အခန်း (၁) ကံကြမ္မာကရွေးချယ်ထားသောဗီလိန်
“ချင်းလန် နင်အရမ်းမလွန်လာနဲ့နော်
နင်ငါ့ပတ်ဝန်းကျင်မှာ စပိုင်တွေထား
ထားပြီးတော့ ငါ့နောက်ကိုလူတွေလိုက်ခိုင်းထားတာငါမသိဘူးထင်နေလား။နင်ဘယ်လောက်စက်ဆုပ်စရာကောင်းတာလဲ”
“နင်နဲ့ စေ့စပ်ခဲ့တာက ငါ့မိသားစုက
အတင်းအကျပ်ခိုင်းခဲ့လို့သာ အခုငါ
မူယွီယန် ကနင့်ကို ပြတ်ပြတ်သားသား ပြောလိုက်မယ် ငါနင့်ကို လုံးဝမကြိုက်
ဘူး တကယ်တော့ နင့်ကိုမုန်းတယ်”
“ကျေးဇူးပြုပြီး အခုကစပြီး ငါ့ကို
လာမနှောင့်ယှက်ပါနဲ့တော့”
ထျန်းဟိုင်မြို့ မူရန် အပြည်ပြည်ဆိုင်ရာ ကုမ္ပဏီ၌
CEO ရုံးခန်းထဲတွင် အနက်ရောင် ယူနီဖောင်း ဝတ်ဆင်ထားသည့် အမျိုးသမီး CEO မူယွီယန်သည်
မျက်ခုံးများတွန့်ချိုးလျက်သူမရှေ့တွင်
ဘာမှမသိသလို ဟန်ဆောင် နေသည့်
ချင်းလန်ကို ဒေါသတကြီး အော်ဟစ်ပြောဆိုနေလေသည်။
အပြစ်တင်ခံနေရသော ချင်းလန်သည်
ထိုအရာကို ဂရုမစိုက်နိုင်သေးပေ။
သူသည် ဆိုဖာပေါ်တွင် တွေဝေစွာ
ထိုင်နေပြီးစိတ်ထဲရှိ သတင်းအချက်အလက်များကိုကြည့်ကာ
တုန်လှုပ် နေလေသည်။
ငါကူးပြောင်းလာတာလား။
ပြီးတော့ ငါဖတ်ဖူးတဲ့ဝတ္ထု တစ်ပုဒ်
ထဲကို ရောက်လာတာလား။
ထို့ထက်ပို ရယ်စရာကောင်းသည်မှာ
သူ၏ လက်ရှိအခြေအနေသည်
လှပသော အမျိုးသမီးများဝန်းရံနေ
သည့်ဇာတ်လိုက် မဟုတ်ဘဲ
ဇာတ်လိုက်၏ မျက်နှာဖြတ်ရိုက်တာကို
အမြဲခံရမယ့် အဓိကဗီလိန်
ဖြစ်နေခြင်းပင်။
ချင်းလန်သည် ယန်ကျင်းမြို့
ချင်းမိသားစု ၏ သားအရင်း
ဖြစ်ပြီး မိသားစု၏ တစ်ဦးတည်းသော အမွေဆက်ခံသူ ဖြစ်လေသည်။
သူ့အဘိုးသည် အောင်မြင်မှုများစွာရရှိထားတဲ့ စစ်သည်တစ်ဦးဖြစ်သည်။
သူ့ဖခင်သည်လည်း ခြေတစ်ချက်နင်းလိုက်ရုံဖြင့်ပင် ဟွားရှ တစ်နိုင်ငံလုံးကို
လှုပ်ခါစေနိုင်သူဖြစ်သည်။
သူ့မိခင်သည်လည်း စီးပွားရေး
လုပ်ငန်းရှင်ဖြစ်ပြီး နာမည်ကြီးလုပ်ငန်းများ
၏ရှယ်ယာအများအပြားကို ပိုင်ဆိုင်
ထားလေသည်။
သူနဲ့ရင်းနှီးသူတိုင်းသည် ချမ်းသာတဲ့သူတွေ ဂုဏ်သရေရှိသူတွေသာ ဖြစ်သည်။
သူသည် စစ်မှန်တဲ့ ချမ်းသာသည့်
ဒုတိယမျိုးဆက် ဖြစ်သည်။
ထိုကဲ့သို့ ဘဝကြီးသည် မူလ
ချင်းလန်ကြောင့် လုံးဝပျက်စီးဆုံးရှုံး
သွားခဲ့ရသည်။
သူသည် မူယွီယန် ကိုခွေးတစ်ကောင်လို
ဒူးထောက်ကာ ဖားယားခဲ့လေသည်။
ထို့အပြင် မူယွီယန်အနားမှာ
သူ့ကိုယ်ပိုင်စပိုင်တွေ ကိုထားထားပြီး ယုတ်မာသော လုပ်ရပ်မျိုးစုံကိုပင် ကျူးလွန်ခဲ့လေသည်။
နောက်ဆုံးတွင် သူသည် မူယွီယန်က
ဈေးကြီးပေးပြီး ငှားရမ်းထားသော
