အခန်း (၅၈) စုရှောင်းရှောင်း ဖမ်းစားခံလိုက်ရပြီ

ညဉ့်နက်ပိုင်းတွင် ထျန်ဟိုင်မြို့ သည် ပိုင်ရှောက်ချွမ် ၏ အကန့်အသတ်မရှိသော ဒေါသများအောက်တွင် ပရမ်းပတာ ဖြစ်သွားခဲ့လေကာ မြို့တော် ရဲအင်အား၏ ထက်ဝက်နီးပါးကို ရှာဖွေရေးအတွက် အသုံးပြုခဲ့ရလေသည်။

တခြား ရွေးချယ်စရာ မရှိပေ ပိုင်ရှောက်ချွမ် သည် ထျန်ဟိုင်မြို့၏ အဓိကအခွန်ပေးဆောင်သူ ဖြစ်သည်။ 

သူ့မှာသာ တစ်ခုခု ဖြစ်သွားခဲ့ရင် ဗျူရိုက

အထက်လူကြီးတွေ အနေနဲ့ ဒီကိစ္စကို အလေးအနက်ထားပြီး သူ စိတ်ကျေနပ်အောင် လုပ်ပေးရလိမ့်မည်။

မဟုတ်ရင် တစ်နေ့နေ့မှာ ပိုင်ရှောက်ချွမ် စိတ်ဆိုးသွားပြီး သူ့စီးပွားရေးကို တခြား ပြည်နယ်ဆီ ပြောင်းရွှေ့လိုက်ရင် ဘယ်လိုလုပ်မလဲ။

အဲ့ဒီအချိန်ကျရင် ထျန်ဟိုင်မြို့ ရဲ့စီးပွားရေး အလုပ်အကိုင် အများအပြားဟာ ပိုင်ရှောက်ချွမ် ထွက်ခွာသွားတာနဲ့အတူ လုံးဝ ဆုံးရှုံးသွားပေလိမ့်မည်။

ဒါ့အပြင် နဂါးနက် အသင်း ရဲ့ လူအင်အား ၈၀% နီးပါးလည်း အပြင်ထွက်ပြီး လှုပ်ရှားနေကြလေသည်။

ဖိအားတွေ ရှိနေတဲ့ ရဲစခန်းနဲ့ ယှဉ်လိုက်ရင် နဂါးနက် အသင်း ကတော့ ပိုက်ဆံရဲ့ တွန်းအားကြောင့် လှုပ်ရှားနေတာ ထင်ရှားလေသည်။ 

လမ်းလျှောက်နေရုံနဲ့ ပိုက်ဆံရနိုင်တာပဲလေ။ ဘယ်လူမိုက်ကငြင်းဆန်မှာလဲ ကံကောင်းပြီး တစ်ယောက်ယောက်ကို တွေ့လိုက်ရင် အဲ့ဒါက ယွမ် သန်းပေါင်းများစွာ တန်တဲ့ ဆုကြေးပဲ။

ဒီလို အခြေအနေတွေအောက်မှာ ချင်းလန် က စုရှောင်းရှောင်း နဲ့အတူ ကစားကွင်းမှာ နေပြီး ပိတ်ချိန်အထိ ကစားပြီးမှ ပြန်လာခဲ့လေသည်။

ဗီလာကို ပြန်ရောက်ရောက်ချင်းမှာပဲ ချူကျူအာ ဆီက ဖုန်းဝင်လာပြီး သူမက ချက်ချင်း ပြောလိုက်လေသည်။

 “ပိုင်ရှောက်ယဲ့ ပြန်ပေးဆွဲ ခံလိုက်ရပြီ”

ချင်းလန် ရယ်မောလိုက်လေသည်။ 

“ပြန်ပေးဆွဲ ခံရတော့ ဘာဖြစ်လဲ ဘာလို့ ငါ့ကို လာပြောနေတာလဲ”

ချူကျူအာ ၏ အသံတွင် သံသယ အရိပ်အယောင်များ ပါဝင်နေလေသည်။

 “ဒီကိစ္စက ရှင်နဲ့ ဘာမှ မဆိုင်ဘူးလား”

သူမ တစ်ခုခု မှားနေတယ်လို့ ဝေဝါးဝါး ခံစားမိနေသည်။ ဒီနေ့ကမှ ချင်းလန် က ပိုင်ရှောက်ယဲ့ နဲ့ သွားတိုးမိ ပြီးတော့ အဲ့ဒီကောင် ပြန်ပေးဆွဲ ခံလိုက်ရတာ။ 

တိုက်ဆိုင်လိုက်တာ.....

