အခန်း (၁၂၅) ချူမုန်ယောင်၏ အကူအညီတောင်းခံမှု၊ ချူလုပ်ငန်းစု၏ အကျပ်အတည်း

“ရှင် ကောင်းတာ ဘာမှ တွေးမနေဘူးလို့ ကျွန်မ ခံစားနေရတယ်”

 ချူမုန်ယောင် သူမရဲ့ လှပတဲ့ မက်မွန်ပွင့် မျက်လုံးတွေကို ကျဉ်းလိုက်ပြီး၊ ချင်းလန် ကို စိုက်ကြည့်ကာ ကောက်ကျစ်စွာ ပြုံးလိုက်လေသည်။

သူမက အရမ်း ဉာဏ်ကောင်းလေသည်။ ယောကျ်ားလေး အများစုရဲ့ အတွေးတွေကို တစ်ချက်ကြည့်ရုံနဲ့ ထွင်းဖောက်မြင်နိုင်တယ်လေ။

ဟုတ်ပေသည် ယောကျ်ားလေး အများစုက သူမကို မြင်တဲ့အခါ အလားတူ ပထမဆုံး အတွေးမျိုး ရှိတတ်ကြလေသည်။

မဟုတ်ဘူး၊ အဲ့လို မဟုတ်ပါဘူး။

ချင်းလန် စိတ်ရင်းမှန်နဲ့ ခေါင်းခါလိုက်လေသည်။

ပညာရှိတစ်ယောက်ရဲ့ အတွေးတွေကို ဘယ်လိုလုပ် မရိုးသားဘူးလို့ သတ်မှတ်နိုင်မှာလဲ။

ဒါက လုံးဝ ပုံမှန် အတွေးတစ်ခုပါ၊ ဟုတ်ပြီလား။

“ရှင်တို့နှစ်ယောက် သိကြတာလား” 

ပိုင်ရှောင်ယွင် သူမရဲ့ တောက်ပတဲ့ မျက်လုံးတွေကို ပုတ်ခတ်ပုတ်ခတ် လုပ်လိုက်ပြီး နည်းနည်း နားမလည် ဖြစ်နေလေသည်။

ချင်းလန် က သူ ထျန်ဟိုင် တက္ကသိုလ် ကို သွားခဲ့တဲ့ အကြောင်း ကြေညာဖို့ အစီအစဉ် မရှိပေ။ အဲ့ဒီ့အစား သူက ကောင်မလေးရဲ့ ခေါင်းကို ပုတ်ပြီး တမင်တကာ စကားလမ်းကြောင်း လွှဲလိုက်လေသည်။

 “အစ်ကိုကြီး အရင်က သူ့ကို မသိပါဘူး၊ ဒါပေမဲ့ ညီမလေးက ဒီလို မိတ်ဆက်ပေးမှတော့ ဘယ်လိုလုပ် မမှတ်မိဘဲ နေမလဲ ညီမလေးနဲ့ ပတ်သက်တဲ့ သူတိုင်းက အလှပဂေးတွေချည်းပါပဲလား”

ပိုင်ရှောင်ယွင်ကချီးကျူးစကားကြောင့် ဟားတိုက် ရယ်မောလိုက်ပြီး ယုန်လေးတောင် စတင် ခုန်ပေါက် လှုပ်ရှားလာလေသည်။

ကံကောင်းစွာနဲ့ပဲ သူမကလော်လီဖက်ရှင် ဝတ်ဆင်ထားလို့ အနည်းငယ် ပွယောင်းနေလေသည်။

တကယ်လို့ သူမသာ ရုံးဝတ်စုံတွေ ဝတ်လေ့ရှိတဲ့ ပိုင်ရူယွီ လို ဝတ်ထားရင်၊ ကြယ်သီးတွေ ပြုတ်ထွက်ပြီး သေချင်စိတ် ပေါက်သွားလောက်ပြီ။

မကြာခင်မှာပဲ ပိုင်ရူယွီက ရေနွေးပူပူနဲ့ ဆေးကြောထားတဲ့ ပန်းကန်လုံးနဲ့ တူနှစ်စုံကို စားပွဲပေါ် ချပေးလိုက်ပြီး ချူ သားအဖကို ထိုင်ဖို့ တိုက်တွန်းလိုက်လေသည်။

 ပြီးမှ မေးလိုက်လေသည်။ 

“ဦးလေး ချူ၊ ဒီနေ့ ဘာကိစ္စ ရှိလို့လဲ ပြီးတော့ ယောင်ယောင်ပါ ပါလာတယ် ဆိုတော့၊ ထမင်းလာစားရုံ သက်သက်တော့ မဟုတ်လောက်ဘူးနော်”

