အခန်း ၁၆၅ : စွံ့အသွားကြသည့် ချင်မိသားစု၊ ချန်ချန်ရွှယ်နှင့် ကြေးဝါရောင်တံခါးကြီးဆီသို့
"ချင်းကျောက်က မင်းသမီး ချန်နင်နဲ့ ဘယ်တုန်းက ဒီလောက် ရင်းနှီးသွားရတာလဲ"
ချင်မိသားစု ခေါင်းဆောင် ကြောင်အသွားခဲ့ရသည်။
"သူမ ခုနလေးတင် အဲဒီ ရိုင်းစိုင်းတဲ့ စကားတွေပြောခဲ့တာလေ..."
"မင်းသမီး ချန်နင်က အဲဒါကို လုံးဝ လစ်လျူရှုနိုင်တယ်လား"
သူ ယုံကြည်ရ ခက်ခဲနေခဲ့ပေသည်။
မသေမျိုးကျင့်ကြံခြင်းကမ္ဘာရှိ တော်ဝင်မိသားစုသည် ပြီးပြည့်စုံသော အာဏာကို ကိုယ်စားပြုလေသည်။ အကယ်၍ ကြီးမားသော ဂိုဏ်းကြီး အနည်းငယ် ပူးပေါင်းလိုက်ရင်တောင် သူတို့က မဟာဝေမင်းဆက် ရဲ့ ပြိုင်ဘက် ဖြစ်လာမည် မဟုတ်ပေ။
ထို့အပြင် မဟာဝေမင်းဆက်ရဲ့ မင်းသမီး ချန်ချန်ရွှယ်က သေချာပေါက် တကယ် အရေးကြီးတဲ့ ပုဂ္ဂိုလ်ဖြစ်ကာ တစ်ဖက်လူက မေပယ်မြို့ကို ရောက်လာပြီး ချင်မိသားစုထံ လာရောက်ခဲ့တာက ချင်မိသားစုရဲ့ ကံကောင်းမှုဖြစ်လေသည်။
ထို့ကြောင့် ချင်မိသားစု ခေါင်းဆောင်ဖြစ်တဲ့ သူတောင် ချန်ချန်ရွှယ်နဲ့ ရင်ဆိုင်ရတဲ့အခါ ကြောက်ရွံ့မှုနဲ့ လေးစားမှုတွေကြောင့် တုန်လှုပ်နေရပြီး သူ့ရဲ့ သဘောထား မှားယွင်းသွားမှာ ကြောက်ရသလို စကားမှား ပြောမိပြီး ချင်မိသားစုကို သေလမ်းပို့မိသွားမှာကိုလည်း ကြောက်ခဲ့ရလေသည်။
သို့သော် နောက်ဆုံးတော့... ချင်မိသားစု ခေါင်းဆောင် သူ အတွေးလွန်နေခဲ့ကြောင်း သဘောပေါက်သွားခဲ့ရပြီး မင်းသမီး ချန်နင်က သူ ထင်ထားတာထက် ပိုသဘောထားကြီးနေခဲ့ပေသည်။
ထို့အပြင် သူ့သမီး ချင်းကျောက်က သူ သိထားတဲ့ ချင်းကျောက်နဲ့ ကွဲပြားနေသလိုပင်။
......
သူဟာ မင်းသမီးချန်နင်နဲ့ ရင်ဆိုင်ရတဲ့အခါ ကြီးမားတဲ့ ဂုဏ်ဒြပ် ကွာခြားချက်ကြောင့် ချန်ချန်ရွှယ်ကို ကြည့်ဖို့ သူ့ခေါင်းကိုတောင် မမော့ရဲခဲ့ပေ။
ဒါပေမဲ့ သူ့သမီးကတော့ လုံးဝ ဂရုမစိုက်ခဲ့ပေ။
သူမဟာ ချန်ချန်ရွှယ်ကို ကြည့်ပြီး ပြောလိုက်သည်။ "မနက်ဖြန် အထိ စောင့်ပြီးမှ ထွက်ခွာကြမယ်... တစ်ချိန်တည်းမှာပဲ နန်းတော်က ချင်မိသားစုကို ကာကွယ်ပေးရမယ်"
ချန်ချန်ရွှယ် ခေါင်းငြိမ့်လိုက်၏။
ပြဿနာ မရှိချေ။
ဒီမြင်ကွင်းက ချင်မိသားစုတစ်ခုလုံးကို ကြောင်အသွားစေခဲ့သည်။ ချင်းကျောက်က မင်းသမီး နဲ့ စည်းကမ်းချက်တွေ ဆွေးနွေးနိုင်သည်လော။
ပြီးတော့ နန်းတော်က ချင်မိသားစုကို ကာကွယ်ပေးရမယ်ဆိုလာပင်။
'ရှူး..'
