အခန်း (၄၀၀)  မိစ္ဆာမျိုးနွယ် ဝါဒဖြန့်ချိရေး စီမံကိန်း

ဝမ်မု၏ စကားများသည် ဒီပိုင်လျန်၏ အားနည်းချက်ကို ကွက်တိ ထိမှန်သွားသည်။

သူမက တုံ့ဆိုင်းခြင်းမရှိဘဲ မေးလိုက်သည် နင် ဘာလုပ်စေချင်တာလဲ။

နောက်နေတာ မဟုတ်ပေ။ သူမသည် ယခင်က ဒီပိုင်လျန် မဟုတ်တော့ဘဲ ဂိမ်းလောက၏ ကျွမ်းကျင်သူတစ်ဦး ဖြစ်နေပြီ ဖြစ်သည်။ ကြေးနီအဆင့်မှ ငွေအဆင့်သို့ တက်လှမ်းရန်ပင် မျှော်လင့်ချက် ရှိနေသည်။

ထို့အပြင် မြောက်ပိုင်းဒေသ၏ လူမှုကွန်ရက်နှင့် ဖိုရမ်များတွင် အချိန်ဖြုန်းရသည်မှာ သူမအတွက် အလွန်ပင် ပျော်စရာကောင်းနေသည်။

အကယ်၍ အင်တာနက် လုံးဝမရှိသော အရှေ့ပိုင်းဒေသသို့ ပြန်ရမည်ဆိုပါက သူမအတွက် သေတာထက်ပင် ဆိုးလိမ့်မည်။

ထိုအကြောင်းကို တွေးမိရုံနှင့်တင် သူမ ဂနာမငြိမ် ဖြစ်လာတော့သည်။

ဝမ်မုက ပြုံးလိုက်ပြီး သူမကို အနားသို့ လက်ယပ်ခေါ်လိုက်သည် ရိုးရိုးလေးပါပဲ ဒီနား တိုးလာခဲ့။

ဝမ်မုက သူမ၏နားနားတွင် အစီအစဉ်ကို တိုးတိုးလေး ပြောပြနေသည်။

ဝမ်မု၏ အသက်ရှူသံ နွေးနွေးလေးများက သူမ၏ နားကို လာထိတွေ့နေသဖြင့် ဒီပိုင်လျန်မှာ စိတ်တွေ လွင့်ထွက်သွားပြီး ငေးငိုင်နေမိသည်။

"နားလည်ရဲ့လား" ဝမ်မုက မေးသည်။

"ဟင်" ဒီပိုင်လျန် သတိပြန်ဝင်လာသည်။

"မင်း နားထောင်နေရဲ့လား" ဝမ်မုက စိတ်ပျက်လက်ပျက် မေးလိုက်သည်။

နားထောင်ပါတယ် ဒီပိုင်လျန် မျက်နှာနီသွားကာ "နင်... နောက်တစ်ခေါက် ပြန်ပြောပြဦး"

ဝမ်မု သက်ပြင်းချလိုက်ပြီး ထပ်ပြောပြရသည် နောက်ရက်အနည်းငယ်အတွင်းမှာ ငါ လူလွှတ်ပြီး မင်းအတွက် ဝါဒဖြန့် ဗီဒီယိုတစ်ခု ရိုက်ခိုင်းမယ်။

လက်တစ်ကမ်းအကွာအစီအစဉ်က မိစ္ဆာမျိုးနွယ်တွေဆီအထိ ရောက်လာတော့မယ့်အကြောင်း သတင်းလွှင့်ဖို့ပေါ့။ မင်းဘက်ကလည်း မိစ္ဆာမျိုးနွယ်တွေကြားမှာ ဒါကို အားပေးတိုက်တွန်းရမယ်။

မျိုးနွယ်စုနှစ်ခုကြား သံတမန်ဆက်ဆံရေး ထူထောင်ခြင်းသည် သာမန်ကိစ္စ မဟုတ်ပေ။ 

အချင်းချင်း မတိုက်ခိုက်ရန်နှင့် ငြိမ်းချမ်းစွာ အတူယှဉ်တွဲနေထိုင်ရန် စည်းကမ်းချက်များ လိုအပ်သည်။ ဥပဒေဖြင့်သာ ဖိနှိပ်ထား၍ မရဘဲ ယဉ်ကျေးမှုအရပါ ပေါင်းစည်းရန် လိုအပ်သည်။