ဒါ့အပြင် ချင်းလန် ဘယ်လို လူစားလဲဆိုတာ သူမ သိသည်။ ဘာအကြောင်းပြချက်မှ မရှိရင် ဘာလို့ဘား မှာတုန်းက သူ့အကြောင်း ဒီလောက် ဝီရိယရှိရှိစုံစမ်းနေခဲ့မှာလဲ။

ထို့အပြင် သူစုံစမ်းပြီးပြီးချင်းမှာပဲ တစ်ခုခု မှားယွင်းသွားခဲ့တာ၊ ဒီမှာ သေချာပေါက် မရိုးသားတာ တစ်ခုခု ရှိနေရမယ်။

ချင်းလန် ရယ်မောလိုက်လေသည်။ 

“ငါ့ကို စိတ်ပူနေတာလား လက်တုံ့ပြန် ခံရမှာ ကြောက်လို့လား”

ချူကျူအာ အေးစက်စွာ နှာမှုတ်လိုက်လေသည်။

 “စိတ်ကူးယဉ်နေလိုက် ရှင့်ကို စိတ်ပူရမယ် ရှင်က မအိပ်ခင်ကတည်းက အိပ်မက်မက်နေပြီလား”

“ဘာပဲဖြစ်ဖြစ် ပိုက်ဆံက အားကောင်းတဲ့ တွန်းအား ဖြစ်လာနိုင်တယ်လေ။ ဒီတစ်ခါ ပိုင်ရှောက်ချွမ် က ဆုကြေး အများကြီး ပေးထားတယ်၊ ပိုင်ရှောက်ယဲ့ ကို ကယ်တင်နိုင်တဲ့သူ ဘယ်သူမဆို ယွမ် သန်း ၅၀၀ ရမယ်တဲ့”

ချင်းလန် ရယ်မောလိုက်လေသည်။ 

“သန်းငါးရာ၊ တော်တော် များတာပဲ။ ငါ့ရဲ့ နှစ်ဝက်စာ မုန့်ဖိုးလောက် ရှိတယ်။ မင်း သဲလွန်စ တစ်ခုခု တွေ့ထားလား ငါတို့ အတူတူ ပိုက်ဆံရှာလို့ ရတာပေါ့။ ငါတို့က မိသားစု ဖြစ်လုနီးပါး ဖြစ်နေပြီပဲ၊ ခွဲလို့မရတော့ဘူးလေ။”

ချူကျူအာ က ချင်းလန် ရဲ့ လေသံကို ယဉ်ပါးနေပြီဖြစ်၍ ရက်ရောစွာ ပြောလိုက်လေသည်။ 

“ရတာပေါ့၊ ဒီမှာ သံသယရှိသူ တစ်ရာကျော် ရှိတယ်၊ အားလုံးက ပိုင်ရှောက်ယဲ့ နဲ့ ရန်ငြိုးရှိဖူးသူတွေချည်းပဲ။ ရှင်က သတင်းရောင်းဝယ်သူ ဆိုတော့ သူတို့ရဲ့ အချက်အလက်တွေကို ကျွန်မဆီ ပေးပါလား”

ဒေါက်......

