အခန်း (၄၅) - လမ်းကြောင်းသစ်တစ်ခုသို့

လင်ရှောင်စုက ပြောလိုက်၏။

"ကျွန်တော့်ရဲ့ ခန့်မှန်းချက်က ခင်ဗျားတို့နဲ့ လုံးဝ ကွဲပြားပါတယ် ချီဟုန်ကျုံးဟာ မျက်လုံးခုနှစ်လုံးနှင့် သရဲအိုကြီး မဟုတ်ဘူး သူ ထွက်မပြေးခင် ချန်ထားခဲ့တဲ့ အမှားတွေဟာ တကယ်တော့ အမှားတွေ မဟုတ်ဘဲ ရည်ရွယ်ချက်ရှိရှိ ဖန်တီးထားတဲ့ လမ်းလွှဲမှုတွေပဲ"

"မင်းရဲ့ အကြောင်းပြချက်ကို ရှင်းပြပါဦး"

ကျိုးမေ၏ နှလုံးသားမှာ တစ်ချက် ရပ်တန့်သွားလေသည်။

သူမသည် အခုလေးတင် စိတ်ကူးကောင်းတစ်ခု ရလိုက်သဖြင့် နှစ်ပေါင်းများစွာ စုဆောင်းထားသည့် ထိုးထွင်းသိမြင်မှုများ၏ အထွတ်အထိပ်ဟု ထင်ကာ ပြောပြီးနောက်ပိုင်းတွင် အလွန် စိတ်လှုပ်ရှား နေခဲ့ပေသည်။

သို့သော် သူမ၏ စိတ်လှုပ်ရှားမှုမှာ သုံးစက္ကန့်ထက် ပိုမကြာလိုက်၊ လင်ရှောင်စုက ရေအေးနှင့် ပက်လိုက်ခြင်းပင်။

လင်ရှောင်စုက လက်ချောင်းတစ်ချောင်းကို ထောင်လိုက်သည်။

"ကျွန်တော့်မှာ အချက်နှစ်ချက် ရှိတယ် ပထမတစ်ခုက ဖုန်းချန်း မြေအောက်ဂိုဏ်းကို ထိန်းချုပ်ထားတဲ့ ကြိုးကိုင်သူ တစ်ယောက်အနေနဲ့ သူတို့ကို ခြိမ်းခြောက်နေတဲ့သူကို ဖယ်ရှားချင်တယ်ဆိုရင် ကိုယ့်ကိုယ်ကိုယ် မထိခိုက်စေဘဲ လုပ်ဖို့ နည်းလမ်းပေါင်း တစ်ရာ ရှိတယ် ကျွန်တော်လို အရေးမပါတဲ့ သူတစ်ယောက်အတွက်နဲ့ သူတို့ကိုယ်သူတို့ ဒက်ရှာနိုင်ငံထဲကို ဘယ်တော့မှ ပြန်မဝင်နိုင်တော့မယ့် အခြေအနေမျိုးထဲကို တွန်းပို့မှာ မဟုတ်ဘူး"

ကျိုးမေ မျက်မှောင်ကြုတ်လိုက်၏။

စကားတစ်ခွန်းတည်းဖြင့် သူမ စကားမပြောနိုင် ဖြစ်သွားသည်။

တကယ်တော့ ဤလုပ်ဆောင်ချက်သည် လင်ရှောင်စုကို သတ်ဖို့ ကြိုးကိုင်သူက ဒက်ရှာနိုင်ငံမှ ထွက်ခွာသွားရသည့် အခြေအနေကို လဲလှယ်လိုက်ခြင်းပင် ဖြစ်နေသည်။

အကယ်၍ သူသာ တကယ်ပဲ မျက်လုံးခုနှစ်လုံးနှင့် သရဲအိုကြီး ဖြစ်ခဲ့ရင် သူ ဒီလောက်တောင် အမြင်ကျဉ်းမြောင်းတဲ့ လုပ်ရပ်မျိုး လုပ်မည်မဟုတ်ပေ။

အရေးမပါတဲ့ သူတစ်ယောက်နဲ့ တစ်ယောက်ချင်း လဲလှယ်လိုက်ခြင်းသည် မဖြစ်နိုင်ချေ။

"ဒုတိယအချက်"

