အခန်း ၁၉၄ : ဖူရွှမ်နီ၏ သားရဲဂန်းစတားဂိုဏ်း
[အသက် ၁ နှစ်၊ မိစ္ဆာသားရဲ၏ ခန္ဓာကိုယ်ကို အသုံးပြုပြီး ကောင်းကင်နှင့်မြေကြီး ဝိညာဉ်စွမ်းအင်များကို အလိုအလျောက် ရှူသွင်း ရှူထုတ်လုပ်ခြင်းအပြင် သင်သည် သင်၏ စိတ်အခြေအနေနှင့် စိတ်ဆန္ဒကိုပါ စတင်လေ့ကျင့်ခဲ့သည်။]
[ဒီတစ်ကြိမ် သင်၏ ကြိုးစားအားထုတ်မှုများက အလဟဿ မဖြစ်ခဲ့ပေ။ ပြီးခဲ့သည့် အကြိမ်ကထက် တစ်နှစ်စော၍ ပျံသန်းတတ်ရန် သင်ယူနိုင်ခဲ့သည်။]
[သင်၏ မှတ်ဉာဏ်များထဲမှ ဝိညာဉ်ဆေးပင်အချို့ကို သင် ကြိုတင်ရှာဖွေတွေ့ရှိခဲ့သည်။ ဝိညာဉ်ဆေးပင်များကို စားသုံးပြီးနောက် သင်၏ရုပ်ပိုင်းဆိုင်ရာ ခန္ဓာကိုယ်က ပိုမို သန်မာလာခဲ့သည်။]
[အသက် ၂ နှစ်၊ ဝိညာဉ်ဆေးပင် အမြောက်အမြားကို စားသုံးခြင်းဖြင့် သင်ဟာ ချီသန့်စင်ခြင်းအဆင့်(၁) သို့ ရောက်ရှိသွားခဲ့သည်]
"ဟူး" လမင်းကျီးကန်းတစ်ကောင်အဖြစ် ပြောင်းလဲသွားသည့် ဖူရွှမ်နီဟာ ပျော်ရွှင်စွာ အော်ဟစ်လိုက်သည်။ "ဝိညာဉ်ဆေးပင် ဒါဇင်နဲ့ချီ စားပြီးနောက် မိစ္ဆာသားရဲရဲ့ခန္ဓာကိုယ်က ပိုပြီး ခိုင်ခံ့နေလို့ တော်သေးတယ်။ အကယ်၍ သာမန်လူတစ်ယောက်ကသာ ငါ့လို ဝိညာဉ်ဆေးပင်တွေကို မဆင်မခြင်စားလိုက်ရင် ပေါက်ကွဲပြီး သေသွားတာကြာလောက်ပြီ။"
"ငါ စွန့်စားရတာ တန်ပါတယ်။ ဒီဝိညာဉ် ဆေးပင်တွေရဲ့ အထောက်အပံ့နဲ့ ငါချီသန့်စင်ခြင်းအဆင့် (၁)ကို တိုက်ရိုက် ဝင်ရောက်နိုင်ခဲ့တယ်... ကံဆိုးတာက... ကျင့်ကြံမှုကို အတင်းအဓမ္မတိုးတက်အောင် ဝိညာဉ် ဆေးပင်တွေကို အသုံးပြုတာက သိပ်ပြီးမတည်ငြိမ်ဘူး။"
ဖူရွှမ်နီဟာ သူမ၏ခန္ဓာကိုယ်ထဲမှ ဝိညာဉ်စွမ်းအင်များကို ခံစားကြည့်လိုက်သည်။ သူမ၏ ဝိညာဉ်စွမ်းအင်က သာမန်ချီသန့်စင်ခြင်းအဆင့် (၁) ထက် များစွာ နည်းပါးနေကြောင်း သူမတွေ့ရှိလိုက်ရသည်။
၎င်းက ချီသန့်စင်ခြင်းအဆင့် (၁) ကျင့်ကြံသူ တစ်ယောက်၏ တစ်ဝက်ခန့်သာ ရှိလေသည်။
ဆိုလိုသည်မှာ သူမ၏ လက်ရှိအဆင့်ကို ခိုင်မာစေရန် သူမအချိန်အများကြီး ဖြုန်းရန်လိုအပ်သည် ဟူ၍ပင်။
သို့မဟုတ်ပါက သူမ၏ အဆင့်က နောက်ပြန်ဆုတ်သွားပြီး ကျင့်ကြံမှုမရှိသည့် လမင်းကျီးကန်းတစ်ကောင်ပြန်ဖြစ်သွားပေလိမ့်မည်။
[အသက် ၃ နှစ်၊ သင်သည် မှတ်ဉာဏ်အတိုင်း ဝိညာဉ် ဆေးပင်အများအပြားကို ရှာဖွေနိုင်ခဲ့ပြီး သင်၏ လက်ရှိ ကျင့်ကြံမှုကို တည်ငြိမ်စေရန် ကြိုးစားခဲ့သည်။]
[သင်သည် ချီသန့်စင်ခြင်းအဆင့် (၁) တွင် ရှိသည့် ကျားမိစ္ဆာတစ်ကောင်ကို အနိုင်ယူခဲ့ပြီး သင်၏ ပထမဆုံး နောက်လိုက်အဖြစ် လက်ခံခဲ့သည်။]
......
