အခန်း (၁၆၆) သွေးနီရောင် မန်ဒါလာ ၏ ဆွဲဆောင်မှု 

ဒါကို ကြားလိုက်ရတော့၊ ရှေ့က လျှောက်နေတဲ့ ချန်ဇီချီ ခြေချော်လုနီးပါး ဖြစ်သွားပြီး ခြေမျက်စိ လည်သွားမတတ် ဖြစ်သွားလေသည်။

ဒါကို မြင်တော့၊ သွေးနီရောင် မန်ဒါလာ မနေနိုင်ဘဲ ပြောလိုက်လေသည်။ 

“ရှင် စကားကောင်းကောင်း ပြောလို့ မရဘူးလား

 ရှင်က အမြဲတမ်း ကျွန်မအစ်မကို ဒီလို နှိမ့်ချပြောရတာ ကြိုက်တယ်ပေါ့”

“ကိစ္စတချို့မှာ သူမက ကိုယ်ကျိုးကြည့်တဲ့ ရည်ရွယ်ချက်တွေ ရှိခဲ့ပေမယ့်၊ အဲ့ဒါက လူ့သဘာဝပဲလေ။”

“ပုံမှန်အချိန်တွေမှာ၊ သူမက ဥပဒေကို ဘက်လိုက်မှု မရှိဘဲ ဖြောင့်မတ်မှန်ကန်တယ်။ မတရားတဲ့ အမှုတွေကို ရင်ဆိုင်ရတဲ့အခါ၊ သူမက အာဏာရှိတဲ့သူတွေကို ခေါင်းမငုံ့ရုံတင် မကဘူး၊ တရားမျှတမှု အတွက်လည်း ငြင်းခုံပေးတယ်။ အဲ့ဒီလို လူမျိုးက ရှင့်ရဲ့ လေးစားမှုကို မရထိုက်ဘူးလား ယဉ်ကျေးမှု နည်းနည်းလေး ပြတာတောင် တန်ဖိုးရှိပါတယ်။”

ချင်းလန် ပခုံးတွန့်လိုက်ပြီး၊ သွေးနီရောင် မန်ဒါလာ ရဲ့ မျက်နှာကို စိတ်ဝင်တစား ကြည့်လိုက်လေသည်။

“ငါက ခုနက သူမကို ပြန်ပြောနေတယ်လို့ မင်း ထင်နေတာလား ငါက လက်ရှိ အခြေအနေကို မင်းကို ရှင်းပြနေတာပါကွ။”

“သူမက ငါ့ကို မရန်စသရွေ့၊ ငါက ဘာလို့ ပြဿနာ သွားရှာရမှာလဲ”

အခုတော့ အခြေအနေတွေကကွဲပြားသွားလေပြီ။ သွေးနီရောင် မန်ဒါလာ ကိုယ်တိုင်တောင် သူမရဲ့ နှလုံးသားထဲမှာ ကြီးမားတဲ့ ပြောင်းလဲမှုတွေ ဖြစ်ပေါ်ခဲ့တယ် ဆိုတာ သတိမထားမိလောက်ပေ။

ဥပမာအားဖြင့် အတိတ်တုန်းက ဆိုရင်၊ သူက အကြမ်းဖက်ဖို့၊ သတ်ဖြတ်ဖို့ မကြာခဏ အော်ဟစ်ခဲ့

ပေမဲ့ အခုတော့ အခြေအနေတွေ ကွဲပြားသွားလေပြီ။ သွေးနီရောင် မန်ဒါလာ က သူ့ကို တွေ့တဲ့အခါ သတ်ဖြတ်လိုစိတ်တွေ ထုတ်လွှတ်ခြင်း မရှိတော့ပေ။

 အဲ့ဒီအစား၊ သူမက ရင်ထဲရှိတာကို ပြောလာပြီး သူမအစ်မအပေါ်ထားတဲ့ ချင်းလန် ရဲ့ သဘောထားကြောင့် ချင်းလန် ကို အငြိုးထားသလိုတောင် ဖြစ်လာပြီ။

သွေးနီရောင် မန်ဒါလာ ရဲ့ အကြံပြုချက်ကို ရင်ဆိုင်ရတဲ့အခါ၊ ချင်းလန် ငြင်းပယ်လို့ ရတယ်၊ ဒါမှမဟုတ် သူမကို ဆူပူလို့ ရတယ်၊ ဒါမှမဟုတ် သူမရဲ့ ဂုဏ်သိက္ခာကို မြေကြီးပေါ် ချနင်းပစ်လို့တောင် ရတယ်။