ဒါကို ကြားလိုက်ရတော့ ချင်းလန် က စကားတစ်ခွန်းမှ မပြောဘဲ ဖုန်းချလိုက်လေသည်။

ရန်သူ တစ်ရာကျော်

တော်တော် ဟုတ်နေပါလား အဲ့ဒီကောင်စုတ် ပိုင်ရှောက်ယဲ့ က ပြဿနာ ဘယ်လိုရှာရမလဲ ဆိုတာ တကယ် သိတာပဲ။

ဒီကောင်က နေရာတိုင်းမှာ ရန်သူတွေ ဖန်တီးတတ်တဲ့ လူယုတ်မာ လူဆိုးတစ်ယောက် ဆိုတာ သူ သိပေမယ့်ဒီလောက်များတဲ့ ရန်သူတွေ ရှိလိမ့်မယ်လို့ တကယ် မမျှော်လင့်ထားခဲ့မိပေ။

တချို့နေရာတွေမှာတော့ သူ ပိုင်ရှောက်ယဲ့ ကို ကျေးဇူးတင်သင့်လေသည်။ ဘာလို့လဲဆိုတော့ ဒီကောင်က သူ့အပေါ် သံသယဝင်မှုတွေကို လုံးဝနီးပါး ရှင်းလင်းပေးလိုက်လို့ပင်။

တစ်ခုတည်းသော စိုးရိမ်စရာက ချူကျူအာ ပင်။ 

သူမက သူ့ကို မသိမသာ အရိပ်အမြွက် ပေးဖို့ ဖုန်းဆက်လာပြီးပြီလေ၊ ဒါက တမင်တကာ သတိပေးလိုက်တာ မဟုတ်ဘူးလား။

သူမ တကယ်သာ ဖွင့်ချချင်ရင် ပိုင်ရှောက်ချွမ် က သူတို့အိမ်ရှေ့ တန်းရောက်နေလောက်ပြီ။

ငါနဲ့ မဆိုင်ရင် ငါ ဝင်မပါဘူး။

အရမ်း ဂရုစိုက်လွန်းရင် သဲလွန်စတွေ သတိထားမိဖို့ လွယ်ကူသွားလိမ့်မယ်။

လက်ရှိ အခြေအနေအရ ကိစ္စတွေ ပိုပြီး ကိုင်တွယ်ရ လွယ်ကူလာဖို့အတွက် နည်းနည်းလေး ဆက်ပြီးစောင့်ရဦးပေမည်။

ဒေါက် ဒေါက်.....

ချင်းလန် အတွေးနက်နေစဉ်မှာပဲ စုရှောင်းရှောင်း တံခါးခေါက်ပြီး ဝင်လာခဲ့လေသည်။ 

သူမသည် တစ်နေရာရာမှ ရှာတွေ့ထားသော အဝတ်အစားများကို ဝတ်ဆင်ထားပြီး ၎င်းတို့က သူမ၏ သွယ်လျသော ကိုယ်လုံးကိုယ်ပေါက်ကို ပြီးပြည့်စုံစွာ ပေါ်လွင်စေလေသည်။ 

စုရှောင်းရှောင်း ၏ ကိုယ်လုံးက ထွားကြိုင်းခြင်း မရှိသော်လည်း သူမသည် နုပျိုလှပပြီး လူငယ်ဆန်သော ဆွဲဆောင်မှုနှင့် နူးညံ့သိမ်မွေ့သော အလှတရားတို့ကို ထုတ်ဖော်ပြသနေလေသည်။ 

အထူးသဖြင့် ဒီအချိန်မှာ ခေါင်းငုံ့ထားတဲ့ သူမပုံစံက သနားကရုဏာ သက်စရာ ကောင်းလှသည်။

“ရှောင်းရှောင်း၊ ဒီအဝတ်အစားတွေကို ဘယ်က တွေ့တာလဲ” 

ချင်းလန် အံ့ဩတကြီး မေးလိုက်လေသည်။

စုရှောင်းရှောင်း မျက်နှာ နီရဲသွားပြီး ပြောလိုက်လေသည်။ 

“သခင်လေး၊ လက်ဖက်ရည်ခန်း သန့်ရှင်းရေး လုပ်တုန်းက ဗီဒိုအသေးလေးထဲက တွေ့တာပါ။”

“ကျွန်မ... ကျွန်မ ဒီလို ဝတ်ထားတာ သခင်လေး သဘောကျရဲ့လား”

သူမက ကလေးတစ်ယောက် မဟုတ်တော့ပေ။ ဒီဝတ်စုံကို တွေ့လိုက်တာနဲ့ ချင်းလန် တိတ်တဆိတ် ဝှက်ထားမှန်း သူမ သဘာဝကျကျ သိလိုက်လေသည်။ 

