အခန်း ၁၉၁ : မိစ္ဆာထက်ကြောက်စရာကောင်းသည့် ဖူရွှမ်နီ
"အဟွတ်... အဟွတ် အဟွတ်"
လူ့သဏ္ဍာန်ပျောက်နေပြီဖြစ်သည့် မြင့်မြတ်သော နှလုံးသားနန်းတော်မှ မိစ္ဆာကျင့်ကြံသူသည် အေးစက်စက် ပြုံးလိုက်၏။
သူ၏သွေးများစီးကျနေသည်ကို လွှတ်ထားလိုက်ပြီး ဤဒဏ်ရာက သူ့ကို သေစေရန်မလုံလောက်သေးပေ။
သူ အေးစက်စွာ ပြောလိုက်၏။ "ငါက မြင့်မြတ်သော နှလုံးသားနန်းတော်မှာကြီးပြင်းလာတာ၊ ငါ့ကို ဒီအရာတွေ အားလုံး ပိုင်ဆိုင်ခွင့် ပေးခဲ့တာကလည်း မြင့်မြတ်သောနှလုံးသားနန်းတော်ပဲ။ အခု စကားလုံး အနည်းငယ်နဲ့ နှိပ်စက်ညှဉ်းပန်းမှု အနည်းငယ်လောက်နဲ့ မင်းက ငါ့ကိုမြင့်မြတ်သောနှလုံးသားနန်းတော်ကို သစ္စာဖောက်စေချင်တာလား"
သွေးတစ်လုပ်ထွေးထုတ်ပြီးနောက် အေးစက်သည့်မျက်လုံးတစ်စုံဖြင့် ဖူရွှမ်နီကို စိုက်ကြည့်လိုက်ပြီး ပြောလိုက်သည်။ "နေ့ခင်းကြောင်တောင် အိပ်မက်မက်နေတာ ရပ်လိုက်တော့ကွ"
"ငါသေသွားရင်တောင် မြင့်မြတ်သောနှလုံးသား နန်းတော်က သခင်ကြီးတွေက ငါ့ကိုသတိရနေကြလိမ့်မယ်။ ငါ့ရဲ့ သစ္စာရှိမှုကို သူတို့သိကြလိမ့်မယ်"
"ငါက မြင့်မြတ်သောနှလုံးသားနန်းတော်ကို ဘယ်တော့မှ သစ္စာဖောက်မှာ မဟုတ်ဘူး"
"ထွီ.."
စိတ်ပိုင်းဆိုင်ရာပြဿနာရှိနေသည့် မိစ္ဆာ ကျင့်ကြံသူ တစ်ဦးက မြင့်မြတ်သောနှလုံးသားနန်းတော်အပေါ် ဤမျှ သစ္စာရှိနေသည်ကို ဖူရွှမ်နီ နားမလည်နိုင်အောင် ဖြစ်နေမိပေသည်။
မိစ္ဆာတစ်ကောင်က ဤမျှဖြောင့်မတ်မှန်ကန်နေသည် ဆိုတာက ယုံရခက်လှပေသည်။
မသိသောသူများဆိုပါက ဒီကောင်က ဖြောင့်မတ်ဂိုဏ်းမှကျင့်ကြံသူဟု ထင်မိကြပေလိမ့်မည်။
ဖြစ်နိုင်တာက မြင့်မြတ်သောနှလုံးသားနန်းတော်တွင် လူတစ်ယောက်၏ အတွေးများကို ပြောင်းလဲပစ်နိုင်သည့် ကျင့်ကြံခြင်းနည်းစနစ်တစ်မျိုးမျိုး ရှိနေပဲရလေသည်......
......
