အခန်း ၁၄ သိုင်းဝိညာဉ်သုံးမျိုး ပိုင်ရှင်



နတ်ဘုရားအဆင့် - လေလံစနစ်

ပိုင်ရှင် - လင်ရှူး

အသက် - ၁၈ နှစ်

နယ်ပယ် - ဝိညာဉ်ဘိုးဘေး

ဝိညာဉ်စွမ်းအား - အဆင့် ၄၉

ဝိညာဉ်ကွင်း - အဝါ အခရမ်း။

သိုင်းဝိညာဉ်များ - လန်ယားအိုး (နိုးထပြီး)၊ အချိန်ပုစဉ်း (နိုးထခြင်းမရှိသေး ဝိညာဉ်စွမ်းအား အဆင့် ၁၀၀ ရှိမှ နိုးထမည်)၊ ဝါးမြိုခြင်းသိုင်းဝိညာဉ် (နိုးထခြင်းမရှိသေး ဝိညာဉ်စွမ်းအား အဆင့် ၅၀ ရှိမှ နိုးထမည်)

လေလံစင် - လန်ယားလေလံစင်

လေလံအမှတ် - ၁၈၀,၀၀၀

တာဝန် - လေလံပွဲတစ်ခု ကျင်းပရန် (လုပ်ဆောင်ဆဲ)

လက်ဆောင်ထုတ်ပိုး - မျက်နှာသစ်ကစားသမား လက်ဆောင်ထုတ်ပိုး (ရယူပြီး)

အကြံပြုချက် - ပိုင်ရှင်သည် အဆင့်ကိုး ပစ္စည်းများ မဲနှိုက်ရရှိနိုင်မည့် အခွင့်အရေးကို တိုးမြှင့်ရန် ရွှေဒင်္ဂါးများကို အသုံးပြုနိုင်ပါသည်။

ဒါက လင်ရှူး စနစ်မျက်နှာပြင်ကို ပထမဆုံးအကြိမ် ကြည့်ဖူးခြင်း ဖြစ်သည်။

မမျှော်လင့်ဘဲ ဤမျှကြီးမားသော အံ့ဩစရာတစ်ခု ရှိနေခဲ့သည်။

လင်ရှူးသည် မိမိတွင် အမှန်တကယ်၌ ဝိညာဉ်နှစ်မျိုးမက ရှိနေသည်ကို ချက်ချင်း သတိပြုမိသွားသည်။

၎င်းတို့အနက် တစ်ခုမှာ မိသားစုအမွေအနှစ် သိုင်းဝိညာဉ်ဖြစ်ပြီး တိုက်ကြီးပေါ်ရှိ ထိပ်တန်းအဆင့် လက်နက်ဝိညာဉ်တစ်ခုဖြစ်သော လန်ယားအိုး ဝိညာဉ် ဖြစ်သည်။

ကျန်ရှိသော ဝိညာဉ်များကိုမူ လင်ရှူးတစ်ယောက် တစ်ခါမှ မကြားဖူးခဲ့ပေ။

အချိန်ပုစဉ်း ထိုနာမည်က ကြည့်ရသည်မှာ သာမန်မျှသာ ဖြစ်ပုံရသည်။

သို့သော် လင်ရှူးကို အံ့အားသင့်စေသည်မှာ ဤဝိညာဉ်သည် နိုးထလာရန်အတွက် အဆင့် ၁၀၀ ရှိသော ဝိညာဉ်စွမ်းအား လိုအပ်ခြင်းပင် ဖြစ်သည်။

အဆင့် ၁၀၀ ဝိညာဉ်စွမ်းအားက ဘာကို ဆိုလိုသည်ကို လင်ရှူး ကောင်းစွာ သိသည်။

လန်ယားလေလံစင်သည် ဤနယ်မြေတွင် လွှမ်းမိုးထားသော အင်အားစုတစ်ခု ဖြစ်သည့်အတွက် အချို့သော လျှို့ဝှက်ချက်များကို သဘာဝကျစွာပင် သိရှိထားသည်။

