အခန်း (၄၅၁)  ကစဉ့်ကလျား တိုက်ပွဲကြီး

တစ်ဖက်လူ၏ အမှားကိုအမှန်လုပ်ကာ လိမ်လည်ပြောဆိုနေမှုကို နားထောင်ပြီးနောက် လော့ရွှမ်းရွမ်းကအေးစက်စွာ ရယ်မောလိုက်သည်။

သူမ၏ ဓားအရှိန်အဝါများမှာ ကောင်းကင်သို့ ထိုးတက်သွားပြီး အရှက်မရှိလိုက်တာ တိုက်ချင်ရင်လည်း တိုက်ကြတာပေါ့ဟု ဟိန်းဟောက်လိုက်သည်။

အဟမ်း... အလှူရှင်တို့က ဒီလောက်တောင် ခေါင်းမာနေမှတော့ ငါတို့လည်း ကောင်းကင်ဘုံရဲ့ အလိုတော်အတိုင်း ဆောင်ရွက်ရုံပဲရှိတော့တာပေါ့ဟု  ဗုဒ္ဓတိုင်းပြည်မှ ဝတ်ပြုထိုက်သူ ကျာလန်က ဆိုကာ သူ၏ပုတီးကုံးကို မြှောက်လိုက်သည်။

 ပုတီးစေ့ တစ်ဆယ့်နှစ်စေ့မှာ တောက်ပလာပြီး ဂူဗိမာန်ကမ္ဘာတစ်ဆယ့်နှစ်ခုအဖြစ် ပြောင်းလဲသွားကာ ထိုထဲမှ ဗုဒ္ဓဘာသာ စစ်သည်တော်များစွာ အုံနှင့်ကျင်းနှင့် ထွက်ပေါ်လာသည်။

တစ်ပြိုင်နက်တည်းမှာပင် မြောက်ဘက်ပင်လယ်ထက်၌လည်း ထောင်ပေါင်းများစွာသော ကျင့်ကြံသူများမှာ ရန်သူကို ရင်ဆိုင်ရန် ကောင်းကင်သို့ ပျံတက်လာကြသည်။

သူတို့မှာသန့်စင်မြေမှ တပည့်များသာမက မြောက်ဘက်ပင်လယ် တစ်ခွင်ရှိ ဂိုဏ်းကြီးများနှင့် မိသားစုကြီးများမှ ပါရမီရှင်များ စုပေါင်းထားခြင်း ဖြစ်သည်။

တိုက်ပွဲမှာ ချက်ချင်းပင် စတင်တော့သည်။ ကောင်းကင်နှင့် မြေကြီးမှာ ဖျက်ဆီးခြင်း အလင်းတန်းများဖြင့် ပြည့်နှက်သွားပြီး ကမ္ဘာပျက်ကိန်း ဆိုက်ရောက်နေသည့်အလား ထင်မှတ်ရသည်။

ဟိုးအမြင့် ကောင်းကင်ယံတွင် မြေကမ္ဘာအင်မော်တယ်အဆင့် ပညာရှင်များမှာလည်း အပြန်အလှန် တိုက်ခိုက်နေကြသည်။

ရန်မိသားစုမှ နှစ်ပေါင်း ၃၀၀၀ ကြာ ပုန်းအောင်းနေခဲ့သော ဘိုးဘေးကြီးမှာလည်း ထွက်ပေါ်လာပြီး ရန်သူကိုရင်ဆိုင်သည်။

ထို့ပြင် လွန်ခဲ့သော နှစ်တစ်ထောင်က နာမည်ကျော်ခဲ့သည့် ရွှေရောင်ကိုယ်ထည်ပိုင်ရှင် ရှုံခွီ လည်း ပါဝင်တိုက်ခိုက်နေသည်။

တိုက်ပွဲမှာ နေရာအနှံ့ ပျံ့နှံ့သွားပြီး သန့်စင်မြေများမှ အကြီးအကဲများလည်း ပါဝင်လာကြသည်။

ထိုက်ချူသန့်စင်မြေမှ အကြီးအကဲ ယင်ကျန့် နှင့် မြောက်ပိုင်းအမှောင်ထုသန့်စင်မြေမှ အကြီးအကဲ ထျန်းဝူတို့မှာလည်း ပြင်းထန်စွာ တိုက်ခိုက်နေကြသည်။

ကောင်းကင်ထက် တိမ်တိုက်များကြားတွင် ထိုက်ချူသန့်စင်မြေ၏ အရှင်သခင် လင်ရှောင်ဇီနှင့် ချန်ကွန်းသန့်စင်မြေ၏ အရှင်သခင်ဆူးလီတို့က စစ်မြေပြင်ကို ငေးကြည့်နေကြသည်။

မြောက်ဘက်ပင်လယ်ဘက်မှ မြေကမ္ဘာအင်မော်တယ်အဆင့် ၁၀ ကျော်အထိ ထွက်ပေါ်လာခြင်းမှာ သူတို့အတွက် အံ့သြစရာ ဖြစ်နေသော်လည်း မဟာမိတ်တပ်ဘက်တွင် ထိုထက် နှစ်ဆပိုများသော အင်အားရှိနေသဖြင့် သူတို့က ယုံကြည်မှု ရှိနေကြသည်။

"ဝမ်မိသားစုက လူတွေရဲ့ စိတ်နှလုံးကို သိမ်းကျုံးယူနိုင်တာပဲဒါပေမဲ့ အင်အားကွာခြားချက်က ကြီးလွန်းနေသေးတယ်" ဟု သူတို့က တွေးတောနေကြသည်။

ဆူးလီကမူဝမ်မိသားစုကယခုထက်ထိလှုပ်ရှားမှုမရှိသေးခြင်းကိုစိုးရိမ်နေသော်လည်းဗဟိုဒေသမှရှေးဦးသန့်စင်နယ်မြေ၏ခေါင်းဆောင်ကမူသူ၏အင်အားကိုအလွန်အမင်းယုံကြည်နေတော့သည်။