သူမ ရှာတွေ့တဲ့ ဝတ်စုံ အနည်းငယ်ထဲမှာ ဒါကတစ်ခုတည်းသော ပုံမှန် ဝတ်စုံ ဖြစ်နေတာကြောင့် သူမ သတ္တိမွေးပြီး ဝတ်ဆင်လိုက်ခြင်း ဖြစ်သည်။

ချင်းလန် ကြိုက်လို့ ဒီအဝတ်အစားတွေကို ဝယ်ထားတာ ထင်ရှားနေသည်။

စုရှောင်းရှောင်း ရဲ့ နှလုံးသားထဲမှာ သခင်လေး ကြိုက်တဲ့ ဘယ်အရာမဆို သူမ အကောင်းဆုံး ကြိုးစားပြီး လုပ်ပေးဖို့ ဆန္ဒရှိနေသည်။

ချင်းလန် လက်ညှိုးနဲ့ ကွေးပြလိုက်ရာ စုရှောင်းရှောင်း က ကြောက်ကြောက်ရွံ့ရွံ့နဲ့ ရှေ့တိုးလာပြီး သူ့ပေါင်ပေါ် ထိုင်ကာ ဖက်ထားခံရစဉ် တိတ်ဆိတ်နေလေသည်။

“မင်း ဘာလုပ်နေလဲ ဆိုတာ သိရဲ့လား။”

ချင်းလန် က စုရှောင်းရှောင်း ကို စိတ်ဝင်တစား စိုက်ကြည့်နေပြီး သူမရဲ့ တုံ့ပြန်မှုကို မြင်လိုက်ရတော့ သူ အလုပ်ကောင်းကောင်း လုပ်ခဲ့တယ် ဆိုတာ သိလိုက်လေသည်။

သူက မီးလောင်ရာ လေပင့်ပေးဖို့ လိုမယ်လို့ ထင်ခဲ့ပေမယ့် စုရှောင်းရှောင်း ကိုယ်တိုင် သူ့ဆီ ရောက်လာလိမ့်မယ်လို့ လုံးဝ မမျှော်လင့်ထားခဲ့မိပေ။

“အင်း”

စုရှောင်းရှောင်း မျက်လုံးတွေ ဝေဝါးလျက် ခေါင်းညိတ်လိုက်လေသည်။ ဒီညတော့ သူမ သွားပြီ ဆိုတာ သိပေမယ့် ခုခံချင်စိတ် နည်းနည်းလေးတောင် မဖြစ်ပေါ်လာခဲ့ပေ။

ဘာလို့လဲဆိုတော့ ကဏ္ဍတိုင်းမှာ သူမ ချင်းလန် ရဲ့ သိမ်းပိုက်ခြင်းကို လုံးဝ ခံလိုက်ရပြီး တစ်သက်လုံး အနိုင်ကျင့်ခံရဖို့ ကံပါလာပုံရလို့ပင်။

ကျောင်းအုပ်ကြီး ပြောခဲ့သလိုပဲ၊ မိန်းကလေး တစ်ယောက်က သူမရဲ့ ဘဝကို ပုံအပ်ဖို့ သူမ နှစ်သက်တဲ့ ကောင်လေး တစ်ယောက်ကို သေချာပေါက် ရှာဖွေဖို့ လိုအပ်သည်။

သူမက ကြွယ်ဝချမ်းသာမှု၊ ဂုဏ်ဒြပ်တွေနဲ့ လက်ထပ်ဖို့ ဘယ်တုန်းကမှ စိတ်ကူးမယဉ်ခဲ့သလို၊ သစ်ကိုင်းဖျားက ဇာမဏီငှက် ဖြစ်လာဖို့လည်း ဘယ်တုန်းကမှ မမျှော်လင့်ခဲ့ဖူးပေ။

သူမ မျက်လုံးထဲမှာ ချင်းလန် က အမြဲတမ်း သူမရဲ့ သခင်လေး ဖြစ်ပြီး၊ သူမ ဖြည့်ဆည်းပေးရမယ့်သူ တစ်ယောက် ဖြစ်သည်။

