အခန်း (၁၄၃) စုရှောင်းရှောင်း ၏ ဆုတောင်း
“ဒင်! ကံတရားသားတော် ချန်ဖျင်အန်း၏ ကံတရား အမှတ်များ ၅၀၀ လျော့နည်းသွားပါသည်။ ဂုဏ်ယူပါတယ် ဗီလိန်အမှတ် +10000 ရရှိသွားပါပြီ!”
“ဒင်! ကံတရားရဲ့ သားတော် ချန်ဖျင်အန်း ၏ ကံတရား အမှတ်များ ၁၀၀၀ လျော့နည်းသွားပါသည်။ ဂုဏ်ယူပါတယ် ဗီလိန်အမှတ် +20000 ရရှိသွားပါပြီ!”
“ဒင်! ဇာတ်လိုက်မင်းသမီး ကျိုးဇယ်ချင်း ၏ မျက်နှာသာပေးမှု တိုးလာပါသည်။ ဂုဏ်ယူပါတယ် ဗီလိန်အမှတ် +1000 ရရှိသွားပါပြီ!”
“ဒင်! ဇာတ်လိုက်မင်းသမီး ကျိုးဇယ်ချင်း သည် ကံတရားသားတော် နှင့် အဆက်အသွယ် ဖြတ်တောက်လိုက်ပါပြီ ဂုဏ်ယူပါတယ် ဗီလိန်အမှတ် +5000 ရရှိသွားပါပြီ!”
“…”
ကုတင်ပေါ် လှဲရင်း၊ ချင်းလန်စနစ်ရဲ့ အသိပေးသံတွေကို တိတ်ဆိတ်စွာ နားထောင်နေပြီး၊ ယုံနိုင်စရာ မရှိလောက်အောင် လန်းဆန်းတက်ကြွသလို ခံစားလိုက်ရလေသည်။
အရာအားလုံးကို ကြိုတင် စီစဉ်ထားပြီးသားလေ။ သူက မျက်နှာပြပြီး မီးရှို့လိုက်ရုံပဲ၊ ကျန်တာတွေက အစီအစဉ်အတိုင်း သဘာဝကျကျ ဖြစ်ပျက်သွားတာပင်။
ကျိုးသခင်ကြီး ဧည့်ခံပွဲမှာ သွေးအန်တာပဲ ဖြစ်ဖြစ် ကျိုးဇယ်ချင်း ရဲ့ ဆန်းကြယ်သော ယင် ခန္ဓာကိုယ် ကိစ္စပဲ ဖြစ်ဖြစ်၊ အားလုံးကို စေ့စပ်သေချာစွာ စီစဉ်ထားပြီးသားပင်။
သနားစရာ ချန်ဖျင်အန်း ကတော့ ထောင်က လွတ်လာပြီ ဆိုပြီး စိတ်သက်သာရာ ရနေတုန်း ဖြစ်မှာ
သူမသိတာက၊ သူ့ကို ခဏလောက် လျှောက်သွားခွင့် ပေးထားတာ ဖြစ်ပြီး ဗီလိန်အမှတ်တွေ ပေးပြီးသွားရင်၊ သူတို့ရဲ့ နဂိုနေရာဟောင်းဆီ ပြန်သွားရဦးမှာ ဆိုတာပါပဲ။
အလှပလေးရဲ့ နှလုံးသားကို သိမ်းပိုက်ဖို့ မျှော်လင့်နေတုန်းလား။
စိတ်ကူးယဉ်နေလိုက်......
