အာဒမ်သည် ထိုပစ္စည်းနှစ်ခုကို ချက်ချင်း အသုံးမပြုသေးပဲ တစ်ချက်ကြည့်ရုံသာ ကြည့်ပြီး သေတ္တာထဲသို့ ပြန်ထည့်ထားလိုက်သည်။ စီမံခန့်ခွဲရေးဌာနမှ ပါမောက္ခတစ်ဦး ပြောခဲ့သည်ကို သူ မှတ်မိနေသည်။ ဤပစ္စည်းနှစ်ခုကို အသုံးမပြုမီ စိတ်တည်ငြိမ်နေရန်မှာ အလွန်အရေးကြီးသည်။ ထို့ကြောင့် အာဒမ်သည် အလောတကြီး မလုပ်ဆောင်ဘဲ စိတ်အေးအေးထားလိုက်သည်။ မနက်ဖြန် လမ်းညွှန်မိတ်ဆက်ပွဲ (Orientation = အော်ရီနေးရှင်း) အစီအစဉ် ပြီးဆုံးမှသာ အသုံးပြုရန် သူ ဆုံးဖြတ်လိုက်သည်။
နောက်တစ်နေ့တွင် စီနီယာကျောင်းသား အနည်းငယ်နှင့် ဆရာအချို့က ကျောင်းသားသစ်များကို ကျောင်းဝင်းအနှံ လိုက်လံပြသကြသည်။ ကျောင်းသားများသည် ကျောင်းအတွင်းရှိ အထောက်အပံ့ပစ္စည်းများနှင့် နေရာများကို သိရှိခွင့်ရခဲ့ကြပြီး တစ်နေ့ကုန်လုနီးပါး အချိန်ပေးခဲ့ရသည်။
နေမဝင်မီ တစ်နာရီအလို၊ ကျောင်းသားအားလုံး သက်ဆိုင်ရာ အဆောင်များသို့ ပြန်သွားကြပြီးနောက် အာဒမ်သည် အချိန်တန်ပြီဟု ဆုံးဖြတ်လိုက်သည်။ "အက်ဒ်... မင်းအစ်မနဲ့ သွားတွေ့ရအောင်" သူက စိတ်လှုပ်ရှားစွာ ပြောလိုက်သည်။
"ကောင်းပြီ၊ သွားကြစို့!" အက်ဒဝပ် ခေါင်းညိတ်သည်။ နှစ်ယောက်သား သေတ္တာထဲမှ သူတို့၏ ဖန်ဘူးနှင့် စာလိပ်များကို ယူကာ အိတ်ထဲသို့ ဂရုတစိုက် ထည့်ပြီး အဆောင်ခန်းမှ ထွက်လာခဲ့ကြသည်။
အီလိန်းက သူတို့ကို မှော်ဆရာအဆင့်သို့ တက်လှမ်းရာတွင် ကူညီပေးရန် သဘောတူထားပြီးဖြစ်သည်။ မှော်ဆရာဖြစ်ရန် လမ်းညွှန်ချက်များကို စာလိပ်ထဲတွင် အသေးစိတ် ဖော်ပြထားသော်လည်း အီလိန်းကမူ သူမ၏မောင်လေးကို အနီးကပ် ကူညီပေးချင်နေသည်။ အာဒမ်မှာ အက်ဒဝပ်၏ အခန်းဖော်ဖြစ်နေသဖြင့် သူမက နှစ်ယောက်လုံးကို ကူညီရန် ဆုံးဖြတ်ခဲ့ခြင်းဖြစ်သည်။
ကောင်လေးနှစ်ယောက်သည် ကျောင်းဝင်းအတွင်းရှိ ကျောင်းသားများ အနားယူလေ့ရှိသော အမ်တောအုပ်ဆီသို့ စိတ်လှုပ်ရှားစွာ ပြေးသွားကြသည်။ ဆယ်မိနစ်ခန့်အကြာတွင် တောအုပ်အတွင်းရှိ ကွင်းပြင်တစ်ခု၌ရှိသော နားနေဆောင်လေးတစ်ခုသို့ ရောက်လာခဲ့ကြသည်။ နားနေဆောင်အတွင်းတွင် အစိမ်းရင့်ရောင် ဝတ်ရုံဝတ်ထားသည့် အမျိုးသမီးငယ်နှစ်ဦး စကားပြောနေကြသည်။
"အီလိန်း! အီလိန်း! ကျွန်တော်တို့ ရောက်ပြီ!" အက်ဒဝပ်က လှမ်းအော်လိုက်သည်။
ပြေးလာနေသော ကောင်လေးနှစ်ယောက်ကို ကြည့်ကာ အီလိန်းက တောက်ပစွာ ပြုံးလိုက်သည်။ "အက်ဒီ... လာလေ။ မင်းတို့ကို စောင့်နေတာ။"
