အခန်း (၁၆၉) ငါ့ကိုမျက်ရည်ကျအောင် လုပ်နေပြီ

ပြင်းထန်လှသော အရှိန်အဝါများကြောင့် ပတ်ဝန်းကျင်ရှိ ကျင့်ကြံသူများမှာ တစ်ယောက်ပြီးတစ်ယောက် နောက်ဆုတ်သွားကြပြီး ကွင်းပြင်အလယ်တွင် နေရာလွတ်တစ်ခု ချက်ချင်း ဖြစ်ပေါ်လာသည်။

တောက်

အလင်းတန်းများမှာ စူးရှလွန်းလှသည်။ ဝတ်ရုံခေါင်းစွပ်အောက်တွင် ဖုံးကွယ်ထားသော လူငယ်၏မျက်နှာမှာ အထင်အရှား ပေါ်ထွက်လာတော့သည်။

သူသည် ပတ်ဝန်းကျင်ရှိ ပုံရိပ်များကို သတိကြီးစွာဖြင့် စိုက်ကြည့်ရင်း စိတ်ထဲမှ ကျိန်ဆဲနေမိသည် - အဲဒီ ဝမ်မုဆိုတဲ့ကောင်ကတော့ တကယ်ကို မကောင်းကြံထားတာပဲ

လင်းယန်သည် မိမိကိုယ်ကို အလှည့်စားခံလိုက်ရသည်ဟု ခံစားနေရသည်။ မည်သို့သော လှည့်ကွက်ဖြစ်သည်ကို အတိအကျ မသိသော်လည်း သူ၏ အခြေအနေမှာ အန္တရာယ်ရှိနေသည်ကိုတော့ သူသိသည်။

သူ၏လက်ရှိကျင့်ကြံမှုနှင့် တိုက်ခိုက်ရေးစွမ်းရည်အရ သာမန်နတ်ဘုရားသန္ဓေတည်ခြင်းအဆင့် ပညာရှင်တစ်ဦးနှင့်ဆိုလျှင် ယှဉ်ပြိုင်နိုင်စွမ်း ရှိသေးသည်။

သို့သော် ယခုမူ လန်ယာကုန်သည်အသင်းမှ နတ်ဘုရားသန္ဓေတည်ခြင်းအဆင့်အရှင်သခင်များစွာ၏ ဝိုင်းရံခြင်းကို ခံထားရသဖြင့် သူ သိပ်ပြီး ယုံကြည်ချက်မရှိတော့ပေ။

ဆရာ ကျွန်တော် အရင်ဆုံး မီးကြာပန်းကို လုပ်ထားမယ်၊ ကျန်တာကတော့ ဆရာ့အပေါ်မှာပဲ မူတည်တော့မယ်နော်

လင်းယန်က စိတ်ထဲမှ ရေရွတ်လိုက်စဉ် သူ၏ မျက်ဝန်းထဲ၌ ခရမ်းရောင်နှင့် အပြာရောင် မီးလျှံနှစ်ခု ထွက်ပေါ်လာပြီး အရှိန်အဝါများမှာလည်း မြင့်တက်လာသည်။

ဟူး

တန်ရွှမ်းကလည်း သက်ပြင်းချလိုက်ပြီး လင်းယန်၏ ခန္ဓာကိုယ်ကို အချိန်မရွေး ထိန်းချုပ်နိုင်ရန် ပြင်ဆင်လိုက်သည်။

လက်ရှိအခြေအနေအရ သူကိုယ်တိုင် လင်းယန်၏ ခန္ဓာကိုယ်ကို ထိန်းချုပ်ပြီး ဝိညာဉ်စွမ်းအားများကို အသုံးချမှသာ မျှော်လင့်ချက် အနည်းငယ် ရှိပေလိမ့်မည်။

သို့သော်လည်း လင်းယန် တိုက်ခိုက်ရန် ပြင်လိုက်စဉ်မှာပင်။

နူးညံ့သော အသံတစ်ခု ပျံ့လွင့်လာသည် - သခင်လေး ကျေးဇူးပြုပြီး စိတ်အေးအေးထားပါ

လင်းယန်က မော့ကြည့်လိုက်ရာ ဂေဟာမှူး မို ကို တွေ့လိုက်ရသည်။ သို့သော် သူ၏လက်များကတော့ မရပ်တန့်ဘဲ ကြောက်မက်ဖွယ် မီးလျှံများကို လျင်မြန်စွာ ဖော်စပ်နေဆဲ ဖြစ်သည်။

