အခန်း (၁၂) - ဧပြီ ၁၃၊ နေမင်းလမ်းကြောင်း ပြောင်းလဲသည့်နေ့

"ကျွန်တော့်ရှေ့မှာ ခက်ခဲတဲ့ ပြဿနာတစ်ခု ရောက်နေသလို ဘဝအတွက် ကြီးမားတဲ့ ဆုံးဖြတ်ချက် တစ်ခုလည်း ချရတော့မယ် စဉ်းစားဖို့ အချိန်လေး နည်းနည်းလောက် ပေးလို့ရမလား"

ချန်ယဲ့ ရယ်မောလိုက်သည်။

"ရတာပေါ့ အရပ်သားဝန်ထမ်း စာမေးပွဲခန်းထဲ မဝင်ခင်အထိ ရှင် စိတ်ပြောင်းဖို့ အခွင့်အရေး ရှိပါသေးတယ်"

"လက်ဖက်ရည် သောက်ပါဦး ဒါ တာရှန်လက်ဖက်ရည်ပါ သိပ်နာမည်မကြီးဘူး လက်နဲ့ လုပ်ထား တာဆိုတော့ ပုံစံလည်း မလှဘူး ဒါပေမဲ့ အနံ့ကတော့ တကယ်ကို မွှေးတယ်..."

လင်ရှောင်စု လက်ဖက်ရည်ခွက်ကို မြှောက်ကာ ချန်ယဲ့အား ဂုဏ်ပြုလိုက်သည်။

ချန်ယဲ့ လက်ဖက်ရည်ကို ဖြည်းညှင်းစွာ စုပ်သောက်ရင်း သူမ၏ အကြည့်မှာ အပြင်ဘက် တိတ်ဆိတ် နေသည့် ရွာလေးဆီသို့ ရောက်သွား၏။ ဤအချိန်တွင် ရွာလေးမှာ တိတ်ဆိတ်နေသော်လည်း အိမ်ခြေတစ်ရာကျော်မှ မီးရောင်များ လင်းထိန်နေလေသည်။

"ရှင်တို့ ရွာလေးမှာ လူတွေ တော်တော်များများပဲ"

"ဒါက မြို့စွန်ရွာရဲ့ အားသာချက် ဖြစ်မှာပါ မြို့စွန်ရွာတွေက လူတွေကို ထောက်ပံ့ဖို့ အလုပ်အကိုင် အနည်းငယ် ပေးနိုင်တယ် ကျေးလက်လူတွေက တကယ်တော့ သိပ်အများကြီး မလိုချင်ကြပါဘူး၊ အသက်ရှင်ဖို့ပဲ လိုတာပါ ဘယ်သူမှ အပြင်ကို ထွက်ပြေးချင်မှာ မဟုတ်ပေမဲ့ အောက်ဘက်က ရွာတွေကတော့ မတူဘူး လူငယ်တွေ အပြင်ထွက် အလုပ်လုပ်မှ ရမှာ သာမန်ရက်တွေဆိုရင် အဘိုးကြီး သုံးယောက်နဲ့ ခွေးတစ်ကောင်ထက် ပိုမတွေ့ရဘူး ဒါက ဘဝရဲ့ အားမလိုအားမရ ဖြစ်မှုပါ အိမ်မှာက စားဝတ်နေရေး မပြေလည် တခြားအရပ်မှာကလည်း စိတ်မအေးချမ်းနိုင်..."