အခန်းဖော်နှစ်ဦး နားနေဆောင်အတွင်း ရောက်သွားသောအခါ အီလိန်းက သူမ၏ သူငယ်ချင်းနှင့် မိတ်ဆက်ပေးသည်။ "အက်ဒီ၊ အာဒမ်... ဒါက ငါ့သူငယ်ချင်း ဂျန်နာတဲ့။" ထို့နောက် သူမ အာဒမ်ကို ကြည့်ကာ ပြုံးလိုက်သည်။ "သူက မင်းကို မှော်ဆရာအဖြစ် အဆင့်တက်တဲ့နေရာမှာ ကူညီပေးလိမ့်မယ်။"
အာဒမ်သည် ဂျန်နာကို ကြည့်ကာ ရိုးသားစွာ ပြောလိုက်သည်။ "ကျွန်တော့်ကို ကူညီဖို့ သဘောတူပေးလို့ ကျေးဇူးတင်ပါတယ် မစ္စဂျန်နာ။"
ဂျန်နာသည် အစပိုင်းတွင် အာဒမ်၏ သာမန်အရပ်သား ဝတ်စုံကိုကြည့်ကာ အထင်သေးနေသော်လည်း၊ လူငယ်လေး၏ ရိုသေကိုင်းရှိုင်းသော အပြုအမူကို မြင်သောအခါ စိတ်အနည်းငယ် ကြည်လင်သွားသည်။ "အီလိန်းကိုပဲ ကျေးဇူးတင်လိုက်ပါ။ သူ တောင်းဆိုလို့သာ ငါကူညီပေးတာ" ဟု သူမက အေးစက်စွာ ပြန်ပြောသည်။
အာဒမ် အီလိန်းကို ကြည့်ကာ "ကျေးဇူးတင်ပါတယ် မစ္စအီလိန်း" ဟု ပြောလိုက်သည်။ အီလိန်းက အာဒမ်၏ ဆံပင်များကို ဖွဖွလေး ပွတ်သပ်လိုက်ပြီး နူးညံ့စွာ ပြုံးလိုက်သည်။ "အက်ဒီရဲ့ သူငယ်ချင်းအတွက် ဘာပဲဖြစ်ဖြစ် ကူညီပေးရမှာပေါ့။ ပြီးတော့ ငါ့ကို 'အီလိန်း' လို့ပဲ ခေါ်လို့ရပါတယ်။" အာဒမ် မျက်နှာလေး နီသွားပြီး လှပသော အီလိန်းနှင့် မျက်လုံးချင်း မဆုံရဲဘဲ ခေါင်းငုံ့ထားမိသည်။
"ကဲ... ဒါကို မြန်မြန် အပြီးသတ်ရအောင်။ ငါ ပြန်ပြီး စာလုပ်စရာတွေ ရှိသေးတယ်" ဟု ဂျန်နာက အနည်းငယ် စိတ်မရှည်စွာ ရေရွတ်လိုက်သည်။ သူမသည် နားနေဆောင်၏ အလယ်သို့ လျှောက်သွားပြီး... "အာဒမ်၊ ငါ့ရှေ့မှာ လာထိုင်" ဟု ပြောလိုက်သည်။
"ဟုတ်ကဲ့!" အာဒမ်သည် တည်ကြည်သော မျက်နှာပေးဖြင့် နားနေဆောင်အလယ်တွင် တင်ပျဉ်ခွေ ထိုင်လိုက်သည်။
"ပထမဆုံး စာလိပ်ကို ဖြန့်ပြီး ကြမ်းပြင်ပေါ် မှာ ဖိထားလိုက်" ဟု သူမက ညွှန်ကြားသည်။ အာဒမ်သည် သူမခိုင်းသည့်အတိုင်း စာလိပ်ကို ဖြန့်လိုက်သည်။ စာလိပ်ပေါ်ရှိ ဆန်းကြယ်သော စာလုံးများနှင့် သင်္ကေတများမှ ထူးခြားသော အရှိန်အဝါတစ်ခု ထွက်ပေါ်လာသည်။ ထို့နောက် သူက စာလိပ်ကို ကြမ်းပြင်နှင့် ဖိကပ်လိုက်သည်။
ချက်ချင်းပင် ဆန်းကြယ်သော သင်္ကေတများသည် စာလိပ်ထဲမှ လျှောဆင်းလာပြီး ကြမ်းပြင်ပေါ်တွင် အာဒမ်ကို အလယ်မှာထား၍ စက်ဝိုင်းပုံစံ စည်းတစ်ခု (Formation) အဖြစ် တည်ရှိသွားတော့သည်။ ထို့အပြင် စာလိပ်မှတဆင့် လျှို့ဝှက်အသိပညာများမှာ အာဒမ်၏ ဦးနှောက်ထဲသို့ တိုက်ရိုက် စီးဝင်လာသည်။
"ဝါး!" အာဒမ် ဤဖြစ်စဉ်ကို ပါးစပ်အဟောင်းသားနှင့် ကြည့်နေမိသည်။
"အာရုံစိုက်စမ်း အာဒမ်!" ဂျန်နာက ငေါက်လိုက်သည်။ "အခု ဖန်ဘူးကိုဖွင့်ပြီး 'မျှော်လင့်ချက်ဆေးရည်'ကို သောက်လိုက်တော့!"
