အခန်း ၆၆ - အနက်ရောင်နည်းပညာ

ဝှစ်

 အမိုးပေါ်မှ ဆင်းသက်လာခဲ့လေသည်။

 နောက်တစ်ခဏတွင် ချန်ယဲ့သည် ခြံစည်းရိုးပေါ်မှ လင်ရှောင်စုဘေးသို့ ပြန်လည် ခုန်ကူးလာ၏။

 "ပတ်ဝန်းကျင်ကို ရှင်းလင်းပြီးပြီ အဓိကနေရာကို သွားကြစို့" 

အေးဂျင့် ၈၈ က ချန်ယဲ့ကို ကြည့်ကာ ပြောလိုက်သည်။ 

ချန်ယဲ့က ခေါင်းအနည်းငယ် ငြိမ့်ပြ၏။ 

"သွားမယ်"

 "ခဏစောင့် ငါတို့ ဗီလာပိုင်ရှင်ရဲ့ လက်ဗွေနဲ့ မျက်လုံးအိမ် အချက်အလက် လိုအပ်တယ်"

သူသည် လက်ကို ဆန့်ထုတ်လိုက်ပြီး အဆိပ်သင့်သွားသည့် ဗီလာပိုင်ရှင်ကို တစ်ဖက်တည်းဖြင့် မလိုက်ကာ အပေါ်ထပ်သို့ တက်သွားပြီး သူ၏ လက်ချောင်းကို လက်ဗွေစနစ်ပေါ်တွင် တင်လိုက်ရာ အခန်းတံခါးမှာ တိတ်ဆိတ်စွာ ပွင့်သွားလေသည်။

 အေးဂျင့် ၈၈ သည် ပတ်ဝန်းကျင်ကို ကြည့်ကာ ရှေ့ရှိနံရံကို စစ်ဆေးလိုက်လေသည်။

 "ကောင်းပြီ ဒီနေရာမှာပဲ။သူ့ကို မြှောက်ထားပေး ဒီအမြင့်ကိုပဲ ထိန်းထားပါ"

 လင်ရှောင်စုက ညွှန်ကြားလိုက်လေ၏။

 သူတို့သည် မျက်လုံးများ ပြူးကျယ်လျက် ရှေ့ကို စိုက်ကြည့်နေသော ဗီလာပိုင်ရှင်ကို မြှောက်ထား လိုက်လေသည်။ 

လင်ရှောင်စုသည် စားပွဲဆီ လမ်းလျှောက်သွားပြီး အောက်ကို စမ်းသပ်ကြည့်လိုက်ရာ နံရံမှ အနီရောင် လေဆာတန်းတစ်ခု ထွက်လာပြီး ဗီလာပိုင်ရှင်၏ မျက်လုံးကို တိကျစွာ ထိမှန်သွား လေတော့သည်။

 အနီရောင်အလင်းမှာ အစိမ်းရောင်သို့ ပြောင်းသွား၏။

သိမ့်ခနဲ 

အသံတစ်ခုနှင့်အတူ သူတို့ရှေ့ရှိ နံရံမှာ နှစ်ခြမ်းကွဲသွားပြီး ဧရာမ ဂူကြီးတစ်ခု ပေါ်ထွက်လာ၏။

 အေးဂျင့် ၈၈ ၏ မျက်လုံးများ တောက်ပလာပြီး လက်ချောင်းကို မြှောက်လိုက်သည်။ 

ဤသည်မှာ တိုက်ခိုက်ရန် အသင့်အနေအထားပင် ဖြစ်ပေသည်။

 လူတိုင်း၏ ပေါ့ပါးနေသော အမူအရာများ ချက်ချင်း ပျောက်ကွယ်သွား၏။

 အေးဂျင့် ၈၈ ၏ လက်ညှိုးညွှန်ရာတွင်...

