အခန်း ၅၇ : အဆင့်လေးဆင့် ဆက်တိုက် ချိုးဖျက်ခြင်း၊ အခြေတည်အဆင့် (၃)

​[ချန်ချန်ရွှယ်သည် ယခု သရုပ်ဖော် ဘဝတွင် နှစ်သန်းပေါင်းများစွာ အတွင်းဘက်၌ နေထိုင်ခြင်းဆိုသည့် အောင်မြင်မှု တစ်ခုကို အသက်သွင်းနိုင်ခဲ့ပါသည်။ ရလဒ်အနေဖြင့် သူမသည် ထပ်ဆောင်း အောင်မြင်မှု ဆုလာဘ် တစ်ခုကို အောင်မြင်စွာ ရရှိလိုက်ပါသည်။ သင်သည် အောက်ပါ ဆုလာဘ်များကို ရရှိလိုက်ပါသည် ]

​[ဆုလာဘ် ၁ - မိစ္ဆာချုပ်လှောင် မျှော်စင်၏ အုတ်တစ်ချပ် (ကြားတာတော့ မူလဝိညာဉ် အဆင့် ကျင့်ကြံသူတွေတောင် မချိုးဖျက်နိုင်ဘူးတဲ့)]

​[ဆုလာဘ် ၂ - အခြေတည်အဆင့် (၃) ၏ ဝိညာဉ်စွမ်းအင် အားလုံး (လူတစ်ယောက်ကို သေလောက်အောင် ဖောင်းကားသွားစေနိုင်လောက်သော ကြီးမားသည့် ဝိညာဉ်စွမ်းအင် ပမာဏ)]

​[ဆုလာဘ် ၃ - ကြယ်ခုနစ်ပွင့် လှည့်လည် ခြေလှမ်း (ကောင်းကင်ဂိုဏ်း၏ လျှို့ဝှက် ကျင့်စဉ်တစ်ခု)]

​[ထပ်ဆောင်း ဆုလာဘ် - ရွှေရောင် ကွင်း (အကြီးအကဲဟို ချန်ချန်ရွှယ်ကို ပေးခဲ့သော ဝိညာဉ်လက်နက်)]

​"ရှူး.."

​ဒီတစ်ခါ ချန်ချန်ရွှယ်ရဲ့ ဆုလာဘ်တွေကို မြင်လိုက်ရတော့ ပိုင်ယီ လေတစ်ချက် ရှူသွင်းလိုက်မိသည်။ သူ့မျက်လုံးထဲမှာ ရက်အနည်းငယ်ပဲ ရှိသေးပေမယ့် ဒီလို ကောင်းမွန်တဲ့ ဆုလာဘ်မျိုး မမြင်ရတာ တော်တော် ကြာသွားပေပြီ။

​ဒီတစ်ခါ သူ တကယ်ပဲ နည်းနည်း ဗျာများနေခဲ့ရပေသည်။ သူ သေချာပေါက် ရမယ့် ထပ်ဆောင်း ဆုလာဘ်ကလွဲရင် ကျန်တဲ့ ဆုလာဘ် (၃) ခုလုံးကို သူ လိုချင်လေသည်။

​ဝမ်းနည်းစရာ ကောင်းတာက... သူ့မှာ မသေမျိုးကျင့်ကြံခြင်း သရုပ်ဖော် စနစ်ရဲ့ လုပ်ပိုင်ခွင့်အများစု ရှိနေပေမယ့် ပိုင်ယီဟာ ဆုလာဘ် အားလုံးကို ယူလို့ မရပေ။ ဒီလုပ်ပိုင်ခွင့် ရှိနေရင်တောင် မသေမျိုးကျင့်ကြံခြင်း သရုပ်ဖော် စနစ်က သူ့ကို အကုန် ပေးမည် မဟုတ်ပေ။

​"ဆုလာဘ် ၂"

​ပိုင်ယီ အကောင်းဆုံး ဆုလာဘ်ကိုပဲ ယူရမည်ဖြစ်ရာ ၎င်းကတော့ အခြေတည်အဆင့် (၃) ရဲ့ ဝိညာဉ်စွမ်းအင် အားလုံးပင်။

