အခန်း (၇) - သင်ခန်းစာတစ်ခုအတွက် ပေးဆပ်ရသော တန်ဖိုး

မနက်ခင်းအချိန်သည် ချက္ကရာ သီအိုရီများနှင့် ထုတ်ယူခြင်း လေ့ကျင့်ခန်းများဖြင့် လျင်မြန်စွာ ကုန်ဆုံးသွားခဲ့သည်။ နင်ဂျာဆရာ၏ ခြောက်ကပ်ကပ် အသံက စွမ်းအင်စီးဆင်းမှု၏ သိမ်မွေ့သော အချက်အလက်များကို ရှင်းပြနေသော်လည်း ရက်ဂ်နာ၏ အာရုံများကမူ ပြန့်ကျဲနေခဲ့သည်။ သူ၏ စိတ်တစ်စိတ်တစ်ပိုင်းက သင်ခန်းစာကို နားထောင်ရင်း သူ၏ အတွင်းပိုင်း ဟာကီ အာရုံများနှင့် နှိုင်းယှဉ်လေ့လာနေသည်။ ကျန်ရှိနေသော အာရုံများကမူ သေသပ်စွာ ချိန်ညှိထားသော ကိရိယာတစ်ခုကဲ့သို့ အခန်း၏ လေထုအခြေအနေအပေါ်သို့ စူးစိုက်ထားလေသည်။

အကြည့်၏ ဇာစ်မြစ်ကို သူ မမြင်ရခင်ကတည်းက ထိုအကြည့်ကို သူ ခံစားသိရှိနေခဲ့သည်။ ၎င်းသည် သူ၏ ထက်မြက်လာသော အာရုံခံနိုင်စွမ်း အစွန်းပေါ်သို့ ဖိနှိပ်လာသော စူးရှပြီး ရန်လိုသည့် ဖိအားတစ်ခုဖြစ်သည်။ ရည်ရွယ်ချက်ရှိရှိ ရန်လိုမှုကို အာရုံခံ ဟာကီ က ဖမ်းယူရရှိနေခြင်း ဖြစ်သည်။ အနားယူချိန်တစ်ခုတွင် သူက ခေါင်းကို ပေါ့ပေါ့ပါးပါးပင် လှည့်ကြည့်လိုက်သည်။ ထိုအကြည့်ပိုင်ရှင်မှာ သူ့ထက် အသက်နှစ်နှစ်ခန့် ကြီးမည့် ကောင်လေးတစ်ယောက် ဖြစ်သည်။ သူ၏ မျက်နှာမှာ စူးရှချွန်ထက်ပြီး ဆူးချွန်ပုံစံ ခပ်ကြမ်းကြမ်း ဆံပင်ကေ ရှိကာ သူ၏ အနက်ရောင်အင်္ကျီ ကျောဘက်တွင်မူ မြင်သာလွန်းလှသော အနီနှင့်အဖြူ ယပ်တောင် အမှတ်တံဆိပ်တစ်ခု ရှိနေသည်။

အူချီဟာ။ ထိုနာမည်က လေထုထဲတွင် ခြိမ်းခြောက်မှုတစ်ခုလို တွဲခိုနေသည်။ အူချီဟာ ဆူကီ။

ဤခေတ်ကာလသည် ခက်ခဲကြမ်းတမ်းသော ကာလတစ်ခုဖြစ်သည်။ ဒုတိယစစ်ပွဲကြီး နီးကပ်လာသည်နှင့်အမျှ အကယ်ဒမီ၏ ဖွဲ့စည်းပုံက ပိုမို ပြောင်းလဲလွယ်ကာ ပိုမို ရက်စက်ကြမ်းတမ်းလာသည်။ အတန်းကြီးနှင့် အတန်းငယ် ကျောင်းသားများသည် စာသင်ခန်းများနှင့် လေ့ကျင့်ရေးကွင်းများကို အတူတကွ မျှဝေအသုံးပြုလေ့ရှိကြသည်။ အစောပိုင်း ဘွဲ့ယူခြင်းကို အားပေးကြပြီး ချူးနင် အဖွဲ့များ၏ နေရာလပ်များကို ဖြည့်ဆည်းရန် တိုက်ရိုက်လမ်းကြောင်းတစ်ခု ဖြစ်သည်။ သို့မဟုတ် ထူးချွန်ပြီး ရက်စက်သူများအတွက် ဟိုကာဂဲ၏ ကိုယ်ပိုင် အမှောင်တပ်ဖွဲ့ဖြစ်သော အန်ဘူ နေရာများအတွက်ဖြစ်ကာ ၎င်းမှာ ရည်မှန်းချက်ကြီးသော ကျောင်းသားတိုင်းအတွက် အမှောင်ထု၏ ဂုဏ်ယူစရာတစ်ခု ဖြစ်သည်။ ကာကာရှီ၊ အီတာချီ၊ ယာမာတို ကဲ့သို့သော ပုဂ္ဂိုလ်များ... ၎င်းမှာ အထက်တန်းလွှာတို့၏ လမ်းကြောင်းပင်။ မီနာတို ကဲ့သို့သော အခြားသူများကိုမူ ဂျိုနင် ဆရာတစ်ဦးက ရွေးချယ်သွားပြီး လာမည့်စစ်ပွဲတွင် သွေးနှင့် လျှပ်စီးများကြား၌ သူတို့၏ ဒဏ္ဍာရီများကို ပုံဖော်ကာ သွေးသင်ပေးမည် ဖြစ်သည်။ ရက်ဂ်နာ၏ လမ်းကြောင်းကမူ သူ့ကိုယ်ပိုင်လမ်းကြောင်းဖြစ်ပြီး မီးရောင်များနှင့် ဝေးကွာသော တစ်ကိုယ်တော် ရုန်းကန်မှုတစ်ခုသာ ဖြစ်သည်။