သွေးနီရောင် မန်ဒါလာရဲ့ လုပ်ကြံသတ်ဖြတ်တာ မခံရဘဲ အခုထိ ရှင်သန်နေတာက ချန်ဖျင်အန်း ရဲ့ အရည်အချင်းနဲ့ ထူးချွန်တဲ့ စွမ်းရည်တွေကြောင့်ပင်။
ဒီ တစ်ကိုယ်ကောင်းဆန်တဲ့ အမျိုးသမီးက သူ့စကားကိုပဲ နာခံတာလေ။ တကယ်လို့ တခြား ယောကျ်ားတစ်ယောက်သာ ဆိုရင်၊ အထူးသဖြင့် သူတို့ရဲ့ ရန်သူတော်ကြီးကို ကူညီပေးခဲ့တဲ့ ချန်ဖျင်အန်း နဲ့ သူ့ဆရာသာ ဆိုရင်၊ သူမ သူတို့ရဲ့ အရေခွံကို အစိမ်းလိုက် ခွာပစ်ချင်နေလောက်ပြီ။
ချင်းလန် စဉ်းစားနေတုန်း၊ သူ့ဖုန်း မြည်လာလေသည်။ ဖွင့်ကြည့်လိုက်တော့ ကျိုးဇယ်ချင်း ဆီက မက်ဆေ့ခ်ျ တစ်စောင် တွေ့လိုက်ရသည်။
“ဒီနေ့အတွက် ကျေးဇူးတင်ပါတယ်၊ ရှင် ဒီသတင်းအချက်အလက်တွေ ဘယ်က ရလာလဲ ဆိုတာ ကျွန်မ မသိပေမယ့်ပေါ့။ ကျိုး မိသားစုရဲ့ လျှို့ဝှက်ချက်တွေလေ၊ ဒါပေမဲ့ ရှင့်ရဲ့ လုပ်ရပ်တွေက ကျွန်မ နှစ်ပေါင်းများစွာ မျိုသိပ်ထားတဲ့ ဒေါသတွေကိုဖွင့်ထုတ်ဖို့ ကူညီပေးခဲ့တယ် ကံမကောင်းစွာနဲ့ ကျိုးသခင်ကြီးက က အပြစ်ပေးမခံရဘဲ ချန်ဖျင်အန်း ရဲ့ ကယ်တင်တာ ခံလိုက်တယ်”
ချင်းလန် စာကို တစ်ချက်ကြည့်ပြီး ရယ်မောလိုက်လေသည်။
ကျိုးသခင်ကြီး ကို ချန်ဖျင်အန်း ကယ်တင်လိမ့်မယ် ဆိုတာ မျှော်လင့်ထားပြီးသားပင်။ ကံတရားသားတော် ရဲ့ ဝင်ပါတတ်တဲ့ သဘာဝအရ၊ ကြွားဝါဖို့ ဒီလောက် ကောင်းတဲ့ အခွင့်အရေးကို လက်လွှတ်ခံပါ့မလား။
ဒါပေမဲ့ ကျိုးသခင်ကြီးက က တကယ်ပဲ ဘေးကင်းပြီး ကျန်းမာနေတာလား။
အိပ်မက် မက်နေလိုက် သွေးနီရောင် မန်ဒါလာ ပေးလိုက်တဲ့ ဆေးက အဲ့လောက် အလွယ်တကူ ဖြေဖျောက်လို့ ရပါ့မလား။
ဒါက ယာယီ သတိပြန်ဝင်လာတာ သက်သက်ပင်၊ မကြာခင်မှာ သူ ခြေဆန့်သွား လိမ့်မယ်။
သို့သော်၊ ဒီကိစ္စက သူနဲ့ သိပ်မဆိုင်တော့ပါဘူး၊ ဘာလို့လဲဆိုတော့ ကျိုးသခင်ကြီးက က ချန်ဖျင်အန်း ကို ဖျက်ဆီးလိုက်ပြီ ဖြစ်လို့ သူ့တန်ဖိုး ကုန်သွားပြီလေ။
ခဏလောက် စဉ်းစားပြီးနောက်၊ ချင်းလန် လည်း မက်ဆေ့ခ်ျ တစ်စောင် ပြန်ပို့လိုက်လေသည်။
“ဆရာမ ကျိုး၊ ခင်ဗျား ဒီနေ့ ကျိုး မိသားစု အိမ်ကို တကယ် မသွားသင့်ဘူး။ ခင်ဗျားအတွက်၊ အဲ့ဒီနေရာက ကျားသိုက်လို နေရာမျိုး”
