အခန်း ၁၄၃ : ပိုင်ယီ၏ (၃၇)ကြိမ်မြောက် အတွေ့ကြုံဘဝ စတင်ခြင်း

​အခု ဖူရွှမ်နီလိုပဲ အဆုံးသတ်သွားပေမည်။

​[သင် ဖိတ်ခေါ်ခဲ့သည့် ဖူရွှမ်နီဟာ ဤမသေမျိုးကျင့်ကြံခြင်း သရုပ်ဖော်မှုတွင် ၂၃ နှစ်၊ ၀၉ လ၊ နှင့် ၇ ရက် အသက်ရှင်နေထိုင်ခဲ့ပါသည်။ သူဟာ အခြေခံ ရာဇဝတ် ဂိုဏ်းအဖွဲ့အောင်မြင်မှုကို အောင်မြင်စွာ အသက်သွင်းနိုင်ခဲ့သည်။ သင်ဟာ ထပ်ဆောင်း ဆုလာဘ် တစ်ခု ရရှိပါသည်။သင်ဟာ အောက်ပါ ဆုလာဘ်များကို ရရှိလိုက်ပါသည် - ]

​[ဆုလာဘ် ၁ - မိစ္ဆာသားရဲ အလောင်းကောင် တစ်ခု (ဤမိစ္ဆာသားရဲ၏ အသားက လတ်ဆတ်ပြီး နူးညံ့ပြီး ပေါင်းစားရန် အလွန် သင့်တော်သည်)]

​[ဆုလာဘ် ၂ - လူသားမဟုတ်သူ (သင်ဟာ အထူး မိစ္ဆာသားရဲ တစ်ကောင် အဖြစ် ကျပန်း ဖြစ်လာလိမ့်မည်)]

​[ဆုလာဘ် ၃ - ဖိနှိပ်ခြင်း  (မိစ္ဆာသားရဲများ အပေါ်တွင်သာ အလုပ်ဖြစ်နိုင်သည့် အာဏာရှင် တစ်ဦး၏ အရှိန်အဝါ)]

​[ထပ်ဆောင်း ဆုလာဘ် - မိစ္ဆာ အမြုတေ(ရွှေအမြုတေ မိစ္ဆာသားရဲ တစ်ကောင်၏ အတွင်းပိုင်း အမြုတေ)]

​ဖူရွှမ်နီ၏ ရမှတ် တွက်ချက်ခြင်း ဆုလာဘ်က အလွန် လျင်မြန်စွာ ပေါ်လာခဲ့သည်။ သူမဟာ အောင်မြင်မှု တစ်ခု အသက်သွင်းနိုင်ခဲ့ခြင်းကို ပိုင်ယီမအံ့သြမိပေ။

​ဘာပဲဖြစ်ဖြစ် ရွေးချယ်ခံ(၃) ယောက် အနက် ဖူရွှမ်နီဟာ သူမ ကိုယ်ပိုင်အင်အားကို အသုံးပြုပြီး... သူမပိုင်ဆိုင်သည့် အဖွဲ့တစ်ဖွဲ့ကို အတင်းအကျပ် ဖွဲ့စည်းနိုင်ခဲ့သည့် ပထမဆုံး လူ ဖြစ်လေသည်။

​အကယ်၍ ဒီလိုအခြေအနေမျိုးမှာ သူမ အောင်မြင်မှုကို အသက်မသွင်းနိုင်ရင် မသေမျိုးကျင့်ကြံခြင်း သရုပ်ဖော် စနစ်ရဲ့ ဖိနှိပ်ခြင်းကို သေချာပေါက် ခံရပေလိမ့်မည်။

​ဒါပေမဲ့ ဒီဆုလာဘ် (၃) ခုက သိပ်ကောင်းမွန်ပုံ မရပေ။

​ဆုလာဘ် ၁ ရဲ့ မိစ္ဆာသားရဲ အလောင်းကောင်က ပိုင်ယီ အတွက် အသုံးမဝင်သလို သူက ချက်ပြုတ်ဖို့တောင် စိတ်မပါတဲ့ လူတစ်ယောက်ဖြစ်ရာ ဘာလို့ မိစ္ဆာသားရဲ အလောင်းကောင်ကို လိုချင်ရမည်နည်း။