 လေတိုက်သံများ ပြင်းထန်လာပြီး ရှင်းယွဲ့က ဂူထဲသို့ အရင်ဆုံး ဝင်သွားလိုက်သည်။ သူမ၏ နဂါးအကြေးခွံ ချပ်ဝတ်ပေါ်တွင် အလင်းတန်းဖျော့ဖျော့လေး ဖြတ်သန်းသွားပြီး သူမကို လုံးဝနီးပါး ပျောက်ကွယ်သွားစေ၏။ 

‘ပျောက်ကွယ်ခြင်း’ 

ချန်ယဲ့က လင်ရှောင်စုကို ဆေးလုံးတစ်လုံး ခပ်ပေါ့ပေါ့ ပေးလိုက်သည်။

 "လျှာအောက်မှာ ထားထား မမြိုချနဲ့” 

လင်ရှောင်စု စိတ်လှုပ်ရှားသွား၏။

 "ရှင်က အကာအကွယ်ပစ္စည်း မဝတ်ထားဘူး အနီးကပ်တိုက်ပွဲတွေကို ရှောင်ပြီး အဝေးကနေပဲ ထိန်းချုပ်ပါ"

 သူမ စကားဆုံးသည်နှင့် အမှောင်ထုထဲသို့ ခြေလှမ်းလိုက်လေသည်။

 ရှေ့တွင် ဧရာမ ဂူကြီးတစ်ခု ရှိနေပြီး အနံ့ဆိုးတစ်ခုက သူတို့ဆီသို့ ထိုးဝင်လာ၏။

 လင်ရှောင်စု၏ မျက်လုံးများ ပြူးကျယ်သွားလေသည်။ 

အမှောင်ထဲတွင် ကျားသစ်ကြီး နှစ်ကောင် ပေါ်လာပြီး ၎င်းတို့၏ အရွယ်အစားမှာ ဆိုက်ဘေးရီးယား ကျားကြီးများနှင့် တူညီနေလေသည်။ 

၎င်းတို့၏ မျက်လုံးများက ရုတ်တရက် ပွင့်လာပြီး စိမ်းလန်းသော နတ်ဆိုး မီးအိမ် လေးလုံးကဲ့သို့ ဖြစ်နေ၏။

အေးဂျင့် ၈၈ ချန်ယဲ့ ကျောက်ကျန်းနှင့် ရှင်းယွဲ့တို့သည် မျက်မှန်များ တပ်ထားကြသည်။

 ဤမျက်မှန်များမှာ "နဂါးမျက်လုံး" များဖြစ်ပြီး စိတ်ကူးယဉ်နိုင်သည်ထက် ပို၍ လုပ်ဆောင်ချက်များ ပါရှိလေသည်။ လုံးဝမှောင်မိုက်နေသည့်နေရာတွင် ၎င်းတို့သည် အနီအောက်ရောင်ခြည်စနစ်သို့ အလိုအလျောက် ပြောင်းလဲသွားနိုင်ပြီး သွေးနွေးသတ္တဝါ မည်သူမျှ သူတို့၏ အမြင်မှ မလွတ်မြောက်နိုင်ပေ။

 ရှစ်

 ဓားမြှောင်တစ်ချောင်းက ပင့်ကူကျားကြီး၏ လည်ပင်းသို့ တိကျစွာ စိုက်ဝင်သွား၏။

 အေးဂျင့် ၈၈ လှုပ်ရှားလိုက်ခြင်းပင် ဖြစ်လေသည်။ 

သူ၏ လှုပ်ရှားမှုများမှာ အမြဲ တိကျပြီး တစ်ချက်တည်းဖြင့် ကျားအရွယ်အစားရှိ ဗီဇပြောင်း သားရဲကို ချက်ချင်း အဆုံးစီရင်နိုင်၏။

 ချန်ယဲ့၏ လှုပ်ရှားမှုများမှာမူ ညဉ့်ဘက်တွင် ပေါ်လာသော တစ္ဆေတစ်ကောင်ကဲ့သို့ ပေါ့ပါးလှသည်။

 သူမသည် ခြေဖျားဖြင့် ထောက်လိုက်ရာ ဖိနပ်မှ အစိမ်းရောင် ဆူးချွန်တစ်ခု ထွက်လာပြီး ပင့်ကူကျား၏ ကျောကို ထိုးစိုက်လိုက်ရာ အဆိပ်မိသွားသဖြင့် မျက်လုံးများ ဝေဝါးသွားလေသည်။

အထက်မှနေ၍ တောကြောင်တစ်ကောင် ရုတ်တရက် ပေါ်ထွက်လာပြန်သည်။

 ၎င်းသည် အရှေ့မြောက်ဘက်တွင် ပေါ်လာပြီး နောက်တစ်ခဏတွင် အနောက်မြောက်ဘက်သို့ ရောက်သွားကာ အေးဂျင့် ၈၈ ကို သံမဏိကဲ့သို့ ထက်မြက်သော လက်သည်းများဖြင့် ခုန်အုပ်လိုက်သည်။