မှန်ပါသည် ၎င်းက လုံးဝကြီး လျှို့ဝှက်ချက်တော့ မဟုတ်ပေ။

ဒဏ္ဍာရီများအရ အဆင့် ၁၀၀ သို့ ချိုးဖျက်ဝင်ရောက်ပြီးနောက်နတ်ဘုရားဖြစ်လာရန် မျှော်လင့်နိုင်သည်ဟု ဆိုကြသည်။

ရှေးခေတ်က တုန့်လော့တိုက်ကြီးပေါ်တွင် နတ်ဘုရားများ၏ အမှတ်အသားများ ရှိခဲ့ဖူးသည်။

လန်ယားခန်းမ တည်ရှိရာ လန်ယားခရိုင်သည် နတ်ဘုရားတစ်ပါး၏ နယ်မြေ ဖြစ်ခဲ့သည်ဟု ပြောစမှတ်ပြုကြသည်။

ဤအချိန်ပုစဉ်း ဝိညာဉ်သည် အဆင့် ၁၀၀ ဝိညာဉ်စွမ်းအား လိုအပ်သည်ဆိုခြင်းမှာ နိုးထရန်အတွက် နတ်ဘုရားတစ်ပါး ဖြစ်လာရန် လိုအပ်သည်ဟု ဆိုလိုခြင်း ဖြစ်သည်။

ဒါက တကယ်ကို အံ့ဩစရာ ကောင်းလွန်းလှသည်။

ရေတွက်၍မရသော ထောင်စုနှစ်များစွာတိုင်အောင် တိုက်ကြီးပေါ်တွင် နတ်ဘုရားများ၏ အရိပ်အယောင် လုံးဝ မရှိခဲ့ပေ။

လင်ရှူး ခေါင်းခါလိုက်ပြီး အခြားဝိညာဉ်တစ်ခုကို ကြည့်လိုက်သည်။

"ဝါးမြိုခြင်း သိုင်းဝိညာဉ်"

"ဒါက ဘယ်လို ဝိညာဉ်မျိုးလဲ"

လင်ရှူး အတော်လေး ဇဝေဇဝါ ဖြစ်သွားသည်။

တုန့်လော့တိုက်ကြီးတွင် လူသိများသော ဝိညာဉ်များထဲ၌ သားရဲဝိညာဉ်များ လက်နက်ဝိညာဉ်များနှင့် အပင်ဝိညာဉ်များ ရှိကြသည်။

သို့သော် ဝါးမြိုခြင်း သိုင်းဝိညာဉ် ဤဝါးမြိုခြင်းဆိုသည်မှာ သားရဲဝိညာဉ်လည်း မဟုတ် လက်နက်ဝိညာဉ်လည်း မဟုတ်သလို အပင်ဝိညာဉ်တစ်ခုခုနှင့်လည်း မသက်ဆိုင်ပေ။

ငါ့ရဲ့ ဝိညာဉ်တွေက ဘာလို့ ဒီလောက်တောင် ထူးဆန်းနေရတာလဲ

အချိန်ပုစဉ်းသည် နိုးထရန် အဆင့် ၁၀၀ ဝိညာဉ်စွမ်းအား လိုအပ်သော်လည်း ၎င်းသည် သားရဲဝိညာဉ် အမျိုးအစားတစ်မျိုး ဖြစ်ကြောင်း လင်ရှူး ခွဲခြားနိုင်သေးသည်။

ဤဝါးမြိုခြင်းသိုင်းဝိညာဉ်သည် နိုးထရန်အတွက် လိုအပ်ချက် ပိုမိုနိမ့်ပါးသော်လည်း ၎င်းသည် တိုက်ကြီး၏ ဝိညာဉ်အမျိုးအစားများထဲတွင် မပါဝင်ခြင်းက တကယ်ကို ထူးဆန်းလှသည်။

"ထားလိုက်ပါတော့ ဒီလေလံပွဲပြီးရင် အဆင့် ၅၀ ကို ချိုးဖျက်ဝင်ရောက်ဖို့ ကြိုးစားရမယ်။ အဲ့ဒီကျရင် ဒီဝါးမြိုခြင်းသိုင်းဝိညာဉ်က ဘယ်လို သိုင်းဝိညာဉ်မျိုးလဲဆိုတာ ငါ သိလာလိမ့်မယ်"

