိုချင်တာ!" တပ်မှူးက အော်ပြောသည်

"ယူနစ်အားလုံး အနောက်ဘက် တောင်ကုန်းဆီ စုဝေးကြ! ထပ်ပြောမယ်—ယူနစ်အားလုံး ချက်ချင်း စုဝေးကြ! သူ့ကို ပိတ်ဆို့ထား!"

ရေဒီယိုလိုင်းပေါ်မှာ ရှုပ်ထွေးတဲ့ အတည်ပြုသံတွေ ထွက်လာသည်

လီဗိုင်းက မြင်ယောင်နေသည်—ဟိုက်ဒရာစစ်သားတွေက သွေးနံ့ရတဲ့ ငါးမန်းတွေလို နေရာအနှံ့ကနေ စုပြုံရောက်လာကြတော့မှာ

အနောက်ဘက် တောင်ကုန်းက သတ်ကွင်းဖြစ်တော့မည်

ပြီးတော့ ကပ္ပတိန်အမေရိကက ထိုသတ်ကွင်းထဲက ငါးဖြစ်နေသည်

ဘာလုပ်မလဲ

လီဗိုင်း၏ နှလုံးသားက ခုန်နေသည်

သူ့စွမ်းအားက နှစ်ရက်ကျော်လောက် စောင့်ဆိုင်းချိန်ရှိနေဆဲပဲ သူအခု အဲ့ဒီကို ပြေးသွားရင်တောင် ဘာမှလုပ်နိုင်မှာမဟုတ်ဘူး—သူကိုယ်တိုင်ပဲ သေသွားလိမ့်မယ်

ဒါပေမဲ့ သူသာ မသွားဘူးဆိုရင်...

သူက ကပ္ပတိန်အမေရိကလေ သူ့ရဲ့ အဓိက ရည်မှန်းချက်ပဲ သူတကယ် လေးစားတဲ့ သူရဲကောင်းတစ်ယောက်ပဲ

သူက တကယ်ပဲ ဒီမှာထိုင်ပြီး သူအဖမ်းခံရတာကို၊ ဟိုက်ဒရာတွေရဲ့ ခွဲစိတ်စမ်းသပ်ခံရတာကို ထိုင်ကြည့်နေတော့မှာလား

လီဗိုင်း၏ အတွေးတွေ လည်ပတ်နေတုန်း ဂေ့ဘ်က သူ့လက်မောင်းကို တင်းတင်းကျပ်ကျပ် ဆုပ်ကိုင်လိုက်သည်

"လီဗိုင်း—နားထောင်!"

လီဗိုင်းက ရေအေးအေးလို ငြိမ်သက်သွားပြီး ရေဒီယိုကို ပြန်အာရုံစိုက်သည်

စစ်အင်အားတွေ ရွေ့လျားနေတဲ့ ဆူညံသံတွေကြားထဲမှာ တည်ငြိမ်ပြီး ခံစားချက်မဲ့တဲ့ အမျိုးသားအသံတစ်ခု ဝင်လာသည်—အဲ့ဒီအသံက သူတို့နှစ်ယောက်လုံးရဲ့ အမွှေးအမျှင်တွေကို ထောင်သွားစေသည်

အဲ့ဒါက ခွေးအမဲလိုက်သမားခေါင်းဆောင်၏ အသံ ဖြစ်သည်

"စခန်း၊ ငါက ခွေးအမဲလိုက်သမား ခေါင်းဆောင်ပါ ငါ လေထီးခုန်ဆင်းတဲ့နေရာကို ရောက်ပြီ ခြေရာတွေရှိတယ်—လူနှစ်ယောက် တစ်ယောက်က ဒဏ်ရာရထားတယ် သူတို့က ထောင်ချောက်ဇုန်ဆီ မသွားဘူး"

"သူတို့က မြစ်ဘက်ကို လှည့်သွားတယ်"

"သူတို့က တော်တယ် ခြေရာတွေကိုဖျောက်ဖို့ ရေကိုသုံးဖို့ ကြိုးစားနေတာ"

ခဏ တိတ်ဆိတ်သွားသည်

"ဒါပေမဲ့ သူတို့ အမှားလုပ်မိတယ်"

"အာနီကာက သူ့ဘာသာ ဂူထဲ လမ်းလျှောက်မဝင်ဘူး"(အာနီကာက ဆေးပင်ပါ ခုနက ဂေ့ဘ်ကိုလိမ်းပေးတဲ့ဆေးပင်)

နောက်ထပ် တိတ်ဆိတ်သွားပြီး အသံက အေးစက်နေသည်

"ငါ သူတို့ကို အနံ့ခံမိပြီ"

"သူတို့က အနီးနားမှာပဲ ရှိတယ်”