အခန်း ၁၄၀ : လူသားမျိုးနွယ်ကို သစ္စာဖောက်သွားသည့် ဖူရွှမ်နီ
စကားပြောလိုက်သည်နှင့်။
သတ်ဖြတ်ဖို့ ပြင်နေသည့် ကျင့်ကြံသူ (၃) ယောက်ဟာ ချက်ချင်း ကြောင်အသွားခဲ့ကြသည်။
သူတို့ဟာ ဆွံ့အသွားကြပြီး မျက်လုံးများထဲတွင် အံ့သြမှုများဖြင့် ပြည့်နှက်နေခဲ့သည်။
"စီနီယာ… စီနီယာအစ်ကိုချီ ဒီဆိတ်မိစ္ဆာက ခုနတုန်းက လူစကား ပြောလိုက်တာလား"
"ပြောလိုက်တယ်လို့ ထင်တယ်… ဒါပေမဲ့ သိပ်နားမလည်လိုက်ဘူး... ပြီးတော့ သူ့လေသံက တစ်မျိုးကြီးပဲ"
"လခွမ်း... ချီစုစည်းမှု အဆင့် မိစ္ဆာသားရဲတွေ စကားပြောတတ်နေပြီလား"
သူတို့ (၃) ယောက်လုံး ဆွံ့အသွားခဲ့ကြသည်။
နောက်ဆုံးတွင် စီနီယာအစ်ကိုချီက သတိပြန်ဝင်လာသော ပထမဆုံး လူ ဖြစ်သည်။ ထို့နောက် အံကြိတ်ပြီး အသံတိုးတိုးဖြင့် အော်လိုက်၏။ "အဲဒီမှာ ဒီအတိုင်း ရပ်မနေနဲ့... အကယ်၍ ငါတို့ စွမ်းအားကြီးတဲ့ မိစ္ဆာသားရဲ တချို့ရဲ့ အာရုံစိုက်မှုကို ဆွဲဆောင်မိသွားရင် ငါတို့ ဒီသောက်ကျိုးနည်း နေရာမှာ သေရလိမ့်မယ်... သူ့ကို သတ်ပြီး ဝိညာဉ် ဆေးဖက်ဝင် အပင်ကို လုယူလိုက် ပြီးရင် ငါတို့ ဂိုဏ်းကို ပြန်ကြမယ်…"
"ဘုန်း...ဘုန်း...."
သူ့စကား မဆုံးခင်မှာပင် အဝေးမှ အသံကျယ်ကြီးတစ်ခု ထွက်ပေါ်လာခဲ့သည်။ တစ်စုံတစ်ယောက်က ကြမ်းတမ်းသည့် ခွန်အား ပမာဏကို အသုံးပြုပြီး မြေပြင်ကို ရိုက်နှက်လိုက်သကဲ့သို့ပင်။
စိတ်ပိုင်းဆိုင်ရာ အကျိုးသက်ရောက်မှုများကြောင့် ဟုတ်မဟုတ် သူတို့ မသိသော်လည်း မြေပြင်က အနည်းငယ် တုန်ခါနေသည်ဟုပင် သူတို့ ခံစားလိုက်ရသည်။
......
ငှက်တစ်အုပ်ဟာ အလွန် ကြောက်လန့်သွားသဖြင့် ပျံသန်း ထွက်ခွာသွားခဲ့ကြသည်။ ပုန်းအောင်းနေသည့် တောရိုင်းတိရစ္ဆာန်များဟာလည်း အလွန် ကြောက်လန့်သွားသဖြင့် ကိုယ့်ကိုယ်ကိုယ် ထုတ်ဖော်ပြသလိုက်ကြသည်။
ထို့နောက် တစ်ကောင်ပြီး တစ်ကောင် မတူညီသည့် လမ်းကြောင်းများဆီသို့ ထွက်ပြေးသွားခဲ့ကြသည်။
ဂိုဏ်းမှ ကျင့်ကြံသူ (၃) ယောက်ဟာ တစ်ပြိုင်နက်တည်း တံတွေး မျိုချလိုက်ကြပြီး သူတို့တွင် ဆိုးရွားသော ခံစားချက် တစ်ခု ရှိနေခဲ့ကြလေသည်။
သူတို့ ထွက်ပြေးဖို့ မစဉ်းစားရသေးခင်မှာပင် ပုံရိပ် တစ်အုပ်ကို သူတို့ မြင်လိုက်ကြရသည်။
မိစ္ဆာသားရဲများ...
မိစ္ဆာသားရဲ တစ်အုပ်....
