အခန်း ၁၄၇ : ၃နှစ်အကြာ၊ ဂိုဏ်းပြိုင်ပွဲ

​သုံးနှစ်။

​ပိုင်ယီဟာ မသေမျိုးကျင့်ကြံခြင်း သရုပ်ဖော် စနစ်ထဲမှာ (၃) နှစ်တိတိ နေထိုင်ခဲ့ပြီးဖြစ်ရာ နောက်ထပ် (၂) နှစ်လောက် ဆက်ပြီး သည်းခံနိုင်ရင် ရမှတ် တွက်ချက်ခြင်းဆုလာဘ်ကို လက်ခံရယူဖို့ အရည်အချင်း ပြည့်မီပေပြီ။

​ဒီနှစ်တွေ အတွင်း ပိုင်ယီရဲ့ ဘက်မှာ အတော်လေး တည်ငြိမ်နေဆဲ ဖြစ်ပြီး ဘာမှ ထူးထူးခြားခြား ဖြစ်ပျက်ခြင်း မရှိခဲ့ပေ။

​ဒါက သူ့ကံတရား ပိုကောင်းလာတာလား လို့ သူ့ကို တွေးတောမိစေခဲ့သည်။

​အစပိုင်းတုန်းက ဘာပဲဖြစ်ဖြစ် သူဟာ တစ်လထက် ပိုပြီး အသက်မရှင်နိုင်ခဲ့ပဲ ယခု၌ သူဟာ (၃) နှစ်လောက် အသက်ရှင်ခဲ့ပေပြီ။

​ဖြစ်နိုင်ချေ ပိုများတာက သူ ဝင်စားခဲ့တဲ့ ရှားပါးတဲ့ အကြောင်းပြချက်ကြောင့် ဖြစ်ပေမည်။

​ဒါ့အပြင် သူဟာ မှန်ကန်တဲ့ ပါရမီကို ရွေးချယ်ခဲ့ပြီး ဒါက အစကတည်းက သူ့ကို ကိုယ့်ကိုယ်ကိုယ် ကာကွယ်နိုင်စွမ်းရှိစေခဲ့သည်။

​အကြောင်းပြချက် များစွာရဲ့ ပံ့ပိုးမှုနဲ့ ပိုင်ယီဟာ စံချိန်ချိုးနိုင်ခဲ့လေသည်။

​သူ (၃) နှစ် အသက်ရှင်ခဲ့ပေပြီ။

​"အခြေတည်အဆင့် (၂)..." ပိုင်ယီ သူ့ကျင့်ကြံမှုကို ခံစားလိုက်ပြီး ကိုယ့်ကိုယ်ကိုယ် ရေရွတ်လိုက်၏။ "ဒါက ငါ ဒီလောက် ကြိုးစားပမ်းစား ကျင့်ကြံဖူးတာ ပထမဆုံး အကြိမ်ပဲ... ကံမကောင်းစွာနဲ့ လက်တွေ့ကမ္ဘာက ငါ့ခန္ဓာကိုယ် ဖွဲ့စည်းပုံကို သရုပ်ဖော် စနစ်ထဲ ယူလာလို့ မရဘူး"

​"ငါနဲ့ အဲဒီ ပါရမီရှင်တွေကြားက ကွာဟချက်ကို လျှော့ချဖို့ ရွေးချယ်ခံအနည်းငယ်နဲ့ ကျင့်ကြံခြင်း နည်းစနစ်တွေက ရရှိတဲ့ ဆုလာဘ်တွေကိုပဲ အားကိုးလို့ ရတယ်"

​မွေးရာပါ ဝိညာဉ်ခန္ဓာ ။

​လူသားဧကရာဇ်ခန္ဓာ။

​ပိုင်ယီဟာ ဒီလို ခန္ဓာကိုယ်ဖွဲ့စည်းပုံမျိုးကို သရုပ်ဖော် စနစ်ထဲ ယူလာလို့ မရပေ။

​ဒါပေမဲ့ ဓားကျင့်ကြံခြင်း နည်းစနစ်၊ ကောင်းကင်ဝါးမျိုးခြင်း မိစ္ဆာ နည်းစနစ်၊ အစီအရင် ဖွဲ့စည်းပုံ အတွေ့အကြုံ... ဒီအရာတွေ အားလုံးကို သူ စိတ်ထဲမှာ မှတ်မိနေတုန်းပင်။ ဒါ့အပြင် ၎င်းတို့က မူလက သရုပ်ဖော် စနစ်ထဲက မသေကျင့်ကြံခြင်း ကမ္ဘာရဲ့ ထုတ်ကုန်တွေဖြစ်လို့ ပိုင်ယီ သူတို့ကို စိတ်ကြိုက် အသုံးပြုလို့ ရလေသည်။

