အခန်း ၁၅၀ : ထပ်ဆောင်းဆုလာဘ်- ရှူကျစ်ဟွာ
[သင်သည် မမလေး ကျေးဇူးပြုပြီး ခဏနေပါဦး ဆိုသည့် အောင်မြင်မှုကို အသက်သွင်းနိုင်ခဲ့ပါသည်။ သင်သည် ထပ်ဆောင်း ဆုလာဘ် တစ်ခု ရရှိခဲ့ပါသည်။ သင်သည် အောက်ပါ ဆုလာဘ်ကို ရရှိခဲ့ပါသည်]
[ဆုလာဘ် ၁ - နေမီးတောက် လက်ဝါး (ဖြောင့်မတ်သော ချီဂိုဏ်း၏ စာကြည့်တိုက်မှ သင် ရရှိခဲ့သည့် တိုက်ခိုက်ရေး နည်းစနစ် တစ်ခု)]
[ဆုလာဘ် ၂ - အခြေတည်အဆင့် (၃) ၏ ဝိညာဉ်စွမ်းအား အားလုံး (ဤသည်မှာ အလွန် သန့်စင်သော ဝိညာဉ်စွမ်းအား ဖြစ်သည်)]
[ဆုလာဘ် ၃ - ကောင်းကင်ဝိညာဉ် မိစ္ဆာ နှိမ်နင်းရေး ဆေးလုံး (ဂိုဏ်းပြိုင်ပွဲတွင် ပထမ ရရှိခဲ့သည့် ဆုလာဘ်)]
[ထပ်ဆောင်း ဆုလာဘ် - ရှူကျစ်ဟွာ(သင့်အပေါ် သူမ၏ ကောင်းမွန်သည့် အထင်ကြီးလေးစားမှုကသ အမြဲတမ်း တန်ဖိုးအပြည့် ဖြစ်နေသည်)]
ပိုင်ယီ ရှုပ်ထွေးသွားခဲ့သည်။
ကျပန်း ရွေးချယ်ခံရသည့် ပထမ ဆုလာဘ် သုံးခုက ပုံမှန်သာဖြစ်လေသည်။
သို့သော်… ဤထပ်ဆောင်း ဆုလာဘ်မှာ တစ်ခုခု မှားယွင်းနေပေသည်။
'လူတစ်ယောက်ကို တွက်ချက်ခြင်း ဆုလာဘ်အနေဖြင့် အသုံးပြုနိုင်လို့လား..'
ပိုင်ယီ ကြောင်အသွားကာ မယုံကြည်နိုင်ဖြစ်နေခဲ့သည်။
အဆိုးရွားဆုံး မေးခွန်းမှာ မသေမျိုးကျင့်ကြံခြင်း သရုပ်ဖော် စနစ်ထဲမှ လူများက လက်တွေ့ကမ္ဘာသို့ ရောက်လာပြီးနောက် သူတို့၏ တည်ရှိမှုကို မည်သို့ ရှုမြင်ကြမည်နည်း။ ပြီးနောက် ပိုင်ယီ၏ တည်ရှိမှုကို သူတို့ မည်သို့ ရှုမြင်ကြမည်နည်း။
သူ မျက်မှောင်ကြုတ်လိုက်ကာ နားမလည်နိုင်တော့ပေ။
ယုတ္တိကျကျ ပြောရလျှင် မသေမျိုးကျင့်ကြံခြင်း သရုပ်ဖော်စနစ်က တွက်ချက်ခြင်း ဆုလာဘ်ကို ဤမျှ လိမ်ညာလှည့်ဖြားသော ပုံစံမျိုး ပြုလုပ်သင့်မည် မဟုတ်ပေ။
'တစ်နည်းအားဖြင့် ပြောရလျှင်... မသေမျိုးကျင့်ကြံခြင်း သရုပ်ဖော်စနစ်က ဤအမှားအယွင်းများကို ပြုပြင်နိုင်စွမ်း ရှိသင့်တယ်...ဟုတ်တယ်မလား...'