'သူတို့ရဲ့ တပည့်တွေကို မြင့်မြတ်သောနှလုံးသား နန်းတော်အပေါ် သစ္စာရှိအောင်လုပ်နိုင်တဲ့ နည်းစနစ် တစ်ခု သူတို့မှာ ရှိနေတာလား။
သူမ ခေါင်းခါလိုက်၏။
"သူက မြင့်မြတ်သေ နှလုံးသားနန်းတော်အပေါ် ဒီလောက် သစ္စာရှိပြီး အဲဒီ မိစ္ဆာဂိုဏ်းကို လေးစားနေမှတော့..." သူမက ပြည်နယ် အစိုးရ အရာရှိကို ပြောလိုက်သည်။ "သွားပြီး မိတ်လိုက်ချင်နေတဲ့ သားရဲ တချို့ကို သွားရှာချေ။ မှတ်ထား အထီးတွေဖြစ်ရမယ်။ ပြီးရင် ဒီကောင့်ရဲ့ အဝတ်အစားတွေကို ချွတ်ပြီး သူ့ဖင်ကို သန့်ရှင်းအောင်ဆေးကြောပေးလိုက်။ ပြီးရင် အဲဒီသားရဲတွေကို သူနဲ့အတူ အချိန်တစ်ခုလောက် အတူတူ နေခိုင်းလိုက်"
"မှတ်ထား အရာအားလုံးကို ကျောက်စိမ်းပြားအသုံးပြုပြီး မှတ်တမ်းတင်ထားပါ။"
သူမ တည်ငြိမ်စွာ ပြောလိုက်၏။ "ပြီးတော့ ဒီမှတ်တမ်းကို ယွမ်ယင်းခရိုင်ထဲက လူတိုင်းကို ပြလိုက်ပါ"
ဖူရွှမ်နီဟာ အတည်ငြိမ်ဆုံးလေသံကို အသုံးပြုပြီး အကြောက်မက်ဖွယ် အကောင်းဆုံးစကားလုံးများကို ပြောဆိုလိုက်ခြင်းဖြစ်သည်။
ပြည်နယ်အရာရှိပဲဖြစ်ဖြစ်၊ မြင့်မြတ်သောနှလုံးသား နန်းတော်မှ မိစ္ဆာ ကျင့်ကြံသူပဲ ဖြစ်ဖြစ်။
ဒီအချိန်မှာ သူတို့၏ မျက်လုံးတွေက ပြူးကျယ်သွားကြရသည်။
သူတို့ နှစ်ယောက်စလုံးဟာ ဖူရွှမ်နီကို ကြည့်ကာ တုန်လှုပ်မှုများ ပြည့်နှက်သွားကြရသည်။
ပြည်နယ်အရာရှိ အနေဖြင့် ဒီမင်းသမီးကို ပထမဆုံးအကြိမ်တွေ့ဆုံဖူးခြင်းဖြစ်သည်။ ထို့အပြင် မင်းသမီးက ဒီလိုစကားမျိုးပြောထွက်လိမ့်မယ်လို့ သူ မျှော်လင့်မထားခဲ့ပေ။
'ဒါ … ဒါက လွန်လွန်းတယ်မဟုတ်လား..'
အဲဒီမြင်ကွင်းကို တွေးကြည့်မိရုံနဲ့ အရာရှိဟာ ဖင်အောင့်သွားသလို ခံစားလိုက်ရ၏။
မင်းသမီး၏ နှလုံးသားကို ခွဲကြည့်လိုက်ရင် ဖြစ်နိုင်တာက ကတ္တရာစေးလိုမည်းနက်နေလိမ့်မယ်လို့ သူ ခံစားလိုက်ရသည်။
သူဟာ သူ့စိတ်သူ တည်ငြိမ်အောင် အစွမ်းကုန် ကြိုးစားလိုက်ပြီး ခေါင်းငြိမ့်လိုက်ကာ လေးလံသော ခြေလှမ်းများကို လှမ်းပြီး လှည့်ထွက်သွားခဲ့သည်။
သူ့၏ ကျောပြင်ကိုကြည့်ပြီး မြင့်မြတ်သော နှလုံးသား နန်းတော်မှ မိစ္ဆာကျင့်ကြံသူ၏ မျက်လုံးများ ပြူးကျယ်သွားရသည်။ သူဟာ ပြင်းပြင်းထန်ထန် အသက်ရှူနေပြီး သူ့ပါးစပ်မှထွက်ကျလာသည့် သွေးများနှင့် တံတွေးများကို ဂရုမစိုက်နိုင်တော့ဘဲ ဖူရွှမ်နီ သူ့ကို ပြောလိုက်သော စကားကိုသာ ဂရုစိုက်နေတော့ပေသည်။
"မင်း… မင်းဘာလုပ်ချင်တာလဲ။ မင်းက မဟာယန် မင်းဆက်ကလေ... ဒီလို လုပ်လို့မရဘူး"
"မင်း… မင်း ဒီလို လုပ်လို့ မရဘူးကွ"
"ငါ့ကို သတ်ချင်ရင် သတ်လိုက်လေ။ မင်းမှာ စွမ်းရည်ရှိရင် မင်းရဲ့ ဓားချက်တစ်ချက်တည်းနဲ့ ငါ့ကိုသတ်လိုက်စမ်းပါ"
"ယုတ်မာလိုက်တာ.....ယုတ်မာလိုက်တာ..."
"အရှက်မရှိလိုက်တာ...."
"အရှက်မရှိတဲ့ လူယုတ်မာ....."