 တိတ်ဆိတ်စွာပင် အဖြူရောင် ပုံရိပ်တစ်ခုက ၎င်းနှင့် လမ်းကြောင်းချင်း ဖြတ်တောက်သွားပြီး တောကြောင်၏ ခေါင်းကို ကိုယ်နှင့် ဖြတ်တောက်လိုက်၏။

 သွေးစက်များပင် ကျောက်ကျန်း၏ အဝတ်ပေါ်သို့ မစွန်းထင်းခဲ့ပေ။

ရှင်းယွဲ့ ရှေ့ကို တိုးဝင်သွားချိန်တွင် ဘေးရှိ အက်ကြောင်းမှ အနက်ရောင် မြွေတစ်ကောင်က လျှပ်စီးပမာ ထွက်လာ၏။ 

၎င်း၏ ထက်မြက်သော အစွယ်များက ရှင်းယွဲ့၏ ညာလက်ကို ရည်ရွယ်ထားလေသည်။

 ရှင်းယွဲ့၏ မျက်မှန်များမှာ အနီအောက်ရောင်ခြည်စနစ် ဖြစ်၍ သွေးနွေးသတ္တဝါများအတွက် အလွန်ထိရောက်သော်လည်း မြွေမှာ သွေးအေးသတ္တဝါ ဖြစ်သဖြင့် မျက်မှန်မှာ အသုံးမဝင်ပေ။

 သို့သော် သူမ၏ မွေးရာပါ အာရုံခံစားမှုမှာ ထူးခြားလှပြီး ဆဋ္ဌမအာရုံ ရှိသည့်နှယ် ရှေ့သို့ ပြင်းထန်စွာ ခုန်ဝင်လိုက်၏။ 

ထိုအချိန်တွင် နောက်ထပ် အနက်ရောင်မြွေတစ်ကောင် ထွက်လာပြန်လေသည်။

ဒိုင်း 

ဒိုင်း

သေနတ်သံ နှစ်ချက် ထွက်လာပြီး အနက်ရောင်မြွေ နှစ်ကောင်၏ ဦးခေါင်းများ ပေါက်ကွဲသွား၏။

 လင်ရှောင်စု ပစ်လိုက်ခြင်းဖြစ်သည်။

 ကျည် နှစ်တောင့် ထိမှန်မှု နှစ်ချက်

 အမှောင်ထုထဲတွင် မျက်မှန်ဖြင့်ပင် ရှာမတွေ့နိုင်သော ဗီဇပြောင်း အနက်ရောင်မြွေများကို တစ်ချက်တည်းဖြင့် အဆုံးစီရင်လိုက်၏။

 ဝှစ်

 အဖြူရောင် ပုံရိပ်တစ်ခု ပျောက်ကွယ်သွားပြီးနောက် ကျောက်ကျန်းသည် မြွေနှစ်ကောင်ကို ဖမ်းယူလိုက်ကာ လင်ရှောင်စုကို အံ့အားသင့်စွာ ကြည့်လိုက်မိသည်။ 

လင်ရှောင်စု၏ မျက်လုံးများတွင်လည်း အံ့အားသင့်မှုများ ရှိနေလေသည်။

 "ဒီ ဗီဇပြောင်း သားရဲတွေရဲ့ ဦးနှောက်ထဲမှာ ချစ်ပ်တွေ ထည့်ထားတယ်" 

အခုလေးတင် ပစ်လိုက်သော ကျည်နှစ်တောင့်မှာ သာမန်လူအတွက်ဆိုလျှင် မီးပွားထွက်သည်ဟုသာ ထင်ရမည်။

 သို့သော် လင်ရှောင်စုက မြွေနှစ်ကောင်လုံး၏ ဦးခေါင်းတွင် ချစ်ပ်များ ရှိနေသည်ကို ရှင်းရှင်း လင်းလင်း မြင်လိုက်ရသည်။