[ထိုကျားမိစ္ဆာက လခြားတစ်ကြိမ် သင့်ထံ ဝိညာဉ် ဆေးပင်တစ်ပင် လာရောက် ပေးအပ်ခဲ့သည်။]
[သင်သည် ချီသန့်စင်ခြင်းအဆင့်သို့ ဝင်ရောက်လုနီးပါး ဖြစ်နေသည့် တောဝက်တစ်ကောင်ကို အနိုင်ယူခဲ့ပြီး ၎င်းအား လမ်းညွှန်မှုအချို့ ပေးခဲ့သည်။ တောဝက်ဟာ ချီသန့်စင်ခြင်းအဆင့် (၁)သို့ အောင်မြင်စွာ အဆင့်ချိုးဖျက် ဝင်ရောက်နိုင်ခဲ့ပြီး သင်၏လမ်းညွှန်မှုများအတွက် အလွန် ကျေးဇူးတင်ခဲ့သည်။]
[တစ်ဖက်လူက သင်၏နံပါတ် (၂) လက်အောက်ငယ်သားဖြစ်လာခဲ့သည်။]
[ရွှေအမြုတေမိစ္ဆာ၏အလောင်းဟာ နောက်ဆုံးတွင် ကောင်းကင်မှ ဆင်းသက်လာခဲ့သည်။ ဒီတစ်ကြိမ် သင်ဟာ ရွှေအမြုတေမိစ္ဆာ၏ အလောင်းက ယူဆောင်လာသညိ့ အမွေအနှစ်ကို မျှဝေခံစားရန် လက်အောက်ငယ်သားနှစ်ကောင်ကို ခေါ်ဆောင်လာခဲ့ပြီး သင်ဟာ ချီသန့်စင်ခြင်းအဆင့် (၄)သို့ တစ်ရှိန်ထိုး အဆင့်ချိုးဖျက် ဝင်ရောက်နိုင်ခဲ့သည်]
[ကျားမိစ္ဆာသည် ချီသန့်စင်ခြင်းအဆင့် (၃)သို့ အဆင့်ချိုးဖျက် ဝင်ရောက်နိုင်ခဲ့သည်]
[ဝက်မိစ္ဆာသည် ချီသန့်စင်ခြင်းအဆင့် (၂)သို့ အဆင့်ချိုးဖျက် ဝင်ရောက်နိုင်ခဲ့သည်]
[သင်တို့ သုံးဦးဟာ ဒါဇင်နှင့်ချီသည့် ကီလိုမီတာ အချင်းဝက်အတွင်းရှိ အနိုင်ကျင့် ဗိုလ်ကျသူသုံးဦး ဖြစ်လာခဲ့သည်။ အခြားနေရာများမှ မိစ္ဆာသားရဲများပင်လျှင် ဤနယ်မြေက သင်၏ နယ်မြေဖြစ်လာကြောင်း သိရှိကြပေသည်။]
[သင်သည် မိစ္ဆာသားရဲအနည်းငယ်ကို ထပ်မံအနိုင်ယူ သိမ်းသွင်းနိုင်ခဲ့ပြီး သင်၏ရာဇဝတ်ဂိုဏ်းက ပုံစံပေါ်လာခဲ့သည်။]
[ရွှေအမြုတေမိစ္ဆာ၏အလောင်းကို အသုံးပြုပြီး သင်၏ ရာဇဝတ်ဂိုဏ်း၏ ခွန်အားကို လျင်မြန်စွာ တိုးတက်လာစေခဲ့သည်]
[အသက် ၄ နှစ်၊ သင်သည် ဒေသတစ်ခု၏ အုပ်စိုးရှင် ဖြစ်လာခဲ့သည်။ သင်၏ ကွပ်ကဲမှုအောက်တွင် မိစ္ဆာသားရဲလက်အောက်ငယ်သား (၂၀)ကျော် ရှိနေပြီ ဖြစ်သည်။ တစ်ချိန်တည်းမှာပင် ဤမိစ္ဆာသားရဲ အများအပြားဟာ ပြီးခဲ့သည့်အကြိမ် မသေမျိုးကျင့်ကြံသူအဖြစ် သရုပ်ဖော်ခဲ့စဉ်က သင်နှင့်အတူ ရှိခဲ့သူများဖြစ်ကြသည်။ သင်ဟာ ပြီးခဲ့သည့် မသေမျိုးကျင့်ကြံခြင်း သရုပ်ဖော်စီမံခန့်ခွဲမှုကဲ့သို့ပင် သင်၏ ကိုယ်ပိုင်ရာဇဝတ်ဂိုဏ်းကို စီမံခန့်ခွဲနေဆဲဖြစ်သည်။]