လင်ရှောင်စုက ဆက်ပြောသည်။

"မူးယစ်ဆေးဝါး ရောင်းဝယ်မှုဟာ သဘောသဘာဝအရ အလွန် သိမ်မွေ့တဲ့ လုပ်ငန်းပါ ဒီနယ်ပယ်မှာ ရှင်သန်နေသူတွေဟာ အလွန် လိမ္မာပါးနပ်ကြတယ် သူတို့ကိုယ်သူတို့ ဖုံးကွယ်ချင်တယ်ဆိုရင် ရဲနှစ်ယောက်က နှစ်နာရီအတွင်းမှာ အမှားပေါင်းများစွာကို ဖော်ထုတ်နိုင်မယ့် အခြေအနေမျိုး ဖြစ်လာမှာ မဟုတ်ဘူး"

အချက်နှစ်ချက်လုံးမှာ ဆွဲဆောင်မှု ရှိပေ၏။

သို့သော် ၎င်းတို့သည် သူ့၏ တကယ့်အကြောင်းရင်းများ မဟုတ်ကြောင်း မည်သူမျှ မသိကြပေ။

တကယ့်အကြောင်းရင်းမှာ လင်ရှောင်စု နှုတ်ခမ်းဖတ်ပြီး သိလိုက်ရသည့် စကားလုံးကြောင့် ဤနေရာ တွင် ယုတ္တိဗေဒပတ်လမ်း ဖြစ်ပေါ်လာခြင်းပင် ဖြစ်၏။

သူသည် ကားထဲရှိ မျက်မှန်တပ်ထားသော လူ(ချီဟုန်ကျုံး) က လုပ်ကြံသူကို ပြောလိုက်သည့် နားမလည် နိုင်သော စကားစုမှာ "ဖမ်းမိရင် ငါ့ကို ထုတ်ဖော်လိုက်" ဆိုသည့် စကားကို အချိန်နောက်ပြန် ကြည့်ရှုခြင်းဖြင့် ဖမ်းဆွဲလိုက်လေသည်။

သူသည် ပထမတော့ ဤစကားကို ကြားပြီး ကြောင်သွားခဲ့ရလေသည်။

အခုတော့ သူ အကုန်လုံး နားလည်သွားပေ၏။

“ဒါဟာ ရည်ရွယ်ချက်ရှိရှိ လုပ်တာပဲ သူက အမှားတွေကို ရည်ရွယ်ချက်ရှိရှိ ပြတယ် လမ်းလွှဲမှုတွေကို ရည်ရွယ်ချက်ရှိရှိ ဖန်တီးတယ် ရဲတွေရဲ့ အာရုံကို သူ့ဆီ ရောက်လာအောင် ရည်ရွယ်ချက်ရှိရှိ လှည့်စားတယ် ပြီးတော့ "မျက်လုံးခုနှစ်လုံးနှင့် သရဲအိုကြီး" ဆိုတဲ့ နာမည်ကို ယူပြီး နိုင်ငံခြားကို လျှို့ဝှက် ထွက်ပြေးတယ် ဒါဟာ ဖုန်းချန်း မူးယစ်ဆေးဝါး အဖွဲ့အစည်းကို ဖိအား လျော့နည်းသွားအောင် လုပ်ပေးတာပဲ”

ရဲမှူးကြီး ကျန်း၏ မျက်လုံးများမှာ တောက်ပသွားလေသည်။

သူသည် နောက်ထပ် သံသယတစ်ခုကို တွေးမိလိုက်၏။

လုပ်ကြံသူ နှစ်ဦးကို သူတို့ စစ်ဆေးမေးမြန်းစဉ်က "မျက်လုံးခုနှစ်လုံးနှင့် သရဲအိုကြီး" ဆိုတဲ့ နာမည်ကို ထုတ်ယူဖို့ သိပ်မခက်ခဲ့ပေ။

မျှော်လင့်ထားတာထက် ပိုလွယ်ကူနေပေသည်။

ဒါဟာ တဖက်လူက ရည်ရွယ်ချက်ရှိရှိ လုပ်ထားမှသာ ဖြစ်နိုင်မည် ဖြစ်၏။

ကျိုးမေက မေးလိုက်လေသည်။

"ဒါဆို သူ ဘာလို့ ဒီလို လုပ်တာလဲ"

"ရိုးရှင်းပါတယ် သူက ကိုယ့်ကိုယ်ကိုယ် အသုံးပြုပြီး ကျွန်တော်တို့ရဲ့ အာရုံကို ဆွဲဆောင်လိုက်တာ ဖုန်းချန်း မြေအောက်ဂိုဏ်း ခဏတာ လွတ်မြောက်ဖို့အတွက် လဲလှယ်လိုက်တာပဲ စစ်တုရင်မှာ 'ဘုရင်ကို ကယ်ဖို့ ရဲကို စတေးလိုက်တာ'နဲ့ အတူတူပဲ"