'ဖြစ်နိုင်လောက်ပါတယ်..'
သူ အသက်ပြင်းပြင်း ရှူသွင်းလိုက်ပြီး သူ့အတွေးများကို တည်ငြိမ်အောင် အစွမ်းကုန် ကြိုးစားလိုက်၏။
သရုပ်ဖော် စနစ်၏ ဆုလာဘ်များကို စာရင်းပြုစုပြီးပြီဖြစ်ရာ သူရွေးချယ်ရတော့ပေမည်။
"ဆုလာဘ် ၁"
ပိုင်ယီဟာ ပထမဆုံး ဆုလာဘ် ဖြစ်သည့် ချီဂိုဏ်း၏ နေမီးတောက် လက်ဝါး ကို ရွေးချယ်လိုက်သည်။
ဤသည်မှာ သတ်ဖြတ်ခြင်းကို အဓိကထားသည့် ကျင့်ကြံခြင်း နည်းစနစ် တစ်ခု ဖြစ်ပြီး အကယ်၍ တစ်စုံတစ်ယောက်က ၎င်းကို မြင့်မားသည့် အဆင့် တစ်ခုအထိ ကျင့်ကြံပါက... လက်ဝါးရိုက်ချက်တစ်ခုက ကောင်းကင်ကို ဖိချနိုင်သည့် နေမင်းကြီး တစ်စင်းကဲ့သို့ ဖြစ်ပေလိမ့်မည်။
ဒါပေါ့.... ဤသည်မှာ ချဲ့ကား ပြောဆိုခြင်းတစ်ခု ဖြစ်ကြောင်း ပိုင်ယီ သိသည်။ ၎င်း၏ အဓိပ္ပာယ်မှာ ထိုသဘောမျိုး သက်ရောက်လေသည်။
မှတ်ဉာဏ် အပိုင်းအစ ကြီးတစ်ခု သူ့စိတ်ထဲ ပေါ်လာခဲ့ပြီး ၎င်းက နေမီးတောက်လက်ဝါး၏ အကြောင်းအရာများ ဖြစ်ပေသည်။
အကယ်၍ အတိတ်ကာလတုန်းက ဆိုလျှင် ဤကျင့်ကြံခြင်း နည်းစနစ်ကို လက်တွေ့တွင် မည်သို့ အစွမ်းထက်သိကို သိရှိရန် ပိုင်ယီ တစ်နေရာရာ ရှာဖွေပြီး စမ်းသပ်ကြည့်ပေလိမ့်မည်။
သို့သော် လောလောဆယ် သူ့တွင် ထိုကဲ့သို့သော အတွေးများ မရှိပေ။
ရုတ်တရက် မသေမျိုးကျင့်ကြံခြင်း သရုပ်ဖော် စနစ်၏ စာသား အချက်ပြမှုက ဤအချိန်တွင် ထပ်မံ ပေါ်လာခဲ့ပြန်သည်။
[ထပ်ဆောင်း ဆုလာဘ်များ ပေးအပ်ပြီးပါပြီ။ ရှူကျစ်ဟွာ အနေဖြင့် သာမန်မဟုတ်သော အရာတစ်ခုကို ရှာဖွေတွေ့ရှိခြင်းမှ ကာကွယ်ရန် သူမ၏ မှတ်ဉာဏ်ကို ပြုပြင်မွမ်းမံရန် သင့်တွင် အခွင့်အရေး ရှိသည်။ သဲလွန်စ - မသေမျိုးကျင့်ကြံခြင်း သရုပ်ဖော် စနစ်ထဲမှ ဇာတ်ကောင်များကို သာရုပ်ဖော် စနစ်ထဲသို့ ဖိတ်ခေါ်၍ မရနိုင်ပါ။]
'ဟင်..'
