ကျင့်ကြံခြင်း သရုပ်ဖော်စနစ် – Chapter 142: အခန်း ၁၄၂ : နေမင်းဂိုဏ်းမှ ကျင့်ကြံသူများ၊ ဖူရွှမ်နီ သေဆုံးခြင်း | Lazy Nerds

အခန်း ၁၄၂ : နေမင်းဂိုဏ်းမှ ကျင့်ကြံသူများ၊ ဖူရွှမ်နီ သေဆုံးခြင်း

သူက ဤကျောက်စိမ်း တိုကင်ကို သူ့ရှေ့ရှိ သင်းထောက်ထံ အလျင်အမြန် ကမ်းပေးလိုက်သည်။

နေမင်းဂိုဏ်း သင်းထောက်က ကျောက်စိမ်း တိုကင်ကို လက်ခံရယူပြီးနောက် လေးလေးနက်နက် မျက်မှောင်မကြုတ်ဘဲ မနေနိုင်တော့ပေ။

နေမင်းဂိုဏ်း သင်းထောက်ဟာ ဤကိုယ်ပိုင်အမှတ်အသား ကျောက်စိမ်း တိုကင်ပေါ်တွင် အလွန် ထင်ရှားသည့် သွားရာတစ်ခု ရှိနေကြောင်း တွေ့ရှိလိုက်ရ၏။

ဤသည်မှာ မိစ္ဆာသားရဲ တစ်ကောင်၏ ကိုက်ရာဖြစ်လေသည်။

"ကြည့်ရတာ ဒီနေရာကို မိစ္ဆာသားရဲ အမဲလိုက်ဖို့ ရောက်လာတဲ့ နေမင်းဂိုဏ်းက အပြင်စည်း ဂိုဏ်းသားတွေ တကယ် ကံဆိုးမိုးမှောင်ကျမှုနဲ့ ကြုံတွေ့ခဲ့ရပုံပဲ... ငါ မမှားဘူး ဆိုရင် အနီးအနားမှာ သာမန်မဟုတ်တဲ့ ခွန်အား ရှိတဲ့ မိစ္ဆာသားရဲ တစ်ကောင် ရှိနေတယ်... သူတို့ အားလုံး အဲဒီ မိစ္ဆာသားရဲရဲ့ လက်သည်းတွေအောက်မှာ သေဆုံးခဲ့ကြတာ"

ဒီစကား ပြောပြီးနောက် သင်းထောက်ဟာ ကိုယ်ပိုင်အမှတ်အသားကျောက်စိမ်း တိုကင်ကို ပေါ့ပေါ့ပါးပါး နောက်ပြန်ပစ်လိုက်သည်။

နောက်ဘက်တွင် အခြား လက်တစ်ဖက်က ကျောက်စိမ်း တိုကင်ကို ဖမ်းယူလိုက်၏။ ထင်ရှားစွာပင် ၎င်းက နေမင်းဂိုဏ်းမှ အခြား အပြင်စည်း ဂိုဏ်း သင်းထောက် တစ်ဦး ဖြစ်လေသည်။

သူတို့ အုပ်စုထဲတွင် လူ (၁၅) ဦး ရှိပြီး သူတို့ထဲမှ နှစ်ဦးမှာ အပြင်စည်း ဂိုဏ်း သင်းထောက်များ ဖြစ်ကြသည်။

သူတို့ နှစ်ဦးစလုံးက ချီစုစည်းမှု အဆင့် (၁၀) တွင် ရှိနေကြသည်။

ထို့အပြင် အပြင်စည်း ဂိုဏ်းသား (၁၃) ဦး ပါဝင်ပေသည်။

ဤအပြင်စည်း ဂိုဏ်းသားများ၏ ကျင့်ကြံမှုက သိပ်မမြင့်မားလှပဲ အမြင့်ဆုံး ကျင့်ကြံမှုက ချီစုစည်းမှု အဆင့် (၅) တွင်သာ ရှိကြသည်။