ရဲမှူးကြီး ကျန်း၏ နှလုံးသားမှာ တုန်လှုပ်သွား၏။

သူသည် လင်ရှောင်စု၏ ဒုတိယအချက်ကို ရှင်းရှင်းလင်းလင်း နားလည်သွားလေသည်။

‘အကယ်၍ ရဲတွေက မျက်လုံးခုနှစ်လုံးနှင့် သရဲအိုကြီးဟာ ချီဟုန်ကျုံး ဖြစ်တယ်လို့ သတ်မှတ်ပြီး ချီဟုန်ကျုံးက နိုင်ငံပြင်ပ ထွက်သွားရင် ဖုန်းချန်းကို ပစ်မှတ်ထားတဲ့ လုပ်ဆောင်ချက် အားလုံးကို ရပ်တန့်ထားရတော့မယ် သူတို့က ရဲတွေကို ရပ်တန့်စေချင်တာပဲ သူတို့က အန္တရာယ်ကို ကြိုခံစားမိပြီး ဖြစ်နိုင်တယ်၊ ဒါကြောင့် ချီဟုန်ကျုံးကို အသုံးပြုပြီး သူတို့ ပြောင်းရွှေ့ဖို့ အချိန်ဆွဲနေတာပဲ လင်ရှောင်စုသာ သတိမပေးခဲ့ရင် သူ တကယ်ပဲ ဒီထောင်ချောက်ထဲ ကျသွားနိုင်တယ် အထက်လူကြီးတွေတောင် လှည့်စားခံရနိုင်တယ် ဘာကြောင့်လဲဆိုတော့ ဒါဟာ အမှုတစ်ခုကို ကိုင်တွယ်ရာမှာ အခြေခံအကျဆုံး စည်းမျဉ်းမို့လို့ပဲ’

ရဲမှူးကြီး ကျန်း၏ အကြည့်တို့သည် တွေးရင်းနှင့်ပင် တောက်ပလာပြီး လင်ရှောင်စိုကို ပြောလိုက်၏။

"မင်း တွေးနေတာတွေကို အကုန် ပြောပြပါ"

လင်ရှောင်စု ဆက်လက်ပြောဆိုလေသည်။

"အကယ်၍ အမှုတစ်ခုကို ဖြေရှင်းတာကို စစ်ပွဲတစ်ခုလို့ မြင်ရင် ကျွန်တော်တို့က တဖက်လူ သတ်မှတ်ထားတဲ့ လမ်းကြောင်းထဲကနေ ထွက်ရမယ် ကျွန်တော်တို့ကိုယ်တိုင် စစ်ပွဲရဲ့ အရှိန်အဟုန်နဲ့ လမ်းကြောင်းကို ထိန်းချုပ်ရမယ် ကျွန်တော် အကြံပေးချင်တာက နောက်ထပ် အချက်တစ်ခုမှာ အားစိုက်ဖို့ပါပဲ"

"ဘယ်အချက်လဲ"

“ငွေကြေး စီးဆင်းမှု လမ်းကြောင်း ကမ္ဘာပေါ်က မကောင်းမှု အားလုံးဟာ နောက်ဆုံးတော့ ငွေကြေးမှာပဲ အဆုံးသတ်ပါတယ် ဘာလို့လဲဆိုတော့ သူတို့ရဲ့ ရည်ရွယ်ချက်က ငွေမို့လို့ပဲ ဒါကြောင့် ငွေကြေး လမ်းကြောင်းတွေဟာ အခိုင်လုံဆုံး ကွင်းဆက်ပဲ...”

"ငွေကြေး လမ်းကြောင်းတွေလား ကျွန်တော်တို့ အဲဒါတွေကို စောင့်ကြည့်နေတာ ကြာပြီ" ရှောင်စွန်းမှ ကြားဖြတ်ပြောဆိုလိုက်၏။

ကျိုးမေလည်း ပြောလိုက်သည်။

"ကျွန်မတို့ မြင်နေရတဲ့ ငွေကြေး လမ်းကြောင်းတွေက 'ကျားငါးကောင်' တွေရဲ့ လမ်းကြောင်းတွေပဲ သူတို့ရဲ့ ဓနဥစ္စာက အရမ်း မြန်မြန် တိုးပွားလာလို့ ကျွန်မတို့ကို သတိပေးသလို ဖြစ်နေတယ် ဒါပေမဲ့ ကျားငါးကောင်ဟာ အဖွဲ့အစည်းရဲ့ တကယ့် တာဝန်ခံတွေ မဟုတ်မှန်း သိလိုက်ရတဲ့အတွက် နောက်ထပ် ပိုလျှို့ဝှက်ပြီး ကြီးမားတဲ့ ငွေကြေး ကွင်းဆက်တစ်ခု ရှိရမယ်လို့ ကျွန်မတို့ ယုံကြည်ခဲ့တယ် ကံမကောင်းစွာနဲ့ပဲ အကြာကြီး ရှာပြီးနောက်ပိုင်းမှာ အဲဒီလို ငွေကြေး ကွင်းဆက်ကို မတွေ့ခဲ့ရဘူး"

