အခန်း ၆၄ : ပိုက်ဆံကို မီးရှို့၍ တိုက်ခိုက်ခြင်း
ချုံခိုတိုက်ခိုက်သူတစ်ယောက် ဘယ်ကနေ ရောက်လာမှန်း မသိသလို သူ့နောက်ကနေ လိုက်ဖမ်းနေတဲ့ ကျွမ်းကျင်သူ တစ်ယောက်လည်း ရှိနေရာ ခရိုင်ဒုတိယအကြီးအကဲရဲ့ မျက်နှာက အလွန် အရုပ်ဆိုးနေခဲ့လေသည်။
ဓားပျံတွေ ဆက်တိုက် တိုက်ခိုက်နေတာ မြင်တော့ သူ အမြန် ကာကွယ်လိုက်ရုံကလွဲပြီး ရွေးချယ်စရာ မရှိတော့ပေ။
သူ မြင်လိုက်သည်မှာ သူ့ကို ချုံခိုတိုက်ခိုက်တဲ့ သူက သိပ်မသန်မာပဲ သူမက ချီစုစည်းမှု အဆင့်မှာပဲ ရှိလောက်သေးပေသည်။
ချီစုစည်းမှု အဆင့်က ဒီလောက်များတဲ့ ဓားပျံတွေကို ဘယ်လို ထိန်းချုပ်နိုင်လဲ ဆိုတာ သူ မသိပေမယ့် တစ်ဖက်လူက သူ့ထက် အားနည်းတယ် ဆိုတာ သိရင်ကို လုံလောက်ပေပြီ။
သူ့နောက်က လိုက်လာတဲ့သူကို သူ မနိုင်ပေမဲ့ ချီစုစည်းမှု အဆင့် ကျင့်ကြံသူ တစ်ယောက်ကိုတော့ သူအနိုင်ယူနိုင်လေသည်။
ဒေါသထွက်နေတဲ့ ခရိုင်ဒုတိယအကြီးအကဲဟာ သူ့ကို တိုက်ခိုက်နေတဲ့ ဓားပျံအားလုံးကို ရိုက်ချလိုက်ပြီး ချက်ချင်းပဲ အောက်ကို ထိုးဆင်းလိုက်၏
သူ့ခေါင်းထဲမှာ တခြား အကြံအစည်တွေလည်း ရှိနေပြီး ၎င်းက သူမအား ဓားစာခံတစ်ယောက်အဖြစ် အသုံးချရန်ပင်။
ထို့ကြောင့် သူ့ကို ချုံခိုတိုက်ခိုက်ချင်တဲ့ ဒီချီစုစည်းမှု အဆင့် ကျင့်ကြံသူက အကောင်းဆုံး ဓားစာခံပင်။
"အယ်..."
ဒါပေမဲ့ သူ အောက်ကို ထိုးဆင်းလိုက်တဲ့ အချိန်မှာပဲ ကောင်းကင်အပြည့် ဆီးနှင်းတွေ ကျလာသလိုမျိုး ဝိညာဉ်အဆောင် အမြောက်အမြား သူ့ဆီ ပျံဝဲလာတာကို သူ ရုတ်တရက် တွေ့လိုက်ရ၏။
ထိုအခိုက်တန့်၌ ခရိုင်ဒုတိယအကြီးအကဲ့ရဲ့ မျက်လုံးတွေဟာ ပြူးကျယ်သွားခဲ့ရသည်။
'မယုံကြည်နိုင်စရာပဲ.....'
......
'ဝိညာဉ်အဆောင်တွေ ဘယ်လောက်တောင် များနေတာလဲ...ဒါဇင်နဲ့ချီလား.... ရာနဲ့ချီလား....
သူ့ကို ချုံခိုတိုက်ခိုက်နေတဲ့ ဒီချီစုစည်းမှု အဆင့် ကျင့်ကြံသူက ဘယ်သူလဲ.....'
