အခန်း (၁၆၂) အမျိုးသမီး လုပ်ကြံသတ်ဖြတ်သူ၏ လက်စားချေမှု
တခြားတစ်ဖက်တွင်၊ ချင်းလန် သည် အမျိုးသမီး တစ်ယောက်၏ အခွင့်ကောင်းယူ အသုံးချခြင်းကို ခံလိုက်ရပြီး၊ သူ ကြိုတင် မှာယူထားသော ဒုတိယထပ်ရှိ သီးသန့်ခန်းဆီသို့ ခေါ်ဆောင်သွားခြင်း ခံလိုက်ရလေသည်။
ထိုအမျိုးသမီး မထိုင်ရသေးခင်မှာပင်၊ သူမ၏ အကြည့်သည် လှပသော ပုံရိပ်တစ်ခုဆီသို့ ရောက်သွားလေသည်။ သူမ မျက်မှောင်ကြုတ်လိုက်ပြီး စိတ်အနှောင့်အယှက် ဖြစ်စွာ မေးလိုက်လေသည်။
“နင် ဘယ်သူလဲ နင်ဒီမှာ ဘာလုပ်နေတာလဲ”
ဆိုဖာပေါ်တွင် ထိုင်နေသော သွေးနီရောင် မန်ဒါလာ မော့ကြည့်လိုက်ပြီး၊ မျက်မှောင်ကြုတ်ကာ သံသယ ဝင်သော အကြည့်ဖြင့် ကြည့်လိုက်လေသည်။
သူမက ချင်းလန် ဆီက အကြောင်းကြားချက် ရလို့ ဒီမှာ လာစောင့်နေတာပါ၊ ဒါပေမဲ့ လူအိုကြီး တစ်ယောက်နဲ့ မိန်းမ တစ်ယောက် ဝင်လာမယ်လို့ ဘယ်သူ ထင်ထားမှာလဲ။
“အရမ်း စိတ်မလှုပ်ရှားပါနဲ့။ ငါတို့ အားလုံး ပျော်ဖို့ လာကြတာပဲ။ အရေးအကြီးဆုံးက ပျော်ရွှင်ဖို့လေ။”
“မင်းတို့ ရောက်လာမှတော့၊ အကောင်းဆုံး ဖြစ်အောင် နေလိုက်ကြစို့။ ဒါပေမဲ့ ငါ့အရိုးအိုကြီးတွေနဲ့ ဆိုရင်၊ မင်းတို့ထဲက တစ်ယောက်ကိုပဲ အများဆုံး ကျွေးမွေးနိုင်မှာ။”
ချင်းလန် ပြုံးလိုက်ပြီး၊ သူ့အိတ်ကပ်ထဲက ဂျယ်လီခွက် နှစ်ခွက် ထုတ်လိုက်ကာ၊ တစ်ခွက်ကို သူ့ဘေးနားက ဆွဲဆောင်မှု ရှိတဲ့ အမျိုးသမီးကို ပေးလိုက်ပြီး၊ နောက်တစ်ခွက်ကို သွေးနီရောင် မန်ဒါလာ ဆီ ပစ်ပေးလိုက်လေသည်။
“ဒီလို လုပ်ကြစို့၊ မင်းတို့ နှစ်ယောက် ပြိုင်ပွဲ တစ်ခု လုပ်ပြီး ဘယ်သူ ဂြိုဟ်ပုံစံ ဂျယ်လီခွက် ကို အရင် ကုန်အောင် စားနိုင်လဲ ကြည့်ကြမယ်၊ နိုင်တဲ့သူက ဒီည ငါ့အပိုင်ပဲ”
အရှုံးမပေးချင်သော ဆွဲဆောင်မှု ရှိတဲ့ အမျိုးသမီးက စတစ်ကာကို ခွာလိုက်ပြီး၊ ဂျယ်လီခွက်ရဲ့ အောက်ခြေကို ပြားသွားအောင် လုပ်ကာ၊ တစ်ကိုက်တည်းနဲ့ အကုန်နီးပါး စားလိုက်လေသည်။
“နင် အခု ထွက်သွားလို့ ရပြီ။”
သွေးနီရောင် မန်ဒါလာ က သန့်ရှင်းပြီး ပုံပျက်မသွားသော ဂျယ်လီခွက် ကို လက်ထဲ ကိုင်မြှောက်ပြလိုက်ပြီး၊ လှပသော အမျိုးသမီးကို အေးစက်စွာ ပြောလိုက်ကာ၊ တချိန်တည်းမှာပဲ သူမ နှုတ်ခမ်းကို လျှာနဲ့ သပ်လိုက်လေသည်။ သူမဆီက ထွက်ပေါ်လာတဲ့ ဆွဲဆောင်မှုက ယောကျ်ားတွေကိုတောင် ခါးကုန်းပြီး လမ်းလျှောက်ရအောင် ဖမ်းစားနိုင်စွမ်း ရှိလေသည်။
“ဟွန့်!”