လင်ရှောင်စုမှာ ထပ်မံ၍ ရှင်းပြလိုက်လေသည်။

“ဒါဟာ ရာဇဝတ်ဂိုဏ်းတွေအတွက် အများသိတဲ့ နိယာမပါ ရာဇဝတ်ဂိုဏ်းတွေဟာ 'ကုသိုလ်ဖြစ်' လုပ်ဖို့ တည်ထောင်ထားတာ မဟုတ်ဘူး သူတို့က အမြတ်အတွက် တည်ထောင်ထားတာ ကျားငါးကောင်သာ ဂိုဏ်းရဲ့ တကယ့် ထိန်းချုပ်သူတွေ ဖြစ်ရင် ငွေကြေး ကွင်းဆက်ဟာ သူတို့ဆီမှာတင် အဆုံးသတ်ပြီး ပတ်လမ်း ပြည့်သွားမှာပေါ့ ဒါပေမဲ့ သူတို့ မဟုတ်ဘူး နောက်ကွယ်က ထိန်းချုပ်နေတဲ့ တကယ့် လူတစ်ယောက် ရှိနေတယ် အဲဒီလူက အမြတ်ရဲ့ အကြီးမားဆုံး အစိတ်အပိုင်းကို ရရှိရမယ် ဒီအမြတ်တွေကို ဘယ်လို ရရှိသလဲ ဘယ်သူ့ဆီက ရသလဲ ဆိုတာက ရဲတပ်ဖွဲ့အတွက် အခက်ခဲဆုံး ပြဿနာပဲ”

လင်ရှောင်စုက လက်ဖက်ရည်ခွက်ကို ကောက်ကိုင်လိုက်ပြီး သူ့အကြည့်တို့ အနည်းငယ် တောက်ပ သွား၏။

"ပထမဆုံး မြင်နေရတဲ့ သဲလွန်စတွေကို လိုက်ကြည့်ရအောင် ကျားငါးကောင်ရဲ့ ရန်ပုံငွေတွေက စီးဆင်းနေတယ် ဒီငွေတွေက ဘယ်ကို ရောက်သွားတာလဲ"

"ဖြုန်းတီးပစ်တာပေါ့" ရှောင်စွန်းက ပြောလိုက်သည်။

"ငါးယောက်စလုံးက တရားဝင်ပဲ ဖြစ်ဖြစ် မတရားပဲ ဖြစ်ဖြစ် ရလာတဲ့ သူတို့ရဲ့ ကြီးမားတဲ့ ဓနဥစ္စာ တွေကို ဖြုန်းတီးနေတဲ့ ပုံစံတွေပဲ"

လင်ရှောင်စု ထပ်မေးလိုက်လေ၏။

"သူတို့ ဘယ်လို ဖြုန်းတီးတာလဲ"

ရှောင်စွန်းက ပြန်ဖြေလိုက်လေသည်။

"အဲဒါတော့... အသေးစိတ် ပြောရင် နေ့ညမရပ် ပြောရလိမ့်မယ် အတိုချုပ် ပြောရရင်တော့ သူတို့က မယားငယ် ထားတာ၊ ပါတီပွဲတွေ ကျင်းပတာ၊ ဇိမ်ခံကားတွေ ဝယ်တာ၊ အိမ်ကြီးတွေကို ပြုပြင်တာစတဲ့ ဖြုန်းတီးနိုင်သမျှ နည်းလမ်းတိုင်းကို လုပ်ကြတာပဲ..."

"ယေဘုယျ ပြောနေရုံနဲ့ မလုံလောက်ဘူး"

လင်ရှောင်စုက ထပ်မံ ပြောဆိုလိုက်လေသည်။

"ဘယ်သူက ဘာလုပ်တယ်၊ ပိုက်ဆံ ဘယ်လောက် သုံးတယ်၊ ဘယ်မှာ သုံးတယ်၊ ဘာတွေ ဝယ်တယ်၊ ဘယ်သူတွေကို ထောက်ပံ့ထားတယ် ဆိုတာကို အသေးစိတ် စာရင်းလုပ်ပေးနိုင်မလား ထောက်ပံ့တဲ့ အချိန်မှာ ပိုက်ဆံ ဘယ်လောက် ပေးတယ် အဲဒီ ထောက်ပံ့ခံရတဲ့သူက ပိုက်ဆံကို ဘယ်လို သုံးတယ် ဆိုတာတွေကို စာရင်းဇယားနဲ့ ပြုစုပေးပါ"