"အိမ်မှာက စားဝတ်နေရေး မပြေလည် တခြားအရပ်မှာကလည်း စိတ်မအေးချမ်းနိုင်... သိပ်နက်နဲတဲ့ စကားပဲ"

ချန်ယဲ့၏ အကြည့်မှာ ဖြည်းညှင်းစွာ ပြန်လှည့်လာသည်။

"ဒါဆို နောက်တစ်ပတ်အတွင်းမှာ ရှင်က ဘဝဟာ စားဝတ်နေရေးအတွက်လား စိတ်အေးချမ်းဖို့ အတွက်လားဆိုပြီး လုံးပန်းနေဦးမှာပေါ့ ဟုတ်လား"

လင်ရှောင်စု အနည်းငယ် ပြုံးလိုက်ပြီး

"အစ်မကို မေးချင်နေတာ ကြာပြီဖြစ်တဲ့ မေးခွန်းတစ်ခု ရှိတယ်"

"မေးလေ"

“ရာသီဥတုက ပူလာပြီ ခေါင်းကနေ ခြေဖျားအထိ လူသားအရေပြား အလွှာတစ်ထပ်နဲ့ ထုပ်ထားရတာ မပူဘူးလား"

ချန်ယဲ့ သူ့ကို စိုက်ကြည့်လိုက်ပြီး သူမ၏ မျက်လုံးများ အရောင်လက်သွား၏။ လင်ရှောင်စုက သူမကို အလွန် တည်ငြိမ်စွာ ကြည့်နေလိုက်သည်။

ချန်ယဲ့ အနည်းငယ် သက်ပြင်းချလိုက်ပြီး

"ပြင်ပလောကမှာ လျှောက်သွားနေတာ ကျွန်မရဲ့ အရေပြားကို သတိထားမိတာ ရှင်က ပထမဆုံးပဲ"

"ကျွန်တော် သတိမထားမိခဲ့ရင် အစ်မ စိတ်ပျက်မိမလား ဘယ်လိုပဲဖြစ်ဖြစ် ကျွန်တော်က တခြားသူတွေနဲ့ မတူဘူး ကျွန်တော့်မှာ စားဖို့ သုံးဖို့ ရှိတာက ဒီမျက်လုံးတွေပဲလေ"

"ဟုတ်ပါတယ်" ချန်ယဲ့က ဆက်ပြောလိုက်သည်။

"ကျွန်မက အမှန်တရားကို ဖုံးကွယ်ချင်တာ မဟုတ်ပါဘူး မတတ်နိုင်လို့ပါ ကျွန်မက အဆိပ်ရှိတဲ့ လူသားမို့ပါ ဒီအရေပြားကို မဝတ်ထားဘဲ ရှင်က ကျွန်မအရေပြားကို မတော်တဆ ထိမိလိုက်ရင် ရှင် သေသွားလိမ့်မယ်"

လင်ရှောင်စု၏ ရင်ထဲတွင် တုန်လှုပ်သွား၏။

"ဒါက မျိုးရိုးဗီဇ ပြောင်းလဲခြင်းရဲ့ နောက်တစ်ဖက်ပေါ့ ဟုတ်လား"

"ဟုတ်တယ် မျိုးရိုးဗီဇ ပြောင်းလဲခြင်းက သဘာဝတရားကို ချိုးဖောက်တာ တစ်ခုခု ရရင် တစ်ခုခု ဆုံးရှုံးရမှာပဲ..."

"ဆုလေး..."

အောက်ထပ်မှ အမေ၏ ခေါ်သံ ထွက်ပေါ်လာ၏။

"ရှင့်အမေလား"

လင်ရှောင်စု ခေါင်းညိတ်ပြလိုက်၏။

"ကျွန်မ ထွက်ပြေးရမလား"

"ထွက်ပြေးရမလား အမေ တံခါးဝ ရောက်နေပြီ ဘယ်ကို ပြေးမှာလဲ"

"ဘာလုပ်ရမလဲ" ချန်ယဲ့ စိုးရိမ်တကြီးဖြင့် ပြတင်းပေါက်ကို ကြည့်လိုက်၏။

ပြတင်းပေါက်တွင် သံတိုင်များ ရှိနေ၍ တက်ပြေးရန် မဖြစ်နိုင်ပေ။

"အတန်းဖော်ပါလို့ပဲ ပြောလိုက်ပါ"