​ဒီကျင့်ကြံခြင်း နည်းစနစ်တွေထဲက ဘယ်နည်းစနစ်ပဲ ဖြစ်ဖြစ် ဝိညာဉ်ဂိုဏ်းရဲ့ ကျင့်ကြံခြင်း နည်းစနစ်တွေထက် အများကြီး ပိုစွမ်းအားကြီးပေသည်။

​အထူးသဖြင့် မပြည့်စုံတဲ့ ကောင်းကင်ဝါးမျိုးခြင်း မိစ္ဆာ နည်းစနစ်ဖြစ်သည်။

​မူလစွမ်းအင်ကို ဝါးမျိုးဖို့ ကောင်းကင်ဝါးမျိုးခြင်း မိစ္ဆာနည်းစနစ်ကို အသုံးပြုခြင်းအားဖြင့် လူတစ်ယောက်ရဲ့ ခန္ဓာကိုယ် ဖွဲ့စည်းပုံကို အကြီးအကျယ် တိုးတက်စေနိုင်လေသည်။ ၎င်းက လူတစ်ယောက်ရဲ့ မွေးရာပါ အရိုး အခြေခံအုတ်မြစ်ကို အတင်းအကျပ် ပြုပြင်မွမ်းမံတာလို့ သတ်မှတ်နိုင်ပေသည်။

​ဒါက လွှမ်းမိုးချုပ်ကိုင်နိုင်တဲ့ ကျင့်ကြံခြင်း နည်းစနစ် တစ်ခုပင်။

​"စီနီယာ အစ်ကိုကြီး"

​ရုတ်တရက် အသံတစ်ခု အပြင်ဘက်ကနေ ရုတ်တရက် ထွက်ပေါ်လာပြီး ပိုင်ယီရဲ့ အတွေးတွေကို အနှောင့်အယှက် ဖြစ်စေကာ သူ့အာရုံစိုက်မှုကို ဆွဲဆောင်လိုက်သည်။ "စီနီယာ အစ်ကိုကြီး... ဂိုဏ်းသခင်က အစ်ကို့ကို လာခဲ့ပါတဲ့"

​'ဂိုဏ်းသခင်...'

​လှပတဲ့ ပုံရိပ်တစ်ခု ပိုင်ယီရဲ့ စိတ်ထဲ ပေါ်လာခဲ့သည်။ တစ်ဖက်လူက သူ့ဆရာဖြစ်လာတာ (၃) နှစ် ရှိပေပြီ။

​သူ့ခေါင်းကို ခါလိုက်ပြီး စိတ်ထဲက အာရုံပျံ့လွင့်စေတဲ့ အတွေးတွေကို ခါချလိုက်ကာ ဂိုဏ်းသခင်ရဲ့ အဓိက ခန်းမဆောင်ဆီ ချက်ချင်း ဦးတည်သွားလိုက်သည်။

​ပြုပြင်မွမ်းမံထားတဲ့ ဝိညာဉ်ဂိုဏ်းက သဘာဝကျစွာ သိပ်မကြီးမားပေ။

​နေရာအသီးသီးက အတော်လေး သေးငယ်ပြီး ဝိညာဉ်ဂိုဏ်းရဲ့ တောင်တံခါးကိုလည်ူ ခမ်းနားထည်ဝါစွာ ပြန်လည်တည်ဆောက်ဖို့ သူတို့မှာ တကယ် အရင်းအမြစ် မလုံလောက်တော့ပေ။

​သို့ပေမဲ့ ဒီလောက်နဲ့ အဆင်ပြေအောင် နေဖို့ လုံလောက်ပေသည်။

​ဘာပဲဖြစ်ဖြစ် လက်ရှိ ဝိညာဉ်ဂိုဏ်းမှာ တပည့် ဒါဇင်အနည်းငယ်ပဲ ရှိတော့ရာ ဒီလောက် ကြီးမားတဲ့ တောင်တံခါး နေအိမ် မျိုး မလိုအပ်ချေ။

​မကြာမီ ပိုင်ယီ ဓားစီးပြီး ဝိညာဉ်ဂိုဏ်းရဲ့ ဂိုဏ်းသခင် ခန်းမဆောင်ကို ရောက်လာခဲ့သည်။ ဒါက ဝိညာဉ်ဂိုဏ်း တစ်ခုလုံးမှာ အခမ်းနားဆုံး အဆောက်အဦးပင်။