 ဤဗီဇပြောင်း သားရဲများမှာ လူတို့၏ ထိန်းချုပ်မှုအောက်တွင် ရှိနေပေသည်။

သတ္တဝါများကို ချစ်ပ်ဖြင့် ထိန်းချုပ်ခြင်းမှာ အလွန်အဆင့်မြင့်သော နည်းပညာရပ်တစ်ခုပင် ဖြစ်သည်။ ၎င်းကို ဇီဝနည်းပညာ အင်ဂျင်နီယာနယ်ပယ်၏ အထွတ်အထိပ်ဟု ဆိုနိုင်ပေသည်။

 ချစ်ပ်ထိန်းချုပ်မှုမှာ လူကို ထိန်းချုပ်ခြင်းနှင့် မတူပေ။ 

လူကို ထိန်းချုပ်ပါက သူတို့၏ အသက်ကို ထိန်းချုပ်ခြင်းသာ ဖြစ်သော်လည်း တိရစ္ဆာန်များကို ထိန်းချုပ်ပါက ၎င်းတို့၏ အာရုံကြော စနစ်ကိုပါ ထိန်းချုပ်ခြင်းပင် ဖြစ်ပေသည်။

 ထို့ကြောင့် လင်ရှောင်စုက ဤနေရာမှာ အလွန်အန္တရာယ်များကြောင်းနှင့် ဤသို့သော အနက်ရောင် နည်းပညာကို သုံးသည့် အဖွဲ့အစည်းကို သတိထားရမည်ဖြစ်ကြောင်း အဖွဲ့ကို သတိပေးလိုက်၏။

အကွေ့တစ်ခုကို ကျော်လိုက်သောအခါ ဤတိုက်ပွဲ၏ ရက်စက်မှုကို မြင်တွေ့လိုက်ရသည်။

 သူတို့ရှိနေသည့် နေရာမှာ သဘာဝအတိုင်း ဖြစ်ပေါ်လာသော ဂူကြီးတစ်ခု ဖြစ်ပြီး အောက်တွင် ဝှက်ထားသော လောကတစ်ခု ရှိနေပေသည်။

 မီးရောင်များ လင်းထိန်နေပြီး စက်ရုံသုံး အသံများ မြည်ဟည်းနေ၏။

 အဖြူရောင် ဝတ်စုံဝတ်ထားသော သုတေသီ ဒါဇင်ပေါင်းများစွာမှာ ကွန်ပျူတာများ စက်ကိရိယာများ ရှေ့တွင် ထိုင်နေကြသည်။ ဂူထဲရှိ ပလက်ဖောင်း လေးခုလုံးတွင် အစောင့်များ ရှိနေပြီး ထူးခြားကြီးမားသော သေနတ်များကို ကိုင်ထားကြ၏။

အေးဂျင့် ၈၈ တို့အဖွဲ့ ပေါ်လာသည်နှင့် ရှေ့ဆုံးရှိ အစောင့် သုံးယောက်က သေနတ်များဖြင့် ပစ်ခတ်လိုက်လေသည်။

 ၎င်းမှာ အငိုက်ဖမ်းခြင်းပင် ဖြစ်၏။

 ပစ်ခတ်မှု အကျယ်အဝန်းမှာ ကျယ်ပြန့်လှသည်။

 အရင်က တိုက်ပွဲ၏အသံများကြောင့် သူတို့က ကြိုတင် ပြင်ဆင်ထားပြီး ဖြစ်ချေသည်။

 သေနတ်သံများ ထွက်ပေါ်လာချိန်တွင် ၈၈ က ပစ်ခတ်သည့်နေရာမှ လွတ်အောင် ရှောင်သွား၏။

 ရှင်းယွဲ့ ပျောက်ကွယ်သွားသည်။ 

အဖြူရောင်ဝတ် ကျောက်ကျန်းက မီးပွားများကို ကြည့်ကာ ရယ်မောရင်း ပျောက်ကွယ်သွားပြီး အစောင့်တစ်ယောက်၏ ခေါင်းမှာ ဆယ်မီတာအကွာသို့ လွင့်စင်သွားလေသည်။ 

သူ့၏ လှုပ်ရှားမှုမှာ မည်သည့် အရိပ်အယောင်မျှ မကျန်ခဲ့ပေ။ 

ချန်ယဲ့က လင်ရှောင်စုကို ဆွဲခေါ်ကာ ထွက်ပြေးရန် ပြင်လိုက်လေသည်။

 သို့သော် သူမ လက်ထဲတွင် ဘာမှ မပါလာပေ။

 လင်ရှောင်စုက အငိုက်ဖမ်းသည့် နေရာမှ လွတ်သွားပြီ ဖြစ်ပေ၏။

 ချန်ယဲ့ ခုန်တက်လိုက်ရာ ကျည်ဆံများစွာ သူမအောက်တွင် ဖြတ်သန်းသွားလေတော့သည်။

သူမ လက်ကို ဝှေ့ယမ်းလိုက်ရာ အနက်ရောင် အစက်သုံးစက်က အောက်ရှိ စက်ရုံကြီးဆီသို့ ပစ်လွှတ်လိုက်၏။