လှပသော အမျိုးသမီးက အေးစက်စွာ နှာမှုတ်လိုက်လေသည်။ ဒီစွမ်းရည်မှာ တခြားတစ်ယောက်ကို ရှုံးနိမ့်သွားမယ်လို့ တကယ် မမျှော်လင့်ထားခဲ့မိပေ။
ဒါပေမဲ့ သူမ ကတိတည်ပြီး လှည့်ထွက်သွားရုံသာ တတ်နိုင်လေသည်။
ဖြောင်း! ဖြောင်း! ဖြောင်း!
ချင်းလန် လက်ခုပ်တီးလိုက်ပြီး အာမေဋိတ်သံ ပြုလိုက်လေသည်။
“အလွန်ကောင်းမွန်တဲ့ လက်ရာပဲ မင်း ဆုချခံရဖို့ ထိုက်တန်တယ်”
တကယ်လို့ သူသာ အခုအချိန်မှာ ထျန်ကျီဇီ ရဲ့ မျက်နှာဖုံးကို ဝတ်မထားရင်၊ သူ သေချာပေါက် ကပ်စေးနည်းမှာ မဟုတ်ဘဲ သွေးနီရောင် မန်ဒါလာ ကို နေရာတင် ငွေကြေးပမာဏ အများအပြားနဲ့ ဆုချလိုက်မှာ အမှန်ပါပဲ။
“ရှင် ဘယ်လိုလုပ် ဒီလို ဖြစ်သွားတာလဲ လူသားအရေခွံ မျက်နှာဖုံးလား ကြည့်ရတာ အရမ်းအစစ်နဲ့ တူတာပဲ”
သွေးနီရောင် မန်ဒါလာ မတ်တပ်ရပ်လိုက်ပြီး ချင်းလန် ကို ခေါင်းအစ ခြေအဆုံး သေချာ စစ်ဆေးကြည့်ရှုလိုက်ရာ၊ သူမ မျက်နှာပေါ်တွင် ထိတ်လန့်အံ့ဩမှုတွေ ပြည့်နှက်နေလေသည်။
ကြေးစား လုပ်ကြံသတ်ဖြတ်သူ တစ်ယောက် အနေနဲ့၊ သူမက ရုပ်ဖျက်တာတွေ၊ လူသားအရေခွံ မျက်နှာဖုံးတွေလို နည်းပညာတွေနဲ့ အလွန် ရင်းနှီးကျွမ်းဝင်လေသည်။
ထိပ်တန်း လုပ်ကြံသတ်ဖြတ်သူ စာရင်းထဲက သုံးယောက်ထဲက တစ်ယောက် ဖြစ်တဲ့ သူမတောင်မှ၊ ဒီလောက် ကြောက်စရာ ကောင်းတဲ့ ရုပ်ဖျက်ပညာရှင်မျိုး တစ်ခါမှ မမြင်ဖူးခဲ့ဘူး။
တကယ်လို့ ချင်းလန် သာဂျယ်လီခွက် ကို တမင်သက်သက် ထုတ်မပြခဲ့ရင်၊ သူမ သူဘယ်သူလဲ ဆိုတာ ခွဲခြားသိနိုင်မှာ မဟုတ်ဘူး။
“မင်းပဲ ကိုယ့်ကို ပြောတယ် မဟုတ်လား၊ ချန်ဖျင်အန်း ကို ရှင်းပစ်ဖို့ ကူညီပေးပါဆို ဒါ သူ့ဆရာ့ရဲ့ ပုံစံပဲ။ အဲ့ဒီကောင်ကို ဘုရင်မ ဘား ဆီ မျှားခေါ်လာပြီးပြီ၊ အခုလောလောဆယ် လှပတဲ့ အမျိုးသမီး တချို့နဲ့ ပျော်ပါးနေလောက်ပြီ။”
