အခန်း ၁၂၆ - ဗီဇပြောင်း သတ္တဝါများ၊၊

နွယ်ပင်များအားလုံးကို လင်းရှုက ဖြတ်တောက်ပစ်လိုက်ပြီးနောက် ၎င်းတို့မှာ ဒဏ်ရာရသွားသော လက်များကဲ့သို့ တွန့်လိမ်သွားကြသည်၊၊ တကယ့်ကို ထူးဆန်းလှသော မြင်ကွင်းပင်၊၊

ဘုန်း ဘုန်း ဘုန်း၊၊

ထိုအချိန်တွင် အသံများမှာ ပိုမိုကျယ်လောင်လာသည်၊၊ လင်းရှု လှည့်ကြည့်လိုက်ရာ ဗီဇပြောင်း သတ္တဝါများမှာ ဖန်ကန်များကို အသည်းအသန် ထုရိုက်နေကြသည်ကို တွေ့ရသည်၊၊

"ထွက်ပေါက်၊ ထွက်ပေါက်က ဘယ်မှာလဲ" ကျန်းရင်နှင့် အခြားသူများမှာ ခေါင်းမပါသော ယင်ကောင်များကဲ့သို့ အရပ်မျက်နှာအနှံ့ ရှာဖွေနေကြသည်၊၊

လင်းရှု မျက်မှောင်ကြုတ်လိုက်သည်၊၊ သူလည်း ထွက်ပေါက်ကို မတွေ့သေးပေ၊၊

ဒီအတိုင်းသာ ဆက်သွားနေလျှင် သူတို့ ဒုက္ခအကြီးအကျယ် ရောက်ပေလိမ့်မည်၊၊ ဤကဲ့သို့ ကျဉ်းမြောင်းသော နေရာတွင် ဗီဇပြောင်း သတ္တဝါများနှင့် ရင်ဆိုင်ရမည်ဆိုလျှင် လင်းရှုပင်လျှင် အပြည့်အဝ ယုံကြည်မှု မရှိပေ၊၊

ဤဗီဇပြောင်း သတ္တဝါများမှာ သာမန်စစ်သည်များနှင့် မတူဘဲ နာကျင်မှုကို မခံစားရသလို သူတို့၏ ခန္ဓာကိုယ်များမှာလည်း ဆင့်ကဲပြောင်းလဲထားသော သားရဲများ၏ ဝိသေသလက္ခဏာများနှင့် ပေါင်းစပ်ထားသည်၊၊ ထို့ကြောင့် သူတို့တွင် အလွန်မာကျောသော အရေပြားရှိပြီး သာမန်လေဆာသေနတ်များဖြင့် မတိုက်ခိုက်နိုင်ဘဲ ပစ်မှတ်ကို မဆုတ်မနစ် တိုက်ခိုက်မည့်သူများ ဖြစ်သည်၊၊

"ငါတို့ သေပြီ... ငါတို့ သေပြီ..." သန်မာသော လူကြီး ကျန်းလီက တုန်တုန်ရင်ရင် ပြောနေသည်၊၊

ထိုဗီဇပြောင်း သတ္တဝါများမှာ အိပ်မက်ဆိုးတစ်ခုကဲ့သို့ပင်ဖြစ်ပြီး သူကိုယ်တိုင်က ထိုအရာများကို နိုးထအောင် လုပ်မိခဲ့ခြင်း ဖြစ်သည်၊၊

သူသည် နောက်သို့ ယိုင်နဲ့နဲ့ ဆုတ်သွားစဉ် နောက်ဘက်ရှိ ထိန်းချုပ်ခလုတ်ကို မတော်တဆ တိုက်မိသွားသည်၊၊

ဂျိမ်း၊၊

သူသည် ခလုတ်တစ်ခုကို နှိပ်မိသွားပုံရပြီး ရှေ့ဘက်ရှိ အပြာရောင် သံနံရံကြီးတစ်ခုမှာ ရုတ်တရက် မြင့်တက်သွားသည်၊၊

အဝေးမှ မှောင်မိုက်နေသော နေရာတစ်ခုကို မြင်လိုက်ရသည်၊၊

"ဒါက..." ကျန်းလီ မျက်လုံးများ ပြူးကျယ်သွားပြီး ထိုမြင်ကွင်းကို မယုံနိုင်သလို ကြည့်နေမိသည်၊၊

"ဟားဟား၊ ထွက်ပေါက်ပဲ၊" ကျန်းရင်မှာ အတိုင်းမသိ ဝမ်းသာသွားသည်၊၊ ကျန်းလီက ခလုတ်တစ်ခုကို မတော်တဆ နှိပ်မိလိမ့်မည်ဟု သူ မထင်ထားခဲ့ပေ၊၊