နောက်ဘက်တွင် ရပ်နေသည့် သင်းထောက်က သူ့လက်ထဲမှ ကိုယ်ပိုင်အမှတ်အသား ကျောက်စိမ်း တိုကင်ကို ကြည့်ပြီး ပြောလိုက်သည်။ "ကျန်ရစ်ခဲ့တဲ့ ပစ္စည်းက အနီးအနားမှာ ပေါ်လာတယ်.... ဆိုလိုတာက မိစ္ဆာသားရဲက အနီးအနားမှာ ရှိနေတာပဲ"

"အဲဒီ ယုတ်မာတဲ့ သားရဲကို သတ်ပြီး ဂိုဏ်းကို ပြန်ရောက်ရင် ငါတို့ တာဝန် ပြီးဆုံးပြီလို့ သတ်မှတ်လို့ ရပြီ"

ထိုသို့ ပြောပြီးနောက် နေမင်းဂိုဏ်းမှ ကျင့်ကြံသူ အုပ်စုညာ အနီးအနားတွင် သဲလွန်စ အမျိုးမျိုးကို စတင် ရှာဖွေလိုက်ကြသည်။

သူတို့ ဆက်လက် ရှာဖွေနေစဉ် သဲလွန်စကို ပိုများများ တွေ့ရှိလာခဲ့ကြသည်။

သူတို့ တစ်ယောက်ချင်းစီတိုင်းဟာလည်း တောင်တန်းများထဲသို့ ပိုမို နက်ရှိုင်းစွာ ဝင်ရောက်လာကြလေသည်။

သူတို့ ရှာဖွေတွေ့ရှိသည့် သဲလွန်စများက လမ်းကြောင်းတစ်ခု အဖြစ် ဆက်စပ်နေသကဲ့သို့ ဖြစ်နေခဲ့သည်။

၎င်းက သူတို့ကို တစ်နေရာရာသို့ ဦးဆောင်ခေါ်သွားနေသကဲ့သို့ပင်။

သင်းထောက်များထဲမှ တစ်ဦး မျက်မှောင်ကြုတ်ပြီး ရေရွတ်လိုက်၏။ "ဘာလို့ ဒီအရာတွေက အမြဲတမ်း တူညီတဲ့ လမ်းကြောင်းမှာ ပေါ်လာနေရတာလဲ... ခြုံခိုတိုက်ခိုက်မှုရှိနေတာလား... ဒါပေမဲ့... ဒီသားရဲတွေက ခြုံခိုတိုက်ခိုက်မှု တစ်ခု တပ်ဆင်နိုင်လောက်အောင် ဉာဏ်ရည် ရှိလို့လား"

အမှန်စင်စစ် အကယ်၍ မိစ္ဆာသားရဲ တစ်ကောင်က ထောင်ချောက် နှင့် ခြုံခိုတိုက်ခိုက်မှု တစ်ခု တပ်ဆင်ထားသည်ဟု တစ်စုံတစ်ယောက်က သူတို့ကို ပြောပါက... သူတို့ ရိုးရှင်းစွာ ယုံကြည်ကြမည် မဟုတ်ပေ။

မိစ္ဆာသားရဲ တစ်ကောင်က ဒီလောက် ဉာဏ်ရည် ရှိဖို့ ဆိုတာ အနည်းဆုံး အခြေတည်အဆင့် သို့မဟုတ် အထက်မှာ ရှိမှ ရပေမည်။

ဒီလိုနေရာမျိုးမှာ... အခြေတည်အဆင့် မိစ္ဆာသားရဲ တစ်ကောင် ဘယ်လိုလုပ် ရှိနိုင်မည်နည်း။

[သင့်လက်အောက်ခံများကို နေမင်းဂိုဏ်းမှ ကျင့်ကြံသူများ ဝင်ရောက်လာစေရန် ထောင်ချောက် တစ်ခု တပ်ဆင်ခိုင်းလိုက်သည်။ သင့်လက်အောက်ခံများ၏ စီစဉ်မှုက မသေသပ်ခဲ့သော်လည်း နေမင်းဂိုဏ်းမှ ကျင့်ကြံသူများဟာ ၎င်းထဲသို့ ကျရောက်လာခဲ့သည်။]