“ခင်ဗျားကို ကူညီတယ် ဆိုတဲ့ ကိစ္စနဲ့ ပတ်သက်လို့ကတော့၊ အဲ့ဒါ အဓိပ္ပာယ် မရှိပါဘူး၊ တိုက်ဆိုင်မှု သက်သက်ပါ။”
“ကျွန်မကို အရူးတစ်ယောက်လို မဆက်ဆံပါနဲ့၊ ဟုတ်ပြီလား တကယ်လို့ ရှင် ကြိုလုပ်ထားတာတွေသာ မရှိရင်၊ ကျွန်မ အခုချိန်လောက်ဆို ကျိုး မိသားစုရဲ့ ဖမ်းဆီးချုပ်နှောင်တာ ခံထားရလောက်ပြီ။ ကံကောင်းလို့၊ နောက်မှ ရောက်လာတဲ့ လက်ထောက် ညွှန်ကြားရေးမှူးက ကျွန်မကို ခေါ်ထုတ်သွားပေးတာ။”
“ပြီးတော့၊ ကျေးဇူးပြုပြီး ကျွန်မကို ဆရာမ တို့ ပါမောက္ခ တို့ မခေါ်ပါနဲ့တော့။ ဒီနေ့ ရှင် ကျွန်မကို ဇယ်ချင်း လို့ ခေါ်ခဲ့တယ် မဟုတ်လား နားထောင်လို့ ကောင်းသားပဲ။”
“ဘာပဲဖြစ်ဖြစ်၊ ဒီနေ့ အဖြစ်အပျက်တွေက ကျွန်မရင်ထဲမှာ ဆယ်နှစ်ကျော်ကြာ ရှိနေခဲ့တဲ့ အဖုအထစ်ကို နောက်ဆုံးတော့ ဖြေလျှော့ပေးလိုက်ပြီ။”
“ဒါကြောင့် ကျွန်မ ရှင့်ကို သေချာပေါက် ကျေးဇူးဆပ်ရမယ်။ ပြောပါ၊ ရှင် ကျွန်မဆီက တောင်းဆိုမှု တစ်ခု လုပ်နိုင်တယ်၊ ကျွန်မ တတ်နိုင်သရွေ့၊ ကျွန်မ လုံးဝ ငြင်းမှာ မဟုတ်ဘူး။”
“အာ၊ ဒါက...”
ကျိုးဇယ်ချင်း ရဲ့ စကားတွေကို ကြားလိုက်ရတော့၊ ချင်းလန် သတိထားမိလိုက်သည်။ သူ လုပ်ခဲ့တာတွေက တိုက်ဆိုင်မှု မဟုတ်ဘဲ၊ ကျိုးဇယ်ချင်း ကို ကူညီဖို့ တမင် ရည်ရွယ်လုပ်ဆောင်ခဲ့တာလို့ သူမ ထင်နေတာပဲ။
သူ ယုံနိုင်စရာ မရှိလောက်အောင် စိတ်အားထက်သန် လာလေသည်။
“ဇယ်ချင်း၊ အင်း... ကိုယ် မင်းကို နေ့တိုင်း အဲ့ဒီ ယူနီဖောင်း တစ်ပုံစံတည်းနဲ့ မြင်ရတာ ငြီးငွေ့နေပြီ။ မင်းမှာ ပြင်ဆင်ခြယ်သထားတဲ့ တခြား ဓာတ်ပုံတွေ မရှိဘူးလား၊ ဥပမာ မင်းရဲ့ ကိုယ်လုံးကိုယ်ပေါက်ကို ပေါ်လွင်စေတဲ့ ပုံမျိုးပေါ့”
ချင်းလန် သတိထားပြီး မက်ဆေ့ခ်ျ ပို့လိုက်လေသည်။ ကျိုးဇယ်ချင်း မှာ အလွန် ထူးခြားတဲ့ ဝါသနာ တစ်ခု ရှိတယ် ဆိုတာ သူ သိတယ်လေ ပြောရရင်၊ သူမက အထူးသဖြင့် အလှကြိုက်လေသည်။
သူက ကိုယ့်ကိုယ်လုံးကိုယ်ပေါက်နဲ့ ပတ်သက်ရင် အထူး အလှကြိုက်တတ်ပြီး ဆယ်လ်ဖီ ရိုက်ရတာ အမြဲ နှစ်သက်လေသည်။
တကယ်လို့ ကျိုးဇယ်ချင်း က သူ့အပေါ် သတိထားနေတာ လျော့သွားရင်၊ ဒါမှမဟုတ် သူတို့ ဆက်ဆံရေး ပိုရင်းနှီးလာရင်၊ သူမ ပို့ပေးကောင်း ပို့ပေးနိုင်တယ်။
အင်း.......
