အခန်း ၁၂၆ : အရင်ဆုံး သေဆုံးသွားသည့် ဒုတိယရွေးချယ်ခံ ချင်းကျောက်
"ငါ သေလုနီးပါး ဖြစ်သွားတယ်... အကယ်၍ အရေးကြီးတဲ့ အခိုက်အတန့်မှာ စီနီယာတွေက သူတို့အသက်ကို စွန့်စားပြီး ငါ့ကို မကယ်တင်ခဲ့ရင် ငါ့ဘဝရဲ့ ဒီအပိုင်းက အခုလောက်ဆို ပြီးဆုံးသွားလောက်ပြီ"
"ဖြစ်နိုင်တာက ခက်ခဲကြမ်းတမ်းသော လူကြမ်းကြီးရဲ့ မွေးရာပါ ပါရမီက အသက်ဝင်လာတာလား"
ချန်ချန်ရွှယ်၏ စိတ်အခြေအနေ မကောင်းလှပဲ ဒီလို သေစေနိုင်တဲ့ အခြေအနေမျိုး ကြုံတွေ့ရလိမ့်မယ်လို့ မျှော်လင့်မထားခဲ့ပေ။
ထို့အပြင် မိစ္ဆာလမ်းစဉ်ဘက်သို့ ကူးပြောင်းသွားသည့် နေမင်း ဂိုဏ်းက နေပြည်တော်ထဲက လက်မည်းကြီးနဲ့ ပတ်သက်နေလိမ့်မယ်လို့လည်း သူမ မျှော်လင့်မထားခဲ့ချေ။
ဒါက တိုက်ဆိုင်မှုတစ်ခုလို့ ချန်ချန်ရွှယ် လုံးဝ မယုံကြည်ပေ။
သူမ ဘယ်လောက်ပဲ ကံဆိုးပါစေ ဒီလို ရယ်စရာကောင်းတဲ့ တိုက်ဆိုင်မှုမျိုး မတွေ့နိုင်ပေ။
မူလဝိညာဉ် အဆင့် မိစ္ဆာတစ်ကောင်က နန်းတော်ရဲ့ ဖမ်းဆီးခြင်းကို ဒီလောက် အလွယ်တကူ ခံလိုက်ရပြီး သူ့ကို နေပြည်တော်ရဲ့ ကောင်းကင်အကျဉ်းထောင်ဆီ ချောမွေ့စွာ ခေါ်ဆောင်လာခဲ့ကြသည်။
တိုက်ဆိုင်စွာနဲ့ပင် သူမဟာလည်း အဲဒီနေရာမှာ ရှိနေခဲ့လေသည်။
ပြီးတော့ နေမင်းဂိုဏ်းက အဲဒီ မိစ္ဆာက ရည်ရွယ်ချက်ရှိရှိ အဖမ်းခံခဲ့တာပင်။
ထို့နောက် တစ်ဖက်လူက မိစ္ဆာ အကျဉ်းသား အမြောက်အမြားကို လွှတ်ပေးလိုက်ပြီး သတ်ဖြတ်ခြင်း ပွဲတော်ကိုတောင် ဆင်နွှဲခဲ့သေးလေသည်။
ဒီလောက်များတဲ့ တိုက်ဆိုင်မှုတွေနဲ့ ဆိုရင် ချန်ချန်ရွှယ်ဟာ ပူးပေါင်းကြံစည်မှုအနံ့ ရနေပေပြီ။
......