ရှောင်စွန်းမှာ ကြောင်သွား၏။

"အဲဒါ... မလွယ်တဲ့ အလုပ်တစ်ခုပဲ"

"ရာဇဝတ်ဂိုဏ်းနဲ့ ဉာဏ်ချင်း ယှဉ်နေတာကို လွယ်မယ်လို့ ထင်နေတာလား အရာရှိ စွန်း" လင်ရှောင်စုက ပြောသည်။

"ဟုတ်တာပေါ့ မလွယ်ပါဘူး ဒါပေမဲ့ ဒီကိစ္စက အမှုရဲ့ အဓိက လမ်းကြောင်း မဟုတ်ဘူး... ဒါကို လုပ်ဖို့ လိုအပ်လို့လား"

"လိုအပ်တယ်"

အစည်းအဝေးခန်းထဲမှာ တိတ်ဆိတ်သွားလေသည်။

ကျိုးမေနှင့် ရှောင်စွန်းတို့ နှစ်ယောက်လုံး တစ်ယောက်မျက်နှာ တစ်ယောက် ကြည့်လိုက်ကြ၏။

သူတို့ မျက်လုံးထဲမှာတော့ အားမလိုအားမရ ဖြစ်မှုတွေ ရှိနေလေသည်။

‘ဒီကလေးကတော့ အခွင့်ထူးခံရလို့ အတော့်ကို မောက်မာနေပြီ ရဲမှူးကြီး ကျန်းရဲ့ ယုံကြည်မှုကို အလွဲသုံးစားလုပ်ပြီး တခြားသူတွေကို အလုပ်တွေ ခိုင်းနေပြီ ပြီးတော့ ဒီအလုပ်က လွယ်မယ်လို့ ထင်နေတာလား လူငါးယောက် နေ့တိုင်း ပိုက်ဆံ ဖြုန်းနေတာ သူတို့ရဲ့ အသေးစိတ် သုံးစွဲမှုတွေကို ငါ့ကို စာရင်းလုပ်ခိုင်းတာ ဒီလူငါးယောက်ရဲ့ အထောက်အထားက သိမ်မွေ့တယ် ရဲတောင် ကပ်ဖို့ ခက်နေတာ အဲဒီ အသေးစိတ်တွေကို ငါ ဘယ်ကနေ သွားရှာရမှာလဲ သူတို့ ဘယ်သူတွေကို ငွေကြေး ထောက်ပံ့နေလဲ ဆိုတာကို ရှာဖို့ဆိုတာက နတ်ဘုရားပဲ သိမှာ ဘယ်သူက ဘယ်သူ့ကို ထောက်ပံ့နေတာပဲ ဖြစ်ဖြစ် အဲဒါက အလွန် လျှို့ဝှက်တဲ့ ကိစ္စပဲ။ ပြီးတော့ ထောက်ပံ့ခံရတဲ့သူတွေက ပိုက်ဆံ ဘယ်လောက် ရလဲ ဘာတွေ သုံးနေလဲ ဆိုတာကို စစ်ခိုင်းတာ စစ်ဆေးမှု စတင်ရင် အလုပ် ဘယ်လောက် များမလဲ ဆိုတာ မင်း သိရဲ့လား’

ရဲမှူးကြီး ကျန်းသည် ဖြည်းညှင်းစွာ ခေါင်းမော့လိုက်သည်။

"ရှောင်စု မင်း ဘာလို့ ဒါကို လုပ်ဖို့ လိုအပ်တယ်လို့ ထင်တာလဲ"

"ဘာကြောင့်လဲဆိုတော့ ကျွန်တော် အမှုတစ်ခုကို အရင်က မြင်ဖူးတယ် ဒါနဲ့ ဆင်တူတဲ့ အချက်တွေ ရှိတယ် နေအောက်မှာ အသစ်ဆိုတာ မရှိပါဘူး ရာဇဝတ်မှု အများစုက ထပ်ခါတလဲလဲ ဖြစ်တတ်တာပါပဲ"

လင်ရှောင်စု မြင်ခဲ့တဲ့ အမှုတွဲက ရှန်လုံအဖွဲ့၏စာကြည့်တိုက်တွင် မှတ်တမ်းတင်ထားခြင်းဖြစ်ပြီး အဲဒီ အမှုတွဲက စာအုပ် မဟုတ်ပေ အီလက်ထရွန်းနစ် ဗားရှင်းပင်ဖြစ်ပေသည်။

