အခန်း (၂၂) ပိုင်ရှောင်ယွင်ညဘက်ခိုးဝင်လာခြင်း
“ဒင်! ဇာတ်လိုက်မင်းသမီး ပိုင်ရူယွီသည် ပြင်းထန်တဲ့ စိတ်ခံစားမှု ကြုံခဲ့ရတာကြောင့် အိမ်ရှင်သည် +500 ဗီလိန်အမှတ် ရရှိတာကို ဂုဏ်ယူပါသည်။”
“ဒင်! ဇာတ်လိုက်မင်းသမီး ပိုင်ရူယွီရဲ့ နှစ်သက်မှုအဆင့် တိုးလာတာကြောင့် အိမ်ရှင်သည် +800 ဗီလိန်အမှတ် ရရှိတာကို ဂုဏ်ယူပါသည်။။”
“ဒင်! ဇာတ်လိုက်မင်းသမီး ပိုင်ရှောင်ယွင်ရဲ့ နှစ်သက်မှုအဆင့် ဆက်လက်တိုးလာတာကြောင့် အိမ်ရှင်သည် +1000 ဗီလိန်အမှတ် ရရှိတာကို ဂုဏ်ယူပါသည်။”
…
သူ့နားထဲမှာ စနစ်ရဲ့အဆက်မပြတ်မြည်နေတဲ့ အသိပေးချက်တွေကို နားထောင်ရင်း ချင်းလန်က
ပျော်ရွှင်သွားလေသည်။
ခဲတစ်လုံးနဲ့ ငှက်နှစ်ကောင်ရလိုက်တာပဲ။ဒီညီအစ်မနှစ်ယောက်က အရမ်းချစ်စရာကောင်းလေသည်။
ချင်းလန်ကသူ့ရဲ့ နီနေတဲ့ မျက်နှာကို ပုံမှန်ဖြစ်သွားအောင် အသက်ပြင်းပြင်း ရှူလိုက်ပြီး
အဲ့ဒီ အဘိုးကြီး ပိုင်ရှောက်ချွမ်က သူ့ကိုအရက်မူးအောင် လုပ်နိုင်မယ်လို့ တကယ် ထင်နေတာလား။ ဒါက လုံးဝ အဓိပ္ပာယ်မရှိတာပဲ။
သူ့အရင်ဘဝတုန်းက စီးပွားရေးကိစ္စတွေကို အကြောင်းပြပြီး တခြားသူတွေကို အရက်အတင်းတိုက်တဲ့သူတွေနဲ့ ခဏခဏ ကြုံခဲ့ရပြီး ခဏခဏ သောက်ခဲ့ရလေသည်။
အခုကတော့ ပြောစရာတောင် မလိုတော့ပေ သူ့ရဲ့ ခွန်အားက အရင်ကနဲ့ လုံးဝ မတူတော့တာကြောင့် အခုသူ ဘယ်လောက် သောက်နိုင်လဲဆိုတာ သူကိုယ်တိုင်တောင် မသိတော့ပေ။
ပြီးနောက် သူက မိန်းကလေးတစ်ယောက်ရဲ့ အနံ့လေးသင်းနေတဲ့ ကုတင်ကြီးပေါ်မှာ လှဲနေရင်း ဆံပင်အရောင်မျိုးစုံနဲ့ ချောမောတဲ့ ယောက်ျားတွေရဲ့ စတစ်ကာတွေနဲ့ ဖုံးလွှမ်းနေတဲ့ ပန်းရောင်အခန်းကို ပတ်ပတ်လည် ကြည့်လိုက်ပြီး
“ဒီကောင်မလေးက ချစ်စရာကောင်းပြီးတော့ မကောင်းတဲ့ စိတ်တွေမရှိဘူး”
ဟုတွေးလိုက်မိသည်။
ချင်းလန်က နွေးထွေးပြီး သက်တောင့်သက်သာရှိတဲ့ အိပ်ယာက အနံ့လေးကိုရှူလိုက်တော့ ချိုအီအီ ရနံ့သင်းသင်းလေး ကျန်နေတုန်းဖြစ်လေသည်။သူက ပိုင်ရှောင်ယွင်က သူ မလာခင်အထိ ကုတင်ပေါ်မှာလှဲ နေမှာပဲလို့ တွေးလိုက်မိသည်။
အဲ့ဒီ့ ကျန်နေတဲ့ရနံ့လေးကိုရှူပြီး ချင်းလန်က
ခဏလောက် မှေးလိုက်လေသည်။
ပိုင်မိသားစုရဲ့ မျက်စိထဲမှာတော့ သူက အခုလုံးဝ
မူးပြီး မှောက်နေလေပြီ ဒီအချိန်မှာ ပိုင်ရူယွီဆီ သွားပြီး သူ့ကို စည်းရုံးဖို့ သွားတာက နည်းနည်းတော့
မရိုးသားသလို ဖြစ်နေပေလိမ့်မည်။
သူက တကယ်ပဲ ပင်ပန်းနေလို့လား၊ ဒါမှမဟုတ် ပိုင်ရှောင်ယွင်ရဲ့ အခန်းထဲကကိုယ်သင်းနံ့လေးက သူ့ကို အိပ်ပျော်သွားစေတာလားတော့ မသိပေ ချင်းလန်က တဖြည်းဖြည်းနဲ့ အိပ်ပျော်သွားလေသည်။
ကျွီ!