"မူလဝိညာဉ် မိစ္ဆာတစ်ကောင်က ဒီလိုလုပ်တာ... တကယ် ရက်ရောတာပဲ" ချန်ချန်ရွှယ် အာမေဋိတ် ပြုလိုက်၏။
တစ်ဖက်လူရဲ့ ရည်မှန်းချက်က ကောင်းကင်အကျဉ်းထောင်ကို ဖျက်ဆီးဖို့ သေချာပေမယ့် အဲဒါက သူတို့ရဲ့ တစ်ခုတည်းသော ရည်မှန်းချက် မဟုတ်ပဲ ဒုတိယ အနေနဲ့ သူတို့က သူမကို သတ်ချင်နေခဲ့တာပင်။
တကယ်တော့ ဧကရာဇ် အာဏာကို လုယူချင်နေတဲ့ နောက်ကွယ်က ပူးပေါင်းကြံစည်သူတွေဟာ သူတို့ရဲ့ လုပ်ရပ်တွေက အဓိပ္ပာယ်မရှိဘူး ဆိုတာ မသိကြပေ။
"နှစ်ပေါင်းများစွာ သည်းခံပြီးတဲ့ နောက် သူတို့ နောက်ဆုံးတော့ မထိန်းနိုင်ကြတော့ဘဲ နောက်တစ်ကြိမ် တိုက်ခိုက်လာကြပြီပဲ"
"သူတို့ တိုက်ခိုက်လာမှတော့ သူတို့ရဲ့ သဲလွန်စတချို့ သေချာပေါက် ချန်ထားခဲ့မှာပဲ…"
"ဘာပဲဖြစ်ဖြစ် ဒီတစ်ခါ လောင်းကြေးက ပိုမြင့်မားတယ်လေ"
ချန်ချန်ရွှယ် မှန်ကန်စွာ ခန့်မှန်းနိုင်ခဲ့သည်။
သဲလွန်စ တချို့ မချန်ထားခဲ့ဘဲ နေမင်းဂိုဏ်းက မူလဝိညာဉ် မိစ္ဆာနဲ့ ပူးပေါင်းကြံစည်ဖို့ ဆိုတာ သူတို့အတွက် မဖြစ်နိုင်ချေ။
မဟာဝေ မင်းဆက်ရဲ့ ကြမ်းတမ်းသည့် အဖွဲ့အစည်းများရဲ့ ရူးသွပ်ဖွယ် လုပ်ဆောင်ချက်အောက်မှာ... ငါးကြီးတစ်ကောင် ခေါင်းပြူထွက်လာခဲ့သည်။
[မဟာဝေ ဧကရာဇ်မင်းမြတ်၏ အမိန့်အောက်တွင် မဟာဝေ မင်းဆက်၏ ကြမ်းတမ်းသည့် အဖွဲ့အစည်းများ အားလုံး တစ်ခုပြီး တစ်ခု လှုပ်ရှားလာကြပြီး နောက်ဆုံးတွင် သဲလွန်စ အချို့ ရှာတွေ့ခဲ့သည်။ နန်းတော်ထဲမှ မြို့စားတစ်ဦးဟာ မဟာဝေ ရာဇဝတ်မှု စုံစမ်းစစ်ဆေးရေး ဌာန၏ ထိန်းသိမ်းခြင်းကို ခံလိုက်ရကြောင်း တစ်နေရာရာမှ သင် သိရှိလိုက်ရသည်။]
[မြို့စား တစ်ဦးက ဤကဲ့သို့ ယုတ်မာသော ကိစ္စရပ်မျိုးတွင် ပါဝင်ပတ်သက်နေရာ အလွန်အမင်း ဒေါသထွက်နေသည့် မဟာဝေ ဧကရာဇ်မင်းမြတ်က တစ်ဖက်လူ၏ နေအိမ်ကို သိမ်းဆည်းလိုက်ပြီး တစ်ဖက်လူ၏ နေအိမ်ထဲရှိ လူတိုင်း၏ ကျင့်ကြံမှုကို ဖျက်စီးကာ အားလုံးကို အကျဉ်းချလိုက်လေသည်။]
[ကောင်းကင်အကျဉ်းထောင်ထဲမှ မိစ္ဆာအားလုံး လွတ်မြောက်သွားသောကြောင့် မဟာဝေ နေပြည်တော်သည် ယခုအခါ ဖရိုဖရဲ ဖြစ်နေခဲ့သည်။ သတ်ဖြတ်လိုသော ရည်ရွယ်ချက်များ နေရာတိုင်းတွင် ရှိနေခဲ့သည်။]