​ဆုလာဘ် ၂ က ဖူရွှမ်နီရဲ့ မွေးရာပါ ပါရမီဖြစ်ပေမယ့် ပိုင်ယီ စိတ်မဝင်စားချေ။

​အကယ်၍ သူသာ ဒီဆုလာဘ်ကို ရွေးချယ်လိုက်ရင်  မိစ္ဆာသားရဲ တစ်ကောင် ဖြစ်သွားမည်ဖြစ်ရာ သူဟာ သူ့ရဲ့ မျိုးနွယ်စုကို မပြောင်းလဲချင်ပေ။

​လူသား ဖြစ်ရတာ ပိုကောင်းပေသည်။

​"ဆုလာဘ် ၃"

​နောက်ဆုံးတော့ အနည်းငယ် အသုံးဝင်တဲ့ ဆုလာဘ် ၃ကိုပဲ ရယူလိုက်ပြီး  ထပ်ဆောင်း ဆုလာဘ်ကိုလည်း ရရှိလိုက်သည်။

​ဒါကလည်း ဖူရွှမ်နီရဲ့ မွေးရာပါ ပါရမီ ရွှေအမြုတေမိစ္ဆာသားရဲ တစ်ကောင်ရဲ့ မိစ္ဆာ အမြုတေပင်။

​ဒီမိစ္ဆာ အမြုတေ ပိုင်ယီရဲ့ လက်ထဲပေါ်လာတဲ့အခါ မိစ္ဆာ အမြုတေထဲက ရွှေအမြုတေ မိစ္ဆာသားရဲရဲ့ လက်ကျန် ဝိညာဉ် ပျောက်ကွယ်သွားပြီ ဖြစ်ကြောင်း သူ တွေ့ရှိလိုက်ရသည်။

​သရုပ်ဖော် စနစ်က ရှင်းလင်းပစ်လိုက်တာ ဖြစ်နိုင်ပေသည်။

​"အပိုဆုလာဘ်က မဆိုးဘူး" ပိုင်ယီ ကိုယ့်ကိုယ်ကိုယ် ရေရွတ်လိုက်၏။

​ရွေးချယ်ခံတစ်ယောက်ပြီး တစ်ယောက် မသေမျိုးကျင့်ကြံခြင်း သရုပ်ဖော် စနစ်ထဲမှာ ပိုပိုကောင်းမွန်အောင် ဖွံ့ဖြိုးတိုးတက်လာခဲ့ကြရာ ပိုင်ယီ အနည်းငယ် စိတ်လှုပ်ရှားလာခဲ့သည်။

​လက်ရှိ သူက အခြေတည်အဆင့်မှာ ရှိနေပြီး သူဟာ ရွေးချယ်ခံ (၃) ယောက်ကို မသေမျိုးကျင့်ကြံခြင်း သရုပ်ဖော် စနစ်ထဲ တပြိုင်နက်တည်း ဝင်ရောက်ခွင့် ပေးနိုင်ပြီး ထိုလူဦးရေ ကန့်သတ်ချက်မှာ သူ မပါဝင်ပေ။

​တစ်နည်းအားဖြင့် ပြောရရင် အကယ်၍ သူပါ ပါဝင်မယ် ဆိုရင် မသေမျိုးကျင့်ကြံခြင်း သရုပ်ဖော် စနစ်က လူ (၄) ယောက်ကို တပြိုင်နက်တည်း မသေမျိုးကျင့်ကြံခြင်း သရုပ်ဖော်ခွင့် ပေးနိုင်လေသည်။

​'သူ စမ်းကြည့်သင့်သလား...'

​...