ဘယ်လောက်ကြာသွားမှန်း မသိပေ အိမ်ကြီးက တိတ်ဆိတ်သွားပြီးတော့ တံခါးက တိုးတိုးလေး ပွင့်လာလေသည်။
ချင်းလန်ရဲ့ ခွန်အားသာ အဆင့်များစွာ မတိုးတက်ခဲ့ရင် ဒါကိုသိနိုင်မှာ မဟုတ်ပေ။
ပျော့ပျောင်းတဲ့ ပုံရိပ်တစ်ခုက အမှောင်ထဲကနေ
ကုတင်ပေါ်ကို တိုးဝင်လာပြီး သူမရဲ့ သေးငယ်တဲ့ ခန္ဓာကိုယ်လေးက စိတ်လှုပ်ရှားမှုကြောင့် တုန်ယင်နေသည်။
“အစ်ကိုချောလေး အစ်ကိုချောလေး”
ပိုင်ရှောင်ယွင်က တိုးတိုးလေး စမ်းသပ်ပြီးခေါ်လိုက်သည်။
ချင်းလန်က မျက်လုံးတွေကို ပိတ်ထားလိုက်ပြီး တစ်ဖက်လှည့်လိုက်ကာ အိပ်ချင်ယောင်ဆောင်နေလိုက်သည်။
ဒီည အရေးကြီးတဲ့ ကိစ္စရှိသေးတယ် ပိုင်ရူယွီကို စည်းရုံးရမယ် ဒီ ငတုံးမလေး ပိုင်ရှောင်ယွင်ကို နှောင့်နှေးအောင် ခွင့်ပြုလို့ မဖြစ်ဘူး ဟုစိတ်ထဲကနေတွေးလိုက်သည်။
“ဟီး...”
ပိုင်ရှောင်ယွင်က ကျေနပ်စွာ ရယ်မောလိုက်ပြီး
ချင်းလန်ကို ကျော်ခွပြီး တခြားတစ်ဖက်မှာ လှဲချလိုက်ကာ သူမရဲ့ ကြီးမားပြီး အရည်လဲ့နေတဲ့ မျက်လုံးလေးနဲ့ ချင်းလန်ကို စိုက်ကြည့်နေလေသည်။
“သူ အရမ်းချောလိုက်တာ... ငါအရမ်းငယ်နေတာက ဆိုးတာပဲ။ ငါသာ နောက်ထပ် နှစ်အနည်းငယ်လောက် ကြီးရင် ဒီအစ်ကိုချောလေးနဲ့ လက်ထပ်ပေးဖို့ အဖေ့ကို ပြောလို့ရပြီ။”
ပိုင်ရှောင်ယွင်က သူ့ကို အချစ်ဆိပ်တက်နေတဲ့မိန်းကလေးတစ်ယောက်လို စိုက်ကြည့်နေကာ
“ကြည့်လို့ကို မဝဘူး။ ကြည့်လေလေ ပိုကြိုက်လာလေလေပဲ။”
ဟုတွေးလိုက်မိသည်။
သူမကို တကယ်ပဲငတုံးမလို့ ထင်နေတာလား သူမက ချောတဲ့ ယောက်ျားတွေကိုပဲ ကြိုက်ပြီး ဦးနှောက်မရှိဘူးတဲ့လား။
ဟမ့်!