ဒါပေမဲ့ အဲ့ဒါ မလိုအပ်ပါဘူး။

“မင်းမှာ ဒဏ်ရာတွေ ရှိနေသေးတယ်၊ ဒီမှာ မနေနဲ့တော့၊ ပိုးမဝင်အောင် ပိုးသတ်ဆေးထည့်ဖို့ ကိုယ်နဲ့ အိမ်ပြန်လိုက်ခဲ့။”

ချင်းလန် က သွေးနီရောင် မန်ဒါလာ ရဲ့ လက်ကို ကိုင်လိုက်ပြီး၊ ချန်ဇီချီကို လျစ်လျူရှုကာ အိမ်ကို အလျင်အမြန် ဦးတည်သွားလေသည်။

ခေါင်းငုံ့လျက် ခြေတစ်လှမ်း နောက်ကျကျန်နေသော သွေးနီရောင် မန်ဒါလာ သည်၊ ပုံဖော်ထားသကဲ့သို့ လှပသော ပခုံးသားများနှင့် သွယ်လျသော ခါးလေးဖြင့်၊ ကျက်သရေရှိပြီး ယိမ်းနွဲ့နေလေသည်။ 

အခုအခါ ဖော်ထုတ်ထားပြီး ဖြစ်သော သူမ၏ ရင်သပ်ရှုမောဖွယ် လှပသော မျက်နှာလေးသည် ခေါင်းငုံ့ထားဆဲ ဖြစ်ပြီး၊ သူမလက်ကို ဆုပ်ကိုင်ထားသော ချင်းလန် ၏ လက်ကြီးကြီးကို ငေးကြည့်ရင်း၊ ထူးဆန်းသော ခံစားချက် တစ်ခု သူမရင်ထဲ လှုပ်ခတ်လာလေသည်။

သူမ ဒီလို မခံစားရတာ ကြာခဲ့ပြီ။

ကလေးဘဝတုန်းက၊ သူမ ပြန်ပေးဆွဲခံခဲ့ရပြီး သူမအရွယ် ကလေးတွေချည်း ရှိတဲ့ သီးခြား ကျွန်းတစ်ကျွန်းဆီ ပို့ဆောင်ခံခဲ့ရတယ်။ သူတို့က နေ့ရောညပါ ပြင်းထန်တဲ့ လေ့ကျင့်မှုတွေ လုပ်ခဲ့ရပြီး၊ သတ်ဖြတ်ခြင်း စွမ်းရည်တွေနဲ့ တိုက်ခိုက်ရေး နည်းစနစ် မျိုးစုံကို ကျွမ်းကျင်အောင် လေ့ကျင့်ခဲ့ရလေသည်။

မသိမသာနဲ့ပဲ၊ သူမ ယုံကြည်လာခဲ့တာက တခြားသူတွေက အားကိုးမရဘူး ဆိုတာနဲ့ ကိုယ်ပိုင် ကြိုးစားအားထုတ်မှုကနေ ရရှိတာကသာ တကယ် စစ်မှန်တယ် ဆိုတာပါပဲ။

ရလဒ် အနေနဲ့၊ သူမ ပိုပိုပြီး ကိုယ့်ကိုယ်ကို ပိတ်လှောင်လာခဲ့ပြီး၊ သူမသတ်ဖြတ်ခဲ့တဲ့ လူအရေအတွက် များလာတာနဲ့အမျှ၊ သူမလည်း ပိုပိုပြီး သွေးအေးလာခဲ့လေသည်။

ဒါပေမဲ့ ဒီနေ့ ချင်းလန် ရဲ့ နွေးထွေးတဲ့ လက်က သူမလက်ကို ရုတ်တရက် ဆုပ်ကိုင်လိုက်တဲ့အခါ၊ နူးညံ့တဲ့ ခံစားချက် တစ်ခု သူမရင်ထဲမှာ ပြည့်တက်လာခဲ့လေသည်။

တကယ်လို့ ချင်းလန် သာ ပေါ်မလာခဲ့ရင်၊ ချန်ဖျင်အန်း ကို တိုက်ခိုက်သတ်ဖြတ်ဖို့ ကြိုးစားခဲ့တဲ့ သူမက အခုချိန်ဆို အေးစက်တဲ့ အလောင်းတစ်ခု ဖြစ်နေလောက်ပြီ။

တကယ်လို့ ချင်းလန် ပေးခဲ့တဲ့ ဆေးလုံးတွေသာ မရှိခဲ့ရင်၊ သူမ အံ့ဖွယ်နည်းနဲ့ အသက်ရှင်ခဲ့ရင်တောင်၊ လမ်းဘေးကြောင် တစ်ကောင်လိုမျိုး သနားစရာ အခြေအနေနဲ့ မှောင်မိုက်တဲ့ ထောင့်တစ်နေရာမှာ ပုန်းအောင်းပြီး၊ တစ်ယောက်တည်း ဒဏ်ရာတွေကို လျက်နေရလောက်ပြီ။

ဪ...