ဇာတ်လိုက် ရဲ့ဖန်း ကိုပင်ပြဿနာ
ရှာခဲ့လေသည်။ ထိုရလဒ်ကြောင့်
သူသည် သူ၏ဘေးဆိုးကိုကိုယ်တိုင်
ဖိတ်ခေါ် ခဲ့ပြီး ရဲ့ဖန်း ၏လက်ထဲတွင်
ကစားခံရကာသေဆုံးခဲ့ရသည်။
သူ၏ ခမ်းနားသော မိသားစုနောက်ခံ
သည် ရဲ့ဖန်း အတွက်ပိုမိုအားကောင်း
လာဖို့အတွက် လှေကားထစ် တစ်ခု
ဖြစ်လာခဲ့လေသည်။
ရဲ့ဖန်း၏ တိုးတက်လာမှုသည်
ချင်းမိသားစု ကြောင့်ပင်ဖြစ်သည်
ဟုဆိုနိုင်လေသည်။
စဉ်းစားလိုက်ရုံဖြင့် ဝမ်းနည်း
စရာကောင်းလွန်လှပေသည်။
ခွေးတစ်ကောင်လို ဖိနပ် ယက်ခဲ့ပေမဲ့
အဆုံးသတ်ကတော့ အလကားပင်။
သို့သော် ဤအရာများသည် အရင်
ချင်းလန် လုပ်ခဲ့သည့်အရာများ
သာဖြစ်သည်။အခုခန္ဓာကိုယ်ကိုသူ
ယူထားပြီဖြစ်ရာ အရာအားလုံး
အသစ်ပြန်စ တော့မည်ဖြစ်သည်။
ဒင်! အိမ်ရှင်ကို အတည်ပြုပြီးပါပြီ။ ကံကြမ္မာဗီလိန်စနစ် ကိုစတင်
ချိတ်ဆက်နေပါသည်...
သူ၏ စိတ်ထဲတွင်စက်သံတစ်ခုထွက်ပေါ်လာသောအခါ ဝတ္ထုများစွာကို
ဖတ်ထားဖူးသော ချင်းလန်သည် သူ၏ သီးသန့် ရွှေလက်ချောင်း ရောက်ရှိ
လာပြီဖြစ်ကြောင်း သိလိုက်သည်။
ကံကြမ္မာဗီလိန်စနစ် သည်နာမည်အတိုင်းပင် သူ့အားဗီလိန် ဖြစ်လာစေပြီး ကံကြမ္မာရဲ့သားတော်တွေကို နင်းချေရန်
ကူညီပေးမည် ဖြစ်လေသည်။
ထိုစနစ်သည် ကံကြမ္မာသားတော်တွေ
ရသင့်တဲ့ အခွင့်အလမ်းတွေကို ခိုးယူပြီး
ဗီလိန်အမှတ် အဖြစ်ပြောင်းလဲပေးလေသည်။
ထိုအမှတ်ကိုအသုံးပြုပြီး ပစ္စည်းဝယ်ခြင်း ကံစမ်းမဲနှိုက်ခြင်းတို့ကို ပြုလုပ်နိုင်ပြီး သူ၏ ကိုယ်ပိုင် စွမ်းအား ကို မြှင့်တင်နိုင်ပေသည်။
စနစ်၏ လုပ်ဆောင်ပုံများကို သေသေချာချာ သိရှိပြီးနောက်
ချင်းလန်သည် အတော်လေး
ကျေနပ်သွားလေသည်။
ဗီလိန်ဖြစ်ရတာမကောင်းတာလဲ
မဟုတ်ပါဘူး။သူ မကူးပြောင်းခင်ကလဲ
လူကောင်းတစ်ယောက်မဟုတ်ပေ။
မူယွီယန်သည် တစ်ခါတစ်ရံ ပြုံးနေသော ချင်းလန်ကို ကြည့်ရင်း ဒေါသကြောင့် တုန်ယင် နေသည်။
သူမ၏သက်တော်စောင့်များသာ
ရှာမတွေ့ခဲ့ရင် သူမရဲ့ရုံးခန်းထဲမှာ
အသံဖမ်းစက်တွေတပ်ထာပြီး
သူမရဲ့ကိုယ်ပိုင်ဘဝ အားလုံးနီးပါး
ကို ချင်းလန်က ချောင်းနားထောင်
နေသည်ကို သိမည် မဟုတ်ပေ။
ဒါတောင် ဒီလူက ရယ်ဖို့ သတ္တိ ရှိသေးလား။
“ချင်းလန် နင့်မှာ ရယ်ဖို့သတ္တိရှိသေးတာလား စေ့စပ်တာကို ဖျက်မယ် ငါတို့ စေ့စပ်ထားတာကို ဖျက်သိမ်းချင်တယ်”
စနစ်ရဲ့ လုပ်ဆောင်ပုံတွေကို
သိရှိပြီးနောက် ချင်းလန်သည်
ဖြည်းညှင်းစွာ ခေါင်းကိုမတ်ကာ
တည်ငြိမ်စွာ ပြန်ဖြေလိုက်လေသည်။
“ကောင်းပြီ။”
“…”
ဘာဖြစ်သွားတာလဲ!
