အခန်း (၈၈) သွေးနီရောင် မန်ဒါလာ လုပ်ကြံသတ်ဖြတ်မှု

ညဉ့်နက်လာတာနဲ့အမျှ သွယ်လျတဲ့ ပုံရိပ်တစ်ခုက ဗီလာရဲ့ အမှောင်ထုထဲမှာ လှုပ်ရှားသွားလာနေလေသည်။

ပုံမှန်ဆို ဗီလာမှာ ကင်းစောင့်နေတဲ့ ကိုယ်ရံတော်တွေ ရှိပေမယ့်၊ ဒီညတော့ ချင်းလန် က လူတစ်သိုက်ကို ကြာပန်းကလပ် မှာ ပိုက်ဆံသွားဖြုန်းဖို့ အထူး ညွှန်ကြားထားလေသည်။

သွေးနီရောင် မန်ဒါလာ က လျင်မြန်သွက်လက်စွာ လှုပ်ရှားပြီး ဗီလာထဲကို လွယ်လွယ်ကူကူ ဝင်ရောက်သွားလေသည်။

လုပ်ကြံသတ်ဖြတ်သူ တစ်ယောက်ရဲ့ အတွေ့အကြုံအရ သူမက ချင်းလန် ရဲ့ အိပ်ခန်းကို အမြန် ရှာတွေ့ပြီး တိတ်တဆိတ် ဝင်ရောက်သွားလေသည်။

စောင်အောက်က ခန္ဓာကိုယ်ကို မြင်လိုက်ရတော့ သူမရဲ့ ရင်ထဲမှာ သတ်ဖြတ်လိုစိတ်တွေ မြင့်တက်လာပြီး စောင်ကို ထိုးဖို့ ဓားမြှောင်ကို မြှောက်လိုက်လေသည်။

ဖောက်......

တစ်ချက်....

နှစ်ချက်.....

သုံးချက်......

သွေးမထွက်ဘူး ဘာဖြစ်သွားတာလဲ။

သွေးနီရောင် မန်ဒါလာ ရဲ့ လှပတဲ့ မျက်လုံးတွေထဲမှာ သံသယတွေ ပြည့်နှက်သွားပြီး သူမ စောင်ကို မကြည့်လိုက်တော့ အဲ့ဒီမှာ လဲလျောင်းနေတာ ချင်းလန် လုံးဝ မဟုတ်ကြောင်း တွေ့လိုက်ရလေသည်။

အဲ့ဒါက လူပုံစံ ဆီလီကွန် အရုပ်ကြီး ဖြစ်နေတာကိုး

ဘုန်း.....

တံခါးပိတ်သွားပြီး ချင်းလန် က တံခါးနောက်မှာ ရပ်နေကာ မမဟွီ အရုပ်ကို သုံးချက်တိတိ ထိုးနေတဲ့ သွေးနီရောင် မန်ဒါလာ ကို ပြုံးပြီး ကြည့်​နေကာ လှောင်ပြောင်လိုက်လေသည်။ 

“ရက်စက်လိုက်တဲ့ နည်းလမ်း ငါက မင်းလက်ထဲက သားကောင် တစ်ကောင်ကို လုယူလိုက်ရုံနဲ့တင် မင်းက ငါ့ကို သတ်ချင်နေတာလား”

“ငါ့သားကောင်ကို လုယူတဲ့ ဘယ်သူမဆို သေသင့်တယ်”

 သွေးနီရောင် မန်ဒါလာ ရဲ့ မျက်ဝန်းတွေ ကျဉ်းမြောင်းသွားပြီး လျင်မြန်စွာ တုံ့ပြန်ကာ ဓားမြှောင်ကို မြှောက်ပြီး ချင်းလန် ကို တိုက်ရိုက် တိုက်ခိုက်လိုက်လေသည်။

သူမက အရမ်း သန်မာလေသည်။ မန်တန် တောင်တန်း မှာ သူမ တိုက်ခိုက်ခဲ့တဲ့ ရဲ့ဖန် ထက် မလျော့နည်းပေ။

ချမ်းသာတဲ့ သခင်လေး တစ်ယောက်လောက်ကိုတော့ ပြောမနေပါနဲ့တော့။

သွေးနီရောင် မန်ဒါလာ ရဲ့ မျက်လုံးထဲမှာ ချင်းလန် က သူမကို တစ်ယောက်တည်း ရင်ဆိုင်ရဲတဲ့ မာနကြီးပြီး သေလမ်းရှာနေတဲ့ လူမိုက်တစ်ယောက်ပဲ။