​တစ်ချိန်တည်းမှာပင်။

​ချင်းဟယ်ခရိုင် ရုံးတော်မှာ ယာယီ နေထိုင်နေတဲ့ ဖူရွှမ်နီဟာလည်း လက်တွေ့ကမ္ဘာကို ပြန်ရောက်လာခဲ့သည်။

​သူမ မျက်လုံး ဖွင့်လိုက်ပြီး သူမရှေ့က ရင်းနှီးတဲ့ ပတ်ဝန်းကျင်ကို ကြည့်လိုက်ကာ ခေါင်းခါလိုက်၏။

​"အဲဒီ ဂိုဏ်းတွေက ကျင့်ကြံသူတွေရဲ့ လက်စားချေမှုကို ငါ လျှော့တွက်မိခဲ့တာပဲ... ပြီးတော့ နေမင်းဂိုဏ်း ရဲ့ ရက်ရောမှုကိုလည်း ငါ လျှော့တွက်မိခဲ့တယ်... အပြင်စည်း ဂိုဏ်း သင်းထောက် အသေးလေး တစ်ယောက်မှာတောင် ဆက်သွယ်ရေးအဆောင်ပါလာတယ် ဆိုတာ နည်းနည်း မျှော်လင့်မထားမိဘူး"

​"နေမင်း ဂိုဏ်းက ဘာမှ မပြောဘဲ ရွှေအမြုတေ အဆင့် ကျင့်ကြံသူ တစ်ယောက် စေလွှတ်လိုက်လိမ့်မယ်လို့ ငါ မျှော်လင့်မထားခဲ့ဘူး"

​"ငါက ချီစုစည်းမှု အဆင့် အဆင့် (၇) မှာပဲ ရှိသေးတာ ရွှေအမြုတေ တစ်ယောက်ကို ဘယ်လိုလုပ် ယှဉ်နိုင်မှာလဲ"

​"... ငါ နည်းနည်း ကံဆိုးတယ်လို့ ခံစားရပေမယ့် ငါ့မှာလည်း ကိုယ်ပိုင် ပြဿနာတွေ ရှိနေတာပဲ"

​ဖူရွှမ်နီ လက်လှမ်းလိုက်ပြီး သူမ မျက်ခုံးနှစ်ခုကြားက နေရာလွတ်ကို ပွတ်သပ်လိုက်၏။ ဗလာကျင်းနေသော ဧည့်သည်တော် အခန်းထဲတွင်...

​သူမ တစ်ယောက်တည်း ဖြစ်လေသည်။

​သူမဟာ စိတ်ထဲမှ အာရုံပျံ့လွင့်စေသည့် အတွေးများကို  ရှင်းလင်းပစ်ရန် အစွမ်းကုန် ကြိုးစားလိုက်သည်။ အခုချိန်မှာ အများကြီး တွေးနေလို့ အသုံးမဝင်တော့ပေ။

​ဒီမသေမျိုးကျင့်ကြံခြင်း သရုပ်ဖော် ဘဝက ပြီးဆုံးသွားခဲ့ပေပြီ။ နောက်တစ်ခါ သူမ ဝင်ရောက်တဲ့ အခါ သူမဟာ အစကနေ ပြန်စရတော့ပေမည်။

​ဒါပေမဲ့ ဒီသင်ခန်းစာနဲ့ ဆိုရင် သူမ တူညီတဲ့ အမှားမျိုးနှစ်ခါ ပြုလုပ်လို့ မဖြစ်ပေ။

​အခု သူမဟာ မကြာခင် ရောက်လာတော့မည့် ရမှတ် တွက်ချက်ခြင်း ဆုလာဘ်ကို မျှော်လင့်နေသင့်ပေသည်။

​ဖူရွှမ်နီ၏ အတွေးများ ဆုံးသွားသည်နှင့် တပြိုင်နက်  ဆုလာဘ် ရောက်ရှိလာခဲ့သည်။

​[သင်ဟာ အခြေခံ ရာဇဝတ် ဂိုဏ်းအဖွဲ့ အောင်မြင်မှုကို အောင်မြင်စွာ အသက်သွင်းနိုင်ခဲ့သည်။ သင်ဟာ ထပ်ဆောင်း ဆုလာဘ် တစ်ခု ရရှိပါသည်။ သင်ဟာအောက်ပါ ဆုလာဘ်ကို ရရှိပါသည်]

​[ဆုလာဘ် - ဖိနှိပ်ခြင်း (သင့်ကျင့်ကြံမှု အဆင့်နှင့် တူညီသော သို့မဟုတ် ပိုအားနည်းသည့် မိစ္ဆာသားရဲများဟာ သင့်ကို မြင်သောအခါ ကြောက်ရွံ့မှု အရိပ်အယောင် တစ်ခု ခံစားရလိမ့်မည်)]

​[ထပ်ဆောင်း ဆုလာဘ် - အခြေတည်အဆင့် မိစ္ဆာ အမြုတေ(အခြေတည်အဆင့် မိစ္ဆာသားရဲ တစ်ကောင်၏ အတွင်းပိုင်း အမြုတေ)]

​"နောက်ထပ် အောင်မြင်မှု တစ်ခု အသက်သွင်းနိုင်ခဲ့တာလား"

​"အခြေခံ ရာဇဝတ် ဂိုဏ်းအဖွဲ့..."