ချင်းလန် ဆိုဖာပေါ် ထိုင်လိုက်ပြီး၊ လက်နှစ်ဖက်ကို နောက်မှီပေါ် တင်ကာ၊ သက်သောင့်သက်သာနဲ့ ပေါ့ပါးတဲ့ ပုံစံမျိုး နေလိုက်လေသည်။
သွေးနီရောင် မန်ဒါလာ ရဲ့ မျက်နှာထား အေးစက်သွားလေသည်။
“ကျွန်မ အခုချက်ချင်း သူ့ကို သွားသတ်လိုက်မယ်”
လူတစ်ယောက် သူ့ရဲ့ အထွတ်အထိပ် ရောက်နေတဲ့ အချိန်ကသူ့ရဲ့အားအနည်းဆုံး အချိန်ပင် တကယ်လို့ ဒီအခွင့်အရေးကို ဆုပ်ကိုင်နိုင်ရင်၊ ကိုယ့်ထက် သန်မာတဲ့ ရန်သူကိုတောင် မျက်စိတစ်မှိတ် အတွင်းမှာ အနိုင်ယူနိုင်လေသည်။
“နေပါဦး၊ အခုက အချိန် မဟုတ်သေးဘူး။ တကယ်လို့ မင်း အခု သွားရင်၊ ရန်သူကို သတိပေးလိုက်သလို ဖြစ်သွားလိမ့်မယ်၊ အဲ့ဒါက ပိုဆိုးသွားလိမ့်မယ်။”
ချင်းလန် လက်ဝှေ့ယမ်းပြီး သွေးနီရောင် မန်ဒါလာ ကို မဆင်မခြင် မလုပ်ဖို့ တားဆီးလိုက်လေသည်။
နောက်ဆုံးတော့ ချန်ဖျင်အန်း ကို အရူးလုပ်နိုင်ခဲ့ပြီးမှ၊ ဒီအတိုင်း သတ်ပစ်လိုက်ရင် ဘာအဓိပ္ပာယ် ရှိတော့မှာလဲ။
မသေခင်မှာ၊ သူ့ဆီက တစက်မကျန် အကုန် ညှစ်ထုတ်ပစ်ရမယ် အဲ့ဒါမှ ကျေနပ်စရာ ကောင်းမှာ မဟုတ်ဘူးလား။
“ကျွန်မ ရှင့်စကား နားထောင်ပါ့မယ်။”
သွေးနီရောင် မန်ဒါလာ ငြိမ်သက်စွာ ရပ်နေပြီး၊ ချင်းလန် ကို အချိန်အကြာကြီး စိုက်ကြည့်နေကာ၊ ဖြည်းညှင်းစွာ ရှေ့တိုးလာပြီး၊ ဆောင့်ကြောင့်ထိုင်ချလိုက်ကာ မော့ကြည့်ပြီး ပြောလိုက်လေသည်။
“ဒီလူသားအရေခွံ မျက်နှာဖုံးကို ဖယ်လိုက်လို့ ရမလား”
ချင်းလန် ခေါင်းခါလိုက်လေသည်။
“ဒီနေ့တော့ ကျော်လိုက်ကြစို့။ မင်း ကောင်းကောင်း လုပ်ဆောင်ခဲ့ပေမယ့်၊ ဒီမျက်နှာဖုံးက အသုံးဝင်သေးတယ်၊ ဒါကြောင့် အခု ချွတ်လို့ မရသေးဘူး။”
“ကောင်းပြီ...”
