အခန်း (၇)  သခင်လေးက တကယ်ကို ကျွမ်းကျင်တာပဲ

ထို့ကြောင့် သူ့နောက်ကိုလိုက်ဖမ်းဖို့ဆိုတာ လုံးဝ မဖြစ်နိုင်တဲ့ ကိစ္စပင်။

ဝမ်မုသည် သူ၏နားထင်ကို ပွတ်သပ်လိုက်သည်။ သူသည် မိမိရှေ့တွင်ဒူးထောက်နေဆဲ ဖြစ်သော ဝဝတုတ်တုတ် မန်နေဂျာကို တစ်ချက်ကြည့်ပြီး အံ့ဩသလို မေးလိုက်သည် - "တခြား မကောင်းတဲ့သတင်း ရှိသေးလား"

"မ... မရှိတော့ပါဘူး"

"ဒါဆို မင်း ဘာလို့ ဒီမှာ ရှိနေသေးတာလဲ"

"..."

ဝဝတုတ်တုတ် မန်နေဂျာမှာ မျက်နှာပျက်သွားသည် - "သခင်လေး... သခင်လေးက ကျွန်တော်မျိုးကို သွားခွင့်မပေးသေးလို့ပါ"

ဝမ်မု ခဏစဉ်းစားပြီးနောက် အဆင့်မြင့် ဝိညာဉ်ကျောက်တုံးတစ်တုံးကို ပေါ့ပေါ့ပါးပါးလေး ပစ်ပေးလိုက်သည်။

"ကောင်းပြီ၊ ဒီနှစ်တွေမှာ မင်း ပင်ပန်းခဲ့ပါပြီ။ ဒါက မင်းအတွက် ဆုကြေးပဲ၊ အခုကစပြီး မင်းကြိုက်တာလုပ်လို့ရပြီ"

မန်နေဂျာသည် ကျောက်တုံးကို အသည်းအသန် ဖမ်းယူလိုက်သည်။ သူ၏ဦးနှောက်မှာ ဗလာဖြစ်သွားပြီး ဘာပြန်ပြောရမှန်းမသိ ဖြစ်နေရှာသည်။

ဝမ်မုက ဆက်ပြောသည် - "မှတ်ထားဦး၊ ငါ့ခွင့်ပြုချက်မရှိဘဲ လင်းယန်နောက်ကို လူလွှတ်ပြီး မလိုက်နဲ့။ အကယ်၍ ငါသိသွားရင် ဘာဖြစ်မလဲဆိုတာ မင်းသိတယ်နော်"

ဝမ်မု၏ အသံထဲမှ အေးစက်မှုကို ခံစားလိုက်ရသဖြင့် မန်နေဂျာမှာ တုန်တုန်ရင်ရင်ဖြင့် အကြိမ်ကြိမ် ဦးညွှတ်လေသည် - "ဟုတ်ကဲ့ပါ ဟုတ်ကဲ့ပါ ကျွန်တော်မျိုး သခင်လေးရဲ့ အမိန့်ကို လိုက်နာပါ့မယ်"

ဝမ်မု ကျေနပ်စွာ ခေါင်းညိတ်ပြီး လက်ယမ်းပြလိုက်သည် - "သွားတော့"

မန်နေဂျာသည် ကမန်းကတန်း ထရပ်ကာ ညမှောင်မှောင်ထဲသို့ အမြန်ဆုံး ပျောက်ကွယ်သွား တော့သည်။ သူသည် ထာဝရအသက်ကျွန်းပေါ်က ထွက်ခွာသွားသည်အထိ မရပ်နားခဲ့ပေ။

သူသည် မိမိလက်ထဲက နွေးထွေးနေဆဲဖြစ်သော အဆင့်မြင့် ဝိညာဉ်ကျောက်တုံးကို ပြန်ကြည့်လိုက်သည်။ ဒါက တကယ်ပဲလား သန့်စင်အရှင်သခင်က သူ့ကိုတကယ်ပဲ လွှတ်ပေးလိုက်တာလား အပြစ်ပေးတာလည်း မရှိ၊ ဆဲဆိုတာလည်း မရှိ။ ပြီးတော့ အဆင့်မြင့်ဝိညာဉ်ကျောက်တုံးတောင် ပေးလိုက်သေးတယ်။

ဒါက တကယ်ပဲ မြောက်ပိုင်းဒေသရဲ့နာမည်ကြီး စိတ်ကြီးပြီး လူသတ်ရတာ ဝါသနာပါတဲ့ နံပါတ်တစ် လူရှုပ်လူပွေ သခင်လေးဝမ်မု ဟုတ်ရဲ့လား။

...