ဂေဟာမှူးမိုက ရှေ့သို့ လှမ်းလာပြီး ဖော်ရွေစွာ ပြုံးပြသည် - သခင်လေး မစိုးရိမ်ပါနဲ့ အန္တရာယ်ပြုဖို့ ရည်ရွယ်ချက် မရှိပါဘူး

လင်းယန်က ဘာမှပြန်မပြောဘဲ စိုက်ကြည့်နေသည်။ အမှန်စင်စစ် သူသည် ထွက်ပြေးရန် အခွင့်အရေးကို ရှာနေခြင်း ဖြစ်သည်။

သခင်လေးရဲ့ အမည်ကို သိခွင့်ရမလား

ကျွန်တော်ကို မမှတ်မိဘူးလား လင်းယန်က အေးစက်သော အကြည့်ဖြင့် ပြန်မေးလိုက်သည်။

ထိုအခါ ဂေဟာမှူးမိုမှာ ခေတ္တမျှ မှင်တက်သွားသည်။ သူသည် လင်းယန်၏မျက်နှာကို အကြာကြီး စိုက်ကြည့်နေပြီးနောက် ရုတ်တရက် သတိရသွားဟန်ဖြင့် - ဒါဆိုရင်...ခင်ဗျက သခင်လေးလင်းယန်လား

အကယ်၍ အခြားဘဏ်ခွဲမှ ဂေဟာမှူးသာဆိုလျှင် လင်းယန်ကို မှတ်မိချင်မှ မှတ်မိလိမ့်မည်။ မြောက်ပိုင်းဒေသရှိ ထျန်းဝမ်နှင့် လန်ဟွမ်ဘဏ်ခွဲ ဝန်ထမ်းအများစုမှာ ဒေသခံများသာ ဖြစ်ကြသည်။

သို့သော် မြို့ကြီးအချို့၏ အကြီးအကဲများမှာမူ မြောက်ပိုင်းပင်လယ်မှ ပြောင်းရွှေ့လာသော အထူးပညာရှင်များ ဖြစ်ကြသည်။

ဂေဟာမှူးမိုမှာ ထိုသူများထဲမှ တစ်ဦးဖြစ်သဖြင့် လွန်ခဲ့သော နှစ်အနည်းငယ်က မြောက်ပိုင်းပင်လယ်တွင် ဖြစ်ပျက်ခဲ့သော အကြောင်းအရာများကို သိရှိထားသည်။  ထိုသတင်းများကို ပြန်လည်စဉ်းစားမိပြီးနောက် ရှေ့မှ လူငယ်က ဘာကြောင့် ဤမျှ သတိကြီးနေရသလဲဆိုသည်ကို သူ နားလည်သွားပြီး ထူးဆန်းသော အပြုံးတစ်ခု ပေါ်လာသည်။

သိလျက်နဲ့ မေးနေတာပဲ လင်းယန်က အေးစက်စွာ နှာခေါင်းရှုံ့လိုက်သည်။

သခင်လေးလင်း ကျေးဇူးပြုပြီး အထင်မလွဲပါနဲ့ ဂေဟာမှူးမိုက လက်ကာပြရင်း ချော့မော့လိုက်သည် - ကျွန်တော်တို့ လန်ဟွမ်ကျောက်စိမ်းဆောင်ရဲ့ထီတွေက အမြဲတမ်း တရားမျှတမှု ရှိပါတယ်။ ဘာလှည့်ကွက်မှ မရှိပါဘူး သခင်လေး ပေါက်တာက သခင်လေးရဲ့ ကံတရားကြောင့်ပါပဲ.

ဒါကို ကျွန်တော် ယုံမယ်လို့ ထင်နေတာလား

သခင်လေးက ကျွန်ေတာ်တို့ကို ယုံကြည်မယ်လို့ မျှော်လင့်ပါတယ် တကယ်လို့ မယုံကြည်ဘူးဆိုရင်လည်း ကိစ္စမရှိပါဘူး

ဂေဟာမှူးမိုက အနည်းငယ် ပြုံးလိုက်ပြီး - သခင်လေးက  လန်ယာလမ်းပြထီရဲ့ ပထမဆုကြီးကို ဆွတ်ခူးသွားခဲ့ပါပြီ။

 ဆုကြေးငွေက ဝိညာဉ်ကျောက်တုံး ၈၈,၈၈၀,၀၀၀ ပါ။ ငွေတွေကို အသင့်ပြင်ခိုင်းထားပြီးပြီမို့ မကြာခင်မှာ သခင်လေးလက်ထဲ အပ်နှံပေးပါမယ်