"ဟု... ဟုတ်ကဲ့!" အာဒမ် သတိပြန်ဝင်လာကာ ဆေးရည်ကို ဖွင့်လိုက်သည်။ အတွင်း၌ ဖောက်ထွင်းမြင်ရသော အစိမ်းရောင်အရည်မှာ သာမန်ဟု ထင်ရသော်လည်း ၎င်းမှာ သာမန်လူတစ်ယောက် မှော်ဆရာဖြစ်လာရန် အရေးကြီးဆုံး အရာပင် ဖြစ်သည်။
မှော်ယဉ်ကျေးမှု စတင်ကတည်းက လူသားများသည် မိမိတို့ခန္ဓာကိုယ်အတွင်းရှိ အောင်းနေသော ပါရမီကို နှိုးဆွရန် ဤဆေးရည်ကို သုံးခဲ့ကြသည်နှစ်ပေါင်း သိန်းနှင့်ချီ၍ ဤဆေးနည်းကို မျိုးဆက်အလိုက် လက်ဆင့်ကမ်းခဲ့ကြပြီး အချိန်ကြာလာသည်နှင့်အမျှ ထပ်ခါတလဲလဲ ပြန်လည်ပြုပြင် မွမ်းမံခဲ့ကြသည်။ ဤဆေးရည်သည် လုပ်ဆောင်ချက် တစ်ခုတည်းသာ ရှိသည်— ၎င်းမှာ လူတစ်ဦးကို 'မှော်စွမ်းအင်' (Mana) ကို ခံစားသိရှိနိုင်စေရန် ဖြစ်သည်။ ထို့ကြောင့်ပင် သာမန်လူသားတစ်ဦးအား အကန့်အသတ်များကို ကျော်ဖြတ်ကာ မှော်ဆရာတစ်ဦး ဖြစ်လာစေရန် မျှော်လင့်ချက်ပေးသည့်အတွက် 'မျှော်လင့်ချက်ဆေးရည်' ဟု အမည်တွင်ခြင်း ဖြစ်သည်။
အာဒမ်သည် တွန့်ဆုတ်မနေဘဲ ဆေးရည်အားလုံးကို တစ်ကျိုက်တည်း သောက်ချလိုက်သည်။ဆေးရည်မှာ ပါးစပ်ထဲရောက်သည်နှင့် တစ်ပြိုင်နက်အငွေ့အဖြစ် ပြောင်းလဲသွားပြီး သူ၏ ခန္ဓာကိုယ်နှင့် စိတ်ဝိညာဉ်အနှံ့ ပျံ့နှံ့သွားတော့သည်။အာဒမ် အာဒမ် မျက်လုံးမှိတ်ထားရင်း အာရုံထဲတွင် တစ်စုံတစ်ခု ပြောင်းလဲနေသည်ကို ခံစားနေရသည်။ ဘယ်လောက်ကြာသွားသည်မသိ၊ သူ မျက်လုံးပြန်ဖွင့်လိုက်သောအခါ ကမ္ဘာကြီးမှာ လုံးဝ ပြောင်းလဲသွားပြီ ဖြစ်သည်။
သူသည် မျက်စိနှင့် တပ်အပ်မမြင်ရသော်လည်း ပတ်ဝန်းကျင်တွင် အလျှံပယ်ရှိနေသည့် ဆန်းကြယ်သော ဒြပ်စင်တစ်ခုကို ခံစားနေရသည်။ သူ၏ စိတ်ထဲတွင် စကားလုံးတစ်လုံးတည်းသာ ပဲ့တင်ထပ်နေသည်— (Mana)!