ပိုင်ယီ စိတ်ဝင်စားသွားခဲ့သည်။
'သူမရဲ့ မှတ်ဉာဏ်ကို ပြုပြင်မွမ်းမံရမယ်...'
မသေမျိုးကျင့်ကြံခြင်း သရုပ်ဖော် စနစ်က ဒီအမှားအယွင်းကို ဖြေရှင်းတဲ့ နည်းလမ်းက ဒီလောက် ရိုးရှင်းပြီး ကြမ်းတမ်းလိမ့်မယ်လို့ သူ မျှော်လင့်မထားခဲ့ပေ။
အမှန်စင်စစ်... အကယ်၍ သူသာ ရှူကျစ်ဟွာရဲ့ မှတ်ဉာဏ်ကို ပြုပြင်မွမ်းမံနိုင်ရင် သူမက ကမ္ဘာနှစ်ခုကြား အထီးကျန်သလိုခံစားရမှာ မဟုတ်သလို ကမ္ဘာနှစ်ခုကြားက ကွာခြားချက်တွေကိုလည်း ရှာဖွေတွေ့ရှိမှာ မဟုတ်ပေ။ ဒါက အတော်လေး အရေးကြီးလေသည်။
တကယ်တော့ ပိုင်ယီ အနေနဲ့ ချီ ဂိုဏ်း၊ မသေမျိုး ဝိညာဉ် ဂိုဏ်း စသည်တို့ကို လုံးဝ အစားထိုးပစ်လိုက်လို့ ရလေသည်။
ဒါပေမဲ့ ဒီလိုလုပ်တာက အလုပ်သိပ်များလွန်းပြီး ၎င်းက ရှူကျစ်ဟွာရဲ့ နှစ်ရာပေါင်းများစွာ ကြာမြင့်တဲ့ မှတ်ဉာဏ်တွေကို ပိုင်ယီ ပြုပြင်မွမ်းမံဖို့ လိုအပ်တာနဲ့ အတူတူပင်။
ထို့ကြောင့် သူဟာ နောက်ပိုင်း မှတ်ဉာဏ် တချို့ကို အနည်းငယ် ပြုပြင်မွမ်းမံလိုက်ရုံနဲ့ လုံလောက်ပေသည်။
'လုပ်မယ်..'
ပိုင်ယီ၏ စိတ်အလို တစ်ခုဖြင့် သူ့အသိစိတ်က ကြီးမားသည့် မှတ်ဉာဏ် ပင်လယ်ကြီး တစ်ခုထဲသို့ ဝင်ရောက်သွားသကဲ့သို့ ဖြစ်နေခဲ့သည်။ ဤအရာများက ရှူကျစ်ဟွာ နှစ်ပေါင်း (၃၀၀) ကျော် နေထိုင်ခဲ့သော မှတ်ဉာဏ်များ အားလုံး ဖြစ်လေသည်။
မွေးဖွားချိန်မှ၊ ကြီးပြင်းလာချိန်၊ ကျင့်ကြံခမှုစတင်ချိန်၊ တာအို ပါတနာရှာဖွေတွေ့ရှိချိန်၊ သူမ၏ တာအို ပါတနာနှင့် အတူ ဝိညာဉ်ဂိုဏ်း တည်ထောင်ချိန်၊ ဝိညာဉ်ဂိုဏ်း ပထမဆုံးအကြိမ် ပြင်းထန်သည့် ထိခိုက်ဒဏ်ရာ ရရှိချိန် ဝတ်ပြုရာ ခန်းမဆောင်ထဲတွင် သူမ၏ တပည့်နှင့် ပထမဆုံး ဆက်ဆံခဲ့ချိန်...
'အဟွတ် အဟွတ်...'