သူမက ဒီလောက်များတဲ့ ဓားပျံတွေနဲ့ ဝိညာဉ်အဆောင်တွေကို ဘယ်ကနေ ရထားတာလဲ... ဒီဓားပျံတွေနဲ့ ဝိညာဉ်အဆောင်တွေချည်းပဲကို ဝိညာဉ်ကျောက်တုံး ထောင်ပေါင်းများစွာ တန်ဖိုးရှိနေပြီ မဟုတ်လား...'
"ဒါတွေက ဘာတွေလဲ"
သူ သေချာ အာရုံစိုက် ကြည့်လိုက်ပြီး အသေးစိတ်ကို မြင်လိုက်ရတဲ့အခါ သူ့ဆံပင်တွေ ထောင်မတ်သွားခဲ့ရ၏။"ချီး အလယ်အလတ်အဆင့် ပေါက်ကွဲ အဆောင်တွေပဲ"
"ဘုန်း.."
ကမ္ဘာပျက်မတတ် ပေါက်ကွဲသံတွေဟာ တိမ်တိုက်တွေကြား ပဲ့တင်ထပ်သွားခဲ့သည်။ မီးလုံးကြီးတွေက လေထဲမှာ ပွင့်လန်းလာပြီး မီးလုံးတွေကြားမှာ လှိမ့်နေတဲ့ ဝေဝါးဝါး ပုံရိပ်တစ်ခုကို တွေ့နေရပြီး ကြည့်ရတာ အလွန် သနားစရာ ကောင်းနေခဲ့သည်။
မနီးမဝေးမှာရှိတဲ့ ပိုင်ယီဟာ သူ့ရဲ့ လိုက်လံ ဖမ်းဆီးမှုကို ရပ်တန့်လိုက်ပြီး ဒီမြင်ကွင်းကို တိတ်ဆိတ်စွာ ကြည့်နေလိုက်လေသည်။
ဒီရွေးချယ်ခံ အမှတ် (၂) က တကယ် ဝင်တိုက်ဖို့ ရွေးချယ်လိုက်တာကို သူ နည်းနည်း အံ့သြသွားခဲ့သည်။
ဒါပေမဲ့ ပြန်စဉ်းစားကြည့်လိုက်တော့ ချင်းကျောက်က အဲဒီလို လူမျိုးပဲ ဆိုတာ သူ သတိရလိုက်လေသည်။
သူမ ဝင်တိုက်တာ မဆန်းချေ။
"ကြည့်ရတာ ငါ အလုပ်လုပ်စရာ မလိုတော့ဘူး ထင်တယ်" ပိုင်ယီ ခေါင်းခါလိုက်၏။ ချင်းကျောက်က ချီစုစည်းမှု အဆင့် (၁၀) ပဲ ရှိသေးပေမယ့် သူမ ချင်းဟယ် ခရိုင်ကို လာရတဲ့ ရည်ရွယ်ချက်က ချန်ချန်ရွှယ်ကို အနိုင်ယူဖို့ဖြစ်ရာ ပစ္စည်းအမြောက်အမြား ပြင်ဆင်လာခဲ့မှာ သေချာပြီး အဲဒါတွေ အကုန်လုံးက ချန်ချန်ရွှယ်ကို ကိုင်တွယ်ဖို့ပင်။
ဒီပစ္စည်းတွေရဲ့ အကူအညီနဲ့ ဆိုရင် သူမက သူမရဲ့ အဆင့်ထက် ကျော်လွန်ပြီး တိုက်ခိုက်နိုင်မည်မှာ အသေအချာပင်။
ပြောရမယ် ဆိုရင်... ဒုတိယ မျိုးဆက်ကျင့်ကြံသူတွေရဲ့ တိုက်ခိုက်ပုံက တကယ့်ကို မျက်စိပွင့်နားပွင့် ဖြစ်စေသည်ပင်။
ဒါက ပိုက်ဆံရဲ့ စွမ်းအားပင်.......
