အခန်း ၁၃၇ : မိစ္ဆာသားရဲဂန်းစတားခေါင်းဆောင်

​သို့သော် သူမဟာ ဝိညာဉ် ဆေးဖက်ဝင် အပင်များကို ဒီအတိုင်း စားသုံးနိုင်ပြီး သူမကို ပိုမို သန်မာလာစေနိုင်ပေသည်။

​သို့သော် ဝိညာဉ် ဆေးဖက်ဝင်အပင်၏ စွမ်းအင် ပြောင်းလဲနှုန်းက ဆေးလုံးလောက်တော့ မမြင့်မားပေ။

​သို့ပေမဲ့ သူမဟာ မိစ္ဆာသားရဲ တစ်ကောင် ဖြစ်နေရာ အများကြီး မမျှော်လင့်ထားပဲ အနည်းငယ်ဆိုရင်တောင် ကြေနပ်နေပေသည်။

​"ဒါပေမဲ့..." ဖူရွှမ်နီ ခဏလောက် စဉ်းစားပြီး ပြောလိုက်သည်။ "လောလောဆယ် ငါ့ပိုင်နက်က မသေးငယ်ဘူး... ဒါပေမဲ့ ငါ့ပိုင်နက်ကို ဆက်လက် ချဲ့ထွင်မယ် ဆိုရင် သေချာပေါက် စွမ်းအားကြီးတဲ့ မိစ္ဆာသားရဲတွေနဲ့ ထိပ်တိုက်တွေ့မှာ... ပြီးတော့ ငါက ချီစုစည်းမှု အဆင့် (၅) မှာပဲ ရှိသေးတော့ သူတို့နဲ့ ယှဉ်ပြိုင်ဖို့ ခက်ခဲတယ်"

​"ခြွင်းချက် အနေနဲ့..."

​ဖူရွှမ်နီ၏ မျက်လုံးများထဲတွင် အပြုံးတစ်ခု လက်ခနဲ ဖြစ်သွားခဲ့သည်။ သူမဟာ တစ်ကိုယ်တည်း တိုက်ခိုက်သည့် မိစ္ဆာသားရဲများနှင့် မတူပေ။ သူမတွင် မိစ္ဆာသားရဲ နောက်လိုက်တစ်သိုက် ရှိလေသည်။

​ဤအရာများက သူမ နှစ်ပေါင်းများစွာ ကြာအောင် အင်အားသုံးပြီး လက်အောက်ခံ ဖြစ်လာအောင် ပြုလုပ်ထားသည့် အရာများ ဖြစ်သည်။

​ဤကာလ အတွင်း သူမဟာ သူတို့၏ သစ္စာရှိမှုကို အကြိမ်များစွာ စမ်းသပ်ခဲ့ပြီးပေပြီ။

​မိစ္ဆာသားရဲများ၏ သစ္စာရှိမှုက အလွန် မြင့်မားပြီး သူမ ဘာလုပ်ခိုင်းခိုင်း သူတို့ လုပ်ကြပေလိမ့်မည်။

​ထို့အပြင် သူတို့တွင် ခုခံလိုသည့် စိတ်နှင့် လုပ်ရပ်များ ရှိမည် မဟုတ်ပေ။

​ဒီနည်းလမ်းနဲ့ ဆိုရင် သူမ၌ အကူအညီမဲ့နေတာ မဟုတ်ဘူးလို့ ပြောလို့ရပေသည်။

​[ မိစ္ဆာ အမြုတေမှတဆင့် သင်ဟာ မကြာခဏ ပိုမို သန်မာလာအောင် လုပ်လို့ မရကြောင်း သင် သိပေသည်။ မဟုတ်ပါက ရွှေအမြုတေမိစ္ဆာသားရဲရဲ့ လက်ကျန် ဝိညာဉ်၏ လွှမ်းမိုးမှုက ပို၍ ပို၍ ကြီးမားလာပေလိမ့်မည်။ ပိုမို သန်မာလာစေရန် သင်ဟာ အခြား နည်းလမ်း တစ်ခု ရှာဖွေရန် လိုအပ်ပြီး ဝိညာဉ် ဆေးဖက်ဝင် အပင်များစားသုံးခြင်းက သင် ရှာဖွေတွေ့ရှိထားသည့် နည်းလမ်း ဖြစ်လေသည်။]