​သူ့ရဲ့ မွေးရာပါ ဝိညာဉ်ခန္ဓာက ကျင့်ကြံခြင်း အဆင့်အတန်းရဲ့ ချုပ်နှောင်မှုတွေကို လျစ်လျူရှုနိုင်ရာ သူ အဆင့်ချိုးဖျက်တဲ့အခါ သူ့ရဲ့ ဝိညာဉ်စွမ်းအင် တစ်စိတ်တစ်ပိုင်းကို အသုံးပြုလိုက်ရုံနှင့် သူဟာ ဆက်တိုက် အဆင့်ချိုးဖျက်နိုင်ပေမည်။

​......

​တစ်ခဏအတွင်းမှာပင် ပိုင်ယီဟာ သူ့ရဲ့ ချီကြောတွေလုံးဝ ပြည့်သွားတာ ခံစားလိုက်ရသည်။ ဒါက တုန်လှုပ်စရာကောင်းတဲ့ ဝိညာဉ်စွမ်းအင် ပမာဏပင်။ သူ့ရဲ့ ချီစုစည်းမှု အဆင့် (၉) ကျင့်ကြံမှုနဲ့ သူဟာ ဒီလောက်များတဲ့ ဝိညာဉ်စွမ်းအင်ကို လက်ခံနိုင်ခဲ့ခြင်းက စနစ်၏ ဆုလာဒ် ဖြစ်သာကြောင့်ပင်။ အကယ်၍ ဒါက မသေမျိုးကျင့်ကြံခြင်း သရုပ်ဖော် စနစ်က ပေးတဲ့ ဆုလာဘ်သာ မဟုတ်ခဲ့ရင် ပိုင်ယီဟာ ပေါက်ကွဲပြီး သေဆုံးသွားလောက်ပေပြီ။

​ဝိညာဉ်စွမ်းအင် အမြောက်အမြား ဝင်ရောက်လာခြင်းကြောင့် အရည်တွေ ဖြည့်ထားတဲ့ မိုးပျံပူပေါင်းလေး တစ်လုံး လျှံကျလုနီးပါး ဖြစ်နေခဲ့၏။

​ကံကောင်းတာက ဒီအချိန်မှာ မွေးရာပါ ဝိညာဉ်ခန္ဓာက အလုပ်စလုပ်လာခဲ့သည်။ ပိုင်ယီ တင်ပျဉ်ခွေ ထိုင်လိုက်တဲ့ အချိန်မှာပင် သူ့ခန္ဓာကိုယ်ထဲမှာ မိုးခြိမ်းသံလိုမျိုး 'ဘုန်း' ဆိုတဲ့ အသံအုပ်အုပ် တစ်ခုကို ကြားလိုက်ရ၏။

​ပြီးတော့ သူ အဆင့်ချိုးဖျက်သွားခဲ့လေသည်။

​ချီစုစည်းမှု အဆင့် (၁၀)....

​ပြီးတော့ ဒါက အခြေတည်အဆင့် (၃) ဝိညာဉ်စွမ်းအင်ရဲ့ အစိတ်အပိုင်း သေးသေးလေးပဲ ရှိပါသေးလေသည်။

​မွေးရာပါ ဝိညာဉ်ခန္ဓာက ဝိညာဉ်စွမ်းအင်တွေကို ရူးသွပ်စွာ သန့်စင်နေပြီး ကျင့်ကြံမှု နယ်ပယ်ကို ချိုးဖျက်ဖို့ အသုံးပြုလိုက်၏။

​အသက်ရှူချိန် အနည်းငယ် ကြာပြီးနောက်....

​"ရွှီး..."