ချန်ဖျင်အန်း ကို အခုချက်ချင်း မသတ်ရလို့ စိတ်ပျက်သွားတာလား၊ ဒါမှမဟုတ် မျက်နှာလိုမျက်နှာရ လုပ်ဖို့ ကြိုးစားတာ ငြင်းပယ်ခံလိုက်ရလို့လား မသိပေမယ့်၊ သွေးနီရောင် မန်ဒါလာ သိပ်ပြီး စိတ်အားထက်သန်ပုံ မရတော့ပေ။
သူတို့ သတိမထားမိခင်မှာပဲ၊ တစ်နာရီကျော် ကုန်ဆုံးသွားလေသည်။
“ဒင်! ရွေးချယ်ခံ ချန်ဖျင်အန်း ၏ ကံတရား တန်ဖိုး ၁၀၀၀ လျော့ကျသွားပါပြီ။ ဂုဏ်ယူပါတယ် ဗီလိန် အမှတ် +၂၀၀၀၀ ရရှိသွားပါပြီ!”
သူ့နားထဲက စနစ် အသိပေးချက်ကို ကြားလိုက်ရတော့၊ ချင်းလန် ရဲ့ နှုတ်ခမ်းထောင့်များ အနည်းငယ် ကွေးတက်သွားပြီး၊ ဘေးနားမှာ စောင့်နေတဲ့ သွေးနီရောင် မန်ဒါလာ ဆီ မေးစေ့ပင့်ပြလိုက်လေသည်။
“အောက်ဆင်းပြီး ဘားအပြင်ဘက်မှာ ချန်ဖျင်အန်း ကို ရှင်းပစ်ဖို့ အခွင့်အရေး ရှာလိုက်တော့။”
“ကောင်းပြီ”
သွေးနီရောင် မန်ဒါလာ ညဝတ်စုံကို အမြန် လဲဝတ်လိုက်ပြီး၊ မျက်နှာဖုံး စွပ်ကာ၊ ဒုတိယထပ် ပြတင်းပေါက်ကနေ ခုန်ဆင်းလိုက်ပြီး၊ မှောင်မိုက်နေသော ညဉ့်နက်ထဲသို့ လျင်မြန်စွာ ပျောက်ကွယ်သွားလေသည်။
…
တိတ်ဆိတ်နေသော ညဉ့်နက် အချိန်......
ညက မှောင်မိုက်ပြီး လေတိုက်ခတ်နေကာ၊ သစ်ပင်ရိပ်တွေက ညင်သာစွာ ယိမ်းနွဲ့နေသည် လူသတ်မှု ကျူးလွန်ဖို့ ပြီးပြည့်စုံတဲ့ အခွင့်အရေးပင်။
မှိန်ဖျော့ဖျော့ လမ်းမီးရောင်အောက်မှာ မိန်းကလေးက ချန်ဖျင်အန်း ရဲ့ လက်မောင်းကို ဖက်ထားပြီး၊ မျက်နှာ ရဲနေကာ ချိုမြိန်စွာ ပြောလိုက်လေသည်။
“အစ်ကို ဖျင်အန်း၊ အစ်ကိုက အရမ်း အံ့ဩစရာ ကောင်းတာပဲ ခုနက ညီမလေးကို တကယ် အနိုင်ကျင့်လိုက်တာပဲ”
မျက်နှာပေါ်မှာ အပြုံးတစ်ခုနဲ့ ပရောပရည်လုပ်တဲ့ ပုံစံမျိုး ပြုံးဖြီးဖြီးနဲ့၊ ချန်ဖျင်အန်း ကမိန်းကလေးရဲ့ သွယ်လျတဲ့ ခါးလေးကို ဖက်လိုက်လေသည်။
“ဒါ အစ်ကို လုပ်သင့်တဲ့ အလုပ်ပါပဲ။ ဘားတွေက လူပေါင်းစုံ ရောနှောနေတဲ့ နေရာဆိုတော့ သိပ်မလုံခြုံဘူး။ နောက်တစ်ခါ ဒီကို မလာနဲ့တော့။ တကယ်လို့ ပြဿနာ တစ်ခုခု ကြုံရရင်၊ အစ်ကို့ဆီသာ လာခဲ့။”