သူမက အဲ့လောက်ထိတော့မတုံးသေပေ။
ချင်းလန်က သူမအဖေကို ဖိအားတွေပေးနိုင်လောက်တဲ့ထိ ကြီးမားတဲ့ မိသားစုကနေ လာတာတင်မကပဲ ခုနက ညစာစားပွဲမှာလည်း ချင်းလန်ရဲ့ စကားလုံးတွေက သူမ အစ်မအတွက် ထောက်ခံပြောဆိုပေးခဲ့လေသည်။
ဟုတ်ပါတယ်၊ အရေးကြီးဆုံးကတော့ ချင်းလန်က အရမ်းချောတာပင် သူ ပြုံးလိုက်တဲ့အခါတိုင်း သူမကို မူးမေ့သွားစေနိုင်လေသည်။
ဒီ အစ်ကိုချောလေးက ကာတွန်းစာအုပ်ထဲက ဇာတ်လိုက် မင်းသားလေးဆိုတာ ရှင်းနေတာပဲ မဟုတ်လား။
သူမက ချင်းလန်ကိုသူ့အိပ်ရာမှာ ပေးနေခိုင်းပေမယ့် တကယ်တမ်းမှာတော့ သူမမှာ ကိုယ်ပိုင်အစီအစဉ်တွေ ရှိနေနှင့်ပြီးသားပင်။
“သူ့နှာတံက အရမ်းဖြောင့်စင်းပြီး မျက်တောင်တွေက အရမ်းရှည်တာပဲ ပြီးတော့ သူ့နှုတ်ခမ်းပါးပါးလေးတွေရဲ့ အရသာက ချိုမလား မသိဘူး”
ပိုင်ရှောင်ယွင်က သူ့ကိုသေချာ ကြည့်လိုက်သည်။ သူမ ကြည့်လေလေ၊ ချင်းလန်က ပိုချောလာသလိုပင် သူ အိပ်ပျော်နေတဲ့အချိန်မှာတောင် သူ့ရဲ့မျက်နှာအသွင်အပြင်တွေက သူမရဲ့ အလှအပ စံနှုန်းတွေနဲ့ လုံးဝ ကိုက်ညီနေလေသည်။
သူမက သတ္တိမွေးလိုက်ပြီး ချင်းလန်အနားကိုအနည်းငယ် တိုးလိုက်ကာ သူမရဲ့ စိုစွတ်တဲ့ နှုတ်ခမ်းလေးကို စူလိုက်ပြီး သူ့ကို နမ်းမလို လုပ်လိုက်ပေမယ့် တစ်ဝက်တစ်ပျက်မှာ ရုတ်တရက် ရပ်လိုက်သည်။
“ဒါက နည်းနည်းတော့ မကောင်းသလိုပဲ”
ပိုင်ရှောင်ယွင်က သူ့ဘာသာသူ တွေးလိုက်မိသည်။
ဒါက သူမရဲ့ပထမဆုံး အနမ်းဖြစ်ပြီး သူနဲ့ စကားတောင်သေချာမပြောရသေးခင်မှာ ဒီလောက် အလွယ်တကူ ပေးလိုက်ရတာက နည်းနည်းပေါ့ပျက်ပျက်နိုင်လွန်းမနေဘူးလား။
အနည်းဆုံးတော့ သူမကသူ နိုးလာတဲ့အထိ စောင့်ပြီးမှ နမ်းသင့်တယ်။
နှမြောစရာပဲ...