လုပ်ကြံသတ်ဖြတ်မှု မအောင်မြင်ရင် အင်အားနဲ့ ချေမှုန်းပစ်မယ်။

အဆိပ်သုတ်ထားပြီး အနက်ရောင် အလင်းတန်း လက်နေတဲ့ ဓားမြှောင်က ချင်းလန် ရဲ့ လည်ပင်းဆီ ဝှေ့ယမ်းလာလေသည်။

အသက်တစ်ချောင်းကို လွယ်လွယ်ကူကူ ယူနိုင်တဲ့ နည်းလမ်း ဖြစ်သင့်ပေမယ့်၊ ချင်းလန် က လှုပ်ရှားမှု အနည်းငယ်နဲ့ ရှောင်တိမ်းလိုက်လေသည်။

ထို့ပြင် ချင်းလန် က ဘေးတိုက် ရှောင်နေရင်း ပေါင်ခြံကို တည့်တည့်ထိမှန်စေတဲ့ ကန်ချက် တစ်ချက် ထုတ်လွှတ်လိုက်လေသည်။

သွေးနီရောင် မန်ဒါလာ က အမျိုးသမီး ဖြစ်ပေမယ့်၊ ကိုယ်ကို ကွေးညွတ်မသွားဘဲ မနေနိုင်တော့ပေ။ သူမ သွားကြိတ်ပြီး ရက်စက်စွာ ဟိန်းဟောက်လိုက်လေသည်။ 

“နင် သေသင့်တယ်”

သူမက ထိပ်တန်း လုပ်ကြံသတ်ဖြတ်သူ သုံးဦး စာရင်းဝင် ဖြစ်ပြီး၊ လုပ်ကြံသတ်ဖြတ်သူ တစ်ယောက် အနေနဲ့ ပြီးပြည့်စုံတဲ့ ဂုဏ်သိက္ခာကို ပိုင်ဆိုင်ထားသူ ဖြစ်သည်။

ချင်းလန် က သူမရဲ့ သားကောင်ကို ခိုးယူပြီး ဝက်တွေ၊ ခွေးတွေကို မောင်းထုတ်သလိုမျိုး သူမကို ထွက်သွားဖို့ ခြိမ်းခြောက်ခဲ့သည်။

ဒါက သူမရဲ့မာန ကို ပြင်းပြင်းထန်ထန် ထိခိုက်စေခဲ့ပြီး အခု ချင်းလန် ရဲ့ မျက်နှာချင်းဆိုင် အရှက်ခွဲခံရပြီးနောက်၊ သူမမှာ သည်းခံနိုင်စွမ်း မရှိတော့ပေ။

 သူမ နောက်ထပ် အဆိပ်သုတ်ထားတဲ့ ဓားမြှောင် တစ်ချောင်းကို ထုတ်လိုက်ပြီး လက်နှစ်ဖက်နဲ့ ကိုင်ကာ ချင်းလန် ကို သစ်တော်ပွင့်တွေ မိုးရွာသလို တရစပ် တိုက်ခိုက်လိုက်လေသည်။

“ဓားနှစ်လက် သိုင်းပညာ စိတ်ဝင်စားစရာပဲ။”

ချင်းလန် က ကျောချမ်းစရာ သတ်ဖြတ်လိုစိတ်တွေ ထုတ်လွှတ်နေတဲ့ သွေးနီရောင် မန်ဒါလာ ကို ကြည့်ပြီး အနည်းငယ် ပြုံးလိုက်လေသည်။

 သူက အေးအေးဆေးဆေး လမ်းလျှောက်နေသလို၊ ဓားသွားပေါ် ကခုန်နေသလို ဖြစ်နေလေသည်။

သွေးနီရောင် မန်ဒါလာ ဘယ်လောက်ပဲ ရူးသွပ်သွားပါစေ၊ သူ့ခေါင်းက ဆံပင်တစ်ချောင်းတောင် မထိခိုက်စေနိုင်ပေ။

တွက်ချက်မှုအရ ဒီ သွေးနီရောင် မန်ဒါလာ ရဲ့ ခွန်အားက ၁၀၀ တောင် ကျော်မှာ မဟုတ်ပေ အများဆုံး ရှိလှ ရဲ့ဖန် အဆင့်မတက်ခင် အခြေအနေနဲ့ တူညီလောက်ရုံပဲ။

သတိပြုရမှာက ချင်းလန် ရဲ့ ခွန်အားက အခု ၃၂၀ ရှိနေပြီ ဖြစ်ပြီး၊ သူ့ရဲ့ လှုပ်ရှားမှု အမြင်အာရုံနဲ့ တုံ့ပြန်မှု အမြန်နှုန်းက သွေးနီရောင် မန်ဒါလာ ထက် အများကြီး သာလွန်နေပြီ ဖြစ်လေသည်။