"ပြန်လာခဲ့.....ဟေး....ပြန်လာခဲ့စမ်း"
မြင့်မြတ်သော နှလုံးသားနန်းတော်မှ မိစ္ဆာကျင့်ကြံသူသည် သူ့ခန္ဓာကိုယ်ပေါ်မှ ဒဏ်ရာများကို မေ့လျော့သွားပုံရလေသည်။ သူ၏ စိုးရိမ်တကြီးအော်ဟစ်သံက ကြားရသူများကို ဝမ်းနည်းစေပြီး မျက်ရည်ကျစေနိုင်လောက်ပေသည်။
နောက်ဆုံးတွင် ပြည်နယ်အရာရှိ၏ ကျောပြင်နှင့် ဖူရွှမ်နီ၏ကျောပြင်တို့ကို သူမြင်လိုက်ရသည့်အခါ သူတို့ နှစ်ယောက်စလုံး ရပ်တန့်သွားပြီး သူ့ကို ပြန်ကြည့်ရန် ဖြည်းညှင်းစွာလှည့်လာကြသည်။
မြင့်မြတ်သော နှလုံးသားနန်းတော်မှ မိစ္ဆာဟာ နောက်ဆုံးတွင် စိတ်သက်သာရာရစွာ သက်ပြင်းချလိုက်ပြီး သူ့မျက်နှာပေါ်တွင် ကြောက်ရွံ့မှုများ ပြည့်နှက်နေခဲ့သည်။
သူ သွားကိုစေ့ပြီး ဖူရွှမ်နီကို စိုက်ကြည့်လိုက်၏။ "ယုတ်မာတဲ့ မိန်းမ..."
"ညစ်ပတ်ပြီး အရှက်မရှိတဲ့ ယုတ်မာတဲ့မိန်းမ.... မင်းက ကျင့်ကြံသူဖြစ်ဖို့ မထိုက်တန်ဘူး"
"မထိုက်တန်ဘူးကွ"
မျက်တောင်မခတ်ဘဲ လူသတ်တတ်သည့် မိစ္ဆာတစ်ကောင်၏ ဝေဖန်မှုကို ခံလိုက်ရပေမယ့် ဖူရွှမ်နီဟာ လုံးဝ ဒေါသမထွက်ခဲ့ပေ။
သူမမျက်နှာပေါ်တွင် စိတ်ဝင်စားမှုများ ပြည့်နှက်နေသည့် မှိန်ဖျော့သည့် အပြုံးတစ်ခုသာ ရှိနေခဲ့သည်။
သူမ တိုးတိုးလေးပြောလိုက်သည်။ "တကယ်တော့ ငါက မင်းတောရိုင်းသားရဲတွေနဲ့ ကခုန်မယ့် အချိန်ကို မျှော်လင့်နေတာ။"
ဖူရွှမ်နီ၏အပြုံးက ပို၍ကျယ်ပြန့်လာခဲ့သည်။ "ဖြစ်နိုင်တာက ဒီကိစ္စကြောင့် မင်းရဲ့ဂုဏ်သတင်းက ကျင့်ကြံခြင်း လောကတစ်ခုလုံးကို ပျံ့နှံ့သွားလိမ့်မယ်။ ရှေးခေတ်ကတည်းက ပထမဆုံး လူသားတော့မဟုတ်ပေမယ့် ဒီလိုလုပ်တဲ့ ပထမဆုံး မြင့်မြတ်သောနှလုံးသား နန်းတော်က မိစ္ဆာကျင့်ကြံသူတော့ မင်းဖြစ်လာနိုင်တယ်"
ဖူရွှမ်နီဟာ ဤယုတ်မာပြီး ရိုင်းစိုင်းသည့် နည်းလမ်းကို စမ်းသပ်ကြည့်နေခြင်းသာဖြစ်သည်။
အကယ်၍ သူမကျရှုံးခဲ့လျှင် အခြားနည်းလမ်းမရှိတော့ပေ။ သူမ ဤမိစ္ဆာကျင့်ကြံသူကို ရှင်းပစ်ရုံသာ ရှိတော့ပေသည်။
သူမဟာ ပြီးခဲ့သည့်အကြိမ် မသေမျိုးကျင့်ကြံခြင်း သရုပ်ဖော်ခဲ့သောကြောင့် ဤနည်းလမ်းကို စဉ်းစားမိခြင်းဖြစ်သည်။
ဖူရွှမ်နီတွင် နေမင်းဂိုဏ်းမှ ကျင့်ကြံသူတစ်ဦး၏ ရှေ့မှောက်တွင် လူတွေကြည့်ရက်စရာမရှိသည့်အရာကို လုပ်ဆောင်ခဲ့သည့် လူဝံမိစ္ဆာသားရဲ လက်အောက်ငယ်သားတစ်ကောင် ရှိခဲ့ဖူးလေသည်။ ထိုအချိန်က ၎င်းက ဖူရွှမ်နီအတွက် မျက်စိပွင့်သွားစေသည့်အရာဖြစ်ခဲ့သည်။