မြောက်ပိုင်းဒေသ၏ အင်တာနက် ယဉ်ကျေးမှုနှင့် ဂိမ်းများသည် အရှေ့ပိုင်းဒေသရှိ မိစ္ဆာမျိုးနွယ်များအတွက်တော့ အဆင့်မြင့် နည်းပညာများဖြင့် တိုက်ခိုက်ခံရသကဲ့သို့ပင် ဖြစ်လိမ့်မည်။

ဒီပိုင်လျန်က သဘောကျသွားပြီး ခေါင်းတငြိမ့်ငြိမ့်ဖြင့် နားလည်ပြီ ငါ အခုပဲ စာရေးလိုက်မယ်။ အဲ့ဒီစာကို ယူသွားရင် ငါ့ရဲ့ သတ္တမအစ်ကိုတို့က နင့်လူတွေကို ဒုက္ခပေးမှာ မဟုတ်ဘူး။

ဝမ်မုက ပြုံးလျက် သခင်လေး ပိုင်လျန်က တကယ့်ကို ဉာဏ်ကောင်းတာပဲ။

ဒီပိုင်လျန်က မာန်တက်သွားပြီး  "ဒါပေါ့"

စကားပြောနေရင်းဖြင့် ဒီပိုင်လျန်သည် ဝမ်မု၏ နှုတ်ခမ်းကို ကြည့်ကာ မျက်လုံးများ ဝေဝေဝါးဝါး ဖြစ်လာပြန်သည်။

ဝမ်မုက သတိထားမိသွားပြီးမင်း ငါ့ပါးစပ်ကို ဘာလို့ ခဏခဏ ကြည့်နေတာလဲ

ဒီပိုင်လျန်က အသက်ပြင်းပြင်းရှူလိုက်ပြီး "ခုနက အနှောင့်အယှက် ခံလိုက်ရလို့ ငါ အားမရသေးဘူး"

ဝမ်မု  "......"

"တော်တော့... ဒါ လူမြင်ကွင်းကြီးလေ"

"ဟွန့်... ငါက နင့်ကို အတင်းအဓမ္မလုပ်မှာပဲ နင် ဘာတတ်နိုင်သေးလဲ" ဒီပိုင်လျန်က ခါးထောက်ကာ ရန်တွေ့လိုက်သည်။

ဝမ်မုက ရုတ်တရက် သူမနောက်ကို ကြည့်ကာ "အို... အစ်မဝမ်မုန့် ရေချိုးပြီးပြီလား"

ဒီပိုင်လျန် ထိတ်ခန့်သွားပြီး ချက်ချင်းပင် ရိုရိုသေသေ ပြန်ထိုင်ကာ နောက်သို့ လှည့်ကြည့်လိုက်သည်။

သို့သော် ဘယ်သူမှ မရှိပေ။ ရှောင်ဝမ်မုန့်မှာ ရေချိုးကန်ထဲတွင် ရှိနေဆဲ ဖြစ်သည်။

သူမ အလှည့်စားခံလိုက်ရမှန်း သိလိုက်ချိန်တွင် ဝမ်မုမှာ ရွှေတောင်ပံဂဋ္ဌုန်ငှက်ကြီးကို စီးပြီး ဝေးရာသို့ ပြေးနေပြီ ဖြစ်သည်။

"ဝမ်မု... နင် ပြေးလို့ မလွတ်ဘူး" ဒီပိုင်လျန် ဒေါသထွက်ကာ အော်ဟစ်ကျန်ရစ်ခဲ့သော်လည်း ဝမ်မုနှင့် ထိတွေ့ခဲ့ရသော ခံစားချက်လေးကိုတော့ ပြန်လည် တမ်းတနေမိသည်။

ဒီပိုင်လျန် ထွက်သွားပြီးနောက် ဝမ်မု၏ပုံရိပ်မှာ ကုလားထိုင်ပေါ်တွင် ပြန်ပေါ်လာသည်။ သူသည် ဝေးရာသို့ ပြေးသွားသော ပုံရိပ်ကို ကြည့်ကာ "မိစ္ဆာမျိုးနွယ် မိန်းမတွေက တကယ့်ကို ကြောက်စရာပဲ" ဟု ရေရွတ်လိုက်သည်။