သူတို့ မြင်နိုင်သလောက် အကွာအဝေးထိ သူတို့ မြင်ရတဲ့ အရာအားလုံးက မိစ္ဆာသားရဲတွေချည်းပင်။
"ရှူး..."
စီနီယာအစ်ကိုချီ လေအေးတစ်ချက် ရှူသွင်းလိုက်ပြီး အေးစက်သည့် လေထုတစ်ခုက သူ့ကျောပြင်မှ သူ့ခေါင်းပေါ်သို့ တိုးဝင်လာသလို ခံစားလိုက်ရပြီး ကြက်သီးထသွားစေကာ တုန်ခါသွားစေခဲ့သည်။
အကယ်၍ မိစ္ဆာသားရဲ အနည်းငယ်သာ ရှိပါက သူ ကြောက်ရွံ့မည် မဟုတ်သည့် အပြင် အလွန် စိတ်လှုပ်ရှားနေပေလိမ့်မည်။
အဘယ်ကြောင့်ဆိုသော် သူ ဒီတစ်ခါ လာရသည့် ရည်ရွယ်ချက်မှာ မိစ္ဆာသားရဲ အမဲလိုက်ဖို့ ဖြစ်သောကြောင့် ဖြစ်၏။
သို့သော် အကယ်၍ မိစ္ဆာသားရဲ ဒါဇင်ပေါင်းများစွာ ပေါ်လာပါက သူ စိတ်လှုပ်ရှားနေမည် မဟုတ်ပေ။
ထိုအစား သူ့လက်များနှင့် ခြေထောက်များ အေးစက်သွားပြီး ဦးရေပြား ထုံကျင်သွားခဲ့ရသည်။
မတူညီသည့် မျိုးနွယ်စုများမှ မိစ္ဆာသားရဲများဟာ ဤလမ်းကြောင်းအတိုင်း ဦးတည်လာနေကြပြီး ယုတ္တိကျကျ ပြောရလျှင် သူတို့ထဲမှ အချို့ဟာ သဘာဝ ရန်ဘက်များပင် ဖြစ်နေခဲ့ကြသည်။
သို့သော် ဤအချိန်တွင် သူတို့ အားလုံးဟာ အတူတကွ ရပ်နေကြပြီး အကြောင်းပြချက် တစ်စုံတစ်ရာကြောင့် သူတို့၏ သဘာဝ အမုန်းတရားများကို လွှင့်ပစ်ထားကြသကဲ့သို့ ဖြစ်နေခဲ့သည်။
ကြောင်မိစ္ဆာ။
မြွေမိစ္ဆာ။
မျောက်မိစ္ဆာ။
ပိုးဖလံမိစ္ဆာ။
မိစ္ဆာသားရဲ အမျိုးအစားပေါင်းစုံ ရှိနေခဲ့ပြီး လူတွေ ကိုင်တွယ်ဖြေရှင်းဖို့ များလွန်းနေခဲ့သည်။
သူတို့ စုစုပေါင်း (၃၆) ကောင် ရှိလေသည်။
အနိမ့်ဆုံး ကျင့်ကြံမှု အဆင့်က ချီစုစည်းမှု အဆင့် အဆင့် (၁) ဖြစ်ပြီး အမြင့်ဆုံး ကျင့်ကြံမှု အဆင့်က…
သူတို့ ၎င်း၏ ကျင့်ကြံမှု အဆင့်ကို မပြောနိုင်ကြပေ။
အဲဒါက လိပ်တစ်ကောင်ရဲ့ ကျောပေါ်မှာ ရပ်နေတဲ့ မိစ္ဆာသားရဲ တစ်ကောင် ပြီးတော့ လမင်းကျီးကန်မိစ္ဆာသားရဲ တစ်ကောင်ပင်။
ဒီအချိန်မှာ သူတို့ ဝိညာဉ် ဆေးဖက်ဝင် အပင်တွေ၊ ဂိုဏ်းအကျိုးပြု ရမှတ်တွေ ဒါမှမဟုတ် မိစ္ဆာသားရဲ အမဲလိုက်တာတွေကို ဂရုမစိုက်နိုင်တော့ပေ။
သူတို့ စိတ်ထဲမှာ စကားလုံး တစ်လုံးတည်းပဲ ရှိတော့လေသည်။
"ပြေး..."