"သူက ကျွန်မကို ရည်းစားလို့ ထင်ပြီး ယွမ်တစ်သောင်းနဲ့ တစ်ကျပ် ပါတဲ့ အိတ်အနီ ပေးလိုက်ရင်ရော"

" မနေ့က ကျွန်တော့်ကို ယွမ်တစ်သောင်း ပေးထားပြီးပြီ အဲဒါကို ပြန်တောင်းဦးမလို့လား"

လင်ရှောင်စု သူမကို စောင်းကြည့်ကာ တံခါးဖွင့်လိုက်၏။

တံခါးဖွင့်လိုက်သောအခါ လင်ရှောင်စု၏ အမေမှာ မျက်လုံးများ ပြူးကျယ်သွား၏။ အိမ်ထဲမှာ အလှပဂေးတစ်ဦးကို ဝှက်ထားမယ်လို့ လုံးဝ မထင်ထားခဲ့ချေ။ ထိုမျှမက၊ မျက်နှာနှင့် ခန္ဓာကိုယ် မှာလည်း အလွန် ဆွဲဆောင်မှု ရှိလှသည်။

"မင်္ဂလာပါ ဒေါ်ကြီး ကျွန်မက ဆုလေးရဲ့ အတန်းဖော်ပါ သူ အရပ်သားဝန်ထမ်း စာမေးပွဲ ဖြေမယ်လို့ ကြားလို့ လာလည်တာပါ..."

ချန်ယဲ့ ချိုသာစွာ ပြုံးပြလိုက်၏။

အမေ၏ မျက်နှာပေါ်တွင် တိမ်တိုက်များ ဖြတ်ပြေးသွားပြီး အရောင်အသွေး စုံလင်သော နေဝင်ဆည်းဆာကဲ့သို့ လှပသွားလေသည်။

"အဲဒါ တကယ် ကောင်းတာပဲ သမီးတို့ ညစာ မစားရသေးဘူးမလား ဒေါ်ကြီး ချက်ပေးမယ် သမီးတို့ နှစ်ယောက် စကားပြောကြ စကားပြောကြ..."

အမေ ပျော်ရွှင်စွာ အခန်းထဲမှ ထွက်သွားပြီး တံခါးကို အပြင်ဘက်မှ သေချာ ပိတ်ပေးသွား၏။ မကြာမီ လင်ရှောင်စု၏ ဖုန်းသို့ မက်ဆေ့ချ်တစ်စောင် ရောက်လာ၏။

ချန်ယဲ့ ကြည့်လိုက်မိရာ အမေ့ဆီမှ

'ဒီကလေးမလေးကို အိတ်အနီ ပေးရမလား' ဟူ၍ ဖြစ်၏။

"ပေး ပေး တစ်သောင်းနဲ့ တစ်ကျပ် တစ်သောင်းထဲက တစ်ယောက်ကို ရွေးတယ်ဆိုတာ ကောင်းတဲ့ နိမိတ်ပဲ"

ချန်ယဲ့က ပြောသည်။

"ရှင့်ရဲ့ ကပ်စေးနည်းတဲ့ ပုံစံက အဆင့်ကို နိမ့်ကျစေတယ် ကျွန်မရဲ့ ရွေးချယ်မှုကို ထိခိုက်မှာ မကြောက်ဘူးလား"

လင်ရှောင်စု သူမကို စိုက်ကြည့်ကာ သူမရှေ့မှာပင်

'မလိုဘူး' ဟု စာရိုက်ပြီး ပြန်ပို့လိုက်လေ၏။

ယုံချင်မှ ယုံ ဒီဟာသလေးက သူတို့နှစ်ယောက်ကို ပိုပြီး ရင်းနှီးသွားစေသည်။ ရှန်လုံ ဤလျှို့ဝှက် ဆန်းကြယ်ပြီး မြင့်မားသည့် အဖွဲ့အစည်းမှာ ရုတ်တရက် နွေးထွေးမှု ရှိလာသလိုပင်။ ဒါက ချန်ယဲ့၏ အမှန်တကယ် ရည်ရွယ်ချက် ဖြစ်နိုင်၏။