ချူထျန်ဖုန်း ဘာမှ ဖုံးကွယ်မထားဘဲ ပွင့်ပွင့်လင်းလင်း ပြောလိုက်လေသည်။

 “ကုမ္ပဏီမှာ ကိစ္စတချို့ ဖြစ်နေလို့ပါ။ ဦးလေး မူလက ပိုင်ရှောက်ချွမ်ဆီ ပိုက်ဆံ သွားချေးတာ၊ ဒါပေမဲ့ သူက ဒီရက်ပိုင်း စိတ်မပါဘူးတဲ့။ သူက ပြောတယ်၊ မင်းတို့ ညီအစ်မ နှစ်ယောက်က တစ်နေ့လုံး အပြင်မှာပဲ နေပြီး အိမ်ပြန်ဖို့ ငြင်းဆန်နေကြတယ်တဲ့။ သူက တစ်ယောက်တည်း နေရတဲ့ လူအိုကြီး ဖြစ်နေပြီး ကုမ္ပဏီ သွားဖို့တောင် အားမရှိတော့ဘူးတဲ့။”

နှစ်ယောက်စလုံးက စီးပွားရေးသမားတွေပင် တစ်ယောက်က ငွေကြေး အခက်အခဲနဲ့ ရင်ဆိုင်နေရပြီး၊ နောက်တစ်ယောက်က မိသားစု ဘဝမှာ အတားအဆီးတွေနဲ့ ကြုံတွေ့နေရတယ်။

တိုက်ဆိုင်စွာပဲ ချူမုန်ယောင် က ပိုင် ညီအစ်မတွေနဲ့ ဆက်ဆံရေး ကောင်းမွန်နေပြန်လေသည်။

ပိုင်ရှောက်ချွမ် က လိုလားပြီး၊ ချူထျန်ဖုန်း က စိတ်ဝင်စားနေတော့၊ ဒီပူးပေါင်းဆောင်ရွက်မှုက လက်ရှိ အခြေအနေကို ဖြစ်ပေါ်စေခဲ့တာပင်။

ချူထျန်ဖုန်း က မတုံးပေ သူ နှေးသည်ဖြစ်စေ မြန်သည်ဖြစ်စေ ပြောရမှာပဲမို့၊ သူက ဖျောင်းဖျသူ အဖြစ် ကြားဝင်ဆောင်ရွက်ပေးရုံပင်။

ပိုင်ရူယွီ မေးတာကို အခွင့်ကောင်းယူပြီး၊ သူ လာရင်း ရည်ရွယ်ချက်ကို ဖွင့်ပြောလိုက်လေသည်။

အောင်မြင်နိုင်ခြေ များစေဖို့၊ သူက သမီးဖြစ်သူကိုပါ ခေါ်လာပြီး စိတ်ခံစားမှု ကဒ်ကို ကစားလိုက်လေသည်။

သူ တော်တော် ကောက်ကျစ်တာပဲ။

ပိုင်ရူယွီ ရဲ့ မျက်နှာ ချက်ချင်း မည်းမှောင်သွားပြီး၊ သူမလေသံက တင်းမာသွားလေသည်။ သူမက ချူထျန်ဖုန်း ကို မကျေနပ်တာ မဟုတ်ဘဲ၊ သူမဖခင် အလွန် မသက်မသာ ဖြစ်နေလို့ပင်။

“ဦးလေး ချူ၊ ဦးလေး မသိသေးတဲ့ ပိုင်မိသားစု အကြောင်းတွေ ရှိပါသေးတယ်။ ဦးလေး ကျွန်မဆီ လာပြီး ပိုက်ဆံ ချေးရင်တောင် အထောက်အကူ ဖြစ်မှာ မဟုတ်ဘူး။ ကျွန်မ ပိုင် မိသားစု ကုမ္ပဏီကနေ ထွက်လိုက်ပါပြီ၊ အခု မစ္စတာ ချင်းဆီမှာ အလုပ်လုပ်နေတာပါ။”

မစ္စတာ ချင်း.....

ချူထျန်ဖုန်း သူ့အကြည့်ကို ချင်းလန် ဆီ လွှဲပြောင်းလိုက်ပြီး၊ ဒီလူငယ်လေးက သာမန်လူ မဟုတ်ဘူး ဆိုတာ သူ တစ်ချက်ကြည့်ရုံနဲ့ သိလိုက်လေသည်။

လွှမ်းမိုးထားနိုင်တဲ့ အရှိန်အဝါနဲ့ မြင့်မားတဲ့ စိတ်ဓာတ်.....