ဒါ့အပြင်

ဂေဟာမှူးမိုက ညဉ့်ကောင်းကင်ယံရှိ နေရာတစ်ခုကို ရည်ရွယ်ချက်ရှိရှိ ကြည့်လိုက်ပြီး အသံကို မြှင့်လိုက်သည် - ကျွန်တော်တို့ရဲ့ လမ်းပြထီမှာ ဆုပေါက်ထားတဲ့ သူအားလုံးဟာ လန်ဟွမ်ကျောက်စိမ်းဆောင်ရဲ့အထူးဧည့်သည်တော်တွေ ဖြစ်ကြပါတယ်။

သခင်လေး (ဝမ်မု) က လူတိုင်းရဲ့ ပုဂ္ဂိုလ်ရေး လုံခြုံမှုကို အစွမ်းကုန် ကာကွယ်ပေးဖို့ မှာထားပါတယ်။ ဧည့်သည်တွေအပေါ် မကောင်းတဲ့ ရည်ရွယ်ချက်နဲ့ လုပ်ဆောင်တဲ့ ဘယ်လိုအပြုအမူမျိုးကိုမဆို လန်ယာကုန်သည်အသင်းကို ရန်စတယ်လို့ သတ်မှတ်မှာ ဖြစ်ပါတယ်။

သူ ပြောပြီးသည်နှင့် လင်းယန်ကို ဝိုင်းထားသော နတ်ဘုရားသန္ဓေတည်ခြင်းအဆင့်

 ကျင့်ကြံသူများက သူတို့၏ အရှိန်အဝါများကို တစ်ပြိုင်နက်တည်း ထုတ်လွှတ်လိုက်ကြသည်။

ပြင်းထန်သော လေပြင်းများ တိုက်ခတ်လာပြီး ဟင်းလင်းပြင်တစ်ခုလုံးတွင် မှော်စာလုံးများ ပြည့်နှက်သွားတော့သည်။ ထိုခန့်ညားထည်ဝါသော စွမ်းအင်လှိုင်းများမှာ အရပ်ရပ်သို့ ရေလှိုင်းများကဲ့သို့ စီးဆင်းသွားသည်။

ထိုအခါမှသာ လူအများက သဘောပေါက်သွားကြသည်  ဤပညာရှင်များမှာ လုံခြုံရေးအတွက် လာရောက် စောင့်ကြပ်ပေးခြင်း ဖြစ်သည်။

လင်းယန်က ဤမြင်ကွင်းကို ကြည့်ရင်း မျက်ဝန်းထဲမှ အလင်းများမှာ အနည်းငယ် ပြောင်းလဲသွားသည်။

ထို့နောက် ဂေဟာမှူးမိုက အခြားဆုပေါက်သူများကို ကြည့်ကာ နွေးထွေးစွာ ပြုံးပြသည် - အခု လူတိုင်းမှာ ရွေးချယ်စရာနှစ်ခု ရှိပါတယ်။ ပထမတစ်ခုကတော့ ကျွန်တော်တို့ ဂေဟာမှာ ခေတ္တနေထိုင်ဖို့ပါ။ လုံခြုံမှုရှိစေဖို့အတွက် နေထိုင်စားသောက်ရေး အားလုံးကိုကျွန်တော်တို့ဘက်က စီစဉ်ပေးပါမယ်။

ဒုတိယတစ်ခုကတော့ အကယ်၍ ထွက်ခွာချင်တယ်ဆိုရင်လည်း ကျွန်တော်တို့က အတင်းအကျပ် မတားပါဘူး။

ဒုက္ခတစ်ခုခုကနေ ဘေးကင်းစွာ ထွက်ပြေးနိုင်ဖို့အတွက်ခင်ဗျတို့တစ်ဦးချင်းစီကို ဟင်းလင်းပြင် ကူးပြောင်းခြင်းအဆောင်တစ်ခုစီ လက်ဆောင်ပေးပါမယ်

ထိုစကားကို ကြားရသောအခါ လူတိုင်း အံ့အားသင့်သွားကြသည်။ ထိုအဆောင်မှာ အလွန်ပင် ဈေးကြီးသောကြောင့် ဖြစ်သည်။

ကျွန်တော်နေပါမယ် တောင်းစားသည့် အဘိုးကြီးက အရင်ဆုံး ပြောလိုက်သည်။

ကျွန်တော် ကျွန်တော်လည်း နေပါမယ် ယန်မိသားစုမှ သားဖြစ်သူကလည်း ချက်ချင်း ဆုံးဖြတ်လိုက်သည်။

သူတို့၏ကျင့်ကြံမှုမှာ အားနည်းလှသဖြင့် ယခုကဲ့သို့ ငွေထုပ်ကြီးနှင့် အပြင်ထွက်ပါက မည်သို့သေမည်ကိုပင် သိလိုက်ရမည် မဟုတ်ပေ။ မြို့ထဲတွင် နေထိုင်ခြင်းကသာ ပို၍ လုံခြုံမှု ရှိစေသည်။