သူ ခုနကမှ တွေ့ခဲ့တဲ့ ကောင်မလေးကို အလွန်အမင်း ကျေနပ်အားရနေလေသည်။
သူမက ရင်သပ်ရှုမောဖွယ် လှပရုံတင် မကဘူး၊ လုပ်ငန်းစဉ် အတွင်းမှာ သွေးထွက်တာတွေလည်း ရှိခဲ့တယ်၊ ဒါက သူမ အပျိုစင် ဖြစ်ကြောင်း ရှင်းရှင်းလင်းလင်း ပြသနေတာပဲ။
ရုပ်ရည်ပိုင်းမှာ ချူမုန်ယောင် နဲ့ နှိုင်းယှဉ်လို့ မရပေမယ့်၊ သူမမှာ ကိုယ့်ဘာသာ လုပ်ဆောင်နိုင်တဲ့ အားသာချက် ရှိတယ်လေ။
“ကျေးဇူးတင်ပါတယ် အစ်ကို ဖျင်အန်း အစ်ကိုက အရမ်း သဘောကောင်းတာပဲ၊ မွ~”
မိန်းမပျိုလေးက ချန်ဖျင်အန်း ရဲ့ လက်မောင်းကို ဖက်လိုက်ပြီး၊ ခြေဖျားထောက်ကာ၊ သူ့ပါးပြင်ကို နမ်းလိုက်လေသည်။ သူမ ရင်ထဲမှာ ပျော်ရွှင်မှုတွေ လျှံကျနေလေသည်။
သူတို့ ရွှေတွင်း တွေ့ပြီ။
ဒီည ပထမဆုံးအကြိမ် အလုပ်ထွက်လုပ်တာမှာ ဒီလို အလိမ်ခံရမယ့် ငတုံးတစ်ကောင်နဲ့ တွေ့မယ်လို့ လုံးဝ မမျှော်လင့်ထားခဲ့ဘူး။
ကြည့်ရတာ ချန်ဖျင်အန်း က အတည်ပြောနေတာလား။
သူက အနာဂတ်မှာ အကူအညီ လိုရင် သူ့ဆီ ဆက်ပြီး တောင်းဆိုဖို့တောင် ပြောသေးတယ်။
သေချာပေါက် ချမ်းသာတဲ့ ကောင်လေးတွေကို ဖမ်းချိတ်တဲ့ နေရာမှာတော့၊ သူမက ဘယ်သူ့နောက်မှ မလိုက်ဘူး။
ချန်ဖျင်အန်း ဆီကနေ အကျိုးအမြတ် ဘယ်လောက် ညှစ်ထုတ်နိုင်မလဲ ဆိုတာ ဘေးဖယ်ထားလိုက်၊ သူမရဲ့ လက်ရှိ ရုပ်ပိုင်းဆိုင်ရာ အခြေအနေ အရ ဆိုရင်တောင်၊ အလုပ်ထွက်လုပ်တာနဲ့ သူမရဲ့ နေ့စဉ်ကြေးက အနည်းဆုံး ၈၀၀-၁၀၀၀ ကနေ ၃၀၀၀ အထိ တိုးလာမှာ။
မိုက်တယ်....
သောက်ရမ်း မိုက်တာပဲ......
သူမက ပိုက်ဆံပေးမယ့် ဖေဖေ တစ်ယောက်နဲ့ ချိတ်ဆက်မိရုံတင် မကဘူး၊ သူမရဲ့ အသက်မွေးဝမ်းကျောင်း လုပ်ငန်းမှာ ဒုတိယ နွေဦးရာသီကိုပါ ခံစားနေရပြီ။
တကယ်လို့ ကျွင်းဇီ ဆိုတဲ့ အစ်ကိုကြီးက သူမကို မကြိုက်လို့သာ မဟုတ်ရင်၊ သူမ သေချာပေါက် သွားပြီး ကောင်းကောင်း ကျေးဇူးတင်လိုက်မိမှာ။
“သတိထား!”