"ရက်ဂ်နာ... နင် အဆင်ပြေရဲ့လား" ကူရှီနာက သူ၏ဘေးမှနေ၍ ဖုံးကွယ်မရသော စိုးရိမ်မှုများဖြင့် တင်းကျပ်နေသော အသံဖြင့် တီးတိုးမေးလိုက်သည်။ သူမ အကြောင်းစုံကို ဆက်စပ်မိသွားသည်။ ဒီပြဿနာက သူမကြောင့်ဆိုတာကိုပေါ့။

"စိတ်မပူပါနဲ့" ဟု သူက တိုးညင်းပြီး တည်ငြိမ်သော လေသံဖြင့် ပြန်ဖြေလိုက်သည်။ သူ၏ သတိထားမှုသည် ရှင်သန်ရေး ယန္တရားတစ်ခုဖြစ်ပြီး သတ္တိကြောင်ခြင်း မဟုတ်ပေ။ စိန်ခေါ်မှုတစ်ခု ပေါ်ထွက်လာလျှင် ရင်ဆိုင်ရမည်သာ ဖြစ်သည်။ ယခု နောက်ဆုတ်လိုက်ခြင်းက သူ့ကို သားကောင်အဖြစ် အမှတ်အသားပြုသွားစေမည်ဖြစ်ပြီး နောက်ထပ် သားရဲများကို ဖိတ်ခေါ်သကဲ့သို့ ဖြစ်သွားပေလိမ့်မည်။ ဟာကီ သုံးပါးကို သူ၏ မမြင်ရသော လက်နက်တိုက်အဖြစ် ပိုင်ဆိုင်ထားသဖြင့် နာမည်ကြီး အူချီဟာများ၏ မကောင်းဆိုးဝါးစိတ်ကိုပင် ချိုးဖျက်ပစ်နိုင်ပေသည်။

နေ့လည်ခင်း နေရောင်ခြည်က အကယ်ဒမီ၏ ပင်မလေ့ကျင့်ရေးကွင်းပေါ်သို့ ပူပြင်းစွာ ကျရောက်နေသည်။ သတ်မှတ်ထားသော လက်တွေ့ တိုက်ခိုက်ရေး သင်ခန်းစာအတွက် ကျောင်းသားများ စုံတွဲများ တွဲနေကြစဉ် လေထုထဲတွင် စိတ်လှုပ်ရှားစွာ ပြောဆိုသံများ ဆူညံနေသည်။ ရှူရီကန်များနှင့် ကူနိုင်းများမှာ လေ့ကျင့်ရေးပုံစံများဖြစ်ပြီး အသွားများ တုံးနေသော်လည်း ပွန်းပဲ့ခြင်း၊ ပြတ်ရှခြင်းနှင့် အရိုးကျိုးခြင်းများကို ဖြစ်စေနိုင်သေးသည်။

ပြိုင်ပွဲများ စတင်လာပြီး ဖရိုဖရဲ ထိခိုက်မှုများနှင့် အော်ဟစ်အသုံးပြုသော သိုင်းကွက်များ ဆက်တိုက် ထွက်ပေါ်လာသည်။ ရက်ဂ်နာက ခံစားချက်ကင်းမဲ့စွာ ခွဲခြမ်းစိတ်ဖြာလျက် စောင့်ကြည့်နေပြီး၊ သူ၏ ထက်မြက်လာသော အာရုံများဖြင့် လှုပ်ရှားမှုများကို ခန့်မှန်းကာ ဟာကွက်များကို စိတ်ထဲမှ မှတ်သားနေသည်။

