အခန်း (၃၉) - ပြောမပြနိုင်သော အမှု
စုံထောက်ရုံးသို့ လင်ရှောင်စု ရောက်ရှိလာသောအခါ တံခါးဝကို ဖြတ်ကျော်လိုက်သည်နှင့် မွှေးပျံ့သော ရနံ့တစ်ခုကို ချက်ချင်းပင် ရလိုက်၏။
ဤရနံ့မှာ အလွန်ယဉ်ကျေးသိမ်မွေ့ပြီး အရည်အသွေးမြင့်မားမှန်း သိသာလှသည်။
မြောင်ရိုလန်နှင့် မျက်နှာချင်းဆိုင်တွင် ထိုင်နေသော အသက်လတ်ပိုင်း အမျိုးသမီးမှာ ထူးခြားသည့် ပုဂ္ဂိုလ်တစ်ဦးဖြစ်ကြောင်း သူမ၏ ရုပ်ရည်သွင်ပြင်က ဖော်ပြနေလေသည်။
သူမသည် ငယ်ရွယ်စဉ်က အလွန်တရာ လှပခဲ့သူတစ်ဦး ဖြစ်ခဲ့မည်မှာ သေချာသည်။ ပို၍ အရေးကြီးသည်မှာ သူမ၏ ဟန်ပန်မှာ သိက္ခာရှိပြီး ယဉ်ကျေးမှုရှိသူတစ်ဦးဖြစ်ကြောင်း သိသာနေ လေသည်။
မစ္စဆုန်ကဲ့သို့ ယခုလတ်တလောမှ ငွေကြေးချမ်းသာလာသူမျိုးနှင့် မတူပေ။
ထိုအမျိုးသမီးက မေးသည်။
"ဒါက စုံထောက်လင်လား"
"ဟုတ်ကဲ့ မမရဲ့ ဂုဏ်သရေရှိတဲ့ နာမည်ကို သိခွင့်ရမလားခင်ဗျာ"
"ကျွမ်မန်းဒီ"
"သိပ်ကို လှပတဲ့ နာမည်ပါပဲ"
လင်ရှောင်စုက ထပ်ပြောလိုက်သည်။
"မမရဲ့ အခြေအနေကို ပြောပြပေးပါဦး..."
ကျွမ်မန်းဒီသည် သူမ၏ အခြေအနေကို စတင်ပြောပြလေတော့သည်။
သူမ၏ အခြေအနေမှာ အခြားချမ်းသာသော အမျိုးသမီးအများစုနှင့် ဆင်တူပေ၏။ ဆင်တူသည်မှာ သူမသည် အထူးအခွင့်အရေးများစွာဖြင့် နေထိုင်ရပြီး သူမ၏ ခင်ပွန်းမှာ လုပ်ငန်းများကို စီမံခန့်ခွဲသူ ဖြစ်သည်။
ကွာခြားသည်မှာ အခြားသူများကဲ့သို့ မယားငယ်များကို လိုက်လံနှိပ်စက်ရန် ကြံစည်နေမည့်အစား သူမက ထိုအရာအားလုံးကို မြင်ပြီးသား ဖြစ်နေခြင်းပင်။ အိမ်တွင် ငွေကြေးပြည့်စုံနေပြီး ခင်ပွန်း ဖြစ်သူက အခြားမိန်းကလေးများကို ဖွန်ကြောင်ကာ အလိုလိုက် နေသည်ကို သူမက သိပ်ဂရုမစိုက် တော့ဘဲ ငြိမ်းချမ်းမှုကိုသာ ရှာဖွေနေသူ ဖြစ်ပေ၏။