ဖိုင်ဆိုဒ်ကို ကြည့်ရုံနဲ့တင် သူ့ရဲ့ ကြီးမားမှုကို သိနိုင်ပေ၏။

စုစုပေါင်း 8000G ရှိပြီး ကိုယ်စားပြု ရာဇဝတ်မှု အားလုံးနီးပါး ပါဝင်တယ်။ နိုင်ငံ တည်ထောင်စဉ် ကတည်းကတင် မဟုတ်ဘဲ ရှေးခေတ်နဲ့ ခေတ်သစ်၊ ပြည်တွင်းနဲ့ ပြည်ပအထိ ပါဝင်၏။ သာမန်လူ တစ်ယောက်ဆိုရင် ဒီအမှုတွဲကို ဖတ်ဖို့ နှစ်ပေါင်းများစွာ ကြာလိမ့်မည်ဖြစ်ပြီး "လူသား တာအို သစ်ခွ နှလုံးသား"ရဲ့ ထူးခြားတဲ့ မှတ်ဉာဏ်ရှိတဲ့သူ ဆိုရင်တောင် ဖတ်ဖို့ နှစ်ရက်၊ နှစ်ည အပြည့် အချိန်ပေးခဲ့ ရလေသည်။

သည်အချက်ကြောင့်ပဲ သူ အလွတ်စုံထောက်ရုံးခန်း ဖွင့်ဖို့ ရဲဝံ့တာ ဖြစ်ပြီး သူ့ရဲ့ တကယ့် အားကိုးရာနဲ့ အချက်အလက် သိုလှောင်ရုံပင် ဖြစ်ချေတော့သည်။

"နေအောက်မှာ အသစ်ဆိုတာ မရှိဘူး အရာအားလုံးက ထပ်ခါတလဲလဲ ဖြစ်တတ်တာပဲ အဲဒီ ခံယူချက်ကို ငါ သဘောကျတယ်"

ရဲမှူးကြီး ကျန်းသည် လက်ကို မြှောက်ပြီး နံပါတ်တစ်ခုကို နှိပ်လိုက်၏။

"ဒီကို လာခဲ့လိုက်"

ငါးမိနစ်လောက်ကြာတော့ ဓာတ်လှေကား အသံ မြည်လာပြီး ဆံပင်နည်းနည်း ဖြူနေတဲ့ လူပိန်ပိန် ရဲအရာရှိ တစ်ယောက် ဝင်လာလေသည်။

သူ့နာမည်က ဝမ်တုန်းဟ

တစ်ချိန်က ရာဇဝတ်မှု စုံစမ်းစစ်ဆေးရေး အဖွဲ့ရဲ့ အားကောင်းတဲ့ အဖွဲ့ဝင် တစ်ဦး ဖြစ်ပေမဲ့ စစ်ဆင်ရေး တစ်ခုမှာ ဓားနဲ့ သုံးချက် အထိုးခံခဲ့ရလို့ အဆုတ် ဒဏ်ရာရခဲ့ပြီး တာဝန်တစ်ပိုင်းနှင့် အနားယူသွားခဲ့ သူ ဖြစ်သည်။

သို့သော် ဒီနေ့ည ရဲမှူးကြီး ကျန်း ခေါ်လိုက်တဲ့အတွက် ငါးမိနစ်အတွင်း ရောက်လာတယ်ဆိုတော့ ဘာကို ဆိုလိုသနည်း။

ဝမ်တုန်းဟ သည်အဆောက်အအုံမှာ အချိန်ပို လုပ်နေတယ်ဆိုတာဖြစ်ပြီး သူက လူတိုင်း ထင်ထားသလို အေးအေးလူလူ အနားယူနေခဲ့တာ မဟုတ်ပေ။

"တုန်းဟ သုံးနှစ်ကတည်းက ဒဏ်ရာကြောင့် ရှေ့တန်းကနေ နောက်ဆုတ်လိုက်တဲ့ အချိန်မှာ မင်း တာဝန်တစ်ခုကို စေတနာ့ဝန်ထမ်း လုပ်ခဲ့တယ် အဲဒါက အဓိပ္ပာယ် ရှိနိုင်တယ်"

ရဲမှူးကြီး ကျန်းက ပြောလိုက်သည်။

"ဘာကြောင့်လဲဆိုတော့ ဒီ ဖုန်းချန်း စုံထောက်က မင်းနဲ့ အတူတူပဲ အကြံပြုထားလို့ပဲ"

ဝမ်တုန်းဟ၏ ဖြူဖျော့နေတဲ့ မျက်နှာပေါ်မှာ ရုတ်တရက် အရောင်တက်လာ၏။

"ရဲမှူးကြီး ကျန်း အကုန်လုံး သိချင်တာလား"