[သူတို့ဟာ သင် တပ်ဆင်ထားသည့် ပဲရိပ်ယောင် အစီအရင်ထဲသို့ မတော်တဆ ဝင်ရောက်မိသွားခဲ့သည်။ တစ်စုံတစ်ရာ မှားယွင်းနေကြောင်း သူတို့ သဘောပေါက်လိုက်ချိန်တွင် အလွန် နောက်ကျသွားခဲ့ပေပြီ။]

[မိစ္ဆာသားရဲ အမြောက်အမြား ပေါ်ထွက်လာခြင်းက သူတို့၏ ကလီစာများ ပေါက်ကွဲသွားမတတ် ဖြစ်စေခဲ့သည်]

[ထိတ်လန့်တကြား ဖြစ်နေစဉ် နေမင်းဂိုဏ်းမှ အပြင်စည်း ဂိုဏ်းသား အများအပြားဟာ ထောင်ချောက်ကို မိသွားခဲ့ကြသည်။ သူတို့ဟာ ပြင်းထန်စွာ ဒဏ်ရာရရှိခြင်း သို့မဟုတ် သေဆုံးခြင်းများ ဖြစ်သွားခဲ့သည်]

[မိစ္ဆာသားရဲ ရာပေါင်းများစွာဖြင့် ဖွဲ့စည်းထားသည့် မိစ္ဆာသားရဲ ဒီရေလှိုင်းက ချီစုစည်းမှု အဆင့် (၁၀) ရှိသည့် အပြင်စည်းဂိုဏ်း သင်းထောက် နှစ်ဦးပင် အလွန် ကြောက်လန့်သွားသဖြင့် သူတို့၏ မျက်နှာများ ဖြူဖပ်ဖြူရော် ဖြစ်သွားခဲ့ကြသည်]

[မိစ္ဆာသားရဲ အမြောက်အမြား တိုက်ပွဲတွင် သေဆုံးခဲ့ပြီး နေမင်းဂိုဏ်းမှ ကျင့်ကြံသူ အမြောက်အမြား တိုက်ပွဲတွင် သေဆုံးခဲ့ရသည်]

[နေမင်းဂိုဏ်းမှ ကျင့်ကြံသူ အားလုံး အသတ်ခံလိုက်ရသည်]

[မိစ္ဆာသားရဲ ဒါဇင်ပေါင်းများစွာ သေဆုံးခဲ့သည်]

[သင် မျှော်လင့်မထားခဲ့သည့် အရာမှာ အပြင်စည်း သင်းထောက်များထဲမှ တစ်ဦးတွင် ဆက်သွယ်ရေးအဆောင်တစ်ခု အမှန်တကယ် ပါရှိနေခြင်း ဖြစ်သည်။ တစ်ဖက်လူဟာ သူသေဆုံးခါနီးတွင် ဆက်သွယ်ရေးအဆောင် တစ်ခုကို အသုံးပြုလိုက်သည်။ သင် ဆက်သွယ်ရေးအဆောင်၏ အရှိန်အဟုန်ကို အမီမလိုက်နိုင်ခဲ့ပေ။ ဆိုးရွားသည့် အရာတစ်ခု ဖြစ်ပျက်လာတော့မည်ကို သင် သဘောပေါက်လိုက်သည်။]

"ငါ ပေါ့ဆသွားတာပဲ..."