"အခု 'Mana စုပ်ယူခြင်း အတတ်' ကို စတင်ကျင့်ကြံတော့။ ဒါက နောက်ဆုံးအဆင့်ပဲ!" ဂျန်နာ၏ ညွှန်ကြားချက် ထွက်ပေါ်လာသည်။
အာဒမ် စာလိပ်ကို ဖွင့်လိုက်စဉ်က အလွန်တန်ဖိုးရှိသော သတင်းအချက်အလက်တစ်ခုသည်လည်း သူ၏ ဦးနှောက်ထဲသို့ တိုက်ရိုက်ရောက်ရှိခဲ့သည်။ ၎င်းမှာ လေထဲမှ Mana များကို စုဆောင်းကာ ခန္ဓာကိုယ်အတွင်း သိမ်းဆည်းနိုင်သည့် နည်းစနစ်ဖြစ်သည်။ ဤသည်မှာ ကလိုဗာ အကယ်ဒမီ၏ ကိုယ်ပိုင်လျှို့ဝှက်ကျမ်းဖြစ်သော 'ကလိုဗာ Mana စုပ်ယူခြင်းနည်းစနစ်' ပင် ဖြစ်သည်။
အာဒမ်သည် စာလိပ်မှရရှိသော အသိပညာများကို ပြန်လည်အမှတ်ရကာ ချက်ချင်းပင် နည်းစနစ်ကို ကျင့်ကြံတော့သည်။ ဤနည်းစနစ်၏ အကူအညီဖြင့် သူသည် လေထဲရှိ Manaများကို ပိုးစုန်းကြူးလေးများအဖြစ် စိတ်ကူးကြည့်လိုက်ပြီး ၎င်းတို့မှာ သူ၏ ခန္ဓာကိုယ်အတွင်းသို့ သူ၏ ခန္ဓာကိုယ်ထဲသို့ စုပ်ယူလိုက်သည်။ Manaများ သူ၏ ခန္ဓာကိုယ်အတွင်းသို့ ဝင်ရောက်လာသည်နှင့် အာဒမ်၏ ကိုယ်မှာ အနည်းငယ် တုန်ခါသွားသည်။ Manaများသည် သူ၏ ခန္ဓာကိုယ်ကို သန့်စင်ပေးပြီး အတွင်းပိုင်းသို့ ဖြည်းဖြည်းချင်း စိမ့်ဝင်သွားသည်ကို သူ ခံစားနေရသည်။
ဆယ်မိနစ်ခန့်အကြာတွင် အာဒမ်သည် သူ၏ အကန့်အသတ်သို့ ရောက်ပြီဟု ခံစားရသဖြင့် ရပ်လိုက်သည်။ သူသည် ယခုအခါ အသစ်တစ်ဖန် ပြန်လည်မွေးဖွားခဲ့ပြီဖြစ်သည်။ သူသည် အဆင့် (၁) မှော်ဆရာ (Rank 1 Magus) တစ်ဦး တရားဝင် ဖြစ်လာခဲ့ပြီဖြစ်ကြောင်း သူ၏ စိတ်ထဲမှ နက်နက်ရှိုင်းရှိုင်း သိလိုက်ရသည်။
"ဂုဏ်ယူပါတယ် အာဒမ်!" အီလိန်းနှင့် အက်ဒဝပ်တို့မှာ လူငယ်လေးအတွက် အလွန်ဝမ်းသာနေကြသည်။ ဂျန်နာပင်လျှင် ကျေနပ်သည့်အမူအရာဖြင့် ခေါင်းညိတ်ပြနေသည်။
အာဒမ်သည် တောက်ပစွာ ပြုံးလိုက်ပြီး ပြန်ပြောရန် ပြင်လိုက်စဉ်မှာပင် သူ၏ အပြုံးများ အေးခဲသွားသည်။ သူ၏ ဝိညာဉ် အနက်ရှိုင်းဆုံးနေရာမှ ပြင်းထန်သော တုံ့ပြန်မှုတစ်ခုကို သူ ခံစားလိုက်ရသည်။ ၎င်းက ဘာလဲဆိုတာကို သူ ချက်ချင်း သိလိုက်သည်။
'အဖြူရောင်ကြာပန်း' ပင် ဖြစ်သည်!