ကိုယ့်ကိုယ်ကို လှောင်ပြောင်တဲ့ အပြုံးတစ်ခု သွေးနီရောင် မန်ဒါလာ ရဲ့ ရင်သပ်ရှုမောဖွယ် လှပပြီး အေးစက်တဲ့ မျက်နှာပေါ်မှာ ပေါ်လာလေသည်။

အားကိုးစရာ တစ်ယောက်ယောက် ရှိတယ် ဆိုတဲ့ ခံစားချက်က တော်တော် ကောင်းပုံရတယ်။

မသိစိတ်ကနေ၊ သူမ ခြေလှမ်းတွေကို မြန်လိုက်ပြီး ချင်းလန် ကို အမီလိုက်လိုက်လေသည်။

သူမရဲ့ ပုံရိပ်က ဖြည်းညှင်းစွာ နီးကပ်လာပြီး၊ မကြာခဏ ဆိုသလို သူမရဲ့ မွှေးပျံ့တဲ့ ပခုံးသားက ချင်းလန် ရဲ့ လက်မောင်းနဲ့ ပွတ်တိုက်မိကာ၊ အလွန် နီးကပ်သွားလေသည်။

ချင်းလန် မျက်လုံးထောင့်ကနေ သူမကို တစ်ချက် လှမ်းကြည့်လိုက်ရာ၊ မှိန်ဖျော့နေပေမယ့်၊ သွေးနီရောင် မန်ဒါလာ ဆီကနေ ပေါ်လွင်နေတဲ့ ကောင်မလေး တစ်ယောက်ရဲ့ ပုံရိပ်ကို သူ မြင်တွေ့လိုက်ရသည်။

အရာအားလုံးက သူ့ထိန်းချုပ်မှုအောက်မှာပင်။

သူတို့ လက်တစ်ခါ တွဲမိလိုက်ရုံနဲ့ သွေးနီရောင် မန်ဒါလာ က သူ့အပေါ် မှီခိုစိတ် ဖြစ်ပေါ်လာတာလား။

တကယ်လို့ တစ်ယောက်ယောက်က ဒီလို တွေးပြီး လက်တွေ့ လုပ်ဆောင်မယ် ဆိုရင်၊ သူတို့ရဲ့ နေ့ရက်တွေ ရေတွက်လို့ ရနေပြီလို့ပဲ ပြောရလိမ့်မယ်။

သူမရဲ့ ရင်သပ်ရှုမောဖွယ် ကိုယ်လုံးကိုယ်ပေါက်နဲ့ ဆွဲဆောင်မှု ရှိတဲ့ မျက်နှာထားကြောင့်၊ သွေးနီရောင် မန်ဒါလာ မှာ သေချာပေါက် ပိုးပန်းသူတွေ မရှားပေ။

ဒါပေမဲ့ အဲ့ဒီလူတွေ အခု ဘယ်မှာလဲ။ သူတို့ သင်္ချိုင်းကုန်းပေါ်မှာ ကခုန်နေကြလောက်ပြီ။

တကယ်လို့ ချင်းလန် ရဲ့ အရင်က လုပ်ရပ်တွေသာ မရှိခဲ့ရင်၊ သူသာ သူမရဲ့ သည်းခံနိုင်စွမ်းကို တစ်ဆင့်ပြီး တစ်ဆင့် မချိုးဖျက်ခဲ့ရင်၊ သွေးနီရောင် မန်ဒါလာ ရဲ့ ဂုဏ်သိက္ခာကို မြေကြီးပေါ် ဖိချပြီး ပွတ်ဆွဲမပစ်ခဲ့ရင်၊ သူမ အလွန်မုန်းတီးတဲ့ စိတ်ပျက်အားငယ်မှုနဲ့ ကူကယ်ရာမဲ့မှုတွေကို မခံစားစေခဲ့ရင်၊ သူမ အခုလို မိန်းကလေးဆန်တဲ့ ပုံစံမျိုး ဘယ်လိုလုပ် ပေါ်လာနိုင်မှာလဲ။