သူသည် လေလေကို ဆွဲကာ ရှေ့သို့ ပြေးတော့သည်၊၊

သူတို့ မှောင်မိုက်သော နေရာသို့ ပြေးသွားနေစဉ်မှာပင် ဖန်ကန်အချို့မှာ အက်ကွဲလာသည်၊၊ နောက်တစ်စက္ကန့်တွင် ၎င်းတို့မှာ လုံးဝ ကွဲအက်သွားတော့သည်၊၊

"ဝေါ့၊၊"

ထိုဗီဇပြောင်း သတ္တဝါများမှာ ဆင့်ကဲပြောင်းလဲထားသော သားရဲများ၏ ဝိသေသလက္ခဏာများစွာ ရှိနေပြီး သားရဲတစ်ကောင်ကဲ့သို့ ကျယ်လောင်စွာ ဟိန်းဟောက်နေကြသည်၊၊

ဖန်ကန်များ ကွဲသွားသည်နှင့်အမျှ အပြာနုရောင် အရည်များစွာ မြေပြင်ပေါ်သို့ စီးကျလာသည်၊၊

လင်းရှု ထိုအရည်များကို ကြည့်ကာ မျက်မှောင်ကြုတ်လိုက်သည်၊၊ ဤအရည်များထဲတွင်လည်း AMZ ဗိုင်းရပ်စ်များ ပါဝင်နေပုံရသည်၊၊

လင်းရှု တွန့်ဆုတ်မနေဘဲ မှောင်မိုက်သော နေရာသို့ အမြန်ပြေးဝင်လိုက်သည်၊၊ သူ ပြေးသွားစဉ် ထိုဗီဇပြောင်း သတ္တဝါများက လိုက်လာသည်ကို မြင်လိုက်ရသည်၊၊

သူတို့၏ ခန္ဓာကိုယ်များမှာ အလွန်သန်မာပုံရပြီး နောက်ဆုံးတွင် ရှိနေသော လင်းရှုထံသို့ အလွန်လျင်မြန်သော အရှိန်ဖြင့် ခုန်အုပ်လာကြသည်၊၊

"ဖီးနစ်အရှိန်အဝါ၊၊" လင်းရှု အော်ဟစ်လိုက်ပြီး လှံကို လေထဲတွင် ဝှေ့ယမ်းလိုက်ရာ ဖီးနစ်ငှက်များစွာ ချက်ချင်း ထွက်ပေါ်လာသည်၊၊

နေရာတစ်ခုလုံး မီးတောက်များဖြင့် ဖုံးလွှမ်းသွားသလိုပင်၊၊

ဂျိမ်း ဂျိမ်း ဂျိမ်း၊၊

ဖီးနစ်များမှာ ဗီဇပြောင်း သတ္တဝါများနှင့် ထိမှန်သွားပြီး သူတို့၏ အရေပြားများမှာ ချက်ချင်း အရည်ပျော်ကာ ကြွက်သားမျှင်များ ပေါ်လာသည်၊၊ သို့သော် သွေးထွက်မည့်အစား သူတို့၏ ခန္ဓာကိုယ်များမှာ ပို၍ပင် ကြောက်စရာကောင်းလာသည်၊၊

လင်းရှု ဤအရာကို မြင်သောအခါ အံ့အားသင့်သွားပြီး ခွဲခြမ်းစိတ်ဖြာခြင်း မျက်လုံးကို အသုံးပြုလိုက်သည်၊၊

အဆင့် ၃ ဗီဇပြောင်း သတ္တဝါ၏ ဝိသေသလက္ခဏာများ - အဆင့် ၃ စစ်သည်တစ်ဦးကဲ့သို့ ကိုယ်ကာယ ကြံ့ခိုင်မှုနှင့် ခွန်အားရှိသည်၊၊ နာကျင်မှုကို မခံစားရဘဲ ပစ်မှတ်ကို သေသည်အထိ လိုက်လံ တိုက်ခိုက်မည်၊၊

အဆင့် ၃ စစ်သည်တစ်ဦး၏ ခွန်အားနှင့် ညီမျှသည် ဟုတ်လား၊၊

လင်းရှု မျက်လုံးများ ပြူးကျယ်သွားပြီး သူ၏ ရှေ့သို့ ပြေးဝင်လာသော ဗီဇပြောင်း သတ္တဝါကို လှံရှည်ဖြင့် ထိုးလိုက်သည်၊၊