ပိုင်ရူယွီက ထင်ရှားတဲ့ မိသားစုက လာတာ ရှင်းလေသည်။ ပြီးတော့ သူမ ပိုင် ညီအစ်မတွေနဲ့ ဒီလောက် ရင်းနှီးတဲ့ ဆက်ဆံရေး ရှိနေတာက သူမရဲ့ နည်းလမ်းတွေနဲ့ အရည်အချင်းတွေကို သက်သေပြနေတာပဲ။

ပိုင်ရူယွီ လို စီးပွားရေး ဉာဏ်ကြီးရှင် တစ်ယောက်ကတောင် ချင်းလန်လက်အောက်ခံ လုပ်လိမ့်မယ်လို့ ဘယ်တုန်းကမှ မမျှော်လင့်ထားခဲ့မိဘူး။

ကြည့်ရတာ သူ ရှေ့က လူငယ်လေးကို လျှော့တွက်မိသွားပုံရတယ်။

မှားနေပြီ.........

တစ်ခုခု လွဲနေသလိုပဲ......

ချူထျန်ဖုန်း က ပိုင် ညီအစ်မတွေကို အိမ်ပြန်ဖို့ ဖျောင်းဖျနေရင်းနဲ့၊ ရုတ်တရက် သူ တစ်ခုခုကို လစ်လျူရှုမိခဲ့မှန်း သတိထားလိုက်မိလေသည်။

မစ္စတာ ချင်း..... ပိုင်ရူယွီ ရဲ့ သူဌေး၊ သူ့သမီးက ချင်းလန်လို့ ခေါ်တဲ့သူ.....

“သေ... ဘုရားရေ ခင်ဗျားက မစ္စတာ ချင်းလန် လား”

မြင်ကွင်းကြီးတွေကို မြင်ဖူးနေကျ ဖြစ်တဲ့ ချူထျန်ဖုန်း တောင် ချင်းလန် ရဲ့ အထောက်အထားကို သိလိုက်ရပြီးနောက် ဆဲဆိုလုနီးပါး ဖြစ်သွားပေမယ့် ကံကောင်းစွာနဲ့ အချိန်မီ ထိန်းလိုက်နိုင်လေသည်။

ချင်းလန် ပြုံးပြီး ခေါင်းညိတ်လိုက်လေသည်။ 

“ကျွန်တော့်နာမည် ချင်းလန် ပါ။ မစ္စတာ ချူ က ကျွန်တော့်ကို သိပုံရတယ်”

“ကျွန်တော် ကြားဖူးပါတယ်။” 

ချူထျန်ဖုန်း ချွေးသုတ်ချင်ပေမယ့်၊ လက်ရှိ အခြေအနေအရ သူလို လူကြီးတစ်ယောက်က ချင်းလန် ရဲ့ အထောက်အထားကြောင့် ဒီလောက် ကြောက်လန့်နေတာက အရမ်း ရှက်စရာ ကောင်းနေမှာမို့၊ သူ မလိုလားစွာနဲ့ပဲ ခေါင်းညိတ်လိုက်လေသည်။

ချူထျန်ဖုန်း က ထျန်ဟိုင်မြို့ မှာ ပိုင်ရှောက်ချွမ် နဲ့ တန်းတူ အလွန် အရေးပါတဲ့ ပုဂ္ဂိုလ် တစ်ဦး ဖြစ်ပြီး၊ သူ့မိသားစု စီးပွားရေးကလည်း ဘာမှ မလျော့နည်းပေ။

“ကျွန်တော် မကြာသေးမီက ပြဿနာတချို့ ကြုံတွေ့နေရပြီး လုပ်ငန်း လည်ပတ်နိုင်ဖို့ ရန်ပုံငွေ လိုအပ်နေပါတယ်၊ မဟုတ်ရင် ကျွန်တော့် ရှယ်ယာတွေကို ထုတ်ရောင်းရလိမ့်မယ်။”

သူ ချင်းလန် နဲ့ တစ်ခါမှ မဆုံဖူးသလို၊ သူ့ဓာတ်ပုံကိုလည်း တစ်ခါမှ မမြင်ဖူးပါဘူး။

သူတို့ တတ်နိုင်တာ ဘာမှ မရှိပေ ချင်းလန် ရဲ့ နောက်ခံနဲ့ အဆင့်အတန်းက သူ့ကို လျှို့ဝှက်ဆန်းကြယ်အောင် ဖန်တီးထားတာကိုး။