​သူ အသက်သွင်းခဲ့သော အောင်မြင်မှု အမည်ကို ကြည့်ပြီး ဖူရွှမ်နီ၏ ပါးစပ် လှုပ်ခါမသွားဘဲမနေနိုင်တော့ပေ။ သူမ ဘယ်လိုပဲ ကြည့်ကြည့် ဒီအောင်မြင်မှုက တတိယတန်းစား အောင်မြင်မှု တစ်ခုလို ဖြစ်နေပေသည်။

​သူမက မဟာယန် မင်းဆက်ရဲ့ မင်းသမီး တစ်ပါးဖြစ်ကာ အခု သူမက ဒီလိုအခြေအနေမျိုး ရောက်နေတာကို သတင်းပေါက်ကြားသွားရင် လူဘယ်နှယောက်လောက်များ သွားကျွတ်မတတ် ရယ်မောကြမလဲဆိုတာ ဘယ်သူ သိနိုင်မည်နည်း။

​"ဖိနှိပ်ခြင်း"

​"မိစ္ဆာ အမြုတေ..."

​သူမ ရရှိခဲ့သည့် ဆုလာဘ် နှစ်ခုကို ကြည့်ပြီး ဖူရွှမ်နီ နက်ရှိုင်းစွာ စဉ်းစားခန်း ဝင်သွားခဲ့သည်။

​'ဖိနှိပ်ခြင်းက အနည်းငယ် အသုံးဝင်တယ်....အကယ်၍ သူမ တူညီတဲ့ နယ်ပယ်က မိစ္ဆာသားရဲ တစ်ကောင်နဲ့ တွေ့ဆုံခဲ့ရင် တစ်ဖက်လူကို ကြောက်ရွံ့မှု အရိပ်အယောင် ခံစားရအောင် လုပ်ပေးနိုင်တယ်....'

​ဒါဆိုရင် သူမမှာ အနိုင်ရနိုင်ခြေတစ်ခု ရှိလာပေပြီ။

​မိစ္ဆာ အမြုတေ အတွက် ဆိုရင်တော့...

​"ဘာလို့ အခြေတည်အဆင့် မိစ္ဆာ အမြုတေ ဖြစ်နေရတာလဲ" သူမရဲ့ ပါရမီဖြစ်သည့် မိစ္ဆာ အမြုတေက ရွှေအမြုတေ မိစ္ဆာသားရဲ တစ်ကောင်ရဲ့ အတွင်းပိုင်း အမြုတေ ဖြစ်ကြောင်း ဖူရွှမ်နီ မှတ်မိနေပေသည်။

​ဆုလာဘ် ဖြစ်လာတဲ့ အခါ ရှင်းပြလို့မရနိုင်လောက်အောင်နှစ်ဆ လျော့နည်းသွားပြီး အခြေတည်အဆင့် မိစ္ဆာ အမြုတေ ဖြစ်သွားလေသည်။

​ဒါက...

​သူမ နက်ရှိုင်းစွာ စဉ်းစားခန်း ဝင်သွားခဲ့သည်။

​"ကောင်းပြီလေ... ဘာမှ မရတာထက် စာရင် ပိုကောင်းပါသေးတယ်"

​မိစ္ဆာ အမြုတေကို ကြည့်ပြီး ဖူရွှမ်နီ မျှော်လင့်ချက်မဲ့စွာ ပြောလိုက်၏။ "ငါ သခင် လီဖေးယုကို အများကြီး အကြွေးတင်နေတုန်းပဲ... ဒီအခြေတည်အဆင့် မိစ္ဆာ အမြုတေနဲ့ အကြွေး ဆပ်ဖို့ ဒါကို အသုံးပြုရမယ်"

​ပြောရမည်ဆိုပါက သူမဟာ အကြွေးဆပ်ဖို့ အတွက် သက်သက်နဲ့ မသေမျိုးကျင့်ကြံခြင်း သရုပ်ဖော် စနစ်ထဲမှာ နှစ်ပေါင်း (၂၀) ကျော်ကြာ သေလုမြောပါး တိုက်ခိုက်နေခဲ့ရသလိုပင်......