​ဒီတစ်ခါ အဆင့်ချိုးဖျက်မှုက သိပ်ကြီးမားလွန်းလို့ နည်းနည်း ကြောက်စရာ ကောင်းနေခဲ့သည်။ လေလှိုင်းတွေက ပိုင်ယီကို ဗဟိုပြုပြီး အရပ်မျက်နှာ အနှံ့ကို လှိမ့်ဝင်သွားခဲ့ကြသည်။ လေထဲမှာ ဂယက်တွေ ထသွားသလို တစ်ဝိုင်းပြီး တစ်ဝိုင်း ပြန့်ကားသွားခဲ့ကြသည်။

​မျက်စိနဲ့ မြင်နိုင်တဲ့ ဝိညာဉ်စွမ်းအင် လှိုင်းတွေဟာ အရပ်မျက်နှာ အနှံ့ကို ရိုက်ခတ်သွားပြီး အိမ်ထဲက တံခါးတွေနဲ့ ပြတင်းပေါက်တွေက လေပြင်းတိုက်သလိုမျိုး 'ဘန်း' ဆိုပြီး ပွင့်ထွက်ကုန်ကြသည်။

​အပြင်ဘက်ကနေ ကြည့်ရင် ပတ်ဝန်းကျင် ဧရိယာက ဝိညာဉ်စွမ်းအင်တွေကို ပိုင်ယီက မွှေနှောက်လိုက်သလို မြင်တွေ့ရပေသည်။

​ဒါက တော်တော် ကြည့်ကောင်းတဲ့ မြင်ကွင်းပင်။

​အခြေတည်အဆင့် (၁)... အောင်မြင်....

​သို့သော် မပြီးသေးချေ။

​အိမ်အပေါ်က ကောင်းကင်ယံမှာ ဝိညာဉ်စွမ်းအင် လေပွေတစ်ခု ဖြစ်ပေါ်နေပြီ ဖြစ်ပြီး သာမန် မျက်စိနဲ့ မြင်နိုင်တဲ့ အံ့ဖွယ် မြင်ကွင်း တစ်ခု အဖြစ် ပြောင်းလဲသွားခဲ့သည်။

​ဒါက ချင်းဟယ် ခရိုင်ထဲက ကျင့်ကြံသူ အများအပြားရဲ့ အာရုံကို ဆွဲဆောင်သွားခဲ့သည်။

​"ဘာကြီးလဲ... နောက်ထပ် အခြေတည်အဆင့် ကျင့်ကြံသူ တစ်ယောက် အဆင့်ချိုးဖျက်နေတာလား.. အဲဒီ အမျိုးသမီး ထပ်ပြီး အဆင့်တက်တာတော့ မဟုတ်ပါဘူးနော်..." ချင်းကျောက်ဟာ သစ်သား ပြတင်းပေါက်ကို တွန်းဖွင့်လိုက်ပြီး မယုံကြည်နိုင်တဲ့ အကြည့်နဲ့ တစ်ဖက်ကို လှမ်းကြည့်လိုက်၏။ ပြီးတော့ သူမ သက်ပြင်းမချဘဲ မနေနိုင်တော့ပေ။

​"ကံကောင်းလို့..."

​"အဲဒီ ဘက်က ချန်မျိုးနွယ်စု နေရာ မဟုတ်တာ ငါ မှတ်မိတယ်"

​ချင်းကျောက် မျက်မှောင်ကြုတ်လိုက်၏။ "ဒီချင်းဟယ် ခရိုင်ထဲမှာ ချန်ချန်ရွှယ် အပြင် တခြား ကျင့်ကြံသူတွေ တကယ် ရှိနေတာလား"

​သူမ မသိချေ.. ချန်ချန်ရွှယ်က ဝိညာဉ်ဓားဂိုဏ်းကို ပြန်သွားတာ ကြာလေပြီ။

​တစ်ချိန်တည်းမှာပင် ချင်းကျောက်ကို ရက်ပေါင်းများစွာ ရှာဖွေခဲ့ပြီး ဘာရလဒ်မှ မရခဲ့တဲ့ ကျင်းရှင်း နန်းတော်က ကံဆိုးတဲ့ လူ (၃) ယောက်လည်း မယုံကြည်နိုင်တဲ့ အကြည့်နဲ့ တစ်ဖက်ကို လှမ်းကြည့်လိုက်ကြ၏။