ကမ္ဘာအနှံ့ သွားလာနေတဲ့ ဘယ်ထင်ရှားတဲ့ ပုဂ္ဂိုလ်မဆို ကလေးရတဲ့ သတင်းတွေ အွန်လိုင်းမှာ ပျံ့နှံ့နေတာ ခင်ဗျား မြင်ဖူးလို့လား။

ဓာတ်ပုံ ရိုက်ရဲတဲ့သူ၊ ဒါမှမဟုတ် ဖြန့်ဝေရဲတဲ့သူ ဘယ်သူမဆို နောက်တစ်နေ့ကျရင် ပိတ်ပင်ခံရလိမ့်မယ် ယုံမလား။

ဒါ့အပြင် ပြဿနာပေါင်း သောင်းခြောက်ထောင်က မင်းကို စောင့်ကြိုနေမှာ။

ဒါပေမယ့် မိတ်ဆွေတွေ၊ စီးပွားရေး မိတ်ဖက်တွေနဲ့ စကားပြောရင်း၊ ယန်ကျင်းက လူကြီးလူကောင်း တစ်ယောက် ထျန်ဟိုင် ကို ရောက်နေတယ်လို့ ချူထျန်ဖုန်း သိခဲ့ရတယ်။

အဲ့ဒီလူက ချင်းလန် ဖြစ်လိမ့်မယ်လို့ ဘယ်တုန်းကမှ မမျှော်လင့်ထားခဲ့မိဘူး။

“ဦးလေး ချူ၊ ဦးလေး ပိုင် မိသားစုရဲ့ ကိစ္စတွေကို သိချင်မှ သိမှာပါ။ တချို့အရာတွေက၊ တစ်ခါ လွဲချော်သွားရင်၊ ထာဝရ လွဲချော်သွားတာပါပဲ။ ကြီးမားကျယ်ပြန့်တဲ့ ပိုင် မိသားစု အင်ပါယာ ဆိုတာ ကျွန်မ ပိုင်ရူယွီ ရှေ့မှာ ဘာမှ မဟုတ်ပါဘူး။”

“အဲ့ဒီတုန်းက ပိုင်ရှောက်ချွမ် ကကျွန်မတို့ ညီအစ်မတွေကို ဘယ်လို ဆက်ဆံခဲ့လဲ ဆိုတာ၊ ကျွန်မတို့ လက်စားမချေရင်တောင်၊ ကျွန်မနဲ့ ကျွန်မညီမက သူ့ခေါ်တိုင်း လာမယ့်သူတွေ ဘယ်တော့မှ ဖြစ်လာမှာ မဟုတ်တော့ဘူး။”

 “တကယ်လို့ ဦးလေးက သူ့ရဲ့ ကြားခံလူ အဖြစ် ဆက်လုပ်ချင်ရင်၊ ကျွန်မ ကြိုပြီး တောင်းပန်ပါတယ်လို့ပဲ ပြောပါရစေ။”

“ကျွန်မ ပြောစရာ ရှိတာ ဒါပါပဲ၊ ထပ်ဖြည့်စရာ မရှိတော့ပါဘူး။”

ပိုင်ရှောက်ချွမ် ညီအစ်မ နှစ်ယောက်အပေါ် လုပ်ခဲ့တာတွေက လွန်လွန်းပါတယ်။

ချူထျန်ဖုန်း တောင် အမှောင်ထဲမှာ ထားခံရတာ ဖြစ်နိုင်လေသည်။

မဟုတ်ရင် သူက စည်းရုံးရေးမှူး အဖြစ် ဆောင်ရွက်ဖို့ ဒီကို လိုလိုလားလား လာကြမှာ မဟုတ်ဘူး။

ပိုင်ရှောက်ချွမ် က ပိုက်ဆံ မချေးချင်လို့ ဆင်ခြေပေးနေတာ ဖြစ်မယ်လို့တောင် ပိုင်ရူယွီ သံသယ ဝင်မိလေသည်။

“မမ ရူယွီ၊ တကယ်ပဲ အခွင့်အရေး လုံးဝ မရှိတော့ဘူးလား ညီမ မမကို အရင်က ဘာမှ မတောင်းဆိုဖူးဘူးနော်။ ဒီတစ်ခါ၊ ညီမ ကိုယ့်သဘောအတိုင်း လုပ်တာကို ခွင့်လွှတ်ပြီး ကျေးဇူးပြုပြီး ကူညီပေးလို့ ရမလား”

သူ့အဖေ စကားကို လိမ္မာစွာ နားထောင်နေတဲ့ ချူမုန်ယောင် က သူ့အဖေအတွက် စိုးရိမ်စိတ်နဲ့ ဝင်ပြောလိုက်လေသည်။ 