မူယွီယန် ရှုပ်ထွေး သွားလေသည်။
ချင်းလန် သဘောတူလိုက်တာလား။
မကြာသေးမီကပင် ချင်းလန်သည်
အသံဖမ်းစက်တွေတပ်ပြီး
သူမနောက်ကို ခွေးတစ်ကောင်လို
လိုက်နေခဲ့တာပါ။
အခုနေလုံးကြီးကအနောက်ဘက်ကနေထွက် လာတာများလား။သူမက
ဒီမကောင်းတဲ့ စေ့စပ်မှုကနေ
လွတ်မြောက်တော့မှာလား။
ချင်းလန်သည် သူ့ခြေထောက်များကို
ချိတ်ထား လျက် ဆိုဖာပေါ်တွင်
ပေါ့ပေါ့ပါးပါး ထိုင်ကာ လက်ဖက်
ရည်ခွက်ကို ကောက်ယူပြီးတစ်ကျိုက်
မော့သောက် လိုက်သည်။
“စေ့စပ်တာ ဖျက်လိုက်လေငါ
မကန့်ကွက်ပါဘူး။မင်း မူမိသားစုကိုရှင်းရှင်းလင်းလင်း ရှင်းပြပြီး မူမိသားစု ဘက်ကနေ စပြီးဖျက်ခိုင်းလို့ ရတယ်လေ။”
“နင်”
မူယွီယန် မျက်မှောင်ကြုတ် ကာ ဒေါသတကြီး ပြောလိုက်သည်
“နင် လုံးဝ မတရားဘူး!”
ချင်းလန်က ပြုံးလိုက်သည်။
“ငါက မတရားဘူး။မင်းရဲ့ မူမိသားစုကလောဘကြီးတာကိုဘာလို့မပြောလဲ။
ပြီးတော့ မင်း မူယွီယန် မင်းကိုယ့်ကိုယ်ကို အရမ်း အထင်ကြီးမနေနဲ့။ငါကမင်းနဲ့
မတန်ဘူးလို့ ထင်နေတာမလား”
“ငါ့ ချင်းမိသားစု မရှိရင် မင်းရဲ့
မူမိသားစုကလွန်ခဲ့တဲ့ ဆယ်နှစ်
ကတည်းက အပိုင်းပိုင်းဖြစ်နေပြီ”
လွန်ခဲ့တဲ့ဆယ်နှစ်က မူယွီယန်၏
ဖခင်နှင့် ချင်းလန်၏ ဖခင်တို့သည်
ရင်းနှီးသော သူငယ်ချင်းများ ဖြစ်ခဲ့ကြသော်လည်း မတော်တဆမှုတစ်ခုကြောင့်
မူယွီယန်၏ ဖခင်သည်ကံမကောင်းစွာဖြင့် ကွယ်လွန် သွားခဲ့သည်။
ထိုအချိန်တွင် မူမိသားစုတစ်ခုလုံးသည် ကြီးမားသော မုန်တိုင်းနှင့်ရင်ဆိုင်ခဲ့ရပြီး
အခွင့်အရေးသမားများအစုလိုက်
အပြုံလိုက် ရောက်ရှိလာခဲ့သည်။
ချင်းလန်၏ ဖခင် သည်တစ်ဦးတည်းဖြင့်
မူမိသားစု တစ်ခုလုံးကိုတည်ငြိမ်အောင် ထိန်းချုပ် ပေးခဲ့လေသည်။
ချင်းမိသားစု ၏ ကြင်နာမှုကို
ကျေးဇူးတင်ကြောင်း ဖော်ပြရန်
မူယွီယန်၏ မိခင်သည် ဤစေ့စပ်မှုကို ကိုယ်တိုင် စီစဉ် ပေးခဲ့ခြင်းဖြစ်သည်။
ချင်းလန်နှင့် မူယွီယန်၏ စေ့စပ်မှုသည်
မူမိသားစုက ကိုယ့်ကိုယ်ကို ကာကွယ်ရန် အတွက် လုပ်ခဲ့ခြင်းဖြစ်သည်ဟု
ဆိုနိုင်ပေသည်။
ထိုအချက်ကို စဉ်းစားမိသောအခါ
ချင်းလန်သည် တစ်ဖန်ညည်းညူ