​"အဲဒါ... တာအိုရောင်းရင်းပိုင် နေတဲ့နေရာ မဟုတ်လား... တာအိုရောင်းရင်းပိုင် အခြေတည်အဆင့်ကို ချိုးဖျက်ဝင်ရောက်သွားတာ ဖြစ်နိုင်မလား"

​သူတို့ထဲက တစ်ယောက်က တုန်လှုပ်စွာ ရေရွတ်လိုက်သည်။

​"ဘယ်လိုလုပ် ဖြစ်နိုင်မှာလဲ..." နောက်တစ်ယောက်က ပြန်ချေပလိုက်သည်။ "ဖြစ်နိုင်တာက တာအိုရောင်းရင်းပိုင်နဲ့ သိပ်ရင်းနှီးတဲ့ မသေမျိုးကျင့်ကြံသူ တစ်ယောက် ဖြစ်မယ်...  ဘာပဲဖြစ်ဖြစ် ငါတို့ အရင်တုန်းက တာအိုရောင်းရင်းပိုင်နဲ့ တွေ့တုန်းက သူက ချီစုစည်းမှု အဆင့်ပဲ ရှိသေးတာလေ... ဟုတ်တယ်မလား"

​နောက်ဆုံးလူက စိတ်ပျက်လက်ပျက် ပြောလိုက်၏။ "ဒီအဓိပ္ပာယ် မရှိတာတွေကို လျစ်လျူရှုထားလို့ ရမလား... အကယ်၍ ငါတို့ ဂျူနီယာ ညီမလေးကို အမြန် မရှာတွေ့ရင် ပြန်ရောက်တဲ့အခါ အပြစ်ပေးခံရတော့မှာ"

​ဒါ့အပြင် လေလွင့်ကျင့်ကြံသူ တချို့နဲ့ ချင်းဟယ် ခရိုင်ကို ဖြတ်သန်းသွားတဲ့ မသေမျိုးကျင့်ကြံသူ တချို့ဟာလည်း ဒီအဆင့်ချိုးဖျက်တဲ့ ဖြစ်စဉ်ကို သတိပြုမိခဲ့ကြသည်။

​"လွန်ခဲ့တဲ့ ရက်ပိုင်းကမှ အခြေတည်အဆင့် ကျင့်ကြံသူ တစ်ယောက် အဆင့်ချိုးဖျက်သွားတာ... ဒီနေ့ လည်း နောက်ထပ် အခြေတည်အဆင့် ကျင့်ကြံသူ တစ်ယောက် ထပ်ပြီး အဆင့်ချိုးဖျက်ပြန်ပြီလား... ချင်းဟယ် ခရိုင်က တကယ့်ကို ကျားနဲ့ နဂါးတွေ ပြည့်နေပါလား.."

​"ဘယ် စီနီယာက အဆင့်ချိုးဖျက်ဖို့ ကြိုးစားနေတာလဲ"

​"ချင်းဟယ် ခရိုင်မှာ နောက်ထပ် အခြေတည်အဆင့် ကျင့်ကြံသူ တစ်ယောက် ရှိနေတာလား"

​"ရှူး.."

​"..."

​ပိုင်ယီ အပြင်ဘက်က ဆူညံသံတွေကို မသိခဲ့ပေ။ သူက အခြေတည်အဆင့် (၂) ကို အောင်မြင်စွာ ချိုးဖျက်ဝင်ရောက်နိုင်ခဲ့ပြီ ဖြစ်ပြီး သူ့ရဲ့ ဝိညာဉ်စွမ်းအင်တွေက သူ့ရဲ့ ဒန်ထျန်ထဲမှာ အရည်သဏ္ဍာန် ပြောင်းလဲသွားခဲ့ပြီး ဒါက သိပ်မှော်ဆန်တယ်လို့ ခံစားရတဲ့ အပြောင်းအလဲ တစ်ခုပင်။

​ယုတ္တိနည်းကျကျ ပြောရရင် ဝိညာဉ်စွမ်းအင် ဆိုတာ မမြင်ရချေ။ ဒါပေမဲ့ အခြေတည်အဆင့်ကို ချိုးဖျက်ဝင်ရောက်ပြီး အခြေတည်အဆင့် (၂) ထဲ ခြေလှမ်းဝင်ရောက်လိုက်တဲ့အခါ တွေ့ရှိလိုက်သည်က...