ပိုင်ယီ အရာအားလုံးကို စောင့်ကြည့်နေမှန်း ချင်းကျောက် မသ်ခဲ့ချေ။ ဒီအချိန်မှာ သူမဟာ နည်းနည်း စိတ်လှုပ်ရှားနေခဲ့ပြီး မျက်နှာပေါ်မှာ အပြုံး တစ်ခု ပေါ်လာခဲ့သည်။ "ဒါက ချန်ချန်ရွှယ်ကို ကိုင်တွယ်ဖို့ ငါ ပြင်ဆင်ထားတဲ့ ဝိညာဉ်အဆောင်တွေပဲ.... အခြေတည်အဆင့် (၁) ရောက်နေတဲ့ ချန်ချန်ရွှယ်တောင် ခံစားသွားရမှာ"
"ဝမ်းနည်းစရာ ကောင်းတာက... ဘာအကြောင်းကြောင့်မှန်း မသိဘဲ အဲဒီကောင်မက တစ်နည်းနည်းနဲ့ အခြေတည်အဆင့် (၂) ကို ချိုးဖျက်ဝင်ရောက်သွားတာကြောင့် ငါ ပြင်ဆင်ထားတဲ့ ပစ္စည်းတွေက အသုံးမဝင်တော့ဘူး"
"နင့်ကံဆိုးတယ်လို့ပဲ မှတ်လိုက်တော့" ခရိုင် ဒုတိယအကြီးကဲအား ကြည့်ကာ ပြောလိုက်၏။
ကောင်းကင်ပေါ်က ပေါက်ကွဲသံတွေ တဖြည်းဖြည်း ပျောက်ကွယ်သွားတဲ့အခါ ချင်းကျောက် သတိထားနေခဲ့လေသည်။
ဘာလို့လဲဆိုတော့... အခြေတည်အဆင့် (၁) ကျင့်ကြံသူ တစ်ယောက်က ဒီလောက် အလွယ်တကူ မသေနိုင်ဘူး ဆိုတာ သူမ သိပေသည်။
ထင်ထားတဲ့ အတိုင်းပင်။
ရက်စက်ကြမ်းကြုတ်တဲ့ ဟိန်းဟောက်သံ တစ်ခုကထွက်ပေါ်လာခဲ့၏။ "မင်း....သေရမယ်"
ခရိုင်ဒုတိယအကြီးအကဲအဖြစ် ဟန်ဆောင်ထားတဲ့ မိစ္ဆာကျင့်ကြံသူရဲ့ အဝတ်အစားတွေက စုတ်ပြဲနေခဲ့ပြီး အဝတ်စ အနည်းငယ်လောက်ပဲ တွဲလောင်းကျန်နေတာ သူမ တွေ့လိုက်ရ၏။
သူ့တစ်ကိုယ်လုံးက မည်းတူးနေခဲ့ပြီး မျိုးစိတ်တစ်မျိုး ပြောင်းသွားသလိုပင်။
သူ့ကိုယ်ပေါ်က ဆံပင်မွေးတွေဟာလည်း အကုန် ပျောက်ကွယ်သွားပြီး အရေပြားကနေတောင် မီးခိုးငွေ့တွေ ထွက်နေခဲ့လေသည်။ အရေပြားတစ်ချို့ဟာ ကျက်လုနီးပါး ဖြစ်နေခဲ့လေသည်။
ထို့အပြင် သူ့ရဲ့ အရှိန်ဝါက မသန်မာတော့ပေ။ ချင်းကျောက် ကြဲချလိုက်တဲ့ ကောင်းကင်အပြည့် ဝိညာဉ်အဆောင်တွေက တကယ် ကြောက်စရာ ကောင်းနေခဲ့ပေသည်။
အကယ်၍ သူသာ ချီစုစည်းမှု အဆင့် ဖြစ်ခဲ့ရင် အသားစတွေ ဖြစ်အောင် ဖောက်ခွဲခံလိုက်ရလောက်ပေပြီ။
"ဒီလူက အသက်ရှင်နေတုန်းပဲ.... ပိုးဟပ်များလား..."