[သင်သည် တောင်တန်း၏ ဘုရင်ဖြစ်လာခဲ့သည်]
"ဒီတစ်ကြိမ်ဖွံ့ဖြိုးတိုးတက်မှုအမြန်နှုန်းက ပြီးခဲ့တဲ့ မသေမျိုးကျင့်ကြံခြင်း သရုပ်ဖော်မှုထက် အဆပေါင်းများစွာ ပိုမြန်နေတယ်..." ဖူရွှမ်နီ ဝိညာဉ်ဆေးပင် တစ်ပင်ကို ဝါးစားလိုက်သည်။ "ဒါအပြင်ကြောင့် ငါ ပတ်ဝန်းကျင်ဧရိယာက အရင်းအမြစ်တွေကို နီးပါးလောက် ပြောင်သလင်းခါအောင်လုပ်ပစ်လိုက်ပြီ။"
သူမ၏ နယ်မြေတွင် ဘာအကျိုးအမြတ် မရှိတော့ပေ။
သဘာဝကျစွာပင် ရေရှည်တည်တံ့အောင် ဖွံ့ဖြိုးတိုးတက်မည့် နည်းလမ်းတစ်ခုကို သူမ စဉ်းစားရပေမည်။
ဖူရွှမ်နီဟာ သူမ၏မိစ္ဆာသားရဲလက်အောက်ငယ်သားများကို ဝိညာဉ်စွမ်းအင် ပေါကြွယ်ဝသည့် နေရာတစ်ခုအား ပြုပြင်မွမ်းမံရန်နှင့် ဝိညာဉ်ဆေးပင်များ စိုက်ပျိုးရန် ဝိညာဉ်လယ်ကွင်းတစ်ခုအဖြစ် သတ်မှတ်ရန် အမိန့်ပေးခဲ့သည်။
မိစ္ဆာသားရဲတစ်စုဟာ ဝိညာဉ်ဆေးပင်များကို ဂရုတစိုက်စိုက်ပျိုးနေခြင်းက အလွန်ထူးဆန်းလှပေသည်။
သို့သော် ဖူရွှမ်နီ၏ကွပ်ကဲမှုအောက်တွင် ဤအလွန် ထူးဆန်းသညိ့ မြင်ကွင်းက အမှန်တကယ် ဖြစ်ပေါ်လာခဲ့လေသည်။
မိစ္ဆာသားရဲအသိုင်းအဝိုင်းတွင် လက်သီးပိုကြီးသူ၏ စကားက အရာရောက်ပေသည်။
ဤဧရိယာအတွင်းရှိ မိစ္ဆာသားရဲအားလုံးအနက် ဖူရွှမ်နီက ကျင့်ကြံမှုအမြင့်ဆုံးသူဖြစ်သည်။
တစ်ချိန်တည်းမှာပင် သူမက သူတို့၏ သူဌေး ဖြစ်ကြောင်း သူမ၏လက်အောက်ငယ်သားများထံ နေ့စဉ်နေ့တိုင်း အုံးနှောက်ဆေးပေမည်။
ဤနည်းအားဖြင့် သူမ၏အုပ်ချုပ်မှုက အလွန် တည်ငြိမ်သည်ဟု ဆိုနိုင်ပေသည်။
ထို့အပြင် သူမ၏အာဏာကို မည်သည့်မိစ္ဆာသားရဲ တစ်ကောင်မှ စိန်မခေါ်ရဲပေ။
သူမဟာ မိစ္ဆာသားရဲများကို ဝိညာဉ်ဆေးပင်များ စိုက်ပျိုးခိုင်းလိုက်သည်နှင့် မိစ္ဆာသားရဲများက သူမ ပြောသည့်အတိုင်း လုပ်ဆောင်ကြပြီး မိစ္ဆာသားရဲများကို အိမ်အနည်းငယ် ဆောက်ခိုင်းသည့်အခါ မိစ္ဆာသားရဲများက သူမပြောသည့်အတိုင်း လုပ်ဆောင်ခဲ့ကြသည်။