ဆက်သွယ်ရေးအဆောင်တစ်ခု ပျံသန်းထွက်ခွာသွားပြီး မျက်တောင် တစ်ခတ်အတွင်း မိုးကုတ်စက်ဝိုင်းဆီသို့ ပျောက်ကွယ်သွားသည်ကို ဖူရွှမ်နီ မျှော်လင့်ချက်မဲ့စွာ ကြည့်နေမိခဲ့သည်။

သူမ၏ စိတ်အခြေအနေက အနည်းငယ် လေးလံနေပြီး အောင်ပွဲကြောင့် ပျော်ရွှင်မှု တစ်စုံတစ်ရာ မခံစားရပေ။

လူသား ကျင့်ကြံသူများကို အနိုင်ယူလိုက်နိုင်သဖြင့် ပျော်ရွှင်စွာ ဟိန်းဟောက်နေကြသည့် မိစ္ဆာသားရဲ အုပ်စုကို သူမ ငုံ့ကြည့်လိုက်၏။

ဖူရွှမ်နီ ခဏတာမျှ တိတ်ဆိတ်နေခဲ့ပြီး နောင်တရနေခြင်းက အသုံးမဝင်ကြောင်း သူမ သိလေသည်။ သူမ အမှားတစ်ခု ပြုလုပ်မိခဲ့သဖြင့် ၎င်းကို ပြုပြင်ရန် နည်းလမ်းတစ်ခု ချက်ချင်း စဉ်းစားရပေမည်။

'ဒီနေရာက... ဆက်နေဖို့ မသင့်တော်တော့ဘူး...'

[ညအချိန်တွင် သင်ဟာ အသက်ရှင်ကျန်ရစ်သည့် မိစ္ဆာသားရဲ အားလုံးကို စုဝေးလိုက်သည်။ သင် ဤနေရာမှ ထွက်ခွာတော့မည် ဖြစ်ကြောင်းနှင့် ပိုမို ကောင်းမွန်သည့် ပိုင်နက်တစ်ခု ရှာဖွေရန် ဝေးဝေးသို့ ထွက်ပြေးမည် ဖြစ်ကြောင်း သူတို့ကို ပြောပြလိုက်သည်။ သင့်နောက် လိုက်ပါလိုသည့် မိစ္ဆာသားရဲများဟာ သင့်နှင့် အတူ လိုက်ပါနိုင်ပြီး အကယ်၍ မလိုက်ပါလိုလျှင် သင် သူတို့ကို အတင်းအကျပ် မခိုင်းစေပေ။]

[နောက်ဆုံးတွင် သင့်မူလ အုပ်စု ဖြစ်သည့် မိစ္ဆာသားရဲ (၅၀) သို့မဟုတ် (၆၀) ခန့်သာ သင့်နှင့် အတူ လိုက်ပါရန် ဆန္ဒရှိခဲ့ကြသည်။ မဟာမိတ် မိစ္ဆာသားရဲဟု ခေါ်သည့် ကျန်ရှိနေသည့် ကောင်များ အားလုံး ကျန်ရစ်ခဲ့ကြသည်။]

[သင် စတင် ထွက်ခွာခဲ့သည်။]

[အသက် ၁၉ နှစ် - နေမင်းဂိုဏ်းမှ ရွှေအမြုတေ အဆင့်ကျင့်ကြံသူတစ်ယောက် ရောက်လာပြီး တောင်တန်း တစ်ခုလုံးကို အစုလိုက်အပြုံလိုက် သတ်ဖြတ်ကာ မိစ္ဆာသားရဲ ရာပေါင်းများစွာကို သတ်ဖြတ်လိုက်သည်။ သွေးများ မြစ်ချောင်းသဖွယ် စီးဆင်းခဲ့သည်]

[သို့သော် သင် အချိန်မီ ထွက်ခွာခဲ့သဖြင့် ဤသေစေနိုင်သည့် ကပ်ဘေးမှ လွတ်မြောက်ရန် အလွန် ကံကောင်းခဲ့သည်။]

[ဒါပေမဲ့ နေမင်းဂိုဏ်းက သင်ဟာ တရားခံဖြစ်ကြောင်း ရှာဖွေတွေ့ရှိရန် နည်းလမ်းအချို့ကို အသုံးပြုခဲ့သည်။]

