အခန်း ၁၁၆ -အမည်းရောင်ဆားကန်၊၊

ရေကန်ကြီးတစ်ခု။၊

ဝိုင်းစက်နေတဲ့ မှန်ချပ်ကြီးတစ်ခုနဲ့တူတဲ့ ရေကန်ကြီးတစ်ခုရဲ့ မြင်ကွင်းပါပဲ၊၊

လင်းရှူက ဘေးနားမှာရပ်ပြီး မသိစိတ်နဲ့ ရေကန်ကို လက်နဲ့စမ်းကြည့်လိုက်တဲ့အခါ အရမ်းကိုအေးစက်တဲ့ ခံစားချက်ကို ချက်ချင်းခံစားလိုက်ရတယ်၊၊

အရိုးထဲအထိ စိမ့်တက်သွားစေတဲ့ အအေးဓာတ်မျိုးပဲ၊၊

“ရေက ကြည့်ရတာ ထူးဆန်းတယ်၊၊ အောက်ခြေမှာ ရတနာတွေ ရှိနေရင်တောင် အံ့သြစရာမဟုတ်ဘူး၊၊” လင်းရှူ စိတ်ဝင်တစား ကြည့်နေတာကို မြင်တော့ ထျန်းကျိက ဘေးကနေ မှတ်ချက်ပေးလိုက်ပါတယ်၊၊

“အင်း၊၊” လင်းရှူ ခေါင်းညိတ်လိုက်တယ်၊၊ အမည်းရောင်ဆားကန်ရဲ့ အောက်ခြေမှာ ဆားကျောက်ဆောင်ပွင့် ဆိုတာ ရှိနေတတ်တာကိုး၊၊

အဲဒါက တကယ့်ကို တန်ဖိုးဖြတ်မရတဲ့ ပစ္စည်းတစ်ခုပဲ၊၊

“ကျေးဇူးပြုပြီး ကျွန်တော့်ကို ကူညီပါဦး၊၊” ဒီအချိန်မှာပဲ ထျန်းကျိက လင်းရှူရှေ့မှာ ရုတ်တရက် ဒူးထောက်ပြီး တောင်းပန်တိုးလျှိုးလိုက်တယ်၊၊

“ခင်ဗျား…၊၊” လင်းရှူက သူ့ရဲ့လုပ်ရပ်ကြောင့် အံ့သြသွားပြီး ဘာဖြစ်တာလဲဆိုတာ နားမလည်နိုင် ဖြစ်သွားရတယ်၊၊

“ရေကန်အောက်ခြေမှာ ထူးခြားတဲ့ ဆားကျောက်ဆောင်ပွင့် ရှိတယ်၊၊ ကျွန်တော့်သမီးရဲ့ အသက်ကို ကယ်ဖို့အတွက် အဲဒါလေး နည်းနည်းပဲ၊ နည်းနည်းပဲ လိုတာပါ၊၊” လို့ ထျန်းကျိက မျက်ရည်ဝဲရင်း ပြောပါတယ်၊၊

သူ့သမီးလေးဟာ ကိုယ်ခံအားကျဆင်းတဲ့ ရောဂါလက္ခဏာတွေ ခံစားနေရပြီး မကြာခင်မှာ သူမကိုယ်ထဲမှာ ကိုယ်ခံအား လုံးဝမရှိတော့မယ့် အခြေအနေပါ၊၊ နောက်ပြီး ဒီရောဂါက ဒီကမ္ဘာက ဗိုင်းရပ်စ်မျိုးစိတ်သစ်ကြောင့် ဖြစ်တာမို့ ဗိုင်းရပ်စ်ကို တိုက်ဖျက်ပြီး သမီးဖြစ်သူကို ကယ်တင်ဖို့အတွက် ဆားကျောက်ဆောင်ပွင့်ရဲ့ ထူးခြားတဲ့ ဂုဏ်သတ္တိတွေ လိုအပ်နေတာပဲ ဖြစ်ပါတယ်၊၊

“ကျွန်တော် ဆင်းကြည့်ပေးလို့ ရပါတယ်၊၊ ဒါပေမဲ့ ဒီထဲမှာ သားရဲတွေ ရှိလား၊၊” လင်းရှူက ခဏစဉ်းစားပြီး မေးလိုက်တယ်၊၊

လင်းရှူကိုယ်တိုင်လည်း သမဂ္ဂဒင်္ဂါး သန်းငါးဆယ်တန်တဲ့ ဆားကျောက်ဆောင်ပွင့်ကို ရချင်နေတာပါ၊၊