​[ဝိညာဉ်အပေါ် အကျိုးသက်ရောက်မှု ရှိစေနိုင်သည့် ဝိညာဉ် ဆေးဖက်ဝင် အပင် အများအပြား ရှိလေသည်။ ၎င်းတို့ကို ရွှေအမြုတေ မိစ္ဆာသားရဲ၏ လက်ကျန် ဝိညာဉ်ကို ထိန်းချုပ်ရန်လည်း အသုံးပြုနိုင်ပြီး ထိုအခါမှသာ သင်ဟာ မိစ္ဆာ အမြုတေကို အသုံးပြု၍ ပိုမို သက်သောင့်သက်သာကျင့်ကြံနိုင်မည် ဖြစ်သည်။]

​[အသက် ၁၃ နှစ် - တစ်နှစ်တာ ပြင်ဆင်ပြီးနောက် အရှေ့ဘက်ရှိ ဝံပုလွေ မိစ္ဆာကို တိုက်ခိုက်ရန် သင် ဆုံးဖြတ်လိုက်သည်။]

​[တစ်ဖက်သားရဲက ချီစုစည်းမှု အဆင့် (၆) တွင် ရှိနေခဲ့သည်]

​တောင်တန်းထဲတွင်။

​ပုံပန်းသဏ္ဍာန်နှင့် ခန္ဓာကိုယ် အရွယ်အစား မတူညီသည့် မိစ္ဆာသားရဲ တစ်ဒါဇင်ကျော်ဟာ အရှေ့ဘက်သို့ ဝင်ရောက် စီးနင်းလာခဲ့ကြသည်။ လမ်းတစ်လျှောက်တွင် မရေမတွက်နိုင်သော တောရိုင်းတိရစ္ဆာန်များဟာ ကြောက်လန့်ပြီး ထွက်ပြေးသွားကြလေသည်။ သူတို့ ဖြတ်သန်းသွားသည့် နေရာတိုင်း၌ သစ်ပင်များဟာ လဲကျကုန်ပြီး ကျောက်စရစ်ခဲများ နေရာအနှံ့ လွင့်စဉ်သွားကာ မီးခိုးများနှင့် ဖုန်မှုန့်များ အမြင့်သို့ တက်လာခဲ့သည်။

​သူတို့၏ ကျင့်ကြံမှုများက မမြင့်မားလှပဲ ချီစုစည်းမှု အဆင့် (၁) နှင့် အဆင့် (၂) သာ ဖြစ်လေသည်။

​အသန်မာဆုံး တစ်ကောင်က ချီစုစည်းမှု အဆင့် အဆင့် (၃) လိပ်မိစ္ဆာ ဖြစ်၏။

​သို့သော် အားသာချက်က သူတို့ဟာ အရေအတွက် များပြားခြင်းပင်။

​အကယ်၍ မိစ္ဆာသားရဲ တစ်ဒါဇင်ကျော် လူသားများ နေထိုင်သော ခရိုင်များတွင် ပေါ်လာပါက ကျင့်ကြံသူများပင် သားရဲ ဒီရေလှိုင်း လာနေပြီဟု ထင်မှတ်ကြပေလိမ့်မည်။ လူသားများကို အတူတကွ သတ်ဖြတ်ရန် အဆင်သင့် ဖြစ်နေသည့် မိစ္ဆာသားရဲ အမြောက်အမြား ရှိနေသည်ဟု ထင်မှတ်ကြပေလိမ့်မည်။

​တကယ်တော့ ဒီမိစ္ဆာသားရဲ အုပ်စုက လူသားတွေကို တိုက်ခိုက်ချင်တာ မဟုတ်သလို မိုင်ရာပေါင်းများစွာ အကွာအဝေး အတွင်း၌ လူသား တစ်ယောက်မှလည်း မရှိပေ။