ဘာကြောင့်များ ပူပင်နေရမှာလဲ ဘဝဆိုသည်မှာ တိုတောင်းပြီး ခဏတာမျှသာ ဖြစ်သည်။
အဖိုးတန်သော အချိန်များကို ထိုကိစ္စများအတွက် အဘယ်ကြောင့် အလဟသ ဖြစ်စေရမှာလဲ ဒါဟာ မိုက်မဲရာ ကျပေလိမ့်မည် ဖြစ်ချေသည်။
သို့သော်လည်း သစ်ပင်က ငြိမ်နေချင်ပေမယ့် လေက ပေးမငြိမ်ချေ။
သူမက မယားငယ်များနှင့် မပတ်သက်ချင်သော်လည်း မယားငယ်တစ်ဦးက သူမကို ပစ်မှတ်ထား တိုက်ခိုက်ရန် ကြံစည်နေလေ၏။ ထိုမယားငယ်မှာ သူမ (တရားဝင်ဇနီးဖြစ်သူ)ကို ဖယ်ရှားလိုက်ပါက ထိုနေရာကို အစားထိုးဝင်ယူနိုင်မည်ဟု ယုံကြည်နေသည်။
ထို့ကြောင့် သူမ၏ စုံထောက်ရုံးသို့ လာရောက်ရသည့် ရည်ရွယ်ချက်မှာ ထိုအဆိပ်သင့်စေသော မယားငယ်ကို ရှာဖွေပြီး သူမ၏ ငွေကြေးကို ထိခိုက်ရုံတင်မကဘဲ သူမ၏ အသက်ကိုပါ ထိပါး တိုက်ခိုက် လာသည်ကို လူတိုင်းသိအောင် လုပ်ဆောင်ရန်ပင် ဖြစ်ချေသည်။
အခြေအနေကို နားထောင်ပြီးနောက် မြောင်ရိုလန်မှာ အံ့အားသင့်သွား၏။
‘ဒီလောက်အထိ အသိဉာဏ်ပွင့်လင်းနေတာလား’
လင်ရှောင်စုက ရယ်မောလိုက်ပြီး မေးမြန်းလိုက်သည်။
"မမကျွမ် မယားငယ်အားလုံးကို ရှာဖို့ဆိုတာ ခက်ခဲပါတယ် ဒါပေမဲ့ တစ်ယောက်ကိုပဲ ရှာဖို့က စုံထောက်တစ်ယောက် လိုအပ်လို့လား"
ကျွမ်မန်းဒီက ခေါင်းခါယမ်းကာ ပြန်ပြော၏။
"မမရဲ့ အထင်နဲ့တော့ မလွယ်ပါဘူး မယားငယ်တွေကို ရှာဖို့ဆိုရင်တော့ လွယ်ပါတယ် ဒါပေမဲ့ ဘယ်သူက ငါ့ကို အန္တရာယ်ပြုဖို့ ကြိုးစားနေတာလဲ ဆိုတာကို ဘယ်သူသိနိုင်မှာလဲ"
လင်ရှောင်စု၏ မျက်ဝန်းများ တောက်ပသွားကာ
"မမကျွမ် မယားငယ်တစ်ယောက်က မမကို သတ်ချင်နေတယ်ဆိုတာ ဘယ်လိုသိလိုက်တာလဲ သီးသန့်လုပ်ရပ်တွေ ရှိခဲ့လို့လား"
"ပြောရခက်ပေမယ့် ကိုယ့်အသက်ကို ကယ်ဖို့အတွက် ပြောပြရတော့မှာပေါ့..."