"ဝါးမြိုခြင်းသိုင်းဝိညာဉ် နိုးထလာမယ့် အချိန်ကို စောင့်ရမယ် အဲ့ဒီအချိန်ကျရင် ငါလည်း ဝိညာဉ်နှစ်မျိုးကို ပိုင်ဆိုင်ထားပြီး တိုက်ကြီးရဲ့ ထိပ်တန်းပါရမီရှင်တွေထဲက တစ်ယောက် ချက်ချင်း ဖြစ်လာလိမ့်မယ်"

လက်နက်ဝိညာဉ် လန်ယားအိုးက ထိပ်တန်းအဆင့် သိုင်းဝိညာဉ်တစ်ခု ဖြစ်သည်။

သို့သော် ထိပ်တန်းအဆင့် ဝိညာဉ်ပစ္စည်းများစွာ ရှိနေသေးသည်။

အပင်အမျိုးအစား ဝိညာဉ်များနှင့် သားရဲဝိညာဉ်များကို ဖယ်ထားလျှင်ပင် လက်နက်ဝိညာဉ်များထဲ၌ပင် ၎င်းနှင့် နှိုင်းယှဉ်နိုင်သော အရာနှစ်ခု ရှိသည် ၎င်းတို့မှာ သတ်ဖြတ်ခြင်းခုနစ်ပါးဓားနှင့် ကောင်းကင်ကြည်လင်တူတို့ ဖြစ်ကြသည်။

တစ်ချိန်တည်းမှာပင် လက်နက်ဝိညာဉ်များထဲတွင် လန်ယားအိုး သိုင်းဝိညာဉ်ထက် မနိမ့်ကျသော အလွန်ရှားပါးသည့် သိုင်းဝိညာဉ်အချို့လည်း ရှိနေသေးသည်။

၎င်းကို ပိုင်ဆိုင်ထားသူ အရေအတွက် အလွန်နည်းပါးသောကြောင့်သာ လူသိမများဘဲ ကျော်ကြားမှု အားနည်းနေခြင်း ဖြစ်သည်။

လင်ရှူး သိထားသရွဲ့ မိမိ၏ ဖခင်နှင့်အတူ ချုံခိုတိုက်ခိုက်ခံရပြီး သေဆုံးသွားခဲ့သော အစောင့်အကြီးအကဲသည် ဆောင်းဦးတစ်ထောင်ကလောင်ဟု ခေါ်သော ကလောင်ဝိညာဉ်ကို ပိုင်ဆိုင်ထားသည်။

ထိုဝိညာဉ်နှင့်ဆိုလျှင် ၎င်းကို လှုံ့ဆော်လိုက်သည်နှင့် သူရေးလိုက်သော စာလုံးတိုင်းသည် အကြောက်စရာအကောင်းဆုံး သတ်ဖြတ်ခြင်းစွမ်းအားနှင့် အကြံ့ခိုင်ဆုံးသော ကာကွယ်ရေးစွမ်းအားအဖြစ် ပြောင်းလဲသွားနိုင်သည်။

လင်ရှူးသည် ဤကဲ့သို့သော ဝိညာဉ်မျိုးကို တစ်ကြိမ်ထက်မက အားကျခဲ့ဖူးသည်။

နှမြောစရာကောင်းသည်မှာ ထိုအစောင့်အကြီးအကဲ သေဆုံးသွားခြင်းနှင့်အတူ တိုက်ကြီးပေါ်တွင် ဤကဲ့သို့သော ဝိညာဉ်မျိုး ကျန်ရှိနေဦးမည်လားဆိုသည်ကို မသိရတော့ခြင်းပင် ဖြစ်သည်။

"ဒါပေမဲ့ စနစ်မျက်နှာပြင်ပေါ်က သတင်းစကားက ဘာကို ဆိုလိုတာလဲ"