[အသက် ၃၆ နှစ် - သင်ဟာ နောက်ထပ် သတင်းတစ်ခု ရရှိလိုက်သည်။ နေပြည်တော်မှ ထွက်ပြေး လွတ်မြောက်သွားသည့် နေမင်း ဂိုဏ်း၏ အကြီးအကဲချုပ်ဟာ မဟာဝေ မင်းဆက်၏ ကမ်းရိုးတန်း ဒေသ တစ်လျှောက် လှည့်လည်သွားလာနေခဲ့သည်။ နေမင်း ဂိုဏ်းဟာ ပင်လယ်ပေါ်တွင် ဂိုဏ်းအခြေစိုက်စခန်း အသစ်တစ်ခု တည်ထောင်လိုက်ပြီ ဖြစ်ကြောင်း သင် ကောက်ချက်ချလိုက်သည်။]
[နန်းတော်က ဘယ်လို နည်းလမ်းပဲ သုံးသုံး အကျဉ်းချခံထားရတဲ့ မြို့စားဆီကနေ အခြား ကြံရာပါတွေအကြောင်း သူတို့ ရှာမတွေ့ခဲ့ပေ။]
[အသက် ၃၇ နှစ်တွင် သင်ဟာ အခြေတည်အဆင့်အဆင့် (၅) သို့ ချိုးဖျက်ဝင်ရောက်နိုင်ခဲ့သည်။]
[လျှို့ဝှက်ဆန်းကြယ်သည့် မျက်နှာဖုံးမှတဆင့် သင်ဟာ ခမ်းနားသည့် အိမ်မက်များစွာကို မြင်တွေ့ခဲ့ရသည်။]
[အသက် ၃၈ နှစ်တွင် သင်ဟာ ချင်းကျောက်ကို ဆက်သွယ်ရန် ကြိုးစားခဲ့သော်လည်း ဆက်သွယ်ရေးအဆောင် ဘယ်လောက်ပဲ သုံးသုံး ပြန်ကြားချက် မရရှိခဲ့ပေ။]
[သင် နက်ရှိုင်းစွာ တွေးတောသွားခဲ့သည်။]
"ချင်းကျောက် ငါ့ကို ပြန်မဖြေဘူး... သူမ အဲဒီ ကလေးဆန်တဲ့ အမုန်းတရားကို တွေးနေတုန်းပဲလား... ဒါမှမဟုတ်…"
ချန်ချန်ရွှယ် ကိုယ့်ကိုယ်ကိုယ် ရေရွတ်လိုက်၏။ "ဖြစ်နိုင်တာက သူမ ဒီကမ္ဘာကနေ ထွက်ခွာသွားပြီလား"
"သူမရဲ့ ဘဝက…"
"ပြီးဆုံးသွားပြီ"
…
[အသက် ၃၂ နှစ် - သင်ဟာ ကြီးမားသော ကြေးဝါရောင် တံခါးကြီးအတွင်းတွင် ရုပ်သေး သားရဲများ နှင့် ကြုံတွေ့ခဲ့ရသည်။ သင့်ကိုယ်ပိုင် ခွန်အား၊ အဘွားအို ချင်း၏ လမ်းညွှန်မှု နှင့် ဝှိုက်တီ၏ အကူအညီဖြင့် သင်ဟာ ရုပ်သေး သားရဲ နှစ်ကောင်ကို အောင်မြင်စွာ ဖျက်ဆီးနိုင်ခဲ့ပြီး ကြေးဝါရောင် တံခါးကြီး၏ ပိုနက်ရှိုင်းသော အပိုင်းသို့ ရောက်ရှိလာခဲ့သည်။]
[ကြေးဝါရောင် တံခါးကြီး၏ ကမ္ဘာထဲတွင် သင်ဟာ ရတနာ အများအပြား ရရှိခဲ့သည်။ ၎င်းတို့အထဲတွင် အဆင့်မြင့် ဆေးလုံးများနှင့် ဝိညာဉ် ကျောက်တုံးများ ပါဝင်နေခဲ့သည်။ သင် ယိုယွင်းပျက်စီးနေသည့် နံရံတစ်ခုကိုပင် တွေ့ရှိခဲ့ပြီး ထိုနံရံထဲတွင် ကျိုးပဲ့နေသည့်ကျမ်းစာအုပ်တစ်အုပ်၊ သတ်ဖြတ်ခြင်း စာအုပ်ကို တွေ့ရှိခဲ့သည်။]
[ဒါက မိစ္ဆာတစ်ကောင် လေ့ကျင့်တဲ့ ကျင့်ကြံခြင်း နည်းစနစ်နဲ့ တူနေရာ ၎င်းကြီးမားသော ကြေးဝါရောင် တံခါးကြီး နောက်ကွယ်က ဂူသင်္ချိုင်း ကမ္ဘာကို ရှေးဟောင်း မိစ္ဆာတစ်ကောင်က ချန်ထားခဲ့တာ မဟုတ်ဘူးလားလို့ သင် အနည်းငယ် သံသယ ဝင်မိခဲ့သည်။]
[အသက် ၃၄ နှစ် - သင့်ကျင့်ကြံမှု အဆင့်ချိုးဖျက် အောင်မြင်သွားခဲ့သည်]