ချင်းလန် က ကျိုးဇယ်ချင်း ရဲ့ နှလုံးသားထဲမှာ သူ့နေရာ ဘယ်လောက် ရှိလဲ ဆိုတာ စမ်းသပ်ကြည့်ရုံ သက်သက်ပင် အဖော်အချွတ်ပုံတွေ ကြည့်ချင်လို့ လုံးဝ မဟုတ်ပေ။
ဒင်-ဒေါင်.....
ဒင်-ဒေါင်! ဒင်-ဒေါင်! ဒင်-ဒေါင်!
ဓာတ်ပုံတွေက ချင်းလန် ရဲ့ ဖုန်းထဲကို ဘာတုံ့ဆိုင်းမှုမှ မရှိဘဲ လျင်မြန်စွာ ဝင်ရောက်လာလေသည်။
ပထမဆုံး ဓာတ်ပုံက ကျိုးဇယ်ချင်း ကျပ်ထုတ်နေတဲ့ အဝတ်အစား တစ်စုံနဲ့၊ အနက်ရောင် ခြေအိတ်ရှည် ဝတ်ဆင်ထားပြီး၊ သူမရဲ့ ရင်သပ်ရှုမောဖွယ် ကောက်ကြောင်းတွေကို ရင်ဘတ်ကနေတဆင့် မြင်နေရလေသည်။
သူမရဲ့ ယုံနိုင်စရာ မရှိလောက်အောင် ဆွဲဆောင်မှု ရှိတဲ့ ကိုယ်လုံးအောက်မှာ သွယ်လျတဲ့ ခါးလေး ရှိပြီး၊ အဆီပို တစ်စက်မှ မရှိဘဲ၊ လက်တစ်ဖက်တည်းနဲ့ ဆုပ်ကိုင်လို့ ရလောက်အောင် သေးသွယ်နေလေသည်။
ဒီလောက် ပြည့်ဖြိုးတဲ့ ကိုယ်လုံးနဲ့ သွယ်လျ ဖြောင့်စင်းတဲ့ ခြေတံရှည်တွေကို ပိုင်ဆိုင်ထားတဲ့ ကျိုးဇယ်ချင်း မှာ ဒီလို သေးသွယ်တဲ့ ခါးမျိုး ရှိလိမ့်မယ်လို့ ဘယ်သူ ထင်ထားမှာလဲ။
သူမရဲ့ ကိုယ်လုံးက အံ့ဩစရာပဲ။
လုံးဝ ပြီးပြည့်စုံတယ်။
အနက်ရောင် ခြေအိတ်ရှည် အောက်မှာတော့ ကမ်းခြေဝတ် ရေကူးဝတ်စုံ......
အလှပဂေးတွေကို မြင်ဖူးနေကျ ဖြစ်တဲ့ ချင်းလန် တောင် ဒီမြင်ကွင်းကို မြင်လိုက်ရတော့ အသက်ရှူမှားမတတ် ဖြစ်သွားလေသည်။
ဘယ်လို ပြောရမလဲ။
တချို့ မိန်းကလေးတွေက တော်တော်လေး ဖော်ဖော်ချွတ်ချွတ် ဝတ်တတ်ကြတော့ ရေကူးဝတ်စုံနဲ့ ခင်ဗျားရှေ့မှာ ရပ်နေရင်တောင်၊ သိပ်ပြီး ရင်သပ်ရှုမောစရာ မကောင်းတော့ဘူး။
ဒါပေမဲ့ ဒီလို ခြားနားမှုက ကျိုးဇယ်ချင်း လို လူရှေ့သူရှေ့မှာ လေးနက်တည်ကြည်ပေမယ့်၊ သီးသန့် အချိန်မှာ ယုံနိုင်စရာ မရှိလောက်အောင် ဆွဲဆောင်မှု ရှိတဲ့ သူမျိုးရဲ့ ကွာခြားချက်ကို ပေါ်လွင်စေတာပဲ။
အဲ့ဒါ မိုက်တယ်....