လှံသွားမှာ အေးစက်သော အလင်းတန်းလေးများအဖြစ် ပြောင်းလဲကာ အကြိမ် ၂၀ ခန့် အဆက်မပြတ် ထိုးနှက်လိုက်သဖြင့် ထိုဗီဇပြောင်း သတ္တဝါမှာ သွေးချင်းချင်းနီသော အသားပုံကြီး ဖြစ်သွားသည်၊၊

သို့သော် ထိုဗီဇပြောင်း သတ္တဝါမှာ ဆက်လက် လှုပ်ရှားနေဆဲဖြစ်ပြီး သူ၏ လက်သီးဖြင့် လင်းရှုကို လွှဲရိုက်လိုက်သည်၊၊

ဘုန်း၊၊

ဗီဇပြောင်း သတ္တဝါ၏ လက်သီးချက်ကြောင့် လင်းရှု နောက်သို့ အနည်းငယ် ဆုတ်သွားရပြီး ရင်ဘတ်တွင် ပြင်းထန်သော နာကျင်မှုကို ခံစားလိုက်ရသည်၊၊

ဤဗီဇပြောင်း သတ္တဝါများ၏ ခွန်အားမှာ သူနှင့် ညီမျှနေပြီး အကြိမ်ပေါင်းများစွာ အထိုးခံရသော်လည်း ဆက်လက် လှုပ်ရှားနေနိုင်ခြင်းမှာ ဘယ်လို မိစ္ဆာမျိုးပါလိမ့်၊၊

ကံကောင်းသည်မှာ ဤအကောင်များက စွမ်းရည်များကို အသုံးမပြုတတ်ခြင်းပင်၊၊

"စီနီယာ၊" နောက်ဘက်ရှိ လင်းရှုကို ကြည့်ကာ ကျန်းရင်က အော်လိုက်သည်၊၊

"အရင်သွားကြ၊" လင်းရှု နှာခေါင်းရှုံ့ကာ ကျောပေါ်ရှိ ပေါင်ချိန်ရာချီ လေးလံသော သေတ္တာကို မြေပြင်ပေါ်သို့ ချလိုက်သည်၊၊ ထို့နောက် ရှေ့သို့ ပြေးဝင်လာသော ဗီဇပြောင်း သတ္တဝါကို အပေါ်မှ အောက်သို့ အားကုန် ခုတ်ချလိုက်သည်၊၊

သူ၏ အားအင်များမှာ အနက်ရောင် လှံရှည်ပေါ်တွင် လွှမ်းခြုံထားပြီး လှံ၏ ထက်မြက်မှုနှင့် ပေါင်းစပ်ကာ ဗီဇပြောင်း သတ္တဝါ၏ ခန္ဓာကိုယ်ကို နှစ်ပိုင်း ပြတ်သွားစေသည်၊၊

"တင်း၊၊"

"အဆင့် ၃ ဗီဇပြောင်း သတ္တဝါတစ်ကောင်ကို သတ်ဖြတ်နိုင်ခဲ့သည့်အတွက် ဂုဏ်ယူပါသည်၊၊ အတွေ့အကြုံ ၅၈၉၁၂၇ ရရှိပါသည်၊၊"

အတွေ့အကြုံ ငါးသိန်းကျော် ဟုတ်လား၊၊

စနစ်၏ အသိပေးချက်ကို ကြားလိုက်ရသည့်အခါ လင်းရှု အံ့အားသင့်သွားပြီး စိတ်လှုပ်ရှားသော မျက်နှာထား ဖြစ်ပေါ်လာသည်၊၊

သူသည် စောစောက ဒီအတိုင်း ထွက်မပြေးဘဲ ဤဗီဇပြောင်း သတ္တဝါများထံမှ အတွေ့အကြုံ ဘယ်လောက်ရမလဲဆိုသည်ကို စမ်းသပ်ကြည့်ချင်ခဲ့ခြင်းဖြစ်ပြီး ဤမျှ များပြားလိမ့်မည်ဟု မထင်ထားခဲ့ပေ၊၊

ဤဗီဇပြောင်း သတ္တဝါများကို ရင်ဆိုင်ရခြင်းမှာ အန္တရာယ်ရှိသော်လည်း အတွေ့အကြုံ တိုးရန်အတွက်တော့ အခွင့်အရေးကောင်းပင် ဖြစ်သည်၊၊

စကားပုံအတိုင်းပင် အန္တရာယ်ရှိသော နေရာမှာ အခွင့်အရေးလည်း ရှိသည်၊၊

လင်းရှု လှံရှည်ကို တင်းတင်းဆုပ်ကာ ပြေးဝင်လာသော ဗီဇပြောင်း သတ္တဝါများကို အသည်းအသန် စတင် တိုက်ခိုက်တော့သည်၊၊