စီနီယာအစ်ကိုချီ ကြောက်လန့်တကြား အော်ဟစ်လိုက်ပြီး စကားတစ်ခွန်းမှ မဆိုဘဲ ထွက်ပြေးရန် လှည့်ထွက်လိုက်သည်။ ဒီလောက်များတဲ့ မိစ္ဆာသားရဲတွေနဲ့ တိုက်ခိုက်ဖို့ သူ့မှာ သတ္တိ မရှိသလို တိုက်ခိုက်ပါကလည်း သေချာပေါက် အလဟဿ သေဆုံးသွားရပေမည်။
သို့သော် အော်ရာတစ်ခုက သူ့ကို ချက်ချင်း ချုပ်နှောင်လိုက်သဖြင့် ခြေလှမ်းများ ရပ်တန့်သွားခဲ့ရသည်။ ထို့ကြောင့် သေခြင်းတရား၏ ခြိမ်းခြောက်မှုက သူ့ရင်ထဲ၌ ပြည့်နှက်လာခဲ့သည်။
သူ့မသိစိတ်က သူ့ကို ပြောနေသည်မှာ အကယ်၍ သူရုန်းကန်ရဲပါက နောက်တစ်ခဏတွင် သူ သေဆုံးရပေလိမ့်မည်။
"မင်းတို့ ဒီမှာ ဘာလုပ်နေကြတာလဲ"
အသံတစ်ခု ထွက်ပေါ်လာခဲ့သည်။ တစ်ဖက်လူ စကားပြောသည့်အခါ သူမ၏ စကားလုံးများက ပြည့်စုံပြီး ရှင်းလင်းနေခဲ့သည်။
သူမက တကယ် လူသား ဖြစ်နေသကဲ့သို့ပင်။
သို့သော် ဒီစကား ပြောလိုက်တဲ့သူက မိစ္ဆာသားရဲ တစ်ကောင် ဆိုတာ ကျင့်ကြံသူ (၃) ယောက်လုံး သိကြလေသည်
အဲဒါက သူတို့ ကျင့်ကြံမှု အဆင့်ကို လုံးဝ အာရုံမခံနိုင်တဲ့ လမင်းကျီးကန်း မိစ္ဆာသားရဲပင်။
ဖူရွှမ်နီ၏ တည်ငြိမ်သည့် အကြည့်က သူမရှေ့ရှိ ကျင့်ကြံသူ (၃) ဦးကို ဖြတ်သန်းသွားခဲ့သည်။ ဤလူ (၃) ဦးက အလွန် အားနည်းကြောင်း သူမ သဘောပေါက်လိုက်၏။
တစ်ဖက်လူ၏ ကျင့်ကြံမှုက ချီစုစည်းမှု အဆင့် အဆင့် (၄) တွင် ရှိသော်လည်း ချီစုစည်းမှု အဆင့် အဆင့် (၆) တွင် ရှိနေသည့် သူမနှင့် ယှဉ်လိုက်လျှင် ကြီးမားသည့် ကွာဟချက်တစ်ခု ဖြစ်နေခဲ့သည်။
ထို့အပြင် ဤကမ္ဘာမှ ကျင့်ကြံသူများက လက်တွေ့ကမ္ဘာမှ ကျင့်ကြံသူများနှင့် မည်သို့မျှ ကွာခြားပုံ မရပေ။
ဒါကို ရှာဖွေတွေ့ရှိပြီးနောက် ဖူရွှမ်နီ ချက်ချင်း စိတ်ဝင်စားမှု ပျောက်ဆုံးသွားခဲ့သည်။
သူမဟာ တုန်လှုပ်နေသည့် ဆိတ်မိစ္ဆာကို တစ်ချက် ကြည့်လိုက်၏။
ထို့နောက် သူမ လက်ရှိ သူတို့၏ သက်ဆိုင်ရာ နေရာများတွင် ရပ်နေကြသည့် ဂိုဏ်းမှ ကျင့်ကြံသူ (၃) ဦးကို ကြည့်လိုက်သည်။
ထို့နောက် သူတို့ လက်ထဲမှ ရှည်လျားသော ဓားများကို သူမ ကြည့်လိုက်ရာ ဖူရွှမ်နီ၏ မျက်လုံးများက အနည်းငယ် အေးစက်သွားခဲ့သည်။
ဤလူ (၃) ဦး ပြန်ဖြေရန် မလိုအပ်တော့ပေ။ သူတို့ ဘာအတွက် ရောက်လာလဲ ဆိုတာ သူမ သိပြီးသား ဖြစ်လေသည်။