ဒီပစ္စည်းက ရောဂါပျောက်ကင်းဖို့တင်မကဘဲ တခြားနေရာတွေမှာလည်း သေချာပေါက် အသုံးဝင်မှာလေ၊၊

“ဟုတ်ကဲ့၊ အထဲမှာ သားရဲတွေရှိတယ်၊ ဒါပေမဲ့ အဆင့် ၄ ထက်တော့ မပိုပါဘူး၊၊” ထျန်းကျိက လင်းရှူကို အလေးအနက် ပြန်ဖြေတယ်၊၊

“အရင်ထဦး၊၊” တစ်ယောက်ယောက်က သူ့ကို ဦးချပြီး စကားပြောနေတာကို လင်းရှူက စိတ်မသက်မသာ ဖြစ်တာကြောင့် ပြောလိုက်တာပါ၊၊

ထျန်းကျိက ခဏစဉ်းစားပြီးမှ ပြန်ထလိုက်တယ်၊၊

“မင်း ခုနက သားရဲတွေနဲ့ ရန်သူတွေကို အလွယ်တကူ ကိုင်တွယ်နိုင်တာကို ကျွန်တော် မြင်ခဲ့ပါတယ်၊၊ မင်းက ကျွန်တော့်ထက် အများကြီး ပိုသန်မာတာပဲ၊၊ မင်းရဲ့ ခွန်အားနဲ့ဆိုရင် ဘာမှ ပြဿနာရှိမှာ မဟုတ်ဘူးလို့ ကျွန်တော် ထင်တယ်၊၊” လို့ ထျန်းကျိက လင်းရှူကို ပြောပါတယ်၊၊

“ဒါပေမဲ့ အဲဒီထဲမှာ ဆားကျောက်ဆောင်ပွင့် အမြဲရှိနေမှာတော့ မဟုတ်ဘူး၊၊ ရတာ မရတာက ကံပေါ်မှာပဲ မူတည်တာ မဟုတ်လား၊၊” လင်းရှူက အရင်က ဖတ်ထားတဲ့ အချက်အလက်တွေကို သတိရပြီး မေးလိုက်တယ်၊၊

“ဟုတ်ပါတယ်၊၊” ထျန်းကျိက စိတ်မကောင်းစွာနဲ့ ပြောတယ်၊၊ လင်းရှူ ပြောတာ မှန်ပါတယ်၊၊ အဲဒါက အရမ်းတန်ဖိုးကြီးပေမဲ့ ရှားပါးလွန်းတာကြောင့် ဘယ်သူမှ သွားမရှာကြတာပါ၊၊

ပြီးတော့ ဆားကျောက်ဆောင်ပွင့်တွေက ဒီနေ့ပေါ်ပြီး မနက်ဖြန်မှာ ပျောက်သွားတာမျိုးတောင် ဖြစ်နိုင်တယ်လေ၊၊

“ကျွန်တော် စမ်းကြည့်ပေးမယ်၊၊” လင်းရှူ ခေါင်းညိတ်လိုက်တယ်၊၊ တကယ်လို့ ရခဲ့ရင် သူ ချက်ချင်း ချမ်းသာသွားမှာပဲ၊၊ သန်းငါးဆယ်ဆိုတာ သူလိုချင်တာတွေ အများကြီး ဝယ်ဖို့ လောက်ပါတယ်၊၊

“ဒါက ကာကွယ်ရေး မျက်မှန်တွေပါ၊၊” ထျန်းကျိက အဆင်သင့် ပြင်ထားပုံရပြီး ညကြည့် စနစ်ပါတဲ့ မျက်မှန်ကို ထုတ်ပေးလိုက်တယ်၊၊

လင်းရှူ ခေါင်းညိတ်ပြီး လက်ခံလိုက်ပါတယ်၊၊

“ကျေးဇူးတင်ပါတယ်၊၊” ထျန်းကျိက လင်းရှူကို အလေးအနက် ဦးညွှတ်လိုက်တယ်၊၊

သူက နည်းနည်း တုန်ယင်နေတယ်၊၊ တကယ်လို့ ဆားကျောက်ဆောင်ပွင့်ကို ရှာမတွေ့ရင် သူ့သမီးလေး သေရတော့မှာလေ…၊၊