ချင်းလန် မှာ ထူးဆန်းတဲ့ စိတ်တိမ်းညွတ်မှု တချို့ ရှိတယ်လို့ မင်း တကယ် ထင်နေတာလား။

ဒါက လှည့်ကွက်ပင်။

အားလုံးက သောက်ကျိုးနည်း လိမ်လည်မှု သက်သက်ပဲ။

သူတို့ကို ကူကယ်ရာမဲ့ပြီး စိတ်ပျက်အားငယ်အောင် လုပ် ပြီးတော့ သူတို့ရဲ့ ကမ္ဘာကြီး တစ်ခုလုံး မှောင်မိုက်သွားတဲ့အခါ၊ မနက်ခင်း နေရောင်ခြည် အလင်းတန်းလေး ဝင်လာဖို့ ပြတင်းပေါက်ကို ဟပေးလိုက်ရုံပင်။

ရလဒ်တွေက မျှော်မှန်းထားတာထက် ပိုကောင်းနေလေသည်။

အရည်အချင်း ပြည့်မီတဲ့ ဗီလိန် တစ်ယောက် အနေနဲ့၊ ချင်းလန် က သူ့ရဲ့ နည်းလမ်းတွေနဲ့ လှည့်ကွက်တွေကို မျှဝေဖို့ ဝန်မလေးပါဘူး။

………..

ဗီလာ ကို ပြန်ရောက်တော့၊ ချင်းလန် ကုတင်ပေါ် လှဲပြီး စနစ် မျက်နှာပြင်ကို တိတ်တဆိတ် ဖွင့်လိုက်လေသည်။

“ဒင်! ဇာတ်လမ်းသစ်ကို အောင်မြင်စွာ ပေါင်းစပ်ပြီးပါပြီ၊ ကံတရား ဗီလိန် အမှတ် ၂၀၀၀၀၀ လိုအပ်ပါသည်။ အိမ်ရှင် အနေနဲ့ ဒါကို ကြိုတင် သိရှိလိုပါသလား”

စနစ်ရဲ့ စက်ရုပ်အသံ ထွက်ပေါ်လာပြီး၊ ချင်းလန် က ဘာလို့ အရင်က ဒီလို မဖြစ်ခဲ့တာလဲ ဆိုပြီး တွေးမိလိုက်သည်။

တကယ်လို့ ရွေးချယ်ခံနဲ့ တွေ့ရင်၊ ဇာတ်လမ်းကို ကြိုမသိဘဲနဲ့ သူ ဘယ်မှာ ပုန်းအောင်းပြီး ဖွံ့ဖြိုးတိုးတက်နေလဲ ဆိုတာ ဘယ်လို သိနိုင်မှာလဲ။

တကယ်လို့ ရွေးချယ်ခံက လုံလောက်အောင် သန်မာလာပြီးမှ သူ့ကို သတ်ဖို့ ကြိုးစားရင်၊ အဲ့ဒါက ပြဿနာတွေ အများကြီး မဖြစ်စေဘူးလား။

“လုပ်မယ်”

ဗီလိန် အမှတ် ၂၀၀၀၀၀ နုတ်ယူခံလိုက်ရပြီး သတင်းအချက်အလက် အမြောက်အမြား ချင်းလန် ရဲ့ စိတ်ထဲ စီးဆင်းလာလေသည်။

“ဒါက နည်းနည်း အားနည်းလွန်းတယ်”

ချင်းလန် လျှာသပ်လိုက်ပြီး၊ ရွေးချယ်ခံရဲ့ အဆင့်အတန်းကို မကျေမနပ် ဖြစ်မိလေသည်။

ညီအစ်မ ခုနစ်ဖော် မရှိဘူး၊ စစ်နတ်ဘုရားရဲ့ ဇနီးသည် ပြည့်တန်ဆာရုံ ရောက်တာ မရှိဘူး၊ ပြီးတော့ ပြန်လည် ရောက်ရှိလာတဲ့ မသေမျိုး နတ်ဘုရား လည်း မရှိဘူး။

အဲ့ဒီအစား၊ သူက ပြန်လည် မွေးဖွားလာတဲ့ ဖျော်ဖြေရေး ဘုရင် တစ်ယောက် ဖြစ်ပြီး၊ အခုထိ ပြန်လည် မမွေးဖွားရသေးတဲ့သူ တစ်ယောက် ဖြစ်နေတယ်။

ဒီအရာနဲ့ ဘယ်လို ကစားရမှာလဲ။

သူက သေနတ် ဘယ်နှစ်လက်နဲ့ ထိုက်တန်လို့လဲ။

ဒါမှမဟုတ်၊ သူ အရင်က စိတ်ကူးခဲ့သလိုပဲ၊ ဒီရွေးချယ်ခံက ကြားကာလ အဆင့် တစ်ခု သက်သက်ပဲလား။

တကယ်လို့ အဲ့ဒါသာ အမှန် ဆိုရင်ဒီဗီလိန် စနစ်က လူဆန်လွန်းနေပြီ။

ချင်းလန် ထိတ်လန့်သွားလေသည်။