ထိုစဉ် အနှောင့်အယှက်တစ်ခု ပေါ်လာသည်။

"ဆရာ!" အူချီဟာ ဆူကီ၏ အသံက ဆူညံသံများကို ဖြတ်ကျော်ကာ မောက်မာပြီး ရှင်းလင်းစွာ ထွက်ပေါ်လာသည်။ သူက အတန်းကြီး ကျောင်းသားများကြားမှ ရှေ့သို့ ထွက်လာသည်။ "ကျွန်တော် ရက်ဂ်နာ ကို စိန်ခေါ်ချင်ပါတယ်။"

လူအုပ်ကြားတွင် တီးတိုးပြောဆိုသံများ လှိုင်းထသွားသည်။ ပင်ပန်းနွမ်းနယ်နေသော မျက်လုံးများရှိသည့် ချူးနင်အဆင့် နင်ဂျာဆရာက မျက်မှောင်ကြုတ်လိုက်သည်။ "အူချီဟာ... မင်းက ရက်ဂ်နာ ထက် တစ်နှစ် ကြီးတယ်။ မင်းက အကယ်ဒမီကို အရင် ရောက်ခဲ့တာ။ ဒီလို စိန်ခေါ်မှုမျိုးမှာ ဘာဂုဏ်ယူစရာ ရှိလို့လဲ။"

မျက်လုံးတိုင်းက သူတို့ဆီသို့ ရောက်သွားကြသည်။ အူချီဟာ ဆူကီသည် မီနာတိုကဲ့သို့ ထိပ်တန်း ပါရမီရှင်တစ်ယောက် မဟုတ်သော်လည်း သူသည် သန်မာပြီး ဂျန်းနင်အဆင့်တွင် ရှိနေပြီဟု တီးတိုးပြောဆိုခံရသူ ဖြစ်ကာ သူ၏ မာနကြီးသော မျက်လုံးများ နောက်ကွယ်တွင် ရှာရင်းဂန်း၏ အလားအလာများ ကိန်းအောင်းနေသည်။ ရက်ဂ်နာကမူ သုံးလသာရှိသေးသော ဒုက္ခသည်၊ အပြင်လူတစ်ယောက် ဖြစ်သည်။ ၎င်းသည် ဗြောင်ကျကျ အနိုင်ကျင့်ခြင်းပင်။

သူတို့ပတ်ဝန်းကျင်ရှိ တုံ့ပြန်မှုများမှာ ရှီနိုဘီလောက၏ အေးစက်စက် တွက်ချက်မှုများ၏ ပုံစံငယ်တစ်ခုသာ ဖြစ်သည်။ လှောင်ပြောင်မှုများ၊ ဂရုမစိုက်သော အကြည့်များ၊ သနားသော အကြည့်အချို့ ရှိသော်လည်း မည်သူကမျှ ဝင်မပြောကြပေ။ ဤခေတ်ကာလတွင် ကလေးများသည် အသင့်စောင့်ဆိုင်းနေသော စစ်သားများ ဖြစ်ကြသည်။ ကရုဏာတရားဆိုသည်မှာ ဇိမ်ခံပစ္စည်းတစ်ခု ဖြစ်သည်။

"ဒါက အနိုင်ကျင့်နေတာပဲလို့ ဆရာ မထင်ဘူးလား" ကူရှီနာ ငြိမ်မနေနိုင်တော့ပေ။ သူမက ရှေ့သို့ တိုးထွက်လာပြီး သေးငယ်သော လက်သီးများကို ဆုပ်ထားကာ သူမ၏ ဆံပင်အနီရောင်များက အာခံမှု၏ အလံတစ်ခုသဖွယ် ဖြစ်နေသည်။

"ရက်ဂ်နာ" ဆူကီက ကူရှီနာကို လုံးဝ လျစ်လျူရှုကာ သူ၏ ပစ်မှတ်အပေါ်သာ မျက်လုံးကို စူးစိုက်ထားရင်း မဲ့ရွဲ့ပြောဆိုလိုက်သည်။ "မင်း ငြင်းရင်လည်း ရပါတယ်။ မိန်းကလေးတစ်ယောက်ရဲ့ အနောက်မှာ ပုန်းနေလို့ ရတာပဲ။ ဒါပေမဲ့ အဲဒီလိုလုပ်ရင် မင်းမှာ ရှီနိုဘီတစ်ယောက်ရဲ့ အရည်အချင်းမရှိဘူးဆိုတာ သက်သေပြလိုက်တာနဲ့အတူတူပဲ။"