ဒါကို တွေးမိတာနဲ့ သူ့မျက်လုံးတွေ နီမြန်းလာပါတယ်၊၊

လင်းရှူက ကန်ဘောင်ဘေးမှာ ခဏ လမ်းလျှောက်ပြီး သူ့အိတ်နဲ့ လှံသေတ္တာကို မြေပြင်ပေါ်မှာ ချထားလိုက်တယ်၊၊

အဲဒီနောက် ထျန်းကျိပေးတဲ့ မျက်မှန်ကို တပ်လိုက်ပါတယ်၊၊

သူက မှန်ပြင်လို ငြိမ်သက်နေတဲ့ ရေပြင်ကို ကြည့်လိုက်တယ်၊၊ အသက်ကို ပြင်းပြင်းရှူပြီး ရေထဲကို ဦးခေါင်းကနေ စပြီး ခုန်ဆင်းလိုက်ပါတော့တယ်၊၊

ရေထဲ ရောက်ရောက်ချင်းမှာပဲ လင်းရှူဟာ အရိုးခေါက်မတတ် အေးစက်တဲ့ ဒဏ်ကို ချက်ချင်း ခံစားလိုက်ရတယ်၊၊

စစ်သည်တော် တစ်ယောက်ရဲ့ အဆုတ်အားက အရမ်းကောင်းသလို ကျင့်စဉ်တွေ သင်ထားတာကြောင့် အရေပြား ချွေးပေါက်တွေကလည်း အသက်ရှူနိုင်တဲ့ စွမ်းရည် အနည်းငယ် ရှိကြပါတယ်၊၊

သူက စိတ်ကို စုစည်းလိုက်တဲ့အခါ မူလစွမ်းအားတွေက သူ့တစ်ကိုယ်လုံးကို ဖုံးလွှမ်းသွားတယ်၊၊ အေးစက်တဲ့ ဒဏ်က ပြေပျောက်သွားပြီး နွေးထွေးလာပေမဲ့ အအေးဓာတ်ကိုတော့ ခံစားနေရတုန်းပါပဲ၊၊

မျက်မှန်က ညကြည့်စနစ် ပါတာကြောင့် လက်နှိပ်ဓာတ်မီးလိုပဲ အလင်းတန်းတွေ ထွက်လာပြီး ပတ်ဝန်းကျင် ရေပြင်ကို လင်းထိန်သွားစေတယ်၊၊

ဒါပေမဲ့ သူ ရေအောက်ကို နက်နက် ဆင်းသွားတာတောင် ဘာမှ ရှာမတွေ့သေးပါဘူး၊၊

သက်ရှိတွေ ဒါမှမဟုတ် ငါးဆိုလို့ တစ်ကောင်မှတောင် မတွေ့ရဘူး၊၊ ဒါက အရမ်းကို ထူးဆန်းပါတယ်၊၊

လင်းရှူ ပတ်ဝန်းကျင်ကို ကြည့်လိုက်တယ်၊၊ အခု သူက ရေအောက်ခြေကို ရောက်နေပြီဖြစ်ပြီး ရေဖိအားကြောင့် စပြီး နေလို့ မကောင်း ဖြစ်လာတယ်၊၊

မြေပြင်မှာတော့ ပုံစံမျိုးစုံရှိတဲ့ ကျောက်ခဲအမည်းတွေ ပြန့်ကျဲနေပါတယ်၊၊

ဒါပေမဲ့ ဆားကျောက်ဆောင်ပွင့် ဆိုတာမျိုးတော့ မတွေ့ရသေးပါဘူး၊၊

လင်းရှူကတော့ ကံကိုပဲ ပုံအပ်ပြီး ဆက်ရှာနေမိတယ်၊၊ တွေ့ဖို့ အခွင့်အလမ်းကတော့ အရမ်းကို နည်းနေတာပေါ့၊၊

လင်းရှူက ခေါင်းကို နှိပ်နယ်ရင်း အပေါ်ကို ပြန်တက်တော့မယ့် အချိန်မှာပဲ အဖြူရောင် အရိပ်တစ်ခုကို တွေ့လိုက်ရသလို ခံစားလိုက်ရတယ်၊၊

အဲဒါ ဘာကြီးလဲ၊၊

လင်းရှူ သတိထားလိုက်ပြီး အဲဒီဘက်ကို ချက်ချင်း ကူးသွားလိုက်တယ်၊၊

အဲဒီမှာ အဖြူရောင် ငါးနဲ့တူတဲ့ သတ္တဝါကြီးတစ်ကောင်ကို တွေ့လိုက်ရတယ်၊၊ သူ့မှာ ညှပ်လက်ကြီး နှစ်ခုလည်း ပါသေးတယ်၊၊