နောက်တစ်နေ့တွင် ချန်ယဲ့နှင့် လင်ရှောင်စုတို့ အောက်ထပ်သို့ ဆင်းသွားကြသည်။ အမေက အကြာကြီး နှုတ်ဆက်နေလေသည်။ ချန်ယဲ့က မြို့ထဲ ပြန်တော့မည်ဟု ဆိုသဖြင့် အမေက လင်ရှောင်စုကို လိုက်ပို့ခိုင်းလိုက်၏။

ချန်ယဲ့က သူမ ကားမောင်းလာပြီး အဝေးပြေးလမ်း အကွေ့တွင် ရပ်ထားခဲ့ကြောင်း ပြောပြလိုက်သော အခါ လင်ရှောင်စု သူမကို အကွေ့ထိ လိုက်ပို့ရာ ချန်ယဲ့က သူ့ကို အနည်းငယ် ပြုံးပြပြီး ခြေဖျားထောက်ကာ သစ်ပင်ပေါ် တက်သွား၏။ အကိုင်းအခက်များမှ ခုန်ချလိုက်ရာ သူမ ပျောက်ကွယ် သွားတော့လေသည်။ လင်ရှောင်စုရှေ့တွင် သူမ၏ အစွမ်းကို ပြသသည့် ဒုတိယမြောက်အကြိမ်ပင် ဖြစ်ချေသည်။ တကယ်ကို စိတ်လှုပ်ရှားဖို့ ကောင်းလေ၏။

သူမက ဒီလိုမျိုးနဲ့ သူ့ကို

'လာခဲ့ပါ ကျွန်မတို့ အဖွဲ့က စိတ်လှုပ်ရှားစရာတွေနဲ့ ပြည့်နေတယ်' လို့ ပြောနေတာ ဖြစ်နိုင်ပေ၏။

နောက်တစ်နေ့ ဧပြီ ၁၃ ရက်

နေဝင်ဆည်းဆာတွင် တာရှန်ရွာဟောင်း၏ နွားလည်ဆွဲသံများမှာ ကြည်လင် တေးသံမြည်ကြွေးနေ၏။ လင်ရှောင်စု တောင်လမ်းအတိုင်း လျှောက်သွားရင်း ကြက်တွန်သံ၊ ခွေးဟောင်သံများကို နားထောင်ရင်း တုန်လှုပ်မိသွားသည်။ သူ့မိဘများ ပြောပြသည့် ကျေးလက်ဘဝမှာ သူ့အမြင်တွင် ပြောင်းလဲသွားခဲ့ပြီ။ မျိုးဆက်ပေါင်းများစွာ ရင်းနှီးခဲ့သည့် ကြက်တွန်သံ၊ ခွေးဟောင်သံများမှာ ခေတ်သစ် ကျေးလက်တွင် ဇိမ်ခံပစ္စည်း ဖြစ်လာခဲ့ပေသည်။

မြို့စွန်ရွာများတွင်သာ ကျေးလက်၏ မူလ မြင်ကွင်းကို ထိန်းသိမ်းထားနိုင်၏။ အောက်ဘက်က ရွာများတွင် လူငယ်မရှိတော့ပါ။ အဘိုးအိုအနည်းငယ်သာ တုတ်ကောက်ကို ကိုင်ပြီး ရွာအရှေ့ကနေ အနောက်ကို လျှောက်နေကြသည်။ ညဘက်ဆို ခွေးတောင် မဟောင်တော့ပါ။ တချို့က ကျေးလက်မှာ အိုမင်းပြီး သေဆုံးခြင်းဆီသို့ ဦးတည်နေပြီဟု ပြောကြ၏။ တချို့ကတော့ ဒါဟာ ခေတ်ရဲ့တိုးတက်မှုပဲ မြို့ပြဖြစ်လာခြင်းက အနာဂတ်ရဲ့ ဦးတည်ချက်ပဲဟု ပြောကြလေသည်။ လင်ရှောင်စု မြို့ထဲတွင် တစ်ခေါက် သွားလာပြီး ရွာလေးဆီ ပြန်လာခဲ့၏။ အမှန်အတိုင်း ပြောရလျှင် သူ ဒီလို ကျေးလက်ဘဝကို နှစ်သက်သည်။ သို့သော် သူ၏ အနာဂတ်လမ်းမှာ ဤနေရာတွင် ရှိသည် မဟုတ်ပေ။

