Uchiha Clan စနစ်

မီးလျှံပင်လယ်နှင့် သွေးစွန်းခဲ့ရသည့် အူချီဟာမျိုးနွယ်စု၏ ကံကြမ္မာဆိုးကို မှတ်မိနေကြသေးလား? အကယ်၍ အူချီဟာတွေဟာ ကိုနိုဟာရဲ့ နိုင်ငံရေးဖိနှိပ်မှုအောက်မှာ အသတ်ခံရမယ့်လမ်းကို မရွေးဘဲ... ရွာကနေ တစ်မျိုးနွယ်လုံး အစုလိုက်အပြုံလိုက် ထွက်ခွာသွားခဲ့ရင် ဘာဖြစ်မလဲ? "အူချီဟာယူဇူရု" — သူသည် နာရူတိုကမ္ဘာထဲသို့ အူချီဟာသွေးလွှတ်ကြောဖြင့် ပြန်လည်ဝင်စားလာသူ ဖြစ်သည်။ ကံကောင်းထောက်မစွာဖြင့် ဇာတ်လမ်းအစကတည်းက အစွမ်းထက်လှသည့် "အူချီဟာကလန်စနစ် " နှင့်အတူ ဘယ်ဘက်နှင့်ညာဘက် မျက်လုံးနှစ်ဖက်လုံး၏ "ကာမူအိ" စွမ်းရည်ကို ပိုင်ဆိုင်ခဲ့သည်။ သူ၏ အင်အားသည် အူချီဟာမျိုးနွယ်စု ကြီးပွားတိုးတက်မှုအပေါ် တိုက်ရိုက်သက်ရောက်နေမှန်း ယူဇူရု သိလိုက်ရသောအခါ... ရှီမူရာဒန်ဇိုနှင့် ရွာအကြီးအကဲများ၏ မရိုးသားသော နိုင်ငံရေးလှည့်ကွက်များကို သိနေသည့် ယူဇုရုသည် မျိုးတုံးမည့် ကံကြမ္မာကို လက်ပိုက်ကြည့်မနေတော့ဘဲ ထူးခြားပြတ်သားသည့် ဆုံးဖြတ်ချက်တစ်ခုကို ချလိုက်တော့သည်။ "ကိုနိုဟာက အူချီဟာကို မလိုချင်ဘူးလား? ရတယ်... ဒါဆိုရင် တစ်မျိုးနွယ်လုံး ထွက်သွားပေးမယ်။ မင်းတို့ ကိုနိုဟာကြီးပဲ ကျန်ခဲ့လိုက်!" သူ၏ အမျှော်အမြင်၊ အတုမရှိသည့် အစွမ်းသတ္တိနှင့် ကလန်စနစ်ကို အသုံးပြုပြီး ယူဇူရုသည် ယူချီဟာတစ်မျိုးနွယ်လုံးကို ဘေးကင်းရာသို့ ရွှေ့ပြောင်းကာ အခြေစိုက်စခန်းသစ်တစ်ခုကို စတင်တည်ထောင်ခဲ့သည်။ ကလန်အတွင်း လူဦးရေ တိုးပွားလာပြီး၊ စစ်အင်အားနှင့် သြဇာအာဏာ ကြီးထွားလာသည်နှင့်အမျှ ယူဇူရု၏ စွမ်းအားသည်လည်း နတ်ဘုရားတစ်ပါးကဲ့သို့ တားမနိုင်ဆီးမရ တိုးတက်လာခဲ့သည်။ ရိုးရှင်းသည့် ရှင်သန်ရေးဗျူဟာမှသည်... နောက်ဆုံးတွင် ခံ့ထည်လွန်းသည့် "အူချီဟာအင်ပါယာ" ကြီး ဖြစ်လာသည်အထိ။ တစ်ဖက်တွင်လည်း ကိုနိုဟာခေါင်းဆောင်ပိုင်းသည် အူချီဟာတို့ကို နှိပ်ကွပ်ရန် လုပ်ကြံမှုများ၊ ကောက်ကျစ်သည့် အစီအမံများဖြင့် အကြိမ်ကြိမ် ကြိုးစားသော်လည်း ယူဇူရုက အကွက်ကျကျ ပြန်လည်ချေမှုန်းခဲ့သည်။ ထို့အပြင် ကလန်၏ အဓိကဒေါက်တိုင်များဖြစ်သည့် အီတာချီ ၊ ရှီဆူအီ ၊ အိုဘီတို နှင့် ဖူဂါကူ တို့ကိုပါ စည်းလုံးအောင် စွမ်းဆောင်နိုင်ခဲ့သည်။ နှစ်အနည်းငယ်အကြာတွင်... တစ်ချိန်က အနှိပ်ကွပ်ခံခဲ့ရသည့် အူချီဟာမျိုးနွယ်စုသည် ယခင်ကထက် အဆပေါင်းများစွာ သန်မာကြီးမားသော စစ်တပ်ကြီးနှင့်အတူ ပြန်လည်ပေါ်ထွက်လာပြီး၊ ရွာကို တည်ထောင်ခဲ့သည့် မိသားစုကြီးတစ်ခုကို နှင်ထုတ်ခဲ့မိသည့် အကျိုးဆက်ကို ကိုနိုဟာတစ်ရွာလုံး သွေးပျက်ဖွယ် ရင်ဆိုင်ရတော့မည်။