လင်ရှူးသည် စိတ်ထဲမှနေ၍ စနစ်ကို မေးခွန်းထုတ်လိုက်သည်။

စနစ်က လျင်မြန်စွာပင် အဖြေပြန်ပေးခဲ့သည်။

စနစ်အတွင်း၌ ပစ္စည်းများကို တိုက်ကြီးပေါ်တွင်ကဲ့သို့ပင် အဆင့်တစ်မှ အဆင့်ကိုးအထိ ခွဲခြားထားပြီး အဆင့်ကိုး၏ အထက်တွင် နတ်ဘုရားအဆင့်ဟူ၍ သတ်မှတ်ထားသည်။

မဲနှိုက်ခြင်းစနစ် ရှိနေသည့်အတွက် သဘာဝကျစွာပင် အခွင့်အရေး ရာခိုင်နှုန်း ပါဝင်ပတ်သက်နေသည်။

လင်ရှူးသည် စနစ်ကို မကြာသေးမီကမှ ရရှိခဲ့ခြင်းဖြစ်ပြီး အဆင့်ကိုး ပစ္စည်းတစ်ခုကို မဲနှိုက်ရရှိနိုင်မည့် အခွင့်အရေးမှာ တစ်ရာခိုင်နှုန်းသာ ရှိသည်။

ပြီးခဲ့သည့်အကြိမ်က လင်ရှူးသည် မဲဆယ်ကြိမ်အတွင်းမှာတင် အကန့်အသတ်မဲ့ အဆင့် ၁ ဝိညာဉ်စွမ်းအားဆေးလုံးကို ရရှိခဲ့ခြင်းမှာ အလွန်ပင် ကံကောင်းခဲ့သည်ဟု ဆိုရမည်။ ၎င်းသည် စနစ်အမျိုးအစားတွင် ပါဝင်သော အဆင့်ကိုး ဆေးလုံးတစ်လုံး ဖြစ်သည်။

"တစ်ရာခိုင်နှုန်း အခွင့်အရေးလား"

လင်ရှူး အံ့အားသင့်သွားသည်။

ပြီးခဲ့တဲ့အကြိမ်က ဒီစနစ်က ဘာလို့ ဒါကို မပြောခဲ့တာလဲ

ကံကောင်းထောက်မစွာဖြင့် စနစ်က ဘာမှမပြောခဲ့ပေ။

အကယ်၍ စနစ်က အရင်ကတည်းက ပြောပြခဲ့လျှင် သူသည် ဤမျှ ပေါ့ပေါ့ပါးပါးဖြင့် မဲနှိုက်ရဲလိမ့်မည် မဟုတ်ပေ ၎င်းက မသိခြင်းသည်ပင် ကံကောင်းခြင်းတစ်မျိုး ဖြစ်သည်ဟူသော အခြေအနေမျိုး ဖြစ်သည်။

"နေပါဦး..."

ရုတ်တရက် လင်ရှူးသည် တစ်ခုခုကို တွေးမိသွားပြီး မမေးဘဲ မနေနိုင်ခဲ့ပေ

"စနစ် ခဏနေဦး ငါမဲနှိုက်လို့ ရခဲ့တဲ့ ဆင့်ခေါ်ကတ်က တိုက်တန်တုန့်လော့ သုံးရာကို ဆင့်ခေါ်ပေးခဲ့တာဆိုတော့ အဲ့ဒါက အဆင့် အတော်လေး မြင့်ရမယ် မဟုတ်ဘူးလား"

"ပြီးတော့ နှစ်ပေါင်းသောင်းချီ ဝိညာဉ်အရိုးလည်း ရှိသေးတယ် သူ့အဆင့်ကလည်း မနိမ့်ဘူး မဟုတ်လား"

"အဆင့်ကိုးကို ရဖို့ အခွင့်အရေးက တစ်ရာခိုင်နှုန်းပဲ ရှိတယ်ဆိုတာ သေချာရဲ့လား"