တစ်ဖက်လူက အောက်ကို ထိုးဆင်းလာနေပြီ ဖြစ်ကြောင်း တွေ့လိုက်ရတော့ ဒီလူ ဘယ်လောက်အသက်ပြင်းလိုက်သလဲဆိုပြီး ချင်းကျောက် အံ့သြနေခဲ့၏။ ကြောက်မက်ဖွယ် သွေးချီတွေ သူမမျက်နှာဆီ တိုးဝင်လာပြီး အပူချိန်က ဒီဂရီ အနည်းငယ် ပိုအေးစက်သွားသလို ခံစားလိုက်ရရာ ချင်းကျောက်၏ လက်ထဲ၌ ဓားရှည်တစ်လက် မသိလိုက်မသိဘာသာ ပေါ်လာခဲ့သည်။ ၎င်းက အဆင့်မြင့် ဝိညာဉ်ဓားတစ်လက်ပင်။
ခရိုငဒုတိယအကြီးအကဲရဲ့ ဒေါသတကြီး တိုက်ခိုက်မှုအား ကာကွယ်ဖို့ ဓားကို မြှောက်လိုက်၏။
နောက်ခဏ၌ သူမ တစ်ကိုယ်လုံးဟာ စွန်တစ်ကောင်လို ပေါ့ပါးသွားပြီး ထိန်းချုပ်လို့ မရဘဲ နောက်ကို လွင့်ထွက်သွားခဲ့သည်။
ခရိုင်ဒုတ်ယအကြီးအကဲကးဟာ ဒီသောက်ကျိုးနည်း ချီစုစည်းမှု အဆင့် ကျင့်ကြံသူကို သတ်ဖြတ်ဖို့ ပြင်ဆင်လိုက်သည်။
ဒါပေမဲ့ နောက်တစ်ခဏမှာပဲ မှိုင်းညို့ပြီး အေးစက်တဲ့ အရှိန်ဝါတစ်ခု ရောက်လာတာ သူ ရုတ်တရက် ခံစားလိုက်ရလေသည်။ ဒါက သူ့အရှိန်ဝါနဲ့ တူတဲ့ အရှိန်ဝါတစ်ခုပင်။
ခရိုင် ဒုတိယအကြီးအကဲတုန်လှုပ်စွာ လှည့်ကြည့်လိုက်ရာ သူ သိပ်မရင်းနှီးတဲ့ မိစ္ဆာကျင့်ကြံသူ တစ်ယောက် သူ့အနောက်မှာ ရုတ်တရက် ပေါ်လာတာ တွေ့လိုက်ရသည်။
တစ်ဖက်လူရဲ့ မျက်နှာကို သွေးမြူခိုးတွေ ဖုံးလွှမ်းထားခဲ့ပြီး သူ့ရုပ်ရည်ကို တခြားသူတွေ ရှင်းရှင်းလင်းလင်း မမြင်နိုင်အောင် လုပ်ထားခဲ့လေသည်။
"မင်း ဘယ်သူလဲ..."
သူ စကားမဆုံးခင်မှာပဲ မရင်းနှီးတဲ့ မိစ္ဆာကျင့်ကြံသူက ရုတ်တရက် ပေါ်လာပြီး သူ့ကို ချက်ချင်း တိုက်ခိုက်လိုက်၏။
ခရိုင်ဒုတိယအကြီးအကဲရဲ့ မျက်ဝန်းတွေ ကျုံ့သွားပြီးအမြန် ကာကွယ်လိုက်ရပေသည်။
"သောက်ကျိုးနည်း... မင်း ဘယ်သူလဲကွ... မင်းလည်း မိစ္ဆာကျင့်ကြံသူပဲလေ... မင်းက မြင့်မြတ်သောနှလုံးသား နန်းတော်က အဖွဲ့ဝင် မဟုတ်ရင်တောင် ဘာလို့ ငါ့ကို တိုက်ခိုက်တာလဲ.... ဘာလို့ အဲဒီ ချီစုစည်းမှု အဆင့် ကျင့်ကြံသူကို ကူညီနေတာလဲ" သူ အော်ဟစ် မေးခွန်းထုတ်လိုက်၏။