[အသက် ၂၀ နှစ် - နေမင်း ဂိုဏ်း၏ လိုက်လံဖမ်းဆီးမှုအောက်တွင် သင့်လက်အောက်ခံများ ပြင်းထန်သည့် သေဆုံးထိခိုက်မှုများ ခံစားခဲ့ရသည်။]

[အသက် ၂၂ နှစ် - သင်ဟာ အခြေတည်အဆင့် မိစ္ဆာသားရဲ တစ်ကောင်၏ ပိုင်နက်ထဲသို့ မတော်တဆ ဝင်ရောက်မိသွားသည်။ သင့်လက်အောက်ခံများ (၁၀) ကောင်လျှင် (၁) ကောင် အောက်သာ အသက်ရှင်ကျန်ရစ်သည်။]

[အသက် ၂၃ နှစ် - သင် ချီစုစည်းမှု အဆင့် အဆင့် (၇) သို့ အဆင့်ချိုးဖျက် ဝင်ရောက်နိုင်ခဲ့သည်]

[နေမင်း ဂိုဏ်းမှ ရွှေအမြုတေ ကျင့်ကြံသူများ သင့်နောက် လိုက်လာသောအခါ သင့်အပေါ် သစ္စာရှိသည့် ထိုမိစ္ဆာသားရဲအားလုံး တိုက်ပွဲတွင် သေဆုံးခဲ့ရပြီး သင်ဟာလည ရွှေအမြုတေ ကျင့်ကြံသူများ၏ ပြိုင်ဘက် မဟုတ်ခဲ့ပေ။]

[တစ်ဖက်လူက သင့်ကို အတင်းအကျပ် သတ်ဖြတ်လိုက်သည်!]

[သင် သေဆုံးသွားခဲ့သည်]

[အသက် - ၂၃ နှစ်၊ ၀၉ လ၊ ၀၇ ရက်]

...

"တတိယမြောက်ရွေးချယ်ခံတော့ သွားပြီ..."

ဖူရွှမ်နီ နေမင်းဂိုဏ်းမှ ရွှေအမြုတေ ကျင့်ကြံသူများ၏ လက်ချက်ဖြင့် ချက်ချင်း အသတ်ခံလိုက်ရသည်ကို ကြည့်ပြီး ပိုင်ယီ မသေမျိုးကျင့်ကြံခြင်း သရုပ်ဖော် စနစ်၏ ဆက်စပ်မှုအကြောင်း မကျေမနပ် ပြောဆိုရုံမှတစ်ပါး ရွေးချယ်စရာ မရှိတော့ပေ။ "ငါ့ရဲ့ အသက်မွေးဝမ်းကျောင်း လုပ်ငန်းက တိုးတက်မှုလေး နည်းနည်း ရဖို့ မလွယ်ကူခဲ့ဘူး... အခြေခံ လူတန်းစား အဖွဲ့လေး တစ်ဖွဲ့ ဖွဲ့စည်းဖို့ မလွယ်ကူခဲ့ဘူး...ပြီးတော့ အဲဒါက ဒီအတိုင်း ပျောက်ကွယ်သွားပြီ"

ဘယ်သူပဲ မသေမျိုးကျင့်ကြံခြင်း သရုပ်ဖော် စနစ်ထဲ ဝင်ရောက်သည် ဖြစ်စေ သူတို့ဟာ ရုတ်တရက် သရုပ်ဖော် စနစ်ရဲ့ ပစ်မှတ်ထားခြင်း ခံရလိမ့်မယ်လို့ သူ ခံစားလိုက်ရသည်။

သင့်အတွက် အလွန် အန္တရာယ်များတဲ့ အခြေအနေ တစ်ခုကို အတင်းအကျပ် စီစဉ်ပေးလိုက်သလိုပင်။

အကယ်၍သင်သာကျော်ဖြတ်နိုင်ပါကနောက်ထပ်ဆယ်စုနှစ်အနည်းငယ်ကအခြေခံအားဖြင့်ချောမွေ့နေမည်ဖြစ်ပြီးအကယ်၍သင်မကျော်ဖြတ်နိုင်ရင်တော့...