​...

​အခြားတစ်ဖက်တွင်။

​ဖူရွှမ်နီ ဘာတွေးနေလဲ ဆိုတာ ပိုင်ယီ မသိချေ။ ဒီအချိန်မှာ သူ စမ်းကြည့်ဖို့ အနည်းငယ် စိတ်အားထက်သန်နေခဲ့သည်။

​ဒါပေမဲ့ မသေမျိုးကျင့်ကြံခြင်း သရုပ်ဖော် စနစ်က ချန်ထားခဲ့တဲ့ စိတ်ပိုင်းဆိုင်ရာ ဒဏ်ရာက တကယ်ပဲ အနည်းငယ် ကြီးမားလွန်းနေခဲ့သည်။

​ဘာပဲဖြစ်ဖြစ် သူဟာ အချိန်တိုလေး အတွင်း အကြိမ် (၃၀) ကျော် သေဆုံးခဲ့ရခြင်းဖြစ်ရာ သူနေရာမှဆိုလည်း ဘယ်သူက အဲဒါကို ခံနိုင်ရည် ရှိမည်နည်း။

​သိထားရမှာက အဲဒီအချိန်တုန်းက သူက ကျင့်ကြံသူ တစ်ယောက် မဟုတ်သေးချေ။

​အကယ်၍ သူသာ ရူးမသွားရင်  ကောင်းမွန်တဲ့ စိတ်အခြေအနေမှာ ရှိနေပြီလို့ ပြောလို့ရပေသည်။

​အကယ်၍ သူသာ မသေမျိုးကျင့်ကြံခြင်း သရုပ်ဖော် စနစ်ထဲမှာ ကောင်းကောင်း ဖွံ့ဖြိုးတိုးတက်နိုင်ရင် မသေမျိုးကျင့်ကြံခြင်း သရုပ်ဖော်ရာမှာ သူ့ကို ကူညီဖို့ ဒီလောက်များတဲ့ ရွေးချယ်ခံတွေကို ရှာဖွေနေစရာ မလိုတော့ပေ။

​ခဏလောက် စဉ်းစားပြီးနောက် ပိုင်ယီ ဆုံးဖြတ်ချက် ချလိုက်၏။

​သူဟာ နောက်တစ်ကြိမ် ကြိုးစားကြည့်ဖို့ ဆုံးဖြတ်လိုက်လေသည်။

​[မသေမျိုးကျင့်ကြံခြင်း သရုပ်ဖော် စနစ်မှ ကြိုဆိုပါသည်။ သင်ဟာ (၃၇) ကြိမ်မြောက် မသေမျိုးကျင့်ကြံခြင်း သရုပ်ဖော်မှုကို စတင်ရန် အတည်ပြုလိုက်ပါပြီ]

​[သင့်တွင် လက်ရှိ ရွေးချယ်စရာ နှစ်ခု ရှိပါသည်...]

​[သင်ဟာ လုံးဝ အသစ်စက်စက် မသေမျိုးကျင့်ကြံခြင်း သရုပ်ဖော်မှုကို ရွေးချယ်လိုက်ပါသည်။ သင်သည် သင့်ပါရမီ အသစ်ကို ပြန်လည်ရွေးချယ်ရန် လိုအပ်ပြီး သင့်တစ်ကိုယ်ရေ အရည်အသွေးများကို ပြန်လည် ကျပန်း သတ်မှတ်ရန် လိုအပ်ပါသည်။]

​[အရာအားလုံး အစမှ ပြန်စရပါမည်]

​[သင့်မသေမျိုးကျင့်ကြံခြင်း သရုပ်ဖော် ဘဝကို အသက်သွင်းရန် အောက်ပါ ကနဦး မွေးရာပါ ပါရမီ(၁၀) ခုထဲမှ (၃) ခုကို ကျေးဇူးပြု၍ ရွေးချယ်ပါ –]

​[...]

​...