​သ်ု့ပေမဲ့  ဒီအဆောက်အဦးက အတိတ်ကာလတုန်းက ဆိုရင် သာမန် ဘေးခန်းမဆောင်တစ်ခုအဆင့်လောက်သာ သတ်မှတ်နိုင်လေသည်။

​"ဂိုဏ်းသခင်"

​ပိုင်ယီဟာ ရှူကျစ်ဟွာကို မြင်ပြီးနောက် သူမကို နှုတ်ဆက်စဉ် သူ့လေသံက လေးစားသမှု ရှိနေတုန်းပင်။

​ရှူကျစ်ဟွာဟာ ကျောက်စိမ်း ကုလားထိုင်ပေါ်မှာထိုင်နေခဲ့ပြီး ပြုံးကာ ပြောလိုက်သည်။ "ငါ့ကို ဆရာလို့ ခေါ်ဖို့ ငါ မင်းကို ပြောထားတယ် မဟုတ်လား"

​ပိုင်ယီဟာ သူ့လေသံ ပြောင်းလိုက်ပြီး သူမကို နောက်တစ်ကြိမ် နှုတ်ဆက်လိုက်၏။ "ဆရာ"

​ထို့နောက် ပိုင်ယီဟာ ရှူကျစ်ဟွာရဲ့ ဘေးမှာ ကျွမ်းကျင်စွာ ဝင်ထိုင်လိုက်သည်။ ပြင်ပလူတွေရဲ့ မျက်လုံးထဲမှာ ဆိုရင် သူက သူ့ဆရာကို မလေးစားဘူးလို့ ထင်ရပေမည်။

​တပည့်တစ်ယောက်က ဘယ်လိုလုပ် သူ့ဆရာနဲ့ အဆင့်တူနေလို့ ရမည်နည်း။၎င်းက စည်းကျော်တာပင်။

​ဒါပေမဲ့ ရှူကျစ်ဟွာက ဂရုမစိုက်ပဲ ဒါကို မျက်ကွယ်ပြုထားလိုက်သည်။

​ရှူကျစ်ဟွာရဲ့ ဘေးမှာ ထိုင်လိုက်တဲ့ အခါ ပိုင်ယီဟာ မှိန်ဖျဖျ ရနံ့တစ်ခု အပြင် အနည်းငယ် မူးယစ်စေတဲ့အရက်နံ့ တစ်ခုကိုပါ ရလိုက်လေသည်။

​တိုက်ပွဲကြီး ပြီးကတည်းက ဝိညာဉ်ဂိုဏ်းရဲ့ ဂိုဏ်းသခင်အသစ်က ဝိညာဉ်ဝိုင် ဘူးသီးခြောက်တစ်လုံးကို သူမနဲ့ အတူ အမြဲတမ်း သယ်ဆောင်လေ့ရှိပေသည်။

​အဘယ်ကြောင့်ဆိုသော် သူမ အနည်းငယ် မူးနေသရွေ့ ကိစ္စရပ် တချို့ကို မေ့ပျောက်နိုင်တယ်လို့ ခံစားရလို့ပင်။

​ဒီလိုလုပ်တာက တကယ်တော့ အနည်းငယ် အသုံးဝင်ပြီး စိတ်နှလုံးမိစ္ဆာရှိတာထက် စာရင် မူးနေတာက ပိုကောင်းပါလေသည်။

​ကျင့်ကြံသူတွေ အတွက် စိတ်နှလုံးမိစ္ဆာ မွေးဖွားလာတာက အရက်သောက်ပြီး ရူးသွပ်သလို လုပ်တာလောက် မရိုးရှင်းပေ။

​ကံကောင်းစွာနဲ့ ရှူကျစ်ဟွာက အရက်သောက်တဲ့ အခါ သူမရဲ့ အကန့်အသတ်ကို သိပြ လုံးဝ မူးသွားမှာ မဟုတ်ချေ။

​သူမရဲ့ ဆင်ခြင်တုံတရားကို အမြဲ ထိန်းသိမ်းထားနိုင်လေသည်။

​"ဆရာ... ကျွန်တော့်ကို ဒီနေ့ ဘာလို့ ဒီကို ခေါ်လိုက်တာလဲ" ပိုင်ယီ စူးစမ်းလိုစွာ မေးလိုက်၏။