'ဆိုလိုတာက သူတို့ ချင်မိသားစုက ဒီနေ့က စပြီး မဟာဝေ မင်းဆက်ရဲ့ ကာကွယ်မှုအောက် ရောက်ရှိသွားပြီ ဆိုတဲ့ သဘောလား..'
'ဒါက ကောင်းကင်ဘုံသို့ ရောက်ရှိသွားသလိုမဟုတ်ဘူးလား....'
ချင်မိသားစု ဘိုးဘေးနဲ့ ချင်မိသားစု ခေါင်းဆောင် တစ်ယောက်ကို တစ်ယောက် ကြည့်လိုက်ကြသည်။ သူတို့ မျက်လုံးထဲက တုန်လှုပ်မှုနဲ့ အံ့သြမှုတွေကို တစ်ယောက်က မြင်တွေ့နိုင်ပြီး ဒါက ချင်မိသားစုအတွက် ဘာကို ဆိုလိုသလဲ ဆိုတာ သူတို့နားလည်ပေသည်။
မူလက ချင်မိသားစုဟာ မသေမျိုးကျင့်ကြံခြင်း ကမ္ဘာထဲက မိသားစု အသေးစားလေး တစ်ခုသာဖြစ်ပြီး ကျယ်ပြောလှတဲ့ မသေမျိုးကျင့်ကြံခြင်း ကမ္ဘာကြီးထဲမှာ သူတို့က အရာမဝင်သည့် ဒိုက်ပင်လေးသာ ုဖစ်ပေသည်။
သို့သော် အခု သူတို့ မဟာဝေမင်းဆက်ကို မှီခိုခွင့် ရပြီ ဆိုတော့ ဒိုက်ပင်လေးတောင် သစ်ပင်ကြီး ဖြစ်လာနိုင်မယ့် အခွင့်အရေး ရရှိသွားပေပြီ။
ထို့အပြင် ချင်မိသားစု ဒီအရာတွေ အားလုံး ရရှိနိုင်တာက မိန်းကလေးငယ်လေးကြောင့် ဆိုတာ သူတို့ ကောင်းကောင်း သိပေသည်။
[မိသားစုဝင်တွေရဲ့ ကြောင်အနေတဲ့ အကြည့်အောက်မှာပဲ သင်ဟာ မဟာဝေမင်းဆက်ရဲ့ မင်းသမီး ချန်နင်နဲ့ သိပ်ပျော်ရွှင်စွာ စကားစမြည် ပြောဆိုနေခဲ့သည်။ ဒီအချိန်မှာ မိသားစုဝင်တွေရဲ့ နှလုံးသားထဲက သင့်ရဲ့ နေရာက အဆမတန် မြင့်တက်သွားပြီ ဆိုတာ သင် မသိခဲ့ချေ။ သင်ဟာ ချင်မိသားစုဘိုးဘေးနဲ့ ချင်မိသားစု ခေါင်းဆောင်ကိုတောင် ကျော်လွန်သွားပြီး ချင်မိသားစုအတွင်း သင့်ရဲ့ ဂုဏ်သတင်းကျော်ကြားမှုက နံပါတ် (၁) နေရာသို့ ရောက်ရှိသွားခဲ့သည်]
[ဂုဏ်သတင်းကျော်ကြားမှု +၁၀]
[နန်းတော်က ချင်မိသားစုကို ကာကွယ်ပေးချင်ကြောင်း မေပယ်မြို့ မြို့စားမင်းသိရှိလိုက်တဲ့အခါ သူဟာ ချင်မိသားစုဘိုးဘေးနဲ့ အလျင်အမြန် မိတ်ဆွေဖွဲ့ခဲ့သည်။ မေပယ်မြို့က မသေမျိုးကျင့်ကြံခြင်း မိသားစု အကြီးအသေး အကုန်လုံးဟာလည်း ချင်မိသားစုနဲ့ မိတ်ဆွေဖွဲ့ချင်လို့ ချင်မိသားစုထံ လက်ဆောင်တွေ ပေးပို့ခဲ့ကြသည်။]
[ထို့အပြင် သူတို့ဟာ မင်းသမီး ချန်နင်နဲ့ တွေ့ဆုံခွင့် ရမလားဆိုတာ ကံစမ်းချင်ခဲ့ကြသည်။]
[ကံမကောင်းစွာနဲ့ ချန်ချန်ရွှယ်ဟာ သင်နဲ့အတူ လူသူကင်းမဲ့တဲ့ ကျွန်းဆီသို့ ထွက်ခွာသွားခဲ့ပေပြီ]