"လာခဲ့ မင်းရဲ့ သုံးနှစ်တာ အလုပ်ရလဒ်ကို ပြလိုက်"

"ဟုတ်ကဲ့"

ဝမ်တုန်းဟ ကွန်ပျူတာဆီ ချဉ်းကပ်သွားသည်။

သူ့ဖုန်းအိတ်ကို ဖွင့်လိုက်ရာ အထဲမှာ USB သေးသေးလေး တစ်ခု ပါလာပြီး USB ကို ကွန်ပျူတာမှာ ထိုးလိုက်ပြီး စခရင်ပေါ်မှာ စာရွက်စာတမ်း အမျိုးမျိုး ပေါ်လာ၏။

အစ်ကိုကြီး ဟူရဲ့ ငွေကြေး စီးဆင်းမှု...

အစ်ကိုကြီး ဟဲရဲ့ ငွေကြေး စီးဆင်းမှု...

အစ်မကြီး ဖုန်းရဲ့ ငွေကြေး စီးဆင်းမှု...

ငွေကြေး စီးဆင်းမှု အောက်မှာ စာရင်းတွေ၊ ဓာတ်ပုံတွေ၊ ပမာဏတွေ၊ လာဘ်ပေးခံရသူတွေရဲ့ နာမည်တွေ ပါဝင်နေပြီး သူတို့ရဲ့ ပုံတွေကတော့ ဝါးနေပြီး ကုဒ်နံမည်တွေနဲ့ပဲ ဖော်ပြထားလေသည်။

ငွေကြေး ထောက်ပံ့ခံရတဲ့ အမျိုးသမီးတွေအတွက်လည်း သူတို့ရဲ့ ဓာတ်ပုံတွေက ဝါးနေပြီး ကုဒ်နံမည်တွေနဲ့ပဲ ဖော်ပြထားခြင်း ခံရလေသည်။

ကျိုးမေ၏ မျက်လုံးများမှာ တောက်ပသွား၏။

ရှောင်စွန်း၏ မျက်နှာပေါ်တွင် အမူအရာများ လျင်မြန်စွာ ပြောင်းလဲလာလေသည်။

ရဲတက္ကသိုလ်မှ ထူးချွန်စွာ ဘွဲ့ရခဲ့သူ တစ်ယောက်အနေနဲ့ သူက လင်ရှောင်စုရဲ့ အဆိုပြုချက်ကို မိုက်မဲတယ်လို့ ထင်ခဲ့ပေမဲ့ မျက်စိတစ်မှိတ်အတွင်းမှာပဲ အတွေ့အကြုံရှိတဲ့ ရဲအိုကြီးတစ်ယောက် ရောက်လာပြီး သူ့ရဲ့ သုံးနှစ်တာ အလုပ်ရလဒ်ကို တင်ပြလိုက်တာက လင်ရှောင်စုရဲ့ အဆိုပြုချက်နဲ့ ကိုက်ညီနေလေသည်။

လင်ရှောင်စုရဲ့ အဆိုပြုချက်က မိုက်မဲတာ မဟုတ်ဘူးဆိုတာကို ဆိုလိုခြင်းပင်။

ဘာကြောင့်လဲဆိုတော့ ရာဇဝတ်မှု စုံစမ်းစစ်ဆေးရေး နယ်ပယ်မှာ အနှစ် ၃၀ လုံးလုံး ကျင်လည်ခဲ့ပြီး လွန်ခဲ့သော သုံးနှစ်ကတည်းက ဒဏ်ရာကြောင့် အနားယူတယ်ဆိုတဲ့ အကြောင်းပြချက်နဲ့ အလုပ် ဆက်လုပ်နေတဲ့ ဒီ အတွေ့အကြုံရှိ ရဲအိုကြီးဟာ လင်ရှောင်စု အကြံပြုတဲ့ အတိုင်း အတိအကျ စာရင်းပြုစုခဲ့ခြင်း ဖြစ်ပေသည်။

ရာဇဝတ်မှု စုံစမ်းစစ်ဆေးရေး အဖွဲ့ထဲမှာ ဒါကို သိတဲ့သူက ရဲမှူးကြီး ကျန်း တစ်ယောက်ပဲ ရှိ၏။

‘မင်းက လင်ရှောင်စုကို မိုက်မဲတယ်လို့ ခေါ်နိုင်ပေမဲ့ အနှစ် ၃၀ ရာဇဝတ်မှု စုံစမ်းစစ်ဆေးရေး အတွေ့အကြုံကိုလည်း တန်ဖိုး မရှိဘူးလို့ ပြောလို့ ရမလား သူသာ ဒီအတွက် သုံးနှစ် အချိန်ပေးဖို့ ဝန်မလေးခဲ့ရင် တန်ဖိုး မရှိဘဲ ဘယ်လို လုပ်ဖြစ်မလဲ’

