ရှင်သန်ရေးဂိမ်းထဲမှာ သစ်ပင်ခုတ်ရင်းချမ်းသာလာတယ်

အကျဉ်းချုပ် လီရွှမ်းဟာ သူ့ရဲ့စေ့စပ်ထားသူ လျိုရူယန် နဲ့ ညီအစ်ကိုရင်းချာလို ယုံကြည်ထားခဲ့တဲ့ ဝမ်ထုံ တို့ရဲ့ သစ္စာဖောက်မှုကြောင့် အဆိပ်ခတ်ခံခဲ့ရပြီး သေလုမျောပါးအခြေအနေကို ရောက်ရှိနေခဲ့သည်။ အဲဒီအချိန်မှာပဲ ကမ္ဘာတစ်ဝှမ်းကို တုန်လှုပ်သွားစေမယ့် အသက်ရှင်ရပ်တည်ရေးဂိမ်းကြီး စတင်လာခဲ့သည်။ ဂိမ်းစတင်ချိန်တွင် လူသားအားလုံးဟာ အန္တရာယ်များပြားလှတဲ့ သစ်တောကမ္ဘာထဲသို့ ရောက်ရှိသွားကြပြီး ကစားသမားတိုင်းဟာ မိမိအတွက် အထူးအရည်အချင်းတစ်ခုကို ရွေးချယ်ခွင့်ရရှိခဲ့ကြသည်။ တချို့က အဆိပ်အတောက်အမျိုးမျိုးကို ခံနိုင်ရည်ရှိစေမယ့် B အဆင့် အဆိပ်ဒဏ်ခံနိုင်စွမ်းကို ရွေးချယ်ကြသည်။ တချို့ကတော့ ကြီးမားလှတဲ့ ခွန်အားကို ပိုင်ဆိုင်စေမယ့် S အဆင့် သားရဲဘုရင်ခန္ဓာကိုယ်ကို ရွေးချယ်ခဲ့ကြသည်။ သို့သော် လီရွှမ်းကတော့ လူတိုင်း မမျှော်လင့်ထားတဲ့ ရွေးချယ်မှုတစ်ခုကို ပြုလုပ်လိုက်သည်။ သူရွေးချယ်ခဲ့တာက ဂိမ်းတစ်ခုလုံးရဲ့ အမြင့်ဆုံး SSS အဆင့် အရည်အချင်း — “သစ်ခုတ်ခြင်းဖြင့် အဆမတန် စွမ်းအားတိုးပွားခြင်း” ပင်။ ဒီအရည်အချင်းကြောင့် သစ်ပင်တစ်ပင်ကို ခုတ်လိုက်တိုင်း ရရှိလာတဲ့ သစ်တောအရင်းအမြစ်တွေဟာ ပုံမှန်ထက် အဆပေါင်းများစွာ တိုးပွားလာခဲ့သည်။ ဆယ်ဆ၊ ရာဆ၊ ထောင်ဆ၊ သောင်းဆ... တခြားကစားသမားတွေဟာ အရင်းအမြစ်တစ်စက်ရဖို့တောင် အသက်နဲ့ရင်းပြီး ရှာဖွေနေရချိန်မှာ လီရွှမ်းကတော့ သစ်ပင်တွေကို ခုတ်ရင်းနဲ့ အရင်းအမြစ်တွေကို အဆမတန် စုဆောင်းနိုင်ခဲ့သည်။ ထူးဆန်းအံ့ဩစရာကောင်းတာက သစ်ပင်ခုတ်ရင်းနဲ့ပင် အမျိုးသမီး နတ်သူငယ်တစ်ဦးကို ရရှိလာခဲ့ခြင်းပင်။ ဒီကနေစပြီး လီရွှမ်းရဲ့ သစ်တောကမ္ဘာထဲက အင်အားတိုးတက်ရေးလမ်းကြောင်းဟာ လုံးဝပြောင်းလဲသွားတော့သည်။ အရင်းအမြစ်တွေကို အဆမတန် စုဆောင်း၊ ခိုင်မာတဲ့အခြေစိုက်စခန်းတစ်ခု တည်ဆောက်ပြီး ကိုယ့်ရဲ့အင်အားကို အဆင့်ဆင့် မြှင့်တင်ရင်း လီရွှမ်းဟာ တဖြည်းဖြည်းနဲ့ သစ်တောကမ္ဘာရဲ့ အင်အားအကြီးဆုံး ကစားသမားတစ်ဦး ဖြစ်လာခဲ့သည်။ အခြားကစားသမားတွေက အသက်ရှင်နိုင်ဖို့အတွက် နေ့စဉ်ရုန်းကန်နေရချိန်မှာတော့ လီရွှမ်းက... “သစ်ပင်ခုတ်ခြင်း” တစ်ခုတည်းနဲ့ပင် သစ်တောကမ္ဘာရဲ့ အချမ်းသာဆုံးပုဂ္ဂိုလ် ဖြစ်လာခဲ့သည်။