သူ့နှလုံးသားက ချောက်နက်ကြီးရဲ့ အောက်ခြေကို ပြုတ်ကျသွားခဲ့သည်။ ကောင်းကင်အပြည့် ဝိညာဉ်အဆောင်တွေကြောင့် သူဟာ ပြင်းပြင်းထန်ထန် ဒဏ်ရာရထားခဲ့လေသည်။ ချီစုစည်းမှု အဆင့် (၁၀) ကျင့်ကြံသူ တစ်ယောက်တည်းနဲ့ ဆိုရင် သူဟာ အားကုန်ထုတ်လိုက်ရင် သတ်နိုင်သေးပေသည်။
ဒါပေမဲ့ အခု နောက်ထပ် ချီစုစည်းမှု အဆင့် (၁၀) ကျင့်ကြံသူ တစ်ယောက် ထပ်ရောက်လာပြီး နှစ်ယောက် ညှပ်တိုက်တဲ့အောက်မှာ သူက အခု ပြင်းပြင်းထန်ထန် ဒဏ်ရာရနေတော့ သူတို့ကို ယှဉ်နိုင်မည် မဟုတ်တော့ပေ။
ဒါ့အပြင် အမှောင်ထဲမှာ သူ့ထက် ပိုသန်မာတဲ့ နောက်ထပ် တည်ရှိမှု တစ်ခု ရှိနေသေးပြီး သူကလည်း ဝင်မပါသေးချေ။
ဒီအချိန်မှာ ခရိုင်ဒုတိယအကြီးအကဲဟာ တခြားသူတွေရဲ့ စောင့်ကြည့်ကစားခြင်း ခံနေရတဲ့ ကြွက်တစ်ကောင်ကဲ့သို့ ခံစားလိုက်ရ၏။
သူ့ရဲ့ ဇာတ်သိမ်းက... ကြိုတင် သတ်မှတ်ထားသလိုပင်....
ချင်းကျောက် နောက်တစ်ကြိမ် ထပ်တိုက်ခိုက်လိုက်တဲ့အခါ ခရိုင်ဒုတိယအကြီးအကဲဟာ အားနည်းနေခဲ့ပေပြီ။ ချင်းကျောက်နဲ့ မရင်းနှီးတဲ့ မိစ္ဆာကျင့်ကြံသူတို့ရဲ့ ဝိုင်းရံတိုက်ခိုက်မှု အောက်မှာ အသက်ရှူချိန် (၃၀) တောင် မကြာပဲ သေစေနိုင်လောက်တဲ့ ဒဏ်ရာ (၂) ချက် ရရှိသွားခဲ့သည်။
ချင်းကျောက် ဓားတစ်ချက်တည်းနဲ့ သူ့၏ခေါင်းတစ်ဝက်ကို ဖြတ်ချခံလိုက်ပြီး မရင်းနှီးတဲ့ မိစ္ဆာကျင့်ကြံသူရဲ့ လက်သည်းက သူ့နှလုံးကို ဖောက်ဝင်ကာ ချေမွခြင်းအား ခံလိုက်ရပေသည်။
သူဟာ နေရာတင် ပွဲချင်းပြီး သေဆုံးသွားခဲ့လေသည်။
"အာ့.." ချင်းကျောက် သူမရဲ့ ဝိညာဉ်ဓားကို ပြန်ရုပ်သိမ်းလိုက်ပြီး နာကျင်နေတဲ့ လက်မောင်းကို ပွတ်သပ်ရင်း ညည်းတွားလိုက်၏ ။"ကံကောင်းလို့ ငါ့မှာ ယာယီ တိုက်ခိုက်ရေးသမားတစ်ယောက် ဆင့်ခေါ်နိုင်တဲ့ သွေးမိစ္ဆာ တိုကင်ရှိနေလို့ မဟုတ်ရင် ဒီကောင်ကို ဖြိုချဖို့ ငါ တစ်ယောက်တည်း တစ်နာရီလောက် တိုက်နေရဦးမှာ"
သူမဟာ မရင်းနှီးတဲ့ မိစ္ဆာကျင့်ကြံသူရဲ့ ပခုံးကို ပုတ်လိုက်ပြီး လက်မထောင်ပြလိုက်၏။ "ကောင်းတယ်..."