မနေ့ညက သူမ၏ ခင်ပွန်း ပြန်လာပြီးနောက် အတူရှိခဲ့ အတူနေခဲ့ကြလေသည်။
ယခုမနက်တွင် သူမသည် ထူးဆန်းသော ယားယံမှုနှင့် မအီမသာ ဖြစ်မှုကို ခံစားလိုက်ရသည်။ မိသားစုဆရာဝန်ကို ခေါ်ယူစစ်ဆေးကြည့်သောအခါ သူမသည် အလွန်ကူးစက်လွယ်သော "မျိုးရိုးဗီဇ အဆိပ်"သင့်နေကြောင်း သိလိုက်ရလေသည်။
၎င်းမှာ တိုက်ရိုက်ထိတွေ့မှုဖြင့် ကူးစက်ပြီး လိင်အင်္ဂါ တစ်ဝိုက်ကို ပြင်းထန်စွာ ပျက်စီးစေကာ အသက် အန္တရာယ်ပင် ရှိနိုင်လေ၏။
"မျိုးရိုးဗီဇအဆိပ်"
လင်ရှောင်စု အံ့အားသင့်သွား၏။
ယနေ့ခေတ်တွင် မျိုးရိုးဗီဇနှင့် ပတ်သက်သည့်အရာတိုင်းမှာ အလွန်ထိလွယ်ရှလွယ် ကိစ္စများ ဖြစ်သည်။ မျိုးရိုးဗီဇလူသားများ၊ မျိုးရိုးဗီဇပြောင်းလဲခြင်း၊ မျိုးရိုးဗီဇအဆိပ်တို့ဖြစ်သည်။
အခြားသူများ မသိနိုင်သော်လည်း လင်ရှောင်စုကမူ ကောင်းစွာပင် သိရှိထားလေ၏။
ကျွမ်မန်းဒီက ပြောပြလိုက်သည်။
"ဟုတ်ပါတယ်၊ ဒီမျိုးရိုးဗီဇအဆိပ်ကို နန်မိုပြည်နယ်မှာ တီထွင်ထားတာပါ။ အမျိုးသမီးအချင်းချင်းပဲ ကူးစက်တတ်တဲ့ ထူးခြားချက်ရှိတယ်"
"ဒါဟာ အမျိုးသမီးတွေရဲ့ XX ခရိုမိုဆုန်းနဲ့ ပေါင်းစပ်ပြီး မျိုးရိုးဗီဇပြောင်းလဲမှုကို ဖြစ်ပေါ်စေတာပါ..."
ကျွမ်မန်းဒီး၏ မျက်လုံးများ တောက်ပလာပြီး လင်ရှောင်စုကို မေးလိုက်သည်။
"ဒီအဆိပ်အကြောင်း စုံထောက်လင် သိသလား"
"သိပါတယ် အကယ်၍ ဒီအဆိပ်ကို မယားငယ်တစ်ယောက်က အသုံးပြုတာဆိုရင် သူ့ရဲ့ ကြံစည်မှုက တော်တော်ကို ဆန်းပြားတယ် သူ့ပစ်မှတ်က မမတစ်ယောက်တည်း ဖြစ်မှာမဟုတ်ဘူး"
လင်ရှောင်စုက ပြောလိုက်လေသည်။
"မှန်တယ် သူ့ပစ်မှတ်တွေက မယားငယ်အားလုံးနဲ့ မမ(တရားဝင်ဇနီး)ကိုပါ ပါဝင်တာပဲ"
သူမသည် သူမ၏ခင်ပွန်းကို ကောင်းကောင်းသိသည်။
သူသည် အကာအကွယ်မယူဘဲ ဆက်ဆံလေ့ရှိသူ ဖြစ်၏။
သူ့ဘဝထဲမှာ ငွေကြေးတွေ အများကြီးရှိပြီး သားယောက်ျားလေးတွေ ရလာရင် ဘာဖြစ်လဲဆိုသည့် သဘောထားရှိသူပင် ဖြစ်လေသည်။ မယားငယ်တစ်ယောက်နဲ့ တွေ့ရင် ရုံးခန်းဖြစ်ဖြစ်၊ ကုလားထိုင် ပေါ်မှာဖြစ်ဖြစ်၊ ကားပေါ်မှာဖြစ်ဖြစ်၊ အပြင်မှာဖြစ်ဖြစ် အချိန်မရွေး လုပ်ဆောင်တတ်သူဖြစ်သည်။
ထို့ကြောင့် သူသာ ဤအဆိပ်ကို သင့်နေပါက၊ သူ့ကို ထိတွေ့မိသမျှ မယားငယ်များရော၊ ဇနီးဖြစ်သူပါ အားလုံး သေဆုံးနိုင်ချေရှိပေသည်။ ဤနည်းဖြင့် မယားငယ်များနှင့် ဇနီးဖြစ်သူအားလုံးကို တစ်ပြိုင်နက်တည်း ဖယ်ရှားပစ်ရန် ကြံစည်ထားခြင်း ဖြစ်၏။