ကစားရတာ နည်းနည်း ပျင်းလာတာနဲ့ ချင်းလန် သမ်းဝေလိုက်ပြီး၊ သွေးနီရောင် မန်ဒါလာ လက်ထဲက ဓားမြှောင်နှစ်ချောင်းကို ပေါ့ပေါ့ပါးပါး ရိုက်ထုတ်လိုက်ကာ သူမရဲ့ ဖြူဝင်းတဲ့ လက်ကောက်ဝတ် နှစ်ဖက်ကို ဖမ်းဆွဲပြီး ကျောနောက် ပို့ကာ နံရံမှာ ကပ်ဖိထားလိုက်လေသည်။

 “မလှုပ်နဲ့”

“ရှင်... ရှင် ဘယ်လိုလုပ် ဒီလောက် သန်မာရတာလဲ”

 သွေးနီရောင် မန်ဒါလာ ၏ အသံတွင် မယုံကြည်နိုင်မှုများ ပြည့်နှက်နေလေသည်။

ချင်းလန် ရဲ့ဖန် ကို သတ်ပြီးမှ သူမ ချောက်ကမ်းပါး အောက်ခြေကို ရောက်လာခဲ့တာလေ။ အဲ့ဒီတုန်းက ချင်းလန် က သူ့ကိုယ်ရံတော်တွေရဲ့ ပစ်ခတ်အားကို သုံးပြီး ရဲ့ဖန် ကို သတ်ခဲ့တာလို့ သူမ ထင်ခဲ့တာ။

 ဒီကောင် ဒီလောက် ခွန်အားကြီးမယ်လို့ မမျှော်လင့်ထားမိဘူး။

“ဒါကို အစွမ်းထက်တယ်လို့ ခေါ်တာလား ငါ့မှာ ပိုအစွမ်းထက်တာတွေ လာဦးမယ်”

ချင်းလန် အေးစက်စွာ နှာမှုတ်လိုက်ပြီး စနစ် ကျောပိုးအိတ်ထဲက ကြိုးနီတစ်ချောင်းကို ထုတ်ကာ သွေးနီရောင် မန်ဒါလာ ရဲ့ လက်ကောက်ဝတ်မှာ ချည်ပြီး သူမခန္ဓာကိုယ်ကို ရစ်ပတ်လိုက်လေသည်။

ခဏအတွင်းမှာပဲ ကောက်ကြောင်းလှပတဲ့ သွေးနီရောင် မန်ဒါလာ က ကြိုးနီနဲ့ ထူးဆန်းတဲ့ အထုံးအဖွဲ့ ပုံစံ ချည်နှောင်ခံလိုက်ရကာလုံးဝ မလှုပ်ရှားနိုင်တော့ဘဲ ကြမ်းပြင်ပေါ်မှာ လဲလျောင်းပြီး ညည်းညူသံတွေသာ ပြုလုပ်နိုင်တော့သည်။ 

သူမရဲ့ လှပတဲ့ မျက်လုံးတွေထဲမှာ သတ်ဖြတ်လိုစိတ်တွေ ရှက်ရွံ့မှုနဲ့ ဒေါသတွေ တပြိုင်နက်တည်း ပေါက်ကွဲထွက်ပေါ်နေလေသည်။

သူမ ဒီလို အရှက်ခွဲခံရတာမျိုး တစ်ခါမှ မကြုံဖူးပေ။

 ဒါက လုံးဝ အရှက်ရစရာပဲ။

သူမ ရင်ထဲက အရှက်ကို ဆေးကြောဖို့ ချင်းလန် ရဲ့ အသားနဲ့ သွေးကို ဝါးစားပစ်ချင်နေမိလေသည်။

ချင်းလန် သူမရှေ့မှာ ဆောင့်ကြောင့်ထိုင်လိုက်ပြီး အနက်ရောင် မျက်နှာဖုံးကို ဖယ်ရှားလိုက်ရာ ရင်သပ်ရှုမောဖွယ် လှပတဲ့ မျက်နှာလေး တစ်ခု လေထုထဲ ပေါ်လာလေသည်။

သူမရဲ့ မက်မွန်ပွင့် မျက်လုံးလေးတွေက ဆွဲဆောင်မှု ရှိလွန်းပြီး ဝိညာဉ်တွေကို ဖမ်းစားနိုင်သလို၊ ပြင်းထန်တဲ့ သတ်ဖြတ်လိုစိတ်နဲ့ ရှက်ရွံ့မှု၊ ဒေါသတွေ ရောနှောနေတာက သူမကို ပိုပြီး ဆွဲဆောင်မှု ရှိစေလေသည်။

“ငါ့ကို သတ်လိုက်”

သွေးနီရောင် မန်ဒါလာ သွားကြိတ်ပြီး အမိန့်ပေးသလို အေးစက်စွာ ပြောလိုက်ပေမယ့်၊ ချည်နှောင်ခံထားရတာကြောင့် အသက်ရှူ ကျပ်နေပြီး သူမရဲ့ အေးစက်တဲ့ အသံက မတည်မငြိမ် တုန်ယင်နေလေသည်။

