အမျိုးသမီးတပည့်တွေပဲလက်ခံမယ့် အင်မော်တယ်

အမျိုးသမီးတပည့်တွေပဲ လက်ခံမယ့် အင်မော်တယ် ငယ်ရွယ်စဉ်ကတည်းက ထူးခြားတဲ့ကံကြမ္မာနဲ့ အခွင့်အရေးတွေကို ပိုင်ဆိုင်ထားတဲ့ လူငယ်တစ်ယောက်ဟာ ကျင့်ကြံခြင်းလောကမှာ မယုံနိုင်လောက်အောင် လျင်မြန်စွာ တိုးတက်လာပြီး နောက်ဆုံးမှာတော့ အင်မော်တယ်တစ်ပါး အဖြစ် အောင်မြင်သွားခဲ့တယ်။ အသက်ငယ်ငယ်နဲ့ မရေမတွက်နိုင်တဲ့ သက်ရှိတွေအပေါ် လွှမ်းမိုးနိုင်တဲ့ အစွမ်းထက် အင်မော်တယ်ဖြစ်လာပြီးနောက် သူ့မှာ ရန်သူတွေကို လိုက်သတ်ဖို့၊ အာဏာအတွက် တိုက်ခိုက်ဖို့ စိတ်မဝင်စားတော့ဘူး။ သူလိုချင်တာကတော့ ရိုးရိုးရှင်းရှင်းပါပဲ။ ကိုယ်ပိုင်ဂိုဏ်း တစ်ခု တည်ထောင်ပြီး အေးအေးဆေးဆေး နေထိုင်ရင်း သာယာတဲ့ဘဝကို ဖြတ်သန်းမယ်။ ငါးမျှားမယ်။ ဝိုင်သောက်မယ် ဒီလောက်ပဲ။ ဒါပေမယ့် သူတည်ထောင်မယ့် ဂိုဏ်းကတော့ သာမန် ဂိုဏ်းတစ်ခု မဟုတ်ခဲ့ဘူး။ အမျိုးသမီးတပည့်တွေပဲ လက်ခံမယ့် ဂိုဏ်းတစ်ခု။ အစပိုင်းမှာတော့ သူ့အတွက် တပည့်တွေကို လက်ခံသင်ကြားပေးတာဟာ ရိုးရိုးရှင်းရှင်း အပန်းဖြေဘဝတစ်ခုလိုပဲ ထင်ခဲ့ပေမယ့် တစ်ယောက်ပြီးတစ်ယောက် ထူးခြားတဲ့ အရည်အချင်းတွေ ပိုင်ဆိုင်ထားတဲ့ အမျိုးသမီးတပည့်တွေ ရောက်ရှိလာတာနဲ့အမျှ သူ့ရဲ့ တိတ်ဆိတ်အေးချမ်းချင်တဲ့ဘဝဟာ တဖြည်းဖြည်း ရှုပ်ထွေးလာခဲ့တယ်။ တပည့်တွေရဲ့ ကျင့်ကြံမှုကို လမ်းညွှန်ပေးရင်း၊ သူတို့ရဲ့ အခက်အခဲတွေကို ဖြေရှင်းပေးရင်းနဲ့ အပျင်းပြေ တည်ထောင်ထားတဲ့ဂိုဏ်းဟာလည်း တဖြည်းဖြည်း အင်အားကြီးလာတယ်။ တစ်ဖက်မှာတော့ အစွမ်းထက်တဲ့ အင်မော်တယ်ဆရာတစ်ယောက်၊ တစ်ဖက်မှာတော့ လှပပြီး ကိုယ်ပိုင်အရည်အချင်းအသီးသီးရှိတဲ့ အမျိုးသမီးတပည့်တွေ…. ဒီလိုနဲ့ သူမျှော်လင့်ခဲ့တဲ့ အေးချမ်းတဲ့ အင်မော်တယ်ဘဝ ဟာ သူထင်ထားတာထက် ပိုပြီး စိတ်ဝင်စားစရာကောင်းလာခဲ့တယ်။ သူ့ရဲ့ ဂိုဏ်းက ဘယ်လောက်အထိ အင်အားကြီးလာမလဲ? တပည့်တွေကလည်း သူ့ဘဝကို ဘယ်လိုပြောင်းလဲသွားစေမလဲ? စောင့်ကြည့်လိုက်ကြအောင်ဗျာ