သို့သော် ထပ်ခါထပ်ခါ နားလည်မှု လွဲမှားခဲ့ခြင်းတွေက သူမကို ချင်းလန် အပေါ် အပြစ်ရှိသလို ခံစားစေခဲ့သည်။

ချင်းလန် သာ သူမအပေါ် ရက်စက်ခဲ့ရင် သူမ ကိုယ်တိုင်က အမှားအမှန် မခွဲခြားဘဲ ချင်းလန် ကို အသရေဖျက်ခဲ့မိလို့ ဒါက သဘာဝကျပါတယ်လို့ သူမ ခံစားမိမှာ သေချာသည်။

ဒါပေမဲ့ လက်တွေ့မှာကျတော့ရော။

ချင်းလန် က သူမအပေါ် မရက်စက်ရုံတင်မကဘဲ၊ သူမကို နာကျင်အောင် လုပ်ဖို့လည်း မရည်ရွယ်ခဲ့ပေ။

 ဆန့်ကျင်ဘက် အနေနဲ့ သူက သူမကို နည်းလမ်းပေါင်းစုံနဲ့ ကာကွယ်ပေးခဲ့တယ်၊ တခြား ဘာကိုမှ ဂရုမစိုက်ဘဲ သူမအကြောင်း တွေးပေးခဲ့တယ်၊ ပြီးတော့ သူမကို ကောင်းကောင်းမွန်မွန် ဆက်ဆံခဲ့တယ်။

အရေးအကြီးဆုံးက ချင်းလန် က သူမကြောင့် သူမရဲ့ ငယ်ဘဝ ဆန္ဒတွေကိုပါ သိသွားခဲ့သည်။

ရိုးရိုးသားသား ပြောရရင် ချင်းလန် သာ မစတင်ခဲ့ရင် သူမ အဲ့ဒီအရာတွေကို ပြန်လုပ်ဖို့ တွေးမိမှာတောင် မဟုတ်ပေ။ 

ဘာပဲဖြစ်ဖြစ် လက်တွေ့ဘဝက အရမ်း ပင်ပန်းနေပြီလေ၊ ငယ်ဘဝရဲ့ လှပမှုတွေကို ပြန်လွမ်းဆွတ်ဖို့၊ ဒါမှမဟုတ် ငယ်ငယ်တုန်းက ဆန္ဒတွေကို ဖြည့်ဆည်းဖို့ သူမ ဘယ်ကနေ အချိန်ရနိုင်မှာလဲ။

စုရှောင်းရှောင်း ခေါင်းမော့လိုက်ပြီး ပါးပြင်တွေ နီရဲလျက် ချင်းလန် ကို စိုက်ကြည့်လိုက်လေသည်။

သူမက ဈေးဝယ်စင်တာမှာ တွေ့ဆုံခဲ့ရပုံတွေ၊ သခင်လေးက သူမအတွက် စုံတွဲတစ်တွဲကို အာဏာရှင်ဆန်ဆန် အပြစ်ပေးခဲ့တဲ့ မြင်ကွင်းတွေကို ပြန်သတိရမိသလို ဖြစ်နေလေသည်။

သူမ အထင်လွဲတုန်းက သခင်လေး မျက်လုံးထဲက နာကြည်းမှုတွေနဲ့ သူမကို အပြစ်မပေးရက်တဲ့ သူ့မျက်လုံးထဲက နူးညံ့မှုတွေကို ပြန်သတိရမိလေသည်။

သူမ ဗိုက်နာတုန်းက သခင်လေးက ညင်သာစွာ နှစ်သိမ့်ပေးပြီး သူမဘေးမှာ နေပေးခဲ့တာတွေကို ပြန်သတိရမိလေသည်။

တဖြည်းဖြည်းနဲ့ စုရှောင်းရှောင်း ရဲ့ မျက်လုံးထဲမှာ တခြား ပုံရိပ်တွေ မရှိတော့ပေ။

သူမရဲ့ ကမ္ဘာကြီး တစ်ခုလုံးမှာ ချင်းလန် တစ်ယောက်တည်းသာ ကျန်ရှိတော့ပြီး သူမစိတ်ကို အပြည့်အဝ လွှမ်းမိုးထားလေတော့သည်။