သူ မြင်တွေ့ခဲ့ရသည့် မှတ်ဉာဏ် အားလုံးကို ပြုပြင်မွမ်းမံပိုင်ခွင့် သူ့တွင် ရှိကြောင်း ပိုင်ယီ တွေ့ရှိလိုက်ရသည်။ ဤသည်မှာ သူ့ကို အတော်လေး ဆန်းကြယ်သလို ခံစားရစေလေသည်။
မသေမျိုးကျင့်ကြံခြင်း ကမ္ဘာတွင် အခြားသူများ၏ မှတ်ဉာဏ်ကို အတင်းအကျပ် ပြုပြင်မွမ်းမံနိုင်သည့် ကျင့်ကြံခြင်း နည်းစနစ် အချို့ ရှိကြောင်း သူ ကြားဖူးပေသည်။
ဒါကလည်း အဲဒီလိုပဲ ဖြစ်ကောင်း ဖြစ်နိုင်ပေမည်။
မကြာမီ ပိုင်ယီဟာ မရှိသင့်သည့် မှတ်ဉာဏ် အချို့ကို ဦးစွာ ဖျက်ပစ်ရန် သူ့စိတ်ကူးစိတ်သန်းကို အသုံးပြုလိုက်၏။ ထို့နောက် သူ မှတ်ဉာဏ်သစ်များကို ဖြည်းညှင်းစွာ ပုံကြမ်းရေးဆွဲပြီး ကွက်လပ်များအားလုံးကို ဖြည့်စွက်လိုက်သည်။
အလုပ်ပမာဏက မသေးငယ်လှပေ။ ပိုင်ယီ နောက်ဆုံး ပြီးစီးရန် (၂) နာရီတိတိ အချိန်ကုန်ဆုံးခဲ့ရသည်။
၎င်းက သိပ်ပင်ပန်းလွန်းလှပေသည်။
[ပြုပြင်မွမ်းမံမှု ပြီးဆုံးပါပြီ]
မသေမျိုးကျင့်ကြံခြင်း သရုပ်ဖော် စနစ်မှ ပေါ်ထွက်လာသည့် စာသားများကို သူ နောက်တစ်ကြိမ် မြင်လိုက်ရသည်။
ထို့နောက် သူ့ခြံဝင်းထဲတွင် ရင်းနှီးသည့် အော်ရာတစ်ခု ပေါ်လာကြောင်း သူ ရုတ်တရက် ခံစားလိုက်ရ၏။
ပိုင်ယီဟာ ဝိညာဉ်ဂိုဏ်းထဲတွင် နှစ်အနည်းငယ် နေထိုင်ခဲ့သည် ဖြစ်ရာ ဤအော်ရာကို သူ မည်သို့ မမှတ်မိဘဲ နေမည်နည်း။
သူ့ရင်ထဲမှ ခံစားချက်များကို ထိန်းချုပ်လိုက်ပြီး ချက်ချင်း မတ်တတ်ရပ်ကာ လမ်းလျှောက် ထွက်သွားလိုက်သည်။
"တပည့် ငါတို့ နောက်ဆုံး တွေ့ဆုံခဲ့တာ နှစ်ပေါင်းများစွာ ကြာခဲ့ပြီပဲ... မင်းက အခြေတည်အဆင့် အဆင့် (၆) ရောက်နေပြီလား... ဟုတ်သားပဲ... မင်းရဲ့ ပါရမီနဲ့ ဆိုရင် ဒီလောက် လျင်မြန်စွာ အခြေတည်အဆင့် အဆင့် (၆) ကို အဆင့်ချိုးဖျက် ဝင်ရောက်နိုင်တာ ပုံမှန်ပါပဲ"
