အခန်း (၄၄၂) - သဘောတူညီချက်

"သခင်လေး... ဒါက..." တင်းတင်း၏ နှုတ်ခမ်းအစုံမှာ အံ့သြလွန်းသဖြင့် ဟစိစိဖြစ်သွားရသည်။

သူမရှေ့ရှိ လူများမှာ ဝိညာဥ်အမြစ်လုံးဝမရှိသော သာမန်လူများ ဖြစ်သော်လည်း ယခုအခါ သူတို့ခန္ဓာကိုယ်မှ ကျင့်ကြံခြင်း အရှိန်အဝါများ ထွက်ပေါ်နေခြင်းကြောင့် ဖြစ်သည်။

ဝမ်မုက ရှင်းပြမနေဘဲ သူတို့ကို အမြုတေ ထပ်စစ်ဆေးကြည့်လိုက်ဦးဟုသာ အမိန့်ပေးလိုက်သည်။

မကြာမီ တင်းတင်း စိတ်လှုပ်ရှားစွာ ပြန်ရောက်လာပြီး သခင်လေး... တွေ့ပါပြီ သုံးယောက်လုံးမှာ ဝိညာဥ်အမြစ်ပေါ်လာတယ်။

နှစ်ယောက်က မြေဓာတ်အနိမ့်စား  နဲ့ တစ်ယောက်က မီးဓာတ်အလယ်အလတ်စားပါ" ဟု သတင်းပို့သည်။

ဝမ်မု ကျေနပ်စွာ ပြုံးလိုက်မိသည်။ ဤဆေးလုံးမှာ ဆင်းသက်ခြင်းအဖွဲ့၏ လူသားများကို ပြုပြင်မွမ်းမံသည့် နည်းစနစ်ကို အခြေခံ၍ သူကိုယ်တိုင် သုတေသနပြု ဖော်စပ်ထားခြင်း ဖြစ်သည်။

သာမန်လူသားများတွင် အိပ်ပျော်နေသော ဝိညာဥ်အမြစ်များကို နှိုးဆွပေးသည့် နည်းလမ်းပင် ဖြစ်သည်။

"ဒီဆေးကို ကောင်းကင်ပြန်ဆေးလုံးလို့ အမည်ပေးမယ်" ဝမ်မုက ဆေးနည်းကို တင်းတင်းအား ပေးလိုက်ပြီး ဒါကို စစ်လက်နက်အဆောင်ကို ပို့ပြီး အမြောက်အမြား ထုတ်ခိုင်းလိုက်ပါ။

ပြီးတော့ လန်ယာသင်တန်းကျောင်းတွေကို အခုထက် ဆယ်ဆလောက် ပိုချဲ့ထွင်ရမယ်ဟု ညွှန်ကြားလိုက်သည်။

တင်းတင်းက ကုန်ကျစရိတ်အတွက် စိုးရိမ်သော်လည်း ဝမ်မုက ပြတ်သားစွာပင် လူသားမျိုးနွယ်တိုင်း ကျင့်ကြံခွင့်ရရမယ်။

ဒီလို ကစဉ့်ကလျား ခေတ်ကြီးမှာ သူတို့ကိုယ်သူတို့ ကာကွယ်နိုင်ဖို့ မျှော်လင့်ချက်ပေးရမယ်။ ပိုက်ဆံကိစ္စ ငါစီစဉ်မယ်ဟု ဆိုလိုက်သည်။

ထို့နောက် ဝမ်မုသည် ယောမျိုးနွယ်တို့၏ အနှစ်သာရသွေးများကို သုံး၍ ဆေးတစ်မျိုးကို ထပ်မံဖော်စပ်ပြန်သည်။

သုံးရက်အကြာတွင် သူသည် ပင်လယ်ငါးတစ်ကောင်ကို ဖမ်း၍ ဆေးတိုက်ကျွေးကြည့်ရာ ထိုငါးမှာ ချက်ချင်းပင် ကျင့်ကြံခြင်း အရှိန်အဝါများ ထွက်ပေါ်လာပြီး ပင်လယ်မိစ္ဆာအဖြစ်သို့ ပြောင်းလဲသွားတော့သည်။

လူသားများအတွက် ဝိညာဥ်အမြစ်လိုအပ်သလို ယောမျိုးနွယ်များအတွက်မူ သွေးမျိုးဆက်က အရေးကြီးသည်။

ဝမ်မု၏ ဆေးလုံးမှာ ယောမျိုးနွယ်များအတွင်း အိပ်ပျော်နေသော ရှေးဟောင်း သွေးမျိုးဆက် အစွမ်းများကို နှိုးဆွပေးနိုင်ခြင်း ဖြစ်သည်။

ဝမ်မုသည် ဒီပိုင်လျန်ထံသို့ ဆက်သွယ်လိုက်သည်။

"ငါ မင်းနဲ့ အရောင်းအဝယ်တစ်ခု လုပ်ချင်တယ်"

ဒီပိုင်လျန်က အစပိုင်းတွင် ငြင်းဆန်ချင်သော်လည်း ဝမ်မုက ယောမျိုးနွယ်တို့၏ သွေးမျိုးဆက်ကို နှိုးဆွပေးနိုင်သည့် ဆေးနည်းကို သူပိုင်ဆိုင်ထားကြောင်း ပြောလိုက်သောအခါ တစ်ဖက်မှ ဆူညံသံများ ထွက်ပေါ်လာသည်။

ဝမ်မုက ငါးတစ်ကောင်ကို မိစ္ဆာအဖြစ် ပြောင်းလဲပြလိုက်သောအခါမှ အားလုံး ငြိမ်ကျသွားတော့သည်။

"ငါ သူနဲ့ စကားပြောလိုက်မယ်" ဟု တည်ငြိမ်သော အသံတစ်ခု ထွက်ပေါ်လာပြီး ဒီပိုင်လျန်၏ ပုံရိပ်အစား ခန့်ညားထည်ဝါသော အမျိုးသားတစ်ဦး ပေါ်လာသည်။

"ကျွန်တော်ကယောဧကရာဇ်နန်းတော်ရဲ့ပထမမြောက်ဧကရာဇ်ငယ်ဒီချင်းလျန်ပါ"