"တော်တော့!" ဆရာက ကြာပွတ်တစ်ခုလို ရိုက်ခတ်သွားသော အသံဖြင့် ဟိန်းဟောက်လိုက်သည်။ သူက ရက်ဂ်နာကို ခံစားချက်ကင်းမဲ့စွာ ကြည့်လိုက်သည်။ "ရက်ဂ်နာ။ ဒါက ဆန္ဒအလျောက် လုပ်ရတဲ့ လေ့ကျင့်ခန်းပဲ။ ရွေးချယ်ခွင့်က မင်းဆီမှာပဲ။"

ရက်ဂ်နာ ရှေ့သို့ တက်လာပြီး သူ၏ လှုပ်ရှားမှုများက တည်ငြိမ်ကာ တမင်ရည်ရွယ်ချက် ရှိလှသည်။ ဆူညံသံများ တိတ်ဆိတ်သွားသည်။ "စဉ်းစားပေးလို့ ကျေးဇူးတင်ပါတယ် ဆရာ။ ကျွန်တော် စိန်ခေါ်မှုကို လက်ခံပါတယ်။"

"သေချာ စဉ်းစားပြီးပြီလား" ဆရာက သူ၏ မျက်လုံးထဲတွင် ထူးဆန်းသော အရောင်တစ်ခု လက်သွားရင်း မေးလိုက်သည်။ သူ မြင်နေရသည်မှာ မိုက်ရူးရဲဆန်မှု မဟုတ်ဘဲ ကျောချမ်းဖွယ်ကောင်းသော တည်ငြိမ်မှုတစ်ခု ဖြစ်သည်။ ၎င်းသည် စိတ်ဝင်စားဖွယ်ကောင်းသလို အလွန်ဝမ်းနည်းဖွယ်လည်း ကောင်းသည်။ အူချီဟာ များသည် မာနကြီးပြီး ကြမ်းတမ်းသော မျိုးနွယ်စု ဖြစ်သည်။ သူတို့က ထိန်းချုပ်ခြင်းကို နားမလည်ကြပေ။

"စဉ်းစားပြီးပါပြီ" ရက်ဂ်နာက ရုတ်တရက် တိတ်ဆိတ်သွားမှုထဲတွင် သူ၏ အသံကို ရှင်းလင်းစွာ ထွက်ပေါ်စေလိုက်သည်။

"ရက်ဂ်နာ!" ကူရှီနာ၏ တောင်းပန်သံက တိုးညင်းပြီး မျှော်လင့်ချက်မဲ့နေသော အသံလေး ဖြစ်သည်။

အူချီဟာ ဆူကီ၏ မဲ့ရွဲ့မှုက အောင်ပွဲခံသည့် အပြုံးကြီးတစ်ခုအဖြစ် ပြောင်းလဲသွားသည်။

ကျောင်းသားများသည် သူတို့ကြားတွင် လေ့ကျင့်ရေးကွင်း၏ ဖုန်မှုန့်များရှိနေသော ကျယ်ပြန့်သည့် စက်ဝိုင်းကြီးတစ်ခုကို ဖွဲ့စည်းလိုက်ကြသည်။ ဆရာသည် အစွန်တွင် ရပ်နေပြီး သူ၏ မျက်နှာက ကျောက်ဆစ်ရုပ်တစ်ခုလို တည်ငြိမ်နေသည်။ "မှတ်ထား၊ ဒါက အစမ်းတိုက်ခိုက်မှုပဲ။ ငါရပ်လို့ပြောတာနဲ့ ရပ်ရမယ်။ စမယ်!"

ဆရာ့ နှုတ်ခမ်းဖျားမှ စကားလုံး ထွက်သွားသည်နှင့်တစ်ပြိုင်နက် အူချီဟာ ဆူကီ စတင်လှုပ်ရှားတော့သည်။

သူ၏ လက်များက လက်နက်အိတ်ဆီသို့ လျှပ်တပြတ် ရောက်သွားပြီး ရှူရီကန် လက်နှစ်ဆုပ်စာကို ထုတ်ယူလိုက်သည်။ ချောမွေ့ပြီး လေ့ကျင့်ထားသော လှုပ်ရှားမှုနှင့်အတူ သူက ၎င်းတို့ကို ပစ်လွှတ်လိုက်သည်။

ရှုစ်! ရှုစ်! ရှုစ်!