အာဒမ်သည် ထိုပစ္စည်းနှစ်ခုကို ချက်ချင်း အသုံးမပြုသေးပဲ တစ်ချက်ကြည့်ရုံသာ ကြည့်ပြီး သေတ္တာထဲသို့ ပြန်ထည့်ထားလိုက်သည်။ စီမံခန့်ခွဲရေးဌာနမှ ပါမောက္ခတစ်ဦး ပြောခဲ့သည်ကို သူ မှတ်မိနေသည်။ ဤပစ္စည်းနှစ်ခုကို အသုံးမပြုမီ စိတ်တည်ငြိမ်နေရန်မှာ အလွန်အရေးကြီးသည်။ ထို့ကြောင့် အာဒမ်သည် အလောတကြီး မလုပ်ဆောင်ဘဲ စိတ်အေးအေးထားလိုက်သည်။ မနက်ဖြန် လမ်းညွှန်မိတ်ဆက်ပွဲ (Orientation = အော်ရီနေးရှင်း) အစီအစဉ် ပြီးဆုံးမှသာ အသုံးပြုရန် သူ ဆုံးဖြတ်လိုက်သည်။
နောက်တစ်နေ့တွင် စီနီယာကျောင်းသား အနည်းငယ်နှင့် ဆရာအချို့က ကျောင်းသားသစ်များကို ကျောင်းဝင်းအနှံ လိုက်လံပြသကြသည်။ ကျောင်းသားများသည် ကျောင်းအတွင်းရှိ အထောက်အပံ့ပစ္စည်းများနှင့် နေရာများကို သိရှိခွင့်ရခဲ့ကြပြီး တစ်နေ့ကုန်လုနီးပါး အချိန်ပေးခဲ့ရသည်။
နေမဝင်မီ တစ်နာရီအလို၊ ကျောင်းသားအားလုံး သက်ဆိုင်ရာ အဆောင်များသို့ ပြန်သွားကြပြီးနောက် အာဒမ်သည် အချိန်တန်ပြီဟု ဆုံးဖြတ်လိုက်သည်။ "အက်ဒ်... မင်းအစ်မနဲ့ သွားတွေ့ရအောင်" သူက စိတ်လှုပ်ရှားစွာ ပြောလိုက်သည်။
"ကောင်းပြီ၊ သွားကြစို့!" အက်ဒဝပ် ခေါင်းညိတ်သည်။ နှစ်ယောက်သား သေတ္တာထဲမှ သူတို့၏ ဖန်ဘူးနှင့် စာလိပ်များကို ယူကာ အိတ်ထဲသို့ ဂရုတစိုက် ထည့်ပြီး အဆောင်ခန်းမှ ထွက်လာခဲ့ကြသည်။
အီလိန်းက သူတို့ကို မှော်ဆရာအဆင့်သို့ တက်လှမ်းရာတွင် ကူညီပေးရန် သဘောတူထားပြီးဖြစ်သည်။ မှော်ဆရာဖြစ်ရန် လမ်းညွှန်ချက်များကို စာလိပ်ထဲတွင် အသေးစိတ် ဖော်ပြထားသော်လည်း အီလိန်းကမူ သူမ၏မောင်လေးကို အနီးကပ် ကူညီပေးချင်နေသည်။ အာဒမ်မှာ အက်ဒဝပ်၏ အခန်းဖော်ဖြစ်နေသဖြင့် သူမက နှစ်ယောက်လုံးကို ကူညီရန် ဆုံးဖြတ်ခဲ့ခြင်းဖြစ်သည်။
ကောင်လေးနှစ်ယောက်သည် ကျောင်းဝင်းအတွင်းရှိ ကျောင်းသားများ အနားယူလေ့ရှိသော အမ်တောအုပ်ဆီသို့ စိတ်လှုပ်ရှားစွာ ပြေးသွားကြသည်။ ဆယ်မိနစ်ခန့်အကြာတွင် တောအုပ်အတွင်းရှိ ကွင်းပြင်တစ်ခု၌ရှိသော နားနေဆောင်လေးတစ်ခုသို့ ရောက်လာခဲ့ကြသည်။ နားနေဆောင်အတွင်းတွင် အစိမ်းရင့်ရောင် ဝတ်ရုံဝတ်ထားသည့် အမျိုးသမီးငယ်နှစ်ဦး စကားပြောနေကြသည်။
"အီလိန်း! အီလိန်း! ကျွန်တော်တို့ ရောက်ပြီ!" အက်ဒဝပ်က လှမ်းအော်လိုက်သည်။
ပြေးလာနေသော ကောင်လေးနှစ်ယောက်ကို ကြည့်ကာ အီလိန်းက တောက်ပစွာ ပြုံးလိုက်သည်။ "အက်ဒီ... လာလေ။ မင်းတို့ကို စောင့်နေတာ။"