လိုက်မိသည်။
အရင်ကောင်က တကယ်ကို အရူးပဲ
သူ့လက်ထဲမှာ အခွင့်အရေးကိုဆုပ်
ကိုင်ထားတာတောင် ခွေးတစ်ကောင်လို
နေနေသေးတယ်။
မိန်မတွေရဲ့ နှလုံးသားထဲမှာခွေးတစ် ကောင်လိုတွယ်ကပ်နေတဲ့သူက
အရန်လူတွေထက်တောင်ပိုဆိုး
တယ်ဆိုတာ ဒီကောင်မသိဘူးလား။
“မင်းမှာ နောက်ထပ်ရွေးချယ်စရာ
တစ်ခုရှိသေးတယ်။အဲဒါကဒီစေ့စပ်
တာကို ခဏလောက်ဟန်ဆောင်နေဖို့ပဲ။
ဟုတ်တာပေါ့ အချိန်ကန့်သတ်ချက်တော့
ရှိတယ်။တစ်နေ့ ငါစိတ်ကောင်းဝင်နေရင်
မင်းကို စေ့စပ်တာကို ဖျက်ပေးနိုင်တယ်” ဟု ချင်းလန် ရယ်မောကာပြောလိုက်သည်။
ကံကြမ္မာသမီးတော်.......
သူမမှာကံကောင်းမှုတွေ အများကြီး
ရှိတယ်။ သူမဆီကနေ ပြောင်အောင်
ဂုတ်သွေးမစုပ်ရသေးဘဲ ဘယ်လိုလုပ်
စွန့်ပစ်နိုင်မှာလဲ။
မူယွီယန်သည် သူမ၏ ငွေရောင်သွားများ ကို တင်းတင်းကြိတ်ကာ “မဖြစ်နိုင်ဘူး နင်လိမ်နေတာဆိုရင် ဘယ်လိုလုပ်မလဲ”
ချင်းလန်သည် ခေါင်းခါလိုက်သည်
“မင်းရဲ့ အတွေးတွေကအရမ်းညစ်ပတ်
နေတာပဲ။ဘာလို့ အဲဒီလိုတွေးရတာလဲ။ အပြင်လူတွေရှေ့မှာ ချစ်သူရည်းစား
လို ဟန်ဆောင်ရုံသက်သက်ပါ။”
“မင်း တကယ်မလိုချင်ဘူးဆိုရင်တော့
မူမိသားစု ဆီပြန်သွားပြီး မူမိသားစု ကနေ စေ့စပ်တာ ဖျက်သိမ်းခိုင်းရုံပဲ။ အဲဒီအခါ ဘာတွေ ဖြစ်လာမယ်ဆိုတာတော့ငါ
အာမမခံနိုင်ဘူး။”
ချင်းမိသားစု ရဲ့အကျိုးကျေးဇူးတွေကို
ယူတော့ယူချင်ပြီး ဘာမှပြန်မပေးဘဲ
နေချင်တာလား။
နောက်နေတာလား။ ဒီလောကမှာ အလကားစားရတဲ့ နေ့လယ်စာ
ဘယ်မှာ ရှိလို့လဲ။
မူယွီယန် မျက်မှောင်ကြုတ်ကာ
တုံ့ဆိုင်းနေလေသည်။
မူမိသားစုက စတင်ဖျက်သိမ်းပါက
ဘာတွေ ဖြစ်လာမလဲဆိုတာကို သူမ ကောင်းကောင်းသိလေသည်။
ချင်းလန်က စေ့စပ်မှုကို ဖျက်သိမ်းပါက ဘာမှပြောစရာ မလိုပေ။မူမိသားစုက မျက်နှာပျက် သွားမည်ဖြစ်သော်လည်း ချင်းမိသားစုကို ဘာမှ လုပ်၍ မရနိုင်။
သို့သော် မူယွီယန်ကစေ့စပ်မှုကို
ဖျက်သိမ်းပါကလုံးဝ ကွဲပြားသွားမည်
ဖြစ်သည်။ချင်းလန်သည် ချင်းမိသားစု
၏ မျိုးဆက်ဖြစ်ပြီး ချင်းမိသားစု၏
တစ်ဦးတည်းသောအနာဂတ်
အမွေဆက်ခံသူလဲဖြစ်လေသည်။