“ညီမလည်း အဖေ့ကို ဒီလောက် ခေါင်းမမာဖို့ အကြံပေးချင်ပါတယ်၊ ဒါပေမဲ့ ဒါက သူ စဉ်းစားလို့ ရတဲ့ တစ်ခုတည်းသော ဖြေရှင်းနည်းပဲ။ တကယ်လို့ ကုမ္ပဏီ တစ်ခုခု ဖြစ်သွားရင်၊ အဖေ ပြိုလဲသွားလိမ့်မယ်။”

ချူမုန်ယောင် လည်း သူမ အများကြီး တောင်းဆိုနေမိတယ်လို့ ခံစားရပေမယ့်၊ မကြာသေးမီက သူမအဖေရဲ့ မျက်နှာ ဖြူဖျော့လာတာကို မြင်ရတော့၊ သူမ တကယ် စိုးရိမ်မိလေသည်။

သူမ ငယ်ငယ်လေးကတည်းက အမေ ဆုံးသွားပြီး၊ အဖေကပဲ ပြုစုပျိုးထောင်ပေးခဲ့တာ။

ကလေးတစ်ယောက်က ကိုယ့်ဂုဏ်သိက္ခာ အတွက်နဲ့ အန္တရာယ် ကြုံနေတဲ့ အဖေကို ဘယ်လိုလုပ် စွန့်ပစ်နိုင်မှာလဲ။

ပိုင်ရူယွီ ရဲ့ မျက်လုံးထဲက နာကြည်းမှုကို သူမ မြင်နေရပေမယ့်၊ မီးထဲ တိုးဝင်တဲ့ ပိုးဖလံလို သူမ ကြိုးစားကြည့်ဖို့ကလွဲပြီး ရွေးချယ်စရာ မရှိတော့ပေ။

ပိုင်ရူယွီ သူမရဲ့ အကြည့်ကို ချင်းလန် ဆီ လွှဲပြောင်းလိုက်လေသည်။

သူတို့နှစ်ယောက် ကြားမှာ နားလည်မှု တစ်ခု တည်ဆောက်ပြီးသား ဖြစ်နေပြီ၊ အထူးသဖြင့် လက်ရှိ အခြေအနေနဲ့ သတ်မှတ်ထားတဲ့ အနေအထားတွေအရပေါ့။

ရိုးရိုးလေးပါပဲ၊ ပိုင်ရူယွီ က ကူညီချင်ပေမယ့်၊ ပိုင် မိသားစုရဲ့ ဩဇာအာဏာကို အားကိုးမှာ မဟုတ်ပါဘူး။ သူမက ချင်းလန် ရဲ့ သဘောထားကို မေးမြန်းချင်တာပါ။

ချူ သားအဖ အပါအဝင် ပိုင်ရှောက်ယွင် ပါ အားလုံးရဲ့ အာရုံက ချင်းလန် ဆီ ရောက်လာကြလေသည်။

“ခင်ဗျားတို့ အားလုံး ဘာလို့ ကျွန်တော့်ကို ကြည့်နေကြတာလဲ ဒါ ကျွန်တော်နဲ့ ဘာဆိုင်လို့လဲ”

 ချင်းလန် လက်ကာပြပြီး ကူကယ်ရာမဲ့စွာ ပြောလိုက်လေသည်။

“ချူ လုပ်ငန်းစုရဲ့ ပြဿနာတွေကို ကျွန်တော် ကြားပါတယ်။ သူတို့ လိုအပ်တဲ့ ငွေပမာဏက ကြီးမားလွန်းတယ်။ ကျွန်တော် ကူညီချင်ရင်တောင်၊ ကျွန်တော့်မှာ လုံလောက်တဲ့ ငွေကြေးမရှိဘူး။ ဒါ့အပြင် ရန်ပုံငွေတွေကို သုံးပြီး ဒီပြဿနာတွေကို ကာကွယ်မယ်ဆိုရင်တောင်၊ စွန့်စားရမှုတွေ ရှိနေသေးတယ်၊ ဘယ်သူမှ အဲ့ဒီ စွန့်စားမှုတွေကို မယူချင်ကြဘူး။”

ဖရဲသီး ဝယ်ရင်တောင် ပိုက်ဆံ မပေးခင် မှည့်မမှည့် သေချာ စစ်ဆေးသင့်တယ်လေ။

အခု ချူမုန်ယောင် ကို ကူညီမယ် ဆိုရင်၊ အနည်းဆုံးတော့ သူမ ဘာပြန်ပေးနိုင်မလဲ ဆိုတာ ထည့်သွင်းစဉ်းစားသင့်တယ် မဟုတ်လား။