အခြားသူများက လမ်းပေါ်တွင် ရန်ဖြစ်နေချိန်တွင် သူမကမူ ခင်ပွန်းဖြစ်သူကို လက်နက်တစ်ခုအဖြစ် အသုံးပြု၍ အခြားသူများကို ဖယ်ရှားပစ်ရန် ကြံစည်နေခြင်းပင် ဖြစ်သည်။ သူမတော်တော်လေးကို လိမ္မာပါးနပ်ကြောင်း ဝန်ခံရပေမည်။
မြောင်ရိုလန်က ဤအမှုမှာ အလွန်ရှုပ်ထွေးကြောင်း သဘောပေါက်သွား၏။
"မမကျွမ် ဒီအမှုက တော်တော်လေး ရှုပ်ထွေးနေပုံပါပဲ"
"ဟုတ်ပါတယ် အမှုလိုက်ခ ပေးနိုင်ပါတယ်"
ကျွမ်မန်းဒီးက ဆက်ပြောလိုက်လေသည်။
"စုံထောက်လခ ၃၀၀၀၀ ကနေ စတယ်လို့ ကြားပါတယေ ဒီမိန်းမကို ရှာပေးပြီး သူ့ကို အပြစ်ပေးနိုင်ဖို့ ၁၀၀,၀၀၀ ပေးပါ့မယ်"
‘တစ်သိန်း’
မြောင်ရိုလန်၏ နှလုံးခုန်သံများ မြန်ဆန်လာ၏။
လင်ရှောင်စုက မျက်လုံးကို ဖြည်းဖြည်းချင်း မော့လိုက်သည်။
"လက်ခံတယ် အချိန်နည်းနည်းပေးပါ"
စာချုပ်ချုပ်ဆိုပြီးနောက် စပေါ်ငွေ ၃၀၀၀၀ ပေးချေကာ ကျွမ်မန်းဒီ ထွက်ခွာသွား၏။
"သူ့ခင်ပွန်းက ဘယ်သူလဲ ဆိုတာ သိလား"
လင်ရှောင်စုက ဖြည်းဖြည်းချင်း မေးသည်။
"ဝမ်ချန်းဖ အဲဒီနာမည်က ကြားဖူးသလိုပဲ..."
မြောင်ရိုလန်က ပြောသည်။
"အဲဒီနာမည်က တီဗွီနဲ့ သတင်းစာတွေမှာ ရံဖန်ရံခါ ပါလာလို့ပါ"
လင်ရှောင်စုက ပြောလိုက်သည်။
"သူက ဟုန်ရှင်းဆေးဝါးကုမ္ပဏီပိုင်ရှင်လေ"
"ဟုန်ရှင်းဆေးဝါးကုမ္ပဏီ"
မြောင်ရိုလန်က ဖုန်းကိုထုတ်ပြီး ရှာဖွေလိုက်၏။ အမှန်ပင် ဒေသတွင်း သတင်းတစ်ခု ထွက်ပေါ် လာ၏။ မတ်လ ၁၇ ရက်နေ့တွင် ဟုန်ရှင်းဆေးဝါးကုမ္ပဏီနှင့် အကြီးဆုံး ဒေသတွင်းဆေးဝါးကုမ္ပဏီ Dell တို့ ပူးပေါင်း ဆွေးနွေးမှုများ ပြုလုပ်ခဲ့ပြီး ဒေသခံပြည်သူများကို ဝန်ဆောင်မှု ပေးရန် သဘောတူညီချက် ရရှိခဲ့လေသည်။
လင်ရှောင်စုက တစ်ချက်ကြည့်လိုက်သည်။
"ဘာရေးထားလဲ မြင်လား"
မြောင်ရိုလန်က
"ဒီမှာ ရေးထားတာပဲ၊ ဒေသတွင်း အကြီးဆုံး ဆေးဝါးကုမ္ပဏီ နှစ်ခု ပူးပေါင်းဖို့ ပြင်ဆင်နေကြတာ"
လင်ရှောင်စုက အနည်းငယ် ပြုံးလိုက်မိသည်။
"မင်း စုံထောက်စာအုပ်တွေ အများကြီး ဖတ်ထားပြီး အသိပညာတွေနဲ့ ပြည့်နေပြီ အခြား အသိပညာတွေ လေ့လာဖို့ အချိန်တန်ပြီ"
"ဘာလိုမျိုးလဲ"
"သတင်းတွေကို နားလည်သဘောပေါက်ဖို့"
မြောင်ရိုလန်က မျက်လုံးပြူးသွားသည်။
"ဒီသတင်းကို ကျွန်မ နားမလည်ဘူးလား မဖြစ်နိုင်တာ ဒါက ဝါကျအနည်းငယ်ပဲ ၁၀ နှစ်အရွယ် ကလေးတောင် နားလည်နိုင်တယ်..."