​သူတို့ မိစ္ဆာသားရဲတွေကို တိုက်ခိုက်ချင်တာပင်။

​သူတို့ရဲ့ အမကြီးက သူတို့ကို ခေါ်ပြီး ပိုင်နက်လုဖို့ တိုက်ခိုက်မလို့ပင်။

​ဒါ့အပြင် အရှေ့ဘက်က ဝံပုလွေ မိစ္ဆာကို သတ်နိုင်သရွေ့ ဝံပုလွေ မိစ္ဆာ ပိုင်နက်ထဲက အဲဒီ မိစ္ဆာသားရဲ အသေးလေးတွေကို သူတို့ရဲ့ လက်အောက်ခံအဖြစ် သိမ်းယူခွင့် ပေးမယ်လို့ သူတို့ရဲ့ အမကြီးက သူတို့ကို ကတိပေးခဲ့၏။

​အစပိုင်းမှာ ဒီအားနည်းသည့် မိစ္ဆာသားရဲတွေက လက်အောက်ခံအဖြစ် သိမ်းယူတယ် ဆိုတာ ဘာအဓိပ္ပာယ်လဲ မသိကြချေ။

​ဖူရွှမ်နီဟာ သူတို့ကို နေ့ဝက်လောက် ရှင်းပြပြီးတဲ့ နောက်မှ သူတို့ဟာ နောက်ဆုံးတော့ နားလည်သွားကြသည်။

​ဒါကြောင့် လက်အောက်ခံတွေနဲ့ ဆိုရင် အမကြီး အတွက် ဝိညာဉ် ဆေးဖက်ဝင် အပင်တွေ တူးဖော်ပေးဖို့ သူတို့ဟာ ပင်ပင်ပန်းပန်း လုပ်စရာ မလိုတော့ပဲ သူတို့ရဲ့ လက်အောက်ခံတွေကို သူတို့အစား တူးခိုင်းလိုက်ရုံပင်။

​သူတို့ နားလည်သွားခဲ့ကြပြီး သူတို့ရဲ့ တိုက်ခိုက်လိုစိတ်တို့ကလည်း မြင့်မားသွားခဲ့ကြသည်။

​လေထဲတွင်။

​ဖူရွှမ်နီဟာ မိစ္ဆာသားရဲ အုပ်စုကို ငုံ့ကြည့်လိုက်၏။ သိပ်မထက်မြက်တဲ့ ဒီမိစ္ဆာသားရဲ အုပ်စုကို အားကိုးပြီး ချီစုစည်းမှု အဆင့် အဆင့် (၆) ဝံပုလွေ မိစ္ဆာကို အနိုင်ယူဖို့ ဆိုတာ အလွန် ခက်ခဲလိမ့်မယ်လို့ သူမ ခံစားလိုက်ရသည်။

​သို့သော် လက်သီး နှစ်ဖက်က လက်လေးဖက်ကို ယှဉ်ပြိုင်တိုက်ခိုက်ဖို့ ခက်ခဲပေသည်။ ဒါ့အပြင် သူမရဲ့ ကျင့်ကြံမှုက ချီစုစည်းမှု အဆင့် (၅) ဖြစ်ကာ သူမက ဝံပုလွေ မိစ္ဆာထက် အဆင့်သေးတစ်ခုသာ နိမ့်လေသည်။ ထို့ကြောင့် သူမရဲ့ နိုင်နိုင်ခြေ ရှိလေသည်။

​"ဒီကောင်တွေက သိပ်မထက်မြက်ဘူးလို့ ထင်ရပေမယ့် လူတိုင်းက တူညီတဲ့ လမ်းကြောင်းကို ဖြတ်သန်းရတာပဲ... ထူးခြားတဲ့ သွေးမျိုးဆက်ပါတဲ့ မိစ္ဆာသားရဲတွေပဲ မြင့်မားတဲ့ ဉာဏ်ရည်နဲ့ မွေးဖွားလာနိုင်တာ..."

​"ငါ့အတွက်တောင် ဒါက မတော်တဆ ဖြစ်ရပ်တစ်ခုပဲ...အကယ်၍ ငါ့ဝိညာဉ်က လူသား တစ်ယောက် ဖြစ်နေလို့သာ မဟုတ်ရင် ငါလည်း သူတို့နဲ့ ဘာမှ ကွာခြားမှာ မဟုတ်လောက်ဘူး"

​"..."