ဟုတ်ပေသည်။
ဒီထူးဆန်းတဲ့ မိစ္ဆာကျင့်ကြံသူကို သူမရဲ့ သွေးမိစ္ဆာ တိုကင်ကနေ ဆင့်ခေါ်လိုက်တာဖြစ်ပြီး သူက ချီစုစည်းမှု အဆင့် (၁၀) ရှိတဲ့ ယာယီ တိုက်ခိုက်ရေးသမား တစ်ယောက်ပင်။
ဝမ်းနည်းစရာ ကောင်းတာက ဒါက တစ်ခါသုံးပစ္စည်း ဖြစ်နေခြင်းပင်။
သွေးမိစ္ဆာ ဂိုဏ်းရဲ့ မိစ္ဆာကျင့်ကြံသူဟာ ပျောက်ကွယ်သွားပြီး သာမန် တိုကင်ပြားလေး တစ်ခု အဖြစ် ပြောင်းလဲကာ မြေပြင်ပေါ် ကျသွားတာကို ချင်းကျောက် ကူကယ်ရာမဲ့စွာ ကြည့်နေလိုက်သည်။ ထို့နောက် သူမဟာ တိုကင်ကို ကောက်ယူလိုက်ပြီး ရေရွတ်လိုက်သည်။ "ဒီပစ္စည်းက အသုံးမဝင်ဘူးလို့ ငါ ထင်ခဲ့တာ... ဒီနေ့ သုံးဖြစ်မယ်လို့ မထင်ထားဘူး....တော်တော်လေး အသုံးဝင်သားပဲ"
သူမ ဝန်ခံရပေမည်။ ချီစုစည်းမှု အဆင့် (၁၀) ကျင့်ကြံမှုနဲ့ အခြေတည်အဆင့် ကျင့်ကြံသူ တစ်ယောက်ကို သတ်လိုက်ရတာ သိပ်အရသာ ရှိပြီး ချင်းကျောက်ရဲ့ စိတ်ဓာတ်တို့ဟာ ချက်ချင်း တက်ကြွလာခဲ့ပေသည်။
"သိပ်ကောင်းတယ်... ဒီနှုန်းထား အတိုင်း ဆိုရင် ချန်ချန်ရွှယ်ကို အနိုင်ယူဖို့ ငါ့ကို နောက်ထပ် လဝက်လောက်ပဲ လိုလောက်မယ်"
သူမဟာ ယုံကြည်ချက်တွေ ပြည့်နှက်နေခဲ့သည်။
"ဒီအခြေတည်အဆင့် (၁) အလောင်းနဲ့ ပတ်သက်ပြီးတော့..."
ချင်းကျောက် ရုတ်တရက် တစ်ခုခု တွေးမိသွားခဲ့သည်။
သူမ အရင်က ဆုလာဘ် တစ်ခု ရဖူးခဲ့ပြီး အဲဒါက အလောင်းတွေကို ထိန်းချုပ်ရာမှာ သုံးလို့ရတဲ့ သွေးမိစ္ဆာ ဂိုဏ်းရဲ့ ကျင့်စဉ်တစ်ခုပင်။
ဒီကျင့်စဉ်ကို ရပြီးကတည်းက ချင်းကျောက် တစ်ခါမှ စမ်းသပ်ကြည့်ခွင့် မရခဲ့ချေ။
"နင်က ငါ့ရဲ့ သွေးမိစ္ဆာ တိုကင်ကို ကုန်ဆုံးအောင် လုပ်ခဲ့တာ ဒါကြောင့် နင် ငါ့ရဲ့ တိုက်ခိုက်ရေးသမား အသစ် ဖြစ်လာပေးရမယ်"
"ဘာပဲဖြစ်ဖြစ် နင့်ကို မြေမြှုပ်လိုက်ရင် နှမြောစရာကြီးပဲကို"
သူမ တခစ်ခစ် ရယ်မောလိုက်၏။
…