“သခင်လေး၊ ဘာကြည့်နေတာလဲ”
စုရှောင်းရှောင်း ပါးဖောင်းလိုက်ပြီး၊ ချင်းလန် ရဲ့ ဖုန်းထဲက အချက်အလက်တွေကို စစ်ဆေးချင်စိတ် ပြင်းပြစွာ ရှေ့တိုးလာလေသည်။
သခင်လေးက ကောင်းမွန်တဲ့ အရာတွေ ဖတ်နေတာ မဟုတ်ဘူးလို့ ကျွန်မ ခံစားနေရတယ်။
ဘာလို့လဲဆိုတော့ သခင်လေးဆီက နည်းနည်း ကွဲပြားတဲ့ ပုံစံကို သူမ အာရုံခံမိလို့ပင်။
ဒါပေမဲ့ သူမ ရှေ့တိုးလိုက်တာနဲ့၊ ဖုန်းမျက်နှာပြင် မည်းသွားလေသည်။
စုရှောင်းရှောင်း တိုးတိုးလေး နှာမှုတ်လိုက်ပြီး၊ နည်းနည်း မနာလို ဖြစ်မိလေသည်။ သူမ သိသားပဲ၊ သခင်လေးက သေချာပေါက် တခြား တစ်ယောက်ယောက်ကို ကြည့်နေတာ။
ပုံမှန်ဆိုရင် သူမ သိပ်ဂရုစိုက်မှာ မဟုတ်ပေမယ့်၊ ဒီလို အချိန်မျိုးမှာတောင်၊ သူက တခြား မိန်းကလေးတွေကို ကြည့်နေတုန်းပဲ။ ဘယ်မိန်းကလေးမှ ဒါကို သည်းခံနိုင်မှာ မဟုတ်ဘူး။
“သခင်လေး၊ ရှောင်းရှောင်း က သခင်လေးကို အရမ်း သဘောကျတယ်။ ကျေးဇူးပြုပြီး ရှောင်းရှောင်း ကို မထားခဲ့ပါနဲ့နော်၊ ဟုတ်ပြီလား”
စုရှောင်းရှောင်း အားနည်းစွာ ရေရွတ်လိုက်ပြီး၊ ရှေ့တိုးလာကာ၊ နှုတ်ခမ်းစူပြီး ထပ်မံ ရေရွတ်လိုက်လေသည်။
ချင်းလန် နှုတ်ခမ်းသပ်လိုက်ပြီး၊ “အင်း” လို့ တိုးတိုးလေး ဖြေကာ၊ ဖုန်းကို ဘေးဖယ်ထားလိုက်လေသည်။
“သခင်လေး၊ သခင်လေးက ယောကျ်ားလေး လိုချင်တာလား၊ မိန်းကလေး လိုချင်တာလား ကျွန်မ... ကျွန်မ သခင်လေး အတွက် ကလေး မွေးပေးလို့ ရမလား”
စုရှောင်းရှောင်း က ချင်းလန် ရဲ့ ခေါင်းကို ကိုင်ပြီး ကြောက်ရွံ့စွာ မေးခွန်းထုတ်လိုက်လေသည်။
ဒီကာလအတွင်း ကျောင်းအုပ်ကြီးရဲ့ သွန်သင်ဆုံးမမှုတွေကြောင့် စုရှောင်းရှောင်း တစ်ယောက်တည်း ရှိနေတဲ့အခါ၊ သူမ အမြဲတမ်း စိုးရိမ်ပူပန်ပြီး လုံခြုံမှု မရှိသလို ခံစားရတတ်လေသည်။
ကျောင်းအုပ်ကြီးပြောတာ မှန်တယ်လို့ သူမ အမြဲ ခံစားရတယ်။ တကယ်လို့ သူမ သခင်လေးနဲ့ ကလေးရခဲ့ရင်၊ ဒီလို ရိုင်းစိုင်းတဲ့ အတွေးတွေပျောက်သွားနိုင်လောက်တယ်။
ချင်းလန် ခေါင်းညိတ်ပြီး ပြောလိုက်လေသည်။
“သေချာပေါက် ရတာပေါ့ ဒါပေမဲ့ မင်း သေချာ စဉ်းစားသင့်တယ်။”