ညကောင်းကင်ယံ အောက်တွင် ရင်းနှီးသည့် ပုံရိပ်တစ်ခု အိမ်၏ ခြံဝင်းထဲတွင် ရပ်နေခဲ့လေသည်။ မှိန်ဖျဖျ လရောင်က သူမ၏ မျက်နှာပေါ်သို့ ဖြာကျနေခဲ့ပြီး သူမ၏ နူးညံ့သည့် မျက်နှာသွင်ပြင်တွင် အနည်းငယ် စိုးရိမ်ပူပန်မှု ကို ထုတ်ဖော်ပြသနေခဲ့ပေသည်။
ရှူကျစ်ဟွာဟာ ပိုင်ယီကို ကြည့်နေစဉ် သူမ၏ မျက်လုံးများထဲတွင် ချစ်ခြင်းမေတ္တာများ ပြည့်နှက်နေခဲ့သည်။
သူတို့ နှစ်ဦး တစ်ယောက်ကို တစ်ယောက် မတွေ့ရသည်မှာ နှစ်ပေါင်းများစွာ ကြာမြင့်နေပြီ ဖြစ်သကဲ့သို့ တစ်ယောက်ကို တစ်ယောက် ကြည့်လိုက်ကြ၏။
ရှူကျစ်ဟွာ သက်ပြင်းချလိုက်ပြီး ပြောလိုက်သည်။ "မိစ္ဆာ တစ်အုပ်ကို အနိုင်ယူပြီးတဲ့ နောက် နောက်ထပ် မိစ္ဆာ တစ်အုပ် ရောက်လာခဲ့တယ်... ဝိညာဉ်ဂိုဏ်းမှာ ငါတို့ နှစ်ယောက်ပဲ ကျန်တော့တယ်... အရင်က တည်ရှိခဲ့ဖူးတဲ့ ဝိညာဉ်ဂိုဏ်းဆိုတာ မရှိတော့ဘူး..."
သူမ၏ လေသံက အနည်းငယ် ခြောက်ကပ်ပြီး ပင်ပန်းနွမ်းနယ်နေခဲ့သည်။
သူမ ခါးသီးစွာ ပြုံးလိုက်၏။ "ဒီနှစ်တွေ အားလုံး ငါ ခေါင်းပြတ်နေတဲ့ ယင်ကောင်လိုပဲ မသေမျိုးကျင့်ကြံခြင်း ကမ္ဘာထဲ လှည့်လည်သွားလာနေခဲ့တယ်...ခု ဘယ်သွားရမလဲ ငါ မသိတော့ဘူး... အကယ်၍ မင်း စိတ်မရှိဘူး ဆိုရင် ငါ့အတွက် ဧည့်သည်တော် အခန်းတစ်ခန်းလောက် စီစဉ်ပေးနိုင်မလား"
မသေမျိုးကျင့်ကြံခြင်း သရုပ်ဖော် စနစ်ထဲမှ လူတစ်ယောက် သူ့ရှေ့တွင် ရပ်နေသည်မှာ ပိုင်ယီအား အလွန် ထူးဆန်းသည်ဟု ခံစားစေရလေသည်။
ဘယ်လို ပြောရမလဲဆိုရင် Animeထဲက ချောမောလှတဲ့ ကောင်မလေးက စကရင်ထဲကနေ ရုတ်တရက် လမ်းလျှောက် ထွက်လာပြီး တကယ့် လူသား တစ်ယောက် ဖြစ်လာသလိုပင်။ ပြီးတော့ သင်တို့ နှစ်ယောက်ကြားမှာ ကောင်းမွန်တဲ့ ဆက်ဆံရေး ရှိနေသလိုမျိုးပင်.........
ဒါက မသေမျိုးကျင့်ကြံခြင်း သရုပ်ဖော် စနစ်ထဲက ကမ္ဘာက သေချာပေါက် လက်တွေ့ကမ္ဘာတစ်ခု ဖြစ်ကြောင်း သူ့ကို အတည်ပြုပေးလိုက်လေသည်။
ထို့ကြောင့်အဲဒီကမ္ဘာကိုစိတ်ကူးယဥ်ဂိမ်းကမ္ဘာတစ်ခုအနေနဲ့သူမရှုမြင်သင့်တော့ချေ။