[လမ်းတစ်လျှောက် သင့်ရဲ့ ဝိညာဉ်စွမ်းအင်နဲ့ အာဟာရ ဖြည့်တင်းပေးမှုအောက်မှာ အဘွားအို နိုးထလာခဲ့သည်။]
[အဘွားအို နိုးထလာတဲ့အခါ သူမ ပတ်ဝန်းကျင်မှာ အခြေတည်အဆင့် ၊ ရွှေအမြုတေအဆင့်နှင့် မူလဝိညာဉ်အဆင့်ကျင့်ကြံသူတွေ ရှိနေတာ တွေ့ရှိလိုက်ရသည်။ သူမ သွားပြီလို့ထင်မှတ်မိသော်လည်း ကံကောင်းစွာနဲ့ သင့်ရဲ့ ရှင်းပြချက်က သူမကို အနည်းငယ် စိတ်သက်သာရာ ရစေခဲ့သည်]
[ဒါပေမဲ့ သင်က သူမ ပေါ်လာတာကို မအံ့သြကြောင်း အဘွားအို သတိပြုမိလိုက်ရာ သင်က နက်နဲဆန်းကြယ်တယ်လို့ အဘွားအို ထင်မှတ်လိုက်မိသည်]
[အချိန်အတိုင်းအတာတစ်ခုအထိ ခရီးနှင်ပြီးနောက် သင်တို့ဟာ မဟာဝေမင်းဆက်ရဲ့ တစ်ဝက်လောက်ကို ဖြတ်ကျော်ပြီး နောက်ဆုံးမှာ လူသူကင်းမဲ့တဲ့ ကျွန်းဆီ ရောက်ရှိခဲ့ကြသည်။ ဒီနေရာက ပေါကြွယ်ဝတဲ့ ဝိညာဉ်စွမ်းအင်တွေက ချန်ချန်ရွှယ်ကိုတောင် အံ့သြသွားစေခဲ့လေသည်။]
[...]
လူသူကင်းမဲ့တဲ့ ကျွန်းပေါ်တွင်။
ဒီနေရာက အလွန် ကြွယ်ဝတဲ့ ဝိညာဉ်စွမ်းအင်တွေကို ခံစားရင်း ချန်ချန်ရွှယ် မအံ့သြဘဲ မနေနိုင်တော့ပေ။
"ဂိုဏ်းကြီး တစ်ခုရဲ့ အခြေစိုက် စခန်းထက် မလျော့နည်းဘူး... ဒါက မြေအောက်မှာ ဝိညာဉ် စုစည်းခြင်း အစီအရင် သောင်းပေါင်းများစွာ မြှုပ်နှံထားသလိုပဲ"
"ဒီနေရာက ဝိညာဉ်စွမ်းအင်တွေက ကြွယ်ဝလွန်းတာတောင် အခုအချိန်ထိ ဘယ်သူမှ မတွေ့ရှိသေးတာ အံ့သြစရာပဲ... ဒါမှမဟုတ် မဟာဝေမင်းဆက်က ကျယ်ပြောလွန်းတယ် လို့ပဲ ပြောရမှာပေါ့"
ဘေးနားတွင် ချင်းကျောက်ဟာ ချန်ချန်ရွှယ်၏ အာမေဋိတ်သံကို ကြားပြီး နှာခေါင်းရှုံ့လိုက်၏။
"ငါ တွေ့ခဲ့တာလေ.... ငါ့ရဲ့ ကောင်းကင်ဘုံကို အံတုတဲ့ ကံတရားနဲ့ ဆိုရင် ဒီလို ကောင်းချီးပေးခံရတဲ့ တည်ရှိမှုမျိုးကို တွေ့ရှိဖို့ ဆိုတာ ရိုးရှင်းပါတယ်"
ချန်ချန်ရွှယ် ပြန်ပြောလိုက်သည်။ "ဟုတ်ပါပြီ... ဟုတ်ပါပြီ... ဟုတ်ပါပြီ"
ချန်ချန်ရွှယ်၏ အဖြေကြောင့် ချင်းကျောက် ချက်ချင်း ပြုံးဖြီးသွားရသည်။ တခြားလူတွေ သူမရဲ့ ထူးချွန်မှုကို အသိအမှတ်ပြုတဲ့ အခါ သူမ ဘာမှ မခံစားရပေမယ့် ချန်ချန်ရွှယ်က သူမရဲ့ ထူးချွန်မှုကို အသိအမှတ်ပြုလိုက်တဲ့အခါ ချင်းကျောက်သကြားလုံးအများကြီး စားလိုက်ရသလို ခံစားလိုက်ရပေသည်။
ချန်ချန်ရွှယ်က ဟန်ဆောင်ပြီး ပြောတာဖြစ်ပေမယ့်ပေါ့......