​ရှူကျစ်ဟွာဟာ စောစောက ဝိညာဉ် ဝိုင် အနည်းငယ် သောက်ထားပုံ ရပြီး သူမရဲ့ မျက်နှာက အနည်းငယ် ရဲနေတုန်းပင်။ သူမရဲ့ ရီဝေနေတဲ့ မျက်လုံးတွေနဲ့  ပြုံးပြီး ပြောလိုက်သည်။ "နောက် (၂) နှစ် အတွင်း  ဖြောင့်မတ်ဂိုဏ်း  ဒါဇင်ပေါင်းများစွာ အတူတကွ ဂိုဏ်းပြိုင်ပွဲတစ်ခု ကျင်းပကြလိမ့်မယ်... ဂိုဏ်းတိုင်းက ပါရမီရှင်တပည့် အနည်းငယ် စေလွှတ်ကြလိမ့်မယ်... ပြီးတော့ အဲဒီ ပါရမီရှင်တပည့်တွေက မျိုးဆက်သစ် ကျင့်ကြံသူတွေပဲ"

​"ဂိုဏ်းပြိုင်ပွဲမှာ ပါဝင်တဲ့ အဲဒီပါရမီရှင်တွေ အားလုံးက အသက် (၁၀) နှစ်ကနေ (၅၀) ကြား ရှိကြတယ်....ဝိညာဉ်ဂိုဏ်းက ဒီလိုအခြေအနေမျိုး ဖြစ်နေတာတောင် သူတို့ရဲ့ ဖိတ်ကြားစာကို လက်ခံရရှိလိမ့်မယ်လို့ ငါ မျှော်လင့်မထားခဲ့ဘူး"

​"အခု လောလောဆယ် ဒီဂိုဏ်းပြိုင်ပွဲမှာ ပါဝင်ဖို့ အရည်အချင်း ပြည့်မီတဲ့ သူက မင်းတစ်ယောက်ပဲ ရှိလောက်တယ်"

​"မင်း ဘာလို့ စမ်းမကြည့်တာလဲ... တခြား ဂိုဏ်းတွေက ပါရမီရှင်တွေ့ဆုံရတာလည်း မဆိုးပါဘူး"

​ပိုင်ယီ ကြောင်အသွားခဲ့သည်။

​'ဂိုဏ်းပြိုင်ပွဲ...'

​သူ စက္ကန့်အနည်းငယ်လောက်ပဲ စဉ်းစားပြီး ခေါင်းငြိမ့်လိုက်သည်။ "ကောင်းပါပြီ"

​ပိုင်ယီဟာ မသေမျိုးကျင့်ကြံခြင်း သရုပ်ဖော် စနစ်ရဲ့ ဆုလာဘ် ယန္တရားအကြောင်း ရှင်းရှင်းလင်းလင်း သိပေသည်။

လုံလောက်အောင် ကြာကြာ အသက်ရှင်တာ အပြင် ပိုပြီး စိတ်လှုပ်ရှားစရာ ကောင်းတဲ့ဘဝမျိုးမှာ နေထိုင်ဖို့လည်း လိုအပ်လေသည်။

​ဒီဂိုဏ်းပြိုင်ပွဲ ဆိုတဲ့ အရာမှာ ပါဝင်ခြင်းက အနာဂတ်မှာ ဆုလာဘ် တွက်ချက်ခြင်း အတွက် အကျိုးရှိကောင်း ရှိနိုင်သည်။

​ဒီအချိန်မှာ ရှူကျစ်ဟွာ ဆက်ပြောလိုက်သည်။ "ကောင်းပြီ... နောက် (၂) နှစ် အတွင်း မင်းက ဝိညာဉ် ဂိုဏ်းကို ကိုယ်စားပြုပြီး ဂိုဏ်းပြိုင်ပွဲမှာ ပါဝင်ရလိမ့်မယ်"

​"ဒါပေမဲ့... တခြား ဂိုဏ်းတွေက ပါရမီရှင်တွေကို မလျှော့တွက်ပါနဲ့...  အထူးသဖြင့် အဲဒီ အကြီးစား ကျင့်ကြံခြင်း ဂိုဏ်းတွေပဲ... သူတို့ရဲ့ အခြေခံအုတ်မြစ်တွေက ခိုင်မာပြီး မရေမတွက်နိုင်တဲ့ ပါရမီရှင် တပည့်တွေ ရှိကြတယ်"

​"ဒီ (၂) နှစ်အတွင်းမင်းရဲ့ကျင့်ကြံမှုကိုပိုမြင့်မားတဲ့အဆင့်ရောက်အောင်ကူညီဖို့နည်းလမ်းတစ်ခုငါစဉ်းစားပေးမယ်... အကယ်၍မင်းဂိုဏ်းပြိုင်ပွဲမှာကောင်းမွန်တဲ့အဆင့်သတ်မှတ်ချက်တစ်ခုရရင်မင်းအဲဒီကနေကောင်းမွန်တဲ့ဆုလာဘ်တချို့လည်းရနိုင်တယ်"