အနက်ရောင် ကြယ်ရှစ်ပွင့်က လေထုကို ခွဲဖြတ်သွားပြီး ကျပန်း ပစ်လွှတ်လိုက်ခြင်း မဟုတ်ဘဲ သေစေနိုင်သော ရည်ရွယ်ချက်များ ပါဝင်နေသည်။ လေးခုက ရက်ဂ်နာ၏ အလယ်ဗဟို နေရာများဖြစ်သော လည်ချောင်း၊ နှလုံးနှင့် ဝမ်းဗိုက်ဆီသို့ တိုက်ရိုက် ဦးတည်လာသည်။ ကျန်လေးခုကမူ ကျယ်ပြန့်သော လမ်းကြောင်းဖြင့် ပျံသန်းလာပြီး ရှောင်တိမ်းနိုင်မည့် သို့မဟုတ် အစားထိုးနိုင်မည့် လမ်းကြောင်းများကို ဖြတ်တောက်ထားသည်။ ၎င်းသည် ဂန္ထဝင်မြောက်ပြီး ရက်စက်သော အူချီဟာတို့၏ ပစ်လွှတ်ဟန်ဖြစ်ကာ အသုံးပြုရန်နှင့် ရှောင်တိမ်းရန် ရှာရင်းဂန်း၏ တိကျမှု လိုအပ်သော အမျိုးအစားဖြစ်သည်။

အားလုံးဆီမှ အသက်ရှူမှားသံများ ထွက်ပေါ်လာသည်။ ဒါက အစမ်းတိုက်ခိုက်မှု အဖွင့်မဟုတ်ဘဲ ကိုယ်လက်အင်္ဂါ ချို့ယွင်းသွားစေရန် ရည်ရွယ်ချက်ရှိရှိ တိုက်ခိုက်ခြင်း ဖြစ်သည်။

ရက်ဂ်နာသည် တုန်လှုပ်ခြင်း မရှိပေ။ ကူနိုင်းကို လှမ်းမယူခဲ့သလို လက်ဟန်သင်္ကေတလည်း မလုပ်ခဲ့ပေ။ သူက ခြေကို ခိုင်မာစွာ ရပ်လိုက်ပြီး လက်သီးဆုပ်ကာ မျက်လုံးများကို စူးစိုက်မှုဖြင့် ကျဉ်းမြောင်းလိုက်သည်။

"သူ ရူးနေပြီလား!"

"သူက အဲဒါတွေကို လက်အလွတ်နဲ့ ကာမလို့လား?!"

အမြဲတမ်း တည်ငြိမ်နေတတ်သော မီနာတို၏ မျက်နှာပင်လျှင် မယုံကြည်နိုင်မှုကြောင့် တင်းမာသွားသည်။ ယုတ္တိကျသော တုံ့ပြန်မှုများမှာ ရှောင်တိမ်းခြင်း သို့မဟုတ် အစားထိုးခြင်းသာ ဖြစ်သည်။ ဒါမျိုး မဟုတ်ပေ။

"လူမိုက်!" အူချီဟာ ဆူကီက ယုံကြည်မှုများ မြင့်တက်လာရင်း အော်ဟစ်လိုက်သည်။ တောသား။ စစ်မှန်တဲ့ နင်ဂျာပညာရပ် အယူအဆ ဘာမှမရှိဘူး။

ရက်ဂ်နာသည် ပျံသန်းလာသော လမ်းကြောင်းများကို သူ၏ မျက်လုံးဖြင့်သာမက အာရုံခံ ဟာကီက သူ၏ စိတ်ထဲတွင် ရေးဆွဲပေးထားမှုဖြင့်ပါ မြင်တွေ့နေရသည်။ သူသည် ဟာကွက်များ၊ အမြန်နှုန်း၏ အနည်းငယ် ကွဲလွဲချက်များကို မြင်တွေ့နေရသည်။ အဟန့်အတားတစ်ခု ရှိနေသော်လည်း ရှောင်တိမ်းရန် မဟုတ်ပေ။ အင်အားကို ပိုမိုကြီးမားသော အင်အားဖြင့် ရင်ဆိုင်ရန် ဖြစ်သည်။

