အခန်း (၄၄၅) မည်သူပိုင်သော အင်ပါယာနည်း

နှစ်တစ်နှစ်၏ နောက်ဆုံးလသို့ ရောက်ရှိလာပြီး ဆီးနှင်းများ ကောင်းကင်ယံ၌ ပြည့်နှက်နေသည်။

ဝမ်မုသည် ကြယ်ဆွတ်ခူးမျှော်စင်ထက်တွင် ရပ်ကာ ဆီးနှင်းများ ကျဆင်းနေသည်ကို တိတ်ဆိတ်စွာ ကြည့်ရှုနေသည်။

တင်းတင်းက စစ်မြေပြင် သတင်းပို့ချက်များကို ဖတ်ပြနေသည် ဒီဇင်ဘာလ ၃ ရက်နေ့မှာ ပုန်ကန်နေတဲ့ မင်းသား ၃၇၂ ပါးနဲ့ သူတို့ရဲ့ နောက်လိုက်တွေကို အကုန်လုံး ကွပ်မျက်ပြီးပါပြီ။

ရွှေယွမ်ကို စစ်မြေပြင်သို့ ပြန်လည်စေလွှတ်ခြင်းမှာ မှန်ကန်သော ဆုံးဖြတ်ချက် ဖြစ်ခဲ့သည်။

မြောက်ပိုင်းဒေသတစ်ခုလုံးကို ခြောက်လကြာ ဖုံးလွှမ်းခဲ့သော မင်းသားများ၏ ပုန်ကန်မှုမှာ ယခုအခါ အလုံးစုံ ငြိမ်ဝပ်သွားခဲ့ပြီ ဖြစ်သည်။

ဝမ်မုက ဟန်လီပျောက်ဆုံးနေသည့် သတင်းကို ကြားရသော်လည်း ဟန်လီ၏ ကံကြမ္မာအရ အခွင့်အလမ်းကောင်းတစ်ခုခုနှင့် ကြုံတွေ့နေရခြင်းဖြစ်မည်ဟု တွေးကာ စိတ်မပူဘဲ ထားလိုက်သည်။

ထိုစဉ် ဒီပိုင်လျန်ထံမှ ဆက်သွယ်လာပြီး ဝမ်မု စေလွှတ်လိုက်သော လင်းယန်မှာ ယောဧကရာဇ် နန်းတော်အတွင်းရှိ ဆင်းသက်ခြင်း အဖွဲ့မှ သူလျှို ၄၀ ကျော်ကို ဖော်ထုတ်နိုင်ခဲ့ကြောင်း ဝမ်းသာအားရ ပြောဆိုလာသည်။

သို့သော် လင်းယန်ကမူ ၎င်းမှာ သူ၏ အစွမ်းကြောင့် မဟုတ်ဘဲ တိုက်ဆိုင်မှုနှင့် ကံကောင်းမှုများကြောင့်သာ ဖြစ်ကြောင်း ဝမ်မုကို ခပ်ရိုးရိုးပင် ပြောပြသည်။

ထို့နောက် လင်းယန်က ယောဧကရာဇ် နန်းတော်၏အရှင်သခင် ဒီဝူမင်မှာ အန္တရာယ်ရှိနေနိုင်ကြောင်း သတိပေးလိုက်သည်။

ဒီချူးမြို့တော် နန်းတော်အတွင်း

လူငယ်ဧကရာဇ်မှာ သွေးများပေကျံလျက် စိတ်ပျက်အားငယ်စွာထိုင်နေသည်။

သူသည် မိမိကိုယ်မိမိ သတ်သေရန် ကြိုးစားနေသည့်အလား နန်းတွင်းသူများကိုပင် သတ်ဖြတ်ထားသည်။

ဝမ်ထျန့်ကန်နန်းဆောင်အတွင်းသို့ ဖြည်းညှင်းစွာ ဝင်ရောက်လာသည်။

ဧကရာဇ်သည် ဆင်းသက်ခြင်းအဖွဲ့နှင့် ပူးပေါင်းကာ ဗဟိုဒေသသို့ ထွက်ပြေးရန် ကြိုးစားနေခြင်းကို ဝမ်ထျန့်ကန်က သိရှိပြီးသား ဖြစ်သည်။

"မင်းကြီး... ဆင်းသက်ခြင်းအဖွဲ့က သွေးဖြင့် ယဇ်ပူဇော်တာကို လက်ခံနေတာလား"

ဧကရာဇ်က ရူးသွပ်စွာ အော်ဟစ်တော့သည် ငါက ၂၀ နှစ်လုံးလုံး ရုပ်သေးရုပ်ဖြစ်နေခဲ့တာ ဒီလို မှောင်မိုက်တဲ့ ဘဝမျိုးမှာ နေရတာထက် သေတာကမှ ကောင်းဦးမယ်။ အဲ့ဒီ သာမန်လူတွေက ငါ့ရဲ့ လက်အောက်ခံတွေပဲ ငါသေခိုင်းရင် သေရမယ်။

ဝမ်ထျန့်ကန်သည် စိတ်ပျက်စွာ ခေါင်းယမ်းလိုက်ပြီး ကွယ်လွန်သူ ဧကရာဇ်ဟောင်း၏ လျှို့ဝှက် အမိန့်တော်စာလွှာကို ထုတ်ပြလိုက်သည်။

ထိုစာလွှာတွင် အကယ်၍ ဧကရာဇ်အသစ်သည် အရည်အချင်းမရှိဘဲ အင်ပါယာကို ပျက်စီးစေပါက ငါ၏ညီ ထျန့်ကျွယ်မင်းသည် ထီးနန်းကို ဆက်ခံလော့ဟု ပါရှိသည်။

ဝမ်ထျန့်ကန်က သူကိုယ်တိုင် ထီးနန်းကို မယူလိုသော်လည်း ဧကရာဇ်ဟောင်းတွင် အခြားသော သွေးမျိုးဆက်တစ်ခု ကျန်ရှိနေသေးကြောင်း ထုတ်ဖော်ပြောဆိုလိုက်သည်။

လွန်ခဲ့တဲ့ နှစ်တွေက ဧကရာဇ်ဟောင်းဟာ မြောက်ဘက်ပင်လယ်ကို ရုပ်ဖျက်လည်ပတ်ရင်း အမျိုးသမီးတစ်ဦးနဲ့ သမီးတစ်ယောက် ထွန်းကားခဲ့တယ်။

မြောက်ဘက်ပင်လယ် ထျန့်ကျွယ်ကျွန်း

တင်းတင်းသည် အလုပ်ကိစ္စများ ပြီးစီး၍ အိပ်ရာဝင်ရန် ပြင်နေစဉ် သူမ၏ ခေါင်းအုံးအောက်မှ ကျောက်စိမ်း လက်ကောက်လေးတစ်ခုကို ထုတ်ကြည့်နေမိသည်။

ထိုလက်ကောက်တွင် နဂါးရုပ်ပုံလွှာလေး ပါရှိသည်။ သူမသည် မိဘမဲ့တစ်ဦးအဖြစ် ဦးလေးဖြစ်သူ ရန်ဖျင်းရှန်း၏ လက်ထဲတွင် ကြီးပြင်းခဲ့ရပြီး ဤလက်ကောက်မှာ သူမ၏ မိဘများဆီမှ ကျန်ရစ်ခဲ့သော တစ်ခုတည်းသော အမှတ်တရ ဖြစ်သည်။