လျူလင် ကျောင်းတော်မှာ အမြဲတမ်းအတိုင်း အလွန် တိတ်ဆိတ်အေးချမ်းနေ၏။

ဦးလေးဖြစ်သူ အထဲမှ ထွက်လာပြီး လင်ရှောင်စုကို မြင်သောအခါ မျက်လုံးများ နည်းနည်း အရောင်လက်လာသည်။

"မင်းရဲ့ ဒုတိယအဒေါ် နေမကောင်းပြန်ပြီလို့တော့ မပြောနဲ့ဦးနော်"

လင်ရှောင်စု ခေါင်းကို ဖြည်းညှင်းစွာ ခါလိုက်၏။

"မဟုတ်ပါဘူး ဦးလေးရယ် ဒုတိယအဒေါ် နေမကောင်းမှပဲ အိမ်ပြန်ရမှာလား ရှေးခေတ် ဆရာဝန်တွေ တောင် ကုသတာထက် ကာကွယ်တာက ပိုအရေးကြီးတယ်လို့ သိထားကြတာပဲ"

"ဘာပြောတာလဲ"

"ကျွန်တော် ပြောချင်တာက ဒီည ဦးလေးအစား ကျွန်တော် ညစောင့်ပေးမယ် ဦးလေး ဒုတိယအဒေါ်ဆီ ပြန်ပြီး အဖော်လုပ်ပေးလိုက်ပါ"

ဦးလေးက သူ့ကို မယုံကြည်သလို ကြည့်လိုက်လေသည်။

"မင်း ရုတ်တရက် ဒီလောက် သဘောကောင်းလာတယ်ဆိုတာ ငါ မယုံနိုင်ဘူး"

"ဒါဆို ကျွန်တော် ပြန်ရမလား"

ဦးလေး၏ မျက်နှာအမူအရာ တက်ကြွသွား၏။

"မင်း ဒီလောက် ဝေးဝေးကနေ လာတာပဲ ဘာလို့ ပြန်မှာလဲ ဒီည မင်းပဲ စောင့် ဒါပေမဲ့..."

"ဒါပေမဲ့ ဘာလဲ"

"ဒီညက နေမင်းလမ်းကြောင်း ပြောင်းလဲတဲ့နေ့ ဖြစ်နေတယ် မင်း တကယ် ဘာလုပ်မလို့လဲ"

"ဟုတ်ပါပြီ ဟုတ်ပါပြီ၊အမှန်အတိုင်း ပြောပါမယ် ဟူယား ဒီလောက် သန်မာနေတာဟာ နေမင်းလမ်း ကြောင်း ပြောင်းလဲတဲ့နေ့ရဲ့ စွမ်းအင်ကြောင့်လို့ ကျွန်တော် ထင်တယ် ဒါကြောင့် ဒီနေ့မျိုးဆိုရင် တောင်ပေါ် တက်လာတာပါ စွမ်းအင်အကျိုးသက်ရောက်မှုကို ကျွန်တော်လည်း ကံစမ်းကြည့်ချင်လို့ပါ"

"အဲဒါမျိုးမှပေါ့"

ဦးလေး၏ မျက်နှာမှာ ပန်းကန်ပြားကဲ့သို့ ဝေဆာသွားလေသည်။

"ဒီကလေးမရဲ့ ကိုယ်ခံစွမ်းအားက နောက်ပြောင်စရာ မဟုတ်ဘူး သာမန်လူတွေ ခံနိုင်တာ မဟုတ်ဘူး မင်း အကြံကောင်းတယ် ကောင်လေး ဦးလေး သဘောကျတယ် ကောင်းပြီ၊ ဒီအခွင့်အရေး ပေးလိုက်မယ် သူမကို ထိန်းချုပ်နိုင်အောင် ကိုယ့်ကိုယ်ကိုယ် ကြံ့ခိုင်အောင် လုပ်ထား..."