[အသက် ၃၇ နှစ် - ဒီပင်လယ်ပြင် ဧရိယာမှာ မိစ္ဆာကျင့်ကြံသူတွေ ပေါ်လာနိုင်တယ်လို့ ချင်းမိသားစု ဂျူနီယာ တချို့ ပြောတာကို သင် ကြားလိုက်ရသည်။ တစ်ခုခု မမှန်ဘူးလို့ သင် ခံစားလိုက်ရပြီး ချင်းမိသားစု တပည့် အားလုံးကို အခြေစိုက်စခန်းသို့ ချက်ချင်း ပြန်လာကြဖို့ အမိန့်ပေးလိုက်သည်။ သင်ဟာ ချင်းမိသားစုရဲ့ အခြေစိုက်စခန်းကိုလည်း ပိတ်ဆို့လိုက်ပြီး ဘယ်သူမှ ဝင်ခွင့် မရှိသလို ဘယ်သူမှ ထွက်ခွာခွင့် မရှိပေ။]
[အသက် ၃၈ နှစ် - ကြောက်မက်ဖွယ် ကောင်းသည့် မိစ္ဆာတစ်ကောင် ဒီနေရာသို့ ဆင်းသက်လာခဲ့သည်။ တစ်ဖက်လူက တကယ်တော့ မူလဝိညာဉ် အဆင့်တွင် ရှိနေပြီး သူက နေမင်းဂိုဏ်း၏ အကြီးအကဲချုပ် ဖြစ်ကြောင်း ပြောဆိုနေခဲ့သည်]
[သင့်ရင်ထဲတွင် ကျိန်ဆဲသည့် စာလုံးပေါငါးတစ်သောင်းခန့် ရှိနေခဲ့သည်။]
[သင် သေဆုံးသွားခဲ့သည်]
[အသက် - ၃၈ နှစ်၊ ၀၁ လ၊ ၁၂ ရက်]
ချင်းကျောက် မသေဆုံးခင် မသေမျိုးကျင့်ကြံခြင်း သရုပ်ဖော် စနစ်ထဲက သူမရဲ့ နှစ်ပေါင်းများစွာ အတွေ့အကြုံကို ပြန်လှန်ကြည့်လိုက်ပြီး နက်ရှိုင်းစွာ စဉ်းစားခန်း ဝင်သွားခဲ့သည်။
သူမ ရှင်သန်နေထိုင်ဖို့ ဘာမှ မကျန်တော့ပေ။။
"အီ....."
သူမ အော်ဟစ်ငိုကြွေး မနေဘဲ မနေနိုင်တော့ပေ။ ဒီတစ်ခါ သူမ ဒီလောက် ရိုးရှင်းစွာ သေဆုံးသွားလိမ့်မယ်လို့ ဘယ်သူ ထင်မည်နည်း။
.
သူမ လက်မခံနိုင်ဆုံး အရာကတော့ သူမ သေဆုံးသွားတဲ့ ပုံစံက ပြီးခဲ့တဲ့ အကြိမ်နဲ့ အတိအကျ တူညီနေတာပင်။
ပြီးခဲ့တဲ့ အကြိမ်တုန်းက ချင်းမိသားစု အခြေစိုက်စခန်းကို မတော်တဆ ရောက်လာတဲ့ မဟာဝေ စစ်ရှုံး စစ်သားတွေရဲ့ လက်ချက်နဲ့ သူမ သေဆုံးခဲ့ရသည်။
ဒီတစ်ခါ ချင်းမိသားစု အခြေစိုက်စခန်းကို မှားယွင်းပြီး ဝင်ရောက်လာတဲ့ မိစ္ဆာတစ်ကောင်ရဲ့ လက်ချက်နဲ့ သူမ သေဆုံးခဲ့ရသည်။
ပြီးတော့ အရင်အကြိမ်ထက်တောင် ပိုပြီး ချဲ့ကားလွန်း နေသေးကာ မူလဝိညာဉ် အဆင့် မိစ္ဆာတစ်ကောင် ဖြစ်နေတာက တကယ် သည်းမခံနိုင်စရာပင်။
'အို ဟုတ်သားပဲ....'
"ငါ ချန်ချန်ရွှယ်ထက် စောပြီး မသေဘူး မဟုတ်လား"
ချင်းကျောက်ရဲ့ မျက်နှာက ရုတ်တရက် ပြောင်းလဲသွားပြီး လေတစ်ချက် မရှူဘဲ မနေနိုင်တော့ပေ။
သူမ ရေရွတ်လိုက်၏။ "ငါ မဖြစ်သင့်ဘူး… သူမက ငါ့ထက် အရင် ပြီးဆုံးသွားသင့်တယ်လို့ ငါ ခံစားရတယ်...ဟုတ်တယ်မလား....ဖြစ်နိုင်တာက… ဖြစ်နိုင်မလား..."
"တောက်....."