ဤဗီဇပြောင်း သတ္တဝါများ၏ အရေပြားမှာ အလွန်မာကျောလှသည်၊၊ သူ၏ အနက်ရောင် လှံရှည်သာ မရှိလျှင် သူတို့ကို သတ်ရန် အလွန် ခက်ခဲပေလိမ့်မည်၊၊

လင်းရှု ဆက်လက် တိုက်ခိုက်ရင်း ဗီဇပြောင်း သတ္တဝါ နှစ်ကောင်၏ ခေါင်းများကို ဖြတ်တောက်ပစ်လိုက်သည်၊၊ သို့သော် ထိုအကောင်စုတ်များမှာ ခေါင်းမရှိလျှင်ပင် ဆက်လက် တိုက်ခိုက်နေကြဆဲပင်၊၊

လင်းရှု နှာခေါင်းရှုံ့လိုက်သည်၊၊ ဤတစ်ကြိမ်တွင်မူ သူသည် ထိုဗီဇပြောင်း သတ္တဝါများ၏ ခန္ဓာကိုယ်ကို အပေါ်မှ အောက်သို့ တိုက်ရိုက် နှစ်ပိုင်း ပြတ်အောင် ခုတ်ပစ်လိုက်သည်၊၊

ထိုအချိန်တွင် လင်းရှုက ထိုအကောင်များကို သတ်နေစဉ် ကျန်ရှိနေသော ဗီဇပြောင်း သတ္တဝါများမှာ ဖန်ကန်များထဲမှ ထွက်လာကာ လင်းရှုထံသို့ ဦးတည်လာကြသည်၊၊

လင်းရှုမှာ စစ်မြေပြင်ကို ဖြတ်ကျော်နေသော သတ်ဖြတ်ရေးစက်တစ်ခုကဲ့သို့ပင်၊၊ သူသည် စွမ်းရည်များကို ထပ်မံ အသုံးမပြုတော့ဘဲ အခြေခံ လှံသိုင်းကိုသာ အသုံးပြုကာ ပတ်ဝန်းကျင်ရှိ ဗီဇပြောင်း သတ္တဝါအားလုံးကို တိုက်ခိုက်နေသည်၊၊

ခြေလက် အင်္ဂါများစွာကို လင်းရှုက ဖြတ်တောက်လိုက်သော်လည်း သွေးများ ထွက်မလာပေ၊၊ ထိုဗီဇပြောင်း သတ္တဝါများမှာ ခေါင်းမရှိလျှင်ပင် သူ့ကို ဆက်လက် တိုက်ခိုက်ချင်နေကြဆဲပင်၊၊

'တောက်၊ ဒါတွေက သိပ်များလွန်းတယ်၊'

လင်းရှု တဖြည်းဖြည်း ပင်ပန်းလာပြီး ဗီဇပြောင်း သတ္တဝါတစ်ကောင်၏ လက်သီးချက်ကြောင့် လွင့်ထွက်သွားရသည်၊၊

ရင်ဘတ်မှာ ပြင်းထန်စွာ နာကျင်နေပြီး လည်ချောင်းထဲတွင် ချိုမြိန်သော အရသာတစ်ခုကို ခံစားလိုက်ရကာ သွေးတစ်လုပ် ထွေးထုတ်လိုက်ရသည်၊၊

လင်းရှု နှုတ်ခမ်းထောင့်ရှိ သွေးများကို သုတ်လိုက်သည်၊၊ သူသည် ကြောက်ရွံ့ခြင်းမရှိဘဲ ပြေးဝင်လာသော ဗီဇပြောင်း သတ္တဝါ တစ်ဒါဇင်ခန့်ကို မတ်မတ်ရပ်ကာ ကြည့်နေသည်၊၊

သူ အသက်ကို ပြင်းပြင်းရှူကာ အံကြိတ်ရင်း ရှေ့သို့ ထပ်မံ ပြေးဝင်လိုက်ပြန်သည်၊၊

"စီနီယာ လင်း၊" ထိုအချိန်တွင် ကျန်းရင်မှာ သတိဝင်လာပုံရပြီး လင်းရှုက လှံဖြင့် ထပ်မံ တိုက်ခိုက်နေသည်ကို မြင်သောအခါ ကူညီချင်လာသည်၊၊

အေးစက်သော လှံသွားက အရင်ဦးဆုံး ထွက်ပေါ်လာပြီးနောက် လှံမှာ နဂါးတစ်ကောင်ကဲ့သို့ ပျံထွက်သွားတော့သည်၊၊