အခန်းဖော်နှစ်ဦး နားနေဆောင်အတွင်း ရောက်သွားသောအခါ အီလိန်းက သူမ၏ သူငယ်ချင်းနှင့် မိတ်ဆက်ပေးသည်။ "အက်ဒီ၊ အာဒမ်... ဒါက ငါ့သူငယ်ချင်း ဂျန်နာတဲ့။" ထို့နောက် သူမ အာဒမ်ကို ကြည့်ကာ ပြုံးလိုက်သည်။ "သူက မင်းကို မှော်ဆရာအဖြစ် အဆင့်တက်တဲ့နေရာမှာ ကူညီပေးလိမ့်မယ်။"
အာဒမ်သည် ဂျန်နာကို ကြည့်ကာ ရိုးသားစွာ ပြောလိုက်သည်။ "ကျွန်တော့်ကို ကူညီဖို့ သဘောတူပေးလို့ ကျေးဇူးတင်ပါတယ် မစ္စဂျန်နာ။"
ဂျန်နာသည် အစပိုင်းတွင် အာဒမ်၏ သာမန်အရပ်သား ဝတ်စုံကိုကြည့်ကာ အထင်သေးနေသော်လည်း၊ လူငယ်လေး၏ ရိုသေကိုင်းရှိုင်းသော အပြုအမူကို မြင်သောအခါ စိတ်အနည်းငယ် ကြည်လင်သွားသည်။ "အီလိန်းကိုပဲ ကျေးဇူးတင်လိုက်ပါ။ သူ တောင်းဆိုလို့သာ ငါကူညီပေးတာ" ဟု သူမက အေးစက်စွာ ပြန်ပြောသည်။
အာဒမ် အီလိန်းကို ကြည့်ကာ "ကျေးဇူးတင်ပါတယ် မစ္စအီလိန်း" ဟု ပြောလိုက်သည်။ အီလိန်းက အာဒမ်၏ ဆံပင်များကို ဖွဖွလေး ပွတ်သပ်လိုက်ပြီး နူးညံ့စွာ ပြုံးလိုက်သည်။ "အက်ဒီရဲ့ သူငယ်ချင်းအတွက် ဘာပဲဖြစ်ဖြစ် ကူညီပေးရမှာပေါ့။ ပြီးတော့ ငါ့ကို 'အီလိန်း' လို့ပဲ ခေါ်လို့ရပါတယ်။" အာဒမ် မျက်နှာလေး နီသွားပြီး လှပသော အီလိန်းနှင့် မျက်လုံးချင်း မဆုံရဲဘဲ ခေါင်းငုံ့ထားမိသည်။
"ကဲ... ဒါကို မြန်မြန် အပြီးသတ်ရအောင်။ ငါ ပြန်ပြီး စာလုပ်စရာတွေ ရှိသေးတယ်" ဟု ဂျန်နာက အနည်းငယ် စိတ်မရှည်စွာ ရေရွတ်လိုက်သည်။ သူမသည် နားနေဆောင်၏ အလယ်သို့ လျှောက်သွားပြီး... "အာဒမ်၊ ငါ့ရှေ့မှာ လာထိုင်" ဟု ပြောလိုက်သည်။
"ဟုတ်ကဲ့!" အာဒမ်သည် တည်ကြည်သော မျက်နှာပေးဖြင့် နားနေဆောင်အလယ်တွင် တင်ပျဉ်ခွေ ထိုင်လိုက်သည်။
"ပထမဆုံး စာလိပ်ကို ဖြန့်ပြီး ကြမ်းပြင်ပေါ် မှာ ဖိထားလိုက်" ဟု သူမက ညွှန်ကြားသည်။ အာဒမ်သည် သူမခိုင်းသည့်အတိုင်း စာလိပ်ကို ဖြန့်လိုက်သည်။ စာလိပ်ပေါ်ရှိ ဆန်းကြယ်သော စာလုံးများနှင့် သင်္ကေတများမှ ထူးခြားသော အရှိန်အဝါတစ်ခု ထွက်ပေါ်လာသည်။ ထို့နောက် သူက စာလိပ်ကို ကြမ်းပြင်နှင့် ဖိကပ်လိုက်သည်။
ချက်ချင်းပင် ဆန်းကြယ်သော သင်္ကေတများသည် စာလိပ်ထဲမှ လျှောဆင်းလာပြီး ကြမ်းပြင်ပေါ်တွင် အာဒမ်ကို အလယ်မှာထား၍ စက်ဝိုင်းပုံစံ စည်းတစ်ခု (Formation) အဖြစ် တည်ရှိသွားတော့သည်။ ထို့အပြင် စာလိပ်မှတဆင့် လျှို့ဝှက်အသိပညာများမှာ အာဒမ်၏ ဦးနှောက်ထဲသို့ တိုက်ရိုက် စီးဝင်လာသည်။
"ဝါး!" အာဒမ် ဤဖြစ်စဉ်ကို ပါးစပ်အဟောင်းသားနှင့် ကြည့်နေမိသည်။
"အာရုံစိုက်စမ်း အာဒမ်!" ဂျန်နာက ငေါက်လိုက်သည်။ "အခု ဖန်ဘူးကိုဖွင့်ပြီး 'မျှော်လင့်ချက်ဆေးရည်'ကို သောက်လိုက်တော့!"