သို့သော် ကျင့်ကြံမှုအနည်းငယ်ရှိသော ကျင့်ကြံသူအချို့ကတော့ ချက်ချင်း ထွက်ခွာရန် ရွေးချယ်ကြသည်။ ဂေဟာမှူးမိုကလည်း မတားမြစ်ဘဲ အဆောင်များကိုလက်ဆောင်ပေးလိုက်သည်။

ထိုသူများမှာ အဆောင်များကို အသုံးချပြီး ဟင်းလင်းပြင်မှတစ်ဆင့် ပျောက်ကွယ်သွားကြတော့သည်။

နောက်ဆုံးတွင် လင်းယန် တစ်ယောက်တည်းသာ ကျန်တော့သည်။

သခင်လေးလင်း၊ သခင်လေးကရော ဘယ်လို ရွေးချယ်မလဲ ဂေဟာမှူးမိုက ပြုံးလျက် မေးလိုက်သည်။

လင်းယန်က တွန့်ဆုတ်မနေဘဲ - ကျွန်တော့ ဒုတိယ ရွေးချယ်မှုကို ယူမယ်

မည်သည့်အချိန်တွင်မဆို သူသည် မိမိ၏ လုံခြုံရေးကို သူစိမ်းများလက်ထဲတွင် ပုံအပ်ထားလေ့ မရှိပေ။

ဂေဟာမှူးမိုက ခေါင်းညိတ်လိုက်ပြီး သူ၏လက်စွပ်ထဲမှ ပုံစံရော အရှိန်အဝါပါ ထူးခြားသော အဆောင်တစ်ခုကို ထုတ်ယူကာ ကမ်းပေးလိုက်သည်။

သခင်လေးလင်းက ပထမဆုကြီးကို ပေါက်ထားတာဆိုတော့ မကောင်းတဲ့သူတွေရဲ့ မျက်စိကျခြင်းကို ခံရမှာ အသေအချာပါပဲ။ ဒါကြောင့် သခင်လေးအတွက် ပြင်ဆင်ထားတဲ့ အရာကလည်း တခြားသူတွေနဲ့ မတူပါဘူး

ဒါက မဟာဟင်းလင်းပြင်အဆောင်ပါ။ ကြှနျုပျတို့ အသင်းရဲ့အဆောင်ဆရာကြီး ကိုယ်တိုင် ရေးထိုးထားတာ ဖြစ်ပါတယ်။ ဒါကို အသုံးချလိုက်တာနဲ့ သခင်လေးကို မိုင်ပေါင်းတစ်သောင်းဝေးတဲ့ နေရာကို ချက်ချင်း ပို့ဆောင်ပေးမှာပါ။ သခင်လေးအတွက် အသုံးဝင်မယ်လို့ မျှော်လင့်ပါတယ်

ပတ်ဝန်းကျင်မှ လူများမှာ အသက်ရှူမှားမတတ် အံ့အားသင့်သွားကြသည်။ ဤ မဟာဟင်းလင်းပြင်အဆောင်၏ တန်ဖိုးမှာ အလွန်ပင် ကြီးမားလှသည်။

အဆောင်ဆရာကြီးကိုယ်တိုင် ရေးထားသည်ဆိုပါက ၎င်း၏တန်ဖိုးမှာ ဝိညာဉ်ကျောက်တုံး ထောင်ချီ၍ တန်ဖိုးရှိပေလိမ့်မည်။

လင်းယန်သည်လည်း အနည်းငယ် စိတ်လှုပ်ရှားသွားသည်။ သူသည် ထိုအဆောင်ကို လှမ်းယူလိုက်ပြီး စိတ်ထဲမှ မေးလိုက်သည် - ဆရာ၊ ဒီစာချွန်လွှာမှာ ပြဿနာ တစ်ခုခု ရှိလား။

တန်ရွှမ်းက သူ၏ဝိညာဉ်စွမ်းအားဖြင့် အဆောင်ကို စစ်ဆေးလိုက်ပြီးနောက် - ဒါက တကယ့်ကို အဆင့်မြင့် မဟာဟင်းလင်းပြင်အဆောင်ပါပဲ၊ ဘာလှည့်ကွက်မှလည်း မပါဘူး။

ထိုအဖြေကို ကြားလိုက်ရသောအခါ လင်းယန်၏ မျက်နှာတွင် ခံစားချက်မျိုးစုံဖြစ်သွားရသည်။