ရုတ်တရက်၊ သူမရဲ့ စိတ်ကူးယဉ် ကမ္ဘာထဲ မျောပါနေတဲ့ အမျိုးသမီး တွန်းခံလိုက်ရပြီး ယိုင်နဲ့သွားကာ၊ ဒုန်းခနဲ မြေကြီးပေါ် လဲကျသွားလေသည်။
သူမ မော့ကြည့်လိုက်ရာ၊ အနက်ရောင် ဝတ်စုံပြည့် ဝတ်ဆင်ထားတဲ့ လျှို့ဝှက်ဆန်းကြယ်သော ပုံရိပ်တစ်ခု သူမရှေ့မှာ ရုတ်တရက် ပေါ်လာပြီး၊ ချန်ဖျင်အန်း နဲ့ ပြင်းထန်စွာ တိုက်ခိုက်နေတာ တွေ့လိုက်ရလေသည်။
“မင်း ဖြစ်နေပြန်ပြီလား မင်း ထပ်ပြီး ပေါ်လာရဲသေးတယ်ပေါ့ ငါ့ကို အလွယ်တကူ အနိုင်ကျင့်လို့ ရမယ်လို့ မင်း တကယ် ထင်နေတာလား”
ချန်ဖျင်အန်း မျက်မှောင်ကြုတ်လိုက်ပြီး၊ တိုက်ပွဲ စက်ဝိုင်းထဲကနေ ခုန်ထွက်လိုက်ကာ မိန်းကလေး ရှေ့မှာ ကာကွယ်တဲ့ အနေအထားနဲ့ ရပ်လိုက်လေသည်။
သူ့မျက်နှာထားက အေးစက်နေကာ အနည်းငယ် အံ့ဩသွားလေသည်။
ဒီလျှို့ဝှက်ဆန်းကြယ်တဲ့ အမျိုးသမီးက သူမရဲ့ စွမ်းရည်ကို ဒီလောက် မြန်မြန် တိုးတက်လာအောင် လုပ်နိုင်လိမ့်မယ်လို့ သူ လုံးဝ မမျှော်လင့်ထားခဲ့ဘူး။
ပြီးခဲ့တဲ့ တစ်ခေါက် သူနဲ့ တွေ့တုန်းက၊ သူမ အဝေးကြီးမှာ ရှိနေတုန်းကတည်းက သူ အာရုံခံနိုင်ခဲ့တယ်။
ဒီတစ်ခေါက်တော့၊ သူ သူမနဲ့ အနီးကပ် ရင်ဆိုင်လိုက်ရပြီး ဒဏ်ရာတောင် ရလုနီးပါး ဖြစ်သွားလေသည်။
ဟင့်အင်း.....
မှားတယ်.....
အမျိုးသမီး လုပ်ကြံသတ်ဖြတ်သူက ပိုသန်မာလာတာ မဟုတ်ဘူး၊ သူက ပိုအားနည်းသွားတာ။
သူ့ခန္ဓာကိုယ်ထဲက စွမ်းအင်တွေကို အာရုံခံကြည့်ပြီးနောက်၊ ချန်ဖျင်အန်း သူ့ရဲ့ အင်အားတွေက ကြောက်စရာကောင်းတဲ့ နှုန်းနဲ့ လျင်မြန်စွာ ကျဆင်းနေတာကို တွေ့ရှိလိုက်ရပြီး ထိတ်လန့်သွားလေသည်။
အဆိပ်ခတ်ခံရတာလား။
ရေက အဆိပ်သင့်နေတာလား သစ်သီးပန်းကန်က အဆိပ်သင့်နေတာလား။
မဖြစ်နိုင်ဘူး။ သူ ဘုရင်မ ဘား မှာ ဘာမှ မစားမသောက်ခဲ့ပါဘူး။ သူ ဘယ်လိုလုပ် အဆိပ်မိနိုင်မှာလဲ။
သေချာ စစ်ဆေးပြီးနောက်၊ အထူးသဖြင့် သူ့ခန္ဓာကိုယ် အောက်ပိုင်းမှာ စုဝေးနေတဲ့နေတဲ့ စွမ်းအင်တွေကို အာရုံခံမိလိုက်တော့၊ ချန်ဖျင်အန်း ထိတ်လန့်တကြား လှည့်ကြည့်လိုက်ပြီး၊ မြေကြီးပေါ် လဲနေတဲ့ အမျိုးသမီးကို စူးစိုက်ကြည့်လိုက်လေသည်။
သူ့မျက်နှာ ကြွက်သားတွေက ဒေါသကြောင့် ကြောက်စရာကောင်းလောက်အောင် တွန့်လိမ်နေပြီး၊ အံကြိတ်ကာ ဟိန်းဟောက်လိုက်လေသည်။
“မင်း... ဒီကောင်မ၊ မင်း အဆိပ်ရှိနေတာလား”