​ဝိညာဉ်စွမ်းအင်က မမြင်ရတဲ့ အခြေအနေကနေ ကိုင်တွယ်ထိတွေ့လို့ ရတဲ့အခြေအနေ ပြောင်းသွားတယ်ဆိုတာပင်။

​ဒါ့အပြင် ဆက်တိုက် အဆင့်ချိုးဖျက်မှုတွေကြောင့် ဝိညာဉ်စွမ်းအင် ကုန်ခမ်းမသွားဘူးလို့ သူ ခံစားနေခဲ့ရသည်။

​ဆန့်ကျင်ဘက် အနေနဲ့ ဝိညာဉ်စွမ်းအင်က ပေါကြွယ်ဝနေတုန်းဖြစ်ကာ သူဟာ နည်းနည်း ဖောင်းကားနေသလိုတောင် ခံစားရပြီး အဆင့်ချိုးဖျက်တဲ့ လုပ်ငန်းစဉ်ကို အဆုံးသတ်လို့ မရအောင် ဖြစ်နေခဲ့သည်။

​'အခြေတည်အဆင့် (၃)ဆက်ပြီး အဆင့်ချိုးဖျက်မယ်...'

​မွေးရာပါ ဝိညာဉ်ခန္ဓာက ချုပ်နှောင်မှုတွေကို ချိုးဖျက်ဖို့ ဝိညာဉ်စွမ်းအင် အများကြီး လိုအပ်ပေသည်။

​ထို့ကြောင့် အခြေတည်အဆင့် (၃) ဝိညာဉ်စွမ်းအင် တစ်စိတ်တစ်ပိုင်းက အဆင့်ချိုးဖျက်တဲ့ လုပ်ငန်းစဉ်မှာ ကုန်ဆုံးသွားခဲ့သည်။

​ဒါ့အပြင် စိတ်ချရအောင်လို့ ပိုင်ယီဟာ သူ အသုံးပြုလို့ ရမယ့် ပစ္စည်းတွေ အကုန် ထုတ်လိုက်၏။

​ဆေးလုံးတွေ... ဝိညာဉ်ကျောက်တုံးတွေ...ဝိညာဉ်စွမ်းအင် ဖြည့်တင်းပေးနိုင်တဲ့ ပစ္စည်းမျိုးစုံကို သူ့အိတ်ကပ်တွေထဲက ပြောင်အောင် နှိုက်ထုတ်လိုက်သည်။

​ဒီပစ္စည်းတွေ အားလုံးနီးပါးက ဆုလာဘ် တွက်ချက်မှုတွေကနေ ရထားတာဖြစ်ပြီး ချန်ချန်ရွှယ်ဆီက ရထားတဲ့ နှလုံးသား သန့်စင်ဆေး(၂) လုံးလည်း ပါလေသည်။

​ယခုအချိန်၌ ပိုင်ယီဟာ အရင်းအမြစ်တွေကို ချွေတာဖို့ စိတ်ကူးမရှိတာကြောင့် အကုန် သုံးပစ်လိုက်သည်။

​နောက်ခဏ၌ သူ့ခန္ဓာကိုယ်ထဲက ဝိညာဉ်စွမ်းအင်တွေဟာ နောက်ထပ် တိုးပွားလာခဲ့သည်။

​'ဘုန်း..'

​အခြေတည်အဆင့် (၃)...