"ဟီးဟီး"
"ဒီစိတ်အနှောင့်အယှက် ဖြစ်စရာ ကောင်းတဲ့ မိန်းမတောင် ငါ့ရဲ့ ထူးချွန်မှုကို အသိအမှတ်ပြုတယ်.... ကြည့်ရတာ ဒီစိတ်အနှောင့်အယှက် ဖြစ်စရာ ကောင်းတဲ့ မိန်းမကို ကျော်တက်ဖို့ အချိန် သိပ်မလိုတော့ဘူး... ငါနောက်ထပ် တစ်နှစ်လောက် နေရင် သူမကို အနိုင်ယူနိုင်လောက်တယ်....."
သို့ပေမဲ့ သူမဟာ လက်စားချေမည့် စိတ်ကိုတော့ မလျော့သေးပေ။
"မင်းသမီး " ဒီအချိန်မှာ ချန်ဖုန်းယင်က ချန်ချန်ရွှယ် အတွက် စီစဉ်ပေးလိုက်တဲ့ လျှို့ဝှက်အစောင့်က အသံနိမ့်ဖြင့် ပြောလိုက်သည် - "သခင်မလေးချင် ပေးတဲ့ သတင်းအချက်အလက်အရ ပင်လယ်ကြမ်းပြင်မှာ ကြီးမားတဲ့ ကြေးဝါ တံခါးကြီး တစ်ချပ် ကျွန်တော်တို့ အမှန်တကယ် တွေ့ရှိခဲ့ပါတယ်....ပြီးတော့ ကြီးမားတဲ့ တံခါးကြီးပေါ်မှာ ရှေးဟောင်း စာသားတွေနဲ့ ပြည့်နှက်နေပါတယ်"
"ဒါ့အပြင် ကြီးမားတဲ့ကြေးဝါတံခါးကြီးပေါ်မှာလည်း သတ်ဖြတ်ခြင်း အစီအရင် အမြောက်အမြား တပ်ဆင်ထားပါတယ်.... အကယ်၍ အစီအရင် မကျွမ်းကျင်တဲ့ သူ တစ်ယောက်က အဲဒီ ကြီးမားတဲ့ တံခါးကြီးကို ပေါ့ပေါ့ဆဆထိမိလိုက်ရင် သေဆုံးသွားဖို့ ဖြစ်နိုင်ချေ များပါတယ်"
ချန်ချန်ရွှယ် ခေါင်းငြိမ့်လိုက်ပြီး ပြောလိုက်သည်။"အဲဒါ ဆိုရင် ဝင်ကြစို့"
လျှို့ဝှက်အစောင့် ကြောင်အသွားခဲ့ရသည်။ "မင်းသမီး ကျွန်တော်တို့ အရင်ဆုံး အစီအရင် တချို့ကို ချိုးဖျက်ဖို့ မလိုဘူးလား"
ချန်ချန်ရွှယ် ပြောလိုက်၏။ "အဲဒီ အစီအရင်တွေ အတွက် စိတ်ပူစရာ မလိုပါဘူး"
သူမဟာသူမဘေးနားရှိချင်းကျောက်ကိုညွှန်ပြပြီးပြောလိုက်သည်။"သူမကဒီပြဿနာကိုဖြေရှင်းနိုင်တယ်"