"မင်းက စာသားအတိုင်းပဲ နားလည်တာ သတင်းရဲ့ အနှစ်သာရကို မသိဘူး"
လင်ရှောင်စုက ဆက်ပြောလိုက်သည်။
"ဒါက လူထုဖတ်ဖို့အတွက် ထုတ်ပြန်ထားတဲ့ သတင်းစာရှင်းလင်းပွဲပဲ ဒါပေမဲ့ စုံထောက်တွေအနေနဲ့ ငါတို့က မျက်နှာပြင်ရဲ့ အောက်က အနှစ်သာရကို မြင်အောင် ကြည့်ရမယ် ဥပမာ- မင်းမြင်တာက ကုမ္ပဏီနှစ်ခု ပူးပေါင်းတာ ဒါပေမဲ့ ငါမြင်တာက ပြဿနာတွေ အများကြီးရှိနေတဲ့ ကုမ္ပဏီနှစ်ခုပဲ"
"ပြဿနာ ဘယ်နေရာမှာ မြင်လဲ"
မြောင်ရိုလန်က တကယ်ကို နားမလည်ပေ။
လင်ရှောင်စုက ရှင်းပြလိုက်သည်။
"ကုမ္ပဏီကြီး နှစ်ခုကြား ဆွေးနွေးမှုတွေမှာ သဘောတူညီချက်တွေ ရှိရမယ်၊ အသေးငယ်ဆုံး အချက်ကိုတောင် သတင်းမှာ ဖော်ပြရမယ် ဒါပေမဲ့ ဒီသတင်းမှာ အနှစ်သာရ ဘာပါလဲ ဘာမှ မပါဘူး အလွတ်စကားလုံးတွေပဲ ဒါက ဘာကိုဆိုလိုလဲဆိုရင် ဆွေးနွေးပွဲတွေ လုပ်ပေမယ့် သဘောတူညီမှု လုံးဝ မရဘူးလို့ ဆိုလိုတာ ပြီးတော့ ဒီသတင်းက အစိုးရ ပလက်ဖောင်းပေါ်မှာ တင်ထားတာကို မမေ့ပါနဲ့..."
မြောင်ရိုလန်က ဆက်၍ ဇဝေဇဝါ ဖြစ်နေ၏။
"အစိုးရ ပလက်ဖောင်းပေါ်မှာ ဖြစ်နေတာ ဘာဖြစ်လဲ"
"ဒါက ဒီဆွေးနွေးပွဲကို အစိုးရဌာနတွေက တွန်းအားပေးထားတာလို့ ပြောချင်တာ ပုံမှန်ဆိုရင် လုပ်ငန်းတွေက ဒေသတွင်းမှာ ဆက်ဖွံ့ဖြိုးချင်ရင် အစိုးရရဲ့ သဘောထားကို မကျော်လွန်နိုင်ဘူး ဒါပေမဲ့ သူတို့ မလိုက်နာဘူးဆိုတာက ပြဿနာတွေက ဖြေရှင်းလို့ မရတဲ့ အဆင့်ရောက်နေတာကို ပြနေတာပဲ"
"ကျွန်မ ယုံပါပြီ"
မြောင်ရိုလန်က ထပ်မံပြောလိုက်၏။
"ရှင် ပြောတာ နားထောင်ပြီးမှ အမှန်ပဲ ဆိုတာ သိလိုက်ရတယ်"
"အမှန်ပဲ"
လင်ရှောင်စု ထရပ်လိုက်လေသည်။