​[သင့်ရန်စမှုက ချီစုစည်းမှု အဆင့် (၆) ဝံပုလွေ မိစ္ဆာကို အလွန်အမင်း ဒေါသထွက်သွားစေခဲ့သည်။ ၎င်းက သင် အနိုင်ယူ သိမ်းသွင်းထားသည့် မိစ္ဆာသားရဲ အုပ်စုနှင့် တိုက်ခိုက်ပြီး နှစ်ဖက်စလုံး ပြင်းထန်သည့် တိုက်ပွဲတစ်ခုကို ဆင်နွှဲခဲ့ကြသည်။ ၎င်းကြောင့် မရေမတွက်နိုင်သည့် တောရိုင်းတိရစ္ဆာန်များနှင့် အားနည်းသည့် မိစ္ဆာသားရဲများကို ကြောက်လန့်တကြား ထွက်ပြေးသွားစေခဲ့သည်။]

​[အရေးကြီးသော အခိုက်အတန့်တွင် သင်ဟာ ခိုးကြောင်ခိုးဝှက် တိုက်ခိုက်မှုတစ်ခု ပြုလုပ်ပြီး ဝံပုလွေ မိစ္ဆာ၏ မျက်လုံး နှစ်လုံးကို ဆိတ်လိုက်သည်။ သင့်လက်အောက်ခံ တစ်ကောင်က ဝံပုလွေ မိစ္ဆာ၏ နှာခေါင်း တစ်ဖက်ကို ကိုက်ဖြတ်လိုက်သဖြင့် ဒဏ်ရာများ ရရှိသွားခဲ့သည်။]

​[နောက်ဆုံးတွင် ဝံပုလွေ မိစ္ဆာဟာ ခိုးကြောင်ခိုးဝှက် တိုက်ခိုက်မှုများ၏ ညစ်ပတ်သော နည်းဗျူဟာများအောက်တွင် အသတ်ခံလိုက်ရသည်]

​[သင့်လက်အောက်ခံ (၅) ကောင် အသတ်ခံလိုက်ရသည်။]

​[သင့်တွင် ဒဏ်ရာ တစ်စုံတစ်ရာ မရရှိပေ]

​ဖူရွှမ်နီဟာ ဤစစ်ဆင်ရေးကို အလွန် ကျေနပ်နေခဲ့သည်။ ဤမိစ္ဆာသားရဲ လက်အောက်ခံများက သန်မာချင်မှ သန်မာလိမ့်မည်။ သို့သော် သူတို့က လုံလောက်အောင် သစ္စာရှိကြလေသည်။

​အကယ်၍ သူမ ာ သူတို့ကို ဝံပုလွေ မိစ္ဆာကို သတ်ခိုင်းလျှင် သူတို့ တွန့်ဆုတ်ခြင်း မရှိဘဲ တိုက်ခိုက်ကြပေလိမ့်မည်။

​သို့သော် ဖူရွှမ်နီဟာ ကျန်ရှိနေသည့် မိစ္ဆာသားရဲများ သူတို့၏ သေဆုံးသွားသည့် အဖော်များထံ ရောက်လာပြီး သွားရည်များ ကျကာ သူတို့၏ သွေးစွန်းနေသည့် ပါးစပ်များကို ဖွင့်လိုက်သည်ကို ရုတ်တရက် မြင်လိုက်ရ၏။

​"ရပ်လိုက်" ဖူရွှမ်နီ ချက်ချင်း သူတို့ကို တားဆီးလိုက်သည်။

​သူတို့၏ ဗလာကျင်းနေသည့် မျက်နှာများကို ကြည့်ပြီး သူမ ရုတ်တရက် ခေါင်းကိုက်သွားသလို ခံစားလိုက်ရလေသည်။

​ဒီမိစ္ဆာသားရဲတွေ အတွက် မတူညီတဲ့ မျိုးနွယ်စုက သူတို့ရဲ့ အဖော်တွေ အကြောင်း ပြောနေစရာ မလိုပေ။ တူညီတဲ့ မျိုးစိတ်သေဆုံးရင်တောင် သူတို့က စားဖို့ ရွေးချယ်ကြမည်ပင်။

​အကယ်၍ တူညီတဲ့ မျိုးစိတ်က သူတို့ရဲ့ ညီအစ်ကို မောင်နှမတွေ ဒါမှမဟုတ် သူတို့ရဲ့ မိဘတွေ ဖြစ်နေရင်တောင်မှပေါ့.....