ရှောင်စွန်းမှာ စိတ်ထဲတွင် ရေရွတ်လိုက်မိလေတော့သည်။

"ချီးကျူးစရာပဲ" လင်ရှောင်စုက ပြောလိုက်၏။

"ရဲမှူးကြီး ကျန်းက ကြိုတင် စီစဉ်ထားပြီးသား ဖြစ်နေတာပဲ"

ရဲမှူးကြီး ကျန်းက ပြောလိုက်သည်။

"ကျားငါးကောင်က အထောက်အထားတွေ သိမ်မွေ့တယ် ရဲတွေ ဘယ်လိုပဲ ချဉ်းကပ်ချဉ်းကပ် သူတို့ကို လန့်သွားစေလိမ့်မယ် ဒါကြောင့် မျက်နှာစာမှာတော့ သူတို့နဲ့ အရမ်း မကပ်ခဲ့ဘူး ဒါပေမဲ့ သူတို့ကို နက်နက်ရှိုင်းရှိုင်း မစုံစမ်းခဲ့ဘူးလို့ မဆိုလိုဘူး ဒီ အချက်အလက်တွေက အလွန် အရေးကြီးတယ် လူပေါင်းများစွာနဲ့ ဆက်စပ်နေတယ် မင်း အသေးစိတ် သိစရာ မလိုပါဘူး ငွေကြေး စီးဆင်းမှုရဲ့ အထွေထွေ လမ်းကြောင်းကို သိရင် လုံလောက်ပြီ"

"ဒီ အချက်အလက်တွေက အလွန် အသေးစိတ်နေပြီးသားပါ" လင်ရှောင်စုက ပြောလိုက်၏။

"ကောင်းပြီ၊ မင်း ဘာတွေ တွေ့လိုက်လဲ"

"ဆုံးဖြတ်ချက် တစ်ခုနဲ့ သံသယ တစ်ခု"

"အော် ပြောပြပါဦး"

"ဆုံးဖြတ်ချက်ကတော့ကျားငါးကောင်ဟာ မြေအောက် လုပ်ငန်းတွေမှာ ပါဝင်ပတ်သက်နေတာ သေချာတယ်"

လင်ရှောင်စု၏ ကောက်ချက်ချမှုမှာ ဘယ်လို ဆုံးဖြတ်တာလဲ။

‘ကျားငါးကောင်ရဲ့ အဓိက လုပ်ငန်းက ဝင်ငွေဟာ သူတို့ရဲ့ တကယ့် ဓနဥစ္စာ တိုးပွားလာမှုနဲ့ အဝေးကြီး လိုအပ်နေသေးတယ်၊ ဒါက သူတို့ရဲ့ အဓိက လုပ်ငန်း ဝင်ငွေက သူတို့ရဲ့ ဇိမ်ခံ သုံးစွဲမှုတွေကို မထောက်ပံ့နိုင်ဘူး ဆိုတာပဲ။ နောက်ထပ် လျှို့ဝှက် ဝင်ငွေလမ်းကြောင်း ရှိနေရမယ်’ ဟူ၍ပင်ဖြစ်၏။

"ပြီးတော့ သံသယကရော"

"သံသယကတော့ အစ်မကြီး ဖုန်းနဲ့ ပတ်သက်နေတာပါ"

လင်ရှောင်စုက ဆက်ပြောလိုက်သည်။

"သူမက တခြား ကျားလေးကောင်ထက် ပိုပြီး ဖြုန်းတီးနေတယ် ဂိုဏ်းထဲမှာ သူမရဲ့ နေရာက ပိုမြင့်မားတာလား သူမက တရားမဝင် ဝင်ငွေ ပိုရနေတာလား အစ်မကြီးဖုန်း တစ်ယောက်တည်းက ဖုန်းချန်း လက်ဝတ် ရတနာဆိုင်မှာ ငွေ ၄ သန်း သုံးစွဲခဲ့တယ် တခြား ကျားလေးကောင်က သူတို့ရဲ့ ဇိမ်ခံကားတွေ အိမ်တွေ ဘယ်လောက်ပဲ ရှိရှိ ဖုန်းချန်းလို နေရာမျိုးမှာ တကယ်တော့ အဲလောက်တောင် တန်ဖိုး မရှိဘူး အားလုံး ပေါင်းရင်တောင် ငွေ ၄ သန်း တန်ဖိုးတောင် ရှိချင်မှ ရှိမှာ”