သူတို့ မိစ္ဆာသားရဲများကို အမဲလိုက်ဖို့ ရောက်လာကြတာပင်
ဒါကို မြင်တော့ ဖူရွှမ်နီ ပြောစရာ စကား မရှိတော့ပေ။
"သူတို့ကို သတ်လိုက်" သူမ အေးစက်စွာ ပြောလိုက်၏။
ချက်ချင်းပင် ဖူရွှမ်နီ၏ ရှေ့မှ လိမ္မာသည့် မိစ္ဆာသားရဲ တစ်အုပ်ဟာ ရုတ်တရက် ရက်စက်ကြမ်းကြုတ်ပြီး ကြောက်မက်ဖွယ် ကောင်းသည့် မိစ္ဆာသားရဲများ အဖြစ် ပြောင်းလဲသွားခဲ့ကြသည်။
သူတို့၏ ကြမ်းကြုတ်သည့် အစွယ်များနှင့် ထက်မြက်သည့် ခြေသည်းများကို ထုတ်ဖော်ပြသကာ တစ်ကောင်ပြီး တစ်ကောင် ရှေ့သို့ တိုးဝင်လာခဲ့ကြသည်။
၎င်းက ထိုလူများကို အလွန်အမင်း ကြောက်လန့်သွားစေခဲ့သည်။
ဂိုဏ်းမှ ကျင့်ကြံသူ (၃) ယောက်ဟာ အလွန် ကြောက်လန့်သွားကြပြီး ခုခံရန် အလျင်အမြန် လှုပ်ရှားလိုက်ကြသည်။
ကံမကောင်းစွာဖြင့် လက်သီး နှစ်ဖက်ဖြင့် လက်လေးဖက်ကို ယှဉ်ပြိုင်တိုက်ခိုက်ရန်မှာ ခက်ခဲလှပေသည်။
မိစ္ဆာသားရဲ (၃၆) ကောင်၏ ဝိုင်းရံပိတ်ဆို့မှု့အောက်တွင် ဖူရွှမ်နီပင် လှုပ်ရှားရန် မလိုအပ်ပဲ သူတို့ ပျောက်ကွယ်သွားကြပေလိမ့်မည်။
[သင် မိစ္ဆာသားရဲ တစ်အုပ်ကို ဦးဆောင်ပြီး နေမင်း ဂိုဏ်းမှ အပြင်စည်း ဂိုဏ်းသား (၃) ဦးကို သတ်ဖြတ်ခဲ့သည်။ သူတို့၏ အလောင်းကောင်များထံမှ အလယ်အလတ် အရေအသွေးရှိသည့် ရှည်လျားသော ဓား (၃) လက်နှင့် လူ (၃) ဦး မျှဝေသုံးစွဲနိုင်သည့် သိုလှောင်အိတ် တစ်လုံးကို တွေ့ရှိခဲ့သည်။]
[သိုလှောင်အိတ်ထဲတွင် အဆင့်နိမ့် မိစ္ဆာသားရဲ အလောင်းကောင် အမြောက်အမြား၊ ဆေးလုံးအနည်းငယ်၊ နေမင်း ဂိုဏ်း၏ ကိုယ်ပိုင်အမှတ်အသား တံဆိပ်ပြား၊ အခြေခံ ကျင့်ကြံခြင်း နည်းစနစ်အချို့နှင့် ဝိညာဉ်အဆောင်(၂) ခု တို့ကို တွေ့ရှိခဲ့ရသည်။]
[သင်ဟာ ကျင့်ကြံခြင်း ဂိုဏ်းတစ်ခုကို ရန်စမိလိုက်ပြီ ဖြစ်ကြောင်း သဘောပေါက်လိုက်သော်လည်းအနည်းငယ်မျှ ထိတ်လန့်ခြင်း မရှိခဲ့ပေ။]
[သင် ဤအရာကို မျှော်လင့်ထားပြီး ဖြစ်လေသည်]
[မိစ္ဆာသားရဲများကို ဒုက္ခပေးသည့် လူသားကျင့်ကြံသူ အားလုံးကို သင် တွန့်ဆုတ်ခြင်း မရှိဘဲ သတ်ဖြတ်ခဲ့သဖြင့် ကီလိုမီတာ (၁၀၀) အချင်းဝက်အတွင်းရှိ မိစ္ဆာသားရဲများ အကြားတွင် သင် နာမည်ကြီးလာခဲ့သည်။ ဉာဏ်ရည်မြင့်မားသည့် မိစ္ဆာသားရဲ အနည်းငယ်ဟာ သင့်ဂုဏ်သတင်းကြောင့် ရောက်လာခဲ့ကြသည်။]