ဘာမှမစဉ်းစားဘဲ ခွဲခြားစိစစ်နိုင်တဲ့ မျက်လုံးကို သုံးလိုက်တဲ့အခါ -

အဆင့် ၄ ဧရာမလိပ်ဖြူငါး၊၊ ငါးနဲ့ တူပေမဲ့ ၁ မီတာကျော်အထိ ကြီးထွားနိုင်ပြီး စစ်သည်တော်တွေရဲ့ ကိုယ်ထည်ကို အလွယ်တကူ ဆွဲဖြတ်နိုင်တဲ့ ညှပ်လက်ကြီးတွေ ပါရှိတယ်၊၊

ဆားဓာတ် အရမ်းများတဲ့ ရေထဲမှာပဲ နေထိုင်တတ်တယ်၊၊

အဲဒီ အဆင့် ၄ ဧရာမလိပ်ဖြူငါးက လင်းရှူကို ခဏ စိုက်ကြည့်ပြီး သူ့ဆီကို ရုတ်တရက် ပြေးဝင်လာပါတော့တယ်၊၊

ရေထဲမှာ သူက အရမ်းမြန်တယ်၊၊ ညှပ်လက်ကြီးတွေကို ဟပြီး လင်းရှူကို ဆွဲဖြတ်ဖို့ ကြိုးစားနေတာပါ၊၊

လင်းရှူက ပတ်ဝန်းကျင်မှာ ရေကြောင့် မည်းနေတဲ့ လူ့အရိုးစုတွေ အများကြီး ရှိနေတာကို သတိထားမိလိုက်တယ်၊၊

ဒီသတ္တဝါက လင်းရှူကို တိုက်ခိုက်ဖို့ ပြင်နေပြီ၊၊ ရေထဲမှာဆိုတော့ လင်းရှူရဲ့ လှုပ်ရှားမှုက ကုန်းပေါ်မှာထက် အများကြီး နှေးနေတာပေါ့၊၊

ဒါပေမဲ့ အဆင့် ၄ ဧရာမလိပ်ဖြူငါးကတော့ ဘာမှ မဖြစ်တဲ့အပြင် သူ့ရဲ့ ညှပ်လက်ကြီးတွေနဲ့ လင်းရှူကို နှစ်ပိုင်းပိုင်းပစ်ဖို့ လုပ်နေပါတယ်၊၊

လင်းရှူက အဲဒီငါးကို ကြည့်ပြီး အကြည့်တွေ ပြောင်းလဲသွားတယ်၊၊ ဒါပေမဲ့ သူ့ဆီလာတဲ့ ညှပ်လက်ကို သူက ဖမ်းကိုင်လိုက်တယ်၊၊

သူက အရှိန်နဲ့ ညှပ်လက်ကို ဆွဲဖြတ်ဖို့ ကြိုးစားပေမဲ့ ဧရာမလိပ်ဖြူငါးက သူ့ရဲ့ နောက်ထပ် ညှပ်လက်တစ်ခုနဲ့ လင်းရှူကို တိုက်ခိုက်လိုက်ပြန်တယ်၊၊

“တောက်၊၊”

လင်းရှူ အန္တရာယ်နဲ့ ကြုံရတော့မယ်ဆိုတာ သိလိုက်တယ်၊၊

ရေထဲမှာဆိုတော့ သူ့ရဲ့ ခွန်အားတွေက ကျဆင်းနေပြီး ရှောင်ဖို့လည်း အချိန်မရှိတော့ဘူး၊၊

ဘာမှ လုပ်စရာ မရှိတော့တာကြောင့် လင်းရှူက ‘ဒေါသ’ စွမ်းရည်ကို သုံးလိုက်တယ်၊၊ သူ့ရဲ့ တုံ့ပြန်မှု အရှိန်က အဆပေါင်းများစွာ မြင့်တက်သွားပါတယ်၊၊

သူက ကျောက်ခဲအမည်းကြီး တစ်ခုကို ကန်ပြီး ရလာတဲ့ အရှိန်နဲ့ နောက်ထပ် ညှပ်လက်တစ်ခုကို အချိန်မီ ရှောင်လိုက်နိုင်ပါတော့တယ်၊၊