သံမဏိ။

အမိန့်ပေးမှုက တိတ်ဆိတ်ပြီး အတွင်းစိတ်မှ ဖြစ်သည်။ ရင်းနှီးပြီး စွမ်းအားကြီးမားသော လှိုင်းလုံးတစ်ခုက တုံ့ပြန်လာသည်။ သူ၏ လက်ကောက်ဝတ်မှစ၍ အောက်ဘက်ရှိ လက်ဖျံများနှင့် လက်သီးများမှာ ချက်ချင်းပင် မည်းနက်သွားပြီး တောက်ပသော မီးတောင်ကျောက်ကဲ့သို့ အနက်ရောင်အဖြစ် ပြောင်းလဲသွားသည်။ တောက်ပသော နေရောင်အောက်တွင် ပြောင်းလဲမှုမှာ သိမ်မွေ့သော်လည်း သူ၏ လက်သီးတစ်ဝိုက်ရှိ လေထုက တွန့်လိမ်ကာ ထူထဲသွားသကဲ့သို့ ထင်ရသည်။

သူက ကျပန်း ဝှေ့ယမ်းခြင်း မပြုပေ။ ခြိုးခြံချွေတာပြီး ကြမ်းတမ်းသော တိကျမှုဖြင့် သူ လှုပ်ရှားလိုက်သည်။ တင်ပါးကို အနည်းငယ် လှည့်ကာ ခန္ဓာကိုယ်ကို လိမ်လိုက်သည်။ သူ၏ မည်းနက်နေသော လက်သီးများက မှုန်ဝါးသွားပြီး တိုတောင်းကာ အဖျက်စွမ်းအားကြီးမားသော လမ်းကြောင်းများဖြင့် ထွက်ပေါ်လာသည်။

ဒေါင်! ဒေါင်-ဒေါင်! ဘိုင်း!

အသံတွေက လုံးဝ မှားယွင်းနေသည်။ ၎င်းတို့မှာ သစ်သား သို့မဟုတ် အသားကို ရှူရီကန် ထိမှန်သည့် အသံမျိုး မဟုတ်ဘဲ သတ္တုများ အကြမ်းဖက် ပုံပျက်သွားကာ လွင့်စင်သွားသည့် စူးရှပြီး ကြမ်းတမ်းသော အသံများ ဖြစ်သည်။

ရက်ဂ်နာ၏ လက်သီးများက ရှူရီကန်များကို ထိပ်တိုက် ရင်ဆိုင်လိုက်သည်။ ပထမ နှစ်ခုမှာ ဘေးသို့ ရိုက်ထုတ်ခံလိုက်ရပြီး အလယ်ဗဟိုတွင် နက်ရှိုင်းသော အချိုင့်များဖြင့် ဖုန်များထဲသို့ အန္တရာယ်ကင်းစွာ လည်ထွက်သွားသည်။ နောက်ထပ် အစုကိုမူ သူက ကြက်ခြေခတ် ကာကွယ်မှုဖြင့် ရင်ဆိုင်လိုက်ရာ သံချောင်းများကဲ့သို့သော သူ၏ လက်ဖျံများက မီးပွားများ လွင့်စင်ကာ လမ်းကြောင်းလွှဲပေးလိုက်သည်။ ရှူရီကန် တစ်ခုကိုမူ အပြားလိုက် တည့်တည့် ထိမှန်စေလိုက်ရာ သတ္တုက အော်ဟစ်သံနှင့်အတူ စက္ကူလို တွန့်လိမ်သွားပြီး ခေါက်ချိုးကျိုးကာ လဲကျသွားသည်။

သုံးစက္ကန့်အတွင်း အရာအားလုံး ပြီးဆုံးသွားသည်။

ရှူရီကန် ရှစ်ခုသည် ရက်ဂ်နာ၏ ခြေရင်းတွင် ပြန့်ကျဲနေပြီး အချို့မှာ အကောင်းပကတိဖြစ်သော်လည်း ချိုင့်ဝင်နေကာ၊ အချို့မှာ အသုံးမဝင်သော ပုံသဏ္ဌာန်များအဖြစ် တွန့်လိမ်နေကြသည်။ ရက်ဂ်နာသည် စက်ဝိုင်း၏ ဗဟိုတွင် လုံးဝ တည်ငြိမ်စွာ ရပ်နေပြီး သူ၏ လက်များကို အောက်ချထားသည်။ သူ၏ အသားအရေပေါ်ရှိ အနက်ရောင် အလွှာက ပျောက်ကွယ်သွားပြီး သူ၏ လက်များမှာ ဗလာကျင်းနေကာ မည်သည့် အမှတ်အသားမျှ မရှိပေ။

ပွန်းရာ တစ်ခုမျှ မရှိ။ သွေးတစ်စက်မျှ မထွက်။

နက်ရှိုင်းပြီး မှင်သက်နေသော တိတ်ဆိတ်မှုကြီးက လေ့ကျင့်ရေးကွင်းကို ဖုံးလွှမ်းသွားသည်။ တစ်ခုတည်းသော အသံမှာ ကျိုးနေသော ရှူရီကန် အသွားတစ်ခု ဖုန်များထဲတွင် အခြေကျသွားသည့် တိုးညင်းသော အသံလေးသာ ဖြစ်သည်။