[ကျားမိစ္ဆာသည် သင့်လုပ်ရပ်များကို လေးစားပြီး သင့်ခွန်အားကြောင့် တုန်လှုပ်သွားသဖြင့် သင့်နှင့် ပူးပေါင်းရန် ရွေးချယ်ခဲ့သည်။]
[သင့်ဂန်းစတား ဂိုဏ်းအဖွဲ့တိုးချဲ့လာခဲ့သည်။ သင့်ကွပ်ကဲမှုအောက်တွင် မိစ္ဆာသားရဲ (၅၆) ကောင် ရှိနေပြီ သင့်ပိုင်နက်ကလည်း အများအပြား တိုးချဲ့လာခဲ့သည်။]
[အကယ်၍ သင် ပိုကြိုးစားလျှင် သင့်ဂန်းစတား ဂိုဏ်းအဖွဲ့ဟာ အဖွဲ့အစည်းကြီးတစ်ခု အဖြစ် ပြောင်းလဲသွားနိုင်ခဲ့သည်။]
[…]
သူမရှေ့ရှိ များပြားလှသည့် မိစ္ဆာသားရဲ အုပ်စုကို ကြည့်ပြီး ဖူရွှမ်နီ အောင်မြင်မှု ခံစားချက်တစ်ခု ခံစားလိုက်ရသည်။
လွန်ခဲ့သော (၁၆) နှစ်က အကြောင်း ပြန်တွေးကြည့်လျှင် သူမဟာ ဥမှ ပေါက်ခါစ လမင်းကျီးကန်းလေး တစ်ကောင်သာ ဖြစ်ခဲ့လေသည်။
ယခု သူမဟာ ဤမိစ္ဆာသားရဲ အုပ်စု၏ ခေါင်းဆောင် အမှန်တကယ် ဖြစ်လာခဲ့ပေပြီ။
ကျင့်ကြံခြင်း ဂိုဏ်းများနှင့် ယှဉ်လိုက်လျှင် ဤကဲ့သို့သော အတိုင်းအတာက သေးငယ်ပြီး ကျင့်ကြံခြင်း ဂိုဏ်းတစ်ခုနှင့်ပင် နှိုင်းယှဉ်၍ မရနိုင်သော်လည်း ဖူရွှမ်နီ သူမကိုယ်သူမ အတော်လေး ယုံကြည်မှု ရှိနေဆဲ ဖြစ်သည်။
အနာဂတ်၌ အဖွဲ့က ပိုကြီးလာပေမည်။ ထိုအခါ၌ သူမဟာ စည်းမျဉ်းများ ပိုများများ ချမှတ်ဖို့ လိုအပ်လာပေမည်။
.
စည်းမျဉ်း မရှိသည့် အုပ်စုက လှည့်လည်သွားလာနေသည့် စစ်သားအုပ်စု တစ်စုနှင်တူပေသည်။
သို့သော် ဖူရွှမ်နီ နားမလည်နိုင်ပေ။
ဘာလို့ ကျင့်ကြံခြင်း သရုပ်ဖော် စနစ်က သူမရဲ့ မိစ္ဆာသားရဲ အုပ်စုကို ဂန်းစတာအုပ်စုလို့ ခေါ်ရသည်နည်း။
'ဒါက ဥပဒေချိုးဖောက်တဲ့ ရာဇဝတ်ကောင်တွေရဲ့ အဓိပ္ပာယ်လား... သူမ တစ်စုံတစ်ရာ လွန်ကဲတဲ့ကိစ္စ လုပ်ခဲ့လို့လား..'
သူမက မိစ္ဆာသားရဲ တစ်အုပ်ကို ပိုင်နက် အနည်းငယ် သိမ်းပိုက်ဖို့ အမိန့်ပေးခဲ့ပြီး အပြစ်မဲ့တဲ့ မိစ္ဆာသားရဲ တချို့ကို သတ်ခဲ့သည်။ မိစ္ဆာသားရဲ တစ်အုပ်ကို သူမအတွက် တစ်ခုခု လုပ်ပေးဖို့ အမိန့်ပေးခဲ့ပြီး ကျင့်ကြံသူ အနည်းငယ်ကို သတ်ဖို့ မိစ္ဆာသားရဲတွေကို ဦးဆောင်ခဲ့ရုံလေးသာရှိလေသည်…
ဒီအထိ တွေးမိပြီး ဖူရွှမ်နီ ရေရွတ်လိုက်၏။"အို… တကယ် တူသားပဲ…"
"အထူးသဖြင့် နောက်ဆုံးမှာ ငါက လူသားမျိုးနွယ်ကိုတောင် သစ္စာဖောက်ခဲ့တာပဲ…"
"အဟမ်း"
…