ထို့နောက် ရေချိုးကန်ဘက်ကို ကြည့်ကာ ပြုံးလိုက်သည် "အစ်မဝမ်မုန့်ကမှ တကယ့်ကို နူးညံ့ပြီး သိက္ခာရှိတာ"

ခဏအကြာတွင် ရှောင်ဝမ်မုန့် ရေချိုးပြီး ထွက်လာသည်။ သူမ၏ လှပသော ကိုယ်လုံးကိုယ်ပေါက်မှာ ပါးလွှာသော အဝတ်အစားများကြားတွင် ပေါ်လွင်နေပြီး ရင်ဘတ်ပေါ်ရှိ နဂါးနှင့် ဖီးနစ် တက်တူးလေးမှာ ရေစက်ကလေးများဖြင့် ဝင်းလက်နေသည်။

"မိစ္ဆာသခင်လေးကော" ဝမ်မုတစ်ယောက်တည်းကိုသာ မြင်သဖြင့် သူမ မေးလိုက်သည်။

"ပြန်သွားပြီ ဂိမ်းသွားကစားတာထင်တယ်"

ရှောင်ဝမ်မုန့်က ဝမ်မုအနားတွင် ဝင်ထိုင်ကာ "စကားပြောလို့ အဆင်ပြေရဲ့လား"

"သူ သဘောတူသွားပြီ"

"မောင်လေးမုက တော်လိုက်တာ မိစ္ဆာမင်းသမီးလေးကို ခဏလေးနဲ့ သိမ်းသွင်းနိုင်တာပဲ" ရှောင်ဝမ်မုန့်က ဝမ်မုကို စနောက်လိုက်သည်။

ဝမ်မုက တည်တည်တံ့တံ့ဖြင့် အစ်မဝမ်မုန့် ကျွန်တော်တို့က အလုပ်အကြောင်း ပြောနေတာပါ။"

ရှောင်ဝမ်မုန့်က ပြုံးကာ ဝမ်မု၏ ရင်ဘတ်နားသို့ တိုးကပ်လာသည်။ သူမသည် ဝမ်မုကို အနီးကပ် နမ်းကြည့်ပြီး ဒါပေမဲ့ မင်းဆီမှာ တခြားသူရဲ့ အနံ့တွေ ရနေတယ် အထူးသဖြင့်

သူမက ဝမ်မု၏ ရင်ဘတ်မှတစ်ဆင့် လည်ပင်း၊ မေးစေ့နှင့် နောက်ဆုံး နှုတ်ခမ်းဆီသို့ လက်ချောင်းလေးဖြင့် ထိတွေ့လိုက်သည် ဒီနေရာမှာပေါ့။

ဝမ်မုမှာ ရယ်ရခက်လျက်အစ်မဝမ်မုန့် အစ်မရဲ့ နှာခေါင်းက အရမ်းစူးတာပဲ။

ရှောင်ဝမ်မုန့်က မျက်စောင်းထိုးကာ  "မင်းက ငါ့ကို ခွေးလို့ ပြောချင်တာလား မင်းရဲ့အနံ့ကိုတော့ ငါမိုင်ပေါင်း သောင်းချီကတည်းက သိတာပေါ့။

သူမသည် ဝမ်မု၏ အပေါ်သို့ ခြေထောက်တင်လိုက်ပြီး ငါ့ကို နှိပ်ပေးဦး။

ဝမ်မုလည်း မငြင်းဘဲ သူမ၏ လှပသော ခြေထောက်လေးများကို ကိုင်တွယ် နှိပ်နယ်ပေးနေတော့သည်။

နှိပ်တာပဲ နှိပ်နော်... တခြားဟာတွေ လျှောက်မလုပ်နဲ့။

"အား"

ဝမ်မု၏လက်များမှာတော့ငြိမ်ငြိမ်မနေဘဲကဲနေသော်လည်းရှောင်ဝမ်မုန့်ကမျက်စိမှိတ်ကာခွင့်ပြုပေးထားလိုက်လေတော့သည်။