​အခြေတည်အဆင့် (၃) ကို ချိုးဖျက်ဝင်ရောက်တဲ့ လှုပ်ရှားမှုက ပိုတောင် ကြီးမားလာပေသည်။ ခြံဝင်းတစ်ခုလုံး လေပြင်းမုန်တိုင်းရဲ့ ဖျက်စီးခြင်း ခံလိုက်ရသကဲ့သို့ အိမ်ခေါင်မိုးပေါ်က မရေမတွက်နိုင်တဲ့ အုတ်ကြွပ်ပြားတွေ လွင့်စင်ကုန်၏။

​အကယ်၍ ခြံဝင်းထဲက အိမ်သာ အကြမ်းမခံခဲ့ပါက ပိုင်ယီဟာ အိမ်ပြောင်းရလောက်ပေသည်။

​သူ ဘာမှ မတတ်နိုင်ချေ။

​အဘယ်ကြောင့်ဆိုသော် သူ့ခြံဝင်းမှာ အားဖြည့်ပေးမယ့် အစီအရင်တွေ မရှိပဲ ဒါက သာမန်လူတွေ နေထိုင်တဲ့ နေရာလေး တစ်ခုဖြစ်တာကြောင့်ပင်။

​အခြေတည်အဆင့် (၃) ကို ချိုးဖျက်ဝင်ရောက်တဲ့ နောက်ဆက်တွဲ ဂယက်ရိုက်ခတ်မှုကို ခံနိုင်ရည် ရှိတာ... ချီးကျူးစရာပင်။

​"ဟူး"

​သူ့ပါးစပ်ထဲကနေ ဝိညာဉ်စွမ်းအင်လေပူတစ်ချက်အား မှုတ်ထုတ်လိုက်ရာ ၎င်းက လျှပ်စီးလို ထက်မြက်တဲ့ ဓားတစ်လက်လို ပစ်လွှတ်လိုက်သလိုမျိုး မြေကြီးထဲ ချက်ချင်း နစ်ဝင်သွားကာ မြေကြီးပေါ်မှာ နက်ရှိုင်းတဲ့ စက်ဝိုင်းပုံ အပေါက်တစ်ပေါက် ချန်ထားခဲ့လေသည်။

​ပိုင်ယီရဲ့ ကိုယ်ပေါ်က ဝိညာဉ်စွမ်းအင်တွေက မပြတ်မလပ် လှိုင်းထနေခဲ့ပြီး သူ့ပတ်ဝန်းကျင်က လေထုက တွန့်လိမ်ပြီး အတက်အကျ ဖြစ်နေခဲ့သည်။

​ထို့ကြောင့် သူဟာ ဆယ်စက္ကန့်ကျော်လောက် တိတ်ဆိတ်နေလိုက်၏...

​ထို့နောက် သူ့တစ်ကိုယ်လုံးက ကြီးမားတဲ့ အရှိန်အဝါတွေကို ပြန်လည် ရုပ်သိမ်းလိုက်သည်။

​အရာအားလုံး တည်ငြိမ်သွားပြီး အရာအားလုံး တိတ်ဆိတ်သွားသည်။

​နောက်ခဏ၌ ပိုင်ယီဟာ ဖြည်းဖြည်းချင်း မျက်လုံး ဖွင့်လိုက်ရာ ဒီအချိန်မှာ သူ မြင်ရတဲ့ အရာအားလုံးက အတိတ်ကနဲ့ မတူတော့ဘူးလို့ ခံစားလိုက်ရကာ ချီစုစည်းမှု အဆင့်နဲ့ မတူတဲ့ ထူးခြားတဲ့ ရှုထောင့်တစ်ခု ရှိလာခဲ့သည်။

​သူ့ရဲ့ နတ်ဘုရားအာရုံကိုတောင် ခံစားလို့ ရနေပြီး မီတာ အနည်းငယ် အတွင်းက အရာအားလုံးကို စူးစမ်းဖို့ သူ့ရဲ့ နတ်ဘုရားအာရုံကို အသုံးပြုလို့ ရနေပေပြီ။

​၎င်းက ဂိမ်းကစားရာ၌ မြေပုံတစ်ခုလုံးကို အပေါ်စီးမှ မြင်နေရသလို ခံစားချက်ပင်။

​"ဝမ်းနည်းစရာ ကောင်းတာက ရွှေအမြုတေ အဆင့် မဟုတ်သေးသာပဲ... အဲဒါအဆင့်သာဆိုရင်တော့ စောက်ရမ်း ကြမ်းလောက်တယ်..." ပိုင်ယီဟာ ရေရွတ်လိုက်၏။

​...