သူမက မိစ္ဆာသားရဲများကို စာနည်းနည်း ဖတ်ခိုင်းလျှင်ပင် သူတို့က သူမပြောသည့်အတိုင်း လုပ်ဆောင်ကြဆဲဖြစ်သည်။
ဤကဲ့သို့ သစ္စာရှိသည့် လက်အောက်ငယ်သားတစ်စုက ဖူရွှမ်နီကို အလွန်စိတ်လှုပ်ရှားသွားစေခဲ့သည်။
သူတို့က အနည်းငယ်တုံးအလျှင်ပင် လုံလောက်သည့် သစ္စာရှိမှုနှင့်နာခံမှုဖြင့် သူတို့၏အားနည်းချက်များကို ဖုံးကွယ်ပေးရန် လုံလောက်ပေသည်။
ထို့အပြင် ဖူရွှမ်နီဟာ မိစ္ဆာသားရဲများကို ပြုစုပျိုးထောင်ရ လွယ်ကူသည့် ဝိညာဉ်ဆေးပင် အချို့ကိုသာ စိုက်ပျိုးခိုင်းခြင်း မဟုတ်ပေ။ သူမ၏ နယ်မြေတွင် အရင်းအမြစ်များ ကုန်ခမ်းလာသည့်အခါ သူမဟာ အခြားမိစ္ဆာသားရဲများ၏ နယ်မြေများကို မျက်စိကျလာခဲ့သည်။
သူမက အခြားမိစ္ဆာသားရဲများနှင့် မတူပေ။ အခြား မိစ္ဆာသားရဲများက ကြီးမားသည့် နယ်မြေတစ်ခုကို ပိုင်ဆိုင်ထားစဉ် တစ်ကောင်တည်း နေထိုင်တတ်ကြလေသည်။
ဤကဲ့သို့သော အခြေအနေမျိုးတွင် ထိုမိစ္ဆာသားရဲများက အခြေခံအားဖြင့် ကျင့်ကြံခြင်းအရင်းအမြစ်များ ပြတ်လပ်သည့် ပြဿနာမရှိကြပေ။
သို့သော် ဖူရွှမ်နီက လက်အောက်ငယ်သား အုပ်စုကြီး တစ်ခုကို ကျွေးမွေးရမည်ဖြစ်ပြီး အရင်းအမြစ်သုံးစွဲမှုနှုန်းထားက အလွန်မြန်ဆန်လွန်းလှပေသည်။
အလွန်မြန်ဆန်လွန်းသဖြင့် သူမဟာ နယ်မြေအတွက် တိုက်ခိုက်ရန် သူမ၏ ချွန်ထက်သည့် လက်သည်းများကို ထုတ်ဖော်ပြသရုံမှလွဲ၍ ရွေးချယ်စရာမရှိတော့ပေ။
[အသက် ၅ နှစ်၊ သင်သည် သင်၏ရာဇဝတ်ဂိုဏ်းကို ဦးဆောင်ကာ ကိုယ်ကျင့်တရားမရှိဘဲ စွမ်းအားကြီးမားသည့် မိစ္ဆာသားရဲဒါဇင်ကျော်ကို ဝိုင်းဝန်း တိုက်ခိုက်ခဲ့ပြီး သူတို့၏နယ်မြေကို အတင်းအဓမ္မ သိမ်းယူခဲ့သည်။ သင့်ထံလက်နက်ချလိုသူများကို လက်ခံခဲ့ပြီး သင့်ထံလက်နက်ချရန် ဆန္ဒမရှိသူများကိုမူ ချက်ချင်းပင် ဆီပူအိုးထဲ ထည့်ကြော်ပစ်လိုက်သည်။]
[အသက် ၇ နှစ်၊ သင်သည် မိုင် (၂၀၀)အချင်းဝက် အတွင်းရှိ မိစ္ဆာများကို အနိုင်ယူခဲ့သည်။ မိစ္ဆာသားရဲ အသိုင်းအဝိုင်းတွင် သင်၏ဂုဏ်သတင်းက အလွန် ကြီးမားလာခဲ့သည်။ အမြဲတမ်း အနိုင်ကျင့်ခံနေရသည့် အားနည်းသော မိစ္ဆာသားရဲအချို့ဟာ သင့်ထံ လက်နက်ချရန် ရောက်ရှိလာကြသည်။]