ကျင့်ကြံသူတစ်ဦး၏ စိတ်ဆန္ဒက ဘယ်လောက်ပဲ ခိုင်မာပါစေ ဒီလိုအခြေအနေမျိုးနဲ့ ရင်ဆိုင်ရတဲ့အခါ သူတို့ရဲ့ မူဝါဒတွေကို စွန့်လွှတ်ပြီး သူတို့ရဲ့ သဘောထားကိုလျှော့ချတတ်ကြောင်း သူမကို သိစေချင်ခဲ့သည်။
ထို့ကြောင့် သူမနားလည်ခဲ့သည်။
အချိန်ကုန်ဆုံးသွားသည်နှင့်အမျှ ဖူရွှမ်နီဟာ ဤမြင့်မြတ်သောနှလုံးသားနန်းတော်မှ မိစ္ဆာကျင့်ကြံသူထံမှ သတင်းအချက်အလက်အများအပြားကို ရရှိခဲ့သည်။
တစ်ဖက်လူ ဘာမှမပြောနိုင်တော့သည့် အချိန်ကျမှသာ ဖူရွှမ်နီဟာ ဤမိစ္ဆာကျင့်ကြံသူကို မြန်မြန်ဆန်ဆန် သေဆုံးခွင့် ပေးလိုက်သည်။
နောက်ဆုံးတွင် ဖူရွှမ်နီ ရေရွတ်လိုက်သည်။ "မြင့်မြတ်သောနှလုံးသားနန်းတော်က မိစ္ဆာကျင့်ကြံသူကလည်း ခံနိုင်ရည်မရှိပါလား..."
ဒါကိုကြားလိုက်ရသည့်အခါ ပြည်နယ်အရာရှိရဲ့ ဆံပင်တွေ ထောင်ထသွားခဲ့ရလေသည်။
'ရှူး... ဖြစ်နိုင်တာ မင်းသမီးက ကံဆိုးတဲ့လူတစ်ယောက်ယောက်ကို ဒီလို ကြမ်းတမ်းနည်းလမ်းနဲ့ စမ်းသပ်ခဲ့ဖူးတာများလား....'
မြို့ဝန်က လေအေးတစ်ချက်ရှူသွင်းလိုက်ပြီး သူ့နဖူးပေါ်တွင် ချွေးစေးများထွက်လာခဲ့သည်။
သူ့မျက်လုံးထဲတွင် ဖူရွှမ်နီက မိစ္ဆာတစ်ကောင်မဟုတ်ပေမယ့် သူမက မိစ္ဆာတစ်ကောင်ထက်တောင် ပိုကြောက်စရာကောင်းနေပေသည်။
မြင့်မြတ်သောနှလုံးသားနန်းတော်မှ မိစ္ဆာကျင့်ကြံသူ တစ်ယောက်ကို ပြစ်မှားမိတာထက် သူညာ မင်းသမီးကို မပြစ်မှားမိသင့်ပေ။
ဒါမှမဟုတ်ရင်…
ဒီအကြောင်းတွေးရင်းနဲ့ ပြည်နယ်အရာရှိ တုန်လှုပ်သွားပြီး သူ့စိတ်ထဲက ကြောက်မက်ဖွယ် မြင်ကွင်းတွေကို အလျင်အမြန် ဖျောက်ဖျက်လိုက်၏။
ဒီအချိန်မှာ ဖူရွှမ်နီက ရုတ်တရက်ပြောလိုက်သည်။ "ဒီသတင်းအချက်အလက် အားလုံးကို စုစည်းလိုက် ပြီးတော့ ဘယ်သတင်းက မှန်ပြီး ဘယ်သတင်းက ဒီမိစ္ဆာ ကျင့်ကြံသူလုပ်ကြံပြောထားတာလဲဆိုတာ ဆုံးဖြတ်ဖို့ လူတချို့ ရှာလိုက်ပါ။ နောက်ဆုံးကျရင် ဒီသတင်းအချက်အလက်တွေ အပေါ် အခြေခံပြီး စုံစမ်းစစ်ဆေးမှုတွေ ဆက်တိုက်လုပ်ဆောင်ပါ။"
"မြင့်မြတ်သောနှလုံးသားနန်းတော်က ဒီစက်ဆုပ်ရွံရှာဖွယ်ကောင်းတဲ့ မိစ္ဆာကျင့်ကြံသူတွေကို တစ်ယောက်ပြီး တစ်ယောက်ရှင်းပစ်လိုက်..."
"ဟုတ်... ဟုတ်ကဲ့ပါ...."
အရာရှိ ပြန်ဖြေသည့်အခါ သူ့လေသံက အနည်းငယ် တုန်လှုပ်နေခဲ့ကာ သူ့ရဲ့ ကမ္ဘာအမြင်တစ်ခုလုံး နီးပါး ပြိုကွဲသွားခဲ့ပြီဖြစ်သည်။
…