စနစ်က ထပ်မံ အကြောင်းပြန်ခဲ့သည်။

အခွင့်အရေးဆိုသည်မှာ အခွင့်အရေးမျှသာ ဖြစ်သည်။ အဆင့်ကိုး ပစ္စည်းတစ်ခုကို ရရှိရန် ၁% အခွင့်အရေး ရှိသည်ဆိုခြင်းမှာ မဲအကြိမ်တစ်ရာနှိုက်လျှင် တစ်ကြိမ်ရလိမ့်မည်ဟု မဆိုလိုပေ။

အကယ်၍ ကံကောင်းပါက အဆင့်ကိုး ပစ္စည်းကို ဆက်တိုက် အကြိမ်အနည်းငယ်ပင် မဲနှိုက်ရရှိနိုင်ပြီး ကံမကောင်းပါက အကြိမ်တစ်ရာ နှိုက်လျှင်ပင် တစ်ကြိမ်မျှ ရချင်မှ ရလိမ့်မည်။

ထို့အပြင် ဆင့်ခေါ်ကတ်သည် အထူးပစ္စည်းတစ်ခု ဖြစ်ပြီး မည်သည့်အမျိုးအစားတွင်မဆို ပါဝင်ခြင်း မရှိပေ။

ထို့ကြောင့် ၎င်းသည် အခွင့်အရေး စာရင်းဇယားများ၏ ပြင်ပတွင် ရှိနေသည်။ အကယ်၍ သင်က ၎င်းကို မဖြစ်မနေ တွက်ချက်လိုပါက အခွင့်အရေးသည် တစ်ထောင်ပုံတစ်ပုံ တစ်သောင်းပုံတစ်ပုံ သို့မဟုတ် သန်းတစ်ရာပုံတစ်ပုံပင် ဖြစ်နိုင်သည်။

နှစ်ပေါင်းသောင်းချီ ဝိညာဉ်အရိုးကိုမူ စနစ်အတွင်း၌ အဆင့်ခုနစ်အဖြစ် သတ်မှတ်သည်။

နှစ်ပေါင်းသောင်းချီ ဝိညာဉ်အရိုး ငါးခုသည် အဆင့်ရှစ်မျှသာ ဖြစ်ပြီး အဆင့်ကိုးအတွက်မူ ၎င်းသည် နှစ်ပေါင်းသိန်းချီ ဝိညာဉ်အရိုး ဖြစ်ရမည်။

"ဒါဆိုရင် စနစ် ဒီမဲနှိုက်မှု အခွင့်အရေး စနစ်ရဲ့ အဓိကအချက်က ဘာလဲ"

"ဘယ်လိုပဲဖြစ်ဖြစ် အားလုံးက ကံတရားပေါ်မှာပဲ မူတည်နေတာပဲ။ အခွင့်အရေး ရာခိုင်နှုန်း မြင့်နေရင်တောင် အဲ့ဒါက ကံတရားပဲလေ။ ဘာကွာခြားလို့လဲ"

လင်ရှူးသည် မိမိဘာသာ ရေရွတ်ကာ ညည်းတွားလိုက်သည်။

"ဒင် အခွင့်အရေး ရာခိုင်နှုန်းက အဆင့်တစ်ခုအထိ မြင့်တက်လာရင် အာမခံဆုကို ရရှိနိုင်မှာ ဖြစ်ပါတယ်"

"၁၀% အခွင့်အရေးမှာဆိုရင် မဲ ၁၀ ကြိမ် နှိုက်ပြီးနောက် အဆင့်ကိုး ပစ္စည်းတစ်ခုကို အာမခံချက်ရှိရှိ ရရှိမှာ ဖြစ်ပါတယ်"

"ဒီပုံစံအတိုင်းဆိုရင် မဲ ၁၀ ကြိမ်မှာ အနည်းဆုံး ပစ္စည်းနှစ်ခု ရရှိဖို့ ၂၀% အခွင့်အရေး ရှိပါတယ်"

"အကယ်လို့ အဆင့်ကိုး မဲနှိုက်မှု အခွင့်အရေးက ငါးဆယ်ရာခိုင်နှုန်း ဖြစ်လာရင် နတ်ဘုရားအဆင့်ကို ရရှိဖို့ တစ်ရာခိုင်နှုန်း အခွင့်အရေး ရှိမှာ ဖြစ်ပါတယ်"