ကျွန်းပေါ်တွင် ဝမ်မု၏ကိုယ်ရံတော် အစေခံမလေးများသည် ထိုမြင်ကွင်းကိုကြည့်ပြီး အံ့ဩနေကြသည်။ ဒါကသခင်လေးရဲ့ ပုံမှန်စတိုင် မဟုတ်ပေ။ ပုံမှန်ဆိုလျှင် ထိုမန်နေဂျာမှာ အရေခွံအနွှာခံရပြီးပြီ ဖြစ်သည်။

သူတို့ ဇဝေဇဝါ ဖြစ်နေစဉ်မှာပင် သူတို့၏သခင်လေးမှာ နောက်ထပ် ငေးငိုင်မှုတစ်ခုထဲသို့ ကျရောက်သွားပြန်သည်။

【ဂုဏ်ယူပါသည် သင်သည် ကျန်းဝမ်ချွမ်ထံသို့ အဆင့်မြင့်ဝိညာဉ်ကျောက်တုံး ၁ တုံး အောင်မြင်စွာ ရင်းနှီးမြှုပ်နှံနိုင်ခဲ့ပါသည်။ ရင်းနှီးမြှုပ်နှံမှု အခြေအနေမှာ ၁၀၀% သို့ ရောက်ရှိသွားပါပြီ】

【သင်သည် ကျန်းဝမ်ချွမ်၏ နောင်တွင် ရရှိလာမည့် ကျင့်ကြံမှုရလဒ်အားလုံးမှ ၁၀၀% ကို ပြန်လည်ရရှိမည် ဖြစ်သည်】

...

အဆင့်မြင့် ဝိညာဉ်ကျောက်တုံး တစ်တုံးတည်းနဲ့တင် ရင်းနှီးမြှုပ်နှံမှုက ပြည့်သွားတာလား ကျန်းဝမ်ချွမ်ရေ... မင်းက တကယ်ကို ဈေးပေါတာပဲ

နေဦး

ဝမ်မု၏ မျက်လုံးများ ဝင်းလက်သွားသည်။ စနစ်က ပြန်အမ်းပေးတဲ့စွမ်းအားတွေက အလွန်သန့်စင်တယ်။ ဒါဆိုရင်... အကယ်၍သူက သာမန်လူ အယောက်တစ်ထောင်လောက် ကို ရင်းနှီးမြှုပ်နှံမယ်ဆိုရင် ကံကောင်းခြင်းသားတော် တစ်ယောက်နဲ့ မညီမျှနိုင်ဘူးလား။

အယောက်တစ်ထောင်နဲ့မရရင် တစ်သောင်း၊ တစ်သိန်းပေါ့။ ဒါကဖြစ်နိုင်တဲ့ နည်းလမ်းတစ်ခု ပဲ ကံကောင်းခြင်းသားတော်တွေကို ရှာရခက်ပေမဲ့ ပါရမီအလယ်အလတ်ရှိတဲ့သူတွေက တော့ ဒီကမ္ဘာမှာ ပင်လယ်ထဲက ငါးတွေထက်တောင် ပေါများသေးတာပဲ။

ဝမ်မုသည် ဤနည်းလမ်းကို စမ်းသပ်ကြည့်ချင်လာသည်။ သူ အသက်ကို ပြင်းပြင်းရှူလိုက် ပြီး အမိန့်ပေးလိုက်သည် - "ကျွန်းပေါ်က လူအားလုံးကို စုဝေးခိုင်းလိုက်"

အစေခံမလေးတစ်ယောက်က "သခင်လေး အမျိုးသားတွေရော ပါသလား"

"......."

ဝမ်မုက ထိုအစေခံမလေးကို မျက်မှောင်ကြုတ်ပြီး ကြည့်လိုက်သည်။ မင်းက ငါ့ကို ဘာလုပ်မယ် ထင်နေတာလဲ။

အစေခံမလေးက ချက်ချင်း ခေါင်းငုံ့လိုက်သည် - "ဟုတ်ကဲ့ပါ သခင်လေး"

...