လင်ရှောင်စုအား မှာကြားပြီးနောက် ဦးလေးသည် ချစ်လှစွာသော ဒုတိယအဒေါ်နှင့် တွေ့ဆုံရန် တောင်အောက်သို့ ပျော်ရွှင်စွာ ဆင်းသွား၏။ လင်ရှောင်စု လျူလင် ကျောင်းတော်၏ ပလပ်ဖောင်း ပေါ်တွင် ရပ်ကာ နှာခေါင်းကို ပွတ်လိုက်မိ၏။

‘ဦးလေး ဦးလေးရဲ့ နားလည်မှု နည်းနည်း လွဲမနေဘူးလား ကျွန်တော် ကံစမ်းတာ ဟုတ်ပေမဲ့ ဦးလေး သမီးကို ထိန်းချုပ်ဖို့တော့ မရည်ရွယ်ပါဘူး သူမကို ထိန်းချုပ်ဖို့ ခက်သလား ကျွန်တော် သူမနဲ့ ရန်မဖြစ်ပါဘူး ပြီးတော့ ကျွန်တော့်မှာ လျှို့ဝှက်ချက်တစ်ခု ရှိနေပြီး ပြောသင့်မပြောသင့် မသေချာဘူး ဦးလေးသမီးက ကျွန်တော့်ကို ကစားနေတာလို့ ကျွန်တော် ခံစားရတယ် အကယ်၍ ကျွန်တော်သာ နည်းဗျူဟာလေး သုံးပြီး ပိုခိုင်မာတဲ့ နည်းလမ်းတွေ သုံးလိုက်ရင် အကုန်လုံး မရှင်းမလင်းနဲ့ ရှုပ်ထွေးကုန်လိမ့်မယ်...’

ဒီညတွင် လမင်းသာပြီး ကြယ်တာရာများ နည်းပါးလေသည်။ တောင်ကုန်းများတွင် ညညဥ့်ယံမှာ ပွင့်သော ညမွှေးပန်းများဖြင့် လှပနေသည်။ နွေဦးပေါက်ကာစ ဖြစ်သဖြင့် ငှက်သံ ပိုးသံများဖြင့် ပြည့်နှက်နေ၏။ ညဘက် ပိုးမွှားများ၏ အချစ်ဇာတ်လမ်းအတွက် အကောင်းဆုံးပင်။ လင်ရှောင်စု ပလပ်ဖောင်းပေါ်တွင် ထိုင်နေလေသည်။ သူ၏ ဉာဏ်ပညာမျက်လုံးဖြင့် တောင်ပေါ်မှ နွေဦး ရှုခင်းကို ငေးကြည့်နေလိုက်သည်။

ပလပ်ဖောင်းအောက်မှ ရေကန်နက်ထဲတွင် ဖားနှစ်ကောင် မိတ်လိုက်နေသည်ကို မြင်ရပြီး သူတို့၏ အော်သံမှာ လူသားတို့၏ ညည်းညူသံနှင့် ဆင်တူမည်ဟု မဆီမဆိုင် တွေးလိုက်မိပြန်သည်။