[သင်၏ရာဇဝတ်ဂိုဏ်း၌ မိစ္ဆာသားရဲ (၁၀၀)ကို ကျော်လွန်သွားပြီဖြစ်သည်။ သင်၏ ရာဇဝတ်ဂိုဏ်းသည် ဂန်းစတားဂိုဏ်းသဘာဝ ရှိသည့် တက်ကြွသည့် လူမှုရေး အဖွဲ့အစည်းတစ်ခုဖြစ်လာခဲ့သည်။]
[ခင်မင်ရင်းနှီးသည့် သတိပေးချက် : ငါးမျှားတဲ့ အခါ ဦးထုပ်ဆောင်းဖို့ သတိရပါ။]
"ဘာလို့ ငါးမျှားတဲ့အခါ ဦးထုပ်ဆောင်းဖို့လိုတာလဲ"
ဖူရွှမ်နီ သရုပ်ဖော်စနစ်ထဲမှ သတိပေးချက်ကို ကြည့်ပြီး နားမလည်နိုင်အောင် ဖြစ်နေရသည်။
ထို့အပြင် သူမအားထုတ်မှုအများအပြား အသုံးပြုပြီး ဖွဲ့စည်းထားသည့် ဤမိစ္ဆာသားရဲအဖွဲ့ကို သရုပ်ဖော် စနစ်က ဂန်းစတားဂိုဏ်းလို့ ခေါ်နေခဲ့သည်။
'တကယ် ထူးဆန်းတဲ့ နာမည်ပဲ...'
[အသက် ၈ နှစ်၊ အဖွဲ့ ကြီးထွားလာသည်နှင့်အမျှ နယ်မြေချဲ့ထွင်ရန် အခြားမိစ္ဆာသားရဲများကို တိုက်ခိုက်ခြင်းက လက်အောက်ငယ်သားတစ်စုကို ကျွေးမွေးရန် မလုံလောက်တော့ကြောင်း သင် သဘောပေါက်လာခဲ့သည်။ ဤပြဿနာကို ဖြေရှင်းရန် နည်းလမ်းတစ်ခုကို သင် စတင်စဉ်းစားလာခဲ့သည်။]
[တစ်လကြာပြီးနောက် သင်၏ကွပ်ကဲမှု အောက်ရှိ မိစ္ဆာသားရဲများဟာ လူသားကျင့်ကြံသူတစ်ဦးကို အရှင်လတ်လတ် ဖမ်းဆီးနိုင်ခဲ့သည်။]
[ ... ]
"သူတို့က နေမင်းဂိုဏ်းက မဟုတ်ဘူးလား" ဖူရွှမ်နီ ထိုကျင့်ကြံသူ၏ သိုလှောင်အိတ်ကို အတွင်းအပြင် ပြောင်းပြန်လှန်မတတ် ရှာဖွေလိုက်သည်။ တစ်ဖက်လူက နေမင်းဂိုဏ်းမှ ဂိုဏ်းသားတစ်ဦး မဟုတ်ကြောင်း တွေ့ရှိလိုက်ရသဖြင့် သူမ အံ့အားသင့်သွားရသည်။
သို့သော် သူက ချီသန့်စင်ခြင်းအဆင့် (၂)ကျင့်ကြံသူ တစ်ဦးဖြစ်ပေမဲ့ သိုလှောင်အိတ်တစ်လုံး ရှိနေခဲ့သည်။
သိုလှောင်အိတ်များက အဆင့်နိမ့်ကျင့်ကြံသူများ အတွက် အလွန်ရှားပါးသည့် ပစ္စည်းများဖြစ်ကြသည်။
ထို့နောက် သူမဟာ သိုလှောင်အိတ်ထဲမှ ကျောက်စိမ်း ဆွဲကြိုးတစ်ခုကို ထုတ်ယူလိုက်သည်။
"အမ်"
ကျောက်စိမ်းဆွဲကြိုးပေါ်ရှိ စာလုံးကိုကြည့်ပြီး ဖူရွှမ်နီ ချက်ချင်း လေးနက်သည့်အတွေးထဲသို့ ကျရောက်သွားသည်။
ဤလူက ကျင့်ကြံခြင်းမျိုးနွယ်စုတစ်ခုမှ ကျင့်ကြံသူ တစ်ဦး ဖြစ်ပုံရပေသည်။
...