 ဘုန်း 

ပေါက်ကွဲသွားလေသည်။

 မီးမတောက်ဘဲ အနီရောင် မြူခိုးများသာ ထွက်ပေါ်လာ၏။

 တစ်ခဏအတွင်း စက်ရုံတစ်ခုလုံးမှာ အနီရောင် မြူခိုးများဖြင့် ဖုံးလွှမ်းသွားပြီး ထူးဆန်းသော ရနံ့တစ်ခု ပျံ့လွင့်လာသည်။

 "အဆိပ်"

 သုတေသီ တစ်ယောက် လဲကျသွားသည်။

 စားပွဲခုံများ မှောက်ခုံ ဖြစ်သွားပြီး မှန်ဘူးထဲမှ အရည်ဝါများ ယိုဖိတ်ကာ လဲကျနေသည့် သုတေသီတစ်ယောက်ပေါ်သို့ ကျသွားရာ သူ၏ အသားနှင့် အရိုးများ ချက်ချင်း အရည်ပျော်သွား၏။

 လင်ရှောင်စုက ဤမြင်ကွင်းကို ကြည့်ရင်း တုန်လှုပ်သွားသည်။

 ချန်ယဲ့၏ အဆိပ်မှာ တကယ်ပင် ကြောက်စရာကောင်းလှသည်။

သို့သော် ဤသည်မှာ အစသာ ဖြစ်ပေသည်။ 

ရုတ်တရက် ဂူနံရံပေါ်တွင် မျက်လုံးတစ်စုံ ပွင့်လာ၏။

 ၎င်းမျက်လုံးများမှာ အနီရောင် တောက်ပနေလေသည်။

 ၎င်းမှာ လူနှင့်တူသော်လည်း လူမဟုတ်သော သတ္တဝါပင် ဖြစ်လေ၏။

 ၎င်းသည် ဂူနံရံ အက်ကြောင်းတွင် ပုန်းကွယ်နေပြီး ရုတ်တရက် နိုးထလာသည်။

 ဝှစ် 

ထိုသတ္တဝါက နံရံကို ကန်၍ မြှားတစ်စင်းကဲ့သို့ ပစ်ထွက်လာပြီး အနီရောင် မြူခိုးများကို ဖောက်ထွက်ကာ နံပါတ် ၈၈ ကို တိုက်ခိုက်လိုက်သည်။

 နံပါတ် ၈၈ က အပေါ်ကို ကြည့်လိုက်ပြီး နဂါးအကြေးခွံ ဓားကို ကိုင်ကာ ထိုထူးဆန်းသော ဗီဇပြောင်းသူကို ထိုးစိုက်လိုက်၏။

 ထိုသတ္တဝါ၏ အမြန်နှုန်းမှာ အလွန်မြန်ပြီး သူ၏ လက်ဝါးများမှာ ထက်မြက်သော လက်သည်းများ ဖြစ်လာကာ ဓားနှင့် ထိပ်တိုက် တိုးမိသွားသည်။

 ဘုန်း

 နံပါတ် ၈၈ သုံးမီတာ နောက်သို့ ဆုတ်သွားရလေသည်။

 ထိုသတ္တဝါက နောက်တစ်ခါ နံရံကို ကန်၍ ပိုမြန်လာ၏။

 နံပါတ် ၈၈ က တစ်ဖက်ကို လှည့်လိုက်ရာ လက်သည်းများမှာ ကျောက်တုံးထဲ စိုက်ဝင်သွားသည်။ ၈၈ က နဂါးအကြေးခွံ ဓားဖြင့် ထိုသတ္တဝါ၏ ကျောကို ထိုးလိုက်ရာ မီးပွားများ ထွက်လာပြီး ထိုသတ္တဝါ အော်ဟစ်ကာ ၈၈ နှင့်အတူ အခြား ဂူတစ်ခုထဲသို့ လိမ့်ဝင်သွားလေတော့သည်။