၁၅ မိနစ်ခန့်အကြာတွင်။ ကျွန်းပေါ်ရှိ ကျင့်ကြံသူ အားလုံး ဝမ်မု၏အိမ်ရှေ့တွင် စုဝေးရောက်ရှိနေကြသည်။ ပန်းစိုက်သူ၊ ငှက်မွေးသူ၊ တူရိယာတီးသူ၊ ကချေသည်များနှင့် အစောင့်အကြပ်များ အားလုံး ပါဝင်သည်။

သူတို့၏အဆင့်အတန်းများမှာ ဝိညာဉ်စွမ်းအင်စုဆောင်းခြင်းအဆင့်မှ အခြေခံတည်ဆောက် ခြင်းအဆင့်အထိ အမျိုးမျိုး ရှိကြသည်။

အစွမ်းထက်ဆုံးသူမှာကျွန်း၏ အိမ်တော်ထိန်းမလေး ဇီရှာဖြစ်ပြီး ရွှေအမြုတေအစောပိုင်း အဆင့်ရှိသည်။

သူမသည် အသက် ၁၈၊ ၁၉ နှစ်ခန့်သာ ရှိပုံရပြီး အသားအရေမှာ ဖြူစင်ဝင်းပကာ ခရမ်းရောင်ဝတ်စုံနှင့် အလွန်လှပသူ ဖြစ်သည်။ သူမသည် ကျွန်းပေါ်ရှိ ကိစ္စအဝဝကို စနစ်တကျ စီမံခန့်ခွဲနိုင်သူလည်း ဖြစ်သည်။

【အမည်: ဇီရှား 】

【လူမျိုး: လူသား】

【အဆင့်: ရွှေအမြုတေ အစောပိုင်းအဆင့်】

【ပါရမီ: ထိပ်တန်းအဆင့် 】

【ထူးခြားချက်: မီးလျှံဖြင့် လေ့ကျင့်ခြင်း — နာကျင်မှုခံစားရလေလေ ကျင့်ကြံမှုအရှိန် မြန်လေလေ ဖြစ်သည်။】

【ရင်းနှီးမြှုပ်နှံမှု အကဲဖြတ်ချက်: ပါရမီညံ့ဖျင်းသည်၊ အရင်းအမြစ်များ ဖြုန်းတီးရန် မထိုက်တန်ပါ။】

...

ထိပ်တန်းပါရမီရှင်တစ်ယောက်ကိုတောင် စနစ်က ပါရမီညံ့ဖျင်းသည်လို့ အကဲဖြတ်တာ လား။ ဝမ်မု ရယ်ချင်သွားသည်။ သူ ဇီရှားကို နောက်ထပ် နှစ်ကြိမ်လောက် စိုက်ကြည့်လိုက် မိသည်။

ထိုအကြည့်ကြောင့် အမြဲတမ်း တည်ငြိမ်လှသော ဇီရှားမှာ စိုးရိမ်ထိတ်လန့်သွားသည်။

သခင်လေးက ဘာလို့ ငါ့ကိုဒီလိုကြည့်နေတာလဲ သူ့မျက်လုံးထဲမှာ ဘာလို့အထင်သေးတဲ့ အရိပ်အယောင်တွေ ရှိနေတာလဲ သူ ဘာလုပ်ချင်လို့လဲ

ဇီရှားက အသက်ရှူလိုက်ပြီး ခေါင်းငုံ့ကာ - "သခင်လေး... အမိန့်ပေးထားတဲ့အတိုင်း ကျွန်းပေါ်က လူအားလုံးကို စုဝေးထားပြီးပါပြီ"

"ပင်ပန်းသွားပြီ ဇီရှား" ဝမ်မုက တည်ငြိမ်စွာ ပြောလိုက်ပြီး ဆေးပုလင်းတစ်လုံး ထုတ်ပေးလိုက်သည် - "ဒါက မင်းအတွက် ဆုလာဘ်ပဲ"

ဇီရှား: "......"

သူမ၏နှလုံးခုန်နှုန်း မြန်လာသည်။ သူမ ဒီကျွန်းမှာနေလာတာ ၁၀ နှစ်ရှိပြီ။ အရိုက်ခံရတာနဲ့ အဆဲခံရတာကလွဲလို့ ဝမ်မုဆီကဘာလက်ဆောင်မှ မရဖူးပေ။ အကြောင်းမရှိဘဲ ပေးတယ် ဆိုရင်... သူ တစ်ခုခု ကြံစည်နေတာ သေချာပြီ။

ရုတ်တရက် ဇီရှားသည် မကြာသေးခင်က သခင်လေးသည် အတွင်းစည်း တပည့်မလေး တစ်ဦးကို အဓမ္မပြုကျင့်ခဲ့သည့် သတင်းကို သတိရသွားသည်။

သူမ မျက်နှာပျက်သွားသည် - သခင်လေးက နောက်ဆုံးတော့ လူပျိုကြီး ဖြစ်သွားပြီပေါ့။

"သခင်လေး... ကျွန်မ... ကျွန်မ အဆင်သင့်မဖြစ်သေးပါဘူး" ဟု ဇီရှားက အားတင်းပြီး ပြောလိုက်သည်။

"........"