သူမ၏ လုပ်ရပ်သည် ချင်းမိသားစု၏ မျက်နှာကိုဖြတ်ရိုက်လိုက်ခြင်း
သာဖြစ်ပေ လိမ့်မည်။
ထိုသို့ဆိုလျှင် ချင်းမိသားစု၏
ကာကွယ်မှုကို ရရှိဖို့ဆိုတာ ဝေးရော
ဖိနှိပ်မခံရ တာတောင် ကံကောင်း
သည်ဟုဆိုရမည်ဖြစ်သည်။
သူမသည် ချင်းလန်နှင့်အတူရှိရခြင်းကို လုံးဝမုန်းတီး သော်လည်းအချိန်
အကြာကြီး ဒုက္ခခံရတာက
ခဏတာဒုက္ခခံရတာထက်
ပိုဆိုးလေသည်။
သူမသာ ဒီအစီအစဉ်ကို သဘောမတူရင် ချင်းလန်ကို လက်ထပ်ရခြင်းကလွဲလို့
သူမရဲ့ဘဝမှာ အခြားဖြစ်နိုင်ခြေ
လုံးဝမရှိတော့ပေ။
“ကောင်းပြီ ငါသဘောတူတယ်
ဒါပေမဲ့နင်စေ့စပ်တာကို ဖျက်သိမ်းပေး မယ်ဆိုတဲ့ကတိကိုတည်ရမယ်” မူယွီယန်
ကအသက်ပြင်းပြင်းရှူလိုက်ပြီး သူမ၏ လှပ ကြည်လင်သော မျက်လုံးများက ဆုံးဖြတ်ချက် ဖြင့်တောက်ပ
သွားလေသည်။
[ဒေါင်! ဇာတ်လမ်း ပြောင်းလဲသွားပါပြီ။ အိမ်ရှင်အား ဗီလိန်အမှတ်
+1000 ရရှိသည့်အတွက် ဂုဏ်ယူပါတယ်]
ချင်းလန်ပြန်မဖြေတော့ပေ။
သူထရပ်လိုက်ပြီး မူယွီယန်ရဲ့လက်
ကိုဆွဲယူကာ အပြင်သို့ဦးဆောင်သွားလေသည်။
မူယွီယန်သည် ဗီဇအတိုင်း ရုန်းကန်သော်လည်း ချင်းလန်၏ စကားများက သူမကို ရပ်တန့်လိုက်စေသည်- “မင်း ငါ့ကို စေ့စပ်တာ ဖျက်သိမ်းခိုင်းမှာ မဟုတ်ဘူးလား။ ချစ်သူရည်းစားတွေက လက်တောင် တွဲလို့ မရဘူးလား။”
“တော်ပြီ ခွေးတစ်ကောင် ထိသွား
တယ်လို့ပဲ သဘောထားလိုက်တော့မယ်။”
မူယွီယန် ခါးသီးစွာ တွေးလိုက်သည်။
[ဒေါင်! အမျိုးသမီး ဇာတ်လိုက် မူယွီယန်သည် စိတ်ခံစားမှု အတက်အကျ ကြုံတွေ့ခဲ့ရသည်။ အိမ်ရှင်အား ဗီလိန်အမှတ် +300 ရရှိသည့်အတွက် ဂုဏ်ယူပါတယ်]
ချင်းလန်သည် သူမ၏အတွေးများကို လျစ်လျူရှုလိုက်ပြီး သူမ၏လှပသော ကိုယ်လုံး ကိုရဲတင်းစွာ လှည့်ပတ်
ကြည့်ကာ ရယ်မောလိုက်လေသည်။
“မိန်းကလေးတွေ အထူးသဖြင့် ချောတဲ့ မိန်းကလေးတွေက ဒီလောက်ကျပ်တဲ့ အဝတ်အစားမျိုး မဝတ်သင့်ဘူး။ မင်းရဲ့
ပုံက အရမ်းမိုက်နေတော့ မကောင်းတဲ့သူတွေ နောက်ယောင်ခံလိုက်ဖို့ ဆွဲဆောင်နေလိမ့်မယ်...”
“ငါ မနေ့ညကတောင်
နောက်ယောင်ခံလိုက်တဲ့ နှစ်ယောက်ကို
ဖမ်းမိခဲ့သေးတယ်။”