"သတိထား ဒါ အဆိပ်ပုတ်သင်ညိုလူသားပဲ"

 ၈၈ က သူ့အဖော်များကို သတိပေးလိုက်၏။

 အဆိပ်ပုတ်သင်ညို၏ မျိုးရိုးဗီဇနှင့် ပေါင်းစပ်ထားသော ဤသတ္တဝါမှာ ဓားနှင့် ကျည်ဆံမဖောက်နိုင်သော အကြေးခွံများ ရှိပြီး အဆိပ်ကိုလည်း ခုခံနိုင်လေသည်။

 ၎င်းကို ဂူထဲတွင် သတ်ရန်မှာ အလွန်ပင်ခက်ခဲလှ၏။

 ဘုန်း 

သူတို့အောက်ရှိ လမ်းကြောင်းမှာ ပြင်းထန်စွာ တုန်လှုပ်သွားပြီး အဆိပ်ပုတ်သင်ညို လူသား တစ်ကောင်က ပလက်ဖောင်းကို ဖောက်ထွက်လာပြန်သည်။

 ရှင်းယွဲ့နှင့် တည့်တည့် တိုးမိလေသည်။

 "သေစမ်း"

 ရှင်းယွဲ့၏ ပုံစံမှာ အမြဲပြောင်းလဲနေပြီး ပြင်းထန်သော ကန်ချက်တစ်ခုဖြင့် ထိုသတ္တဝါ၏ ခေါင်းကို ကန်လိုက်၏။

 သို့သော် ထိုသတ္တဝါ၏ မျက်နှာမှာ ဘာအမူအရာမှ မရှိဘဲ သံမဏိပြားကို ကန်မိသကဲ့သို့ ဖြစ်သွားသည်။ 

သူ၏ လက်သည်းများက ရှင်းယွဲ့၏ ရင်ဘတ်ဆီသို့ ရောက်ရှိလာသောအခါ ရှင်းယွဲ့ ဆဲဆိုလိုက်သည်။

 "ငါ့ လင်ရှောင်ဆဲဆီက သင်ထားတာလား တစ်ခြားဟာတွေ မသင်ဘဲ..."

 သူမ ရှောင်လိုက်ပြီး ထိုသတ္တဝါ၏... အရေးကြီးသော အစိတ်အပိုင်းကို ကန်လိုက်လေသည်။

 ထိုသတ္တဝါ လမ်းကြောင်းထဲသို့ ပြုတ်ကျသွားပြီး ရှင်းယွဲ့လည်း နောက်မှ လိုက်ပါသွား၏။

လင်ရှောင်စုသည် နောက်ထပ် အဆိပ်ပုတ်သင်ညိုလူသားတစ်ကောင်နှင့် ရင်ဆိုင်နေရသည်။

 သုံးချက် ပစ်လိုက်သော်လည်း ကျည်ဆံများမှာ အလကား ဖြစ်သွားပေသည်။

 ထိုသတ္တဝါက သူ့ဆီသို့ ချဉ်းကပ်လာ၏။

 လေပြင်းတစ်ခု တိုက်ခတ်လာပြီး ချန်ယဲ့ ပေါ်လာကာ သူမ၏ ဆံပင်များ လွင့်ပျံလျက် ထိုသတ္တဝါ၏ မျက်လုံးကို ထိုးစိုက်လိုက်လေသည်။

 သတ္တဝါမှာ ကောင်းကင်ကို မော့ပြီး အော်ဟစ်လိုက်လေသည်။

 သူတို့နှစ်ဦး ပြုတ်ကျသွားပြီး ပြုတ်ကျစဉ်တွင် ထိုသတ္တဝါ၏ ခန္ဓာကိုယ်မှာ ပြောင်းလဲသွားကာ သာမန် လူသားတစ်ယောက် ဖြစ်လာခဲ့တော့သည်။

 ချန်ယဲ့၏ အဆိပ်မှာ ဗုံးများကဲ့သို့ပင်

သူမ၏ မွေးရာပါ အဆိပ်မှာပင် ကြောက်စရာ အကောင်းဆုံး ဖြစ်ပြီး ဤသတ္တဝါမှာ သူမ၏ အဆိပ်ကို မည်သို့မျှ မခုခံနိုင်တော့ပေ။