သူ၏ အကြည့်ကို မြှောက်လိုက်ရာ ညဉ့်ယံမှာ မရှိသကဲ့သို့ မိုင်ပေါင်းများစွာကို ကြည်လင်စွာ မြင်ရသည်။ ရွာအနောက်ဘက်ရှိ မြစ်ငယ်လေးကို ကြည့်လိုက်ရာ အန်နာပေါ်လာ၏။ သူမခင်ပွန်းမှာ တကယ်ကို ကြိုးစားသူ ဖြစ်ရပေမည်။ နေ့ဘက်တွင် ထမ်းပိုးဖြင့် ကုန်ပစ္စည်းများ ထမ်း ညဘက်တွင် အန်နာ ရေချိုးနေချိန်၌ တုတ်ကိုင်ပြီး ကင်းစောင့် ပြီးလျှင် အလုပ်ကိစ္စကို ထက်မြက်စွာ လုပ်ဆောင်လိမ့်မည်။ ကြက်တွန်၊ ခွေးဟောင်၊ လူသားတို့၏ နေ့စဉ်ဘဝများမှာ ဤအတိုင်းပင် ဆက်လက် တည်ရှိနေလေတော့သည်။

"ဟိုင်း"

ဟူယာ၏ အသံနှင့်အတူ ဟူယား ရောက်လာလေသည်။ သူမအဖေ တောင်အောက် ဆင်းသွားပြီး သူမ တောင်ပေါ် တက်လာ၏။ သူမအဖေက သူမအမေကို အဖော်လုပ်ပေးပြီး သူမက လင်ရှောင်စုကို အဖော်လုပ်ပေးနေသည်။ ဤအရာမှာ ထူးခြားသည့် အဓိပ္ပာယ် ရှိနေသဖြင့် ဟူယား၏ ပါးပြင်များ နီရဲသွား၏။

သူမ ညစာ ယူလာလေသည်။ အသား၊ ငါး၊ အရက်တို့ဖြင့် အလွန် စုံလင်လှ၏။ အသားမှာ အိမ်လုပ် ဝက်အူချောင်း၊ ငါးမှာ ယီရှုမြစ်မှ ငါးငယ်လေး၊ ဟင်းသီးဟင်းရွက်မှာ အိမ်မှာ စိုက်ထားတာ၊ အရက်မှာ ဒေသထွက် 'ချူရှန်း' အရက်ပြင်းပင် ဖြစ်လေသည်။ ဟူယား သူ့ကို အဖော်လုပ်ရင်း အတူ သောက်၏။ လင်ရှောင်စု သိပ်မသောက်သော်လည်း သူမကမူ အားရပါးရ သောက်လေသည်။ အနည်းဆုံး ရှစ်လီလောက်တော့ ဝမ်းဗိုက်ထဲ ရောက်သွားပြီဖြစ်ချေသည်။

အရက်သောက်နိုင်တဲ့ အစွမ်း...

"စာမေးပွဲက နောက်ရက်နည်းနည်းပဲ လိုတော့တယ်မလား" ဟူယာက မေးလိုက်သည်။

"အင်း ခြောက်ရက်"

"အောင်မယ်လို့ ထင်လား"

"မသိဘူး အမေက အားကိုးရာတွေ အများကြီး ရှာထားတယ် အဲဒါ ထိရောက်မလား မသိဘူး"

"ဟွန့် ကွမ်ရင်ရုပ်ပွားတော်ကိုပဲ သွားတောင်းဆိုတာ မဟုတ်ဘူးလား" ဟူယာ အထင်သေးစွာ ပြော၏။

"အဲဒါ ထိရောက်ရင် ကျွန်မလည်း ရှင်နဲ့အတူ တက္ကသိုလ် တက်သွားမှာပေါ့"

"တကယ်လား မင်းလည်း ဗုဒ္ဓကို ဆုတောင်းခဲ့တာလား"

"ကျွန်မ မတောင်းပါဘူး ကျွန်မအမေက ရှင့်အမေကို ဆွဲခေါ်သွားတာ ရှင့်အမေက ရှင် တက္ကသိုလ် ကောင်းကောင်း ရအောင် ဆုတောင်းတာ ကျွန်မအမေက ဘယ်တက္ကသိုလ်က ကောင်းမှန်း မသိတော့ ရှင့်အမေကို လက်ညှိုးထိုးပြီး ဗုဒ္ဓကို ဆုတောင်းလိုက်တာ... 'ကျွန်မ သမီးကိုလည်း သူ့သားလို ဖြစ်ပါစေ' တဲ့ ဘေးနားက ဘုန်းကြီးတောင် ရယ်လိုက်ရတာ..."