"ဟု... ဟုတ်ကဲ့!" အာဒမ် သတိပြန်ဝင်လာကာ ဆေးရည်ကို ဖွင့်လိုက်သည်။ အတွင်း၌ ဖောက်ထွင်းမြင်ရသော အစိမ်းရောင်အရည်မှာ သာမန်ဟု ထင်ရသော်လည်း ၎င်းမှာ သာမန်လူတစ်ယောက် မှော်ဆရာဖြစ်လာရန် အရေးကြီးဆုံး အရာပင် ဖြစ်သည်။
မှော်ယဉ်ကျေးမှု စတင်ကတည်းက လူသားများသည် မိမိတို့ခန္ဓာကိုယ်အတွင်းရှိ အောင်းနေသော ပါရမီကို နှိုးဆွရန် ဤဆေးရည်ကို သုံးခဲ့ကြသည်နှစ်ပေါင်း သိန်းနှင့်ချီ၍ ဤဆေးနည်းကို မျိုးဆက်အလိုက် လက်ဆင့်ကမ်းခဲ့ကြပြီး အချိန်ကြာလာသည်နှင့်အမျှ ထပ်ခါတလဲလဲ ပြန်လည်ပြုပြင် မွမ်းမံခဲ့ကြသည်။ ဤဆေးရည်သည် လုပ်ဆောင်ချက် တစ်ခုတည်းသာ ရှိသည်— ၎င်းမှာ လူတစ်ဦးကို 'မှော်စွမ်းအင်' (Mana) ကို ခံစားသိရှိနိုင်စေရန် ဖြစ်သည်။ ထို့ကြောင့်ပင် သာမန်လူသားတစ်ဦးအား အကန့်အသတ်များကို ကျော်ဖြတ်ကာ မှော်ဆရာတစ်ဦး ဖြစ်လာစေရန် မျှော်လင့်ချက်ပေးသည့်အတွက် 'မျှော်လင့်ချက်ဆေးရည်' ဟု အမည်တွင်ခြင်း ဖြစ်သည်။
အာဒမ်သည် တွန့်ဆုတ်မနေဘဲ ဆေးရည်အားလုံးကို တစ်ကျိုက်တည်း သောက်ချလိုက်သည်။ဆေးရည်မှာ ပါးစပ်ထဲရောက်သည်နှင့် တစ်ပြိုင်နက်အငွေ့အဖြစ် ပြောင်းလဲသွားပြီး သူ၏ ခန္ဓာကိုယ်နှင့် စိတ်ဝိညာဉ်အနှံ့ ပျံ့နှံ့သွားတော့သည်။အာဒမ် အာဒမ် မျက်လုံးမှိတ်ထားရင်း အာရုံထဲတွင် တစ်စုံတစ်ခု ပြောင်းလဲနေသည်ကို ခံစားနေရသည်။ ဘယ်လောက်ကြာသွားသည်မသိ၊ သူ မျက်လုံးပြန်ဖွင့်လိုက်သောအခါ ကမ္ဘာကြီးမှာ လုံးဝ ပြောင်းလဲသွားပြီ ဖြစ်သည်။
သူသည် မျက်စိနှင့် တပ်အပ်မမြင်ရသော်လည်း ပတ်ဝန်းကျင်တွင် အလျှံပယ်ရှိနေသည့် ဆန်းကြယ်သော ဒြပ်စင်တစ်ခုကို ခံစားနေရသည်။ သူ၏ စိတ်ထဲတွင် စကားလုံးတစ်လုံးတည်းသာ ပဲ့တင်ထပ်နေသည်— (Mana)!