ချင်းလန် က သွေးနီရောင် မန်ဒါလာ ရဲ့ မျက်နှာကို ညင်သာစွာ ပွတ်သပ်ပေးရင်း အံ့ဩတကြီး လျှာသပ်လိုက်လေသည်။

 “ဒီလောက် လှပတဲ့ မျက်နှာလေးနဲ့၊ ရုပ်ရည်ကို သုံးပြီး အသက်မွေးလို့ ရနေတာကို၊ ဘာလို့ ဒီလို အန္တရာယ်များတဲ့ အလုပ်တွေကို လုပ်နေရတာလဲ”

“အဓိပ္ပာယ်မရှိတာတွေ ပြောမနေနဲ့။ ငါ့ကို သတ်ရင်သတ်၊ မသတ်ရင် လွှတ်ပေး။ အခွင့်အရေး ရတာနဲ့ ငါ နင့်ကို သေချာပေါက် သတ်မယ်”

သွေးနီရောင် မန်ဒါလာ စိတ်လှုပ်ရှားလွန်းလို့ တစ်ကိုယ်လုံး ရှေ့ကို ကိုင်းကျလာပြီး လှပတဲ့ မျက်နှာလေးက အေးစက်တဲ့ ကြမ်းပြင်နဲ့ ထိကပ်သွားကာ ကွေးကောက်ထားတဲ့ ခြေထောက်တွေ ကြွတက်လာလေသည်။

ချင်းလန် က သွေးနီရောင် မန်ဒါလာ ရဲ့ လှပတဲ့ ကျောပြင်ကို ကြင်နာစွာ ဖိပေးလိုက်ပြီး စိတ်ပျက်တဲ့ လေသံနဲ့ ပြောလိုက်လေသည်။ 

“ဒီလောက် စိတ်မလှုပ်ရှားပါနဲ့၊ တစ်ခုခုနဲ့ တိုက်မိပြီး ထိခိုက်သွားရင် ဘယ်လိုလုပ်မလဲ”

“ငါ့ကို မထိနဲ့” 

သွေးနီရောင် မန်ဒါလာ အော်ဟစ်လိုက်လေသည်။

သူမ အမုန်းဆုံး အရာက တခြားသူတွေ လာထိတာပဲ။

အထူးသဖြင့် ယောကျ်ားတွေ။

သွေးနီရောင် မန်ဒါလာ ရဲ့ သတ်ဖြတ်လိုစိတ်ကို မြင်လိုက်ရတော့ ချင်းလန် စိတ်ထဲကနေ တွေးလိုက်မိသည်။ 

“ဒါက ယောကျ်ားမုန်းတီးရေး ဝါဒ  လား”

သားကောင် တစ်ကောင် ခိုးယူလိုက်ရုံနဲ့ အသတ်ခံရမယ့် အဆင့်ထိ နက်နက်ရှိုင်းရှိုင်း ဖြစ်နေပြီလား။

ထိလိုက်ရုံနဲ့တင် သူ့ရဲ့ သတ်ဖြတ်လိုစိတ်တွေ မြင့်တက်လာတာလား။

ဘာပဲဖြစ်ဖြစ် သူက အခု ကျွမ်းကျင်တဲ့ ဆရာဝန် တစ်ယောက်လေ၊ ဖျားနာသူတွေကို ကုသပေးပြီး အသက်ကယ်တင်မယ် ဆိုတဲ့ မြင့်မြတ်တဲ့ မူဝါဒကို လိုက်နာရမည်။

ကလီစာတွေထဲ ဗိုင်းရပ်စ် ဝင်နေတဲ့ လူနာတစ်ယောက်ကို တွေ့နေရလျက်နဲ့ ဘယ်လိုလုပ် လက်ပိုက်ကြည့်နေနိုင်မှာလဲ။

အောင်မြင်မှု ရလာတဲ့အခါ လောကကြီးက တခြားသူတွေကို ကူညီသင့်တယ်လေ။

သွေးနီရောင် မန်ဒါလာ က ဒါကို ကြောက်နေမှတော့၊ သူမရဲ့ စိတ်ပိုင်းဆိုင်ရာ အရိပ်မည်း ကို ကျော်လွှားနိုင်အောင် ကူညီပေးဖို့ လိုအပ်တာပေါ့။

တစ်မိနစ် ကြာပြီးနောက်.....

အိပ်ခန်းထဲကနေ ရင်ကွဲပက်လက် အော်ဟစ်သံကြီး တစ်သံ ထွက်ပေါ်လာလေသည်။ 

“ချင်းလန် နင့်ကို သတ်မယ်”