ဝမ်မု ကြောင်သွားသည်။ ငါက ဆေးပေးတာကို မင်းက ဘာတွေ အဆင်သင့်ဖြစ်ရမှာလဲ ပြီးတော့ ဘာလို့ မျက်နှာတွေ နီနေတာလဲ။

"ယူဆိုရင် ယူလိုက်" ဝမ်မုက ခပ်ပြတ်ပြတ် ပြောလိုက်သည်။

ထိုစကားကြောင့် ဇီရှား၏ ရင်ထဲမှာ ဒိန်းခနဲ ဖြစ်သွားသည်။

အို... သခင်လေးက ငါ ဒီလိုပုံစံမျိုး ကြိုက်တာကို ဘယ်လိုသိနေတာလဲ။

သူမသည် ဒူးထောက်ကာ ဆေးပုလင်းကို လှမ်းယူလိုက်သည်။ ပုလင်းကို ဖွင့်ကြည့်လိုက်သောအခါ သူမ၏ မျက်လုံးများမှာ ချက်ချင်းပင် အရည်လည်လာတော့ သည်။

နိဗ္ဗာန်ဆေးလုံး - ကျင့်ကြံမှုကို မြှင့်တင်ပေးနိုင်သည့် အဖိုးတန်ဆေးလုံး ဖြစ်သည်။ သို့သော် ဆိုးကျိုးတစ်ခုမှာ ၎င်းကို သန့်စင်နေစဉ်အတွင်း ကျင့်ကြံသူသည် အလွန်အမင်း နာကျင်မှုကို ခံစားရမည် ဖြစ်သည်။

ဒါက သေချာသွားပြီ... သခင်လေးက တကယ်ကို ကျွမ်းကျင်တာပဲ (သူမက နာကျင်မှကျင့်ကြံမှုတက်တဲ့ပါရမီရှိတာကို သခင်လေးက သိနေသလိုမျိုးပေါ့)

ဝမ်မုကတော့ သူမ ဘာတွေတွေးနေလဲ ဂရုမစိုက်ပါ။ သူသည် အဆင့်မြင့် ဝိညာဉ် ကျောက်တုံး သေတ္တာများကို သယ်လာခိုင်းလိုက်သည်။

ထို့နောက် အစေခံနှင့် အစောင့်အကြပ် လူ ၅၀၀ ကျော်လုံးကို တစ်ယောက်တစ်တုံးစီ ဝေပေးလိုက်သည်။

မျှော်လင့်ထားသည့်အတိုင်း စနစ်၏ သတိပေးသံများမှာ စိတ်ထဲတွင် ဆက်တိုက် မြည်လာတော့သည်။ လူတိုင်း၏ ရင်းနှီးမြှုပ်နှံမှုဘားမှာ ၁၀၀% ပြည့်သွားသည်။

ထို့နောက် ဝမ်မုက လူအားလုံးကို ထိုနေရာမှာတင် ထိုင်ပြီး ကျင့်ကြံဖို့ အမိန့်ပေးလိုက်သည်။ သူတို့အားလုံး ဇဝေဇဝါ ဖြစ်နေသော်လည်း မငြင်းရဲဘဲ အမိန့်အတိုင်း လုပ်ကြသည်။

【ဂုဏ်ယူပါသည် သင်သည် ဇီရှား ထံမှ ကျင့်ကြံမှုရလဒ် ပြန်အမ်းငွေ ရရှိပါသည်】

【ဂုဏ်ယူပါသည် သင်သည် ဝမ်တာချွေးထံမှ ကျင့်ကြံမှုရလဒ် ပြန်အမ်းငွေ ရရှိပါသည်】

【ဂုဏ်ယူပါသည် သင်သည် ချန်ဟူထံမှ ကျင့်ကြံမှုရလဒ် ပြန်အမ်းငွေ ရရှိပါသည်】

...

သတိပေးချက်တွေ အများကြီး တက်လာပြီးနောက် ဝမ်မု၏ ကျင့်ကြံမှုမှာ တဖြည်းဖြည်း မြင့်တက်လာသည်။ နှေးသော်လည်း ထင်ထင်ရှားရှား တိုးတက်လာသည်။

ညတစ်ည ကုန်ဆုံးသွားပြီးနောက် ဝမ်မုမျက်လုံးပြန်ဖွင့်လိုက်သောအခါ သူသည် ဝိညာဉ်စွမ်းအင်စုဆောင်းခြင်းအဆင့် ၉သို့ ရောက်ရှိသွားပြီ ဖြစ်သည်။