​ဒါပေမဲ့ ဖူရွှမ်နီဟာ ဒီဉာဏ်ထိုင်းတဲ့ ကောင်တွေကို သူမရဲ့ လက်ရုံးတွေ ဖြစ်လာအောင် လေ့ကျင့်ပေးချင်ပေသည်။ ဘာလို့လဲဆိုတော့ ဒီကောင်တွေက လုံလောက်အောင် သစ္စာရှိလို့ဖြစ်ပြီး  ဒါက လုံလောက်ပေ​ပြီ။

​အကယ်၍ ဒီကောင်တွေကို ကြီးပြင်းလာစေချင်ရင် ရိုးရှင်းတဲ့ သားရဲတွေနဲ့ ဘာမှ မခြားနားတဲ့ သူတို့ရဲ့ အယူအဆနဲ့ အပြုအမူ တချို့ကို သူမ ပြောင်းလဲပေးရမည်။

​အကယ်၍ သူမ ဒီအရာတွေကို မပြောင်းလဲရင် သူတို့က သိပ်အသုံးဝင်မှာ မဟုတ်ပေ

​ဝံပုလွေ မိစ္ဆာရဲ့ ပိုင်နက်ကို သိမ်းပိုက်လိုက်တဲ့ ဖူရွှမ်နီဟာ သူမဆီမှာ တခြားလူတွေအတွက် အတွေးတွေနဲ့ ရည်မှန်းချက်တွေ ရှိနှင့်နေပေပြီ။

​သူမရဲ့ အတွေးတွေနဲ့ ရည်မှန်းချက်တွေကို သူမ တစ်ယောက်တည်းနဲ့ အကောင်အထည်ဖော်လို့ မရနိုင်ပေ

​ဒီအထိ တွေးမိပြီး ဖူရွှမ်နီ လေးနက်စွာ ပြောလိုက်သည်။ "အနာဂတ်မှာ သဘာဝ အတိုင်းပဲ ဖြစ်ဖြစ်  မတော်တဆပဲ ဖြစ်ဖြစ် သေဆုံးတာ ဆိုရင်တောင် မင်းတို့ သူတို့ရဲ့ အလောင်းကောင်တွေကို စားလို့ မရဘူး... ဒါက စည်းမျဉ်းပဲ.."

​"ငါတို့က သေဆုံးသွားတဲ့ ရဲဘော်ရဲဘက်တွေကို သေချာ မြှုပ်နှံပေးရမယ်... မြှုပ်နှံတယ် ဆိုတာ ဘာအဓိပ္ပာယ်လဲဆိုတော့ အဲဒါက တွင်းတူးမယ်... ပြီးရင် သူတို့ကို မြှုပ်နှံမယ်.... အုတ်ဂူ စိုက်ထူမယ်... ပြီးတော့ အဲဒီပေါ်မှာ စာရေးမယ် လို့ ဆိုလိုတာ"

​"မင်းတို့ လူစကား နားမလည်ဘူးလား.... ဒါဆို ငါ့ဆီကနေ သင်ယူကြ...မင်းတို့ အားလုံး သင်ယူရမယ်"

​"..."

​[သင့်မိစ္ဆာသားရဲများအတွက် စည်းမျဉ်းများ ချမှတ်ရန် သင် ဆုံးဖြတ်လိုက်သည်။ စည်းမျဉ်း ဆိုတာ ဘာကို ဆိုလိုကြောင်း သူတို့ နားလည်ဖို့ ခက်ခဲနေခဲ့သည်။ သူတို့ နောက်ဆုံး နားလည်သွားစေရန် သင် သူတို့ကို ရက်အနည်းငယ်ကြာအောင် အသေးစိတ် ရှင်းပြလိုက်ရသည်]

​[သင်ဟာ သာမန် မိစ္ဆာသားရဲ တောင်တန်း ဘုရင်ဘဝမှမိစ္ဆာသားရဲဂန်းစတားအဖွဲ့ခေါင်းဆောင် အဖြစ်သို့ ရောက်ရှိသွားပေပြီ။]

​[...]

​...