လင်ရှောင်စု ရယ်မောလိုက်မိ၏။

ဟူယာ အနည်းငယ် စိတ်ပျက်သွားလေသည်။

"ချင်းယွမ်ကျောင်းတော်က ဗုဒ္ဓက မှားသွားတယ်လို့ ကျွန်မ သံသယ ရှိတယ် ကျွန်မအမေက ကျွန်မကို သူ့သားလို ဖြစ်စေချင်တာ ဒါပေမဲ့ ဗုဒ္ဓက ကိုယ်ခန္ဓာကြံ့ခိုင်မှုချင်း တူအောင် လုပ်ပေးတယ်လို့ ထင်ပြီး ကျွန်မကို သန်မာအောင် လုပ်လိုက်တော့ ကျွန်မ ပိုပြီး မိန်းကလေးဆန်တော့တာပဲ..."

"မင်း မိန်းကလေး မဟုတ်ဘူးလို့ ဘယ်သူ ပြောလဲ မင်းက အလွန်ပဲ မိန်းကလေးဆန်တယ်လို့ ကျွန်တော် ထင်တယ်..."

လင်ရှောင်စု သူမ၏ လက်ကို ဖမ်းကာ နေရာအနှံ့ ညွှန်ပြလိုက်၏။

"ဒီနေရာလေးလိုမျိုး..."

သူ့လက်ချောင်း ထိလိုက်ချိန်တွင် ဟူယာ ရုတ်တရက် တုန်သွားလေသည်။ ဒီထိတွေ့မှုက တကယ်ကို တိကျလွန်းသည်... တာအို ကျောင်းတော်ထဲမှ လေထုမှာ နည်းနည်း ထူးခြားသွားပြီးနောက် ဟူယား စိတ်ထဲမှာ မျက်လုံးမှိတ်လိုက်၏။

-"တကယ်ပဲ ကျွန်မကို အနိုင်ကျင့်ချင်နေတာလား"

"မင်း မိန်းကလေး မဟုတ်ဘူးလို့ မထင်ရအောင် စိတ်ဓာတ် ပြင်ပေးတာပါ စေတနာသက်သက်ပါ"

"အရမ်း ရင်းနှီးနေကြတာပဲ တကယ်ပဲ အနိုင်ကျင့်ရဲတယ်ပေါ့"

"အဲဒါ ဘာဖြစ်လဲ မင်းမိဘတွေက ငါတို့ထက်တောင် ပိုရင်းနှီးသေးတယ် မင်းအမေကို အနိုင်ကျင့်တဲ့အခါ မင်းအဖေ ရှက်လား မေးကြည့်ပါလား..."

"အဲဒါလည်း ဟုတ်သားပဲ... စမ်းကြည့်ရမလား"

လင်ရှောင်စု စိတ်လှုပ်ရှားသွား၏။

ဟူယာ ရုတ်တရက် ခုန်ထလိုက်သည်။

"အို ဘုရားရေ ရှင့်မျက်လုံးတွေ စိမ်းသွားပြီ ကျွန်မ သွားပြီ"

စကားဝိုင်း ပြတ်တောက်သွားပြီး ပေါ့ပေါ့ပါးပါး စကားပြောရင်း လရောင်က မြင့်တက်လာ၏။ ဒီညက ဧပြီ ၁၃ ရက် လမင်းကြီးမှာ အတော်လေး ပြည့်ဝနေပြီး လျူလင်းကျောင်းတော်၏ နေရောင်ခြည်သုံး မီးအိမ်များပေါ်တွင် လရောင်ကျရောက်နေသဖြင့် အနည်းငယ် မှိန်ဖျော့သွားလေတော့သည်။