အူချီဟာ ဆူကီ၏ အောင်ပွဲခံ မဲ့ရွဲ့မှုက အေးခဲသွားပြီးနောက် ပြိုကွဲသွားကာ လုံးဝ ဇဝေဇဝါဖြစ်ပြီး တုန်လှုပ်နေသော မျက်နှာဖုံးတစ်ခုသာ ကျန်ရစ်ခဲ့သည်။ သူက သူ၏ အသုံးမဝင်တော့သော လက်နက်များကို စိုက်ကြည့်လိုက်၊ ထို့နောက် ရက်ဂ်နာ၏ ခံစားချက်ကင်းမဲ့နေသော မျက်နှာကို ကြည့်လိုက်ဖြင့် သူ၏ မျက်လုံးများ ယခုလေးတင် မြင်တွေ့ခဲ့ရသည့် အရာကို နားလည်နိုင်ရန် သူ၏ ဦးနှောက်က ရုန်းကန်နေရသည်။

ရက်ဂ်နာက လက်သီးများကို ဖြည်းညှင်းစွာ ဖြေလျှော့လိုက်သည်။ သူက ပွင့်လင်းသော နေရာကို ဖြတ်၍ ဆူကီ၏ အကြည့်ကို ရင်ဆိုင်လိုက်ပြီး သူ၏ မျက်လုံးများက နက်မှောင်ကာ အဆုံးအစမရှိ နက်ရှိုင်းနေသည်။

စိန်ခေါ်မှုကို လက်ခံမည်ဟု သူ ပြောခဲ့သည်။ ပထမဆုံး သင်ခန်းစာကို ပေးအပ်လိုက်ပြီ ဖြစ်သည်။

ဘာသာပြန်သူ၏ အမှာ။

စာဖတ်သူများထဲတွင် Naruto Manga/Anime ဖတ်ဖူးကြည့်ဖူးသူများလည်းပါဝင်နိုင်သလို မူရင်း Naruto ဇာတ်လမ်းကို မမြည်းစမ်းရသေးသည့် စာဖတ်သူများလည်း ပါဝင်နိုင်တာဖြစ်လို့ Naruto Ninja Rank (နင်ဂျာ အဆင့်သတ်မှတ်ချက်) များကို နားလည်လွယ်ရန်ဖော်ပြပေးလိုက်ပါသည်။

ရှီနိုဘီလောက၏ နင်ဂျာအဆင့်များ (Shinobi Ranks)

• အကယ်ဒမီ ကျောင်းသား (Academy Student) နင်ဂျာကျောင်းတွင် ပညာသင်ကြားနေဆဲ ကလေးများ ဖြစ်သည်။ အခြေခံ နင်ဂျာသိုင်းကွက်များနှင့် သီအိုရီများကိုသာ သင်ကြားရသေးပြီး တရားဝင် နင်ဂျာများ မဟုတ်ကြသေးပေ။ (ရက်ဂ်နာ၊ မီနာတို၊ ကူရှီနာ တို့ လက်ရှိ ရောက်ရှိနေသော အဆင့်ဖြစ်သည်။)

• ဂျန်းနင် (Genin - အောက်တန်းအဆင့် နင်ဂျာ) အကယ်ဒမီမှ ဘွဲ့ရပြီးခါစ တရားဝင် နင်ဂျာအသစ်များ ဖြစ်သည်။ အဖွဲ့ခေါင်းဆောင် (ဂျိုနင်) တစ်ဦး၏ လက်အောက်တွင် သုံးယောက်တစ်ဖွဲ့ ဖွဲ့ကာ အန္တရာယ်နည်းပါးသော တာဝန်အသေးစားလေးများကို စတင်ထမ်းဆောင်ရသည်။

• ချူးနင် (Chunin - အလယ်တန်းအဆင့် နင်ဂျာ) အရည်အချင်းပြည့်ဝပြီး အတွေ့အကြုံရှိလာသော နင်ဂျာများဖြစ်သည်။ အခြား ဂျန်းနင်များကို ဦးဆောင်ကာ အဖွဲ့ခေါင်းဆောင်အဖြစ် တာဝန်ယူနိုင်စွမ်းရှိသည်။ နင်ဂျာကျောင်းတွင် ဆရာ (Instructor) များအဖြစ်လည်း တာဝန်ထမ်းဆောင်လေ့ရှိကြသည်။ (အခန်း-၇ တွင် ရက်ဂ်နာတို့ကို စာသင်ပေးနေသော ဆရာသည် ဤအဆင့်ဖြစ်သည်။ မူရင်းဇာတ်လမ်းတွင် နာရူတို ငယ်ဘဝမှ ကြီးသည်အထိ အဖေတစ်ယောက်ကဲ့သို့ လမ်းပြပေးခဲ့သော အီရုက ယူမီနို သည်လည်း ချူးနင် အဆင့် နင်ဂျာတစ်ယောက်ဖြစ်သည်။)