"အခု 'Mana စုပ်ယူခြင်း အတတ်' ကို စတင်ကျင့်ကြံတော့။ ဒါက နောက်ဆုံးအဆင့်ပဲ!" ဂျန်နာ၏ ညွှန်ကြားချက် ထွက်ပေါ်လာသည်။
အာဒမ် စာလိပ်ကို ဖွင့်လိုက်စဉ်က အလွန်တန်ဖိုးရှိသော သတင်းအချက်အလက်တစ်ခုသည်လည်း သူ၏ ဦးနှောက်ထဲသို့ တိုက်ရိုက်ရောက်ရှိခဲ့သည်။ ၎င်းမှာ လေထဲမှ Mana များကို စုဆောင်းကာ ခန္ဓာကိုယ်အတွင်း သိမ်းဆည်းနိုင်သည့် နည်းစနစ်ဖြစ်သည်။ ဤသည်မှာ ကလိုဗာ အကယ်ဒမီ၏ ကိုယ်ပိုင်လျှို့ဝှက်ကျမ်းဖြစ်သော 'ကလိုဗာ Mana စုပ်ယူခြင်းနည်းစနစ်' ပင် ဖြစ်သည်။
အာဒမ်သည် စာလိပ်မှရရှိသော အသိပညာများကို ပြန်လည်အမှတ်ရကာ ချက်ချင်းပင် နည်းစနစ်ကို ကျင့်ကြံတော့သည်။ ဤနည်းစနစ်၏ အကူအညီဖြင့် သူသည် လေထဲရှိ Manaများကို ပိုးစုန်းကြူးလေးများအဖြစ် စိတ်ကူးကြည့်လိုက်ပြီး ၎င်းတို့မှာ သူ၏ ခန္ဓာကိုယ်အတွင်းသို့ သူ၏ ခန္ဓာကိုယ်ထဲသို့ စုပ်ယူလိုက်သည်။ Manaများ သူ၏ ခန္ဓာကိုယ်အတွင်းသို့ ဝင်ရောက်လာသည်နှင့် အာဒမ်၏ ကိုယ်မှာ အနည်းငယ် တုန်ခါသွားသည်။ Manaများသည် သူ၏ ခန္ဓာကိုယ်ကို သန့်စင်ပေးပြီး အတွင်းပိုင်းသို့ ဖြည်းဖြည်းချင်း စိမ့်ဝင်သွားသည်ကို သူ ခံစားနေရသည်။
ဆယ်မိနစ်ခန့်အကြာတွင် အာဒမ်သည် သူ၏ အကန့်အသတ်သို့ ရောက်ပြီဟု ခံစားရသဖြင့် ရပ်လိုက်သည်။ သူသည် ယခုအခါ အသစ်တစ်ဖန် ပြန်လည်မွေးဖွားခဲ့ပြီဖြစ်သည်။ သူသည် အဆင့် (၁) မှော်ဆရာ (Rank 1 Magus) တစ်ဦး တရားဝင် ဖြစ်လာခဲ့ပြီဖြစ်ကြောင်း သူ၏ စိတ်ထဲမှ နက်နက်ရှိုင်းရှိုင်း သိလိုက်ရသည်။
"ဂုဏ်ယူပါတယ် အာဒမ်!" အီလိန်းနှင့် အက်ဒဝပ်တို့မှာ လူငယ်လေးအတွက် အလွန်ဝမ်းသာနေကြသည်။ ဂျန်နာပင်လျှင် ကျေနပ်သည့်အမူအရာဖြင့် ခေါင်းညိတ်ပြနေသည်။
အာဒမ်သည် တောက်ပစွာ ပြုံးလိုက်ပြီး ပြန်ပြောရန် ပြင်လိုက်စဉ်မှာပင် သူ၏ အပြုံးများ အေးခဲသွားသည်။ သူ၏ ဝိညာဉ် အနက်ရှိုင်းဆုံးနေရာမှ ပြင်းထန်သော တုံ့ပြန်မှုတစ်ခုကို သူ ခံစားလိုက်ရသည်။ ၎င်းက ဘာလဲဆိုတာကို သူ ချက်ချင်း သိလိုက်သည်။
'အဖြူရောင်ကြာပန်း' ပင် ဖြစ်သည်!