"အဆင့်ကိုး ပစ္စည်းတစ်ခုကို ရရှိဖို့ အခွင့်အရေး ၁၀% တိုးလာတိုင်း နတ်ဘုရားအဆင့် ပစ္စည်းကို ရရှိဖို့ အခွင့်အရေးက ၁% စီ တိုးလာမှာ ဖြစ်ပါတယ်"

"အကယ်လို့ အဆင့်ကိုး ပစ္စည်းကို ရရှိဖို့ အခွင့်အရေးက ၁၀၀% ဖြစ်သွားရင် မဲနှိုက်မှုကနေ အဆင့်ကိုး ပစ္စည်းကို ကျိန်းသေပေါက် ရရှိမှာ ဖြစ်ပြီး နတ်ဘုရားအဆင့် ပစ္စည်းကို ရရှိဖို့ အခွင့်အရေးက ၅% ဖြစ်လာမှာ ဖြစ်ပါတယ်။ ပြီးတော့ မဲအကြိမ် ၁၀၀ နှိုက်တိုင်းမှာ အနည်းဆုံး နတ်ဘုရားအဆင့် ပစ္စည်း ငါးခုကို ရရှိစေမယ့် အာမခံချက်လည်း ရှိလာမှာ ဖြစ်ပါတယ်ရှင်"

ဤအချိန်တွင်။

လင်ရှူးသည် စနစ်ကို ဆွဲထုတ်ပြီး ထုပေးချင်စိတ် ပေါက်သွားခဲ့သည်။

အနည်းဆုံး အာမခံချက် ရှိနေတာ မဟုတ်ဘူးလား ဒါကိုပဲ အားလုံးက ကံတရားပေါ်မှာ မူတည်တယ်လို့ ပြောနေသေးတယ်။

အကယ်၍ ထိုသို့သာ ဆိုလျှင်...

လင်ရှူးလည်း အိပ်ချင်စိတ်များ လွင့်ပြယ်သွားခဲ့သည်။

လင်ရှူးက လျင်မြန်စွာ မေးလိုက်သည်

"စနစ် ငါက ၁၀၀% အခွင့်အရေးနဲ့ အဆင့်ကိုးကို တိုက်ရိုက် မြှင့်တင်ချင်တယ်ဆိုရင် ဘာလုပ်ဖို့ လိုအပ်လဲ ပြီးတော့ ရွှေဒင်္ဂါး ဘယ်လောက် လိုအပ်လဲ"

"ဒင် ပိုင်ရှင်အနေနဲ့ ကြည့်ရှုဖို့အတွက် အကြံပြုချက်ကို နှိပ်နိုင်ပါတယ်ရှင်"

မည်သည့်တုံ့ဆိုင်းမှုမျှ မရှိဘဲ လင်ရှူးက နှိပ်၍ ကြည့်လိုက်သည်။

သေချာစွာ ကြည့်ရှုပြီးနောက် လင်ရှူး၏ မျက်နှာ ပျက်သွားခဲ့သည်။

ဒီစနစ်က တကယ့်ကို ကတ်သီးကတ်သတ် နိုင်လွန်းလှသည်။

၁% အခွင့်အရေးမှ ၁၁% သို့ ရောက်ရှိရန်မှာ ၁၀% တိုးမြှင့်ခြင်း ဖြစ်သည်။

၎င်းအတွက် အမှန်တကယ်၌ လေလံအမှတ် ၁၀,၀၀၀ လိုအပ်သည်။

ထိုနောက်ပိုင်းတွင် ၁၀% တိုးလာတိုင်း လိုအပ်သော လေလံအမှတ်မှာ သုံးဆစီ တိုးပွားသွားမည် ဖြစ်သည်

"စနစ် ထွက်ခဲ့စမ်း။ ငါ မင်းကို မေးစရာ ရှိတယ် မင်း ကိန်းညွှန်းတိုးပွားခြင်း ဆိုတာ ဘာလဲဆိုတာ သိရဲ့လား"