• ဂျိုနင် (Jonin - အထက်တန်းအဆင့် နင်ဂျာ) ရွာ၏ ထိပ်တန်း အင်အားစု၊ အထက်တန်းလွှာ နင်ဂျာများဖြစ်သည်။ တိုက်ခိုက်ရေး၊ ဗျူဟာ နှင့် အတွေ့အကြုံ အားလုံးတွင် ဘက်စုံ အလွန်ထူးချွန်သူများဖြစ်ပြီး ခက်ခဲအန္တရာယ်များသော (A-rank, S-rank) တာဝန်များကို ထမ်းဆောင်ရသည်။ ဂျန်းနင်များကို ဆရာအဖြစ် လမ်းညွှန်ပေးရသူများလည်း ဖြစ်သည်။

• အထူး ဂျိုနင် (Special Jonin - အထူးကျွမ်းကျင် အထက်တန်းအဆင့် နင်ဂျာ) ဂျိုနင် အဆင့်နှင့် ညီမျှသော စွမ်းရည်ရှိသော်လည်း ဘက်စုံတော်သော သူများမဟုတ်ဘဲ သီးသန့်နယ်ပယ် တစ်ခုခု (ဥပမာ - စစ်ကြောမေးမြန်းခြင်း၊ ထောက်လှမ်းခြင်း၊ ထောင်ချောက်ဆင်ခြင်း သို့မဟုတ် သီးသန့် နင်ဂျုစု တစ်မျိုးမျိုး) တွင်သာ အထူးကျွမ်းကျင်သည့် နင်ဂျာများ ဖြစ်သည်။ ပုံမှန် ဂျိုနင်များကဲ့သို့ အဖွဲ့ခေါင်းဆောင်လုပ်လေ့မရှိဘဲ သူတို့၏ ကျွမ်းကျင်ရာ နယ်ပယ်အလိုက် အထူးတာဝန်များကိုသာ ထမ်းဆောင်ရသည်။

• အန်ဘူ (Anbu - အထူးလျှို့ဝှက်တပ်ဖွဲ့ / Black Ops) ရွာခေါင်းဆောင် (ကာဂဲ) ၏ တိုက်ရိုက်ကွပ်ကဲမှုအောက်တွင်သာ ရှိသော အထူးလုပ်ကြံရေးနှင့် လျှို့ဝှက်ထောက်လှမ်းရေး တပ်ဖွဲ့ဖြစ်သည်။ တိရစ္ဆာန်ပုံ မျက်နှာဖုံးများ တပ်ဆင်ထားလေ့ရှိပြီး အလွန်အမင်း ရက်စက်ကြမ်းတမ်းသော လျှို့ဝှက်တာဝန်များကို ထမ်းဆောင်ရသည်။ စွမ်းရည်အလွန်မြင့်မားသော နင်ဂျာများကိုသာ ရွေးချယ်ဖွဲ့စည်းထားသည်။ (အခန်း-၄ တွင် ကူရှီနာကို နောက်မှ လိုက်လံစောင့်ရှောက်နေသူများမှာ ဤအဖွဲ့ဖြစ်သည်။ မူရင်းဇာတ်လမ်းတွင် ကာကာရှီ၊ အီတာချီ၊ ဟာမာတို တို့သည်၏ အဖွဲ့ဝင်များအဖြစ် တာဝန်ထမ်းဆောင်ခဲ့ဖူးသည်။)

• ကာဂဲ (Kage - အရိပ် / ရွာ၏ အမြင့်ဆုံးခေါင်းဆောင်) ရွာတစ်ရွာလုံးတွင် အစွမ်းအထက်ဆုံးနှင့် အာဏာအရှိဆုံး ခေါင်းဆောင်ဖြစ်သည်။ နိုင်ငံကြီး ၅ နိုင်ငံတွင် ကာဂဲ ၅ ဦးသာရှိပြီး ကိုနိုဟာရွာ၏ ခေါင်းဆောင်ကို "ဟိုကာဂဲ (Hokage)" ဟု ခေါ်ဆိုသည်။