ပိုင်ရှောင်ယွင်က တိုးတိုးလေး ရေရွတ်လိုက်ပြီး စောင်ခြုံထဲကို တိုးဝှေ့ဝင်လိုက်ကာ ချင်းလန်ရဲ့ ရင်ခွင်ထဲမှာ ကွေးကွေးလေးလှဲလိုက်ရင်း သူ့ရဲ့ နွေးထွေးတဲ့ ရင်ဘတ်နဲ့ ထင်ရှားတဲ့ ဝမ်းဗိုက်ကြွက်သားတွေကိုတွေ့ပြီး သူမရဲ့ လက်နဲ့မပွတ်သပ်ဘဲ မနေနိုင်ခဲ့ပေ။
အဲ့ဒီညက ပိုင်ရှောင်ယွင်က တိုက်အသစ်တစ်ခုကို ရှာဖွေတွေ့ရှိခဲ့တဲ့ ကိုလံဘတ်စ်လိုပဲ ဟိုနေရာဒီနေရာကို လျှောက်ကိုင်ကြည့်ရင်း သူမက ပိုပိုပြီး ရဲတင်းလာကာ တချို့နေရာတွေပါ ထိမိကုန်သည်။
“ဒင်! ဇာတ်လိုက်မင်းသမီး ပိုင်ရှောင်ယွင်က ပြင်းထန်တဲ့ ရှက်ရွံ့မှု ခံစားနေရပါသည်။ အိမ်ရှင်သည်
+800 ဗီလိန်အမှတ် ရရှိတာကို ဂုဏ်ယူပါသည်။။”
ထို့နောက် ပိုင်ရှောင်ယွင်က ထရပ်လိုက်ကာ မျက်နှာလေး နီရဲပြီး ထိတ်လန့်တကြားနဲ့ ထွက်ပြေးသွားတော့
သည်။
သူမထွက်ပြေးသွား ပြီးတဲ့နောက်မှာတော့ ချင်းလန်က မျက်လုံးဖွင့်လိုက်ပြီး ခါးသက်သက် ပြုံးလိုက်လေသည်။
ဒီ ပိုင်ရှောင်ယွင်ကတော့
သူမက ညသန်းခေါင်ကြီးမှာ သူ့ဘေးမှာ သုံးလေးနာရီနီးပါး နေသွားပြီး သူ့ခန္ဓာကိုယ်ကို မမောမပန်းနိုင်ဘဲ ကိုင်တွယ်သွားလေသည်။
ညက တော်တော်နက်လာတာနဲ့အမျှ ချင်းလန်က ပိုင်ရူယွီကို ရှာဖို့ လက်လျှော့လိုက်တော့သည်။
သူက ပိုင်ရှောင်ယွင် ကို မကျေနပ်နေပေမယ့် ချင်းလန်က ပိုင်ရှောင်ယွင်ရဲ့ အပြစ်ကင်းစင်တဲ့ ပင်ကိုယ်စရိုက်ကိုမမုန်းပေ ဆန့်ကျင်ဘက်အနေနဲ့ လိမ်ညာမှုတွေ၊ သစ္စာဖောက်မှုတွေ အများကြီး တွေ့ခဲ့ရပြီးတဲ့နောက်မှာတော့ သူက သူမရဲ့ ရိုးရှင်းပြီး အပြစ်ကင်းစင်တဲ့ သဘာဝကို ပိုပြီးတောင် သဘောကျမိလေသည်။
အဝတ်အစားတွေကို နေရာတကျပြန်ဆွဲလိုက်ပြီးနောက် သူက စားပွဲပေါ်က ပန်းရောင်နှိုးစက်နာရီကို လှမ်းကြည့်လိုက်သည်။ ပိုင်ရူယွီက ဒီအချိန်ဆို အိပ်ပျော်လောက်နေပြီ ဒါကြောင့် သူက တခြား ဘာကိုမှ မတွေးတော့ဘဲ ချက်ချင်း ပြန်အိပ်လိုက်တော့သည်။
သူနောက်နေ့မနက် ထတော့ပိုင်ရူယွီက အိမ်မှာ မရှိတော့ပေ။
သူ မျက်နှာသစ်နေတုန်း ဝက်ဝံပုံစံ ညအိပ်ဝတ်စုံကို ဝတ်ဆင်ထားတဲ့ ပိုင်ရှောင်ယွင်နဲ့ ဝင်တိုက်မိလေသည်။
ပိုင်ရှောင်ယွင်က ချင်းလန်ကို မြင်လိုက်တော့ အမှားတစ်ခုခု လုပ်ထားသလိုမျိုး သူမရဲ့ မျက်နှာလေးက နီရဲသွားပြီး နောက်လှည့်မကြည့်တော့ပဲ ထွက်ပြေးသွားတော့သည်။